✦ •• ✧كوم وياي خلي الوادم تشوفك ✦ 😻
✫✫اريد أحرك كلوب الكالو يعوفك ..🔕🙈
✫أريد اعرف بهاي اللحظة شيحسون ..🎼💜
..من أمشي ع طولي و كايد چفوفك ..🌝🎵
......................................................
صباح الخير عسلاتي يلا نكمل ...🌸
رواية "عنودية الشيخ أنمار "
روِأّيِّةّ بِقِلَمَ أّلَګأّتّبِةّ "أّلَجِوِدِ"..
تمارا ..كمت وغسلت وجهي و مشطت شعري ضفرتة ولبست بجامة ونزلت جوة يمهم لكيتهم جاي يتريكون صبحت عليهم وكعدت اتريكت وياهم خلصنا أكل كمنا نعزل البيت فاطمة على الأماعين واني و صبا على البيت بديت بالصالة نظفتها وخلصت رحت للديون هم نظفتة وخلصت تنظيف صبا نظفت غرفة الجدة و غرفة الولد فوك وغرفة أنمار خلصنا تنظيف البيت رحت ساعدتهم بلطبخ سويت زلاطات و حضرت الأماعين الي راح نستعملهن بالصب خلصت اترخصت منهم اروح أبدل ملابسي توصخن صعدت فوك عدلت الغرفة وطلعت ملابس راح البسهن بجامة لون تركوازي سرحت شعري شلت شوية من كدام و ثبتة بماشة حطيت عطر و نزلت جوة هاي البجامة
نزلت لكيت الكل جاي زوجات عمامي كلهن و عمتي ليلى و بناتهة الصراحة ضجت من شفت سما رأستن اذكرت السوتة بية ولله ما اعديها على خير وتشوف رحت سلمت ع عماتي و عمة ليلى و زهراء و حنين مسلمت على سما تجاهلتها رحت اساعدهم بالمطبخ ورة شوية أجتى سما للمطبخ هم مهتميت الوجودها بهاي اللحظة فات أنمار جاي من الشغل شفتها شلون باوعت عليهةو كلت بكلبي شوفي شراح اسوي بيج رحت يم أنمار و اخذت الجنطة مالتة و السترة و كلت لله يساعدك كلي
الشيخ أنمار ..كعدت الصبح تريكت ورحت للشغل اليوم جمعة ماعندي هواي حجز أستقبلت شكم حالة خلصت ضليت كاعد اشتغل بالمكتب و تذكرت تمارا يالله حمدلله من طلعت تحبني اه مردت اجبرها على حبها الي ضليت صافن لحد ما ندكت الباب تفضل
عزيز ..هلا بالشيخ شلونك
الشيخ أنمار..جنت بخير قبل ما تجي انتة اكول شبيك انتة كل شوية تجي شنو مشبعت رزالة من الصبح لي هسه ارزل بيك
عزيز ..شبيك أنمار ولله مو صوجك صوجي اني السأل عليك
الشيخ أنمار..اي وهسه شرايد
عزيز ..تعال نشرب كهوة ونسوالف شوية وارجع اشتغل
الشيخ أنمار..اي ولله اجيت بوكتك يلا عيني روح جيب كهوة الي
عزيز ..لا ولله مو اني خادم مالتك
الشيخ أنمار..اي الخادم مالتي يلا روح و بلا لغي زايد
عزيز ..فوكاهة تريد انتة روح
الشيخ أنمار..ولله اني راح اروح اجيب النفسي بس ولله اسوي شي يندمك
عزيز ..واني ما خايف شتسوي مثلا
الشيخ أنمار..ماضي مالتك كلهة عندي يلا انتة ميهمك يالله
عزيز ..لا خوية شلوون ما اجيبلك شكم أنمار عندي
الشيخ أنمار..يلا راوينة عرض جتافك
عزيز ..ماشي ارديالك نخلة
الشيخ أنمار..شكلت ماسمعت
عزيز ..لا كلت تأمرني بشي ثاني
الشيخ أنمار..لا ولي يلا مو تتأخر
عزيز ..اوكي
الشيخ أنمار..ورة ما راح خلصت الملفات العندي جاب الكهوة خلصت كمت لميت الملفات الي راح ادقق ييهن حالت المريض وطلعت من المكتب رحت للسيارة شغلتها ورحت للبيت وصلت نزلت طبيت لكيت صبا و وبت كلبي واكفة يمها و شفت سما و زهراء واكفات سلمت جان تجي تمارا تاخذ الجنطة مني وكالت لله يساعدك بس شلون طالعة تخبل بس ضجت لأن ملابسة الشال كلت ويساعدج لله
تمارا ..تسلم يلا روح بدل عمود نصب الغدة الكل جاي ينتظرك
الشيخ أنمار..ماشي صعدت فوك طبيت للغرفة جان تمارا تجي وراية وتكول
تمارا..صعد فوك اخذت الجنطة مالتة و السترة و اخذتهن و صعدت ورى كلت هاي الجنطة و السترة مالتك اشو هذا ضل رافع حاجبة وكال
الشيخ أنمار..ليش ملابسة شال على راسج
تمارا..وليش البس شال منو الموجود هنا
الشيخ أنمار..تمارا ميصير لازم تلبسين شال حرام ميصير هيج طلعين بدون شال
تمارا..أنمار هذا شي مو جديد أني ما ألبس شال من البداية
الشيخ أنمار..ميصير يا حبيبتي حتى مني لازم تلبسين شال لأن اني ما محلل عليج افتهمتي
تمارا..مديت شفتي و كلت بس أني ما متعودة البس شال بالبيت
الشيخ أنمار..خرب شكم مرة كلت لا تسوين هاي الحركة يمكن مرايدتها الشفتج و هيج تسوين
تمارا..اممم نزلت راسي وخدودي صارن حمر من الخجل
الشيخ أنمار..ها راح تلبسين شال
تمارا..مااا
الشيخ أنمار..شيفيد الحجي وياج بابا شنوو ما انتي طفلة
تمارا..اي طفلة عندك مانع
الشيخ أنمار..أستغفرلله يلا أطلعي برة
تمارا..مااا ما أطلع
الشيخ أنمار..ماشي ضلي لعد اني راح أبدل ملابسي
تمارا..شنوو مصدكت و طفرت جوة نزلت رأستن رحت للمطبخ و جهي أحمر من الخجل وضربت راسي غبية واكفة وأجتي سما مبين من ملامحة وجها ضايجة ضحكت بخفة كمنة نصب بالغدة و نودي بالأكل خلصنا راح الكل كعد علپ لأكل حطيت الجاي على النار نزل أنمار بس راح للمطبخ يمكن جاي يشرب مي مهتميت بس رأستن لحكتة سما شكو شديصير ردت أكوم بس الجدة كعدتني كالت
الجدة ..هاا ولج فصعونة وين رايحة
تمارا..لا مرايحة المكان جاي أعدل كعدتي واني و أباوع علة المطبخ كلشي مجاي اشوف افف شكو هاي ورة شوية طلع أنمار بس مبين على وجة ضايج و طلعت سما فرحانة شنو السالفة ..
الشيخ أنمار..بعد ما طفرن تمارا من الغرفة بدلت ملابسي لبست دشاشة و حطيت عطر و نزلت جوة للمطبخ عطشان مي رحت جاي اشرب مي جان تطلع سما كلت شبيج ليش واكفة هنا روحي أكلي
سما ..بعد ما شفت تمارا شلون ستقبلت أنمار صعدت الغيرة عندي شفتها لحكتة لفوك صعدت فوك جان أسمع الحجي الحجو يعني طلع يحبها ال تمارا ليش هيج أنمار اني شناقصني وشنو الشي الموجود بي هاي و مموجود بية ضجت حيل كلت الضاهر كتلة هذيج المرة مافادت اوكفيلي ورة شوية طلعت ركض نزلت ورها كمنا ندوي بالأكل شفت أنمار فات للمطبخ اني كيفت هاي فرصتي لازم ارجع ثقة أنمار بية رحت كلي 👆كلت ببس ردت احجي وياك بشي سريع ما أخرك
الشيخ أنمار..مو وكت الحجي هسه حسابج وياي بعدين
سما ..بس اني ما سويت شي غلط حتى تحاسبني علية
الشيخ أنمار..شنو ماسويتي شي غلط لج كسرتيها للبنية ليش هيج سويتي هاا
سما ..ولله هي جبرتني اضربها
الشيخ أنمار..ولله وشلون جبرتج
سما ..ضلت تغلط علية و على تربايتي وبعدين كامت و ضربتني تريدني اسكت على الشي السوتة بية
الشيخ أنمار..سما لا تكذبين علية
سما ..ولله مجاي أكذب عليك ليش اكذب عليك اترجاك سامحني
الشيخ أنمار..وليش طلبين مني المسامحة روحي ال تمارا تسامحي منها
سما ..لا هي الي غلطت علية ما اتأسف وهي من أجتي لحد هسه بس تتناكر وياي
الشيخ أنمار..ماشي يصير خير وعفتها ورحت شلون هيج تمارا ميطلع من عدها هيج شي شلون تغلط و تمد ايدها على سما بس يالله دخت ممن تفكير رحت كعدت تغديت و العصبية صايرة فول عندي ألمن أصدك سما لو تمارا خلصنا أكل كمت غسلت و رحت للديون يم الحجي وعمامي و الولد نسولف على العشائر و جاي ننتضر الجاي بس شوية و نسمع حس العياط من جوة ..
سما ..ورة ما شوية خليت ثقة عند أنمار تغدينا و خلصنا وصرنا ننكل بالاماعين خلصن غسلهن وراحن كعدن ورة شوية رادو الجاي رادت تكوم صبا كلت اكعدي عمة لا تعبين نفسج أني أكوم جان بوكتها تمارا بالمطبخ مادري شجاي تسوي خوش فرصة رحت للمطبخ جبت القوري ايفور و تقربت على الميز و جبيت الجاي على أيدي يالله الحرك يموت كمت أصيح حتى تمارا اجتي تكول
تمارا ..بعد ما خلصنا غدة كمنا غسلنا لأماعين خلصن البنات وراحن كعدن اني عجبني أشرب كهوة رحت جاي اسوي بالكهوة شفت سما فاتت للمطبخ ما هتميت لوجودها ورة شوية اشوفها تعيط اجيت علية كلت شبيج شلون احتركتي و ماشوف غير الكل فات حتى أنمار كالت سما
سما ..بعد ما شفت الكل إجة كلت أأاأخ يابة أيدي ليش هيج تمارا شسويت الج شنو جاي أأخ تنتقمين من الي سويتة بيج أأخ ايدي
تمارا ..هاي شجاي تحجي كلت شبيج تخبلتي أنتي و ما شوف غير دفعة أجتني و نضربت راشدي شل حاسة السمع من كد ما قوي شفتة أنمار وكال
الشيخ أنمار..بعد ما رحنا للمطبخ شفت سما تصيح و تكول ليش هيج تمارا اني هنا تخبلت شفت ايدهة حرم كبير رحت دفعت تمارا و ضربتها راشدي و كلت بصياح انتي شبيج ما عندج عقل ليش هيج سويتي بيها هاا لو كل هذا عمود لأن دافعت على نفسها هذيج المرة
تمارا ..هذا شجاي يحجي شبي كلت شبيك أنمار أنتة من صدك صدكت اني سويت هيج بيها
الشيخ أنمار...اااييي ااي مصدك لأن بس انتي الموجودة هنا قابل شنو تحرك نفسها
تمارا ..اي ولله هي حركت نفسها موو أني ولله شبيك مجاي تصدك
الشيخ أنمار..كااااففي لغي زايد كافي اذا تردين تعيشين وخري من وجهي وخرري
تمارا ..بكيفك لا تصدك بس يجي يوم و تشوف الحقيقة بعيونك يا أستاذ أنمار و مراح أعبر الك هذا الراشدي
الشيخ أنمار ..خرررب ألصمي ماريد اسمع حسج رحت ال سما كلت جيبو عباة مالتها عمود نوديها للمستشفى لبسوها العباة اخذتها للمستشفى طبينة رأستن اجة دكتور بدة يعالج الحرك مالتها كمل رجعنا للبيت مجانت تمارا موجودة بس من طبينا نزلت من فوك و بيدها جنطة و اجتي على سما و كالت
تمارا ..بعد السوا بية أنمار صعدت فوك للغرفة كمت أبجي شبي هذا ليش هيج صدك بيها وليش كال دافع على نفسها ليش شسويت أني فوك ما طبت الغرفة مالتي وضربتني بس لا مراح أسكت على الي سوة رحت لميت غراضي بالجنطة ونزلت شفتهم الكل كاعد رحت عليها كلت حمدلله على السلامة اشوفج كلشي مابيج مامتي
سما..يالله فد ارتاحيت من رزلها أنمار ولا ضربها راشدي هم رحنا للمستشفى سوة الحرك مالتي الصراحة توجعت حيل بس فدوة اروح لأنمار كلشي عمودة طلعنا من المستشفي و رحنا للبيت طبينا كعدنا شفت تمارا نازلةرمن فوك و بيدها جنطة اي يالله روحا بلا رجعا نشالله اجتي علية و كالت👆 بعد السويتي بية هم الج عين تحجين
تمارا ..ههه اولا اني ماسويت الج شي و ثانيا حبل الكذب قصير
سما ..شجاي تكولين اني اجذب مثلا لو اني حركت نفسي على القصطني
تمارا..اي تجذبين و اي انتي الي حركتي نفسج بنفسج
الشيخ أنمار..كافي لغوة زايدة شجاي تحجين
تمارا ..انتة معليك فاهم مجاي احجي و ياك اذا تريد هي دافع على نفسها مو انتة
الشيخ أنمار..لج هاي عليمن هاا رحت و كمشتها من الشال مالتها وكلت أكسر راسج اذا حجيتي هيج وياي مرة ثانية
تمارا ..نزل ايدك نزل ايدك جاي اكول شنو متسمع و وخرت من يمة وكلت هاا بابا تشوف بتك تنضرب وانتة متحجي هيج ما أهمك أني
ابو علي ..بس
تمارا..بس شنو ها بس شنو شنو متكدر توكف بوجة وكتولة لا تضرب بتي هااا لو مصدك هاي الحية مثلهم انتة تتوق هيج يطلع من بتك هاا احجي شو ساكت اي باع أنمار الكل هيج يخافون منك ميكدرون يحجون بس اني مو مثلهم فاهم ولا راح اصير وانتة أنس هاا جاي تشوف اختك يضربوها و انتة ساكت عود انتة اخوية وسندي بالحياة كمت أبجي ورحت البابا كلت انطيني السويج مال سيارة
ابو علي..وين ترحين بنيتي وبهذا الليل
تمارا..جاي اكول انطيني السويج
الشيخ أنمار..طلعة ماكوو من البيت فاهمة
تمارا..رجاء لا تدخل بشي ما يخصك اني و اهلي لا تدخل
الشيخ أنمار..احترمي نفسج واحجي وياي عدل لو اربيج من جديد
تمارا..هيي كافي اني مرباية احسن ترباية و درت وجهي بابا السويج
ابو علي ..استهدي بالرحمن بتي وكعدي باجر نرجع البغداد
تمارا..بابا انتة شجاي تكول ما أستحمل اكعد بهذا البيت ساعة وحدة ورحت اخذت السويج جاي اطلع شلون كمشني أنمار و كال
الشيخ أنمار..ماعندة بنات يطلعن بهيج وكت
تمارا...ضحكت وكلت ههه انتة فاهمة غلط عيني اني مو من بناتكم بناتكم تحكمو بيهن شلون ما تردون بس اني لا
الشيخ أنمار..كافي حجي زايد و أصعدي فوك
تمارا..ماا ألك دخل بية فاهم شوكت ما أطلع و أطب بكيفي لا تتدخل
الشيخ أنمار..اوكي اشوفج منو الملة دخل جريتها دا اصعدها فوك ماكو معندة بالأخير شلتها على ضهري و ضلت تضرب على ضهري واني ممهتم الها طببتها للغرفة و سديت الباب وضلت تضرب بالباب نزلت وانطيت المفتاح الأمي و كلت يام محد يفتح ألها الباب مفهوم
ام انمار..بس يمة شلون راح تضل محبوسه
الشيخ أنمار..اي عمود تتعلم شلون تحجي وياي طلعت برة ركبت السيارة و رحت للكهوة و كل فكري يم تمارا ليش هيج سوت ب سما صح هي كتلتها بس مو مال تحركها ولله يا تمارا شلعتي گلبي اه اه مردت اشوف أدموعها بعدين تذكرت حالتهة الصحية خفت عليها اخاف تتخربط و محد يدري طلعت ركبت السيارة رحت للبيت الكل رايحين رحت ال إمي اخذت المفتاح من عدها و صعدت ركض ال تمارا دكيت الباب مردت رأستن فتحت الباب جان إكلة ملاكي كاعد بالكاع و حاطة راسها على الجرباية رأستن رحت شفت طبعة الراشدي الي ضربته الهة على خدها و الدمعة الموجدة هم نقهرت على حالتها اجيت دا اكعد بيها جان..........يتبع
----------------------------------------
السلام عليكم شلونكم عسلاتي نشالله تكونو بخير ..🌸🙈
شلونة البارت اليوم!
شنو تتوقعون شراح يصير ب تمار!؟
وهل راح تنكشف الحقيقة لو لا! !
أنتضرو البارت الجاي من الرواية
أعذروني حبابي على تأخير و أسفة ولله مجان عندي مجال أكتب الرواية،،،،"!
يلا باي ...💜🎵
# الكاتبة "الجود"!