ترويض الشرسه

البارت الحادى عشر

بينما هو يعلمها بعض الحركات ارجعت رأسها للخلف وهو وضع يده على ظهرها لتنحنى للخلف وتتحرك جزئها العلوى 180 درجه ولكنها من دون قصد انزلقت قدمها لتسقط على الارض وهو يسقط فوقها

ألين وهى تفتح باب قاعه الرقص وتتحدث مع حمزة الذى يلحقها بهدوء : اخرتنا زمان اصاله زهقت ومشي..... (توقفت عن الحديث عندما رأتهم على تلك الحاله ووضعت يدها على فمها وهى تنظر امامها ثم تنظر ل حمزة الذى يتقدم ناحيتها تحرك بسرعه واغلق الباب ووقفت امامه
-(قالت بصوت عالى ليسمعونها )استنى ي حمزة
=ايه ف ايه ؟

(عندما سمعوا صوت ألين نهض هو على الفور وساعدها ف النهوض )
أمير بحرج : اسف
أصاله وهى تحاول اخراج صوتها : انا اللى اسفه انا السبب فى اللى حصل دا ...تفتكر حد شافنا ؟
أمير وهو يتجه للخارج : ولو... كانت حادثه اكيد مكناش نقصد يعنى

ألين بصوت عالى لعلهم يسمعونها :احنا اتأخرنا جامد باين
حمزة :هو حد قالك انى اطرش ولا حاجه
أمير وهو يفتح الباب ويخرج : واقفين كدا ليه تعالوا ادخلوا
(تنفست الصعداء ثم قالت ) اه ياريت يلا
(دلفوا للداخل كانت أصاله جالسه على الارض فى احد الاركان وكانت تنظر للاسفل ولم ترفع عينيها )
ألين وهى تجلس بجانبها وقالت بصوت منخفض : كلنا بيحصلنا المواقف اللى زى دى (نظرت لها لتكمل هى ) ايوا كلنا بنتلخبط وبنقع وبيحصلنا الاسوء من كدا كمان ...انا عارفه انك وقعتى من غير قصد وان المنظر اللى شوفته من شويه دا مكنتوش تقصدوة ومن ناحيه امير ف هو اكيد مش هيفتح الموضوع دا تانى ولا انا ..ف انتِ انسى ولا كأن اى حاجه حصلت ..ويلا بقى ورينى شطارة امير عرف يعلمك ولا ولا !!
اصاله بأمتنان : شكرا لانك فهمتى اللى حصل
ألين بأبتسامه : مفيش شكرا بين الصحاب يلا بقى حمزة فاضله ثانيه ويجى يقلتنا لاننا قاعدين
(نهضت من مكانها وتوجهت ناحيته وبدأوا بالرقص معا وهى كانت جالسه تتابعهم وامير واقف فى احد الاركان مربعا كلتا يديه امامه ظلوا على تلك الحاله الى ان انهوا تدريبهم وتوجهوا كل منهما لمنزلة
______________________
عدى اسبوع على ذلك اليوم والاحوال مازلت على ما هى عليها
فى يوم كانوا يركضان معا كعادتهم بعدما انتهوا جالست على اريكه على جانب الطريق لتستريح ليجلس هو الاخر بجانبها
-(كانت ممسكه بالمنشفه الخاصه بها تجفف قطرات العرق مع على جبينها وبيدها الاخرى تحاول اعاده خصلات شعرها للخلف ...اخرج هاتفه وألتقط لها صورة ....نظرت له بأستغراب )
-بتعمل ايه ؟
=(قال ببساطه )بصورك
-(قالت وهى تحاول أخذ الهاتف من يده ) لا لا امسحها (نهض من مكانه ورفع ذراعه الممسك بالهاتف للاعلى ) حمزة متهزرش امسحها
=(قال بعناد وهو يرفع ذراعه لاعلى وينقل الهاتف من ذراع لاخر وهى تحاول الوصول أليه رفعت نفسها على اطراف اصابعها للتمكن من الوصول للهاتف ولكن اختل توازنها وكادت ان نسقط ولكنها لحقت نفسها بتطويق رقبته بذراعيها ...نظر لها بتأمل "اول مره ألاحظ جمال عيونها عن قرب عيونها تسحر اى حد يبصلها بتخلى الواحد مش عايز يعمل اى حاجه تانيه غير انه يبصلها هى وبس "
انزل ذراعه الممسك بالهاتف بدون قصد ...ابتعدت عنه وهى تأخذ الهاتف من يده وتتفقده نظرت لصورتها لتجدها كانت جميله جدا وكأنه خبير ف التصوير نظرت له لتجده ينظر لها بفخر لانه علم بأنها اعجبت بالصورة
-(قالت وهى تنظر للهاتف مره اخرى )همسحها
=(اخذه من يدها على الفور )همسحها بنفسى (تركها وتجرك للامام للعودة للمنزل وهى تلحق به وصلوا امام المنزل )
-(قالت وهى تمسكه من ذراعه ) مسحت الصورة صح ؟
=ايوا طبعا وانا هخليها معايا اعمل بيها ايه
-(قالت وهى تحاول اخذ الهاتف من يده ) طيب هات اتأكد
=(قال وهو يمسك بمعصمها وينظر لها بتحذير) مش انا قولت مسحتها ؟يبقى خلاص
-(قالت وهى تحاول التهرب من نظراته )اوكى خلاص ...سيب دراعى طيب
=(قال بتحدى)ولو مسيبتهوش ؟
-(قالت وقد لمعت فكره ما فى رأسها ) مش هعمل حاجه غير كدا (بمجرد ان انهت جملتها تلك قامت بلف ذراعه للخارج ونفذت عليه الحركه التى علمها اياها من قبل وتمكنت من افلات يدها منه ....كان بنظر لها بذهول لم يتوقع منها ذلك اماا هى فكانت تنظر له بفخر )
=(قال بحرج)علفكره انا كنت ماسكك براحه عشان كدا عرفتى تفلتى منى لكن لو كنت ماسكك جامد مكنتيش هتعرفى تنفذيها عليا
-(قالت بتحدى وهى تمد له ذراعها )طيب امسكنى جامد كدا وانا هوريك انى هقدر أفلت منك ولا لا
=متتحدنيش احسلك
-لا انا مُصرة بقى يلا
=(قال وهو يمسك بمعصمها )ورينى (كانت تحاول افلات يدها منه ولكن اثناء محاولتها وجدت خلف يتجه ناحيتهم وامسك يده الممسكه بمعصمها وهو ينظر له بغضب ويحاول افلات يده عنها )
خلف بحده وغضب :ابعد ايدك عنها (افلت يد حمزه الممسكه بمعصم ألين و اوقفها خلفه ليقف هو امام حمزة مباشرا )اياك تمد ايدك عليها مره تانيه
ألين وهى تحاول تصليح سوء الفهم الذى حدث : لا ي خلف انت فاهم الموضوع غلط
خلف ومازال ينظر ل حمزة :متخافيش منه انا هحميكى
حمزة وقد تحدث اخيرا :هتحميها من ايه بالظبط ؟منى ؟
خلف:اه منك ومن اى حد ممكن يحاول انه يقربلها
حمزة بسخريه وهو يقترب منه وينظر له بتحدى:طيب ورينى كدا هتعمل ايه
ألين وهى تتحاول ابعادهم عن بعضهم البعض : بس بقى انت فاهم الموضوع غلط ي خلف احنا كنا بنتكلم عادى
خلف : انت برضو لسه خايفه منه ؟
ألين :لا انا بتكلم بجد خلاص بقى متكبرش الموضوع
خلف وهو ينظر ل حمزة بغضب :ماشى ..هتروحى الكليه امتى عشان اعدى عليكى اوصلك
ألين : لا انا اجازة النهارده ...ارجع انت على البيت وانا هكلمك بعدين
(كان على وشك التحدث مره اخرى لكن حمزة تحدث اخيرا )
حمزة :هنفضل واقفين كدا كتير ؟ ورانا شغل احنا مش فاضيين للكلام الفارغ دا (بمجرد ان انهى جملة تلك سحبها بأتجاه المنزل تاركين خلف خلفهم ...اشارت له بيدها بمعنى ساحدثك على الهاتف )
____________________
كانت اصاله مستقله تاكسى وكانت فى طريقها للذهاب للعمل ولكنها رأت سياره أمير مُصطفه على جانب الطريق طلبت من السائق الوقف على جانبا... دفعت الحساب وهبطت باتجاه سياره أمير ولكنها كانت فارغه نظرت للمكان الذى تصتف فيه السياره وجدته النادى الرياضى الذى اعتاد الذهاب أليه دلفت الى الداخل وهى تبحث عنه ولكنها تذكرت شىء ما فتوجهت الى ملعب كورة الطائرة فهى تعلم مدى حبه لتلك اللعبه ووجدته بالفعل هناك
أصاله :كنت عارفه انك هنا
=(نظر لها وهو يحاول ألتقاط انفاسه )انتِ بتعملى ايه هنا ؟
-كنت فى طريقى للشركه وشوفت عربيتك بره ...قولت اكيد بيلعب باسكت ...بتلعب لوحدك ليه ؟
= فضلت ادور على حد يلعب معايا ملاقتش وانتهى بيا الحال زى ما انتِ شايفه كدا
-طيب ليه مكلمتنيش ؟
=اكيد كنتى هتقولى مش فاضيه ....وكمان عندك شغلك
-(قالت وهى تتجه ناحيته وتمسك بالكوره ) مين قالك انى هقول كدا ....وبعدين انا قررت انى اخد اجازة النهارده (اخرجت هاتفها من الحقيبه وهاتفت حمزة واخبرته بانها تريد اخذ اجازة اليوم ووهو وافق وبعدما اغلقت الهاتف نظرت ل أمير وهى تخبط الكورة ف الارض لتعود لها ) جاهز؟
=(نظر لها بذهول )انتِ اكيد بتهزرى
-(وضعت حقيبتها على الكرسى ورفعت اكمام بلوزتها لاعلى ) مبهزرش ولا حاجه ....خلينا نرجع ايام زمان ايام ما كنا بنيجى هنا وبنلعب كل يوم ....محتاجين نرجع صداقتنا من الاول وجديد وكمان عايزة اوريك مستوايا بقى عامل ازاى بعد اخر مره لعبنا فيها هنا ...فاكراليوم دا ؟
=(قال بأبتسامه ساخره ) ألا فاكر كان اليوم اللى جيتى فيه تقوليلى خبر خطوبتك من حمزة
-(قالت وهى تقترب منه ) فعلا دى اخر مره نيجى فيها مع بعض هنا ...من بعد اليوم دا فى حاجات كتيره قوى كنا متعودين نعملها مع بعض ...مبقناش بنعملها
=ما انا قولتلك قبل كدا احنا كبرنا وكل واحد فينا بقى عنده حياته الخاصه انتِ عندك خطيبك وانا ........(صمت )
-انت عندك مين ؟ أمير انت متعرفش غيرى انا وحمزة ...ليه بقى بتبعد عنا
=انا ماببعدش ولو هنفضل كدا نتكلم ونفتح الموضوع دا انا همشى
-للمره المليون تتهرب منى ....انا بجد عايزة اعرف مالك وايه اللى مضايقك ...سكوتك دا بيوجعلى قلبى عليك

="وانتِ بتوجعى قلبى كل ما اشوفك معاه " (اخذ من يدها الكوره وشاور على السلة الموجودة على يمينه وقال )دى السلة بتاعتى يلا هنبدأ وورينى شطارتك

-(قالت بأسى )مفيش فايده برضو مش هعرف اخد منك كلمه واحده
=(قال وهو ينطط الكوة لى الارض ويتجه ناحية السله الخاصه بها )خليكى اتكلمى وانا هدخل فيكى جو...........(توقف عن الحديث عندما اتت من خلفه وخطفت الكوره منه )
-(قالت بثقه ) مش انا اللى اخسر فى الباكست متنساش ان انا كنت من ضمن الفريق الاول على جامعات مصر فى اخر سنه ليناف الجامعه (كانت تتحدث أثناء لعبها وهو يحاول اختطاف الكورة منها لكنها كانت ماهره وسريعه ف حركتها لتحرز اول هدف فيه لتنظر له بغرور )دى مجرد البدايه (ثم ألقت الكروه ناحيته ليلتقتها )
=(قال بثقه اكبر ) اديكى قولتى دى مجرد البدايه وانا مبستسلمش (ركض بالكوره ناحيه الجهه الخاصه بها ولكنها حاولت اخذ الكروه منه لم تتمكن ف قام بأحراز هدف فيها نظر لها وهو يغمز لها لتتجه ناحيته وتأخذ الكوره ليبداوا جوله اخرى )
___________________________
دلف كلا من حمزة وألين للشركه ولكنه طلب منها اخضار بعض المستندات من ادم فتوجهت الى مكتب ادم لاحضارها وبعدما اذن لها بالدخول
ألين بأبتسامه : صباح الخير
أدم بأبتسامه مماثله : يا صباح الورد ...وانا بقول مكتبى منور ليه اتارى القمر جاى عندنا
ألين بأبتسامه : احم شكرا على المجامله الرقيقه دى
=لا مش مجامله ولا حاجه دى حقيقه ....أنتِ فعلا بتحلى اى مكان بتدخلى فيه وبتنوريه بأبتسامتك
قاطع كلامهم دخول منة من باب المكتب
منة بأستنكار : والله ؟ ما انت بتعرف تقول كلام حلو اهو اومال ليه بتيجى عندى وتسكت (ثم اكملت وهى تنظر ل ألين بنظره شر )ولا اكمنها بتعرف تدلع وتتمايص
أدم بغضب :منة خدى بالك من كلامك وكلمه زيادة هزعلك
ألين وقد قررت الخروج من المكان : طيب انا همشى ...فى ورق حمزة كانت قايلك عليه امبارح تبعتهوله ف ياريت لما تخلص تبعته على مكتبه ...عن اذنكم
منة بغضب :مع السلامه (تركتهم وعادت لمكتب حمزة ليلتفت هو ناحيتها ومسكها من ذراعها بغضب )
=انتِ شكلك اتجننتى...ايه الكلام اللى قولتيه من شويه دا ؟
-(قالت وهى تفلت ذراعها من يده )لا متجننتش انا عاقله وفاهم اللى بيحصل حوليا كويس قوى ...هى دى اللى مخلياك متردش على تلفوناتى طوال الاسبوع اللى فات دا ؟ (ثم اكملت بسخريه )وقال انا اللى قولت اجى اطمن عليك واشوف مالك ....اتاري البيه قاعد هنا مقضيها
=(قال بغضب ) لاخر مره بحذرك تاخدى بالك من كلامك ...انا وألين مفيش اى حاجه بينا فاهمه ولا لا ولو فى هتبقى صداقه مش اكتر
-(قالت بسخريه )صداقه ؟ واو ...هو فى صديق يكون ل صديقته الكلام اللى قولته من شويه دا ...دا انا اهو خطيبتك مبتقوليش الكلام دا ..ولا انا مبقتش داخله مزاجكك من بعد ما الانسه أيلينا دى ما ظهرت
=(قال بنفاذ صبر ) لاااا كدا كتير قوى ...فى ايه ي منة ؟ انتِ مكنتيش كدا ايه اللى غيرك
-انا متغيرتش انت اللى اتغيرت ومبقتش بتحبى زى الاول ...لو عايزنا ننفصل قولى وانا مستعده انى ألغى الخطوبه والليله دى كلها ونخلص
=(قال وهو يحاول السيطره على اعصابه ) انا مش هرد عليكى .....لانى عارف لما الغيرة بتعميكى بتقول اى هبل وخلاص ....وحسابنا بعدين لما تهدأى ..اتفضلى روحى دلوقتى وانا لما اخلص شغلى هجيلك نتكلم
(كانت على وشك الاعتراض ولكنه اكمل بحده)روحى ي منة انا عندى شغل دلوقتى ومتخلينيش اتعصب عليكى ....يلا
(كانت على وشك المغادره ولكنه اوقفها ) استنى لما تروحى طمنينى عليكى (نظرت له بذهول ليقول ) ايه ؟ من حقى اتطمن عليكى حتى لو متخانقين ...يلا روحى (تركته المكتب وغادرت وهى فى قمه غضبها )
_____________________
بعدما خرجت من مكتب ادم حاولت تخطى ما حدث ....نظرت لمكتب اصاله فلم تجدها فتوجهت الى مكتب حمزة
-هى اصاله فين ؟
=(قال وهو مازال ينظر للحاسوب الخاص به )اتصلت بيا وقالت هتاخد النهارده اجازة
-ليه هى تعبانه ولا ايه ؟
=معرفش مسألتهاش
-مسألتهاش ي بنى احنا قولنا ايه مش مفروض تهتم لامرها اكتر من كدا ؟
=افرضى دى حاجه تخصها هى ومش عايزة تقولهالى ؟ اجبرها ليه يعنى وادخل ف حاجه متخصنيش
-(قالت بخيبه امل ) علفكره انت خطيبها ...ولو فرضنا انها حاجه خاصه بيها اكيد هتقولك مثلا زهقانه شويه عايزه اخد ريست هتقول اى حاجه متحرجكش وفى نفس الوقت هتتبسط لانك اهتميت بيها
=المره الجايه هبقى اعمل كدا
-مفيش فايده انت حر انا اللى غلطانه
=(قال بأستنكار )عايزانى اعمل ايه يعنى تحبى اروح اخدها بالحضن واسمعها اشعار واحبلك فيها ولا ايه بالظبط
-يعنى هو ي كدا يا كدا ؟ وبعدين مفيش عندك وسط؟
=مبعرفش انا اهتم بحد او اعبر عن مشاعرى ناحيته ...متعودتش انا على كدا
-ودا غلط ..لازم لما تحس بمشاعر ناحيه حد لازم تعبر عن مشاعرك دى ومتفضلش ساكت ..عبر وقوله كل اللى انت حاسه ناحيته حسسه قد ايه هو مهم عندك مش لازم كلام بس على الاقل عبر بتصرفاتك .....ودا اللى انا هعلمهولك فى خلال شهر هخليك شاعر
=(قال بسخريه ) كان القرد نفع نفسه
-(قالت )لا مسمحلكش انا مشاعرى فياضه بس مش لاقيه اللى يخرجها
=(قال وهو يحدق بها )ليه هو سى خلف معرفش يخرجها ؟
-خلف ؟ لا انا وخلف مجرد اصدقاء مش اكتر
=(قال بعدم تصديق )دا بجد اومال انا شايف غير كدا ليه ؟ طريقه معاكى بتقول عكس كدا خالص
-بتقول ايه ؟
=بتقول انه معجب بيكى دا اذا مكنش الموضوع متعداش الاعجاب كمان
-لا لا مفيش الكلام دا احنا مجرد صحاب بس
=اوكى بكره هنشوف ...اذا كنتوا صحاب ولا
(عم الصمت فى المكان لمده وقطع ذلك الصمت دخول أدم من الباب ...امسكت بهاتفها لاتصال بخلف ولكنه لم يجب عليها )
أدم وهو يعطى حمزة المستندات التى طلبها منه :الورق دا دا فيه كل المعدات اللى محتاجينها للشركه
=(قال وهو يأخذ الاوراق منه ) تمام هراجعها وهكلم المندوب يبعتهالنا
-(قال بهدوء على غير عادته )تمام
=(قال وهو ينظرله ) مالك قالب وشك ليه ؟
-(نظر ل ألين نظره جانبيه وصمت )
ألين وهى تنهض : طيب انا هروح مشوار كدا واجى تمام ؟
حمزة : اوكى ....(قال وهو يتجه ناحيتها بصوت منخفض ) ولو لما تخلصى روحى على البيت لان مدرسك الخصوصى بيبلغك لو جه ولقاكى مش مذاكره الجزئيه اللى شرحها المره اللى فاتت هيعمل منك بطاطس محمرة
-(قالت بنفس النبره ) قول لمدرسى الخاص ان تلميذته شاطره وهترفع راسه بس هو يعملها القهوة اللى هى بتحبها
=(قال بأبتسامه ) ماشى ...يلا روحى عشان متتأخريش
-(نظرت لله بذهول )"هو انا بحلم ولا ايه ؟ دا بيضحك "
=هاااى روحتى فين ؟
-هه لا ابدأ ..همشى بقى باى
=(قال وكانه تذكر شىء ما للتو ) استنى هو الشخص اللى كلمتيه قبل كا على موضوع الهكر مكلمكيش تانى؟
- كلمته مره وقالى انه قريب قوى هيبعتهم واتصلت عليه امبارح تلفونه مبيجمعش للاسف
=طيب والعمل
-هحاول اتصل عليه تانى ونشوف
=تمام
(تركتهم وغادرت المكان اما هو ف توجه الى حيث يجلس أدم )
=هاا ف ايه ؟
-فى ان انا زهقت وهطق وجيبت اخرى من بنت عمك
=ليه ايه اللى حصل لكل دا ؟
-يابنى كل ما تشوفى بتكلم مع واحده سواء ف الكليه او فى الشغل تقلبها مناحه وانت مبقتش بتحبنى واتغيرت عن الاول وقيس على من دا كتير ..بجد انا زهقت وجيبت اخرى
= ما انت عارف منة بتحبك قد ايه وبتغير عليك هو حد يكره ان اللى بيحبه يكون بيغير عليه
-لو بالطريقه بتاعت منة دى ....اكيد هيكره ..اتكلم معاها وعقلها هى بتعتبرك اخوها الكبير وبتاخد بكلامك
=خلاص حاضر هكلمها
_________________________

توجهت ألين لمطعم والدتة خالف ورأته واقف بالمطبخ وكان مشغول فى عمل شئ ما توجهت ناحيته (المطبخ كان مطبخ امريكى مفتوح على المكان اللى بيجلس فيه الزبائن ) جلست امامه بعدما سلمت على فاطمه
-(قالت وهى تنظر له )هوايه جديده دى ولا ايه ؟
=(نظر لها ولم يجب عليها واكمل ما كان يفعله )
-طيب انت دلوقتى مقموص ليه طيب انا عملتلك ايه ؟
=ولا حاجه (ثم اكمل ) والقعده اللى انتِ قعداها دى خطر ممكن اى حاجه تيجى عليكى وتجيبيلنا مصيبه هنا
-متقتلقش مفيش حاجه هتيجى عليا لانى عارفه انك هتحمينى
=(قال وهو ينظر لها بجديه )انا بتكلم بجد ي ألين
-خلاص اوكى هقوم بس انت تعالى اقعد معاك عايزة اتكلم معاك
=مش فاضى
-(وجهت حديثها لفاطمه الواقفة بجانبه )شيف ممكن لو سمحتى تقوليله يسمع الكلام وتخليه يبطل حركات الاطفال دى
فاطمه بأبتسامه : روح معاها شوفها عايزاك ف ايه هو ف حد لاقى بنوته قمر زى دى تيجى لحد عنده ويرفض يقعد معاها
-قوليله ..دا انا اى حد يتمنى انى اشاورله بأيدى هيجيلى جرى
=(قال بأستنكار ) طيب يلا حلوه اسبقينى على بره وانا هاجى وراكى
-اوكى
(توجهت للخارج ليلحق هو بها وضع بان كيك وكوب مشروب ساخن امامها)
-واو دا ليا ؟
=لا طبعا عامله ليا انا
-(قالت بحزن مصطنع )اوكى
=(قدمه لها )بهزر معاكى ...دوقيه وقوليلى رأيك
-(امسكت بالشوكه والسكين وبدأت فى تناول قضمه منه وارتشفت القليل من المشروب ) جميل ...انت اللى عامله صح !
=اهاا
-تحفه بجد تسلم ايدك (اكملت تناول البان كيك بشراهه )
=(قال وهو ينظر لها بأستنكار ) انتِ جايه تأكلى ولا ايه ؟
-(قالت هى تبتلع الطعام ) ااا سورى اصله حلو قوى ف نسيت نفسى ....قولى بقى انت زعلت ليه ؟
=مزعلتش ولا حاجه
-لا زعلت وباين من طريقه ردك كمان
=اه زعلت لانك اخدتى صفه هو وانا كنت بحاول ادافع عنك
-انا مخدتش صفه ولا حاجه انا كنت بقول الحقيقه احنا كنا فعلا ندرب على حاجه هو كان معلمهالى مكناش بنتخانق ولا حاجه
=حاجه اى دى ؟
-حركه من حركات الدفاع عن النفس ...بس انت فهمت الموضوع غلط
=يعنى انا اللى طلعت غلطان ف الاخر
-لا مقصدش انا بفهمك اللى حصل مش اكتر ...وكمان لانى مش عايزاك تزعل
=خلاص حصل خير المهم انه معلكيش حاجه
-لا بالعكس احنا بقينا صحاب
=(قال بأستنكار )والله ؟ طيب
-(قالت بسخريه ) تعرف انه كان مفكر ان فى حاجه بينا اكتر من اننا صحاب ...ههههه سخيف مش كدا
=(قال بجديه )طيب هتعملى ايه لو كان كلامه صح ؟
-(قالت بعدم فهم )قصدك ايه؟
=انا فعلا معجب بيكى ي ألين من اول مره عينى وقعت عليكى ...واعتقد انك اخدتى بالك من الموضوع دا
-ايوا بس !
=انا مش عايزك تقوليلى حاجه دلوقتى خدى وقتك ....انا بس حبيت اوضحلك النقطه دى لانه زى ما انتِ عارفه انى بحب كل حاجه تكون واضحه ....كل اللى عايزة منك انك تفكرى وتدينى فرصه اننا نقرب من بعض اكتر ونتعرف على بعض اكتر ..هاا قولتى ايه
-(قالت بتردد ) ااا م م معرفش ...انا
=خلاص متضغطيش على نفسك ...خدى وقتك فى التفكير ...يلا كلمى البان كيك وهو لسه سخن (بدأت فى تناول البان كيك بصمت )
_________________________
بعدما انهوا مباراتهم تلك توجهوا الى الكافيه لتناول مشروب بارد
أمير بغيظ :مبروك عليكى الفوز
-دى اقل حاجه عندى علفكره انا كنت ممكن ادخل فيك اجوان اكتر من كدا بس انا تهاونت معاك وبحالتك
=(قال بسخريه ) اه اخدت بالى فعلا ...ياشيخه اقعدى دا انتِ كنتى بتلعبى بالعافيه لولا الجون الاخير دا دخل معاكى بالبركه
-تحب تلعب ماتش تانى وتشوف اذا كان بالبركه ولا لا ؟
=مره تانيه بقى انا لازم امشى عندى مشوار
-مشوار ايه ؟
=مشوار وخلاص روحى انتِ
-(قالت وهى تنهض )هاجى معاك
=انتِ عارفه انا رايح فين عشان تقولى هاجى معاك ؟
-اهاا رايح المستشفى للاطفال وانا هاجى معاك
=(نظر لها بذهول ) عرفتى منين ؟
-عرفت بطريقتى الخاصه ...هاا هتاخدنى معاك ولا اروح لوحدى ؟
=لا على ايه يلا بينا
(خرجوا من المكان وتوجهوا الى مستشفى الاطفال التى اعتاد امير الذهاب أليها بعد وصولهم للمكان توجهوا للمشفى وبدأوا يلعبوا مع الاطفال )
______________________
بعدما تركت خلف توجهت للمنزل كانت على وشك النزول من التاكسى ولكنها وجدت حمزة يستقل سيارته ويتحرك بها حاولت مناداته ولكنه لو يجب عليها ف طلبت من السائق اللحاق به بعد مده وصلوا لمكان ما هبط من السياره دلف للداخل ...نظرت للمكان وكان مستشفى لعلاج الاطفال
لحقت به ودلفت خلفه تاركه السائق خلفها ينادى عليها
-(ألتفت له )نعم ؟
السائق :الحساب ..انتِ مدفعتيش الحساب وهو 75جنيه
-(قالت بأسف )اسفه معلش نسيت (فتحت حقيبتها وظلت تبحث عن نقود ولكنها لم تجد نقود تكفى لمحاسبته ف نظرت له )ممكن حضرتك تستنى دقيقه واحده هجيب فلوس واجي ادفعلك
السائق : واستنى ليه ؟ انا هاجى معاكى يمكن تهربى ولا حاجه
ألين بأستنكار : اهرب ؟لا طبعا تعالى وانا هدفعلك الفلوس الضعف كمان
السائق :اتفضلى هاتى الفلوس (تقدمت للداخل وظلت تبحث عن حمزة وجدته يتجه ناحية غرفه ما ...نادت عليه )
-حــمــــزة
=(ألتفت لها وجدها تركض باتجاهه وخلفها شخص ما ) انتِ بتعملى ايه هنا ؟ ومين دا ؟
-دا سواق التاكسى اللى جابنى ل هنا لو سمحت ادفعلة حق التوصيلة لانى معييش فلوس
=وليه مقولتليش من الصبح ؟
-(قالت ببراءه مصطنعه ) نسيت الله !
السائق :ممكن تخلصونا ؟
حمزة وهو يخرج النقود من جيبه وسأل السائق : الحساب كام؟
السائق 150 جنيه
حمزة وهو ينظر لها : دا ليه دا كله ؟روحتى فين ؟
السائق :هو الحساب 75 بس هى اتباهت بنفسها وقالت هتدفع الضعف ف دا الضعف
=(نظر لها بغيظ واعطى السائق النقود وبعدما تركهم وغادر ألتفت لها )انا نفسى افهم معكيش فلوس وكمان بتتكبرى على الناس
-سورى بس هو اللى استفزنى بكلامه كان مفكرنى انى عايزة اهرب ومدفعش
=(قال بنفاذ صبر ) اوكى خلاص اللى حصل حصل ...انتِ جايه هنا تعملى ايه ؟
-(قالت وهى تنظر حلوها ) جايه اتطوع و ازور الاطفال
=(قال بذهول ) ت ايه ؟ انتِ تطوعى ؟ معتقدش واحده مدللة زيك ممكن تعمل حاجه زى دى
-لا هعمل وهتشوف
=ارجعى البيت وبطلى هبل
(نظر لها باستنكار وتوجه باتجاه غرفه ما ف لحقت به بمجرد ان دلف للغرفه استقبله الاطفال بفرحه جلس على احد الاسرة واعطاها ظهره ف ألتفوا الاطفال حوله )
طفل من الاطفال: ابيه ممكن تغنيلنا الاغنيه اللى كل مره بتغنيهالنا
الطفل الاخر :اااه ي ابيه غنيها بليز
حمزة بأبتسامه : من عيونى
(بدأ فى الغناء وكان يبتسم للاطفال بحب وكأنه تبدل من الشخص البارد الذى اعتادت على رؤيته ل شخص اخر محبوب والابتسامه لاتفارق وجهه ....كانت تتابعه والابتسامه على وجهها ولكنها اثناء متابعتها له أتت طفله تجر العصا المعلق بها محلول الجلوكوز الخاص بها ومن دون قصد خبطتها ف قدمها لتسقط ألين ارضا ...نظر بأتجاهها ليجدها واقعه على الارض تقدم ناحيتها وساعدها ف النهوض )
= انا مش قولتلك ارجعى البيت ؟
-(قالت بأصرار )لا
الطفله وهى تمسك بثياب ألين وتشدها منها :ابعدى عن الطريق
ألين وهى تزيح يد الطفله عنها :متمسكيش هدومى (لكن الطفله وقعت اثر دفعه ألين لها ....فتوجه حمزة ناحيتها بقلق )
=(قال وهو يساعدها على الوقوف ولكنه وجه كلامه ل ألين )انتِ بتعملى ايه ؟ (ثم نظر للفتاه التى بدات فى البكاء )انتِ كويسه ي حبيبتى ؟معلش
ألين بحزن واسف :والله مكنتش اقصد
(اتت الممرضات واخذوا الطفله بعيدا ...لتنظر هى له )
-(قالت بأسف ) اسفه مكنتش اعرف انها هتيقع والله كان غصب عنى (نظر لها ولحق بالطفله والممرضات للاطمئنان عليها )

اثناء ذهابه خلف الطفلة رأى أمير واصاله جالسان مع الاطفال ف احد الغرف توجه ناحيتهم )
=انتوا هنا من امتى ؟
أمير :من ساعه تقريبا وانت ؟
حمزة :لسه جاى من شويه ...بس غريبه ماقولتليش يعنى انك جاى النهارده كنا نيجى مع بعض زى ما كنا بنعمل ..وانتِ ي اصاله مقولتليش ليه انك جايه ما انتِ عارفه ان النهارده معاد زيارتى للولاد
أصاله : سورى نسيت اقولك
حمزة :على العموم حصل خير المهم ان الولاد هيكونوا مبسوطين لان احنا الاربعه هنا
أمير :اربعه؟
حمزة وقد تذكر ألين :اااف دا انت نسيتها زمانها دلوقتى اكلت الولاد
أصاله بعدم فهم :هى مين دى
حمزة وهو يتجه ناحيه الغرفه التى ترك ألين بها : ألين هيكون مين غيرها يعنى

(توجه للغرفه الاخرى وهم خلفه وجدوها جالسه على سرير وممسكه بقصه للاطفال وكانت وتقراءها لهم واثناء قراءتها كانت تمثل لهم الاحداث بيدها وعلى وجهها ابتسامه عذبه كانوا الاطفال فى غاية السعاده وهو يتسمعون لها )
=(قال لنفسه وهو ساند على باب الغرفه وينظر لها وعلى شفتيه ابتسامه ) "هههه حاسس انى شايف قدامى 9 اطفال مش 8 بس "
أمير :شكل الاطفال مبسوطين معاها انا همشى بقى (تركته وتوجه للغرفه الاخرى لتلحق اصاله به )
أصاله: علفكره احنا جايين مع بعض
أمير :فكرتك بعد ما شوفتى حمزة هتفضلى معاه
أصاله :بس انا جايه معاك انت
أمير :وانت خطيبته هو
أصاله:وايه المشكله يعنى ؟ هو خطيبى وانت صديقى
=ومين فينى المهم عندك انا ولا هو ؟
-انتوا التنين
=لا هو الاهم ...عارفه ليه الاهم لانك جيتى معايا هنا وانت قايلالى انك عايزة تيجى معايا بس فى الحقيقه انتِ جيتى لانك عارفه انه جاى ف بالتالى هتقابليه هنا ...يعنى وخدانى كبرى كالعادة زى ما كنتى بتعملى قبل كدا
-(نظرت له بذهول )انا بعمل كدا ي امير ؟
=اه بتعملى كدا ...هه وانا اللى مفكر انك بتحاولى ترجعى صداقتنا تانى لكن فى الحقيقه انتِ جايه عشانه
-وافرض افرض انى جايه عشانه ؟ايه اللى مضايقك هاا؟
=وانا اضايق ليه انت حره
-انا فعلا حره وانا غلطانه اصلا انى كنت بحاول ارجع علاقتنا زى الاول بس من الواضح انت اللى مبقتش زى الاول
=(قال بغضب )ايوا مبقتش زى الاول ...ااقولك على حاجه انا لو مكانك معرفنيش من تانى
-(نظرت له بذهول ) انت بتتكلم جد ؟
=ااه
-(قالت بكبرياء )اوكى زى ما تحب (تركته وغادرت المكان وهو ايضا خرج من المكان وتوجه لمنزله )

ألين بفرحه وابتسامه ل حمزة الذى يتحرك بجانبها وكانوا ف طريقهم للخروج من باب المشفى :على الرغم من انها المره الاولى ليا لكن الاطفال حبونى (ثم اكملت بفخر ) اصلا انا ابتسامتى لا تقهر بتسحر أى حد يشوفها ....(ثم اكملت لاغاظته )بس هما ليه مش حبوك ؟اكيد لانك مابتضحكش ولا بتحكيلهم قصص زى ما انا ما عملت
=(قال وهو ينظر لها بأستنكار )اعتقد انك مجتيش المسافه دى كلها ورايا عشان تقوليلى الكلام دا ولا ايه ؟
-(قالت بذهول )انت عرفت ازاى انى جيت وراك ؟
=(قال بثقه )ي بنتى انا بعرف الحاجه وهى طايرة ...وكمان ي اذكى اخواتك لما تيجى تمشى وراء حد متبقيش تمشى وراه علطول خلى بينك وبينه مسافه مش مجرد ما ينزل من عربيته تنزلى انتِ كمان وتوريله نفسك
-يعنى انت شوفتى وانا بنزل من التاكسى ؟
=(اومأ برأسها بنعم )قوليلى بقى جيتى ورايا لحد هنا ليه؟
-(قالت بحرج )احم كنت ااا عايزة مساعدتك ؟
=بخصوص ايه ؟
-(صمتت لوهله )
=ايه ي بنتى ؟
-لما نروح البيت هبقى اقولك
=(قال وهو ينظر لاعلى ) الصبر ي رب من عندك ..قدامى يلا
(تحركوا باتجاه سيارته وقادها للمنزل وعندما وصولوا للمنزل هبطت من السياره وكانت على وشك الدخول للمنزله ولكنها رأت شخص ما ظلت تنظر له بذهول وعلامات الرعب والخوف على وجهها ووقفت مكانها دون حراك ....نظر لها حمزة بذهول )
=ايه واقفه كدا ليه ؟
-..................
=ايلينا ؟ انتِ كويسه ؟
(لم تجب عليه ولكن اجابه شخص اخر وقد لاحظ وجده للتو شاب فى نفس عمره تقريبا )
الشاب وهو يتقدم ناحيتهم ويقف امامهم مباشرا وينظر ل ألين : ازيك ي ألين وحشتينى
(ابتلعت غصه فى حلقها وهى مازالت على حالتها تلك ..اما هو فنظر لذلك الشاب )
=مين حضرتك ؟
الشاب ل ألين :انا جين حبيب ألين
حمزة بغضب : نعم ؟
جين :زى ما سمعت كدا وقريبا جدا هبقى خطيبها وهنتجوز ....انت اكيد حمزة صح ؟
حمزة وهو ينظر ل ألين الصامته :اه اانا
جين : تشرفت بمعرفتك ...(قال وهو يتجه ناحيه ألين ل احتضانها )وحشتينى (لكنها اخيرا فعلت رده فعل وتحرك من امامه لتختبئ خلف حمزة وهى ممسكه بذراعه بكلتا يديها وتنظر له بخوف وتوسل كأنه تطلب منه المساعده ..فنظر لها بأستغراب من رده فعلها تلك ...ف اذا كان ذلك المدعو جين حبيبها فلم هى تمسك بذراعه وتنظر له تلك النظره وتطلب منه حمايتها من جين ...نعم فقد رأى تلك النظره وفهمها على فور هى تحتمى به وتطلب منه حمايتها ولكنه لا يعلم سبب ذلك الطلب ظلوا ينظروا لبعضها هكذا الى ان اخرجهم من ذلك صوت جين وهو يتحدث ل ألين بسخريه )
جين : ايه ي ألين خايفه منى ولا ايه؟ دا حتى لما اتصلتى بيا وطلبتى مساعدتى متاخرتش وجيت لحد عندك عشان اجيبلك البرامج اللى انتِ عايزاها
ألين وهى تحاول استجماع شتات امرها ولكن صوتها خرج مهزوزا نوعا ما : وليه جيت بنفسك كنت تبعتهم على الاميل او مكنتش تبعتهم خالص
جين بأبتسامه ماكره على شفتيه : وافوت فرصه انى اشوفك ؟دى تبقى عيبه ف حقى
ألين : اديك شوفتنى اهو .. هاتهم بقى وامشى
جين بمكر :مش بالسهوله دى ي ألين احنا فى بينا كلام كتير لازم نتكلم فيه قبل ما تاخدى الحاجه
ألين : كلام ايه ..احنا مفيش بينا كلام
=لا ازاى ؟ فى وفى كتير كمان ....اية رأيك اعزمك على فرابنشينو اللى بتحبيه ونقعد نتكلم
ألين : اتكلم هنا واخلص ي جين انا مش هروح معاك ف مكان
جين وهو ينظر ل حمزة : هنا ؟ وقدامه مينفعش دى امور خاصه بينا
حمزة وهو ينسحب من امامهم :طيب انا هسبقك على جوة
ألين وهى تتشبث بذراعة مره اخرى قالت بترجى :لا ...خليك معايا
حمزة بصوت منخفض تعلوه بعض الحده :ف ايه ي ألين مش دا حبيبك زى ما بيقول ؟
ألين بترجى :ارجوك خليك معايا وهفهمك بعدين بس متسيبنيش معاه بليز
حمزة بأستسلام ورأفة على حالها : حاضر (ثم نظر ل جين )اتفضل قول كل اللى انت عايزة
جين بأستنكار : هى بقت كدا ي ألين بتتحامى ف واحد زى دا منى
حمزة بغضب : ماله دا لامؤخذه يعنى اللى مش عاجبك دا ممكن يدفنك مكانك وانت واقف ؟
جين بسخريه : ورينى كدا ؟
ألين : اخلص ي جين هتجيب الحاجه ولا لا
جين وهو يعطيها فلاشه :خدى بس اعملى حسابك لينا كلام تانى
انا قاعد هنا فتره
ألين :اوكى اوكى ..(وجه كلامها ل حمزة ) يلا
دلفوا للداخل واول شىء فعلوة احضروا الجهاز الخاص به وبداوا فى تعريف الجهاز على البرامج وفتحوا الموقع وبداوا فى تفحصه وحصلوا على بعض المعلومات الخاصه بتلك العصابه
حمزة وهو يوجه حديثه لها : ليه كنتى خايفه منه بالطريقه دى ؟
-دا يبقى اخو مرات بابى
=اللى حكيتيلى عنه قبل كدا ؟
-اهاا
=ومش لاقيه غير دا اللى تطلبى منه يساعدنا
-الضرورات بقى
=ضرورات ايه ؟ انتِ بتستهبلى ..انا لو كنت اعرف انه هو كنت اديته فى وشه وطردته من هنا انتِ بتهزرى ي ايلينا ...ازاى تعملى حاجه زى دى ازاى تعرضى نفسك للخطر ؟
-مش احسن ما نعرض العائله كلها للخطر ...وبعدين انا مبقتش خايفه منه خلاص
=وايه اللى جد انتِ كنتى بتترعشى من الخوف من شويه
-(قالت بدون تفكير ) اللى جد انك معايا ومتأكده انك هتحمينى منه ..انت خلاص بقيت مصدر قوتى

(نظر لها بذهول وازادت ضربات قلبه ... قالت بعدما تداركت الامر )يعنى مصدر قوتنا كلنا (نظرت للارض وهى تفرك ف يدها بتوتر )
=(قال لتغيير مجرى الحديث ) كنتى عايزانى ف ايه صحيح لما جيتى ورايا المستشفى
-اه صح فكرتنى ...خلف عرض عليا اننا نخرج مع بعض ونتعرف على بعض اكتر وكدا ...وانا وافقت
=نعم وافقتى ازاى يعنى معندكيش اهل ولا ايه ؟
-لا مش بس احنا قولنا نجرب اننا نقرب من بعض وبعدين نشوف
=(قال بنرفزة )لا طبعا انا مش موافق على الهبل دا
-وانت بتزعق ليه دلوقتى ؟
=مزاجى كدا ...هو لا يعنى لا
-لا انت مش هترفض رأيك عليا اناااعمل اللى انا عايزاه
=دا هناك لما تكونى ف امريكا لكن هنا طوال ما انتِ فى البيت دا هتسمعى كلامى وانا قولت لا يعنى هى لا
-بصفتك ايه ترفض ؟
=لانى فى مقام اخوكى
-اخوكى اخوكى ..انا ماليش غير اخ واحد هو ألياس وبس
=مش بمزاجك
-لا بمزاجى مش عايزاك تكون اخويا انا الله !
=اومال عايزانى اكون ايه يعنى
-(نظرت له ولم تتحدث وقالت للتهرب من الموضوع)انا طالعه اوضتى
=" انا شاغل نفسى ليه هى متهمنيش فى حاجه ....ياربى طلعتيلى منين انتِ هى كانت نقصاكى من اول ما دخلتى حياتى وانتِ شقلبتيها على الاخر ومبقتش فاهم ولا عارف اى حاجه "

اغلق حاسوبه وتوجه لغرفته وحاول النوم واخراجها من تفكيره ..وعدى اليوم على خير

يتبع...