توجه الى غرفتها وظل يبحث عن اى شئ يمكنه من
خلاله الوصول لها ولكنه لم يجد شئ ...لفت انتباهه
مجموعه من الحقائب الموضوعه بجانب خزانتها نظر لها بعدم اهتمام ثم غادر الغرفه ،ظل ينتظر عودتها ساعه ،ساعتين ولكن دون جدوى ...خرج للبحث عنها وهاتف خلف لعلها ذهبت أليه ولكنه لم يصل لاى شئ ....ذهب لمنزل سراج القديم وشركته ولكن لم يجد لهم أى اثر عاد للمنزل
املا ف عودتها ولكنه وجد خلف فى اانتظااره
خلف بقلق : لقيتها ؟
=لا حتى بيت سراج اللى كنا بروحله فيه مفيش حد موجود فيه ولا حتى ف الشركه كمان انا خايف يكون جرالها حاجه
-لا ان شاء الله هتكون كويسه وبخير
(رن هاتف حمزة معلنا عن وصول رسالة فتحها ليجدها من ألين ...نظر لهاتفه وظهرت عليه علامات الذهول والغضب ولكنه سرعان ما قام بأخراج رقمها
وقامت بالاتصال عليها ولكن الهاتف مغلق )
خلف بقلق :ف ايه ؟
حمزة بذهول :دى من أيلينا
-بجد طيب فيها ايه ؟
= (قراء الرساله بصوت عالى ) "ليسا وجينا صحابى وصولوا من امريكا وقالوا عايزين يلفوا ف المدينه شويه ف انا هروح معاهم وهخرج معاهم وهتاخر شويه ...انا حبيت ابعتلك المسج دى عشان متقلقش ومتزعقليش بعدين بأنى خرجت من غير ما قولك ...اه وتلفونى ممكن يفصل شحن " (اغلق الهاتف ثم هتف بغضب ) يعنى الهانم بتتفسح وتخرج مع صحابه وانا هنا هموت من القلق عليها ...بجد عمرى ما شوفت واحده عديمه المسؤليه قدها
خلف بشك : مش ممكن تكون المسج دى مش منها اصلا ؟ مش معقول انهاا تخرج فى وقت زى دا احنا لازم نتاكد الاول قبل ما نشك فيها
-لا منها انا شوفت شنط فوق ف اوضتها كنت مفكرهم ليها بس دلوقتى فهمت دول بتوع صحابها
-برضو لازم نتاكد انت حاطط كاميرات على مدخل البيت صح ؟
=ايوا
-تعالى نشوفهم
(انصاع لطلبه واخرج حاسوبه وبدأ فى تفحص كاميرات المراقبة ...ظل يقدم فى الفيديو الى ان وصل الى اللقطه التى خرجت فيها من المنزل وجدها تتجه ناحيته السياره ودلفت بها دون اعتراض ...قال بسخريه ) اتفضل ي سيدى اهو طلع كلامها صح اهو ؟
-(قال بعدم اقتناع ) غريبه دى
=لا غريبه ولا حاجه ...انا غلطان اصلا انى كبرت الموضوع ...مفروض كنت اعرف من الاول انها واحده مبيهمهاش حد وبتفكر ف نفسها وبس
-هو انت مبتعرفش تعمل اى حاجه غير انك تلومها وبس ؟
=ألومها ؟ انا مبلومهاش انا بقول الحقيقه اللى كلكم بتنكروهاا ...دى وحدة انانيه فى ظل الظروف اللى احنا فيها دى وكل اللى بيحصل حولها رايحه تتفسح مع صحابها ولا هاممها ...دى حقيقته اللى كلكم بتتجاهلوها
-(قال بعصبيه ) لو هى فعلا مبتفكرش غير ف نفسها ....مكنتش اخدت الرصاصه بدالك ؟ ومكنتش هتيجى ورايا عشان تنقذى من رجاله
سراج ؟ .....كانت هتقول وانا مالى ...ألين عمرها ما كانت انانيه ..ولو فى حد انانى يبقى انت الحد دا... انت واحد مفكر نفسك الوحيد الصح والباقى غلط ,انا ألين صعبانه عليا لانها بتح....(صمت لهوله ثم اكمل) انا همشى ومش هسكت ألا لما ألقاها لانى واثق ان فى حاجه غلط وهعرف ايه هى الحاجه دى
(تركه وغادر المنزل وكان فى طريقه للبحث عنها ولكن رن هاتفه وكانت المتصلة والدته )
الام بفرحه عارمه : سهى رجعت ي خلف اختك رجعت
خلف بفرحه مخطلته بذهول : بجد ؟ ازاى ؟ وايه اللى حصل
الام : لما تيجى هحكيلك ..تعالى لانها بتسأل عليك وعايزة تشوفك
=(قال وهو يتجه ناحيته منزله ) حالا وهكون عندك
(توجه لمنزله لرؤيه شقيقة )
___________________________
عند سراج وألين كان مصوب مسدسه بأتجاه رأسها وهى ممسكه بهاتفها ترسل ل حمزة المسج التى طلب منها ان ترسلها له بطريقه طبيعيه كى لا شك ف الامر ...بعدما انهت ارسال الرساله اخذ الهاتف وقام بتكسيره الى اشلاء
-(قال بأبتسامه ساخره ) بتحبيه للدرجه دى ؟ لدرجه انك تضحى بحياتك فى سبيل انه ميجيش هنا واخلص عليه !!
=انا عملتلك كل اللى انت عايزة قولتلى ابعتله مسج بعت وكتبت كل اللى اانت عايزة فيها ...ملكش دعوة بيه ااو بأى حد يخصنى ...لو عايز تعمل حاجه ف حد اعمل فيا اانا وسيبهم ف حالهم
-وانا عملتلك اللى انت عايزاه وخليت رجالتى يرجعوا اخت خلف لبيته
=انت رجعتها عشان تلهى خلف بيها ومتخليهوش يدور عليا ...انا فهماك كويس قوى بس اللى مش فهماه انت بتعمل كدا ليه ؟ انت اكيد مكنتش كدا اول ما اتعرفت عليك ...اكيد انا مكنتش مخدوعك فيك للدرجه دى ؟ الا بقى انك ممثل شاطر وقدرت تخدعنى ....دا اانا حبيتك زى والدى
=عايزة تعرفى انا عملت كدا ليه ؟ ...هقولك اهو نتسلى لحد ما يجوا ...فاكره بنتى جميلة !
-ايوا بنتك الكبيره اللى كانت بتيجى واحنا صغيرين وتلعب معايا فى البيت قبل ما يرجعوا على هنا "مصر "
=(ضحك بسخريه ) هههههههه يرجعوا على مصرههههههههه والله ضحكتينى
-انا قولت ايه غلط ؟
=هتعرفى بعدين ...فاكره يوم تخرجك من الثانويه ولما رجعتى البيت وكان فاضى لان والدك ومراته كانوا مسافرين وانا وقتها كنت فى بيتى ؟ ووقتها جين كان شارب و استغل فرصه انك فى البيت لوحدك وكان بيحاول يدخل البيت ووقتها انتِ اتصلتى عليا وطلبتى انى اجى وأمشيه قبل ما يقتحم البيت عليكى ؟
-ايوا فاكره
=بعد ما جيت وانقذتك منه اصريتى انى اقعد معاكى لانك خايفه ليرجع تانى وقتها كنتى فى حاله خوف قعدت معاكى واستنيت لما تنامى واطمنت عليكى وقتها جالى اتصال من جميلة وانتِ صحيتى من النوم مفزوعه على صوت التلفون وفضلتى تبكى وتقولى اقفل التلفون دا ...وقتها عملته صامت وماردتش عليها ورجعتك تنامى تانى
-انا عارفه الكلام دا ليه بتحكيهولى
=عشان اقولك الجزء اللى متعرفيهوش (اكمل بغل ) فى الوقت اللى جميلة كانت بتصل فيه عليا كانت وقتها فى الشغل اللى كانت بتروحه من ورانا ...كانت عايزة تساعدنى ف مصاريفها هى واختها
الصغيرة ....كانت بتشتغل ف محل ملابس عند واحد ميختلفش عن جين فى حاجه ...وقتها كل البنات اللى كاانوا معاها خلصوا شغلهم وطلب منها تفضل تفضى المخزن وترتبه ...رفضت وقالتله هتأخر قالها ي تعملى اللى بقولك عليه ي ماتجيش تانى ...وافقت للاسف واستغل الفرصه اانها لوحدها حاولت تتصل بيا انى اروح وانجدها بس انا كنت معاكى ... ومقدرتش تدافع على نفسها واعتقد فهمتى ايه اللى حصل ....لا وكمان مكفهوش اللى عمله فيها لا دا قتلها كمان وحرق جثتها عشان يخفى اثار فعلته ودفنها ف مكان بعيد ...لما رجعت من عندك تانى يوم فضلنا ندور عليها بس معرفناش مكانها يوم والتانى معرفناش نوصلها لحد ما وااحده من صحابها اللى كانت تعرف موضوع شغلها ف المكان دا قالتلنا ووقتها روحت وسألت عليها ....كلهم انكروا انهم يعرفوها او انها راحت هناك من اصله حتى المدير ال**** انكر انه شافها بس وقتها حسيت انه براوغنى وكان متوتر ...وقتها فهمت انه كذاب وانى لو بلغت البوليس مش هيعملوا وحاجه وخصوصا انه ابن راجل سياسى كبير ف البلد وانا حيلا حتته واحد جليس اطفال لا روحت ولا جيت ....قررت انى اراقبه بنفسى وفضلت وراه ومراقبه ...وعرفت ان بنتى مكنتش الاولى ولا الاخيره ...ولما لاحظ انى براقبه بعتلى كاام راجل من بتوعه عدمونى العافيه ووقتها بعتلى معاهم
مسج لسه صداها بيتردد فى ودانى لحد دلوقتى " مش انا اللى صعلوك زيك يتحدانى ويفكر انه يقدر يوقعنى ....لم نفسك وخاف على بنتك ومراتك ل يحصلوا بنتك "
ووقتها ظهر قدامى وحكالي بكل بروود اللى عمله ف بنتى وكان بيضحك وانا بغلى من جوايا ومش قادر اتحرك ولا اعمل اى حاجه ...بينلى قد ايه انى ضعيف ومقدرتش انى احمى بنتى ...(قال بصوت مخنوق )انا ضعيف ومقدرتش احمى بنتى (ثم تحولت نظراته من الحزن للغضب والحقد وامسك وجهها بيده بعصبيه )لا انا مش ضعيف ...انتِ السبب لولاكى أنتِ كان زمانى دلوقتى انقظتها هى بدل ما كنت قاعد مع واحده مدلعه زيك ..(ثم اكمل وهو يدفعها للخلف بعصبيه ) انتِ السبب انتِ السبب .......(ثم اكمل وفى عينيه نظره شر وغضب ) لما دورت ف اوراقها لقيتها كاتبه مذكراته عرفت قد ايه انها كانت حزينه قد ايه كانت بتتمنى انها تكون مكانك وانى اقضى معاها ولو ربع الوقت اللى بقضيه معاكى ...انتِ متخيلة يعنى ايه ... بنت اقصى امانيها ان والدها يقعد معاها ويسمعها ؟ بنتى كانت مدمره نفسيا بسببك انتِ ....وقتها قررت انى انتقم لها من اللى قتلها واللى كان سبب فى قتلها اللى هى انتِ ....قررت ابعت مراتى وبنتى على هنا وابعدهم عن امريكا باللى فيها عشان ميبقاش ليا حاجه يقدر يهددنى بيها وبعدها اجهز نفسى ولازم اكون اقوى منه واحد عرفنى على العصابه دى اشتغلت معاهم بجانب انى فضلت معاكى ومكمل ف الشغل وانا نفسى اطبق فى زماره رقبتك واخلص منك بس قررت انى ااستنى وكنت خلاص هخلص منك لكن لحسن حظك ماجى خدمتك وقررت انها تطردنى وتمشينى من الشغل وروحت اشتغلت مع والدك و رب ضرة نافعه شغلى مع والدك سهل شغلى مع العصابه دى وخلانى انفذلهم شغلهم كله ومع الوقت فضلت اكبر واكبر واكبر لحد ما قدرت اوصل لرئيس العصابه وخليته خاتم ف صباعى وخلصت منه واخدت مكانه وبقيت الرئيس بتاعهم وغيرت الباسورد لتاريخ ميلادها ووظفت ناس جديده تشتغل بطريقتى .... وقتها قدرت انى احقق اللى انا عايزة ....وبدأت ف خطة انتقامى منه وقتلته بنفس الطريقه اللى قتلت بنتى بيها وشفيت غليلى منه ....والدور جه عليكى بس الحظ خدمك للمره التانيه وعرفت انك جيتى على هناا قررت انى اجى واخلص منك ....تواصلت مع والدك وقالى عنوانك وسألت جين عنك يمكن يقولى اى اخبار عنك وقالى على االبرامج اللى طلبتيها منه ...قولت ابعت جهاز مراقبه فى الفلاشه عشان اعرف انتِ بتعملى ايه لحد ما اظبط امورى وارجع على هنا اهو عينى تكون عليكى ...وشوفى بقى حكمة ربنا ان الجهاز دا عرفنى كمان مين اللى اخترق الموقع ...ف قررت ألعب معاكوا شويه واوصلكم معلومات غلط يعنى مثلا
حطيتلكم لوجو شركه الامن اللى بنشتغل معاها وبعتنا حراس من الفرع اللى فى اسكندريه ...دا الفرع اللى المديربتاعه دماغه ناشفه وسايق علينا دور الشريف ورفض الشغل معانا وحطينالكم كل الاسباب اللى تثبتلكم انه متورط فى الحكايه دى وبكدا ضربنا عصفورين بحجر واحد
اما موضوع دار الايتام ف دا كان ف الاول سهل لاننا كنا مخبيين الاطفال اللى هنبيعهم فى الاوضه السريه لولا انك عرفتى المكان وكمان شوفتى الحراس وهما بينقولوا الصناديق اللى كنا جايبين فيها البضاعه الجديده ...ولما شوفتيهم عرفنا انك هتبلغى البطل بتاعك ومش بعيده تبلغوا البوليس ...اضطريت انى أخليهم يرجعوا االصناديق تانى لمكانها مع دا كان خطر بس اهى موته ولا اكتر واخدنا البضاعه كلها ورمينها ف المايه ورجعنا الصناديق وهى فيها رز وحاجات من دى عشان لو حكيتى لحد وحاول انه يجى الدار يلاقى ان كلامك صح بس مايلاقيش غير بضاعه ومواد للاكل وميصدقكيش ...والمفاجأه الاكبر كانت يوم ما جبتيه عندى البيت قال ايه عايزة تخبيه عندى كنت ناوى اقتلكم واخلص منكم بس خوفت ل تكونى معرفه حد وابوظ كل حاجه فى لحظه طيش ف قررت انى اصبر لحد ما يجى الوقت المناسب
-طيب ليه خطفت اخت خلف ؟
= خلف دا طلع قدامى صدفه تاريخ ميلاده نفس تاريخ ميلاد بنتى ...قررت انى استخدمه اوصله الاوامر يوصلها للناس بنفسه ولو حصل واتمسكوا يبقى كل الادله ضده هو وانا هكون ف السليم والكل يشك فيه ....فقررت اخطف اخته واستخدمها كتهديد ليه..لكن دلوقتى خلاص انا مبقتش عايزة بقى كارت محروق بالنسبالى وكمان انا وقعدتك انى ارجعها وكان لازم ارجعها
-بس انت عرفت مكانه ازاى ؟ اخته مخطوفه من قبل ما اانا اجى على هنا
=خلف كان ف امريكا ....كان بيغطي حدث ملكة الجمال اللى صحبتك ليسا كانت مشتركه فيها ..الامن اللى كان هناك كان تبعنا ولما شاف بطاقه خلف ....شك ان ممكن يكون خلف هو الرئيس بتاعهم وفضل يراقبه بما انهم ميعرفوش مين الرئيس ....والخبر وصلى قولت ليه لا طالما واحد شك يبقى اخلى الباقى يشك ومش بس كدا اثبتلهم كمان ان هو الرئيس وأمن نفسى بيه
-(قالت بعدم تصديق وذهول ) مش ممكن انا مش قادره انا حاسه انى بحلم ....معقوله تكون بالشر دا ...اللى حصل ل جميلة دا كان قدرها هو اه كانت نهايه وحشه وحاجه توجع القلب بس مش لدرجه انك تتحول ل شطان وتدمر كل اللى حوليك بالطريقه دى ...لو قولنا ان الشاب اللى عمل فيها كدا غلط يبقى مفروض تعرف البوليس وهما يجبوا حق بنتك منه مش تقرر كدا تنتقم منه وتتحول ل قاتل .....ياسيدى فى داهيه انا وفى داهيه الراجل دا خد حقك مننا ...بس الاطفال والشباب والبنات اللى بتضيعهم بشغلك دا ذنبهم ايه وذنب اهلهم ايه ؟
=وانا بنتى كان ذنبها اايه ؟ ومراتى اللى اتحرمت من بنتها فى عز شبابها وجالها كل الامراض اللى فى الدنيا ذنبها ايه هى كمان
-انت مريض ومحتاج دكتور نفسى ...انت ازاى واحد مؤمن ب ربنا وكتابه . قضاءة وقدرة !!
=انتِ عشان بره الموضوع بتقولى كدا لكن لو كنتى جواه زينا مكنتيش هتقولى كدا ...على العموم الكلام مش هيفيد ف حاجه ....انا حكيتلك بس عشان تعرفى انتِ هتموتى ليه ! (شاور ل اثنين من رجالته ) خدوا بالكم منها لحد ما ارجع ...وأياكوا تهرب منكم (تركها وغادر المكان اخرج هاتفها وهاتف جين )
-المفاتيح وصلتك و ووصلت الشنط زى ما قولتلك !
=ايوا والبنات معايا هنا ! بس فين ألين وانت جيبت المفتاح بتاعها منين ؟
-هتجيلك مش انا وعدتك انى هسلمهالك ؟ خلاص اصبر بقى
=انت عارف لو لمست شعره منها هقتلك ي سراج
-اتلهى هو انت بتقدر تقتل نموسه اصلا (اغلق الخط فى وجهه ....نظر للرجل الواقف امامه )
-بلغ الرجاله ان التسليم هيكون النهارده الساعه 2 وانا هكون موجود بنفسى وقت التسليم ....وكلمت الدار كمان قولهم ينقلوا الاطفال ف نفس الوقت لازم كل حاجه تخلص النهارده ...عندى طياره كمان اربع ساعات ونص لازم اكون بره البلد فى اسرع وقت
=حاضر
_____________________
وصل خلف لمنزله وجد والدته جالسه على الاريكه وتحتضن شقيقته وهى تبكى
خلف وهو يتجه ناحيتهم ويحتضنها : وحشتينى ي حبيبتى ...انتِ كويسه فيكى حاجه ؟
(لم تتفوه بكلمه ولكنها نظرت له وتشبثت به وهى تبكى )
خلف : انا اسف واوعدك مش هخلى حد يقربلك ولا يلمس شعرة منك بعد كدا
الام ببكاء : الحمد لله ي بنى انها رجعت بالسلامه ...انا سمعت الجرس بيرن وروحت فتحت لقيتها واقفه قدام الباب ..وبحاول اكلمها مبتردش عليا
خلف وهو يقبل جبين شقيقته : متقلقيش هى هتبقى كويسه سهى بطله وهتنسى كل اللى حصل دا
الام :طيب انا هدخلها تاخد شاور كدا وترتاح شويه
(اومأ لها جلس على الاريكه ولكنه تذكر شئ ما ...خرجت والدته وتوجهت ناحيته )
خلف وهو ينهض : انا هكلم دكتور من الدكاتره النفسيه زمايلى يجى يتابع معاها ...هى دلوقتى ف صدمه عصبيه وانتِ خدى بالك منها واوعى تسيبيها اى ان كانت الظروف ايه خليكى جنبها ومتسأليهاش على اى حاجه حصلت معاها لحد ما هى تبدأ وتحكى من نفسها
الام : حاضر ....انت رايح فين ؟
خلف : فى حاجه لازم اعملها وهرجع علطول
الام :خد بالك من نفسك
خلف :لا إله ألا الله
-سيدنا محمد رسول الله
كانت الساعه 11 عشر مساءا ...توجه الى منزل حمزة ودق الجرس الى ان فتح له
حمزة بسخريه : لقيتها ؟
خلف : شيل السخريه اللى فى كلامك دى لانى انا عارف انك هتموت وتطمن عليها زيي ويمكن اكتر كمان ...المهم انا كنت جاى اقولك على حاجه لسه واخد بالى منها حالا
=طيب تعالى ادخل (دلفوا للداخل )
-احنا شوفنا ألين بتركب معاهم العربيه ....بس ماشوفنهمش بينزلوا من العربيه شنط ...يبقى كدا الشنط دى جت ازاى وظلعت اوضتها ؟ ؟
=ايوا صح ....احنا ازاى فاتنا حاجه زى كدا
-هات اللاب وافتح الكاميرات تانى كدا (فعل مثلما قال رأوا جين وهو يحمل الحقائب ويدلف للمنزل وبعدها خرج من المنزل وغادر المكان )
شوفت !! مش معقوله يعنى انهم جُم لحد هنا وبعدها رجعوا الشنط مع جين ! اكيد الموضوع دا فيه إن وان شكى صح..الرساله دى تمويه عشان مندورش عليها
=احنا لازم نروح للواد دا ونعرف منه هى فين
-بس احنا منعرفش لا عنوانه ولا رقم تلفونه
=بس معانا رقم عربيته ....هنروح ل عمار وهو يبحثلنا عنها ...يلا بينا لازم نتحرك بسرعه ل يعملوا فيها حاجه
(تحركوا من المنزل وتوجهوا الى قسم الشرطه حيث يوجد عمار )
_____________________
ظلت اصاله بجوار والدتها تعتنى بها فغدا موعد العملية ...بعدما اطمئنت على والدتها خرجت من الغرفه لتجد أمير مازال بالخارج
-انت لسه هنا بتعمل ايه ؟
=قولت استنى يمكن تحتاجوا حاجه
-هما وافقوا انك تفضل هنا ازاى ؟ معاد الزيارة انتهى من بدرى
=ما فى وااحد فى الاوضه اللى جنبكم مش معاه مرافق اقعدت ساعدته واديته ادويته وطلبت منه يقولهم انى مرافق معاه وهما سابونى معاه وبعد ما اطمنت انه نام وارتاح طلعت اطمن عليكوا لقيت طنط نايمه وانتِ قاعده جنبها محبتش ادخل واضايقك
-طيب روح ارتاح ف البيت انا تعبتك معايا ....وشكرا على كل اللى عملته معانا
=مفيش بينا الكلام دا ...انتِ متعرفيش انتوا بالنسبالى ايه
-(قالت بأبتسامه ) لا عارفه ...وربنا وحده اللى يعلم ان الغلاوة واحده ....صحيح نسيت اقولك انى قلعت دبلة حمزة وكنت ناويه اكلمه ف موضوع فسخ الخطوبه لولا عمليه ماما ...وانت مش السبب علفكره انا كنت ناويه اعمل الخطوة دى من وقت ما اكتشفت انى......(صمت ونظرت للجه الاخرى)
=(امسك بوجهها ليجعلها تنظر له ) اكتشفتى ايه ؟ قوليها ولو مره واحده بس ...قولى اى حاجه تطفى النار القايده جوايا دى بقالها سنين
-ايوا بحبك ارتحت (تلعثمت ف الكلام وتراجعت للخلف ...كانت على وشك السقوط من شده احراجها ولكنها امسكها )
اصاله وهى تبتعد عنه :هتفضل معايا علطول ؟حتى وانا ب اسوء حالاتى ؟ لما ابكى ...لما اصرخ ..حتى لما اقع
=(قال وهو ينظر لها بحب ) اااانا كنت ديما معاكى وليكى وهفضل كدا لاخر العمر
-(قالت ببكاء )انا اسفه... اسفه انى جرحتك من غير ما اقصد واسفه انى اكتشفت الموضوع متأخر ...انا عارفه انى مستاهلش واحد زيك بس انا...
=(قاطع حديثها )هششش مش عايز اسمع حاجه تانى ...كفايه انك معايا دلوقتى ...مش هعوز اى حاجه تانى من دنيا دى غيرك
" اعشقك.. اقسم بالله انني لم اعشق حواء غيرك يومًا " !! (حته رومانسي اهو تطلعنا من المود دا 😂)
______________________
وصولوا الى مركز الشرطه وطلب عمار من رجاله البحث عن رقم سياره جين
اتى اتصال ل عمار من اللواء مجدى يطلب منه الحضور لمكتبه على الفور توجه الى مكتب اللواء
عمار بعدما قام بتحيه اللواء :حضرتك طلبتنى ؟
اللواء :اقعد ي عمار
-(نظر عمار للفتاه الجالسه امام اللواء بأستغرتب ثم نظر للواء ) تحت امرك ي فندم
=الامر لله ...قولى وصلت لفين فى القضيه اللى انت ماسكها
(نظر له بذهول )
=متستغربش كدا اسلام الله يرحمه كان قايلى على كل حاجه ..بس الاول احب اعرفك ب ميرا او بمعنى ...اصح الملازم الاول سلمى
عمار بعدم فهم :اهلا وسهلا بس انا مش فاهم حاجه ...انا شوفتك فى المكتب عند حمزة
سلمى : انا هفهم حضرتك ....فى ملهى ليلى اسمة ***** انا كنت شغاله على قضيه الملهى دا اللى بيخلى البنات الموجوده فيه فى انهم يغروا الزباين فى نفس الوقت بيوزعوا الهروين عن طريقهم ...انا دخلت المكان دا على انى رايحه اشتغل هناك وبعد ما بعدت الشبهات عنى بدأوا يوثقوا فيا لحد ما عرفونى طبيعه الشغل ف المكان ايه ....وعرفونوا طرق التوزيع بتاعتهم على الشباب والبنات اللى بتيجى الملهى دا .. كنت مفكره ان الملهى دا مجرد مكان لتجاره الهروين ولو قبضنا على اللى فيه الحكايه هتنتهى لكن عرفت بعدها بأنهم اكبر من كدا بكتير ...دول بيهبروا بره البلد وبيستوردوا كمان حاجات تانيه قرر استنى لحد ما اعرف مين اللى وراهم ....لحد ما جالى واحد ف يوم وقالى ان شغلى عاجبه وعرض عليا انى اشتغل لحسابه ....سألت عنه وعرفت انه يعتبر الراجل الكبير بتاعهم اللى هو تحت رئيس علطول ومسمى نفسة "الزعيم " وافقت قولت اكيد دا اللى هيقدر يوصلنى للرئيس بتاعهم ...والشغل اللى عرضه عليه هو انى اروح واراقب حمزة وايلينا على اساس انى بنت صاحب الشركه كان عايزنى اوصله كل المعلومات عنهم وكمان احاول اوقع بينهم وكان بيطلب منى اجيبله اوراق من مكتب حمزة بس مكنتش بلاقى اوراق مهمه ....لحد ما النهارده ما سمعت الزعيم دا وهو بيتكلم مع رجالته وبيقولهم ان المعاد العمليه الكبيرة النهارده والتسليم هيتم فى الصحراء بس معرفش الوقت امتى بصراحه
عمار : النهارده ؟ دى الساعه 11.30
اللواء :اجمع القوات وجهزوا نفسكوا فى اى وقت هنتحرك
(رن هاتف عمار وكان المتصل حسن ف اجاب عليه على الفور )
حسن :مش دا محل الخضرى ؟
عمار :ايوا ي فندم تحت امرك
-انا عايز تبعتلى 5 كيلوا خيار لو سمحت والعنوان انت عارفه عنوانى القديم
=تمام ...هبعتلك الاوردر مع الصبى
(اغلق معه ونظر لهم ) هينقلوا الاطفال النهارده للمستشفى الساعه 2
اللواء :يعنى هما هيعلموا العمليتين فى يوم واحد ؟
سلمى بعدما تذكرت شئ ما :اكيد اه وفى وقت واحد كمان ... دى طريقتهم فى التمويه لما كنت معاهم ف الملهى كانوا بيأمروا البنات كلهم بأنهم يخرجوا فى وقت واحد مع بعض بس كل واحده فيهم تمشوا من طريق شكل نوع من انواع التمويه طبعا بيوزعوا كميات صغيره عليهم الكميات اللى بيوصولها للشباب الصغير اللى ادمن على الحاجات دى......واللى فيهم بتوصل لاخر الطريق تتصل تعرفهم بأن الطريق كان فاضى ومفيهوش بوليس فبيتحركوا بالكميات الكبيرة وهما متطمنين عشان يسلموها للتجار الكبار ....عشان كدا انا متاكده انهم هينفذوا العمليات كلها النهارده الساعه 2 ...عمليه نقل الاطفال للمستشفى وهيعملولهم العمليه ....وعمليه توزيع الهروين اللى البنات بتقوم بيها ....والعمليه الكبيره اللى هتم ف الصحراء طريق مصر اسكندريه الصحراوى
عمار :يبقى لازم نتحرك حالا ونطلب امدادت ونجهز نفسنا ونحط الخطه
اللواء : روحى معاه ي سلمى وربنا معاكم انا هطلعلكم اذن النيابه
(نهض كلا من عمار وسلمى وقموا بجمع الكتيبه وبدأوا ف وضع خطته الهجوم )
_______________________
عند جين بعدما انهى اتصاله ب سراج ظل حائرا وقلقا على ألين
ليسا :ألين فين ي جين انت قولت انها قالتلك انها هتيجى تقابلنا هنا هى فين ؟متخليناش نندم اننا طلبنا مساعدتك بانك توصلنا ليها
جين بقلق :زمانها جايه ...هى هتروح فين يعنى
ليسا بشك : انت مخبى عننا ايه ؟ ألين كويسه صح ؟
جين : اه طبعا "اعمل ايه دلوقتى انا خايف يكون حصلها حاجه ....من وقت ما ليسا وجينا رجعوا من امريكا واتصلوا عليا يسألونى على مكان ألين واديهم عنوانها لانها مابتردش على اتصالهم بقالها يومين ...قولت اخليهم يجوا لعندى... على انهم حجه بانى اقابل ألين واثبتلها انى انسان كويس ...بس سراج لما عرف بوجودهم خلانى ابعت شنطهم على بيت ألين واخليهم معايا ف البيت وماقولهمش على عنوان ألين لحد ما يقولى وانا قلقان حاسس انه بيخطط ل حاجه فيها اذيه ل ألين "
جينا بضيق :احنا كنا جايين نفاجئ ألين بزيارتنا ليها مش نفاجأك انت ما تقولنا ي عم انت فين مكانها ؟
جين :قولت اهدأوا شويه ... ألين دلوقتى نايمه الساعه دلوقتى 12 زمانها نامت روحوا انتوا كماان ناموا ولما تصحوا الصبح هاخدكم ليها ...يلا
جينا :انت عايزناا ننام معاك انت هنا ؟ لا طبعا احنا نخاف على نفسنا منك
جين :لا مخافيش ي ست جينا ..انا هسيب البيت وهروح ابات ف مكان تانى وهسيبكم على راحتكم بس انتوا اقفلوا على نفسكم كويس ومتفتحوش ل أى حد ...وبكره هبقى اجى اطمن عليكم وهجيبلكم ألين معايا كمان
ليسا : اوكى ...بس لو مجتش ألين معاك انا هبلغ عنك البوليس واقول انك خطفتها فااهم ولا لا
جين وهو يتحرك للخارج : اوكى ...يلا روحوا ناموا
(تركهم وغادر المكان وقرر الوصول لها ...ومعرفة ما يفكر به سراج )
___________________
اجتمع كلا عمار وسلمى مع الضباط ووضعوا الخطه التى سيقوموا بتتبعها للقبض على العصابه قسموا
انفسهم الى ثلاث مجموعات المجموعه الاولى بقيادة سلمى سيتوجهوا الى الملهى الليلى وينتظروا
معاد خروج البنات لتوزيع اكياس الهروين على
الناس وينتظروا الى ان تهاتف احاداهن صاحب
الملهى لتخبرة عن الطريق الخالى من الشرطه
وبعدها سيقوموا بتتبعه الى ان يصل الى نقطه
التسليم سيقوموا بألقاء القبض على الطرفين الطرف الذى سيقوم بتسليم البضاعه والطرف الذى
سيتلقاها ....وبعدها سيتجهوا للملهى ليخلصوا
الفتيات من هناك .
اما المجموعه الثانيه سيقودها ضابط زميل ل عمار سيتجه الى المشفى ينتظر السيارة التى سيقوموا بتقل الاطفال بها وبعدما يدلفوا الى غرفة التى سيتم وضعهم فيها...سوف يلقوا القبض على الاطباء المشتركين فى تلك الجريمه
اما المجموعه الاخيرة سيكون عمار هو القائد سيتجهوا الى طريق القاهرة الصحراوى وينتظروا معاد التسليم وبعضها فى الوقت المناسب سيلقوا القبض عليهم جميعا...بحضور سراج الرأس الكبيرة
بعدما اتفق عمار مع رجاله على كل شئ ...توجه الى حيث يوجد كلا من خلف وحمزة واخبرهم بمكان عربيه جين
حمزة : طيب انا هاخد خلف ونروح ندور عليه
عمار : تمام وانا والرجاله هنتحرك دلوقتى نروح مكان التسليم لازم نكون هناك قبل ما يوصلوا
تحرك الجميع للمكان المراد
وصولوا لمكان وجود السيارة توجهوا للمنزل وظلوا يطرقوا الباب عدة مرات الى ان استيقظت كلا من ليسا وجينا وتوجهوا الى الباب
# ملحوظه الكلام هنا هيبقى باللغة العربيه الفصحى... يعنى انهم بيتكلموا انجليزى #
ليسا من خلف الباب بخوف : من الطارق!!
حمزة : اريد ان اتحدث مع جين من فضلك
ليسا : جين ليس هنا من فضلك اذهب الٱن
خلف : ولكن نحن نريد التحدث معه فى امر غايه فى الاهميه.... بخصوص ألين
ليسا "هذا الصوت يبدوا مألوفا بالنسبة لى " (نظرت عبر الفتحه السحريه الموجودة بالباب) خلف!!! (فتحت الباب على الفور ونظرت له) خلف ماذا تفعل هنا!! كيف تعرفت على ألين
خلف بذهول : ليسا؛!! مالها من صدفه رائعه... كيف حالك
حمزة ل خلف بأستنكار : هو وقته ي زفت انت.. خلينا فى اللى احنا فيه وابقى اسألها على حالها بعدين (ثم نظر ل ليسا) اين جين
ليسا : لا ادرى لقد اخبرنا بأنه سيذهب ويأتى بن ألين غدا
حمزة : ألين!!! هى فين ألين
ليسا بعدم فهم : ماذا ؟؟
حمزة : ايه هى هل تعلمين مكان وجودها!!
ليسا : لم يخبرنا بمكانها.. (هتفت بقلق)لماذا هل هى مفقودة!!!
حمزة : اعطنى رقم هاتف جين (اعطته رقم هاتف جين وغادر)
خلف ل ليسا : اغلقا الباب عليكما جيدا وسأعود أليكم لاحقا
ليسا :حسنا
_______&_&&______________
وصل جين الى منزل سراج حاول دخول المنزل من دون ان يلاحظة احد ولكنه لم يستطع الدخول ف المكان ملئ بالحراس فى كل الارجاء (شعر بهاتفه يهتزر فى جيب بنطاله ف اخرجه واجاب عليه)
حمزة : أيلينا فين ي زفت
خلف بذهول : حمزة !!
-انت لسه هتندهش اخلص ايلينا فين
=انا شاكك انها فى بيت سراج الجديد انا قدامه دلوقتى بس مش قادر ادخل هناك فى رجاله كتيرة
-طيب قولى العنوان فين وانا هاجيلك انا وخلف
(ارسل له العنوان ولكنه لم ينتظرهم توجه للداخل للبحث عنها واخيرا وجدها ولكنه تفاجئ من المنظر الذى شاهدة
يتبع...
ستووووب وبكدا نكون وصلنا لنهايه فصل النهاردة... يا ترى ايه اللى هيحصل وايه رأيكم ف المفاجأة بتاعت النهاردة... وخلف وليسا يعرفوا بعض ازاى وجين شاف ايه .... عارفه ان البارت كله حاجات ملعبكه فى بعضها...بس هتتحل 😂😲 وياريت نعمل فوت وكومنت كدا حلوين زيكم 💜حاجه كدا تثبتلى ان الشغل دا كله ماراوحش هدر