✫لما أكابر معك و أتجاهلك ،🙊💜
"شدني الك لا تنافسني ..🎼💔
--------------------------------
هلا عسلاتي يلا نكمل ...
روايه "عنودية الشيخ أنمار "
روِأّيِّةّ بِقِلَمَ أّلَګأّتّبِةّ "أّلَجِوِدِ"..
تمارا ..غرف الولد و الطرمة و بدينا نشتغل رحت نظفت غرفة بيبي و جدو طلعت للصالة بديت الم بيها الهوسة مال بارحة كنست و مسحت الكع و مسحت التخم و الطبلات خلصت رشيت معطر مال جو و صعدت فوك الغرفتي لممت الملابس و عدلت الجرباية و كنست و مسحت الكع خلصت تنظيف الغرفة رحت جاي امشي شفت فاطمة جاي تنظف بغرفة أحمد خطية هواي عليها الشغل رحت عليها كلت تعالي خلي اساعدج بالشغل
فاطمة ..لا ماكوو داعي حبي لا تعبين نفسج
تمارا..شبيج عمود نخلص سريع و نكعد فد نوب انتي بعد شنو ممنظفتة
فاطمة ..بقت بس غرفتي و الطرمة
تمارا..تمام سهلة انتي خلصي تنظيف غرفة احمد روحي خلصي غرفتج واني انظف الطرمة ماشي
فاطمة ..ماشي
تمارا ..نزلت جووة بالطرمة فتحت الصودنة و صعدت بجامة مالتي اخاف تتبلل وبديت ارش على الزرع يالله الريحة مال تراب و الزرع تجنن اخذت نفس اففف رحت جاي انشفها للطرمة و أجة أنمار و ويا ولد ماعرفت منو رأستن نزلت البجامة و حطيت الشال الي اخذتة وياي لأن تذكرت ان ميقبلون نطلع بدون شال هو الولد دار وجها ما شافني اجاني أنمار و عيونة راح يطلعن من مكانهن و الغضب مبين علة وجهة كال
الشيخ أنمار..بعد ما نزلت من فوك و تريكت جان عندي شغل بسيط بالمستشفى ماعندي عمليات بس شكم مريض جان حاجز للفحص رحت طبيت للمكتب بديت اشتغل و مريض طاب و مريض طالع الحد ما خلصت كل شغلي طلعت من المكتب لاكيت عزيز كتلة هاا ولك شوو اليوم ماكوو شو مختفي
عزيز ..لا ماكوو شي بس جانت عندي عملية هسه يلا خلصت هاا جنت طالع
الشيخ أنمار..اي رايح للبيت ليش متجي و تتغدة يمنة
عزيز .. لا ماريد اعذبك وياي
الشيخ أنمار..هاي شجاي تحجي لك ازعل منك ولله
عزيز..لا أسف كلة ولا زعلك مني الصراحة اني هم شتاقيت الطبخ عمتي أم أنمار و الولد هم بعد اشوفهم
الشيخ أنمار..اي يلا لعد نروح
عزيز ..ماشي بس اروح اجيب غراضي وأجي انتة روح للسيارة الحكك
الشيخ أنمار..اي رايح رحت شغلت السيارة أجة عزيز و طلعنا رحنا للبيت وصلت نزلت من السيارة و عزيز هم نزل ضليت صافن على الي شفتة كامي هاي تمارا اي هية وشلون طالعة شايلة بجامتها و محاطة الشال على راسها اني هنا بعد ماشفت شي كدامي درت وجي علة عزيز باوعت علية افتهم و دار وجة رحت عليها و العصبية صارت فول وكلت لجج انتي شجاي تسوين هنا وشلون هيج طالعة بصياح
تمارا..بلعت ريكي اه وكلت ممجنت ادري أأنتة اجيت طلعت انظف الطرمة فاا مجان اكو احد غريب هنا ما لبست الشال
الشيخ أنمار..شنوو ماكو احد انتي راح تخبليني لللج افتهني هذااا مكشوف اي واحد يكدر يشوفج
تمارا..ايي مجنت ادري ان هذا مكشوف مصار شي ردت اروح ما أحس غير واحد جرني ورجعني المكاني و اجاني راشدي من حرارتة احس خدي انشلع و دمعت عيني
الشيخ أنمار..خرب و فوكاهة ترادد بعد ما استحملت ضربتها راشدي بس شفت عيونها دمعت صح مجنت ناوي اضربها بس هي جبرتني بس مردت اهتم و كلت يلاا طبي جوة ماريد اشوف خلقتج بعد اذا اشوفج هنا اكسر رجلج فاهمة
تمارا ..اني هنا صح دمعت عيني بس لا مراح اصعف كدامة رجعت وكفت وكلت انتة منو حتى تمد ايدك علية هاا
الشيخ أنمار..نصيح حسج لوو اكسرج قسما بالله اذا شفتج طالعة بعد ميصير خير يلا طبي جوة جوووة صيحت عليهة فاتت تركض محجت شي رحت و ضرب السيارة بأيدي واجة عزيز
عزيز ..هدي يا خوية البنية متعرف شلون عايشن و شنو التقاليد الموجودة هنا
الشيخ أنمار..شنوو متعرف للك شنو هية زعطوطة
عزيز ..كافي مجان يحتاج تضربها راشدي
الشيخ أنمار..هي جبرتني ان امد ايدي عليهة
عزيز..بس يا أنمارا
الشيخ أنمار..كافي رحمة لأموات يلا تعال تفضل طبينا للديون ضلينا كاعدين شوية فتحنا سالفة مال مريض و كعدنا نحجي عليهة بين ما يصير الغدة ..
تمارا ..بعد ما صيح عليةزكالي فوتي جوة طبيت ركض ابجي للبيت الكل انتبة عليه صعدت اركض للغرفة طبيت و قفلت الباب ضلوو يدكون بالباب واني ما اجاوبهم كعدت علة الجرباية وكمت أبجي و اكول ياربي ليش هيج يصير وياي اني شنو مسوية غلط عمود تعاقبني علية اني حبيتة من كل گلبي بس هسه كمت اكرهة من الي سوة بية ليش و كمت اضرب علة الجرباية سمعت صوت صبا دك الباب الصراحة بهاي اللحضة احتاجيت واحد يمسد علية و يهديني كمت فتحت الباب فوتتهة ورديت قفلت الباب و حضنتها و كمت أبجي
صبا ..بعد ما نظفنة البيت تمارا طلعت تنظف الطرمة ورة شوية طبت تبجي و صعدت فوك اني رأستن صعدت وراهة دكيت الباب فتحتها جرتني الجوة قفلت الباب حضنتني و كامت تبجي كلت شبيج حبيبتي ليش هذا البجي بيج شي
تمارا..لا رد
صبا ..اجيلي انتي عمتج و صديقتج واختج كولي شكوو ليش هل بجي
تمارا ..كلت الهة .............شسوة أنمار بية بس احجي وأبجي
صبا ..بس حبيبتي لا تبجين كافي هل دموع تعرفين بعد هو عصبي من لأول هيج
تمارا ..بس مموو من حقة يمد ايدة علية ماطول بابا و اخواني عايشين هوو مالو دخل
صبا ..ادري حبيبتي بس يظل هوو هم ابن عمج و هم شيخ عشيرة
تمارا ..اريد ارجع البغداد ما أبقة هنا
صبا ..لا تحجين هيج هنا هم بيتج واحنا اهلج
تمارا ..انتو اي بس موو أنمار اريد ابقى وحدي
صبا ..براحتج بس تنزلين راح نصب الغدة
تمارا ..شكرا بالعافية ما أشتهي
صبا ..تماراا
تمارا..نشالله راحت سديت الباب و رجعت كعدت علة الجرباية أبجي اففف مادري و غفيت محسيت على شي لحد ما ندكت الباب الساعة 6:00 المغرب اه كلت منو طلعت فاطمة
فاطمة ..تمارا عمي يريدج جوة
تمارا ..ماشي جاية كمت ما عدلت شكلي باوعت بالمراية عيوني مورمة من البجي و خشمي أحمر بس شلت شعري ذيل حصان و نزلت جوة الكل كاعد حتى أنمار كلت بكل برود مساء الخير
ردو ..مساء النور
الشيخ أنمار ..بعد ما اجة الحجي و عمي و الولد تغدينة صارت 4 راح عزيز صعدت غسلت و بدلت ملابسي لبست دشاشة و حطيت عطر ونزلت جوة الكل ملتم بس تمارا مموجودة افف يالله كل ما اتذكر الصار اكول ياربي شجاني و هيج ضربتها اه ضلينا كاعدين عمي كال ال فاطمة تروح تصيحة صاحتهة و نزلت فاطمة و نزلت تمارا وراهة بس شنو شكلها 👆 افف يالله بعدين كال عمي
ابو علي ..ها بنيتي وينج مشفتج اليوم و هاي شبيج جنتي تبجين
تمارا ..هلا بابا رحت كعدت يمة و كال جنتي تبجين كتلة لا بس من النعس هيج صارت عيوني
ابو علي ..اي شلونه مدلله البابا
تمارا..بشوفتك صرت أحسن
ابو علي ..دومج ربي
الشيخ حسن ..شنو مناوية تجين تسلمين على جدج
تمارا..لا شلون رحت سلمت علية ضل يسولف وكال
الشيخ حسن ..شلونج هنا نشالله تعودتي على الي بالبيت
تمارا ..الصراحة مو كلهم و باوعت على أنمار و درت وجي على بابا كلت بابا اريد ارجع البغداد
ابو علي ..ليش بابا ضجتي هنا
الشيخ حسن ..ليش بوية اكو احد مضوجج لو مزعلج
تمارا ..لا ولله بس اكو ناس متحترم وجودي هنا
الشيخ أنمار ..راحت ضلت تحجي وية عمي و جدي الحد ما سمعتها تريد ترحع البغداد اهنا انكمش گلبي
ولا ضلت تحجي علية
الشيخ حسن ..من هذا الي مضوجج كولي اكسر راسة
تمارا ..باع جدوو اني بعمري بحياتي محد مد ايدة علية و ضربني حتى بابا و اخواني ممدو ايدهم علية و دمعت عيوني كمت ابجي ما أستحملت
الشيخ حسن ..منو الي مد يدة عليج كولي لا ماكو داعي الهاي البواجي كولي من هذا
تمارا ..مسحت دموعي و أشرت بأيدي علئ أنمار كلت جدو هذا الي ضربني اليوم واني ما مسوية شي غلط حتى غلط عليها
الشيخ حسن ..أنمار الضاربج ليش ضربج شنو السبب الي خلاة يمد ايدة عليج
تمارا ..جدو باع اليوم ..................وهاي كل شي جدو اني ماعرف اهنا شنو تقاليد مالتكم و الناس الي هنا حتى ماعرفهم
الشيخ حسن ..حقة يضوج أنمار لأن احنة الطرمة مالتنة مكشوفة كلش يعني انتي متدرين و يباعون عليج لا تزعلين يا جدو ماشي
تمارا ..اي بس جدو ما يحق الة يمد يدة علية منو هو مفكر نفسة مثلا حتى نقطة احترام ممحترمني
الشيخ أنمار..اني كاعد و اشوفها شلون تحجي وية الحجي و تحجي علية وكالت اليوم اني ضربتها راشدي افف ولله مو بيدي انتي جبرتيني أمد ايدي عليج اه و بعد كامت تحجي تكول منو مفكر 👆
اني هنا صعدت عندي العصبية كلت هي احترمي نفسج ترة صالي ساعة ساكت عليج لأن الكل كاعد وهذا الي مفكر نفسة منو هو أني الشيخ أنمار و ثاني شي أبن عمج و يحق الي ان ضربج واكسر راسج فاهمة بصياح
تمارا .. لا ما فاهمة ما طول بابا عايش محد اله دخل بية أفهم عاد صيحت عليه و كمت و كفت
الشيخ أنمار..نصيح صوتج من تحجين وياي ماشي اني مالي دخل بيج عمي اسمع
ابو علي ..بس وليدي عوفها بعدها طفلة
الشيخ أنمار..عمي بتك إلي و متزوج غيري أني ابن عمها و انتي ارتاحي يا حلووة مراح تخلصين مني اذا مرجعت ربيتج من جديد فلا اتسمة أنمار
الشيخ حسن ..بس يا أنمار شجاي تكول تنهي عليها
الشيخ أنمار ..اي و من هسه اكول الكم راح نحدد موعد الخطبة عمي اذا ماعندك مانع
أنس ..أنمار شنو هذا كلام ترة هاي اختي صالك ساعة تحجي عليها واني ساكت
الشيخ أنمار ..بلة شنو تسوي هاا اختك متحترم واني اعرف شلون اخليهة تحجي عدل وياي
ابو علي ..شنو شبيك أنمار من كل عقلك
الشيخ أنمار..اي من كل عقلي و باجر عمي من رخصة الحجي يجون الكل هنا و أخطبهة منك رسمي اذا ماعندك رأي ثاني
ابو علي ..لا وليدي وين الكة مثلك بس رأي بتي مهم عندي تمارا تمارا بتي شنو تكولين
تمارا ..اشو هذا كال ال بابا بتك متتزوج غيري وأذا ابن عمها يالله شراح يصير بية ولا موعد الخطبة شكو شجاي يصير اني كاعدة واباع عليهم لحد ما كال بابا أنمار👆 كلت رأي شنو الي تاخذة انتة قبلت علية شنوو يهمك رأي و كمت ابجي بابا انتة شبيك ليش تغيرت وياي اني بتك شنو راح تخليني اتزوج أنمار واني ماحبة بابا اريد ارجع البغداد ماريد ابقة هنا وكمت ابجي حضنتني ماما وكالت
ام علي ..أسكتي بنيتي كافي تبجين محد يجبرج على شي انتي متردي صح ابو علي
ابو علي ..شنو صح الولد راد البنية و بعد متكدر تتزوج غيرة بأعتبار هاي نهوة
الشيخ أنمار..نفس ما كتلك عمي باجر الشيوخ كلها و عمامي الكل موجود وراح أخطبهة منك كدام الكل
تمارا.. تدري لوو مادري شنو يصير مراح اكون زوجة الك فاهم يا شيخ أنمار أهنا الكل يخاف منك و ميحجي كلمة زايدة بس اني غير مو مثل الكل و بعمري بحياتي مراح اسكت عن الغلط و مراح أسكت و مراح تشوف مني الزوجة المثالية لا بأحلامك راح تشوف تمارا العنودية الي السانها طويل الي محد يكدر علية حتى أنتة و عفته وصعدت فوك و نمت على الجرباية و كمت ابجي على حظي لو مجاية هنا هواي احسن وبابا الي جان مدللني حتى محترم رأي و أخوية اه ياربي كمت جاي اروح للحمام (تكرمون) و مكمت أشوف كدامي بس سواد و محسيت على شي بعد و أغمى علية ...
الشيخ أنمار..بعد ما عافتني وصعدت فوك طلعت اخذت السويج سيارة و طلعت رحت للكهوة يم جماعتي ضليت اشرب نركيلة و چاي و سوالف وية الشباب بس بالي كلة يمهة ليش هيج ولله مردت اخطبج بهاي الطريقة ردتج تحبيني مردت تنجبرين علية اه يا تمارا ورة شوية دك التليفون رديت كلت الوو
أحمد ..هاا خوية أنمار انتة وين
الشيخ أنمار..بالكهوة ليش شكوو شبيك
أحمد ..لا مبية شي بس تمارا تخربطت وديناهة بالمستشفى
الشيخ أنمار..شنوو جاي بالطريق بس سمعت هذا الخبر مشفت احد كدامي بس همي اريد اوصل للمستشفى رحت ركبت بالسيارة بحيث سويت الطريق 5 دقايق نزلت سريع سألت عليها كالو الطابق الثاني غرفة رقم 7 صعدت فوك شفت أحمد و زين و أنس و الحجي و عمي و عمتي كلت هاا خير شوكو شبيهة تمارا عمتي كال
ابو علي ..ولله يابني مادري شكول الك بس من طلعت برة راحت صبا عمود تشوفها ال تمارا نزلت تصيح تكول تمارا متخربطة ورأستن نزلنهة من فوك وهاي جيتنة و الدكتور ليساعة مطلع كمت ابجي اكول ماريد اخسر بتي الوحيدة
الشيخ أنمار..كافي عمتي اني هنا لا تخافين عليه رحت طبيت للغرفة كال الدكتور
الدكتور ..منو سمحلك تفوت
الشيخ أنمار..اني أفوت شوكت ما اريد فاهم
الدكتور ..رجاء اطلع برة مانريد مشاكل
الشيخ أنمار.. هي أني هم دكتور يلا اشتغل وأنتة ساكت و باوعت على تمارا يالله وجهة أصفر و عيونها حمر مال بجي ليش هيج تسوين بنفسج كافي ميلوك الحزن على عيونج يا بت گلبي خلص الدكتور كلت ......يتبع
----------------------------------------
السلام عليكم شلونكم عسلاتي نشالله تكونو بخير ..💜🌸
شنو تتوقعون شراح يصير ال تمارا! !
وصدوك راح ينهي عليهة أنمار لو لا !
و شنو ردة فعل سما راح تضل ساكتة! ؟
أنتضرو البارت الجاي من رواية وشكراا الكم على التفاعل الحلوو مالتكم لأن باجر عيد راح أنزل بارتين اليوم تكدرون تعتبرو عيدية مني الكم 😙😻
مع تحياتي الكم ..
#الكاتبة "الجود"".