مساء الخير ع اجمل متابعين
ايامكم سعيده كل عام وانتم بالف خير ان شاء الله تحقيق الاماني يارب
اتمنى لكم قراءه ممتعه
🌹🦋 البارت 41🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
وجان اشوف نظوري سابح بدمه اتخبلت
لج شبي اخوج
بابا وكع من الدرج
عقلي وكف اتخبلت
والله اذا صار بي شي حنان احركها عدله هي وعشيرتها
اخذتهم اثنينهم ورحت للمستشفى
مااعرف شبي بالضبط ولا اعرف الدم منين
راسه وجسمه كله دم
اخذته للطوارئ
اخذوا وجيكو
سالوني شبي
كتلهم واكع من الدرج
كالوا هاي بطنه مشكوكه
مو مالت وكعه من الدرج
يعني شنو
مااعرف احتمال متعرض لخدش بالسجينه
ومن وكع بينت انفتح الجرح
اتذكرت السجينه البيد حنان
اتخبلت
كالو يحتاج خياط
خيطوها اله وبعدها خيطوا راسه بس الجرح بسيط
دزوني ع الاشعه
ايده بيها كسرين ورجله همين نفس الكسور القديمه انعادن
جبروهن اله
وفحصوا نور مبيها شي
ياربي هاي شلون اذا درت امه اكيد تتخبل
ويجوز تشتكي عليه بالمحكمه وتاخذه لنظوري
اتصلت بامير وخبرته
اجاني خطيه
كلولي طلعه ميحتاج يبقى هنا
الموبايل سباني بالدوام يردوني
اخذتهم ويايه وراويتهم جهالي
كتلهم انطوني اجازه
انطوني 3 ايام وراها جمعه وسبت
يصير زين بلكي
خابرنه امي واجت
اتخبلوا امي وابويه
كتلهم خل اروح للسيد اطلكها لحنان بنت الكلب
كلت خل اشتكي عليها واله اخليها تتنازل عن الحاضر والغايب
كال ابوي عيب خل نروح نتفاهم وياهم مو كلشي بالصايح
ياتفاهم وابني من الموت طلع
ميخالف ابني لازم بهدوء نتصرف
بالليل اخذنه نظوري وراوينا لابوها
اتخبل كتله لو تتنازل عن كلشي لو اشتكي
كال عمي متنازلين بس لا تشتكي
سالنه نور ليش هيج سوت
كالت لان بجه اخويه وهي تخابر
هددتنه لاتبجون لااذبحكم اريد اخابر
الله ياخذكم ان شاء الله
اموت منكم انتم وامكم وابوكم
ثاني يوم طلكتها محكمه
وصيت الكل محد يجيب طاريها لزينب ابد
حيل اذانه خطيه بس يبجي من الالم
كامو يحجون عليه دزه لامه خطيه
لو تموت خل تولي
كل الي ديصير بسببها هي
وره يومين وجان يندك الباب
اني منيمه حبيبي يم امي بالصاله وجان يبجي خطيه واني يمه
ردت اكوم افتحه للباب لزم ايدي ميقبل
جانت الساعه تقريبا ب4 العصر
كلت لنور روحي افتحي الباب
فتحته وجان ننصدم بزينب كبالنه
زينب : وصلت لمرحله مستعده اضحي بكلشي لخاطر اشوف ابني
ابد مااتحمل بعد فراكه
هو من حقي اني
اني الضحيت لخاطره وذليت نفسي
عفت دراستي لخاطره
دمرت مستقبلي كله لخاطره
وبالاخير ياخذه مني بسهوله
اتصل بيهم بابا وهم مقبل
رحت اشتريت خط مليت يوميه اجيب خط واراسله وينطيني حضر
اني غبيه وانطيته حضر
كلي لو تموتين مااجاوبج وفعلا
عجيبه عجيبة شخصيته
مستحيل ينسى ومستحيل يسامح
دزيتله رساله واتوسلت بي
هم انطاني حضر
كمت بس 👈😭😭😭😭
حيل ضجت 😔😔😔
مااعرف ليش ماعندي حظ
الدنيا حيل قاسيه ويايه
كمت صليت صلاة الليل
ودعيت من كل كلبي كون يرجع ابني لحضني
ثاني يوم الصبح وجان يجيني بابا قبل ليروح للدوام
وبيده حبيبي
شعوري مينوصف ابد
احس بنفسي رجعلي الهوى وكمت اتنفس
حيل افرحت وبس ابوس بي
ضعفان حبيبي حيل
كعد خطيه
واستغرب بالبدايه
بعدين كام يبوس بيه
وين الاوا ماما
ياحبيبي طابت الاوا
عرفته هو كايله هيج
اسعد وحده بالدنيه اني
كلشي مااريد من الدنيا بس اريد ابني يبقى يمي
مستعده اضحي بدراستي ومستقبلي
بس مااكدر اتنازل بعد واحجي وي حيدر
لليل اخذته ويايه بالسياره وكلته موطا
اشتريتله ملابس وحلويات
جنت ضد الحلويات للاطفال
بس هسه لا اريده ياكل اي شي بس كون ميضوج مني
حيل ضعفان ومتغير وذبلان
بالليل مخليته بحضني اريد اشبع منه
احجي ويا
لك ماما شلون انطاك كلبك وتعوفني
معقوله متذكرني
معقوله متكول اريد ماما
هيج نسيتني بسهوله
ولك الليل ماانامه من وره فراكك
وانت ممهتم
معقوله الضحيته ع مودك قليل
تريدني بعد اضحي حتى تكول ماما صدك احبج
للصبح لحضه وحده مغمض جفني
حاضنته وبس 😭😭😭😭
بسرعه صار الصبح
يوميه شطوله الليل
اليوم لمح البصر خلص
طلبت من بابا اوكل محامي اريد حضانت ابني
كلي بابا واسطته هواي وعنده عرف بكل مكان
مو من صالحنه الدعوه ولتنسين الطفل يريد ابو ومتعلق بي
لازم نروح لاهله ونتفاهم وياهم احسن بدون محاكم
بابا مااكدر ابتعد عن ابني والله اموت
شبيدي عليج يايابه
خلي عينج بعين الله
ونعم بالله
اتمنى مايخلص اليوم
بس بقه نايم حبيبي لل 1 الظهر يله كعد
غديته وبقيت شابكته
لمن اجه حيدر اخذه واخذ روحي وياه والله
بقيت ع هذا المنوال قهر بقهر
اجوي بيت عمو وهم علي طلب ايدي وهالمره رسمي
رفضت رفض نهائي
كال بابا ميصير بنتي هيج تبقين
والقران اذا جبتوا طاري الزواج احرك نفسي واخلص من الدنيا
ماما بقت تحجي ع بابا
كلتله لهنا وكافي
اشو بلونه بلوه البنيه متريده شنو كوه هي
اشو متزوج وعنده اطفال من كل عقلكم اني اوافق
والله العظيم بس تجيب طاري هاي السالفه
اخذ بنتي واترك البيت والنبي مااراويك وجهي بعد
حسوا بيها مفاركه ابنها عبالكم هينه
اسالوني اني عن فراك الابن
بابا سكت كال هاي هي عمي اسكتن اكلتني وشربتني انت وبنتج
والله اذا يفتحون كلبي ويشوفونه ينصدمون
احسه ينزف دم من كل مكان
رحت استلمت نتيجتي وطلعت الاولى ع قسمي
مافرحت بيها ابد
لان اكو غصه بكلبي
ماما وبابا فرحوا حيل
تبارك مطلعت معدل عالي خطيه طلعت 91 لان هي اساسا مستواها مو شي
كالت اني اريد لو هندسه لو علوم حاسبات
اجه مصطفى ابن عمو خطيب رنا
وكال راح اقدم زواجي لان طلع اسمي
لامريكا اكمل دراسات
اذا تزوجنه هسه قبل لااسافر الي حق اخذ زوجتي ويايه وتكمل هناك احسن
ماما اعترضت كالت لمن انت تخلص وهي تخلص يله تتزوجون
اني وبابا جنه ضد ماما
كنالها هناك تكمل احسن
وهو مثقف اكيد يريدها تكمل ويخاف ع مستقبلها مثلنه
بقينه نقنع بماما
وخطيه ماما بس تبجي
حددوا الزواج يوم 1 بشهر 9
هي فرحانه رنا وتكول امنيتي اكمل هناك
بدت بتجهيزات العرس
هي وماما يوميه يطلعن ومرات تبارك تطلع وياهن
هسه احنه تقريبا نهاية شهر السابع
كعدت اليوم وجان كلبي حيل يوجعني
احس اكو شي يريد يصير
حجيت كدام ماما
كالت ان شاء الله ماكو شي
اتصلت بخاله وكالت اني اليوم يم فاطمه
بس ماكو شي والله
مااعرف ليش مامطمئنه
بقيت بقلق 3 ايام ابد ممرتاحه وكلبي يوجعني ع طول
لمن اليوم كاعده جنت بوحدي
لان اهلي بالنجف كلهم
اني محبيت اروح وياهم
وجان رقم عمو يدك عليه
استغربت بس كلبي نغزني
اكيد اكو شي صاير
رفعت خط وجانت نور الي تحجي
حيل فرحت
اني جنت اعتب ع نور شلون متذكرني شلون متخابرني ابد
ماجنت اعرف ظروفها
بس كلت الووو جان تبجي
اني اتخبلت
شبيج ماما اكوشي صاير
اخوج بي شي
ماما نظوري يبجي ليل نهار
ليش حبيبتي
لان ايده مكسوره ورجله
وحنان ذبحته بالسجينه
اني هنا اختل توازني ودخت
شنو ولج حنان ذبحته
بيمن ذبحته
ماما بالسجينه لان يبجي عليج
كمت الطم ع وجهي وابجي
لج وهسه اخوج بي شي
ماما الله يخليج تعالي اخذينه
والله اني ابجي عليج ليل ونهار
طبكته منها
احس روحي راحت كلها
رحت ابدل مااعرف شالبس
بعد مااشوف دربي
لبست الحجاب والعبايه
والقران مركزت شلبست ابد
رحت بشحاطة البيت
مااشوف الي كبالي ابد
اديه ترجف كوه كدرت اسوق
مااعرف شلون وصلت
دكيت الباب وجان تطلعلي نور
دخلت كبل بدون اذن
دخلت للصاله وجانت الصدمه ع وجوه الكل
جان كاعد حيدر وخاله وعمو
شفت حبيبي يون
رحت شلته وابجي
لك ماما شصاير بيك
دموعي تجري انهار
خطيه كام يبجي ويايه
ماما اوا وياشر ع جسمه
لك ماما هاي شصاير بيك خرايط
ماسلمت ابد
كلت لنور
ماما روحي جهزيلي جنطة اخوج
طفر حيدر
كومي لج اطلعي بره
رفعت اصبعي بوجها انت تسكت ولا تتنفس نفس واحد
لهنا وكافي سكتتلك هواي
اطلعي بره لا اطلعج بالكوه
والله مااطلع اله ابني ويايه
هي هاي مداراتك اله
انت حرام عليك يبقي لحضه وحده يمك
زينب لتختبرين صبري عوفي الطفل واطلعي
يابه والله خطوه وحده مااخطي منا اله رجلي ع رجل ابني
لهنا وكافي
سكتت هواي واتحملت هواي
انهان اقبل انذل هم اقبل انطرد هم امنت بالله
بس مالت ابني يتاذه والله اكلبها للدنيه
موشفتني ساكته معناها قابله بلي تسوي
لا اصحه ع نفسك
كلشي بكفه وابني بكفه ثانيه
من باجر ارفع عليك قضيه
واخذه منك بالكوه
اطلعي بره وعود نتواجه بالمحكمه
ونشوف منو الي ياخذ الحضانه
يابه وروحه لسيوفي وروحه لمروان
مااطلع منا اله ابني ويايه
شنو اتانيكم لمن تموتنه يله
لعد ابقي هنا وانجبي لمن ادز ع اهلج يجون ياخذوج
لان لو تموتين والله مااخليج تاخذينه ولا لحضه
اتدخلوا عمو وخاله
كالوا يابه اكعدوا وخل نتفاهم ونوصل لحل
ميصير هيج تسون
انتوا اثنينكم عنودين
لازم واحد منكم يتنازل ويضحي
يابا دمرتوا الاطفال بعنادكم
لتنسون محد دفع الثمن مالت عنادكم بس ذوله المساكين
عمو يا تنازل هذا التحجي علي ويا تضحيه
جبت العمر كله اضحي واتنازل ولخاطر شنو
لخاطر ابني
يعني كفرت من ردت اكمل دراستي
شصار لو موافق ومضحي هو
رغم كلشي اخذ ابني مني وهم امنت بالله
وبالتالي اخسره وهم صبرت روحي وكلت بايادي امينه
عايفته بنص اهله
اجي اشوفه بهاي الشوفه
ابني ينذبح
لعد وين انتو عنه من هيج صار بي
مو يوميه اخابركم واكلكم ابني امانه يمكم
هيج تصونون الامانه
احجي بعصبيه وابجي
لج بابا والله محد جان بالبيت وخالتج جانت يم فاطمه
ها خاله تذكرين من خابرتج وكتلج كلبي علمني اكوشي
وانت تكوليلي ماكو شي
ليش محجيتو
ليش مكلتو هاي ام وتعرفون شنو الام
يعني فقدت النوم من يوم الاخذوا ابنها من بين اديها
يعني عايشه بقلق ها اكل ها شرب
ها نام ها كعد
يعني كرهت الدنيه وفقدت رغبتها بالحياة من بعد حضن ابنها
اكو احد حس بيه
اني مااعتب ع حيدر
لان ادري بي من يوم يومه وهو اناني ومغرور وماعنده كلب ابد
ميفكر بس بنفسه وبكرامته
بس اعتب عليج انت خاله
مو انت ام واكيد ماره بهيج شعور
شلون انطاكم كلبكم هيج تسون بيه
لج خاله والله مو بيدي
تدرين بحيدر مخبل
هاي شنو سويتيني مخبل رحم الله والديج يوم
تعاي يمه اكعدي خل نجيبلج مي
مااريد خاله والله كلشي مااريد بس ابني
صارلي 3 ايام لا ليلي ليل ولا نهاري نهار
كلبي حسني ابني شي والله
احب اكلكم رحم الله والديكم صنتوا الامانه
واجه الوقت الي ارجع ابني لحضني
زينب اتجفي الشر وروحي
ابني يبقى يمي
واعتقد تذكرين الاتفاق الصار بيناتنه
محد كلج اطلبي الطلاك
سكتت مابيه حيل بعد اجاوب
انتبهت لنور خطيه تبجي وصافنه بوجهي وبعيونها هواي كلام
حتى مبوستها نسيت
فتحت اديه الها واجتني تركض خطيه
شبكتها وبوستها كلبها وكف من البواجي
لج مشتاقتلج يبذات
والله اني هم مشتاقتلج
ليش متجين لعد اشوفج هيج نسيتيني بسهوله
هذا ميقبل
تاشر ع ابوها
هو خزرها
لج شنو هذا حقيره اتادبي واحجي عدل
فدوه ماما اخذيني وياج مااريد ابقى هنا
يوميه يضربني وياذيني مااحبه واضوج منه
ياحبيبتي سوده عليه
والله لو يطيح بيدي اخذكم اثنينكم ومااخليكم يمه لحضه وحده
بس شاسوي للمايخاف الله
اكلج بلا لغوه زايده
يله اطلعي نريد ناخذ راحتنه
وانت نور اني اعلمج
شلت ابني حتى اطلع
جره حيل مني
وكام يبجي حبيبي اتاذه
كتلج مايطلع يعني مايطلع
لاوالله اخذه وغصبا ماعليك
يله يحلوه راويني شجاعتج شلون راح تاخذينه
اخذه شاله بيده
ياربي شاسوي والله حايره
خاله فدوه خلي اخذه
حجت ويا وهو قافل
لك يوم اهدئ وخل تاخذه امه
الطفل مريض ويحتاج امه
اخر شي عمو كله خل تاخذه فد اسبوع ع ماتتحسن حالته
وبعدين نرجعه
سكت هو بعد محجه شي
اسبوع مو اكثر وابني يرجع
نور كامت تبجي واني هم راح تعوفيني
تحبين نظوري واني لا
روحي حبيبتي جيبي ملابسج وتعاي
نور اكعدي وانجبي
لا مااكعد اريد اروح وياهم
لتخليني اكوم اضربج
ميهمني مااحبك ولا اريد ابقى يمك
حسيته فقد
كاملها بده يضرب بيها
اني هنا متحملت بعد
احسه يضربني الي
وكفت بوجها وجريتها منه
لك انت شنو بشر لو حيوان
بعدني ممكمله
جان يضربني راجدي يفر راسي فر
ماكو حيوانه غيرج انت
جرني من ايدي ويريد يطلعني بره
وخرت ايده
وخر عني ماالك حق تلمسني
ع اساس ذابح نفسي عليج
وجايج لبيتج بابا استري ع روحج ولتنسين انت ابيتنه والي حق هسه كلشي اسوي بيج
اطلعي واحفضي كرامتج احسن
اله تحلمين تشوفين واحد منهم
رجعت للبيت اركض
رحت لعمو
والله ماطلع اله اثنينهم ويايه
اللهم طولج ياروح
يابه والخلقج اخابر ع ابوج وعمامج
واكلهم اجتي لبيتي ومتقبل تطلع
لج خليلج كرامه شويه وحسي
كاعد اطردج اطلعي
ميهمني الطردتني والماطردتني
اهم شي اريد ابني
ماامن اخلي يمك
نور اجتي مبدله وبيدها جنطه
صاح نور روحي انزعي لا نهايتج ع ايدي اليوم
اجتي تركض اله
باسته بايده هو صافن عليها
واحنه كلنه صافنين هاي شدتسوي
ابوس ايدك بابا خليني اروح وياها
ودنكت تريد تبوس رجله ماخلاها
والله متت من الجوع صارلي شكد مااكل
اكو احد حس بيه
بعد مااتحمل جوعانه
اريد اكل
التفت ع امه
يوم هاي صدك ماتاكل
والله يمه كلما اكلها تعاي اكلي تكلي ماكله مو جوعانه
ليش اني ماعندي علم
كتله مو انت مو اب صالح
اسكتي انت محد طلب رايج
لج ليش هيج تسوين بابا
حتى توديني يم ماما حيل مشتاقه الها
اتخبل هو
كام يسب ويغلط
الله لينطي السبب
وعينه عليه
كتله اي والله امين الله لينطي السبب
كال لنور كومي اكلي واذا اكلتي اخليج تروحين
كول والله
والله
ماما فدوه سويلي انت اي شي خل اكل
دموعي تجري
خطيه هاي البنيه حيل متعلقه بيه
يمكن اكثر من مااني متعلقه بيها
رحت للمطبخ
نظوري هم كال ماما سويلي تبيته
يموت عليها
من عيوني حبيبي
اكو تمن ومرك فاصوليا
نور متحبه بس كالت صبيلي اكل حيل جوعانه
حتى اروح وياج
سويت بتيته لنظوري
اخذت الصينيه للصاله
هو يباوعلي من فوك لجوه
عود معاجبني وضعج
اني مهتميت
اتذكرت مجايبه جهازي نسيته بالبيت
بس لا اهلي يتصلون بيه وماادري
كملوا وغسلتلهم
واخذتهم من كدامه
اول مره احس بانتصار
اخذتهم غصبا ماعلي
ولو اموت بعد مااستغني عنهم
اسبوع واحد لا اكثر ولا اقل واجيهم
وهاي مو لخاطرج والله
لخاطر نور
مجاوبته
صعدتهم وره لان نظوري لازم انيمه
وصلت ولكيت اهلي بعدهم
اخذت الجهاز ولكيته مداكين الحمد لله
فرحانه حيل بيهم
كتلها لنور تعاي سولفيلي شصار
كالت كعد نظوري وكام يبجي عليج
وحنان كامت تصيح علي
كتلها اله يجي بابا واكله عليج
جابت الصونده وسجينه
السجينه كالت اذا ماسكتو اذبحكم بيها ذبح
اني خفت وسكتت بس نظوري لا كام يبجي اكثر
مااعرف شلون جرحته
بعدين ظربتنه بالصونده حيل
كمنه نبجي ومحد بالبيت
كسر بايدها ان شاء الله
بس فجأه اجه بابا
شمدري بابا
مااعرف يكول لبيبي كلبي حسني اكو شي
شسوالها لحنان
طلعنه بره وقفل الغرفه عليها
وكمنه نسمع صايحها
اي حيل وياها
بعدها اخذها سحل وخلاها بالسياره
اني خفت حيل خاف ترجع وتكتلنه
اخذت نظوري وردنه نصعد فوك نتخبه حتى ماتندلنه
بس نظوري وكع من الدرج
شفت الدم بكل مكان
كمت ابجي وشبكته انترست دم
بعدها اجه بابا
ركضت علي وابجي
اخذنه للمستشفى اثنينه
كلو لبابا هذا مو من الوكعه هذا اثر ضرب
بعدين بابا طلكها وخلصنه منها
هاي يابه اذا اشوفها اله اشرب من دمها
سولفتلي ع معاملة ابوها وياها وحيل انقهرت
كتلها ليش تعاندين
مو تدرين بي ميحب العناد
مو ردتج والله
ابجي عليج ليل نهار
ياحبيبتي والله حتى اني
بس مابيدي شي
فدوه ماما لتعوفينه بعد
ليش مترجعين مثل قبل
فدوه ماما لتعوفينه بعد
بقيت دايخه وحايره
ارفع دعوه علي
يجوز اكسب القضيه ويجوز لا
لان عنده واسطه بكل مكان
وهذا زمنه مع الاسف زمن الواسطه مو زمن العدل
وحتى اذا كسبتها هاي نور شلون بيها
هم خطيه حيل متغيره
لازم اشوفلي حل
جوعانين حبايبي
اني ميته من الجوع
وانت نظوري
اني همين
طلبت كنتاكي بالدلفري حيل يحبونه
اذن وصليت
بعدها وصلت الطلبيه طلعت لبست عبايه
انطونيا وانطيت الفلوس
اهلي خابروني وكالوا جاين بالطريق
اكلنه سويه وفرحانين
نظوري يكلي ماما بعد مااروح هناك
ابقى يمج
ياحبيبي ابد مااستغني عنكم ابد
اجوي اهلي وانصدموا من شافوهم
سولفتلهم المقتل
ماما تبجي خطيه
وتكول ولج كلبك علم بيهم
رقاوي رادت تاخذ نظوري
كتلها لا حبيبتي اريد اشبع منهم
حيدر : من شفت زينب انصدمت
وجانت مثل العاصفه
اول مره اشوفها بهيج منظر
مثل اللبوه الي تنجرح
اكيد خطره تكون
بس اني هيهات اضعف امامها وامام دموعها
طردتها بس هاي ولاكانو
الظاهر احساس ماكو
رادت تاخذه نظوري واني تخبلت
لو تموت مااخليها تاخذه
حتى تخلي العار يسكمه لابني وياذي
وهو بلسانه اعترف
بعدين لحوا عليه اهلي
وكلولي خل تعتني بي لمن يطيب منا لاسبوع
فكرت امي خطيه ماتكدر
وزهراء حايره ابنتها ولهسه عند اهلها
وافقت
بس من رادت نور تروح وعاندت فقدت
صاير اعصاب اني ومااعرف ليش
كمت ضربتها بس هاي وكفت بوجهي
اتجاوزت عليه
ضربتها راجدي
اتمنه حكمها بيدي
يابه والقران جان نهايتها ع ايدي
بس ميصير اتجاوز عليها واضربها
لان تبقه مره وغريبه عليه والحق وياها بكلشي
اخذتها سحل ردت اطردها
بس فلتت نفسها
عاندت اكثر مااخليها تاخذه لنظوري
بس فاجأتني نور خطيه
باست ايدي وتريد تبوس رجلي تخبلت
طلعت بلا اكل صارلها شكثر
واني الغبي ماادري بيها ولا حاس عليها
رادت تعاند حتى تجبرني اخليها تروح
بس الصراحه حيل ضجت عليها
اني حيل صرت قاسي وياها بهاي الفتره
وزينب شفت الخوف بعيونها اكثر من اي شخص
يعني تحبها لنور مثل بتها بدون شك
وافقت تاخذهم لخاطر نور
البيت مينطاق بدونهم
باقين بس اني وامي وابويه
وامير
زوجته كال راح اجيبها
روحي طالعه
رحت لجماعتي اتعشيت ورحنه للشقه
سهره مثل كل مره
هالمره سكرت اريد انسى همي
ثاني يوم هم كذلك
بس السبت لا لان عندي دوام ثاني يوم
ماالي خلك
الجهاز نسيته مالت نور
جان خابرت واطمانيت عليهم
الله يساعد كلبها شلون اتحملت
اني هسه اريد اموت لان لا اسمع خبرعنهم ولا اكدر اطمان عليهم
فتحت الحضر
وكلت لازم اطمان عليهم
اتصلت مرتين ماكو جواب
اكيد تريد تسويها وحده بوحده
وره ربع ساعه اتصلت هي بيه
حيل فرحت يعني طلعت متوهم
رفعت خط
كلت الووو
جانت نور
ها بابا شلونك
هلو باباتي انت شلونج
اني زينه وانت
اني مشتاقلكم هواي
حتى اني مشتاقتلك
ياربي معقوله هاي نفسها نور الي دتحجي
اخوج شلونه
زين والله بابا
شكو ماكو
سلامتك بابا
اريد اكلك شي بابا
كولي حبيبتي
بابا اني اسفه واعتذر منك
ع شنو حبيبتي
لان عاندتك والله بعد مااعيدها ابد
حبيبتي اني اسف لان اذيتج
والله ع اعصابي اضربج
بس انت من صدك ضوجتيني وبس تعاندين
والله بابا بعد مااعيدها
هذا هو حبيبتي
اجي اطلعكم انت ونظوري
لا بابا والله مااريد اطلع
ليش حبيبتي
اريد اشبع من ماما اخاف يخلص الاسبوع وارجع
حيل ضجت وانقهرت
اكول صدك الطلاك اكبر خطا
اذا كان اطفال بالوسط
لان همه الوحيدين الي يتضررون
اكيد هاي زينب حاجيه عليها
واني متاكده هي الي خلتها تعتذر مني
اعترف تربيتها تخبل
مااعرف زينب شنو الخلاها تفكر بهذا ابن عمها
شلون كدرت تفضله ع الجهال
مو كتلها ابد مااخذهم منج
ليش هيج سويتي
ودمرتيهم مااعرف
كتلها مرتاحين هناك حبيبتي
اي والله بابا اني اسعد وحده بالدنيه
ونظوري هم يبجي بعده
لا ابد ميبجي
هم يريدني
اخاف اكلك وتروح تضربه
ليش اضربه
مو خاف من يحجي الحقيقه انت تضوج وتضربه
مثل ماجنت تضربنيً
احجي حبيبتي والله مااضربه
نظوري يكلي بعد مااروح لبابا اريد ابقى يم ماما
لان بابا وكيح
يتوسل بماما يكلها لتوديني بعد
وشكلتله ماما
ماما بس تبجي
كملنه حجي وطبكته
حسبه تاخذني وحسبه تجيبني
محتار شاسوي
مااكدر ارجعها زينب
لان اذتني هواي
هم عاندتني وفضلت الدراسه
وهم راحت حبت غيري
والله اليعلم بايسها لازمها لايدها
واني اتخبل اذا احد شافها مو ادور يلمسها لو يبوسها
محتار شاسوي
كاعد افكر واجاني اشعار
فتحته وجان من زينب كاتبه بي
اتمنى تخليهم يمي بدون مشاكل وبدون محاكم
لان ما اامن بعد بيكم واخليهم يمكم
الاجيت ويايه بالتي هي احسن اكون ممنونه منك مدى العمر
ومثل قبل باي وقت تريدهم تجي تاخذهم
بس اذا رفضت راح اكلك
من باجر اوكل محامي وارفع عليك دعوه
دزيتلها روحي كلفي مو محامي واحد ميت محامي
راح اكسبها لقضيه وانطيج ضمان 100%
وراح ادورها عليج
واكول هي الي اذت ابني
والله نصيحه لوجه الله لتعبين ولتخسرين
اكعدي واسكتي
شنو انت متخاف من الله
دخافي انت يله اني اخاف
شنو التريده بالضبط
اني مااريد شي غير بس جهالي
بس انت كولي شنو التردينه بالضبط
اني كلشي مااريد غير جهالي بحضني
يعني شلون اقسمهم نصين
نص الج ونص الي
انصحج نصيحه لترفعين دعوه
لان وروحه لمروان اندمج اكثر واكثر
واخليج تبوسين ايدي ورجلي بس تشوفينه لابنجومااخليج تشوفيه
والنبي حرام عليك هيج تسوي
والله اشور بيك
😂😂😂 شنو لتكونين علويه وماادري بيج 😏😏
بعد ماراسلت شي
الصراحه اني كرهتها لزينب
بعد مو بنفسي ابد
ولا احب قربها
لو ما سوايتها وي النذل ابن عمها
جان طلبت منها ترجع
وانسى الي صار
وحتى دوام اخليها
بس هي باعتني وباعت الجهال بسهوله
زينب : ادمرت نفسيتي ع الاخر
حايره شاسوي مااعرف
اتخله عنهم مستحيل افكر بعد ولو تفكير
ارجع لحيدر واذل نفسي هم مستحيل اكدر
ياربي ساعدني شلون بيه
اثنينهم منيمتهم بحضني بس ممرتاحه
عايشه بقلق وخوف
خوف من المستقبل
خوف من حيدر
المشكله من يحجي شي ينفذه لو شيصير
هسه شصار لو من طلب منك ابوي ترجعني وافقت
جان هسه احنه بخير
راح يخلص الاسبوع واني حايره
اتصل ابابا وكله راح اجي اخذه لنظوري
ع مود ادزه للدكتور
بدلتله وكوه خطيه لان يتاذه
اجه وكام يبجي ميقبل يروح وي ابو
اخر شي كلي بابا روحي وياهم هذا ميقبل ابد
كتله روح شوفه لحيدر اخاف ميقبل
لا بابا هو الي كلي
بدلت وطلعت
لكيته منتظرني
ردت اصعد وره
مقبل كلي اني مااشتغل عندج سايق
تعاي اصعدي هنا وانجبي
خليني هيج مرتاحه اخاف هم ميشرفك اصعد يمك
زينب مالي خلكج وربي روحي بخشمي
لو تصعدين هنا لو انزلي
اخذه حتى لو يبجي
صعدت مجبوره لخاطر ابني
اول متحركت السياره شغل نور الزين عليه👇
حسيته متقصدني بيها
وصلنه للدكتور جان حاجزله
دخلنه كال عيدوا الاشعه خل نشوف الكسور
فعلا عدنه الاشعه
كال رجله زينه بس ايده
بيها كسرين واحد زين القديم وواحد بعده هذا جديد
كال عيدوا اله التجبيره
ولازم تشربونه حليب بقر
حتى يتحسن
انطا بس مهدئات
رجعنه بالطريق خابر شخص وصا ع حليب
ابد منطقنه ولا بحرف
وصلنه لسوبر ماركت نزل ونزله ويا
اشتره اله وصعد
شغل اغنية نور الزين الله ليعوزني لاحد 👇
اني متاكده يقصدني بيهن ذني
رجعني للبيت كال باجر جهزيهم لمن ارجع من الدوام امر بيهم
محجيت شي
وصلنه ونزلت ونزلت نظوري
هو راح كبل
ياربي شلون بيه اذا اجه باجر
مااتحمل ابني يبتعد عني شلون شاسوي
بقيت للصبح كاعده وافكر حسبه تاخذني وحسبه تجيبني
صارت ب6 ونص الصبح
دزيتله حيدر الله يخليك بقيهم يمي
والله اي شي تريده مني انفذه الك
قره ومجاوب
دزيتله مو لخاطري والله لخاطر ذوله المساكين
خطيه ميقبلون يجون يمك
دزلي رساله
هذا الحجي قنعي نفسج بي
جهالي يرجعون الي لو شيصير
مستحيل ابقيهم يمج
زين خليهم اسبوع يمك واسبوع يمي
دزلي No
لعد انت شكد اناني
اني اناني من زمان هستوج يله اكتشفتي
جهزيهم ع الوقت وبلا لغوه زايده
شكد كرهته لهذا المخلوق
بقيت مااكدر انام ابد
اهلي كلهم نايمين لان عطله
بس بابا عنده دوام
الكل يكعد ب3 بس ماما تكعد ب1 تسوي غده
اني عيني مااخذت نوم
اخر شي كلت خلي اخلي الكرامه ع جها
لازم اقدم تضحيه مره لخ
لازم اذل نفسي مثل كل مره
بس لخاطر نور ونظوري
دزيتله رساله
حيدر خلي نعقد من جديد ونرجع مثل قبل
ع حساب الجهال خل نعوف العناد ع جها
محد وكع بالطلاك وادمر غير نور ونظوري
اني قابله ارجعلك وشتريد انفذه الك
دزلي رساله جان يكول ......
توقعاتكم حبايبي شراح يجاوبها ؟؟؟؟؟
راح يوافق لو لا ؟؟؟؟؟
راح يشلع كلبها لو لا ؟؟؟؟؟
حيدر راح يتقبل زينب بسهوله لو راح يحقد عليها ؟؟؟؟؟
ارجوا المتابعه حبايبي الي ممتابعني يارين ينطيني متابعه حتى كل ماانزل شي جديد راح يطلع الاشعار عدكم
تحياتي للجميع 😘😘😘