المغرورة و الأعمى

بارت الثامن عشر

المغرورة-و-الأعمى-
(بقلم بسمة   البياتي )
- بارت الثامن عشر -

أيلول... شنو يعني إياس راح يزوج عليه كمت من مكاني دأطلع لزمتني سلوى

سلوى .. فدوة أيلول لاتكوليلهم اني كتلج

أيلول ... بالكوة لأزمة اعصابي لاتخافين مراح اجيب طاريج

طلعت من الغرفة وكفت بالمطبخ اتصلت على إياس انطاني رفض اكثر من مرة اتصل ويرفضة جسمي صار يرجف من العصبيه

دزيتلة مسج اني بالمطبخ اذا ما أجيت خلال دقيقة والخلقك اجي عليك وافضحك كدام الزلم

أقل من دقيقة وصار إياس كدامي كالي امشي نصعد فوك نحجي

أيلول... هه لأزم تعرف عن شنو راح نحجي وتخاف لا اسويلك فضيحة

راد يلزم ايدي

اياك تفكر تلمسني

إياس.. نصي صوتج وامشي نحجي فوك واني افهمج

صعدت دخلنة  الغرفة ياسين

إياس .. سمعيني قبل لاتحجين شي ترة وربج الدنيا طالعة من عيني

أيلول... بعصبيه شسمع مخططين الكولشي وحتى العروسة موجودة واني اخر من يعلم

إياس.. والله مجنت ادري امي بدون علمي مخططة الكل هذا

أيلول... انت دتضحك على منو كافي كذب الخاطر ربك اني صارلي فترة شاكة بيك وجنت اكذب نفسي

إياس.. نصي صوتج ولاتخليني افقد اعصابي
اني مخايف منج حتى أكذب عليج صح امي من زمان جانت تريدني ازوج بس اني رفضت واليوم تفاجئة مثلج بهذا الموضوع

أيلول ... اهااا حلوو يعني انت متدري اي وهسه شراح تسوي

كعد على السرير وخلى ايدة على رأسة

إياس... ما أدري امي دتلزمني من أيدي التوجعني جاي تستغل مرضها حتى تضغط عليه

أيلول... ههههههههههه يعني من هذا كلامك افهم انت موافق

إياس .. مموافق بس مجاي اعرف شلون اتصرف
كلما احجي وارفض توكع تتخربط

أيلول .. شوف إياس وحق كل حرف بالقرآن وداعة اهلي الي معندي أعز منهم اذا وافقت تتزوج ما ابقة على ذمتك دقيقة وحدة مو أيلول الي يكسرها رجال وهسه اريدك ترجعني الأهلي

إياس... انعل ابو هيجي عيشة الكيها منج لو من أمي
عافني وضرب الباب قوي وطلع

أيلول.. لهنا خلصت مقاومتي بعد ما أكدر ابقة حابسة دموعي كعدت على السرير وبقيت ابجي

بقيت على هذا وضعي ربع ساعة جان ينفتح الباب ويدخل ياسين مسحت دموعي وكمت داطلع وصلت النص الغرفة حجة ياسين

ياسين ...لحظة خيتي ليش تبجين والله العظيم إياس مموافق بس امي الله يسامحها هي دتضغط عليه

أيلول.. عادي أخي إياس براحتة خلي يسوي اليعجبة

دنحجي ودخلت علينا عمتة اشو هاي من شافتنة كلبت الدنيا بالصياح

عمة إياس... لج ياساقطة مكفاج اخذتي هذاك وهسة دتحومين على هذا وصاعدة الغرفتة اليوم اله افضحج

اني وياسين بس نريد انسكتها استلمتني دك غلط نزلت جوة واحنا نزلنة وراها
راحت الأم إياس وكعدت تحجليها

أم إياس هم مقصرت بالغلط تصيح خلي يجي إياس يشوف مرتة الي ما نعرف اصلها من فصلها ما ادري منين جابها علينا

أيلول ... كافي ترة سكتت هوايه اني اصلي يشرف اكبر واحد

جاي احجي وسمعت صرخت إياس فزيت من مكاني

أم إياس . تعال شوف مرتك الشريفة لكيناها بغرفة اخوك

ياسين من سمع كلام امه تخبل

ياسين .. لاتخلوني اهجم البيت عليكم شنو لكيتوها بغرفتي
اندار على إياس وحجه والله اخويه مرتك اشرف من الشرف صعدت الغرفتي جانت هي موجودة رادت تطلع اني وكفتها حجيت وياها وجان الباب مفتوح اجت عمتي كلبت الدنيا

إياس.. باوع على عمتة وحجة والله العظيم لو ما اكول انتي عمتي جان دفنتج وانتي عايشة مو اني الينجاب طاري مرتي بالموزين

عمته فاكة حلكها ومصدومة رادت تحجي سكتها

باوع الأمة وحجة العتب مو عليها العتب عليج انتي بس كوليلي انتي ليش متحبين تشوفيني مرتاح
قبل دمرتوني وخليتوني اهج وهسه جاي تعيدين نفس السالفة
هاي أيلول المتعجبج لوما هي اني مجان اجيت عليكم

وهلمرة من صدك انسي عندج ابن اسمة إياس

صاح بيه يلا ايلول بسرعة جيبي غراضج خلي نطلع

اجت امه جلبت بيدة فدوة وليدي لاتروح والله بعد ما عليه بيك ولا أدخل بحياتك
بروح ابوك لاترجع تعوفني

أيلول.. رغم السوتة بيه انكسر قلبي عليها جانت تتوسل بي وتبجي وهو قافل لازم نرجع
اخير شي وكعت تخربطت
اخذوها للمستشفى طلع سكرها مرتفع

من هذاك اليوم أم إياس بعد مدخلت بحياتنا

من رجعنا للبيت بقيت فترة نافرة من إياس لان لوما المشكلة التسويها عمتة جان يمكن إياس ازوج

هو يكول لا مستحيل جنت ازوج عليج بس اني ما أكدر اصدكة اشكد حاول يراضيني بقيت زعلانة وعلاقتنا رجعت للصفر

أهلة بقة يتواصل وياهم بس اني من بعد المشكلة الصارت ابد مرحت عليهم

كاعدة كدام مرآيتي اجة إياس يمي

إياس... هنيالها مرآيتج بس هي تعرف بشنو تفكرين لو شنو تريدين
اتمنى تحبيني مثل متحبيها

أيلول... على الأقل مرآيتي صادقة عمرها مكذبت عليه ولا غدرت بيه من اباوع عليها تشوفني شكلي بجميع حالاتة

إياس... ليش منو كذب عليج وغدر بيج

أيلول.. رجاءا إياس سد الموضوع مو يومية نبقة نعيد بي

إياس.. لا اليوم مراح اسدة ولأزم نحجي
أيلول ترة اني لا خنتج ولا بعتج

أيلول .. هه من ردت تزوج عليه لعد هاي مو خيانة

إياس... لج بروح أبوية قبل لاتصير المشكلة ويا عمتي اني رفضت  شلون اسويها واني أمووت عليج

كافي  ايلول صارلج شهرين زعلانة حرت شسوي وياج لو شلون اراضيج حرام عليج حتى الله هسه غاضب عليج

أيلول.. فتحت عيني ليش غاضب عليه

إياس ... الزوجة الي متنطي حق زوجها وتمنعة منها الله يلعنها

أيلول.. شنو هذا درب جديد حتى تراضيني بي

إياس... هههههههه لا والله هاي حقيقة

أيلول... مممممم اوك خلي افكر

إياس ... مدام صار بيها مممم اكيد رضيتي

سحبني الحضنة قووووي حسيت عظامي راح تتكسر

أيلول... يمعود راح تنكسر عظامي اشو صاير عنيف

إياس... يعني واحد محروم صارلة شهرين اكيد هيجي يسوي

وبهذا اليوم بقة سهران وياي للفجر ميقبل انام

أيلول...اجت قدر وبشرتنا هي حامل فرحتلها من كل قلبي وباركتلها

قدر... يوم الج لولة والله ليل و نهار ادعيلكم انتي و ود ربي يرزقكم الذرية الصالحة

ايلول... الله يسمع منج ان شاء الله

بان ... اوووي شكو كاتلين روحكم على الأطفال لولة ابقي هيج احسن

أيلول.. محبيت كلام بان هي هسه مو طفلة حتى تحجي بهاي الطريقة صارت مرحلة ثانية قانون

قدر .. اشو متعرفين تحجين هاي بدال متدعيلها

بان... هسه اني قابل شحجيت

أيلول .. تصرفات بان صايرة مو طبيعية حتى دراستها هملتها ومن نسئلها عن السبب اتكول اني ما أحب القانون انجبرت اروحلة لان مطلعت هندسة

من راحت كلية هواية تقدمولها جانت بدون سبب ترفض

وليل ونهار كاعدة بالغرفة بيدها الموبايل تحجي ويا سارة بنت خالة منى
ابد متساعدنا بالشغل اني وماما مبتلين بكولشي

اشكد ماما تحجي وترزل بيها بس ماكو فايدة
كلت الماما عوفيها بعد لاتطلبين منها تشتغل

المغرب جانت ماما بالهول رحت خليت راسي بحضنها

ماما... شبيج بنتي احس شايلة هموم الدنيا فوك راسج

أيلول.. والله يا مياسة خايفة ميصير عندي حمل وابقة طول عمري محرومة من الأطفال

ماما... اسم الله بنتي ليش هيجي متشائمة ترة بعدج صغيرة وانتي عندج مشاكل  بسيطة بالعلاج تروح خوما عقم لا سامح الله

أيلول.. ماما ياصغيرة راح يصير عمري 29 سنة وإياس هم مو صغير هم اكيد يريدلة طفل يشيل اسمة
متحملت بقيت ابجي بحضن ماما وخطية هي هم تبجي وياي

دخلوا إياس وبابا بسرعة مسحت دموعي

بابا... اليوم بحضن امج شعجب

أيلول ...شفت مياسة معوزة حنان كلت اعوضها لان اتكول هلأيام هيثم ملتهي بالفيس وعايفني

بابا... هههههههه ها مياسة تشتكين البنتج مني

مياسة ... صخام بسرعة يصدك بكلام بنتة

ضربتني على كتفي كالت كومي من يمي منو يكدر للسانج 

إياس... بعدج متاركة سالفة معوزة حنان

أيلول ...خليت ايدي على عيني اذكرت سالفة البيج من دزيتلهم رسالة بالغلط خرب ولا ينسى

إياس .. ايلول شبيها عيونج

أيلول ... مبيها شي بس لان نعسانة صاروا حمر

بالليل جنت مخلية راسي على صدره وهو يلعب شعري هاي حركتة المفضلة جنت مغمضة جان يكولي

إياس.. حبيبتي اليوم من جنتي كاعدة ويا امج ليش جنتي تبجين ؟

أيلول.. مو كتلك جنت نعسانة

إياس.. ترة اني حافظج أكثر من أهلج كوليلي ليش جنتي تبجين

أيلول .. خايفة ميصير عندي حمل

إياس... بنتي كم مرة كتلج تركي هذا الموضوع الله اذا مراد ينطينا لا أعتراض على حكمة

أيلول... وانت شنو ذنبك تنحرم من الاطفال

إياس ... شوفي حبيبتي اني اذا اريد طفل لأزم يكون منج واذا الله مرزقنا اني مكتفي بيج

جنت ابجي ودموعي نزلوا على صدره رفع راسي وكالي

إياس ... لا ضوجين بس اخلص الشغل العندي نروح التركيا لان احمد صديقي عزمني عود هناك أشوفلج احسن دكتورة راجعي يمها

أيلول... الله عليك صدوك تحجي

إياس ... وغلاتج عندي صدك بس اهم شي ما أشوف هاي دموعج

ثاني يوم كاعدة أرتب بالغرفة دخلت ماري

أشوفها تروح وتجي عرفت بيها عدها شي

أيلول..  خير ماري شبيج ؟

ماري...لولة اريد اكولج شي

أيلول... اذا فتانة ونقل اخبار ما أريد

اشو ماري سكتت وهاي مو من عوايدها هي اذا عدها اخبار تحجيهن بدون ما أحد يسئلها صار عندي فضول حتى اعرف شبيها

أيلول.. تعالي ماري احجيلي شكوو

ماري.... احجيلج بس الله عليج لاتتعصبين

أيلول .. ما أتعصب احجي عاد وفضيني

ماري... دائما اسمع بان تحجي ويا سارة ووو

أيلول.. وشنو كملي شبيها بان

ماري.... بتردد بان.........

يتبع......