صباح الخير حبايبي
احلى عيديه مني الكم 😍😍 بارت صباحي لاجمل وارق متابعين
بمناسبة عيد الاضحى المبارك ينعاد عليكم بالصحه والسلامه
اتمنى لكم قراءه ممتعه
🌹🦋 البارت 42 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
جان يدزلي والله تحلمين اقبل بيج
شنو تسودنت واتزوجج من جديد
اتوقع حبيب الكلب ابن عمج السكط عافج لان عرفج لزكه
حيدر لتصير اناني وتفكر بنفسك
مره وحده بحياتك فكر بمصلحة غيرك
مو اهم شي نفسك
لخاطرالله وافق وفضها
شنو هاي انتي متعوده
تتوسلين حتى تتزوجين
ملاحضه نفسج هاي ثالث مره تتوسلين ع مود الزواج
لج بابا اثكلي
اني الي اعرفه الرجال الي يتوسل ويطلب الزواج
بس مشايف مثلج انت وحده لزكه وذابه نفسج كوه عليه
ادري بيك تريد تذلني
ومن هسه اكلك نجحت وذليت نفسي هواي والك بالبذات
وتدري بيه كلش زين ع مود نظوري ونور
خل يكون بعلمك اني مو بس مااريدك
اني مااطيق اشوفك ولا اطيق اسمع صوتك
بس مثل ميكول ابو المثل اشجابرك ع المر غير الامر منه
اني هواي ضحيت وهواي ذليت نفسي بس الخاطر ابني
بس انت شنو القدمته لابنك
قدمتله بس الاذيه وشلاع الكلب
يابه شنو انت متعوده تخطبين الزلم
اكيد ابن عمج هم هيج ذبيتي نفسج علي وانت صارحتي
حيدر كافي اهاين
واحب اكلك الصبر هم اله حدود
والي ساعه ينفذ صبري
تدري اذا طخت عندي شاسوي
والله العضيم اخذهم واشرد ومااخلي احد يندلني
والله والخلقج لو ترحين لسابع سمه هم الكفج وانهيج
بسيطه اسمم نفسي واسممهم ويايه
حتى الحكج لجهنم وهم اخذ حقي منج
حيدر لتعقد الامور اكثر
اني مااطيقك وانت مطيقني
نتزوج ع الورق مثل قبل
انت بحالك واني بحالي
اهم شي الجهال يمنه
اي واخليج اداومين ونازعه البوشيه وتفترين بالسياره نص الليالي
والله حتى باحلامج ميصير هذا الشي
اي شي اطلبه مني اوافق علي بدون تردد
متاكده
اي والله متاكده
اهم شي ابقى يم جهالي
اسمعيني لعد
الشرط الاول ترجعين ع البوشيه
الشرط الثاني دوام ماكو واذا انفتحت سيرة الجامعه كدامي
اطلكج واخذ ابنج للموت منج
الشرط الثالث السياره تنطيها لاهلج ومتصعدين بيها ابد
الشرط الرابع جهازج وخطج تنطينياهن لان راح
اجيبلج جهاز وخط جديد
بدون نت جهاز عادي لان بعد معندي ثقه بيج ابد
بكلبي كلت هو انت يايوم عندك ثقه بيه حتى هسه تثق
مااريد اي احد يعرفه للخط الجديد بس اهلج واحنه
اذا احد عرفه غيركم احركج واحركه وياج
والاهم من كلشي ترجعين مثل الاول خدامه ومربيه لجهالي وبس
طلعه ماكو بس لاهلج
ومتباتين ابد ابيت اهلج
اووووف يربي رجعني لنقطة الصفر
راح ارجع مثل قبل
بس لخاطر ابني حبيبي ونور راح اوافق ع كلشي
اني هم كرهت الجامعه
هي سبب دماري كله
دزيتله موافقه ع كل شروطك
بس عندي شرط واحد
انت ماالج حق تشرطين
انت تنفذين الشروط بس
اذا عندج شي اطلبي واتوسلي وعود افكر انفذه الج لو لا
امنت بالله عندي طلب ممكن تنفذه الي
وهو
مااريدك تجبرني ع اي شي مااريد اسوي
غير ذني الشروط
قصدج اتقربلج مو
خل يكون بعلمج وداعت نظوري كرهتج كره
ومستحيل افكر اتقربلج لو تصيرن كائن من يكون
من هسه انطيج وعد مراح اجبرج ع اي شي متحبينه
لعد اتوكل ع الله وباي وقت يعجبك تعال نعقد
انطيني مهله افكر زين حتى مااتندم
اوك
مستحيل اوصف شعوري بهاي اللحضه
حيل انذليت ولحد يلومني
ابني حياتي كلها
ماطلعت من هاي الدنيه الغبره غير بس ابني
هواي ضحيت ع موده وحرامات تضحيتي تروح هيج
مااريد الجامعه ولا اريد السياره ولا اريد الموبايل
اريد بس ابني ونور وراحة بالي
اتعذبت خلال هاي السنه الي اطلكت بيها
واخاف اهلي يجي يوم ويجبروني بي ع علي
واني مستحيل اوافق لو شيصير
افضل الجحيم وي ابني
ولا الجنه بدون ابني
ردت اخبر اهلي بس خفت اخاف ميوافق ويقلب عليه
بقه تقريبا 3 ايام
واي خبر ماكو منه
بس الجهال يمي مااخذهم
بس دز الحليب بيد امير
بالليل تقريبا ب2 دزلي
الووو
الوووو
كاعده
اي
حضري نفسج باجر الصبح امرلج حتى نعقد محكمه
والعصر نعقد سيد
بس لتنسين الشروط
ومن باجر البوشيه تلبسيها
اوك
دزيت لماما
ماما
كاعده
دزتلي
اي
تعاي للصاله
اوك
اجتي ماما
ماما حابه احجي وياج شي اتمنى تفتهميني وتسمعيني للاخير
مااريد تقاطعيني لمن اخلص
احجي ماما خوفتيني صاير شي
باجر اريد اعقد اني وحيدر
شنووووو
خل اكمل
ماما تعبت حيل وبعد ماالي قابليه اتعب اكثر
ادمرت بدون ابني
مااكدر اعيش ولا لحضه بدونه
لعد ودوامج
مااريد اداوم ولا اريد اي شي
اهم شي ابني ينام بحضني
لج ماما والله راح تتندمين
وراح اتعبين ويا راح ياذيج حيدر اني متاكده
ماما اني قابله بكلشي
ماافكر بنفسي
اهم شي ابني ومصلحته
يوم مااكدر اتزوج غير شخص
اني ميهمني نفسي ولايهمني زواج
والله ماما مااعرف شاكلج
عفيه انت احجي وي بابا وقنعي
لازم باجر اعقد
الله كريم بنتي
السياره راح اخليها بمكان الفلوس الي دفعهن بابا للجامعه
والله اذا سمعج يكلب الدنيه
ماما مو بكيفي
حيدر شرط عليه واني وافقت
الله كريم
روحي اصعدي
واني راح احجي ويا
صعدت بقيت كاعده
رحت صليت صلاة الليل
دعيت كله ياربي اذا بيها صالح خلي بابا يوافق وخليني ارجعه
واذا مبيها صالح كون بابا يعارض ومتصير ابد
اذن وصليت
دزت عليه ماما
نزلت
وجان بابا كاعد
كلي اكعدي بابا
كعدت كلي اسمعيني زين
انت مو زغيره ونعلمج
انت ام ولازم تعرفين مصلحتج ومصلحة ابنج
اني مااريد اخوفج بس اريد احذرج
بابا راح يتعبج حيدر
بابا اني موافقه واتحمل كلشي
متاكده مراح تتندمين
ابد والله ولو شيصير مراح اتندم ابد
هاي هي بنيتي روحي ارجعي لرجلج واسكتي
بس لازم يجون اهله ع حسب الاصول ويطلبونج منه
ميصير هيج كبل ياخذج
مااجذب عليكم حيل خايفه
وخوفي ميقل مثل اول مره من تزوجنه
للصبح خابرني كلي امرلج ب9
كتله يكول بابا خل يجون عمو وخاله ويحجون
كال لعد العصر ادزهم وباجر نعقد
اوك
للعصر اجوي وحجوا وي بابا
بابا خبر عمامي محد اعترض بس علي
واكيد رايه ميهمني
ثاني يوم خابرني كلي جهزي نفسج ب9
حضرت البوشيه
همزين ماما نايمه لان اكيد مراح تقبل
صدك ب9 ضبط اجه ورحنه للمحكه
عقدنه هالمره خله حاضر وغايب 5 ملايين
عادي مهمني ابد
لان اخر همي الفلوس
ابد ماحجينه ولا حرف
للعصر كال اجيب السيد هنا
فعلا اجوي خاله وعمو وامير
عقدنه وكملنه
كلي يله جهزي نفسج انت والجهال
جهزت نفسي
ودعت اهلي
انطيت السويج لبابا
كال بنتي هاي السياره تبقه الج مهما يكون
بوستهم وطلعت
ومن طلعت لبست البوشيه
ورحت ويا
احس نفسي كانو رايحه لحبل المشنقه بيدي
وصلت وحسيت بنفسي غريبه
كانو اول مره ادخل للبيت
وجنت حيل خايفه مااعرف شراح ينتظرني
كالت خاله اصعدي فوك رتبي ملابسكم
دخلت للغرفه وجان انصدم وافتح حلكي 😵😵😵
🌹 توقعاتكم حبايبي اشافت بالغرفه وانصدمت زينب ؟؟؟؟؟؟؟🌹
حيدر : احسب لحضه لحضه شوكت يخلص الاسبوع
حتى ارجعهم لان حيل مشتاق الهم
بعد يوم ويخلص الاسبوع
موعد الدكتور لازم اخذه للدكتور
رحت حجزت واتصلت بابو زينب وخبرته
جابه اليه حبيبي جنت حيل مشتاقله
بس اشو هذا كلب الدنيه بالبجي من شافني
ميطيقني ابد
مااعرف شمسويتله
ماادري يخاف مني اخذه عن امه
كام بس يبجي
اتخبل حاولت اسكته ماكو
اخر شي طلبت من عمي تروح زينب ويايه للدكتور
بقيت بره منتظرها
اجتي ورادت تصعد وره ومقبلت
رحنه ورجعنه مسمعت صوتها ابد
اتعمدت بالروحه اخلي اغنية نور الزين عليه
بس هي احسها صنم وكاعده
وصيت ع حليب لان كال زين اله
ثاني يوم قررت اجيبهم يمي
اتمنى اغمض عين وافتح عين الكيهم يمي
نمت من وكت وكعدت من وكت نشيط
سبحت وبدلت وردت اتريك
جان تجيني رسائل من زينب
الصراحه محبيت اجاوبها
بعدين طلبت مني ترجع
الصراحه حيل انصدمت
شعوري مااكدر اوصفه
بين الفرحان وبين الضايج
فرحان لان راح ترجع للبيت وراح نرجع مثل قبل
جهالي مامن عليهم يمها
ومن جها ضايج لان ادري بيها مجبوره راح ترجعلي
لان تريد ابن عمها
مااثق بيها ابد
شرطت عليها شروط ووافقت بدون تردد
ادري بيها عاطفة الام غالبه عليها
ووافقت بس لخاطر ابنها
اني راح اتعامل وياها مثل الاول
راح ارجعها لنقطة الصفر
كتلها انطيني مهله خل افكر
بس الصراحه لا اني موافق
لو يطيح بيدي هسه اروح اعقد عليها
رجعت للبيت وحجيت وي اهلي
كتلهم لو ماتتوسل بيه مجان قبلت
بس قبلت لخاطر الجهال
يوم زين تسوي
والله انشلع كلبهم هذوله الاطفال
صعدت لغرفتهم
غرفة الاطفال عفتها ع حالها ملمستها
بس غرفتها بلشت اول شي كسرت المري كلهن
شوهتها
ورجعت طلعت الملابس كلهن
شككتهن بالمكص كلهن
خليت بس القديمات 3 وبس
الي تطلع بيهن جنها بيبي
شمرتهن بالغرفه كلهن
رجعت ع المكياج لعبت بي جوله ع الجربايه
العطور همين الي كسرته والي خلصته
رجعت ع الفرشات الي جبتهن اني وياها
هم كصكصتهن بالمكص
مخليت شي صاحي بالغرفه
رجعت دخلت للحمام
ذبيت الشامبو والغسول
حبيت اخبث وياها
ردت احرك كلبها مثل محركت كلبي
جانت امنيتي اشوف شكلها من تدخل للغرفه
اهلي جانو طالعين واستغليت الفرصه
بعدها انطيتها علم اجيها حتى نعقد
طلبت مني اجي لابوها قبل لنعقد
دزيت اهلي بعدها عقدنه
رجعنه للبيت وجنت حيل فرحان
مو بيها بالذات
لا راح انام واني مطمأن ع الاطفال
صعدت للغرفه وجانت المفاجئه بانتظارها
بلكي تعصب لو تحجي ولو حجايه وحده
حتى اعرف شاتصرف وياها
بقيت منتظرها بس ماكو صوت
قبل لاياذن نزلت حجت وي امي
خاله عندج جيس جبير لو علاليك كبار
اي خاله هسه انطيج
صعدت
اذن صلينه وخلصنه
رحت لمحل موبايلات
اشتريت جهاز عادي ابو 15 واشتريت خط جديد ورجعت
لكيتها تسوي عشه
هي وزهراء
اباوع من جها لنظوري ونور فرحانين حيل
ومن جها ثانيه امي وابوي هم الفرحه واضحه بعيونهم
اتعشينه وهي مكعدت ويانه
مو مهم عندي
كملنه وغسلت مواعين بقينه شويه
واتفرقوا كلمن بغرفته
بقيت اني وي الجهال
دزيت نور كتلها روحي صيحي ماما وخل تجيب الجهاز
لحضات ونزلت
وينه جهازج
هذا
اخذته منها
نقلت الارقام الها وانطيتها الجهاز الجديد
وهذا القديم اخذته منها
ممنوع الكي جهاز غير هذا عندج
لان مراح تتصورين شاسوي بيج
هزت راسها بدون صوت
ترميشه مني الكيج كبالي
وترجعين مثل قبل بيتي تنظفي وتغسلين ملابس
والاكل تجهزينه واي شي يخصني تسوينه بدون صوت
هزت راسها
يله اختفي من وجهي
رحت لغرفتي احس براحه نفسيه
بقيت اكلب بالموبايل
وره فتره اجتي نور
بابا تكدر تاخذ ذني الاكياس تذبهن بالزبل
يااكياس حبيبتي
ذني ماما نزلتهن من فوك لكينه الغرفه مهوسه
وماما نظفتها كلهن
بس بقن بس ذني
وينهن
ذنيج خلتهن بالباب
روحي كليلها يكول بابا
اني مو خدام عندج واذب الزبل
لحضات واجت
تكول ماما كوم اوكف النه بالباب واني وياها نذبهن
روحي كليلها لتنسين الشروط من الباب مطلعين
عوفيهن بره وادخلي لا اكوم اكسر رجليج
راحت بعد مااجت نور
كمت طلعت
لكيت لامه كل الغراض بجياسه ومخليتهن بالباب
طلعت شمرتهن واجيت
نمت وكعدت سبحت وبدلت
رحت للمطبخ حتى اتريك
لكيتها كاعده ومجهزه الريوك
اتريكت وطلعت
للظهر رجعت هم لكيتها بالمطبخ
جهزت الغده وخلتها كبالي
وكاعد اترتب بالكاونتر
كالبته كلاب
كملت وصبتلي الجاي
كملت ورحت لغرفتي
بقيت ع هذا الحجي تقريبا اسبوع
بس هاي الفتره مسمعت ولا نفس منها ابد
بس المره الي طلبت من امي العلاليك
اني هم ماعليه بيها
جهازه بيدي دائما
اتمنى ولو مره وحده هذا العار يراسلها لو يخابرها
بس اكيد مخبرته الجهاز عندي
خابرنه محمد كال راح ارجع ابقى شهرين
حيل فرحنه لان مشتاقيله حيل
اجتي فاطمه وبنين
بقن يمنه خميس وجمعه وسبت
نظوري حيل فرحان ابنت فاطمه وبنت امير
الكل يكعد يسولف اله هي
ابد ماتكعد ولا تاكل ويانه
رجعت مثل قبل
قررت اخلي امي تخطبلي
بس هالمره مااريد غريبه
اريدها بلكي من اقربائنه
لان هم بعناد زينب حتى اثبت الها اني مو بحالج ولا اعترف بيج
وهم بعناد ابن عمها
راح اثبتلهم متهمني مجرد اريدها مربيه وخدامه بس
حجيت وي امي عارضتني
لعبوا بيه جوله هي وابويه
شنو يوميه متزوج ويوميه مطلك
شنو مشايف نسوان
يابه شبيكم اكلتوني وشربتوني
اشو كلهن مابيهن خير
اشو زوجتي الاولى ام نور
خانتني وهي ابيتي
وحنان همزين مذبحت ابني
وزينب شنو حجتك
اشو ادب واخلاق وجمال
هاي زباله ومتعجبني ابد
اني مخليها بس خدامه الي ولجهالي
هاي شبيك يوم والقران تتندم
مرتك مثل الورده وبعدهي طفله
يوم والله مااطيقها ابد
ومترهم ابقى هيج بدون زواج
لو تخطبيلي ع ذوقج
لو اروح وحدي اشوفلي وحده حي الله
ومنين اشوفلك
يامخبله تقبل بيك وانت متزوج 3 مرات
واذا اشو الشرع حلل اربعه
والله يوم انت مخبل وراح تخبلنه وياك
رحم الله والديج يوم
هاي بمكان ماتسعين لسعادتي
المفروض تشجعيني لان اريد استقر
لعبت نفسي من حياتي ومن روتيني
ومنين اجيبلك المخبله الي تقبل بيك
يوم اشو طلعتيني كلش
اشاره مني والله وراسج يايوم 100 وحده تذب نفسها عليه
اي ادري 100 وحده بس من ذني الساقطات
مستحيل وحده تقبل بيك اله يجوز مطلكه او ارمله وعدها كومة جهال
يوم مو مهم اذا ارمله عادي
بس مطلكه لا مااريدها
ولازم منا لاسبوع تروحين تخطبيلي
لك يوم منين احيبلك منا لاسبوع
شوفي خالاتي لو عماتي
اريدها اهم شي اقربائنه
ع مود نعرف اخلاقها
الله كريم
يوم بروح مروان اسعيلي بيها واستعجلي
الله كريم
اله اكسر خشمج اليابس يازينب
واعلمج شلون متجاهلتني وتشرطين عليه شرط مااتقرب عليج
عبالج اموت بدونج
ميهمني اتندم لو لا
اهم شي اكسر غرورها
يوميه واذكر امي
لك يوم والله كاعد اسالك
انطيني مهله
زينب : انصدمت بالغرفه من شفتها
حيل ضجت وانقهرت والله
لاعب جوله بيها
فتحت البلازما للجهال وطلعتلهم سبيس تون
واني اول شي سويته لميت الكزاز
وجبت من خاله علاليك كبار
ذبيتهن كلهن بالعلاكه
سويت عشه واني مااشتهيت ابد
حيل ضايجه وروحي طالعه من الدنيه
كملوا العشه وصعدت اكمل بالغرفه
بعدين دز عليه
من انطاني جهاز عادي
حسيت باهانه متنوصف ابد
احسه ذبحني من الوريد للوريد
عبالي يتشاقه من كلي
بس طلع صدك ماعنده ثقه بيه
محجيت شي
شاريد احجي واكول كدام اهلي
حيل انهضمت
صعدت كملت تنظيف ودموعي تجري
والله والقران ياحيدر وهذا وعد مني الك
اله اخليك تتندم ع كلشي سويته بيه
واله اخليك تبوس ايدي ورجلي بس تريد اسامحك
ولو تموت مااسامحك ابد
كملت الهوسه كلها ونزلتهن بالحديقه
دزيت نور ورفض يطلعهن
ردت اني اطلعهن وسكتني من ذكرني بالشرط
عفتهن وصعدت
الغرفه مشوها تشوه
بس ميهمني خليها تبقى حتى تذكرني باهانته الي
الكنتور مابي بس 3 دشاديش
همزين جبت ملابس من اهلي بس هم يجوز ميقبل البسهن
رتبتهن وكملت الغرفه كلها
اخذت ملابس ودخلت للحمام
وجان هم انصدم بي
مااعرف شنو قصده وهيج سوه
غسلت بس بمي وطلعت
بيومها ماكدرت انام ابد
اذن صليت وبعدها نزلت جهزتله الريوك مااريد يلزم عليه زله
بدت حياتي السابقه تنعاد من جديد
رجعني لنقطة الصفر
بس اختلاف قبل مااهتم
هسه لا احسه يذبحني من الوريد للوريد
كل كلمه منه تجرحني
كل تصرف ياذيني حيل
كمت اعتني ابيته وبملابسه وباكله
خابرت اهلي وخبرتهم جبت جهاز وخط جديد
بس ماعدنه شبكه
اكيد مصدكوني بس محجوا شي
وخابرت البنات وحيل فرحن ميدرن بيه رجعت للصفر
حيل تعبت وبعد ماعندي رغبه بكلشي
بعد مااحجي ويا
كمت انظف وارتب بدون صوت
زاد حزني قاطات
اتوسلت بفاطمه تجي وكتلها تجيبلي وياها شامبو وغسول وعطر
لان ماارهم بدونهن
اجني فاطمه وبنين بس ساره لا
جابتلي الوصيتها بيهن
دخلن للغرفه وجانن مصدومات
منو هذا المسوي بيها هيج
كتلهن ماادري من دخلت لكيتها هيج
اكيد المخبل والنبي مو صاحي
حبابات منو منجن تعرف تكص شعر
ليش
اريد اكص شعري
ليش حرامات
حيل مضوجني ينرادله عنايه
واني روحي بخشمي ماالي خلك
كالن منعرف
كتلهن ع زواج رنا كالن خبرينه حتى نحضر
ان شاء الله
جنت حيل ضايه ومخنوكه من كلشي
دزلي رساله اذا كصيتي لشعرج يمين عليه اشوها لشعرج كله واندمج
عفته مكصيته
بقن 3 ايام البنات
ابد مالامحني زوج فاطمه
بس زوج بنين شايفني مره او اثنين
هالمره مادخلت ابد
من اجني تغيرت نفسيتي شويه
بس من راحن رجعت ع ضوجتي
جنت اتراسل وي رسل دائما واسال عنهم
هسه انقطعت
سمعت كالو راح يرجعون حيل افرحت
دائما حيدر يطلعهم للجهال وجانو فرحانين خطيه
راح اخذ نظوري ووخر عنه التجبيره
كايله الدكتور زين صاير
اليوم جنت اسوي العشه وزهراء بنتها تبجي خطيه
كتلها روحي اني اكمل
جان حيدر بالمطبخ كاعد هو وخاله
كلي جهزي نفسج باجر
اني مستغربه شكو ووين
بس مااحب احجي ويا
سكتت
كامت خاله
كال شنو صايره طرمه متسمعين وماادري
باجر جهزي نفسج
التفتت علي
خير ان شاء الله ع وين
ترحين انت وامي تخطبيلي
ليش واني منو حتى اخطبلك
لتلغين زايد
باجر ب10 الصبح انت جاهزه وحدج الجهال عوفيهم
ترحين انت وامي وابويه
عبالي ديشاقه
انت تحجي صدك
ليش شكلولج عليه زينب مثلا واجذب
اني مااروح لاي مكان
مو بكيفج
لا بكيفي خطوه وحده مااخطي بره
اني هنا خدامه ومربيه
المفروض تاخذ اخواتك يخطبلك مو تاخذ الخدامه
هذا مو شغلج
باجر ب10 انت جاهزه
ولتخافين مو حبا بيج
بس همه شرطوا علينه شرط
اله ترحين ويسمعونج موافقه يله يقبلون
وراح اعتبرج اذا مجاهزه معناها عندج اعتراض ع زواجي
ومترديني اتزوج لان تغارين
شعوري مااكدر اوصفه ابد
احس شريط حياتي كاعد يرجع كدامي
من جديد
بس اختلاف بسيط
هالمره شعوري يختلف
ذاك اليوم مهتميت من كال اريد اتزوج من حنان
هالمره احس نار واشتعلت بيه شعل
حيل ضجت وانهضمت بالزايد
كتله الله كريم وع شنو اغار
الله يسعدك ان شاء الله
صعدت لفوك بجيت لمن مليت
مااعرف الدنيه شضامتلي بعد
اكيد يجذب عليه من كلي احبج
لان مستحيل يحبني
اليحب ميجرح
اليحب ميطعن بالظهر
اتمنيت يطلع يجذب عليه
اتمنيت يكلي اريدج بس انت وبس
ثاني يوم بدلت وجهزت نفسي
نزلت لجوه جهزت الغده اخاف يكعدون خطيه
عمو وخاله اعتذروا مني وكلولي والله مابدينه شي
عادي ولا يهمكم
اني بالنسبه الي حيدر مااله وجود بحياتي
وميهمني التزوج والماتزوج
ماادري بي واكف ورايه
كللهم ماكو داعي تعتذرون منها
هي مجرد خدامه ومربيه لا اقل ولا اكثر
حسيت هاي الكلمه ذبحتني ذبح
هواي هاني
مستحيل راح يجي يوم واكدر اسامحه لحيدر
كتله عينك ع الجهال
وهذا الغده جاهز
صعدنه بالسياره ومرينه ع فاطمه
مشت السياره بعيد
اعتقد خارج المحافظه
فاطمه اعتذرت مني
كالت والله مجبوره اجي ويا
والله عادي حبيبتي ولاتهتمين
اصلا هو الخسران والله
اي والله صدك
اني احجي هيج بس بداخلي جرح للموت ميطيب
اكيد الكل عرف هسه بيه الخلل الي يخلي حيدر يوميه يتزوج
لان الناس الها الظاهر
سالت فاطمه منين هاي البنيه
كالت اقربائنا من بعيد
شلون قبلت تتزوج وهو متزوج 3 قبلها
لان ارمله وعدها بنيه وحده
زين بنتها شلون تجيبها وياها لو تخليها
والله مااعرف ولاشايفتها ابد
بس الظاهر الحكومه مستعجله
يكل لامي اذا وافقوا
انطي الفلوس وخلال اسبوع راح يكون الزواج
هيج مستعجل اخوج ع عذابي
شنو شكلتي
لاهيج ماكو شي
كتلها همه وين بيتهم اشو بعيدين
كالت بغير محافظه ساكنين
بس مو بعيده فرق ساعه وربع
احس كلبي يريد ينشلع من مكانه
كلما نقترب اكثر خوفي يزيد اكثر
دك جهازي شفته حيدر
خليته صامت
دك مره لخ
رفعت خط الوووو
ليش متجاوبين
ماسمعته
اسمعيني زين
اذا سالوج ليش يريد يتزوج
تكوليلهم علاقتي منتهيه ويا اني شغلي مجرد خدامه ومربيه
مااكدر احجي بصوت عالي عيب
خنكتني العبره ونزلت دموعي
حيدر كاعد تهيني وتذلني اكثر من اللازم
ثق بالله ورسوله راح يجي يوم الي تتندم بي
بس وداعت نظوري وداعت ماما وبابا
مراح اسامحك للموت
وهو يامخبل يطلب السماح من وحده خدامه
سكتت محجيت شي
مفهوم الكلام
مفهوم
اكو اوامر ثانيه
لا ماكو طبكه بوجهي
الكل حس بيه
سالوني
كتلهم هيج وصاني
عمو وكف السياره تخبل
خابره كله راح نرجع هسه
لك ماعندك حياء شلون هيج تحجي عليها
سمعته يسب ويغلط بي
طبكه
صعد بالسياره يفور مبين علي عصبي
كلي بنتي انت تبقين بالنسبه النه بنتنه والله يشهد معزتج من معزت بناتي
معليج بي خل يولي
اهملي بس اسمعوني زين
حيدر اذا طول سنه وي هاي تعالو عاتبوني
والايام راح تثبت
بس يسالونج
كليلهم مااعرف السبب الي يخلي يريد يتزوج
دموعي متوقفن ابد
فاطمه كامت تحجي عليه
عبالهم هسه انت تبجين لان يريد يتزوج عليج
وكفنه عمو يم محل ومغاسل بالطريق
كال روحي غسلي وتعاي ارتاحي يله نروح
صدك غسلت وارتاحيت وصلنه
كال عمو اتحضرن وصلنه
جان عدهم علم بينه
دك عمو الباب
استقبلونه وجان مبين عليهم حبابين
فروا بينه وبوسني بنات مااعرف منو منهن الي راح تكون زوجة حيدر
اجتي بنيه حلوه ونازكه وعمرها زين ازغر من حنان واكبر مني مبين عليها
قدمت مي وببسي وكيك
اني يادوب شربت المي
لان بعد السم الي تسممته مااعتقد اشتهي بعد اي شي
البنيه عينها عليه
مثل الي نصدمت بيه
اني الوحيده الي مااحجي ابد
ع كد السؤال اجاوب
اجتي بنيه تطلع عمرها 4 او 5 سنوات
عرفتها بنتها
صحتها وبوستها وسالتها ع اسمها
كالت اسمي رغد
عاشت الاسامي حبيبتي
اذن كمنه صلينه وجهزوا الاكل
اكلت شي قليل مجامله لا اقل ولا اكثر لان مااشتهي ابد
عمو والرياجيل بالاستقبال
واحنه بالصاله
كمت اغسل بس انصدمت بولد شاب طخني حيل ممنتبه
اني رافعه بوشيتي
بس لمحني نزلتها
الولد اعتذر مني وطلع
والله عيب منه هسه اني شطلعني وحدي
خلصوا الاكل وصبو الجاي
اني كتلهم مااحب الجاي
جابولي عصير
اتعرفت ع البنات جانن نسوان اخوانها للبنيه
وره شويه كالو يردون يدخلون الولد يسلمون عليكم
لبست بوشيتي ودخلو سلمو
شويه وطلعوا
خاله فتحت الموضوع
كالتلهم هاي زوجته اجت بنفسها تخطب
ماعدها مانع ابد
كالت شعجب البنيه زغيره وحلوه ليش يريد يتزوج
كلتلها خاله ممتفاهمين ابيناتهم ابد
البنيه بنت اصول كالت ابقى ع مود جهالي
وهو خلي يتزوج
اخر شي انطوا الموافقه
كالت خاله منا لاسبوع الزواج يصير
ومنريد هوسه يرحون لكربلاء للفندق يتزوجون
لان مو اول زواج الهم
كالت البنيه اني ماعندي مانع
كالت خاله باجر يجي تعقدون محكمه وبعدها تعقدون سيد
وهذا الحاضر مالتج 5 ملايين
منا للخميس انت جاهزه كون
كالت بس ميكفن ال5 حيل قليلات
البنيه تتنغوص وخشمها يابس
توالمه لحيدر كلش
نفس الطبع
انطوني بعد 5
خلي اخابره لحيدر واشوفه
احنه ماشايلين اكثر
خابرته خاله وكلتله بالطلبات وطبكته
جان تكول خاله .......
توقعاتكم راح يوافق لو يرفض ؟؟؟؟
شراح تكون ردة فعل زينب اذا وافق ؟؟؟؟؟
واذا رفض شراح تكون ردة فعلها ؟؟؟؟؟
حبايبي وقت النشر راح يتغير يوميه انشر اكيد باذن الله بس الوقت حسب فراغي لان تعرفون خطار وطلعه واخاف اسافر لاهلي بس مراح انقطع عنكم ان شاء الله
تحياتي للجميع 😘😘