حتى سمعو خبطة لتحت
علاء : شكون خليتي قاعد لتحت؟؟؟
مريم: حتى واحد ، راقدين كثرمن اصحاب الكهف سيتارنا ماء ما تسلكهاش
اسلام : سييييييير
مريم : لالا خيط
نهاد : بلعو و واحد فيكم يهبط لتحت
يحيى : وعلاش ا لالة ماتروحش وحدة فيكم
نهاد : بسك نتوما رجالة اذا عدتو طبعا😏😏
اسلام و علاء و يحيى : اياااااااااااااااااااااااااا
نهاد : فرجونا عرض كتافكن لشوف
هبطو للثلاثة خخخخخ
مريم : واقيلا خافو علابيها راحو مع بعض بفففف😒😒 انا رجلة عليهم
نهاد و شيماء : في هذي صح هههههههه😂😂
مريم : أيا مالا انا نهبط ندي ..... بدااااااااااااافف💥💥💥. و يهجمو عليها قصدي يتحضنوها للزوج
نهاد : ااااااااععععععع جاااااااااااااو😱😱😱 لجنوووووون واااااااااااااع استغفر الله مسلمين مكتفين 😭😭😭
شيماء : ياطيبااااااا يا طيباااااااا من ثانيييييييااااااااات الودااااااااااع وجب 😱😱😭😭
مريم : -_- ريليييي للدرجة هادي يالخاوة😒😒
نهاد : !.! 😢😢
مريم : مالا انا نروح
نهاد و شيماء : ااااااااا لالا والله ماتروحيييييييييييي اوموا نتي معانا مادام دراري راحو نتي تعوضيهم بالييييييز 😢😱😢
مريم : لا
نهاد و شيماء : ر@(&( تريحي هنا بلا جدك😠
مريم : يااو عطشت خليوني نروح اوووووو علق هادو
هبطت مريم و خلاتهم يترعدو كثرمن لفلون كي تزدم عليه في لفريجيدار ، حطت طبسي و شربت الماء و هزت معاها مقلاة و حلالة للامان طبعا بسك راهي شاكة في سراق ايا هي خرجت من الكوزينة و يقابلوها زوج عباد يمشيو عيب نقول يمشيو بسك غير أصابعهم برك لي راهم يقيسو في الارض
مريم : تشباااا درك نروح ليهم و لا نخليهم يكملو يسرقو قبل مي كي نروح ليهم المقلاة تقتل نورمال همممم خبطة للبصلة السيسائية و هي عاقبة راحت تحبي ههه ميش حتى تمشي موراهم حتى قريب تلحق ليهم و شبطااااااااااااااااااخ بووووووووووم بنينسغسقهحفخهخنلثضغةىرططدطيعل ( صوت خبيط اك فاهم )💥💥💥💥💥
مريم وهي تخبط : هادي في خاطر الخوف لي درتوه و هادي في خاطر الماء لي ماخليتونيش نشربو كي العباد و هادي في خاطر كي تحلبتو و تجرأت تسرقو يا أعداء الله و هادي في خاطري انا بسك كنت حابة نضرب واحد و هادي في خاطر ممم مانعرف مي المهم
....... : البراح تاع لعراس و مايهدرش قدك يالرب خلاص والله مانزيد نعاودها 😣😣
مريم : ياوحد الحلوف و تزيد تمزق في فمك ارواح لهن يااااااااااا جماااااااعة ليجااااااااااان ياااااااااااااالبغوووووولة يالحابسييييين ارواحووووو راني حكمتهم
...... (و هي مزالت تخبط فيه للظهر): قمة الأدب ماشاء الله
و هوما هكذاك يجي يحيى و اسلام
يحيى : يااااا اخطييييوهاااااا ماكمش رجالة تتعداو على مرأة ياااا....
وتخبطو بالحلالة للفم
مريم : لاه انا من الرخويات مانقدرش نديفوندي على روحي😠😬
يحيى : اححح فمي مي مهما كان مرأة
مريم : قول وننه يااا انا...
..... : سمحولي على المقاطعة مي هنا حبس اخويا هادي كون ميش لكور تاعها كون حسبتها راجل عندها وحد الفورصا نتا و ماتقدرش تضرب بيها
مريم : هاه شفت انه يعترف بانني قوية تشياهاهاهاهاهاهاااي😈😈😈 مي احبس لكور .. ااااه ياوحد المنحرف واحد مايسلكك مني اليوم اطلقنييييييي😡😡
اسلام : صااااي صاي روحي للبنات درك نتلاهاو بيهم اووو لوخر قتلتيه
مريم : حاشاك مانقتلش الحشرات ، داخ برك ايا كملو الخدمة انا نروح
يحيى : اوك علاء راهو عيط للابوليس
راحت مريم و هي تنفخ في روحها توال لبنات ههههه و في هاد الوقت طلع علاء حتى يتشوكا السيد يلقا صحابو في الارض و يحيى و اسلام مكتفينهم
علاء : ضياء ، انيس واش راكم ديرو لهنا واش راهو صاري واش بيه جدكم احكيو و نتوما لاه مكتفينهم و..
اسلام : أخلاياااا بالع بوست كاسيت اسكت شوي و أهدر بالعقل ، تعرفهم هادو ؟؟؟؟؟
علاء : حلالي و حرامي نسيتهم؟؟؟
اسلام : ماتقصرش بيا
يحيى : ماكانش منها
ضياء : و درك لاعوش يهديكم ربي تحلونا بسك نزيد شوي ذراعي يلصق في ظهري
انيس : ااااااااه شكون الرخيس لي ضربني قبيل اححححح مرمدني الكلب ، علاء هاو وجهي لا زدت وقفت هنا عندك ياجدك ديت طريحة تاع كلاب في جرتك
اسلام : راني نيماجيني في مريم كي تسمع الهدرة هادي
علاء : وقتها نكونو راح نوجدو للجنازة احححح و نضربو فيها لحم الله الله
انيس : رهج ان شاء الله ، شكون مريم
ضياء : لي رقدتلك بغلك خخخخ
انيس : اوووووووو هادا شي اوووكل طفلة مليح هادي ماتخافوش عليها
كملو الدراري قصرتهم برا و كل واحد واح لدارو
New day
ناضو أهل الكهف كي العادة مع روتينهم و اليوم اخر يوم ليهم مع بعض وجدو رواحهم للزردة التالية ييب مزاللهم عرس يوسف (ولد عمة مريم )
و هوما قاعدين يلمو في كاباتهم و مريم تشرب في جي دايلي ديالي # إشهار اك فاهم#ً
تزدم عليهم نجاة ( ام يوسف )
نجاة : لي فيييييييي وينكم
مريم : راحو حنا أقرانهم رومبلاسون تاعهم اكي فاهمة سو اذا كان عندك اي طلب او استفسار الرجاء ماتقوليليش
و تخبطها بالفردة الحمد لله جات في يدها لي دارتها على فمها المهم
مريم : خير نجاتي ازرع ينبت راهو قريب يخلاص الصيف باه نحصد
نجاة : سامطة عبالك المهم نتي ماتروحيش درك بسك ...
مريم : بفففففففف اح اح اح
نهاد : ندبة دوشتيني اشربي كي العباد
مريم : بلعي لانكملو عليك
نهاد : اي كانت سبيك اربيك ( ماجي تخلاص لكرو حتى تسمعو بانتحار الانجليزية )
نجاة : صاااااااااااااااااي
مريم : احم لاه مانروحش ا لالة افجعيني
نجاة : شوفي اني عيطت لمحمد قاللي ديري بيها واش تحبي
مريم : ااااه قلبي اييي قلبيي انفجر😫😫 ( احتراما لنظرية أميرة لي زوووم ) باعني بابا ايييي انا متأثرة اييي ، لاه واش راح ديري بيا ، اي ماتقوليليش متعاقدة مع المافيا واااااو نحبك😘
نهاد : بهدلتنا نندب مهووسة مافيا
مريم : مغشي شكغااان عفوااان ، ايا شوي سيريو واش ندير نجاتي
نجاة : قدك في العمر حتى تقوليلي نجاتي بغل
مريم : اسم دلع دلللللللع ، هايا انطقي يا الرب
نجاة : شرفي مبعدا يديك خليل ولا يوسف لدار بيت حنان(بنتها) تلقاي الحاج ( عبد الوهاب شيخها ) ثما قوليلو نطلع نجيب الكابة من شمبرتها برك
مريم : كشغل وليت ساعي البريد انا
نجاة ( وهي جبدتها ليها ) : نتي لي تعرفي دارها و الحاج عقليتو مايشتيش الناس يدخلو لدارو مي نتي ماقال عليك والو و اصلا مدايرة فيك كونفيونص فهمتي
مريم : ساعات ساعات نقول لاه انا ناس ملاح ، المهم اوك مي وكتاه نروح
نجاة : بعد الغدا ، اييه و كي جيبيها يعقبك لداري
مريم : نقعد عندك؟؟؟
نجاة : مع الأسف وي بسك بنت خويا حرة و تعرفي تخدمي و اوكل نشتيوك😊
مريم : بروطيني برك بروطي ، ايييي و قشي درك كيفاه ندير لازم نروح و مانقدرش و راكي فاهمة و بلابلابلا ..
نجاة : ماتخافيش قلت لآمال تلملك حوايجك و دزهملك مع خليل ولا يديك يوسف جيبيهم ساهلة
مريم : يسما لاصقة لاصقة ، احم كشغل عيب نجي للعرس ا لاڤونس مثلاا
نجاة : سبب غير مقنع لاه اخت العريس جي مع المعاريض
مريم : يااااا حشميتينييي ، بلعطي و عاودي اوك واش درتو للغد😋😋ا
نجاة : يااااااا فكرتيني خليت الشربة هكذاك كون تتحرق نحرقك
مريم : وانا لاااه ياك نتي لي جيتي
راحت نجاة تجري للكوزينة و هي تتحلف في مريم بسك هي لي عطلتها الحمد لله لقاتهم طفاو الغاز تغداو و خلصو جا يوسف بسك خليل خدام داها طول لبيت حنان و في الطريق قعدو يقصرو و نظن تعرفو مريم وجه تبهدايل مع هي و يوسف كي الخاوة مداخسين بعضاهم
في طوموبيل
مريم :بش يوسف مسلكين لإنترنت
يوسف خلاصت لبارح و مع العرس ماحبيتش نسلكها
مريم : لالا خويا و راسك غير تسلكها انا لا اقدر على مفارقتها انها ...
يوسف : خلاص خلاص ماكالاه تبداي بالقصيدة تاعك درك نسلكها
مريم : تعجبني كي تفهمها و هي طايرة
يوسف : لاه تسخيبيني حابس كيفك
مريم : حاشاك ، احم واش راهي لبنة
يوسف : ااه لاباس لاباس 😳😳
مريم : اوووو يوسف مول الوجه المقصدر حشم اوووووووووو
يوسف :بلعي و هبطي
مريم : اععع عيب عليك تهبطني في نص طريق مبعدا نقوللهم و...
يوسف : يااااو لحقنا هبطي مانيش قاعدلك ليك
مريم : اييي خويا لحنين درك نجي احكم الحاج بالهدرة بيدما نجيب الكابة السرية لي فيها كنز علي بابا و لي كيب ناسيونال و نجي
يوسف : طيري درك نgاري و نجي
هبطت مريم صونات حل عليها الحاج هدرت معاه تاع هههههه لاباس و نتي
لاباس
الحمد لله
الحمد لله
نعقبو هاد الجزء باليز
دخلت للدار بعدما هناها و قاللها ماكاين حتى واحد غير منير ( سلف حنان ميش مطزوج خاتشب برك ) راحت للشومبرة ديراكت هزت الكابة هي جات مولية و تلقا وحد المنظر ياس انه لي راكم تخممو فيه باه نعاونكم لقاتو هو و ختشيبتو و العياذ بالله ( ميش انحراف بزاف جيست عناق والعياذ بالله )
مريم : استغفر الله اوموا روحو للشومبرة ميش على العلن ياربي و مايشوفونيش انا نحبهم بزاف و هوما كثر مني
و راحت تمشي بالعقل حتى تنطق المعقاقة تاع ختشيبتو
اماني : اووووو مونيييغ شكون هادي ماقلتليش بلي لافاندونياج لهنا بففف خلعتني
منير : عمري ماتخافيش هادي جيست وحدة من نسابنا برك
مريم : احم ديزولي على المقاطعة مي اولا يسموها فام دو ميناج لغة الناس بليز ثانيا ياو نتي لي تخلعي لعباد غير روحي اجري على روحك و ثالثا الحاج راهو هنا مانظنش يعجبو الكاباري لي راكم مركبينو
دارت راح تروح و يحكمها من ذراعها
أماني : اووو نحي يدك عليه بفففف لبنات تاع درك ولاو يتلصقو حتى في المتزوجين
منير : شوفي تنطقي كلمة للحاج نعتلك ...
مريم : نحي يدك
منير : هههه واش ديري كون مانحيهاش 😏
مريم : تنحي ولا نن😒
أماني : نتي لي راكي لاصقة فيه
مريم : نتي تبلعي واحد ماراهو يهدر معاك و نتا طير يدك سينون نكسرهالك
منير : هههه ضحكت... ااااااا رب يدييااااااا 😖😖
مريم : باه تتربا يديك تاع زبالة اعرف وين تحطهم و نتي كون ماجيتش مزروبة كون نربيك كيفاه تهدري مع لالاك انا اوموا ميش ندرg كي الفار
و خرجت لقات يوسف و الحاج مجمعين بقاتو. بالسلامة و ركبت في الطوموبيل دارت الكيت و قعدت جا يوسف
يوسف : و درك وين
مريم :......
يوسف : مممممممررررررررريااااااااااااااااااااام
مريم : يسموهم وذنين اذا كنت ماتعرفهمش
يوسف : على حساب الحطة نتي لي منقطعة وين نديك درك
مريم : للدار نجيب حوايجي و نديو نجاتي و الى بيتكم
يوسف : حسيتك مدير اعمالي خخخخخ
مريم : روح روح
راحو كيما قالها مدير الاعمال ههههه عقبنا الجزء هاداك وصلو للدار و مع يامات الفريز و التوجاد مريم و حنان لي قايمين بالحالة حتى لحق نهار يجيبو لجهاز تاع لعروس
In the morning
يوسف : ماااااااااااااااااارياااااااااااااااااااااااااام
مريم : والله ماني انا خاطيني والله
يوسف : ارواحي لهن مالا شكون دار .....
----------------------------------------
طييييييييييط
احم اي كناو طولت وألقى شوي ا جماعة والله ماكاينة القعدة
المهم ياك راكم لاباس
توحشتوني ولا ماكالاه هههه
رأيكم
توقعاتكم
احم ندخل ليث ولا مزال الحال و كيفاه تتوقعو دخولو للوسط
جاوبو و الا بالشاقوغ
طشااااااو