Matapos kong magpalit ng damit ay agad akong lumabas ng Resto.
Alas singko narin pala ng hapon, grabe ilang oras rin pala akong tumanga lang sa office ko.
Buo na ang desisyon ko. Pupuntahan kong muli si Grecko. Kakausapin ko sya.
Wala akong pakielam kung galit ba sya sakin or ipagtabuyan nya pa ako ngayon. Basta ang gusto ko lang may makaharap syang muli ngayon.
Pumara ako ng taxi at agad na sumakay rito.
Pupuntahan ko sya ngayon mismo.
Habang nasa byahe ay naglalakbay lang ang isip ko.
Alam kong magiging matigas sya sakin ngayon at mahihirapan akong makausap sya, pero tanggap ko naman yun.
Pero mas pursigido na ako sa kanya.
Shet, Grecko!
Sabi nila sundin ko lang ang puso ko. Pero di ko inisip na magiging ganito ako ka-agresibo.
Inabutan na ako ng dilim ng makarating sa bahay ng mga Marasigan.
Sumabay kasi ako sa rushed hour kung kaya't naipit sa traffic ang taxing sinakyan ko. Pero wala akong paki kung mahal ang metrong binayaran ko. Ang mahalaga ay nandidito na ako.
Nagdoorbell ako.
Muli na namang nagulat yung kasambahay na nagbukas sa sakin ng gate.
"Ah, kayo po pala" sagot nito.
"Nandyan po ba si Grecko?" tanong ko.
Alangan namang tumingin sakin ang kasambahay, akala ko ay papapasukin na nya ako ngunit pati sya ay lumabas.
"Ahm, pasensya na sir ah. Pero binilinan po kasi akong huwag na kayong papapasukin pa rito" nahihiyang banggit nito sa akin.
Nagulat ako sa sinabi nito.
"Si Grecko ba ang nag-utos nyan?" tanong ko.
Parang nag-alangan naman ang kasambahay ngunit tumango parin sa akin.
Tsssss, talagang matigas yang si Grecko ah.
"Please, nakikiusap po ako. Pabayaan nyo po akong makausap si Grecko. Kahit ngayon lang. Please ngayon lang po" pagmamakaawa ko dito.
Sincere naman ako sa sinabi ko.
Di ko naman akalain na sa gate palang pala ay magmamakaawa na ako 'makausap lang yung lalaking yun.
Para namang nahabag ang itsura ng kasambahay at naaawa sa akin.
"Pero sir, baka po mapagalitan ako" pagtutol parin nito.
"Please po manang, hayaan nyo naman po ako oh! Ngayon nalang po, last na po ito" pagmamakaawa ko parin.
Tumingin sa akin si Manang.
"Talaga po ba? Kasi po malalagot po ako kapag nalaman nilang ako po yung nagpapapasok sainyo eh" kabadong sagot nito.
"Opo. Last na po ito. Kung di man kami makapag-usap ni Grecko, hindi na po ako babalik. Promise po, basta papasukin nyo lang po ako ngayon" sagot ko rito.
Sa huli ay pinagbigyan rin ako ng kasambahay.
Dala nalang siguro ng awa kaya nya nagawa yun.
Itinuro rin naman nito kung nasaan ang amo nya.
Agad akong pumasok sa loob ng bahay at tinungo ang veranda sa gilid ng mansyong ito.
Malayo palang ay tanaw ko na ang pigura nya. Unti unti akong lumapit papunta sa kinaroroonan nya.
Nakatayo lamang ito habang may atang na saklay ang kaliwang braso pang suporta sa kaliwang binti nya.
Napilay raw ang kasi ang binti nito dahil sa impact ng pagbunggo, buti nalang talaga nakapag-preno sya.
Okay, nandito nako.
Wala ng atrasan ito.
Huminga ako ng malalim at tumikhim.
"Grecko" mahinang pagtawag ko.
Halatang natigilan sya sa pagbanggit ko ng pangalan nya.
Dahan dahan syang lumingon sa akin.
Nung una ay parang hindi pa sya makapaniwalang nandito ako, pero mabilis ring nagbago ang emosyon nito.
Mula sa pagkakagulat at nagtatakang mukha ay agad itong napalitan ng galit at inis na reaksyon.
"Anong ginagawa mo rito?" galit na tono nito.
"Grecko, mag-usap tayo please?" pakiusap ko rito.
Agad syang lumakad at pilit inilalayo ang sarili mula sa akin.
"Wala na tayong pag-uusapan! Ikaw narin ang nagsabi? Tapos na tayo!" halatang mong galit na galit sya base sa tono nito.
"Pero Grecko! Please, I'm sorry! Pakiusap, mag-usap tayo!" sagot ko sa kanya.
Halatang natigilan sya ng banggitin ko ang salitang "Sorry" hindi nya siguro ine-expect na hiningi ako ng tawad sa kanya sa kabila ng pagiging mapagmatigas ko nung gabing kinausap nya ko.
Bagama't nagulat, nagpatuloy parin sya pag-lalakad kahit nahihirapan sya sa paggamit ng saklay.
"Umalis kana!" sagot nito.
"Pero Grecko! Pakiusap! Harapin moko!" naiinis na sabi ko.
Frustrated nako. Kung hahabulin ko lang sya ay walang mangyayari, alam ko namang hirap syang lumakad kaya ayoko ng patagalin pa ito.
Patuloy parin sya sa paglakad at muntikan pang mapatid dahil sa pagmamadali.
"GRECKO!" sigaw ko.
Agad ko syang nilapitan, pero sinenyasan nya ako na huwag.
"Bakit ka humihingi ng tawad? Naaawa ka ba sakin? Nagi-guilty kaba dahil ikaw yung dahilan kung bakit ako nagpaka-lasing at humantong sa ganito?" tanong nya sakin.
Ang sakit para sakin na makita syang ganito.
Hindi ko alam kung anong salita ba ang maari kong sabihin para mapawi lang ang sakit na nararamdaman ng lalaking nasa harapan ko ngayon.
Dahan dahan akong lumapit sa kanya at buong lakas loob kong sinabi...
"Grecko, Mahal kita! Mahal na mahal parin kita!" naiiyak kong banggit.
Nag-unahan sa pagpatak ang mga luha ko.
"Nag-sinungaling ako sa'yo nun. Sorry! Duwag ako eh! Hindi ko maamin sa sarili ko. Hindi ko magawang sabihin na after four years, tangina! Ikaw parin eh!" pumipiyok kong sabi.
"Pero this time, magiging matapang nako! Kaya ayan! Aaminin ko ulit sa'yo. Sa harapan mo.. na Grecko Marasigan, Mahal na mahal kita" pinilit kong buoin ang boses ko.
Pero masyado itong garalgal dahil sa sunod sunod kong paghikbi.
Tiningnan ko naman ang mukha ni Grecko.
Nanatili lang itong tahimik at hindi makapaniwala sa mga narinig nya.
"Sinungaling! Ano? Hindi ka paba kuntento? Eto na nga ang nangyari sakin oh, ano pabang gusto mo?! Ang paglaruan ang nararamdaman ko? Timothy! Wag naman oh!" sagot nito sa akin.
Ramdam ko ang sakit sa mga mata nya.
"Grecko! Hindi kita niloloko' totoo! Mahal kita! Mahal na mahal parin kita!" balik ko sa kanya.
Umiling naman ito at ayaw paring maniwala sa akin.
"Patunayan mo!" matigas nitong sabi.
Hindi na ako nag-aksaya pa ng oras agad akong lumapit sa kanya at hinila ko ang bewang nito papunta sa akin.
Sa bilis ng pagsugod ko ay nabitawan ni Grecko ang saklay nya. Sinalo ko naman ang katawan ni nito at mabilis na hinagilap ang labi nya ng labi ko.
Buong puso kong binigay ang damdamin ko at pagmamahal sa halik na iyon.
Humiwalay ako sa halik at tumingin sa kanyang seryosong mga mata.
Muli na naman akong naiyak.
"Ramdam mo ba? Mahal kita gago! Tangina mo Grecko! Mahal na mahal kita baby!" muli kong sambit.
Saglit syang natigilan at natawa ngunit bigla ring tumulo ang mga luha sa kanyang mata.
"Totoo nga, ikaw na ikaw na nga iyan. Ang Timothy ko. Ang baby ko!" nakingiti nitong banggit.
Pinunasan ko ang mga luha sa mata ng lalaking mahal ko.
"Grecko, I'm sorry. I'm sorry sa lahat ng ginawa ko sa'yo. Sorry kasi dahil sakin nasaktan ka. Sorry! Kasalanan ko ang lahat ng ito-" pinigil nya ako gamit ang daliri nya.
"Shhhhhhh, okay lang" sagot nya sakin.
Pero umiling ako.
"No! hindi, ako ang may kasalanan kung bakit ka nagkaganyan. Ang tanga ko eh' sinaktan kita nung gabi yun. Ayan tuloy ang nangyari sa'yo, Sorry Grecko-" muli na naman nyang pinatigil ang bibig ko pero this time gamit ang labi nya.
Humiwalay sya sa halik.
"Ayaw mo kasing tumigil eh" sagot nito sakin.
"Pero-" pagtutol ko.
"Shhhhhhhh, okay lang. Kakalimutan ko na ang lahat ng iyon. At saka wala ka naman talagang kasalanan, Sorry din sa sinabi ko sa kanina, hindi ko naman gustong konsensyahin ka eh! Sorry na baby" malambing nitong sabi.
Napangiti ako dahil doon.
...
"Natutuwa talaga akong nandito kang muli sa amin!" nagagalak na sabi ni Tita Betina.
"Ako rin naman po Tita Betina, masaya po akong nakabalik rito sa inyo" sagot ko rito.
Who would imagine na naririto ako ngayon sa iisang lamesa at masayang naghahapunan kasama ang magulang ng ex boyfriend kong minsan ko na ring itinuring na pamilya?
Matapos ko kasing umamin kay Grecko ay sya namang pagdating nina Tito at Tita.
I don't know kung nasaksihan ba nila yung dramahan namin ng anak nila or hindi. Pero kasi sakto lang, after nung scene namin ng iyakan bigla silang dumating.
At dahil nga nalaman ni Tita Betina na naririto ako, agad itong nagpahanda ng pagkain para sa anyayahan ako sa hapunan.
"Timothy, kumakain ka ng kumain. Alam kong paborito mo lahat ng iyan" magiliw na sabi ni Tita.
"Hehe, Thank you po" nahihiya ko namang sagot.
Sa totoo lang nahihiya talaga ko.
Panay kasi ang lagay ng pagkain ni Grecko sa plato ko. Punong puno na ito, di ko pa man na uubos yung serving na nilagay nya 'ay muli na naman syang magsasandok ng ibang pagkain para ilagay sa plato ko.
At syempre kinakain ko naman lahat ng iyon, nakakahiya sa harap nila Tita Betina kung di ko iyon papansinin.
Nang dumating ang dessert ay ako naman ang naglagay sa plato ni Grecko.
"Alam kong di ka mahilig sa sweets, pero sana kainin mo to" sabi ko sa kanya.
Kita kong aangal pa sana si Grecko pero na unahan na ng kilig ang itsura nya.
Natawa naman sina Tito at Tita maging ako sa inasal ng anak nila.
Ang cute ni Grecko magpigil ng kilig haha.