المرأة اذا غضبت ..😡♠
لا تجادلها و لا تأخذ كلامها بجدية ..💔🔇
فقط دعها تقول ما في قلبها دون ..♣
أن تقاطعها فالمرأة ..👑
أذا غضبت تكون كالطفلة ...♥
و الأطفال ساعة غضب لا يحتاجون ..🌚
سوى الإحتضان..!🌟
............................................
رواية " عنودية الشيخ أنمار "
روِأّيِّةّ بِقِلَمَ أّلَګأّتّبِةّ "أّلَجِوِدِ"..
تمارا ..فتت للصاله شفت مرة كبيرة بالعمر اكيد هاي بيبي فاتت ماما سلمت عليها وضلن يبجن اففف وصاحتني ماما كالتلي
ام علي ..تعالي يمة تمارا سلمي على الجده
تمارا ..السلام عليكم شلونج بيبي
الجده ..بشوفت هل وجه الحلوو صرت بأحسن احوالي شلونج يمة شلون كبرانا و حليانة اكيد انقطع ألسانج من كبرتي
تمارا ..دوومج ياربي بس هاي حلات عيونج يا گمر انتي
ام علي ..لا عمة لا عبالج كبران هاي هية راح السانها بالعكس زاد
الجدة ..ياا ولج بعدج على هذا السانج
تمارا ..غير شفت الگمر و كمت احجي هيج أيي هههه ضربتني راشدي خفيف و كالت
الجده ..ولج بطلي هاي السوالف بس يظل السانج عسل
تمارا ..تسلمين بيبي شفت بنية بصفها سلمت عليها هلاوو
فاطمة ..هلاوات اكيد انتي تمارا صح
تمارا ..اي اني تمارا
فاطمة ..أتحمست حتة اشوفج لأن جدي حجالي هواي عنج
تمارا ..تسلمين حبي شنو أسمج
فاطمة ..أني اسمي فاطمة اصير بت عمج اخت الشيخ أنمار
تمارا ..عاشت الأسامي فطومة أنمارا! !
فاطمة ..اي خوية أنمار الي ستقبلكم من أجيتو
تمارا ..اهاا
فاطمة ..ايي عادي اكلج شي
تمارا ..اي تفضلي
فاطمة ..شلون تتطلعين هيج شنو احساسج
تمارا ..ههه عادي ليش مو حلوات ملابسي
فاطمة ..لا بلعكس يجنن وانتي حلووة
تمارا ..تسلمين ورة شوية فاتن 3نسوان و خمس بنات شابات سلمت عليهن ماما اجت وحدة سلمت علية
عمتي ليلى ..هلا بتي شلونج
تمارا ..بخير و بوستها كالت الي
عمتي ليلى ..اني عمتج ليلى و هذني بناتي 3 سما الكبيرة عمرها 21 سنة
تمارا ..أهلان بيج أشو هاي تباع علية من فوك ليجوة معاجبها العجب
سما ..اهلاا بيج بالبيت شيخ
تمارا ..شكرا يع شنو هاي اجتي الثانية زهراء لا مبينة حبابة
زهراء ..هلا حبي شلونج
تمارا ..تمام وانتي
زهراء ..بخير دام الحلوو بخير شكد عمرج
تمارا ..دوومج يگلبي انتي اني 18 وانتي
زهراء ..اني اكبرج سنة 19
تمارا ..العمر كلة حبي اكيد هاي السنة انتي كلية صح يا كلية فايتة
زهراء ..تسلمين ههه لا أسفة غلطانة انتي اني ما فايتة كلية خلصت سادس و بطلت
تمارا..بس ليش حرامات ليش بطلتي
زهراء ..ولله مو بيدي يلا عوفينا مني وانتي يا صف
تمارا ..سادس أدبي
زهراء ..حلوو شنو تردين تصيرين
تمارا ..الصراحة ولله مادري بس عاجبني مترجمة
زهراء ..اممم لله يوفقج نشالله
تمارا ..شكرا واجتي وحدة مبينة صغيرة يمكن عمرها هيج 10 سنوات
حنين ..هلاوو
تمارا ..هلا بيج كتكوتة شسمج
حنين ..اسمي حنين وانتي
تمارا ..عاشت الاسامي اني أسمي تمارا
حنين..شكرا أسمج مثلج حلوو
تمارا ..تسلمين من ذوقج أجتي مرة ثانية سلمت عليه
ام مصطفى ..هلا حبيبتي
تمارا ..هلابيج خالة
ام مصطفى ..وبيج اكثر اني مرت عمج ناظم
تمارا ..يا كل الهلا بيج
ام مصطفى ..تسلمين
تمارا ..اففف تعبت من السلام ولا بعد اكوو ادري شنوو هاي شكد يخلفون كلت هيج و سمعتني صبا
صبا ..ههه اي هواي ميخلصون أنتاج
تمارا ..ههه ضحكتني اي صح حجيج اجتي مرة ثانية تعرفت عليها كالت اني مرت عمج رعد سلمت عليها و علا بناتها ثنين يطلع عمرهن 14 سنة الحلو بيهن تؤام ههه دخت بيناتهن ما افرق ياهية (ليان) و (رسل) كلسع اخربط بيناتهن بعد ما خلصت تعرفت عليهم كامت عمتي أم انمار تسوي غدة و كامت وياهة فاطمة و صبا و زهراء و الباقيات مكامن ماما كالت
ام علي ..كومي بتي وية البنات ساعديهن بالغدة
تمارا ..حاضر ماما كمت طبيت للمطبخ كالت عمتي أم انمار
ام أنمار..روحي بتي اكيد تعبانة من الطريق البنات موجودات
تمارا ..لا ولله متعبانة أصلن ماعرف اكعد اذا ما اشتغل
ام أنمار ..بس
تمارا ..عمة خليني اشتغل وبالكوة يلا قنعتها اشتغل وية البنات سويت المقبلات و حضرن الأماعين باوعت على الجدورة كل واحد شكبرة اكيد بعد عشيرة كاملة عايشة هنا (لله يحفظهم) صبيت الأكل وياهن همزين اهدومي مريحات بالشغل خلصنا صب اجة شاب حلوو كال العمتي
أحمد ..ها يام كملتي صب
ام أنمار ..اي يبعد أمك
تمارا ..صارو ينقلون بالأكل خلصو صرنا نودي أكل للنسوان خلصنا كعدت يم ماما و بديت أكل خلصنا أكل كمت أني و صبا و فاطمة و زهراء نغسل الماعين مخلني اغسل وياهن كالن يتوصخن ملابسج طلعن حجة ضليت الم لم وياهن لحد ما خلصنا طلعت زهراء كعدت بالصالة واني رحت للحمام(تكرمون) غسلت و طلعت شفت فاطمة و صبا محتارين اجيت و كلت خير شكو شبيجن
صبا ..لا ماكوو شي بس جاي ادرو على ولد يروح يصيج زين ياخذ الجاي للزلم
تمارا ..امم ليش متروح فاطمة تصيحا
فاطمة ..ههه انتي من كل عقلج غير أنمار يكسر راسي
تمارا ..وليش يمة انتي ممسوية شي غلط
صبا ..بس احنا هنا ميقبلون نوصل يم باب الديون
فاطمة ..هسه شنو نسوي راح يبرد الجاي
تمارا ..اوي ولله بطرانات اني هسه اروح اصيحا و أجي موو مشكلة هيه
صبا و فاطمة ..عزاا تخبلتي
تمارا ..شبيجن تحسسني ان راح سوي جريمة قتل ههه
صبا ..بس واذ شافج أنمار
تمارا ..واذا شافني أنمارا منو هوو مثلا
صبا ..هذا شيخ حبي الكل يهابة كلمتة المسموعة هنا
تمارا ..باوعت عليها هيج 😒خلصتي راح روح اصيح زين واجي اوكفن
فاطمة ..لله يستر اذا شافها أنمار
صبا ..اي ولله تعالي نشوف شراح يصير
تمارا ..يالله شكد جبانات اففف هي شنو قابل شراح اسوي ادخل اسولف وية الزلم وضحك و شقة وياهم جانت الباب مسدودة رحت جاي ادك الباب جان يطلع هذا الشاب الصاك الي شفتة قبل شوية بس شنو عيونة حمر احسهن راح يطلع من مكانهن اه كالي بصياح انتي شجاي تسوين هنا
الشيخ أنمار ..بعد ما أستقبلت و سالفة تجر سالفة أجة وكت الغدة رحت اني و احمد وزين نجيب الأكل اني اتلكاهم من يم باب الديوان و همة يجيبون من المطبخ كعدنا نتغدة وسوالف وضحك خلصنا كمنا ننكل بالماعين كعدت يم الولد بالديوان ننتضر الجاي شفت زين كاعد يحجي وية أنس و مندمج كلت اروح اجيبة للجاي واجي رحت فتحت باب الديوان وشفت الصدمة هاي الگمر من لله نازل واكفة ان الصراحة عيوني رادت تطلع من الغضب كتلها بصياح هاي بعد ما سديت باب الديوان عمود محد يشوفها انتي شجاي تسوين هنا
تمارا ..الصراحة خفت بس مهتميت كتلة أسفة بس ممكن تصيح زين يجي ياخذ الجاي
الشيخ أنمار ..عززاا شنو هاي فوك ما طالعة برة وهيج لبس الابسة كتلها بصياح ليش ماكوو جهههااال دزيهم ليش انتي اجيتي هااااااا
تمارا ..لحضة ممكن بس ماكوو داعي تصيح او منو أنتة حتى تصيح علية هاا لا ماكو اي جاهل شلون دزيتة الة
الشيخ أنمار ..يالله عيوني من الغضب احسهن يجدحن نارر من حجيها أني اصيح عليج واكسر راسج اذا شفتج هنا طالعة
تمارا ..اني خفت بس ما أخلي يضل يتجاوز علية وأني ساكتة منو انتة حتى تكسر راسي هاا كولل بصياح
الشيخ أنمار..نصي حسج من تحجين وياي فتهمتي لوو مو خطار هنا شلون عرفت شلون اربيج
تمارا ..أني مترباية أحسن ترباية و أفتخر و رجاء ماريد تصير عركة صيح زين لو انتة تعال اخذ الجاي و رحت طبيت جوة و ضايجة الى درجة من حجية شنوو مفكر نفسة اذا شيخ عليهم موو علية ااففف
الشيخ أنمار..ضليت صافن أني شيخ أنمار الكل يهابني و مسويلي قدر تجي وحدة مثل هاي تصيح عليه افف أستغفرلله ااه ولا وعافتني و فاتت جوة خرب اوكفيلي رحت للمطبخ شفتها واكفة يم صبا و فاطمة جاي تصب االجاي باوعت على هاي خزرتها و كلت بصوت عالي
صبا ..عزا صارت حرب عالمية ثالثة ههه شلون حجتي ويا هيج
فاطمة ..اي ولله شلون عندج جرئة هيج حجيتي وياا
تمارا ..أسفة بس هذا الشاب الصاك تجاوز هواي ورديت علية
فاطمة و صبا ...ههه صاك
تمارا ..شبيجن تضحكن
صبا ..هذا الشاب الصاك الشيخ أنمار هههه
فاطمة ..ههه الصراحة مغلطت تمارا خوية صاك ويجنن
تمارا..بس عصبي خرب مسويت شي ههه ضليت اضحك وياهن و فاطمة جاي تصب الجاي واني جنت و اكفة يم صبا طب هذا الصاك باع علية وخزرني مهتميت اله بس صيح وكال
الشيخ أنمار ..جيبي الجاي
فاطمة ..أىي خوية تفضل هذا الجاي
الشيخ أنمار ..جيبي ورحت وديتة للزلم واني فكري كل الي سوتة هاي خرب هم جمال وهم لسان بس الصراحة تتكال مشايف وحدة من بنات عمامي او عماتي مثل جمال هاية خرب بت الاذينة بس ألبس الي لابسة كافي كعدت احجي وية الولد و ضحك وسوالف ورة شوية بدوو يرحون الضيوف حتى عمي ناظم و عمي رعد راحوو هو و عيالة بقت بس عمتي ليلى عمة هدى مأجتي لأن هيه بالبصرة مكدرت تجي راحوو الخطار و رحنا طبينا جوة اني و الحجي و عمي حسين و أنس ..
تمارا ..بعد ما راحن نسوان عمامي بقت بس عمتي ليلى هي و بناتهة كلت ال صبا لديني وين غرفتي رحت طبيت الغرفة تجنن يعني تطلع بكد غرفتي بس هاي اكبر طلعت ملابسي حطيتهن بالكنتور طلعت بجامة فستقية تجنن و طبيت بالحمام واوو الحمام بي بانيوو حلوو رحت سبجت بالبانيوو و طلعت اغاني أسمع خلصت بدلت لبست البجامة يعني مو كلش حصر و مشطت شعري و سرحتة بالشسوار شلتة ذيل حصان يوصل شعري جوة خصري حطيت مرطب الوجهي و شفتي و ماسكارة شوية ملبست شال حطيت عطر و نزلت جووة الكل ظل فاك حلكة علية حتى هذا الصاك ضل يباع علية اجيت و كعدت يم ماما و بصفي فاطمة كالت
فاطمة..عزاا ولج شنو من جمال شايلة وشلون تنزلين بدون شال مو الولد كاعدين
تمارا ..جمال عيونج باعي حبي أصلن محجبة بس من أطلع المكان ألبس الشال اما بالبيت ما ألبس شال
فاطمة ..امم بس كل احوالج حلووة شعرج حلوو
تمارا ..ولله شكراا
الشيخ أنمار ..بعد ما طبينة للصالة كعدت أسولف وية عمي و الحجي نزلت من الدرج عبالك ملاك ولا ملابسة شال و الكل ضل يباع عليها خرب بت اوادم ضليت اباع على مشيتهة شلون نازكة و حلووة بس السانها خرب ورة شوية صاحها الحجي و كال
الشيخ حسن ..تمارا بتي
تمارا ..عيني جدوو
الشيخ حسن ..تعالي احجي ويا جدج شنو ما شتاقيتي الي
تمارا ..شلون ما أشتاق الجدي رحت و كعدت بنص جدوو و الجدة وكلت اي شلونك ولله ليساعك شباب
الشيخ حسن ..يي ولله ياجدي بعدنا شباب بس بيبتج مو شابة كبرت
تمارا ..لا جدي لا ليش هيج تحجي على الگمر يمة فديتة للحلو اني
الجدة ..وياا هيجي تحجي علي وانتي يا فصعونة شوكت تكبرين
أنس ..لا بيبي متكبر هية مدلله ابوها
تمارا ..وانتة ليش مضغوط هاا
الشيخ حسن ..لا ما سمحلك تحجي هيج وية بنيتي
أنس ..ههه كملت بعد شنو تردين جدي وياج و بابا لا أعلنا النصر
الجدة ..يا يمة ليش هيج تحجي وية وليدي
أنس ..اي بيبي باعيهم شلون يحجون علية
الجدة ..لا محد يدكرك وانا موجودة
تمارا ..😮😮
أنس ..😏😏
الشيخ حسن ..بتي تعرفتي على اهلج و ناسج هنا شلونهم وياج
تمارا ..باوعت على الصاك ولله جدي كلهم حبابين وزينين
الشيخ حسن ..الحمدلله تعرفتي على ولد عمج
تمارا ..لا جدوو كعد يعرفني عليهم بدة كال
الشيخ حسن ..هذا أنمارا ابن عمج و شيخ عشيرتنا سلمي علية
تمارا ..باوعت علية صفح خزرني افف رحت تقدمت يم أذان جدي و كلت جدوو اني ما حبيتة هذا الولد عصبي كلش
الشيخ حسن ..ههه هوو مال عصبي اي صح عصبي بس گلبة طيب وحباب يلا كومي
تمارا ..بعيني الخاطرك ولله كمت رحت وكفت يمة هو جان كاعد يم بابا مديت ايدي اله كتلة هلوو اشو هذا كال
الشيخ أنمار..صاح عليها جدو وضل يسولف وياهة و شقة و ضحك هي و أنس اخوها بس ولله عليها بضحكة ترد الروح ايي شبيك أنمار شجرالج كال الهة جدو تعرفتي أهلج هنا اشو هاي باوعت علية صفح اني اضوج من هاي النضرة خزرتة كالت اي حبابين كالهة زين تعرفتي على ولد عمج اني هنا حسيت گلبي يريد يطلع من مكانة مادري هاي بت الاذينة شسوت بية عرفها الحجي علية كلها كومي سلمي على الشيخ أنمار اشو هاي كامت شاورت الحجي اشو كام يضحك ويكول هوو عصبي بس گلبة طيب اكيد حجت علية كامت و كالت بعيني الخاطرك و لله اجتي مدت ايدها كالت هلوو كلت الهة من تسلمين عدل ارد السلام
تمارا ..من كال هيج احس خجلت مديت ايدي و جاي أسلم علية بس لا هذا موو مال أحترامات ولله كلت تدري السلام لله اني مميتة عمود السلم عليك فاهم ودرت ضهري ردت اروح كال
الشيخ أنمار ..اني هنا وصلت عندي هي انتي منو حتى تحجين وياي هيج و من تحجين وية الشيخ أنمارا توكفين عدل فاهمممةة بصياح
تمارا ..درت ضهري علية كتلة تمارا موو هي افهم واذا واحد محترمني و مسلم علية ليش اضل واكفه هاا
الشيخ أنمار ..ولله طلع عندج السان وطويل هم من تحجين احجي بأحترام وياي
تمارا ..ولله اني محترمتك بس انتة الي متحترم
الشخ حسن ..كافي وليدي
الشيخ أنمار ..حجي متشوف السانها اطول منها متحترم
تمارا ..اني الي ما احترم ولله انتة الي متحترم
الشيخ حسن ..كافي بتي أنمار لا تحجي وياها هيج محجت شي البنية
الشيخ أنمار ..الزمي السانج حجي مجاي تشوفها شلون تجاسر علية وتغلط
ابو علي..كافي تمارا كومي صعدي فوك يلا بتي
فاطمة ..تعالي وياي لزمت ايدها بس رأستن وخرتها مني راحت يم الدرج ودارت وجها و وأشرت بأصبها على أنمار وكالت .....يتبع
............................................
هلو عسلاتي شلونكم شخباركم ...🌸🌸❤🌸🌸
شلونة البارت اليوم !!
تكولون شنو راح تكول تمارا و شنو ردة فعل الشيخ أنمار! !
هل راح يتصافون! !هههه ما اصدك 😅
أسفة على التأخير بتنزيل البارت ولله الليل كلة اكتب بي ههه حتى احس العركة صايرة يمي مال تمارا و أنمار ههه اليوم البارت ٢١٠٠ كلمة تستاهلون🌟💒
يلا عسلاتي ... باباييي ..
#روِأّيِّةّ بِقِلَمَ أّلَګأّتّبِةّ "أّلَجِوِدِ"..