"أني ما أحب اليخون بطيبتي.. 💔
"العافني باجر يحس بقيمتي ..🎶
✫وأني واحد يحترم معنى الوفه ..🌸
"ما أخون هاي عندي أعضم صفه ..👑
"وهاي كلها تعود يم تربيتي ..🌿🙈
......................................................
مساء الخير ورداياتي يلا نكمل ...🌸
رواية "عنودية الشيخ أنمار "
روِأّيِّةّ بِقِلَمَ أّلَګأّتّبِةّ "أّلَجِوِدِ"..
الشيخ أنمار ..جان شوية اتقرب منها عمود أتأكد الحمدلله طلعت نايمة باوعت جان اكو شكم شعراية على وجه شلتهة شوية شوية شلون تحس و كعدت رأستن بس شافتني كامت و كفت و كالت
تمارا..شالني و صعدني بالغرفة وسد الباب علية كمت أدك بالباب و أكول أكرهك أنماراا أكرهك وكمت أبجي و كعدت بالكاع و راسي على الجرباية ضليت أبجي لحد ما غفيت و محسيت غير شي يمشي على وجهي رأستن كعدت عبالي حشرة جان أشوف أنمار كلت أنتة شعدك هنا هاا مكفاك السويتة بية لو بعد تريد ترزل بية يا شيخ
الشيخ أنمار ..اجيت أطمن عليج بس انتي مو صوجج صوجي اني الخايف عليج
تمارا..ههه ضحكت و كلت خايف علية متأكد لو خايف علية متحبسني هنا وحيدي و متسوي الي سويتة بية اليوم
الشيخ أنمار ..كافي تمارا لا تلوصين بالحجي ترة تشوفين شي ميعجبج ولله
تمارا..شنو بعد أشوف تضربني ترزلني الرجال الصدك ميمد أيدة على مرة
الشيخ أنمار..صيحت ألصمي شنو قصدج مو رجال أني ها الزمي حدودج وياي ترة تجاوزتي هواااي
تمارا..ما كلت شي غلط فاهم ترة ولله تعبت ليش أنتة تصدك بهذيج الحية و بية لا
الشيخ أنمار..تماراااااا كافي لا وقسماا بالله ما أخليج عايشة هسه كل شي باين وانتي الي حركتي سما
تمارا..صيحت و كلت ليش أحركها هاااا ليش أني بعمري بحياتي ممأذية نملة تريدني أحرك ايديها
الشيخ أنمار..نصي حسج صوتج ماريد أسمعة فاهمة و من تحجين وياي عيونج نزليها
تمارا..ليش أنزلها هاا تدري شكد كرهتك من گل كلبي رجاء اطلع برة
الشيخ أنمار..يالله من كالت اكرهك أنكمش گلبي أحس كل شي نهدم ليش هيج جاي يصير وياي بعد ما كالت اطلع برة طلعت رأستن بس مسديت ألباب رحت للغرفة يالله دخت ألمن أصدك سما لو تمارا بس ماكو واحد يحرك نفسة بنفسه وهذا موو سبب مقنع عند تمارا اه ياربي بين الحق رحت تمددت على الجرباية حطيت أيدي على راسي و ضليت أفكر لحد ما نمت ..
تمارا ..بعد ما طلع أنمار رجعت نمت على الجرباية ياربي ماريد أضل هنا بعد شنو أسوي اذا اكول لأبوية مياخذني البغداد و أنس هم اففف ألمن أكول ايي علي أخوية أخلي يجي ياخذني ويا كمت فتحت تليفوني طلعت أسم علي و دكيت علية الوو هلا علي شلونك
علي ..الحمدلله أنتي شلونج ابوية أمي أنس شلونهم
تمارا..بخير زينين سارة شلونها
علي ..بخير الحمدلله شبي صوتج شبيج باجية
تمارا..أول ما كالي هيج كمت أبجي ىىى
علي ..شبيج تمارا احجي لا تخلين بالي يمج صاير شي
تمارا..أخوية باع تكدر تجيني تاخذني منا ماريد أبقة هناا احجي و أبجي
علي ..كافي تبجين اي أكدر بس كولي شبيج راح تخبليني
تمارا ..شوف ................حجيت السالفة كلهة من كتلتني سما لحد ما حركت نفسها و كتلت أنمار الي
علي ..الصراحة اول ما سمعت أشكالت صعدت العصبية عندي شلون هذا يمد ايدة على اختي هو أني و ما ماد ايدي عليها يجي هذا يمد ايدة عليها صح عدها ألسان تمارا و تحجي بس مو توصل المواصيل يكتلها كلت كل هذا صاير واني ما أدري وشلون هذا يمد ايدة عليج و ابوي وانس وين
تمارا ..موجودين بس ميكدرون يحجون وياا مادري ليش
علي ..ماشي أني راح أجي بعد يومين لأن عندي شغل أخلصا واجي أخذج ماشي
تمارا..ماشي اخوية بس لا تتأخر عليهة
علي ..لا ما أتأخر أخلص شغلي و أجي اخذج عود اهلي بعدين يجون
تمارا..اوكي يلا علي اخذ راحتك و بوسلي كيان و صادق
علي ..اوكي يوصل سلميلي على الكل
تمارا..يوصل تصبح على خير
علي ..وانتي من أهل الخير ديري بالج على نفسج
تمارا ..ماشي باي سديتة و حطيت راسي على المخدة جاي أنام جان تندك الباب افف منو هذا كمت كعدت على الجرباية وكلت تفضل هلا صبا تعالي فوتي ليش واكفة
صبا ..هلا تمارا حبيبتي بس لا زعجتج
تمارا ..لا عادي تجين شوكت ماتردين
صبا ..بس حبيت نسولف سوة اذا ماعندج مانع
تمارا..اه شنو هل حجي اكيد تعالي كعدي بصفي
صبا ..ماشي رحت و كعدت و كلت تمارا فهميني مجاي أصدك انتي تسوين هيج ب سما
تمارا ..ولله مو اني ليش محد يصدك
صبا..لعد شنو هي حركت نفسها
تمارا ..باعي اني جنت واكفة اسوي كهوة و هية فاتت تصب الجاي و درت و جهي على صيحتها رحت عليها كلت بيج شي شلون هيج أشو هاي شافتكم و كامت تصيح و تكول ليش هيج تمارا ولله مو اني مسوية هيج وكمت أبجي
صبا ..كافي لا تبجين صدكت بيج
تمارا ..ولله صدكتي مو مثلهم
صبا ..اي سما تسويها لأن تحب أنمار وادري بيج ان انتي هم تحبين أنمار و أنمار يحبج
تمارا ..شلون عرفتي ان احنا نحب بعض
صبا ..باعي اني عمتج مو غريبة واعرف أنمار كلش زين بعمرة محب وحدة ولا وحدة طبت كلبة حتى سما حاولت شكد تكسبا الهة بس هو متجاهلها ولله أنمار طيب و موقصدة يمد ايدة عليج بس هو طبيعتة عصبي و ميتحمل واحد يراددة هو هيج وهم شي بعد الكل هنا يهابة ومحد يكدر يحجي اذا هو موجود لا تزعلين منة ميدري بالحقيقة
تمارا..باعي أنمار بعد الي سواة بية ما أحبة ولا اطيقة مخلة الي كرامة كدام الكل كافي سدي هذا الموضوع
صبا ..بس يا تمارا ماشي اففف يلا اني اروح تصبحين على خير حياتي
تمارا..وانتي من أهل الخير حبي طلعت و سدت الباب رجعت نمت محسيت غير ثاني يوم الساعة ب 9:30 كمت طبيت سبحت و طلعت لبست دشداشة قصيرة توصل جوة ركابي لون أصفر مشطت شعري سويتة كباية حطيت مرطب الشفتي لون أحمر خفيف و ماسكارة و مرطب للوجهة عمود تضل يشرتي ناعمة لبست قدم وعدلت الغرفة اخذت جهازي و نزلت جوة لكيت زين و أنس و أنمار كاعدين بالصالة وصبحت على أنس و زين فتت للمطبخ شفت عمتي جاي تسوي الغدة و ماما تساعدها صبحت عليهن صباح الخير
رد..صباح النور
ام علي ..هلا بنيتي تعالي يمة اسويلج ريوك
تمارا..اي ولله ماما ميتة جوع
ام علي ..هسه أسويلج روحي كعدي بالصالة بين ما أخلص
تمارا..ماشي رحت كعدت بالصالة يم زين و أنس ضلينا نسولف و نضحك لحد ما صار الريوك كعدت أتريك خلصت كمت غسلت الاماعين وبدينا نظف اني و البنات اني نظفت غرفة الجدة و الصالة و صبا الديوان و الملابس و فاطمة عليها الطرمة و غرفت أنمار و الولد خلصنا تنظيف ضليت كاعدة بالصالة و ألعب بالجهاز صارت الساعة 12 أذن كمت توضيت و طبيت بغرفة عمتي أصلي و لي هسه محد جاي لا جدو ولا بابا و لا أنمار هاي خوش فرصة عمود أطلع اشتم هوى رحت ااماما اشوف بابا راح سيارتة لوو لا لكيتة كاعدة على السجادة و تسبح اجيت وكعدت يمها و كلت ماما
ام علي ..عيوني
تمارا..ماما بابا من طلع اخذ سيارتة
ام علي ..لا راح وية جدج بسيارة أحمد ليش
تمارا..باعي ماما ولله تعبت ونفسيتي تعبت من ورة هل بيت و العركات اريد اطلع اشتم هوى ولله احس نفسي مخنوكة حبابة انطيني السويج ولله ما أتتأخر رأستن أجي
ام علي ..ولله يايمة احس بيج بس اذا شافج أنمار
تمارا ..ماما شسوي اله هو منو حتى يمنعني اطلع لو اطب
ام علي ..باعي بنيتي اني راح اطيج السويج بس لا تتأخرين تعالي قبل ليوجن خوش
تمارا ..بعيني الصراحة كلش فرحت لأن راح اطلع من جو هذا البيت راحت ماما للغرفة و رجعت بيدهة السويج كالت
ام علي ..هاج هذا بس موو تتأخرين ليضل بالي يمج
تمارا ..لا تخافين علية ما أروح المكان بعيد يلا راح أبدل
ام علي ..يلا بنيتي نفس ما وصيتج
تمارا ..اي يمة رحت فوك طلعت تنورة لون وردي فاتح و قميص ولفيت شالي حطيت عطر و لبست حذاء (تكرمون)رياضي و اخذت جهازي و السويج ونزلت الحمدلله لا أنس و لا زين موجودين يمكن فوك بالغرفة رحت للمطبخ لكيت عمتي و ماما و صبا يسولفن و فاطمة جاي تحضر للغدة فتت جان تكول عمتي
ام أنمار ..هاا يمة تمارا وين راح ترحين
ام علي ..اني كلت الهة تروح تغير جوو
فاطمة ..بس واذا شافج عمي لو أنمار
تمارا..باعي بابا ما يسوي الي شي أما أنمار مالة دخل بية اطلع اطب مالة شغل يلا اني اروح
ام أنمار ..بس موو تتأخرين بنيتي
تمارا ..لا ما أتاخر مع السلامة و طلعت رحت للكراج طبيت بالسيارة شغلتها جاي أطلع كلت للحارس يفتح الباب كال
الحارس ..وين رايحة
تمارا..مالك شغل و أفتح الباب يلا
الحارس ..بس عدنة أوامر من الشيخ محد يطلع
تمارا..أستغفرلله بابا أفتح الباب شنو جاي احجي أني كردي و بعدين مالة شغل الشيخ بية اني مو من عدهم يلا أفتح الباب
الحارس ..بس هذا شغلي ماكدر أخالف لأوامر أسف
تمارا ..طلعت من السيارة و سديت الباب حيل نزلت اله و كلت أفتح الباب دا اكول
الحارس ..رجاء ممكن تفوتين ماريد اخسر شغلي
تمارا..افتح الباب و مراح تخسر شغلك فاهم يلا افتح
الحارس ..بس
تمارا ..باع شكلك تحب العناد موو بس اني محد يكدر علية رحت و فتحت الباب الأولى و الباب الثانية رادي حجي و كلت أسسس ماريد اسمع صوتك و رحت ركبت بالسيارة و طلعت من البيت شنو مفكر نفسة أنمار هوو شنو حبس محد يطلع لله يا لله شغلت أغنية أموت عليها أسمها "هي هم تسمة دنيا " سيف عامر "كعدت أسمعا ضليت أفتر بالسيارة لحد ما فتت يم بستان يجنن وكفت السيارة ونزلت رحت أتمشة بالبستان اباع الخضار كعدت جوة شجرة كبيرة حلووة مادري ليش و كمت ابجي و أمسح بالدموع مالتي لحد ما سمعت صوت وراية درت وجهي وشفت.........يتبع
---------------------------------------
السلام عليكم شلونكم عسلاتي نشالله تكونو بخير...❄❄💙
شلونة البارت اليوم! !
شنو تكولون منو الي شافتة تمارا!!
هل راح ترجع البغداد لو لا! ؟
أنتظرو البارت الجاي من الرواية ...❤❤❄❤❤
مع تحياتي إلكم ...🌿🌸🌿
#الكاتبة †الجود†..