Olaaaaaa
Layth
ليث : الوو
سميرة : اهلًا يالبغل واش راك. لحقت بخير وين راك واش راك دير و معامن راك
ليث : بالعقل لايتقطعلك النفو ، المهم لعجوز راني حاصل في لايروبور و ماوصيتهمش يجيو يستناوني عندك نيميرو تاع كاش واحد لهنا افامي ولا ماعلاباليش المهم يكون قاعد يجي ليا
سميرة : عندي بصح مانظنش تريح ثم براحتك و مانظنش يخليوك تروح للوتال همممم اصبر نحوس دقيقة
ليث : اوك مي اذا عاد فيها تاع يديني لدارو غير ماكالاه
سميرة : ايييي لقيت نيميرو تاع محمد طاكسيور ماركي عندك
ليث : واقيلا ماهوش خدام مي هاتي جدو برك
هز ليث نيميرو تاع محمد و عيطلو
ليث : آلو وي معايا موسيو محمد
يارا : لالا خيالو
محمد : انعم شكون معايا
ليث : معاك ليث ****** لي هزيتنا هاداك نهار
محمد : اااا ولد مدام سميرة ياك
ليث : هي بذات
محمد : مالفا تعيطلي الحاجة علابيها ، وي كشما تستحق
ليث : راني في لايروبور حاصل تعيش وين ماكنت أرواح ليا بسك راه راح الحال عندي رينيون ايرجون درك على الوحدة ماطولش عليا بليييييز
محمد : يا وليدي انا راني قريب ليك مي مانيش وحدي
ليث : نورمال نورمال ليسونسيال نقدر نركب انا و باقاجي برك هاني نستنا فيك
قعد ليث يستنا في محمد و هو يشكر في زهرو لي بدا يتعوج من الدخلة
تأثير شوكوبي ياااه
Meriem
مريم : واش بابا وين بيها
محمد : شوفي عندي واحد لازم نديه ايرجون مانقدرش نوصلك حتى نديه هو لول
مريم : [زهري حبي ماتخافش من شاقور لي في يدي أرواح أرواح ماتخافش و راسك ماتخاف ] ااااه اوك روح ليه
محمد : هاني رايح هههه
راحو للمطار مريم في عالم اوخر مدايرة الكيتمان ركب ليث عطالو لادريس تاع شركة و مشاو
مريم هزت راسها و دنقت في باباه : واش جا؟؟؟
محمد : أهو موراك
دارت مريم التقرعيج بيانسير دنقت فيه دنقت فيه
مريم : نتا وين راني شايفاتك
ليث سمطها هو اصلا كان بتيليفون
محمد : هادا هو ولد اخت ليلى تشفاي عليها
مريم : يووووووووهااااه ماتقولليش تاع هاديك الخطرة
محمد : وي
ليث : تشفاي ياااه
دارت مريم و تفكرت تبهديلة هاديك دارت ديراكت دنقت ليه من الطروفيزور لقاتو يشوف فيها و يضحك هبطت راسها و يصوني تيليفونها كوبات زاد صونا زادت كوبات
محمد : شكون راهو يعيط
مريم : نجاة ، مانيش قادرة نهدر درك
زادت عاودتلها ولات دارتو سيلونس و خلاتو كملو طريقهم كي عقبو على حانوت
ليث : معليش تحبس لهن نحوس نشري ماء
مريم : ايييه بابا افليكسيلي تعيش
محمد : ايا مالا ريحو لهنا درك نجيب الماء و نفليكسي و نجي
مريم : خليني نروح ا.....
هبط و سكر الباب ماستناهاش مامبا تهدر مريم هزت راسها لقاتو يدنق فيها ولات هزت تيليفون تلقا يوسف حرقو وهو في يدها زاد عيط هزت عليه
يوسف : واش بيه عزرينك مئة ابال باه تهزي واشبييك و وين راكي وين رحتييي رحت للدار دركا مالقيت حتى واحد ياك عمبالك أمك عندها لاطونسيون و انا راح ديريهالي وين راكي درك قوليلي نجي ليك و (كحب ليث # الكحبة= السعال #) شكون راهو معاك انطقيييييي معامن راكي
مريم : خلصت ، راني مع بابا رايحة للدار و مادام هاديك ثم انا مانكونش سينون طيح روح فهمت و ماتخممش جي توالي حابة نقعد وحدي و مبعدا ني نعاودلك
و كوبات عليه بلا ماتخليه يهدر دنقت باباها مزال ماجاش قلقت في طوموبيل السيد يلعب في كاندي كراش اما هي من القلقة قعدت تهز في رجليها <تعرفوها جلست هاديك تاع تقعدي تغلي وحدك وحدك >
ليث و عينيه في تيليفون : حبسي طوموبيل راح تقلبيها علينا
مريم : بفففففف هاه هاني حبست أتهنا
ولا دار ليث لقا محمد جاي سقم روحو و عيط صونا تيليفون مريم
مريم : الله يبارك خصني غير المهبول هادا اليوم نكسر لابيس و نتهنى
ليث : مبعدا هزي عليا
مريم : وااااااااات صاااار هادا ن....
و يدخل محمد قطعت هدرتها طول
محمد : عيطلي هاداوين يوسف قاللي قلتيلو مانجيش شوفي ماكالاه دوري بزاف نديك للدار تريحي شوي و تولي لثم اوك
مريم : بصح .....
محمد : بلا هدرة زايدة
مريم : شكون يقلبني لثم ( وهي في أمل ماتروحش )
محمد : كي يعودو جايين كورتاج يعقب ليك اسلام ولا كاش واحد منهم
ليث كان يشرب في الماء وقفلو ههه
محمد : بالعقل برك
مريم : جيفة ان شاء الله
ليث : شنهي
مريم : بالشفا
ليسونسيال كملو طريقهم لحق ليث في الوقت ، كي هبط محمد يجبدلو باقاجو راح ليث توالها بلا مايدنق فيها قاللها
ليث : نعيطلك تهزي عليا سينون نسكنلك في راسك و عمبالك بلي نيميرو باباك عندي
مريم :شووووو يخي كلب يخي و يزيد يأمر يااااو دز معاهم نيميرو هاداك شمخو و اشربو تيزانة تنفعك
دار و هو يضحك و سمطها كشغل ماهيش كاينة طول
مريم : رخييسس هاداك ما مزاللي غير نتا ، وجه البق هادا
المهم
روحت مريم لدارهم كي وصلت عيطت لماريا باه جي ليها و دخلت تدوش بسك ماريا طول شوي باه تلحق ، ايا هي خرجت من و ماريا صونات من ، حلت عليها طلعت تجري
ماريا : الغاشي معرس و نتي جايبتني شلق طاير غير الخير واش صرا و البارح لاه ماهزيتيش و كي عيطت لآمال قالتلي رقدتي ايا احكي احكي
مريم : شهدي و استغفري يا مخلوقة بالعقل لا تتخنقي ، وي وي راني لاباس الحمد لله و نتي
ماريا : بلعي و ابداي اهدريييييي
مريم : اوك لبارح وقت الحنا مديت تيليفون.....
- حكاتلها واش صرا في ليل -
ماريا : ياااااه و شكون هادا لي خرجلك خلعة
مريم : ماتفكرينيش في جدو ديجا تفكرتو عاد لحمي يرجف خلينا منو يجي نهار و نحكيلك عليه
ماريا : صار يالرخيسة ماتحكيش اوك مي اني نهبلك عليه باه ديريها في راسك برك، المهم علاجالو لي روحتي؟؟؟؟
مريم : لالا مع صباح ......
وحكاتلها واش صرا اوووووكل من الصباح حتان دخلت للدار
ماريا : اصبري اصبري خليني نستوعب يسما الرخيسة الخالية هاديك ضرباتك سمحيلي مي لاه ماقتلتيهاش ياااااو حلال عليك نفتيهالك انا و مبعدا واااااااااااااااع زدتي تلاقيتي بهذاك يايمااااااااا
مريم : وي والكلب مزال متفكرها
ماريا : ياخااااااااااه ننتشب راكي وليتي طماطم ياك
مريم : و دي عايزة كلام
ماريا : همممممم يسما هو لي هبلك هاديك الخطرة بصح حيرني في حاجة لاه من للي قلتيلو ماتزيدش تعيط حبس و درك كي جا قاللك هزي عليا مؤدب زعمة ولا كيفاه
مريم : منطل على جدو زعما راح نهز عليه السيد مديها في روحو تقول حاجة و هو جاجة ، شنهي شنهي ياو هزي عليا مبعدا (تعكي عليه ) مينيننيني نينينيني هاو وجهي لاهزيت عليك يالكلب و اصلا بصفتك من باه نهدر معاك لاااا و شنهي زعما يهدد فيا عندي نيميرو تاع باباك لاه واش درت و واش راح ديرلي بنيميرو تاعو بففففف كبير و جايح
ماريا : اتنفسي ياطفلة بالعقل برك بالعقل اييي بدا يجيني الجفاف العاطفي من درك
مريم : هههههههه نتي على العام متصحرة
ماريا : بلعي عليا اوموان مانيش كيفك
مريم : ويييي ربي يبعدو عليا
ماريا : ههههه نتي تاعك وحدو خخخخخخ تفكرت اخر مرة جاك فيها
مريم : اسكتي ماتفكرينيش ديجا كي تتفكر نشك بلي هاديك انا
ماريا : خخخخخخخخخخخ الخطرة الجاية نلقاك ديجا قبلتي و راح تتزوجي ميش تقبلي بالخطوبة برك
مريم : خليني منو عيشك
لاي لاي لاي لاي لاي لاي لاي لايلايلايلايلايلايلاااااااي
- ماتخافوش هادي صونري تاع تيليفون مريم برك-
ماريا : شوفي تيليفون راح جيه البحة و نتي مارحتي
مريم : هو
ماريا : شكون
مريم : قيطوش شكون من غيرو
ماريا : اييييي هزي هزي و ديريه اوتبارلول
مريم : قرعاجة بصح كون نهز عليه يستحلاها و تعرفيني انا خطرة زوج نكسر لابيس نورمال -أكيد ميش راح نكسر وليدي -
ماريا : ياااااو هزي برك كون يقلقك انا لي نشريلك ابيس جديدة أسيدي روحي برك
مريم : اوك على ظمانتك ووحدة طاكوس ثاني ستناتو حتى عاود عيط هزت عليه و ماريا تسمع
ليث : آلو
مريم : وي
ليث : واش سافا
مريم : خيرمنك
ليث : هههه مليح تنحاتلك القلقة
مريم دنقت في ماريا لي حاكمة روحها بالسيف: وي الحمد لله
ليث : ا مليح و جاو داوك ولا نن
ماريا : قوليلو اني مع صاحب خويا نشوفو واش يقول
مريم : شوف ا سيدي لاه أمي تاعي حتى نجربو
ليث : الوووو
مريم : يرحم باباك لاه تحوس على جدي رحت مارحتش مامحلك من الأعراب و ديجا فهمني لاه راك تعيطلي و ....
ليث : خلصتي
مريم : استغفر الله ، هيه و اذا عدت ماترييونديش نكوبي و ماتزيدش تعيطلي أمرا و ليس فضلاا
ليث : همممممم صار تحوسي تعرفي لاه راني نعيطلك ياك
مريم : ادخل للموضوع ديراكت
ليث : هممم بسك انا .....
مريم : اصبر نهدر دقيقة
و كوبات عليه بسك عيطلها يوسف قاللها وجدي روحك ربع ساعة نلحق ليك
ماريا : هممم مالا انا نروح نتي وجدي روحك
مريم : وين تروحي لجدك اصبري درك يجي نوصلوك و نروحو
ماريا : لالا ماكالاه نزيد نتعبو نخليه على هبالك ياسر
مريم : كون تتحركي خطوة برا الدار والله مانعفسها واش هادا شقيتي ليا وحدك و جيتي و درك تزيدي تروحي وحدك و ماكاين حتى واحد برا بادكونفيونس شريكتي
ماريا : هممم اوك ارواحي وجدي روحك بيدما يجي و انا نروح كشما ناكل
مريم و هي تسقم في شعرها : جيبيلييييي معااااك
قعدت مريم و ماريا ياكلو في أمان الله حتى يسمعو الاي لاي لاي لاي
مريم : درك نكوبي عليه مايحبسش ، نسكر تيليفون يوسف راهو جاي، واش ندير؟؟؟ عمبالك أسواء حاجة درتها هي تيليفون
ماريا : هزي عليه قوليلو مبعدا و نهدرو مانيش قاعدة درك
مريم : يقول غير اي حلاتلها و تعرفي تخمامهم المستقيم الله الله عليه
ماريا : هاتي جد تيليفون اهدري معاه قبل ما يجي يوسف
مريم : بفففف اوك هاتي نقدر نليكيديه برك
هزت عليه
ليث : واش عام باه تهزي
مريم : هزيت و تزيد تتشرط شوف اسيدي ايا بلا تكثار هدرة واش تحوس من عندي
ليث : ياك قلتي نريبونديللك على اسئلتك ولا درتي على هدرتك
مريم : تقدر تبدأ بلا سماطة
ليث : اوك هاداك نهار انا لي عيطتلك و نتي بسلامتك غسلتيلي وذنيا و راني نعيطلك بسك ..........
----------------------------------------
جفييييط قرييييط بريييط
هالااااااو توحشطكم لكونيكسيون دارتها بيا يالخاوة
ليسونسيال
واش غاااااكم
واش حوالكم
احم واش رأيكم في البارت
توقعاتكم على وجه ربي
ايييي جماعة طاقيو الناس يالخاوة التفاعل تبخر بحححححححح وينكم وين راهم لي كومونت تاوعكم ياقوم دومو هكذ ندير واش قالت جمول ( سقسيوها تقوللكم هادا اذا مانساتش )
ايا اتهلاو
وطشاااااو