#حب_هجرسي_ج١
بقلم مريم الموسوي
٥________٨
#بارت٥
ﻓﺘﺢ ﺍﻟﺪﻧﺒﻮﺱ ﻭﻣﺮﺭ ﺍﺻﺒﻌﻪ ﻉ ﺭﻗﺒﺘﻲ ﺍﻧﻲ ﺍﺣﺲ ﺟﺴﻤﻲ ﻛﻠﻪ ﻗﺸﻌﺮ ﻏﻤﻀﺖ ﻋﻴﻮﻧﻲ ﻭﻛﺘﻠﻪ
.. ﻫﺎﺷﻢ
.. ﻳﺎ ﺑﻌﺪ ﻋﺸﻴﺮﺗﻪ ﻟﻬﺎﺷﻢ
.. ﻛﺎﻓﻲ ﺣﺒﺎﺏ ﻻ ﺗﺨﻠﻴﻨﻲ ﺑﻌﺪ ﻣﺎ ﺍﺟﻲ
ﺣﺴﻴﺖ ﺑﺄﻧﻔﺎﺳﻪ ﻉ ﺭﻗﺒﺘﻲ ﻭﻳﺸﻢ ﺑﻌﻄﺮﻱ
.. ﺍﻓﻴﺶ ﻳﺎ ﻫﺎﻟﺮﻳﺤﻪ ﻭﺗﺤﺮﻣﻴﻨﻲ ﻣﻨﻬﺎ ﺣﺘﻪ ﺍﻛﻄﻌﺞ ﻏﻴﺮ
ﺍﺑﺘﻌﺪ ﻭﻣﺴﺢ ﻭﺟﻬﻪ ﺑﻌﺼﺒﻴﻪ
.. ﻟﺞ ﺣﻮﺭﻳﻪ ﻻ ﺗﻜﻔﺮﻳﻨﻲ ..... ﺭﺍﺡ ﺍﺧﻠﻲ ﺍﺑﻮﻱ ﻋﻠﻰ ﺍﻻﻗﻞ ﻳﻌﻘﺪﻟﻲ ﻋﻠﻴﺞ ﻻﻥ ﻃﻜﺖ ﺭﻭﺣﻲ ﺍﺭﻳﺪﻟﻲ ﺑﻮﺳﻪ ﺣﺎﻟﻲ ﺣﺎﻝ ﺍﻟﺰﻟﻢ ﻣﻦ ﻣﺮﺗﻲ ﺷﻨﻮ ﺟﻨﻲ ﻭﺍﺣﺪ ﺻﺎﻳﻢ ﺑﺲ ﺍﻟﺰﻡ ﻭﺍﻛﻤﺶ
ﺍﺑﺘﺴﻤﺖ ﺑﺨﺠﻞ ﻭﺩﻧﻜﺖ ﻛﺎﻝ
.. ﺣﻮﺭﻳﻪ
.. ﻫﻤﻤﻢ
.. ﺑﺸﺮﻓﺞ ﺍﻧﻄﻴﻨﻲ ﺑﻮﺳﻪ ﻣﻦ ﻫﺎﻟﺸﻔﻪ ﺍﻟﺤﻠﻮﻩ ﻭﺍﻟﻠﻪ ﻛﺘﻠﻨﻲ ﺍﻟﺠﻔﺎﻑ ﺑﺲ ﻭﺣﺪﻩ
.. ﺍﻧﺖ ﺻﺎﻳﺮ ﻣﺎ ﺗﺴﺘﺤﻲ
.. ﺧﻔﻪ ﻟﻬﺎﻟﺤﻠﻚ ﺳﺎﻟﻔﺔ ﺿﺎﻭﻳﻪ ﺍﻛﻮ ﻭﺣﺪﻩ ﺗﻜﻮﻝ ﻟﺮﺟﻠﻬﺎ ﻣﺎ ﺗﺴﺘﺤﻲ
.. ﻫﺸﻮﻣﻲ
.. ﻋﻴﻮﻧﻪ
ﺳﻜﺘﺖ ﺷﻮﻳﻪ ﻭﻛﺘﻠﻪ
.. ﺍﺣﺒﻚ ﻣﻮﺕ
ﻭﻃﻜﻴﺘﻬﺎ ﺭﻛﻀﻪ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻭﺍﻻﺑﺘﺴﺎﻣﻪ ﺷﺎﻛَﻪ ﺣﻠﻜَﻲ
ﺟﻴﻼﻥ
ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ ﺗﻘﺮﻳﺒﺎ ﺏ٦ ﻟﻜﻴﺖ ﺑﺎﺑﺎ ﻛﺎﻋﺪ ﻳﻤﻲ ﻭﻳﻘﺮﻩ ﻗﺮﺁﻥ ﻛﻌﺪﺕ ﻭﺍﻧﻲ ﺍﺑﺎﻭﻋﻠﻪ ﺷﻠﻮﻥ ﻳﻘﺮﻩ ﺑﺨﺸﻮﻉ ﻛﻤﺖ ﻏﺴﻠﺖ ﻭﻣﺪﻳﺖ ﺳﺠﺎﺩﺗﻲ ﻭﺻﻠﻴﺖ ﻫﺎﻱ ﻛﺎﻧﺖ ﺍﻭﻝ ﻣﺮﻩ ﺍﺻﻠﻲ ﺍﻧﻲ ﻛﻨﺖ ﺍﻋﺮﻑ ﺍﻟﺼﻼﻩ ﺑﺲ ﻣﺎ ﻛﻨﺖ ﺍﺻﻠﻲ ﻣﺎ ﺍﻋﺮﻑ ﻟﻴﺶ ﺍﺣﺲ ﻛﺎﻥ ﺍﻛﻮ ﺷﻲ ﻳﻤﻨﻌﻨﻲ ﻋﻨﻬﺎ ﺑﺲ ﻣﻦ ﺻﻠﻴﺖ ﻫﺴﻪ ﺣﺴﻴﺖ ﻛﻞ ﺭﺍﺣﺘﻲ ﺑﻴﻬﺎ ﻭﻛﻞ ﻫﻢ ﻋﻨﺪﻱ ﺍﻧﺰﺍﺡ ﺧﻠﺼﺖ ﻭﻟﻤﻴﺖ ﺍﻟﺴﺠﺎﺩﻩ
ﺑﺎﻭﻋﺖ ﻟﺒﺎﺑﺎ ﻳﺘﺒﺎﻭﻋﻠﻲ ﻣﺒﺘﺴﻢ ﺍﺷﺮ ﻉ ﻣﻜﺎﻥ ﻳﻤﻪ ﺣﺘﻰ ﺍﻛﻌﺪ ﺍﺟﻴﺖ ﻛﻌﺪﺕ ﻳﻤﻪ ﻛﺎﻝ
.. ﺻﺒﺎﺡ ﺍﻟﺨﻴﺮ ﺑﺎﺑﺎ
.. ﺻﺒﺎﺡ ﺍﻟﻌﺎﻓﻴﻪ ﺣﺒﻴﺒﻲ
.. ﻫﺎ ﺑﺎﺑﺎ ﺷﺴﻮﻳﺘﻲ ﻋﻠﻰ ﺣﺠﻲ ﺍﻟﺒﺎﺭﺣﻪ
.. ﺑﺎﺑﺎ ﺍﺑﻮﺱ ﺍﻳﺪﻙ ﻣﻮ ﻭﻛﺖ ﻫﺎﻟﺤﺠﻲ ﺍﻧﻲ ﻗﻠﺒﻲ ﻳﻤﻚ ﺍﻛﺜﺮ ﻣﺎ ﺑﺒﺎﻟﻲ ﺍﺗﺰﻭﺝ ﻫﺴﻪ
ﺍﺧﺬ ﻧﻔﺲ ﻭﻛﺎﻝ
.. ﺑﺎﺑﺎ ﻫﻮ ﺍﺣﻨﻪ ﻣﻘﺴﻮﻣﻠﻨﻪ ﺍﻟﻤﻮﺕ ﺍﺫﺍ ﻣﻮ ﺍﻟﻴﻮﻡ ﺑﺎﺟﺮ ﻉ ﺍﻻﻗﻞ ﺍﻧﻲ ﺭﺑﻲ ﻳﺤﺒﻨﻲ ﺍﻧﻄﺎﻧﻲ ﻭﻗﺖ ﺍﺀﻣﻦ ﻭﺍﻭﺻﻲ ﻋﻠﻴﺞ ﺍﻻ ﺍﻛﻮ ﻧﺎﺱ ﺍﻟﻤﻮﺕ ﻳﺎﺧﺬﻫﻢ ﻭﺑﺮﻗﺒﺘﻬﻢ ﻋﻮﺍﺋﻞ ﻭﻣﺎ ﻳﻜﺪﺭﻭﻥ ﻳﻮﺻﻮﻥ
ﻧﺰﻟﺖ ﺩﻣﻌﺘﻲ ﻛﺎﻝ
.. ﻭﻫﺴﻪ ﺷﻨﻮ ﻗﺮﺍﺭﺝ
.. ﻣﺎ ﺍﺭﻳﺪﻩ ﻟﻬﺠﺮﺱ ﺣﺒﺎﺏ ﺑﺎﺑﺎ
.. ﻟﺨﺎﻃﺮﻱ ﺍﻧﻲ ﻭﺍﻓﻘﻲ ﻳﺠﻮﺯ ﻣﺎ ﺑﺎﻗﻴﻠﻲ ﻫﻮﺍﻱ ﺍﺭﻳﺪ ﺍﻣﻮﺕ ﻣﺮﺗﺎﺡ
ﺣﻄﻴﺖ ﺍﻳﺪﻱ ﻉ ﺣﻠﻜﻪ ﻭﺩﻣﻮﻋﻲ ﻧﺰﻟﻦ ﻭﺑﺎﻭﻋﺘﻠﻪ ﻣﺎ ﺭﺩﺕ ﺍﻗﻬﺮﻩ ﺍﻛﺜﺮ ﺭﺩﺕ ﺑﺲ ﺍﺷﻮﻓﻪ ﺍﻟﺮﺍﺣﻪ ﺑﻌﻴﻮﻧﻪ
.. ﺍﺷﺶ ﺣﺒﻴﺒﻲ ﻋﻤﺮﻙ ﻃﻮﻳﻞ ... ﺳﻮﻱ ﺍﻟﻠﻲ ﻳﻌﺠﺒﻚ ﺍﻫﻢ ﺷﻲ ﺗﻜﻮﻥ ﺍﻧﺖ ﻣﺮﺗﺎﺡ
ﺣﻀﻨﻨﻲ ﻭﻛﺎﻝ
.. ﺍﻋﺮﻑ ﺍﻧﺘﻲ ﺗﺪﻭﺭﻳﻦ ﺭﺍﺣﺘﻲ ﺑﺲ ﻻ ﺗﻌﺘﺒﺮﻳﻬﺎ ﺑﻴﻮﻡ ﻏﺼﺐ ﺍﻧﻲ ﺑﻌﻤﺮﻱ ﻣﺎ ﻏﺼﺒﺘﺞ ﻉ ﺷﻲ ﺍﻋﺮﻓﻪ ﺭﺍﺡ ﻳﺄﺫﻳﺞ .... ﻟﻮ ﺍﺩﺭﻱ ﺑﻬﺠﺮﺱ ﻣﻦ ﻫﺬﺍ ﺍﻟﻨﻮﻉ ﻣﺎ ﺍﺧﻠﻴﺞ ﻟﺤﻈﻪ ﻭﺣﺪﻩ ﺗﺨﻄﻴﻦ ﺑﻴﺖ ﺟﺪﺝ ﺑﺲ ﺍﻋﺮﻓﻪ ﻛﻠﺶ ﺯﻳﻦ ﻣﺎ ﺭﺍﺡ ﻳﺄﺫﻳﺞ ﺑﻴﻮﻡ ﺍﻧﺘﻲ ﻋﺮﺿﻪ ﻭﺑﺎﻻﺧﺺ ﺍﺫﺍ ﻭﺻﻴﺘﻪ ﺍﻧﻲ ﻋﻠﻴﺞ
ﻣﺴﺢ ﺩﻣﻌﺘﻪ ﻭﻛﺎﻝ
.. ﺍﻧﻲ ﻗﺪﻣﺖ ﻋﻠﻰ ﺍﻟﺘﻘﺎﻋﺪ ﻻﺳﺒﺎﺏ ﻣﺮﺿﻴﻪ ﻭﻭﺍﻓﻘﻮﻟﻲ ﻋﻠﻴﻬﺎ ﻳﻌﻨﻲ ﺭﺍﺡ ﺍﻛﻌﺪ ﻳﻤﻜﻢ ﻫﻨﺎ ﻣﻨﺎ ﻟﻤﻦ ﺍﻟﻠﻪ ﻳﺎﺧﺬ ﺍﻣﺎﻧﺘﻪ
ﺫﺑﻴﺖ ﻧﻔﺴﻲ ﺑﺤﻀﻨﻪ ﻭﺷﻬﻜﺖ ﻣﻦ ﺍﻟﻘﻬﺮ ﺍﺍﺍﺍﺍﺍﺥ ﻳﺎ ﻧﺎﺭ ﻗﻠﺒﻲ ﻣﺤﺪ ﻳﺤﺲ ﺑﻴﻬﺎ ﺭﺍﺩ ﻳﻐﻴﺮ ﺍﻟﻤﻮﺿﻮﻉ ﺑﻌﺪﻧﻲ ﻭﻛﺎﻝ
.. ﺍﻧﻲ ﻣﺤﺘﺎﺝ ﺷﻐﻼﺕ ﻣﻦ ﺑﻴﺘﻨﻪ ﺍﻟﻠﻲ ﺑﻐﺪﺍﺩ ﻭﺍﻟﻈﺎﻫﺮ ﻛﻌﺪﺗﻨﻪ ﻣﻄﻮﻟﻪ ﻫﻨﺎ ﺑﺎﺟﺮ ﺭﺍﺡ ﺍﺧﻠﻲ ﻫﺠﺮﺱ ﻳﺎﺧﺬﺝ ﻭﺭﻭﺣﻲ ﻟﻠﺒﻴﺖ ﺟﻴﺒﻴﻠﻨﻪ ﺍﻟﻤﻬﻢ ﻭﺍﻟﻠﻲ ﻧﺤﺘﺎﺟﻪ ﻻﻥ ﺍﻧﻲ ﻣﺎ ﺍﻛﺪﺭ ﺍﺳﻮﻕ ﺗﻌﺮﻓﻴﻦ ﻭﺿﻌﻲ ﺗﻌﺒﺎﻥ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ ﺻﺢ ﺍﻛﺮﻩ ﻫﺠﺮﺱ ﻭﻣﺎ ﺍﺣﺐ ﺍﻃﻠﻊ ﻭﻳﺎﻩ ﺑﺲ ﺑﺎﺑﺎ ﻣﺮﻳﺾ ﻣﻮ ﻣﺎﻝ ﺍﻋﺎﺭﺿﻪ ﺍﻭ ﺍﻋﺎﻧﺪﻩ
ﻃﻠﻌﻨﻪ ﻣﻦ ﺍﻟﻐﺮﻓﻪ ﻟﻜﻴﺖ ﺟﺪﻭ ﻭﺑﻴﺒﻲ ﻭﻋﻤﻮ ﻛﺎﻋﺪﻳﻦ ﺑﺎﻭﻋﻮﻟﻨﻪ ﺑﻜﺴﺮﻩ ﺑﺎﺑﺎ ﺭﺍﺡ ﻛﻌﺪ ﻳﻤﻬﻢ ﺍﻧﻲ ﺭﺣﺖ ﻟﻠﻤﻄﺒﺦ ﺻﺒﺤﺖ ﻉ ﻣﺮﺓ ﻋﻤﻮ ﺭﺩﺕ ﻣﻦ ﻭﺭﻩ ﺧﺸﻤﻬﺎ ﻋﺎﺩﻱ ﺗﻌﻮﺩﺕ ﻋﻠﻴﻬﺎ ﻛﻤﺖ ﺍﺣﻀﺮ ﺍﻟﻜﻼﺻﺎﺕ ﻭﻏﺮﺍﺽ ﺍﻟﺮﻳﻮﻙ ﻭﻳﻪ ﻋﻤﺘﻲ
ﻧﺰﻝ ﻫﺠﺮﺱ ﻛﺎﻝ
.. ﺻﺒﺎﺡ ﺍﻟﺨﻴﺮ
ﺑﺲ ﺍﻣﻪ ﺭﺩﺕ ﻭﻛﺎﻟﺘﻠﻪ
.. ﻫﻼ ﻳﻤﻪ ﺻﺒﺎﺡ ﺍﻟﻌﺎﻓﻴﻪ
ﻭﻋﺎﻓﺘﻨﻪ ﻭﻃﻠﻌﺖ ﺗﻮﺩﻱ ﺍﻟﺼﻴﻨﻴﻪ ﺍﺗﻘﺮﺏ ﻣﻨﻲ ﻭﻛﺎﻝ
.. ﺷﺒﻴﺞ ﺍﻟﺒﺎﺭﺣﻪ ﺟﻨﺘﻲ ﺗﺒﺠﻴﻦ ﺑﺎﻟﺤﻤﺎﻡ
ﺍﻧﺪﺍﺭﻳﺖ ﻋﻠﻴﻪ ﻭﺑﺎﻭﻋﺘﻠﻪ ﻭﻋﻴﻮﻧﻲ ﻧﺎﺭ ﻣﻦ ﺍﺷﻮﻓﻪ ﻛﺪﺍﻣﻲ ﺑﻮﺩﻱ ﺍﻛﻄﻌﻪ ﻛﺘﻠﻪ
.. ﻣﺎ ﺍﻟﻚ ﻋﻼﻗﻪ ﺑﻴﻪ ﻋﺴﻰ ﻣﺎ ﺍﺣﺮﻙ ﺭﻭﺣﻲ ﺍﻧﺖ ﺑﺎﻟﺬﺍﺕ ﻣﻦ ﺩﻭﻥ ﺍﻟﻌﺎﻟﻢ ﻣﺎ ﺍﺭﻳﺪﻙ ﺗﺘﺪﺧﻞ ﺑﻴﻪ
.. ﺍﻧﺘﻲ ﻟﻴﺶ ﺗﻜﺮﻫﻴﻨﻲ
.. ﺍﻛﺮﻫﻚ .. ﺍﻣﻮﺕ ﻣﻨﻚ .. ﻻﻥ ﻣﺎ ﺷﺎﻳﻔﻪ ﺑﺸﺮ ﺣﻘﻴﺮ ﻣﺜﻠﻚ
ﻋﻴﻮﻧﻪ ﺍﺷﺘﻌﻠﻦ ﻏﻀﺐ ﻭﻟﺰﻡ ﻣﻌﺼﻤﻲ ﺣﻴﻞ
.. ﻟﺞ ﺟﻴﻼﻥ ﻟﺴﺎﻧﺞ ﺍﻟﺰﻣﻴﻪ ﻋﻨﻲ ﻻ ﺍﻛﺼﻪ ﻭﺍﺣﻄﻪ ﺑﺄﻳﺪﺝ .. ﺳﻤﻌﺘﻲ؟؟؟؟
ﺩﻓﻌﺘﻪ ﻭﻣﺸﻴﺖ ﻣﺎ ﺭﺩﻳﺖ ﻋﻠﻴﻪ ﻣﺎ ﺭﺩﺕ ﺍﻧﻄﺦ ﺑﻴﻪ ﻭﺍﺗﻌﺎﺭﻙ ﻭﻳﺎﻩ ﻣﻦ ﺍﻟﺼﺒﺢ ﺻﺎﺡ ﺑﺼﻮﺕ ﻋﺼﺒﻲ ﻣﻦ ﺍﻟﻤﻄﺒﺦ
.. ﻳﻤﻪ ﺍﻧﻲ ﻣﻮﻟﻴﻴﻴﻴﻲ
.. ﻳﺎ ﻳﻤﻪ ﺷﺠﺎﻙ ﺗﻌﺎﻝ ﺍﻛﻠﻚ ﻟﻜَﻤﻪ
.. ﻣﺎ ﺍﺭﻳﺪ ﺯﻗﻨﺒﻮﺕ
ﺭﺟﻌﺖ ﺍﻣﻪ ﻛﻌﺪﺕ ﻳﻤﻨﻪ ﻛﺎﻟﺘﻠﻬﺎ ﺑﻴﺒﻲ
.. ﺷﻤﺎﻟﻪ ﻫﺬﺍ ﺍﺑﻨﺞ
.. ﺷﻤﺪﺭﻳﻨﻲ ﺻﺎﻳﺮﻩ ﻫﺎﻱ ﺍﻻﻳﺎﻡ ﺭﻭﺣﻪ ﺑﺨﺸﻤﻪ ﻣﺎ ﻳﺘﺤﺎﺟﻪ
ﻛﺎﻟﺖ ﺑﻴﺒﻲ
.. ﻭﺫﺍﻙ ﺍﻟﻤﺼﻮﻣﺦ ﻣﺎ ﻳﺮﻭﺡ ﻟﻠﻤﺪﺭﺳﻪ ( ﻗﺼﺪﻫﺎ ﻋﻠﻰ ﻫﺎﺷﻢ ﻋﻮﺩ ﻳﺮﻭﺡ ﻟﻠﻜﻠﻴﻪ (😂
.. ﻋﻤﻪ ﻋﺪﻫﻢ ﻋﻄﻠﺔ ﻧﺺ ﺍﻟﺴﻨﻪ
.. ﻫﺎ ﺧﻮﺵ ... ﺍﻛﻠﺞ ﺳﻌﻴﺪﻩ ( ﻋﻮﺩ ﺳﻌﺪﻳﻪ ) ؟
.. ﻛﻮﻟﻲ ﻋﻤﻪ
.. ﻣﻨﺎ ﻭﻏﺎﺩ ﻋﺪﻧﺎﻥ ﻭﺑﺘﻪ ﻳﻀﻠﻮﻥ ﻫﻨﺎ
ﻫﻲ ﺻﻔﻨﺖ ﻭﺑﻬﺖ ﻭﺟﻬﻬﺎ
.. ﻫﺎﺍﺍﺍ .. ﻟﻴﺶ ؟
.. ﻭﺣﺮﺍﺭﻩ ﺷﻨﻬﻲ ﻟﻴﺶ؟
.. ﻻ ﻗﺼﺪﻱ ﻳﻌﻨﻲ ﺍﺑﻮ ﺟﻴﻼﻥ ﻣﻮ ﻋﻨﺪﻩ ﺷﻐﻞ
ﻛﺎﻟﻠﻬﺎ ﺑﺎﺑﺎ
.. ﺗﻘﺎﻋﺪﺕ ﺷﻮﻳﻪ ﺻﺤﺘﻲ ﻣﻮ ﺗﻤﺎﻡ
.. ﺍﻱ ﻋﻤﻪ ﻫﻼ ﺑﻴﻬﻢ ﺑﺲ ﺳﻼﻣﺘﻚ ﺧﻮﻳﻪ ﺧﻮ ﻣﺎ ﺑﻴﻚ ﺷﻲ ؟
ﺳﻜﺖ ﺑﺎﺑﺎ ﻭﺍﻧﻲ ﺩﻧﻜﺖ ﻣﻘﻬﻮﺭﻩ ﻛﺎﻟﺖ ﺑﻴﺒﻲ
.. ﺗﺴﻤﻌﻲ ﻣﻨﻲ .... ﺍﻟﺸﻐﻞ ﻣﺎﻝ ﺍﻟﺤﻮﺵ ﺗﻮﺯﻋﻴﻪ ﻋﻠﻰ ﺍﻟﺒﻨﺎﺕ ﻣﻮ ﻛﺎﻋﺪﺍﺕ ﺑﺲ ﻣﺤﻨﺎﻳﺎﺕ ... ﺍﻧﺘﻲ ﻋﻠﻴﺞ ﺍﻟﻄﺒﺦ ﻭﻏﺴﻞ ﺍﻟﻬﺪﻳﻤﺎﺕ ﻭﻫﺬﻳﺞ ﻣﻜَﺼﻮﻓﺔ ﺍﻟﺮﻛَﺒﻪ ﺍﻟﻤﻄﻤﻮﺭﻩ ﻓﻮﻙ ﻋﻠﻴﻬﺎ ﺍﻟﻤﻮﺍﻋﻴﻦ ﻭﺗﻨﻈﻴﻒ ﻏﺮﻓﺘﺞ ﻭﻏﺮﻓﺔ ﻫﻮﻳﺸﻢ ﻭﻏﺮﻓﺔ ﺍﻟﺒﻨﺎﺕ ﻭﺟﻮﻳﻠﻪ ﻋﻠﻴﻬﺎ ﺗﻨﻈﻒ ﻏﺮﻓﺘﻬﻢ ﻭﻏﺮﻓﺘﻨﻪ ﻭﻏﺮﻓﺔ ﻫﺠﺮﺱ ﻭﺑﻘﻴﺔ ﺍﻟﺒﻴﺖ ﻭﺫﻳﺞ ﺍﻟﻤﺤﻤﻮﺳﻪ ﺍﻟﻔﻮﻙ ﺯﻧﻴﺒﻪ ﻋﻠﻴﻬﺎ ﺗﻐﺴﻞ ﺍﻟﻄﺎﺭﻣﻪ ﻭﺗﺴﺎﻋﺪﻫﻦ ﻣﻮ ﺑﺲ ﺍﻧﺘﻲ ﻛﺎﻋﺪﻩ ﺗﻜﺮﻓﻴﻦ ﺑﺎﻟﺤﻮﺵ
.. ﺑﺲ ﺑﻴﺒﻲ ﺍﻧﻲ ﻣﺎ ﺍﺭﻳﺪ ﺍﻧﻈﻒ ﻏﺮﻓﺔ ﻫﺠﺮﺱ
.. ﺗﻨﺠﺒﻴﻦ ﻭﺗﺎﻛﻠﻴﻦ ﻣﻄﻲ ﻭﺗﻨﻈﻔﻴﻬﺎ
ﻛﺎﻟﺖ ﻋﻤﻪ
.. ﺯﻳﻦ ﻋﻤﻪ ﺧﻠﻴﻬﺎ ﺍﻧﻲ ﺍﻗﺴﻢ ﺍﻟﺸﻐﻞ ﻣﻮ ﺍﺣﺴﻦ
.. ﺍﻟﺼﻤﻲ ﺣﻠﻜﺞ ﻭﺍﺳﻜﺘﻲ ... ﺍﻧﺘﻲ ﺍﻟﺞ ﺍﻟﺼﺎﻓﻲ
ﺳﻜﺘﺖ ﻋﻤﺘﻲ ﺑﺲ ﺍﻟﻈﺎﻫﺮ ﻛﺎﻧﺖ ﻣﺎ ﺭﺍﺿﻴﻪ ﻉ ﻫﺎﻱ ﺍﻟﻘﺴﻤﻪ ﻭﺍﻧﻲ ﻫﻢ ﺳﻜﺘﺖ ﻛﺎﻝ ﺟﺪﻭ
.. ﻟﻴﺶ ﻃﻠﻊ ﻫﺠﺮﺱ .. ﺟﻨﺖ ﻣﺤﺘﺎﺟﻪ ﺑﺴﺎﻟﻔﻪ
ﻛﺎﻟﺖ ﺍﻣﻪ
.. ﻫﺎﻱ ﺷﻮﻓﺔ ﻋﻴﻨﻚ ﻋﻤﻲ ﻃﻠﻊ
.. ﻛﻠﻴﻠﻪ ﺭﺍﻳﺪﻩ ﺑﺎﻟﻠﻴﻞ ﻭﺭﻩ ﺍﻟﻌﺸﺎ ﺧﺎﻑ ﻣﺎ ﺍﺷﻮﻓﻪ ﻭﻳﻄﻠﻊ
.. ﺻﺎﺭ ﻋﻤﻲ
ﻛﻤﻠﻨﻪ ﺭﻳﻮﻙ ﺑﺎﺑﺎ ﻭﻋﻤﻮ ﻃﻠﻌﻮ ﺑﺸﻐﻠﻪ ﻣﺎ ﺍﻋﺮﻑ ﻭﻳﻦ ... ﻭﺭﺣﺖ ﻧﻈﻔﺖ ﻏﺮﻓﺔ ﺑﻴﺒﻲ ﻭﺑﻌﺪﻳﻦ ﻧﻈﻔﺖ ﻏﺮﻓﺘﻨﻪ ﻭﺭﺣﺖ ﻟﻠﺼﺎﻟﻪ ﺩﺍ ﺍﻧﻈﻒ ﺑﻴﻬﺎ ﻛﺎﻟﺖ ﺑﻴﺒﻲ
.. ﻭﻟﺞ ﻫﺎﻱ ﺍﻟﻤﺤﻤﻮﺳﻪ ﻓﻄﻴﻢ ﻭﻳﻨﻬﺎ ؟
.. ﺑﻴﺒﻲ ﻣﻮ ﺗﺪﺭﻳﻦ ﺑﻴﻬﺎ ﻧﺎﻳﻤﻪ
.. ﺭﻭﺣﻲ ﻭﻋﻴﻬﺎ ( ﻛﻌﺪﻳﻬﺎ ) ﻻ ﺍﺻﻌﺪﻟﻬﺎ
ﺻﻌﺪﺕ ﻟﻜﻴﺘﻬﺎ ﻓﺎﺗﺤﻪ ﺣﻠﻜﻬﺎ ﻭﻧﺎﻳﻤﻪ ﻉ ﺑﻄﻨﻬﺎ ﻛﻌﺪﺗﻬﺎ
.. ﻓﻄﻮﻡ .. ﻓﻄﻮﻣﻪ .. ﺍﻛﻌﺪﻱ ﺑﻴﺒﻲ ﺗﺮﻳﺪﺝ
.. ﺍﻣﻤﻢ ﻋﻮﻓﻴﻨﻲ
.. ﻭﻟﺞ ﻭﺍﻟﻠﻪ ﺑﻴﺒﻲ ﺗﺮﻳﺪﺝ
.. ﻋﻮﻓﻴﻨﻲ ﻭﺣﺪﻫﻲ ﺗﻠﻐﻲ ﻭﺗﺴﻜﺖ
.. ﻭﻟﺞ ﻭﺍﻟﻠﻪ ﻛﺎﻟﺖ ﺍﺻﻌﺪﻟﻬﺎ ﺍﺫﺍ ﻣﺎ ﻧﺰﻟﺖ
.. ﻣﺎ ﺑﻴﻬﺎ ﺣﻴﻞ ﺗﺼﻌﺪ ﻋﻮﻓﻴﻬﺎ ﺗﺤﺠﻲ ﻭﺗﺴﻜﺖ
ﻋﻔﺘﻬﺎ ﻭﻃﻠﻌﺖ ﺻﺤﺖ ﺑﻴﺒﻲ ﻣﻦ ﻓﻮﻙ
.. ﺑﻴﺒﻲ ﻣﺎ ﺗﻘﺒﻞ ﺗﻜﻌﺪ
.. ﺟﺎ ﺧﻮﺵ ﺍﻧﻲ ﻛﺎﻳﻤﺘﻠﻬﺎ
ﺷﻔﺖ ﺑﻴﺒﻲ ﻛﺎﻣﺖ ﺗﺘﻌﻜﺰ ﻋﻠﻰ ﻋﺼﺘﻬﺎ ﻭﺻﻌﺪﺕ ﺍﻟﺪﺭﺝ ﺑﺎﻟﻜﻮﻩ ﺭﺣﺖ ﺭﻛﻀﺖ ﻟﻔﺎﻃﻤﻪ ﻛﺘﻠﻬﺎ
.. ﻭﻟﺞ ﻓﺎﻃﻤﻪ ﺑﻴﺒﻲ ﺍﺟﺘﺞ
.. ﻭﻟﻲ ﻋﻨﻲ ﺟﻴﻼﻥ ﺍﺭﻳﺪ ﺍﻧﺎﻡ
.. ﻭﻟﺞ ﻭﺍﻟﻠﻪ ﺑﻴﺒﻲ ﺍﺟﺘﻲ
.. ﻫﻲ ﻳﻤﺘﻪ ﺗﻜﺪﺭ ﺗﺼﻌﺪ ﻻ ﺗﺠﺬﺑﻴﻦ ﻋﻠﻴﻪ
.. ﻭﻟﺞ ﻭﺍﻟﻘﺮﺍﻥ ﺻﻌﺪﺕ
ﻣﺎ ﺟﺎﻭﺑﺘﻨﻲ ﻣﺎ ﻧﺤﺲ ﻏﻴﺮ ﺑﻴﺒﻲ ﻓﻮﻙ ﺭﻭﺳﻨﻪ ﻭﺿﺮﺑﺘﻬﺎ ﺣﻴﻞ ﻋﻠﻰ ﺭﺟﻠﻴﻬﺎ ﺑﺎﻟﻌﺼﺎ ﻭﻫﻲ ﺻﻴﺤﻪ ﻫﻲ ﻛﻤﺰﻩ
.. ﺍﺍﺍﺍﺍﺍﺍﺍﺍﺍﺍﺍﻱ ... ﻫﺎﻱ ﻟﻴﺶ ﻫﻴﺠﻲ ﺑﻴﺒﻲ
.. ﻭﺣﻤﺲ ﻛﻮﻥ ... ﻣﻮ ﻛﻌﺪﺗﺞ ﺑﺖ ﻋﻤﺞ ﺍﻻ ﺗﻜﻄﻌﻴﻦ ﻧﻔﺴﻲ ﺑﺎﻟﺼﻌﺪﻩ ﻟﻴﺞ
.. ﺑﻴﺒﻲ ﺍﻛﻮ ﻭﺍﺣﺪ ﻫﻴﺞ ﻳﻜﻌﺪﻟﻪ ﻭﺍﺣﺪ ﻧﺎﻳﻢ
.. ﺍﻧﺠﺒﻲ ﺑﺒﻴﺖ ﺍﻟﻌﻴﺎﻝ ﻫﻢ ﺗﻀﻠﻴﻦ ﻣﻄﻤﻮﺭﻩ ﻟﻠﻈﻬﺎﺭﻱ
.. ﺑﻴﺒﻲ ﻭﺣﻚ ﻫﻮ ﻋﻠﻲ ﻣﺎ ﺭﺍﺡ ﺍﻋﺮﺱ ﻣﻦ ﻭﺭﺍﺝ
.. ﺍﻱ ﻭﺗﻀﻠﻴﻦ ﺑﺎﻳﺮﻩ ﻋﻠﻰ ﻛَﻠﺒﻲ .. ﺍﻣﺸﻲ ﺟﺪﺍﻣﻲ ﺳﺎﻋﺪﻱ ﺍﻣﺞ ﻫﺎﻟﻤﺴﻴﺠﻴﻨﻪ
.. ﻫﺎﻱ ﻣﻦ ﺷﻮﻛﺖ ﺫﺑﻴﺘﻮﺍ ﻋﻠﻴﻪ ﺍﻟﺸﻐﻞ
ﺭﻛﻌﺖ ﺍﻟﻌﺼﺎ ﻋﻠﻰ ﺭﺟﻠﻴﻬﺎ ﻭﺫﻳﺞ ﺻﺎﺣﺖ
.. ﺍﺍﺍﺍﺍﺍﺍﺍﺍﺥ ﺍﺣﺘﺮﻛﺖ ﻓﺎﻃﻤﻪ ﻛﻮﻥ ﻭﻻ ﻋﺎﺷﺖ ﻫﺎﻟﻌﻴﺸﻪ
ﻭﻃﻠﻌﺖ ﺯﻋﻼﻧﻪ ﻭﺗﻔﺮﻙ ﺑﺮﺟﻠﻴﻬﺎ ﻣﻦ ﺍﻻﻟﻢ ﺭﺣﺖ ﺟﺒﺖ ﺍﻟﻌﺼﺎ ﻟﺒﻴﺒﻲ ﻭﻋﺎﻓﺘﻨﻲ ﻭﻧﺰﻟﺖ
ﺭﺣﺖ ﻟﻐﺮﻓﺔ ﻫﺠﺮﺱ ﺍﺭﻳﺪ ﺍﻧﻈﻔﻬﺎ ﺗﺮﺩﺩﺕ ﺑﻴﻦ ﺍﻧﻈﻔﻬﺎ ﻭﺑﻴﻦ ﺍﻛﺴﺮ ﺣﺠﺎﻳﺔ ﺑﻴﺒﻲ ﺑﺲ ﺍﺩﺭﻱ ﺗﻮﺭﻡ ﺭﺟﻠﻴﻪ ﺑﺎﻟﻌﺼﺎ ﺍﺫﺍ ﻋﺎﻧﺪﺗﻬﺎ ﺩﺧﻠﺖ ﻟﻐﺮﻓﺘﻪ
ﺍﻭﻑ ﺷﻨﻮ ﻫﺎﻟﻌﻄﺮ ﺍﻟﺒﻴﻬﺎ ﺷﻮﻑ ﺍﻟﻨﻈﺎﻓﻪ ﺷﻮﻑ ﺍﻟﺘﺮﺗﻴﺐ ﻛﻠﺸﻲ ﺑﻤﻜﺎﻧﻪ ﺑﺲ ﺍﻟﺒﻄﺎﻧﻴﺎﺕ ﻣﺨﺮﺑﻄﻪ ﻻﻥ ﺟﺎﻥ ﻧﺎﻳﻢ ﻭﻣﻼﺑﺴﻪ ﻣﺎﻝ ﺍﻟﺒﻴﺖ ﺑﺎﻟﻜﺎﻉ ﻟﻌﺪ ﺷﺒﻴﻪ ﺣﻈﻲ ﺍﻧﻲ ﻏﺮﻓﺘﻲ ﻭﻛﻨﺘﻮﺭﻱ ﻣﻜَﻠﻮﺑﺎﺕ ﻛَﻼﺏ ﻋﺒﺎﻟﻚ ﻃﺎﻛَﻪ ﺑﻴﻬﻦ ﻋﺒﻮﻩ
ﺍﻓﺘﺮﻳﺖ ﺑﺎﻟﻐﺮﻓﻪ ﺷﻮﻳﻪ ﻗﺒﻞ ﻻ ﺍﻧﻈﻔﻬﺎ ﻛﺎﻧﺖ ﻏﺮﻓﻪ ﺭﺟﺎﻟﻴﻪ ﺑﻴﻬﺎ ﺳﺮﻳﺮ ﻧﻔﺮ ﻭﺍﺣﺪ ﻳﻢ ﺍﻟﺤﺎﻳﻂ ﻭﺑﺼﻔﻬﺎ ﻛﻮﻣﺪﻱ ﺻﻐﻴﺮ ﻳﻤﻬﺎ ﺑﻴﻪ ﺟﺮﺍﺭﺍﺕ ﺍﺛﻨﻴﻦ ﻭﺑﺎﻟﺠﻬﻪ ﺍﻟﺜﺎﻧﻴﻪ ﻛﻨﺘﻮﺭ ﺍﺑﻮ ﺑﺎﺑﻴﻦ ﻭﺍﻛﻮ ﻳﻢ ﺍﻟﻜﻮﻣﺪﻱ ﻣﺮﺍﻳﻪ ﻉ ﻃﻮﻝ ﺍﻟﺠﺴﻢ ﻭﻛﺪﺍﻣﻬﺎ ﻣﻴﺰ ﺻﻐﻴﺮ ﻋﻠﻴﻪ ﻋﻄﻮﺭﻩ ﻭﻓﺮﺵ ﺍﻟﺸﻌﺮ ﻭﻫﺎﻱ ﺍﻟﺴﻮﺍﻟﻒ ﻭﻣﻘﺎﺑﻞ ﺍﻟﺒﺎﺏ ﺍﻛﻮ ﻛﺮﺳﻲ ﺩﻭﺍﺭ ﻭﻛﺒﺎﻟﻪ ﻃﺎﻭﻟﻪ ﻋﻠﻴﻬﺎ ﻻﺑﺘﻮﺏ ﻭﺍﻗﺮﺍﺹ ﻛﻠﻬﺎ ﻻﻏﺎﻧﻲ ﺍﻟﺘﺴﻌﻴﻨﺎﺕ ﻣﺎﻝ ﺻﻼﺡ ﺣﺴﻦ ﻭﻫﻴﺜﻢ ﻳﻮﺳﻒ ﻭﺣﺎﺗﻢ ﺍﻟﻌﺮﺍﻗﻲ ... ﺍﻟﺦ
ﻛﻠﺖ ﺑﻨﻔﺴﻲ ﺷﻨﻮ ﻫﺬﺍ ﺫﻭﻗﻪ ﺷﻜﺪ ﻗﺪﻳﻢ ﻓﺘﺤﺖ ﺍﻟﻼﺑﺘﻮﺏ ﺗﻔﺎﺟﺄﺕ ﺣﺎﻁ ﺧﻠﻔﻴﻪ ﻟﻠﺸﺎﺷﻪ ﺻﻮﺭﺗﻨﻪ ﻭﺍﺣﻨﻪ ﺻﻐﺎﺭ ﺍﻧﻲ ﻭﻳﺎﻩ ﻭﻫﺎﺷﻢ ﻭﻓﻄﻮﻣﻪ ﻛﺎﻧﺖ ﺍﻟﻨﻪ ﺫﻛﺮﻯ ﺣﻠﻮﻩ ﺑﻴﻬﺎ ﻫﺠﺮﺱ ﻻﺑﺲ ﺩﺷﺪﺍﺷﻪ ﺑﻴﻀﻪ ﻭﻣﺘﺨﻮﺻﺮ ﺑﺄﻳﺪﻩ ﺍﻟﻴﺴﺮﻯ ﻭﺳﺎﻧﺪ ﻧﻔﺴﻪ ﺑﺄﻳﺪﻩ ﺍﻟﻴﻤﻨﻰ ﻉ ﺍﻟﻨﺨﻠﻪ ﻛﺎﻥ ﻋﻤﺮﻩ ﺗﻘﺮﻳﺒﺎ ﺗﺴﻊ ﺳﻨﻴﻦ ﻭﻫﺎﺷﻢ ﻭﺍﻧﻲ ﻓﻄﻮﻣﻪ ﻛﻠﻨﻪ ﺍﻋﻤﺎﺭﻧﻪ ﺳﻨﺘﻴﻦ ﺟﺎﻥ ﻫﺎﺷﻢ ﻻﺑﺲ ﻓﺎﻧﻴﻠﻪ ﻭﺑﺠﺎﻣﻪ ﺑﺎﺯﻩ ﻭﻓﻄﻮﻣﻪ ﺩﺷﺪﺍﺷﻪ ﻛﻮﺩﺭﻱ ﺍﻧﻲ ﺍﻟﻮﺣﻴﺪﻩ ﺍﻟﻜﺎﺷﺨﻪ ﺑﻴﻬﻢ ﺟﺎﻥ ﺛﻮﺑﻲ ﻧﻔﻨﻮﻑ ﻳﺨﺒﻞ ﻭﻻﺑﺴﻪ ﻃﻮﻙ ﺍﺑﻮ ﺍﻟﻔﻴﻮﻧﻜﻪ
ﺻﺪﻙ ﻣﻦ ﺷﻔﺖ ﻫﺎﻱ ﺍﻟﺼﻮﺭﻩ ﺍﺑﺘﺴﻤﺖ ﺭﺟﻌﺖ ﺫﺍﻛﺮﺗﻲ ﻟﻄﻔﻮﻟﺘﻲ ﻻﺣﻠﻰ ﺷﻲ ﻣﻦ ﻛﺎﻥ ﻣﺎ ﻋﻨﺪﻱ ﻫﻤﻮﻡ ﻛﺎﻥ ﺑﺲ ﺗﻔﻜﻴﺮﻱ ﻛﻠﻪ ﺑﺎﻻﻛﻞ ﻭﺍﻟﻠﻌﺐ ﻣﺎ ﻛﺎﻥ ﻫﻤﻲ ﺍﻭ ﻣﺎ ﺍﺟﻪ ﺑﺒﺎﻟﻲ ﺑﻴﻮﻡ ﺍﺧﺴﺮ ﻭﺍﻟﺪﻱ ﺑﻬﻴﺞ ﻣﺮﺽ ﻣﻠﻌﻮﻥ
ﻧﺰﻟﺖ ﺩﻣﻌﺘﻲ ﺳﺪﻳﺖ ﺍﻟﻼﺑﺘﻮﺏ ﻭ ﺳﻨﺪﺕ ﺭﺍﺳﻲ ﻉ ﺍﻟﻤﻴﺰ ﻭﻛﻤﺖ ﺍﺑﺠﻲ ﻭﺍﻭﻥ ﻣﻦ ﺍﻟﻘﻬﺮ ﻟﺤﺪ ﻣﺎ ﻋﻴﻮﻧﻲ ﻛﺎﻟﻦ ﺑﺲ ﻣﺤﺪ ﻳﺤﺲ ﺍﻟﻠﻲ ﺑﻘﻠﺒﻲ ﻧﺎﺭ ﻭﺗﺴﻌﺮ ﺑﻴﻪ ﺑﺲ ﻛﺎﻥ ﻋﻨﺪﻱ ﺍﻣﻞ ﺟﺒﻴﺮ ﺍﻧﻪ ﺭﺏ ﺍﻟﻌﺎﻟﻤﻴﻦ ﻳﺸﺎﻓﻴﻪ ﻭﻳﺮﺟﻌﻪ ﺍﻟﻲ ﺭﺍﺿﻴﻪ ﺑﻜﻠﺸﻲ ﺣﺘﻰ ﺑﻬﺠﺮﺱ ﺑﺲ ﺑﺎﺑﺎ ﻳﻜﻮﻣﻠﻲ ﺑﺎﻟﺴﻼﻣﻪ ﻭﺍﺷﻮﻓﻪ ﻳﻤﺸﻲ ﺑﻌﺎﻓﻴﻪ ﻛَﺪﺍﻣﻲ
ﺑﻌﺪﻳﻦ ﺗﺬﻛﺮﺕ ﺍﻧﻲ ﺑﻐﺮﻓﺘﻪ ﻭﺻﺎﺭﺕ ﺍﻟﺴﺎﻋﻪ ﻓﻮﻙ ﺍﻝ ١١ ... ﺳﺎﻋﻪ ﻭﺍﺟﻪ ﻻﻥ ﻫﻮ ﻗﺒﻞ ﺍﻟﻐﺪﺍ ﻳﺠﻲ ﺑﺴﺮﻋﻪ ﻣﺴﺤﺖ ﺩﻣﻮﻋﻲ ﻭﻛﻤﺖ ﻧﻈﻔﺖ ﻏﺮﻓﺘﻪ ﻉ ﺍﻟﺴﺮﻳﻊ ﻭﻃﻠﻌﺖ
ﺳﺪﻳﺖ ﺍﻟﺒﺎﺏ ﺷﻔﺘﻪ ﺩﺍ ﻳﺼﻌﺪ ﻉ ﺍﻟﺪﺭﺝ ﻋﻔﺘﻪ ﻭﺭﺩﺕ ﺍﻧﺰﻝ ﺗﻌﺠﺐ ﻭﺳﺎﻟﻨﻲ
.. ﻫﺎﻱ ﺷﺘﺴﻮﻳﻦ ﺑﻐﺮﻓﺘﻲ
.. ﺟﻨﺖ ﺍﻧﻈﻔﻬﺎ
ﺗﻌﺠﺐ ﺍﺗﻜﺜﺮ
.. ﺷﻌﺠﺐ ﻣﻨﺞ ﻣﻦ ﺍﻟﺸﻴﻄﺎﻥ
ﺑﺎﻭﻋﺘﻠﻪ ﺑﻨﻈﺮﺓ ﺛﻘﻪ
.. ﻟﻮ ﻋﻠﻴﻪ ﻋﺴﻰ ﻣﺎ ﺗﺨﻴﺲ ﺍﻧﺖ ﻭﻳﺎﻫﺎ ﻣﺎ ﺍﻟﻲ ﺷﻐﻞ ﺑﺲ ﻫﺎﻱ ﺍﻭﺍﻣﺮ ﺑﻴﺒﻲ
ﺷﻔﺘﻪ ﻋﺼﺐ
.. ﺍﻧﺘﻲ ﻟﺴﺎﻧﺞ ﻫﺬﺍ ﺍﻟﺰﻓﺮ ﻣﺎ ﻳﺤﺠﻴﻠﻪ ﺣﺠﺎﻳﻪ ﺑﻴﻬﺎ ﺣﻆ
.. ﻭﺍﻟﻠﻪ ﺯﻓﺮ ﺑﺲ ﻭﻳﺎﻙ
ﺳﺤﺒﻨﻲ ﻣﻦ ﺯﻧﺪﻱ ﺑﻌﺪﻳﻦ ﺷﺎﻑ ﺍﻣﻪ ﺗﺒﺎﻭﻋﻠﻨﻪ ﻣﻦ ﺍﻟﺼﺎﻟﻪ ﻫﺪﻧﻲ ﻭﺭﺍﺡ ﻟﻠﻐﺮﻓﻪ ﺍﻧﻲ ﻧﺰﻟﺖ
ﻋﻤﺘﻲ ﺗﻘﺮﺑﺖ ﻣﻨﻲ ﻭﻛﺎﻟﺖ ﺑﺼﻮﺕ ﻫﺎﻣﺲ
.. ﺍﺑﻨﻲ ﻣﺎ ﺍﻟﺞ ﺷﻐﻞ ﺑﻴﻪ ﻭﻻ ﺗﺘﻘﺮﺑﻴﻦ ﻳﻤﻪ ﺳﻤﻌﺘﻲ
ﺑﺎﻭﻋﺘﻠﻬﺎ ﺻﻔﺢ ﻭﻛﻠﺘﻠﻬﺎ
.. ﻫﺴﻪ ﻋﻠﻰ ﺣﻮﺭﻩ ﺍﺑﻨﺞ ﻭﺍﺭﻛﺾ ﻭﺭﺍﻩ
.. ﻋﺰﻩ ﺑﻌﻴﻨﺞ ﺍﺑﻨﻲ ﻋﻠﻰ ﺣﻮﺭﻩ ﻧﺴﻮﺍﻥ ﺍﻟﻤﻨﻄﻘﻪ ﻛﻠﻬﻦ ﻳﺮﻛﻀﻦ ﻭﺭﺍﻩ
.. ﺧﻄﻴﻪ ﻟﻌﺪ ﻟﻴﺶ ﻋﺎﻳﻔﺘﻪ ﻳﻔﺘﺮ ﺑﺎﻟﺒﻴﺖ ﻭﺣﺪﻩ ﺍﺧﺬﻳﻠﻪ ﻣﻦ ﻧﺴﻮﺍﻥ ﺍﻟﻤﻨﻄﻘﻪ ﺫﻧﻲ
ﻭﻋﻔﺘﻬﺎ ﻭﻣﺸﻴﺖ ﺻﺢ ﻣﺎ ﺭﺩﺕ ﺍﺭﺩﻫﺎ ﻭﻫﻲ ﺍﻛﺒﺮ ﻣﻨﻲ ﺑﺲ ﻧﺮﻓﺰﺗﻨﻲ
ﺻﺎﺭ ﻭﻛﺖ ﺍﻟﻐﺪﻩ ﺍﺟﻪ ﺑﺎﺑﺎ ﻭﻋﻤﻮ ﺑﺲ ﺑﺎﺑﺎ ﺍﺟﻪ ﻣﺨﻄﻮﻑ ﻟﻮﻧﻪ ﻭﻭﺟﻬﻪ ﺍﺻﻔﺮ ﻛﺘﻠﻪ
.. ﺑﺎﺑﺎ ﺷﺒﻴﻚ ؟
ﻣﺎ ﺟﺎﻭﺑﻨﻲ ﺭﺍﺡ ﻟﻠﻐﺮﻓﻪ ﺗﺠﺪﺩ ﻭﺭﺍﺡ ﻳﺼﻠﻲ ﺭﺣﺖ ﻟﻌﻤﻮ ﻛﺘﻠﻪ
.. ﻋﻤﻮ ﺷﺒﻴﻪ ﺑﺎﺑﺎ ؟
ﻛﺎﻝ
.. ﺑﻮﻳﻪ ﻻ ﺗﺨﺎﻓﻴﻦ ﻃﻠﻌﺘﻪ ﻋﻮﺩ ﺍﻓﺮﻩ ﻭﻳﻐﻴﺮ ﺟﻮ ﻫﻮ ﺷﻮﻳﻪ ﻻﻥ ﻣﺮﻳﺾ ﻣﺎ ﺍﺗﺤﻤﻞ ﺍﻟﻄﻠﻌﻪ ﻭﺭﺟﻌﺘﻪ
ﺭﺣﺖ ﻭﺭﺍﻩ ﻟﻜﻴﺘﻪ ﻳﺼﻠﻲ ﻃﻠﻌﺖ ﻭﺭﺟﻌﺖ ﻭﺭﻩ ﻧﺺ ﺳﺎﻋﻪ ﻓﺘﺤﺖ ﺍﻟﺒﺎﺏ ﻟﻜﻴﺘﻪ ﻧﺎﻳﻢ ﺑﺴﺘﻪ ﺑﺮﺍﺳﻪ ﻭﻏﻄﻴﺘﻪ ﻋﺪﻝ ﻭﻃﻠﻌﺖ ﺑﺲ ﻗﻠﺒﻲ ﻣﺄﺫﻳﻨﻲ ﺣﻴﻞ ﻋﻠﻴﻪ
ﺗﻐﺪﻳﻨﻪ ﻭﺑﻴﺖ ﺟﺪﻱ ﻧﺎﻣﻮ ﻭﺍﻧﻲ ﺭﺣﺖ ﻛﻌﺪﺕ ﺑﻐﺮﻓﺔ ﻓﻄﻮﻣﻪ ﺳﻮﻟﻔﻨﻪ ﺷﻮﻳﻪ ﺑﺲ ﻛﻨﺖ ﻣﺘﻀﺎﻳﻘﻪ ﻭﻣﺎﻟﻲ ﺧﻠﻚَ ﻛﻠﺸﻲ ﺍﺳﻮﻟﻒ ﻋﻔﺘﻬﺎ ﻭﺭﺣﺖ ﻟﻐﺮﻓﺘﻨﻪ ﻧﻤﺖ
ﻛﻌﺪﺕ ﻭﻛﺖ ﺍﻟﻤﻐﺮﺏ ﻟﻜﻴﺖ ﺑﺎﺑﺎ ﻛﺎﻋﺪ ﻭﻳﻪ ﺟﺪﻭ ﺑﺎﻟﺤﺪﻳﻘﻪ ﺍﺟﻴﺖ ﺑﻮﺳﺘﻪ ﻭﺳﺄﻟﺘﻪ
.. ﺷﻠﻮﻧﻚ ﺣﺒﻴﺒﻲ
ﺍﺑﺘﺴﻢ ﺑﻀﻌﻒ ﻭﻛﺎﻝ
.. ﻣﺎ ﺑﻴﻪ ﺷﻲ ﻳﺎ ﺭﻭﺣﻲ ﻭﺑﺎﺱ ﺑﻄﻦ ﺍﻳﺪﻱ ﻛﺎﻟﺖ ﺑﻴﺒﻲ
.. ﺍﻱ ﺷﻤﺎﻟﻬﺎ ﺟﻮﻳﻠﻪ ﺑﺨﺘﻬﺎ ﻛﺎﻋﺪ ﺍﻧﻲ ﺧﺎﻟﺘﻪ ﺍﻟﺮﺑﺘﻪ ﻣﺎ ﺑﺎﻳﺲ ﺍﻳﺪﻳﻨﺎﺗﻲ ﻳﻤﻜﻦ ﺍﻳﺪﻳﻨﺎﺗﻲ ﺑﻴﻬﻦ ﺟﺮﺏ
ﺿﺤﻜﻨﻪ ﺍﺧﺬ ﺍﻳﺪﻫﺎ ﺑﺎﺳﻬﺎ
.. ﻟﺞ ﺍﻧﺘﻲ ﺗﺎﺝ ﺭﺍﺳﻲ ﻭﺍﻣﻲ ﻻ ﺗﻜﻮﻟﻴﻦ ﺧﺎﻟﺘﻲ
ﺍﺑﺘﺴﻤﺖ ﻭﻋﻔﺘﻬﻢ ﺩﺧﻠﺖ ﺳﺎﻋﺪﺕ ﻋﻤﺘﻲ ﺑﺎﻟﻌﺸﺎ
ﺻﻠﻴﻨﻪ ﺍﻟﻌﺸﺎ ﺍﺟﻪ ﻫﺠﺮﺱ ﻣﻦ ﺑﺮﻩ ﺷﺎﻓﻨﻲ ﺑﺎﻟﻤﻄﺒﺦ ﻣﺎ ﺣﺠﻪ ﻭﻻ ﺳﻠﻢ ﻋﺎﻓﻨﻪ ﻭﺻﻌﺪ .... ﺻﺒﻴﻨﻪ ﻭﺗﻌﺸﻴﻨﻪ ﻭﺭﺍﻫﺎ ﺷﺮﺑﻮﺍ ﺟﺎﻱ ﻛﺎﻝ ﺟﺪﻱ
.. ﻓﺎﻃﻤﻪ ﻭﺯﻳﻨﺐ ﻭﻫﺎﺷﻢ ﺍﻃﻠﻌﻮﺍ ﻭﺍﻟﺒﻘﻴﻪ ﻳﺒﻘﻮﻥ
ﻛﺎﻝ ﻫﺎﺷﻢ
.. ﺍﻱ ﻣﻮ ﺍﻧﻲ ﺍﺑﻦ ﺍﻟﻠﻘﻴﻄﻪ ﻭﺗﻄﻠﻌﻮﻧﻲ ﺑﺮﻩ ﺍﻣﺪﺍ ﻭﺟﻬﻚ ﻳﺎ ﻫﺎﺷﻢ
ﻛﻠﻨﻪ ﺿﺤﻜﻨﻪ 😂😂😂😂😂😂
ﻋﺎﻓﻮﻧﻪ ﻭﻃﻠﻌﻮﺍ ﻭﺍﻧﻲ ﺍﻟﻘﻠﻖ ﺑﺪﻩ ﻳﺎﻛﻠﻨﻲ ﻋﺮﻓﺖ ﺍﻟﻤﻮﺿﻮﻉ ﺍﻟﻠﻲ ﺭﺍﺡ ﻳﻨﻔﺘﺢ ﻭﻋﺮﻓﺖ ﺍﻧﻲ ﺗﺴﺮﻋﺖ ﺑﻘﺮﺍﺭﻱ ﺑﺲ ﻋﻨﺪﻱ ﺻﺤﺔ ﺑﺎﺑﺎ ﺑﺎﻟﺪﻧﻴﺎ ﻣﺎ ﺍﺭﻳﺪ ﺍﺗﻌﺒﻪ ﺍﻛﺜﺮ ﺣﺠﻪ ﺟﺪﻭ ﻭﻛﺎﻝ
.. ﺍﻧﻲ ﺟﻤﻌﺘﻜﻢ ﺍﻟﻴﻮﻡ ﻟﻐﺎﻳﻪ ﺗﺨﺺ ﺍﻭﻻﺩ ﺍﺑﻨﻲ ﻭﻟﻮ ﻣﺎ ﺷﺎﻳﻒ ﻫﺎﻟﺸﻲ ﻟﻤﺼﻠﺤﺘﻬﻢ ﻣﺎ ﺍﺳﻮﻳﻪ ... ﺍﻱ ﻭﺍﺣﺪ ﻣﻦ ﺍﻟﻜﺎﻋﺪﻳﻦ ﻳﻌﺘﺮﺽ ﻣﺤﺪ ﺍﻟﻪ ﻣﻜﺎﻥ ﻳﻤﻲ ... ﻭﻻ ﺗﻌﺘﺒﺮﻭﻥ ﻫﺎﻟﺸﻲ ﻏﺼﺐ ﺑﻜﺪ ﻣﺎ ﺗﻌﺘﺒﺮﻭﻩ ﻣﺼﻠﺤﻪ ﺍﻧﻲ ﺑﻨﺖ ﻋﺪﻧﺎﻥ ﻣﺎ ﺍﻓﺮﻁ ﺑﻴﻬﺎ ﻟﻐﺮﻳﺐ ﻫﺬﻱ ﻗﻄﻌﻪ ﻣﻦ ﻋﺪﻧﺎﻥ ﻭﻛﻠﻜﻢ ﻭﻟﺪﻱ ﻣﺎ ﺍﻓﺮﻕ ﺑﻴﻨﻜﻢ ﺑﺲ ﺻﺎﺭﺕ ﺷﻐﻠﻪ ﺧﻠﺘﻨﻲ ﺍﺗﺨﺬ ﻫﺎﻟﻘﺮﺍﺭ ﻫﺎﻱ ﻛﺪﺍﻣﻜﻢ ﻫﺠﺮﺱ ﺑﺎﺟﺮ ﻳﻌﻘﺪ ﻋﻠﻰ ﺑﻨﺖ ﻋﻤﻪ ﺟﻴﻼﻥ
ﺩﻛﺖ ﻋﻤﺘﻲ ﻉ ﺻﺪﺭﻫﺎ
.. ﺷﻨﻮ؟؟؟؟؟؟؟؟؟؟
ﻭﻫﺠﺮﺱ ﺟﺎﻥ ﻳﺸﺮﺏ ﺟﺎﻱ ﻓﺘﺢ ﻋﻴﻮﻧﻪ ﻣﺼﺪﻭﻡ ﻭﺣﻂ ﺍﻻﺳﺘﻜﺎﻥ ﺑﻤﻜﺎﻧﻪ ﺑﻌﺼﺒﻴﻪ
.. ﺷﻨﻮﻭﻭﻭ؟؟؟ ﺗﺤﺠﻲ ﺻﺪﻙ ﺟﺪﻱ
.. ﺷﻨﻮ ﻻﻣﻜﻢ ﻫﺎﻟﻠﻤﻪ ﻫﺎﻱ ﺣﺘﻰ ﺍﻫﺰﻝ ﻭﻳﺎﻛﻢ .. ﻭﺑﻌﺪﻳﻦ ﺷﻌﺎﻳﺰﻫﺎ ﺟﻴﻼﻥ ﺣﺘﻰ ﺗﺴﺘﻐﺮﺏ ؟
.. ﺟﺪﻱ ﺟﻴﻼﻥ ﺣﻠﻮﻩ ﻣﺎ ﻛﺎﻳﻞ ﺷﻲ ﻋﻠﻰ ﺷﻜﻠﻬﺎ ﺑﺲ
.. ﺑﺲ ﺷﻨﻮ؟
.. ﺟﺪﻱ ﺍﻧﻲ ﻭﻳﺎﻫﺎ ﺑﻌﻤﺮﻧﻪ ﻣﺎ ﺗﻮﺍﻟﻤﻨﻪ ﻭﻓﻮﻙ ﻫﺬﺍ ﻋﻨﻴﺪﻩ ﻭﺭﺍﺳﻬﺎ ﻳﺎﺑﺲ ﻭﺳﺎﻓﺮﻩ ﻭﺍﻧﻲ ﻫﻴﺞ ﻣﺮﻩ ﻣﺎ ﺗﻮﺍﻟﻤﻨﻲ
.. ﻭﺍﻧﻲ ﻣﺎ ﺟﺎﻱ ﺍﺳﺄﻟﻚ ﺗﺎﺧﺬﻫﺎ ﻟﻮ ﻻ .... ﺟﺎﻱ ﺍﺀﻣﺮﻙ ﺗﺘﺰﻭﺟﻬﺎ
.. ﺟﺪﻱ ﺷﻨﻮ ﺗﺄﻣﺮﻧﻲ ﺯﻋﻄﻮﻁ ﺍﻧﻲ ﻛﺪﺍﻣﻚ ﺍﺫﺍ ﺑﻴﻬﺎ ﺷﻐﻠﺔ ﻋﻨﺎﺩ ﻭﺍﻟﻌﺒﺎﺱ ﺗﺮﻩ ﻣﺎ ﺍﺗﺰﻭﺟﻬﺎ ﻟﻮ ﺗﺒﻘﻰ ﺑﺲ ﻫﻲ ﻋﻠﻰ ﻭﺟﻪ ﺍﻟﻜﺎﻉ
.. ﺍﻧﺠﺐ ﺷﻨﻬﻲ ﺍﻧﺖ ﺑﻌﺪ ﻣﺤﺪ ﻳﻜﺪﺭﻟﻚ ﻭﺍﻟﻠﻪ ﺍﺫﺍ ﻣﺎ ﺍﺧﺬﺗﻬﺎ ﺑﻌﺪ ﻻ ﺍﻧﻪ ﺟﺪﻙ ﻭﻻ ﺍﻋﺮﻓﻚ
.. ﺟﺪﻱ ﺍﻧﺖ ﻟﻴﺶ ﻫﻴﺞ ﺗﺴﻮﻱ ﺑﻴﻪ .... ﻋﻤﻲ ﺍﻧﻲ ﻣﺎ ﺍﺭﻳﺪﻥ ﻣﺮﻩ ﺍﻟﻮﺍﺩﻡ ﺷﺎﻳﻔﻪ ﻃﻮﻟﻬﺎ ﻭﻛﻞ ﺧﻼﻛﻴﻨﻬﺎ ﻻ ﻭﻓﻮﻙ ﻫﺬﺍ ﺍﻋﻨﺪ ﻣﻦ ﺍﻟﺒﻐﻞ ﻭﻣﺎ ﺗﺴﻤﻊ ﺍﻟﻜﻼﻡ
.. ﺍﻧﺠﺐ ﺷﻨﻮ ﻋﻮﺩ ﺻﺮﺕ ﺭﺟﺎﻝ ﻭﻣﺎ ﺍﻟﻲ ﺣﺠﺎﻳﻪ ﻋﻠﻴﻚ .... ﺍﻧﺖ ﺭﺟﺎﻝ ﻭﺗﺴﺘﺮﻫﺎ ﻭﻫﻲ ﺑﻨﺖ ﻋﻤﻚ ﻣﺎ ﻫﻲ ﻏﺮﻳﺒﻪ
ﻛﻤﺖ ﻛﺘﻠﻪ
.. ﺟﺪﻱ ﻟﺤﻈﻪ ﺍﻧﻲ ﻣﺎ ﺍﺗﺰﻭﺟﻪ ... ﺍﻟﻤﺎ ﻳﺮﻳﺪﻧﻲ ﻣﺎ ﺍﺭﻳﺪﻩ
ﻛﻤﺰ ﻫﻮ ﻭﻛﺎﻝ
.. ﺍﻱ ﻛﻤﻠﻴﻬﺎ ﻓﺪﻧﻮﺏ ﻭﺳﻮﻳﻠﻴﺎﻫﺎ ﺍﻏﻨﻴﻪ ﺍﻟﻤﺎ ﻳﺮﻳﺪﻧﻲ ﻣﺎ ﺍﺭﻳﺪﻩ ﻟﻮ ﻫﺴﻪ ﺭﻭﺣﻲ ﺑﺄﻳﺪﻩ ... ﺧﺎﺏ ﻣﻮ ﺻﻮﺟﻜﻢ ﺻﻮﺟﻲ ﺍﻧﻲ ﺍﻟﻜﺎﻋﺪ ﻳﻤﻜﻢ ﻭﺍﺳﻤﻌﻜﻢ ﻟﺴﻪ
ﺭﺍﺩ ﻳﻄﻠﻊ ﺻﺎﺡ ﺑﻴﻪ ﺟﺪﻱ
.. ﻫﺠﺮﺭﺭﺭﺭﺭﺱ ... ﺍﺫﺍ ﻃﻠﻌﺖ ﻣﻦ ﺑﺎﺏ ﺍﻟﺤﻮﺵ ﻣﺎ ﺍﻟﻚ ﻣﺮﺩﻩ ﺍﻟﻪ
ﺍﻧﺪﺍﺭ ﻋﻠﻴﻪ ﺧﺰﺭﻧﻲ ﺧﺰﺭﻩ ﻟﻮ ﺗﻨﻄﻖ ﻛﺎﻥ ﺫﺑﺤﺘﻨﻲ
ﺭﺍﺩ ﻳﻄﻠﻊ ﻟﺰﻣﻪ ﺑﺎﺑﺎ ﻛﻠﻪ
.. ﺑﻮﻳﻪ ﻫﺠﺮﺱ ﺍﻧﻲ ﻣﺮﻳﺾ ﻭﻣﺎ ﺍﻛﺪﺭ ﺍﺀﻣﻦ ﻋﻠﻰ ﺟﻴﻼﻥ ﻳﻢ ﺍﺣﺪ ﻏﻴﺮﻙ
ﺑﺎﻭﻋﻠﻪ ﺑﺄﺳﺘﻔﺴﺎﺭ
.. ﺷﻨﻮ ﻗﺼﺪﻙ ؟
.. ﺑﻴﻪ ﻣﺮﺽ ﺧﺒﻴﺚ
ﻫﺠﺮﺱ ﺑﻬﺖ ﻭﺍﻧﻲ ﻭﺑﻴﺒﻲ ﺑﺠﻴﻨﻪ ﻭﻋﻤﻮ ﺩﻧﻚ ﻭﻋﻤﺘﻲ ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻋﻔﺘﻬﻢ ﻭﻃﻠﻌﺖ ﺍﺑﺠﻲ ﺑﺤﺮﻛَﻪ ﺑﻐﺮﻓﺘﻲ ﻳﺎ ﺭﺑﻲ ﻟﻴﺶ ﺗﺬﻟﻨﻲ ﻫﻴﺠﻲ ﺍﻧﻲ ﺍﻟﻠﻲ ﻃﻮﻝ ﻋﻤﺮﻱ ﻋﺸﺖ ﻣﻌﺰﺯﻩ ﻣﻜﺮﻣﻪ ﺗﺎﻟﻴﺘﻬﺎ ﺍﻧﺬﻝ ﺻﺪﻙَ ﺣﺰﺕ ﺑﻨﻔﺴﻲ
ﻭﺭﻩ ﺛﻮﺍﻧﻲ ﺍﺟﻪ ﻫﺠﺮﺱ ﻟﺒﺎﺏ ﻏﺮﻓﺘﻲ ﻭﺟﻬﻪ ﺍﺻﻔﺮ ﺑﺎﻫﺖ ﺭﺍﺩ ﻳﺤﺠﻲ ﺷﻲ ﺑﺲ ﺑﻄﻞ ﻭ ﻋﺎﻓﻨﻲ ﻭﺻﻌﺪ ﻟﻐﺮﻓﺘﻪ ﻭﺭﻛﻊ ﺑﺎﺏ ﻏﺮﻓﺘﻪ ﺣﻴﻞ ﻭﺍﺳﻤﻌﻪ ﻛﺎﻡ ﻳﻜﺴﺮ ﺑﺎﻟﻐﺮﺍﺽ ﻣﺎ ﺍﻓﺘﻬﻤﺖ ﻣﻦ ﺷﻨﻮ ﺿﺎﻳﺞ ﻻﻥ ﺍﻧﺠﺒﺮ ﻋﻠﻴﻪ ﻟﻮ ﻣﻘﻬﻮﺭ ﻋﻠﻰ ﻣﺮﺽ ﺑﺎﺑﺎ
ﺍﻧﻲ ﺷﻨﻮ ﻋﺎﻳﺰﻧﻲ ﻭﻣﺎ ﺍﺗﺰﻭﺝ ﻭﺍﺣﺪ ﻳﺤﺒﻨﻲ ﺍﻭﻑ ﻳﺎ ﺑﺎﺑﺎ ﻛﺴﺮﺕ ﻇﻬﺮﻱ ﻣﺮﺿﺘﻚ ﻫﺎﻱ ﻟﻬﺎﻟﺪﺭﺟﻪ ........
ﺑﻌﺪﻧﻲ ﺩﺍ ﺍﺳﻮﻟﻒ ﻭﻳﻪ ﻧﻔﺴﻲ ﻭﺳﻤﻌﺖ ﺻﺮﺧﻪ ﺑﺎﻟﺒﻴﺖ ﺭﻛﻀﺖ ﻟﻜﻴﺖ ﺑﺎﺑﺎ ﻭﺍﻛﻊ ﻣﻦ ﻃﻮﻟﻪ ﻭﻛﻠﻬﺎ ﺩﺍﻳﺮ ﻣﺪﺍﺭﻳﺮﻩ
ﺍﻧﻲ ﺻﺤﺖ ﻭﻭﻛﻌﺖ ﻋﻠﻴﻪ ﻋﻤﻮ ﺩﻓﻌﻨﻲ ﻭﺟﺎﺏ ﻣﻲ ﻛﺎﻡ ﻳﻐﺴﻞ ﻭﺟﻬﻪ ﺑﺲ ﺑﺎﺑﺎ ﻣﺎ ﺻﺤﻪ ﺍﺟﻪ ﻫﺠﺮﺱ ﻳﺮﻛﺾ ﺷﺎﻑ ﺑﺎﺑﺎ ﻫﺎﻟﺸﻜﻞ ﺭﻓﻊ ﺩﺷﺪﺍﺷﺘﻪ ﻭﺭﻓﻌﻪ ﻣﻦ ﺍﻟﻜﺎﻉ ﺷﺎﻟﻪ ﻛﻮﻩ ﻻﻥ ﺑﺎﺑﺎ ﻛﺎﻥ ﺛﻘﻴﻞ ﺷﻮﻳﻪ ﻭﺳﺎﻋﺪﻩ ﻫﺎﺷﻢ ﻭﻫﻮ ﻳﺼﻴﺢ
.. ﺩﺧﻴﻠﻚ ﻳﺎ ﻋﻠﻲ .. ﺩﺧﻴﻠﻚ ﻳﺎ ﻋﻠﻲ
ﺍﺧﺬﻩ ﺑﺴﺮﻋﻪ ﻟﻠﺴﻴﺎﺭﻩ ﻭﺍﻧﻲ ﻛﻤﺖ ﺍﺩﻙ ﻭﺍﻟﻄﻢ ﺭﻛﻀﺖ ﺍﺭﻳﺪ ﺍﺭﻭﺡ ﻭﻳﺎﻫﻢ ﻟﻜﻴﺖ ﻫﺠﺮﺱ ﺣﻂ ﺑﺎﺑﺎ ﻭﺭﻩ ﺑﺎﻟﺴﻴﺎﺭﻩ ﻭﺟﺪﻭ ﻳﻤﻪ ﻭﻋﻤﻮ ﺑﺎﻟﺼﺪﺭ ﺑﻌﺪﻧﻲ ﻣﺎ ﺣﺠﻴﺖ ﺩﻓﻌﻨﻲ ﻫﺠﺮﺱ ﻟﻠﺒﻴﺖ ﻭﺳﺪ ﺍﻟﺒﺎﺏ ﻭﺷﺤﻂ ﺑﺴﻴﺎﺭﺗﻪ ﻭﺭﻩ ﺛﻮﺍﻧﻲ ﻫﺎﺷﻢ ﺭﻛﺾ ﻣﻦ ﻳﻤﻨﻪ ﺻﻌﺪ ﺑﺴﻴﺎﺭﺓ ﻋﻤﻮ ﻭﻟﺤﻜﻬﻢ
ﺍﻧﻲ ﻛﻌﺪﺕ ﻳﻢ ﺑﺎﺏ ﺍﻟﺒﻴﺖ ﺍﺑﺠﻲ ﻭﺍﺻﺮﺥ ﻭﺍﻟﻄﻢ ﻭﺑﻴﺒﻲ ﺗﻠﻄﻢ ﻭﺗﺼﻴﺢ ﻭﻓﻄﻮﻡ ﻭﺯﻳﻨﺐ ﻳﻬﺪﻥ ﺑﻴﻪ
.. ﻭﻟﺞ ﺭﺍﺡ ﺗﻤﻮﺗﻴﻦ ﻛﺎﻓﻲ .. ﻣﺎ ﺑﻴﻪ ﺷﻲ ﻋﻤﻮ ﺍﻥ ﺷﺎﺀ ﺍﻟﻠﻪ
.. ﻭﻟﺞ ﺍﻧﻲ ﺍﻟﺴﺒﺐ .. ﻣﻦ ﻭﺭﺍﻱ ﺷﺎﻳﻞ ﻫﻤﻴﻴﻴﻴﻴﻴﻲ .. ﻛﻮﻥ ﺍﻟﻠﻪ ﻳﺎﺧﺬ ﻋﻤﺮﻱ ﻭﻳﺤﻄﻪ ﻋﻠﻰ ﻋﻤﺮﻩ ...... ﻭﺍﻟﻠﻪ ﺷﺘﺮﻳﺪ ﺍﺳﻮﻳﻠﻚ ﺑﺎﺑﺎ ﻓﺪﻭﻩ ﺍﺭﻭﺣﻠﻚ ﺑﺲ ﻻ ﺗﻌﻮﻓﻨﻲ
ﺍﺟﺘﻲ ﺑﻴﺒﻲ ﻭﻫﻲ ﻛﻮﻩ ﺗﺘﻌﻜﺰ ﻉ ﺍﻟﻌﻜﺎﺯﻩ
.. ﻛﻮﻣﻲ ﺣﺒﻮﺑﻪ .. ﻛﻮﻣﻲ ﻫﺴﻪ ﻧﺨﺎﺑﺮﻫﻢ .. ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻪ ﺷﻲ ﺍﺑﻮﺝ ﻻ ﺗﻔﺎﻭﻟﻴﻦ ﻋﻠﻴﻪ
ﺍﻟﻜﻞ ﻳﻬﺪﻱ ﺑﻴﻪ ﺑﺲ ﺍﻧﻲ ﻣﺎ ﺍﺳﻤﻊ ﺷﻲ ﻣﻦ ﺍﻻﻟﻢ ﺍﻟﻠﻲ ﺑﻘﻠﺒﻲ ﻭﺍﻟﺒﺠﻲ ﺣﺘﻰ ﺍﻟﺠﻴﺮﺍﻥ ﻳﻤﻜﻦ ﻛﺎﻡ ﺗﺒﺎﻭﻉ ﻣﻦ ﺍﻟﺤﻴﺎﻃﻴﻦ ﺑﺲ ﻻﻥ ﺍﻟﺪﻧﻴﺎ ﻟﻴﻞ ﻣﺎ ﺍﺷﻮﻓﻬﻢ ﻭﺍﻟﻜﺎﻉ ﺑﺎﺭﺩﻩ ﺑﺲ ﻛﻞ ﻫﺬﺍ ﻣﺎ ﺍﺛﺮ ﺑﻴﻪ
ﻣﻦ ﺍﻟﺼﻴﺎﺡ ﺍﺣﺲ ﻛﻤﺖ ﺍﺟﺮ ﺍﻟﻨﻔﺲ ﻛﻮﻩ ﻭﺍﻟﻬﻮﺍ ﺍﻧﻜﻄﻊ ﻋﻨﻲ ﺍﺟﺖ ﺑﻴﺒﻲ ﺣﻀﻨﺘﻨﻲ ﻫﻲ ﻭﻓﻄﻮﻣﻪ ﻭﺩﺧﻠﻨﻲ ﺟﻮﻩ ﻭﻫﻲ ﺗﺴﻤﻲ ﻭﺗﻘﺮﻱ ﺍﻳﺎﺕ ﻋﻠﻴﻪ ﻭﺗﺒﺠﻲ ﻭﻓﻄﻮﻣﻪ ﺗﺬﺏ ﻉ ﻭﺟﻬﻲ ﻣﻲ ﻭﺗﻤﺴﺤﻪ
ﺷﻮﻳﻪ ﺷﻮﻳﻪ ﺑﺪﻳﺖ ﺍﻫﺪﺃ ﺑﺲ ﻧﺎﺭ ﻗﻠﺒﻲ ﻣﺎ ﺗﺒﺮﺩ ﺍﺫﺍ ﻣﺎ ﺍﺳﻤﻊ ﺧﺒﺮ ﻋﻦ ﺑﺎﺑﺎ ﺍﺳﻤﻊ ﺑﻴﺒﻲ ﺗﺼﻴﺢ ﺑﻴﻬﻢ
.. ﻭﻟﻜﻢ ﺧﺎﺑﺮﻭﺍ ﻋﻠﻰ ﻭﺍﺣﺪ ﺑﻴﻬﻢ ﺷﻮﻓﻮﺍ ﺑﻨﻴﻲ ﻋﺪﻧﺎﻥ ﺷﺴﻮﻭﻟﻪ
ﻛﺎﻟﺘﻠﻬﺎ ﻓﻄﻮﻣﻪ
.. ﺑﻴﺒﻲ ﺟﺎﻱ ﺍﺧﺎﺑﺮﻫﻢ ﻣﺤﺪ ﻳﺠﺎﻭﺏ
.. ﻫﺴﻪ ﻫﺬﺍ ﻫﻮﻳﺸﻢ ﻣﺎ ﺿﻞ ﻳﻤﻨﻪ ﺷﻌﻨﺪﻩ ﻭﻟﻪ ﻭﻳﺎﻫﻢ
ﺑﻘﻴﺖ ﺍﺑﺠﻲ ﺑﺎﻟﻨﺺ ﺳﺎﻋﻪ ﺷﻮﻳﻪ ﺷﻮﻳﻪ ﻛﻤﺖ ﺍﻧﺎﺷﻎ ﻭﻫﺪﺃﺕ ﺑﺤﻀﻦ ﺑﻴﺒﻲ
ﺍﺟﺖ ﻓﻄﻮﻣﻪ ﺗﺮﻛﺾ
.. ﺑﻴﺒﻲ ... ﺑﻴﺒﻲ .. ﻫﺬﺍ ﻫﺎﺷﻢ ﻉ ﺍﻟﺘﻠﻔﻮﻥ ﻳﺮﻳﺪﺝ؟
ﺍﻧﻲ ﻛﻤﺰﺕ ﻣﻦ ﺣﻀﻦ ﺑﻴﺒﻲ ﺭﺩﺕ ﺍﺧﺬﻩ ﻛﺎﻟﺖ ﺑﻴﺒﻲ
.. ﻳﻮﺍﺷﺞ ( ﺍﻧﺘﻈﺮﻱ ) .. ﺧﻠﻲ ﻧﺸﻮﻑ ﺍﻟﺴﺎﻟﻔﻪ
ﺍﻧﻄﺖ ﺍﻟﺘﻠﻔﻮﻥ ﻟﺒﻴﺒﻲ ﻛﺎﻟﺘﻠﻬﺎ
.. ﻳﺎ ﻭﻟﺞ ﻫﺬﺍ ﻣﻨﻴﻦ ﻳﻨﻜﺾ ( ﻳﻨﻠﺰﻡ ) ؟
ﺟﺎﻧﺖ ﻻﺯﻣﻪ ﺍﻟﻤﻮﺑﺎﻳﻞ ﺑﺎﻟﻤﻜﻠﻮﺏ ﻋﺪﻟﺘﻪ ﺍﻟﻬﺎ ﻓﻄﻮﻣﻪ ﻛﺎﻟﺖ
.. ﺍﻟﻮ .. ﻫﺎ ﻳﻤﻪ ﻫﺎﺷﻢ
mariam#
#بارت٦
ﻫﺎ ﻳﻤﻪ ﻫﺎﺷﻢ .. ﺷﻠﻮﻥ ﺻﺎﺭ ﻋﻤﻴﻤﻚ ؟ ... ﺍﻭﻭﻭﻑ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ... ( ﻫﻨﺎ ﺍﻧﻲ ﺗﻨﻔﺴﺖ ﺷﻮﻳﻪ ﻣﻦ ﻛﺎﻟﺖ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻳﻌﻨﻲ ﺑﺎﺑﺎ ﻣﺎ ﺑﻴﻪ ﺷﻲ ﻛﻤﺖ ﺍﺀﺷﺮ ﺍﻟﻬﺎ ﺑﻤﻌﻨﻰ ﺍﺭﻳﺪ ﺍﺣﺎﺟﻴﻪ ) .. ﺍﻱ ﺣﺒﻮﺑﻪ .. ﺍﻱ ﻻ ﺗﺨﺎﻑ ﺍﻧﻲ ﺍﻭﺻﻴﻬﺎ ... ﻫﺎﻙ ﺣﺒﻮﺑﻪ ﻫﺎﻱ ﻭﻳﺎﻙ ﺟﻮﻳﻠﻪ
ﺍﺧﺬﺗﻪ ﻣﻨﻬﺎ ﻭﺍﻧﻲ ﺩﻣﻮﻋﻲ ﺗﺠﺮﻱ
.. ﻫﺎ ﻫﺎﺷﻢ ﺷﻠﻮﻧﻪ ﺑﺎﺑﺎ ﻋﻠﻴﻚ ﺍﻟﻠﻪ
.. ﻭﺍﻟﻠﻪ ﺍﻟﺤﻤﺪ ﻟﻠﻪ ﺷﻮﻳﻪ ﻭﻧﻄﻠﻌﻪ ﺑﺲ ﻳﺨﻠﺺ ﻋﻼﺟﻪ
.. ﺷﺒﻴﻪ ﻫﻮ
ﺳﻜﺖ ﺷﻮﻳﻪ ﻭﻛﺎﻝ
.. ﺍﻟﻴﻮﻡ ﻣﺎﺧﺬﻩ ﺟﺮﻋﻪ ﻛﻴﻤﺎﻭﻱ ﻭﺑﺴﺒﺐ ﺍﻟﻀﻐﻂ ﻉ ﻗﻠﺒﻪ ﺻﺎﺭ ﻋﻨﺪﻩ ﻓﺸﻞ ﺑﻌﻀﻼﺕ ﺍﻟﻘﻠﺐ ﻭﻛﺎﻣﺖ ﺍﻻﻭﺭﺩﻩ ﺗﻀﺦ ﺍﻟﺪﻡ ﺑﺒﻄﺊ
ﺍﻧﻲ ﻟﻄﻤﺖ ﻉ ﺣﻠﻜَﻲ ﻭﻛﻤﺖ ﺍﺑﺠﻲ ﺳﻮﺩﻩ ﻋﻠﻴﻪ ﺑﺎﺑﺎ ﻃﻠﻌﺖ ﻣﺎﺧﺬ ﺟﺮﻋﻪ ﻭﺍﻧﻲ ﻣﺎ ﺍﺩﺭﻱ ..... ﺳﻤﻌﺖ ﻫﺠﺮﺱ ﺍﺧﺬ ﻣﻨﻪ ﺍﻟﺘﻠﻔﻮﻥ ﻭﻛﺎﻡ ﻳﺼﻴﺢ ﻭﻳﻐﻠﻂ ﻋﻠﻰ ﻫﺎﺷﻢ ﻻﻥ ﺣﺠﺎﻟﻲ ﻭﺳﺪ ﺍﻟﺘﻠﻔﻮﻥ ﺑﻮﺟﻬﻲ
ﻫﺎﻱ ﻟﻴﺶ ﻳﻀﻤﻮﻥ ﻋﻠﻴﻪ ... ﺑﺎﺑﺎ ﺣﺎﻟﺘﻪ ﺣﺎﻟﻪ ﻭﺗﻀﻤﻮﻥ ﻋﻠﻴﻪ
* mariam-almusawi *
ﻛﻌﺪﺕ ﺑﺎﻟﻜﺎﻉ ﺍﺑﺠﻲ ﻛﺎﻟﺖ ﺑﻴﺒﻲ
.. ﻳﺎ ﺣﺒﻮﺑﻪ ﺷﻤﺎﻟﺞ ﻛﻮﻟﻲ ﺍﻟﺤﻤﺪ ﻟﻠﻪ ﺭﻳﺞ ﻃﻠﻌﻪ ﻣﻦ ﺍﻟﻤﻮﺕ
.. ﺑﻴﺒﻲ ﺍﻧﺘﻮ ﻟﻴﺶ ﺗﺤﺠﻮﻥ ﺑﻬﺬﺍ ﺍﻟﻤﻮﺿﻮﻉ ﺍﺫﺍ ﺟﺎﻥ ﻣﺎﺧﺬ ﺟﺮﻋﺔ ﻛﻴﻤﻴﺎﻭﻱ ﺍﻟﻴﻮﻡ
.. ﺣﺒﻮﺑﻪ ﻫﻮ ﺭﺍﺩ ﻧﺤﺎﺟﻲ ﻫﺠﺮﺱ ﻛﺎﻝ ﺍﺫﺍ ﻣﺎ ﻓﺘﺤﺘﻮﺍ ﺍﻟﺴﺎﻟﻔﻪ ﻭﻳﺎﻩ ﺍﻧﻲ ﺍﻓﺘﺤﻬﺎ
.. ﺍﻭﻑ ﻣﻦ ﻋﻨﺎﺩﻙ ﺑﺎﺑﺎ
.. ﺗﻌﺎﻱ ﺣﺒﻮﺑﻪ ﺗﻌﺎﻱ ﻟﻴﻪ ﻳﺒﻌﺪ ﺟﺒﺪﻱ
ﺑﻘﻴﻨﻪ ﺑﻘﻠﻖ ﻭﻛﻞ ﺷﻮﻳﻪ ﻧﺨﺎﺑﺮﻫﻢ ﻟﻞ١٠ ﺑﺎﻟﻠﻴﻞ ﺧﺎﺑﺮﺕ ﻓﺎﻃﻤﻪ ﻫﺎﺷﻢ ﻛﺎﻟﻠﻬﺎ ﺟﺎﻳﻴﻦ ﺑﺎﻟﻄﺮﻳﻖ ﻭﻋﻤﻮ ﺍﻟﺤﻤﺪ ﻟﻠﻪ ﻣﺴﺘﻘﺮﻩ ﺣﺎﻟﺘﻪ ... ﻛﺎﻧﺖ ﻓﺮﺣﺘﻲ ﻣﺎ ﺗﻮﺻﻒ ﺍﻧﻪ ﺭﺍﺡ ﺍﺷﻮﻑ ﺑﺎﺑﺎ ﻭﻫﻮ ﺑﺨﻴﺮ ﻣﺎ ﺍﺣﺲ ﻏﻴﺮ ﺑﻴﺒﻲ ﺳﺤﻠﺘﻨﻲ ﻣﻦ ﺍﻳﺪﻱ
ﻭﺷﺎﻭﺭﺗﻨﻲ
.. ﺍﺳﻤﻌﻴﻨﻲ ﻭﻟﺞ ﺟﻮﻳﻠﻪ ﺍﺑﻮﺝ ﺭﺍﺡ ﻳﺠﻲ ﻣﺎﻫﻮ ﻃﻴﺐ ﻻ ﺗﺠﺜﺮﻳﻬﺎ ﻋﻠﻴﻪ ﻭﺗﻜﻮﻣﻴﻦ ﺗﻨﻮﺣﻴﻦ ﻳﻢ ﺭﺍﺳﻪ ﺟﻨﺞ ﻏﺮﺍﺏ ﺍﻟﺒﻴﻦ ﻣﺎ ﻋﻮﻟﻨﺎﻩ ﻳﻄﻴﺐ .... ﺗﺮﻩ ﺍﻫﻠﺞ ﻛﺎﻳﻠﻴﻪ ﻋﻨﺪﻙ ﺿﻐﻂ ﻣﺎ ﺭﺍﻳﺪﻳﻦ ﻳﻜﺪﺭﻭﻩ ﻭﻳﻜﻠﻮﻟﻪ ﻋﻨﺪﻙ ﺷﻲ ﺑﻜَﻠﺒﻚ .. ﺳﻤﻌﺘﻴﻨﻲ ﻟﻮ ﺟﻨﺞ ﻣﻄﻲ ﺻﺎﻓﻨﻪ
ﻫﺰﻳﺖ ﺭﺍﺳﻲ ﺑﺄﻱ ﻓﻌﻼ ﻻﺯﻡ ﺍﻗﻮﻱ ﻧﻔﺴﻲ ﻛﺪﺍﻣﻪ ﻫﻮ ﻣﺮﻳﺾ ﻭﻣﺎ ﻳﺘﺤﻤﻞ ﻳﺸﻮﻓﻨﻲ ﻣﻘﻬﻮﺭﻩ ﻻﺯﻡ ﺍﺑﻴﻦ ﺍﻟﻪ ﺍﻧﻪ ﺍﻧﻲ ﻣﺎ ﻋﻨﺪﻱ ﺷﻲ ﻭﻳﻪ ﻫﺠﺮﺱ ﻭﺍﻧﻲ ﻣﻮﺍﻓﻘﻪ ﻋﻠﻰ ﺍﻟﺰﻭﺍﺝ ﺑﻴﻪ ﺑﺄﺭﺍﺩﺗﻲ ﻭﻣﺎ ﺍﻋﺎﺭﺽ ﺍﻭ ﺍﺑﺠﻲ ﻛﺪﺍﻣﻪ
ﻣﻦ ﺷﺒﺎﺝ ﺍﻟﻤﻄﺒﺦ ﺷﻔﺖ ﺑﺎﺑﺎ ﻭﺳﺎﻧﺪﻳﻪ ﻫﺠﺮﺱ ﻭﻋﻤﻮ .. ﻭﺟﺪﻭ ﻭﺭﺍﻫﻢ ﻳﻤﺸﻲ ﻧﺰﻟﺖ ﺩﻣﻌﺘﻲ ﻭﺍﻧﻲ ﺍﻟﻠﻲ ﻭﻋﺪﺕ ﻧﻔﺴﻲ ﺍﺿﻤﻬﺎ ﻋﻨﻪ ﺑﺲ ﻣﺎ ﻛﺪﺭﺕ ﻣﺴﺤﺘﻬﺎ ﻭﻟﻔﻴﺖ ﺣﺠﺎﺑﻲ ﻋﺪﻝ ﻭﺭﺣﺖ ﺍﻟﻪ ﺣﻀﻨﺘﻪ ﻭﻛﺘﻤﺖ ﺑﺠﻴﺘﻲ ﺑﺼﺪﺭﻩ ﻭﻛﻤﺖ ﺍﺑﺠﻲ ﺑﺼﻮﺕ ﺿﻌﻴﻒ ﻭﻣﻜﺘﻮﻡ ﺣﺘﻰ ﻣﺎ ﻳﺴﻤﻌﻨﻲ ﺍﺑﺘﺴﻢ ﻭﻛﺎﻝ
.. ﺟﻮﻟﻲ ﺣﺒﻴﺒﻲ ﻣﺎ ﺑﻴﻪ ﺷﻲ ﻻ ﺗﺨﺎﻓﻴﻦ
ﻛﺎﻝ ﻫﺠﺮﺱ
.. ﺷﻮﻳﻪ ﺟﻴﻼﻥ ﺧﻠﻲ ﻧﺪﺧﻠﻪ ﻟﻐﺮﻓﺘﻪ
ﻭﺧﺮﺕ ﻋﻨﻬﻢ ﺍﺧﺬﻭﻩ ﻟﻐﺮﻓﺘﻪ ﺍﻧﻲ ﻛﻨﺖ ﻣﺤﻀﺮﺗﻠﻪ ﻓﺮﺍﺷﻪ ﻧﻴﻤﻮﻩ ﻭﻏﻄﻮﻩ ﻭﺍﺟﺖ ﺑﻴﺒﻲ ﺣﻀﻨﺖ ﺭﺍﺳﻪ ﻭﻛﺎﻡ ﺗﺒﺠﻲ ﻭﺗﻨﻮﺡ
.. ﻳﺎ ﻳﻤﻪ ﻳﺎ ﻋﺪﻧﺎﻥ ﻟﻮ ﺻﺎﻳﺮ ﺑﻴﻚ ﺷﻲ ﺍﻣﻮﺗﻦ ﻭﺭﺍﻙ ﻭﺍﻟﻌﺒﺎﺱ
ﺍﺧﺬ ﺍﻳﺪﻫﺎ ﺑﺎﺳﻬﺎ
.. ﻳﻤﻪ ﻣﺎ ﺑﻴﻪ ﺷﻲ ﻻ ﻳﻀﻞ ﺑﺎﻟﺞ ﻋﻤﻲ ﺷﺠﺎﻛﻢ ﺷﻮﻳﻪ ﺿﻐﻄﻲ ﺍﺭﺗﻔﻊ ﺳﻮﻳﺘﻮﻫﺎ ﻗﺼﻪ
ﻟﻌﺪ ﺑﻴﺒﻲ ﻣﻮ ﻛﺎﻟﺘﻠﻲ ﻻ ﺗﺒﺠﻴﻦ ﻛﺪﺍﻣﻪ ﺍﺷﻮ ﻫﻲ ﻛﻌﺪﺕ ﻛﺎﻡ ﺗﻨﻮﺡ ...🤔 ﻛﺎﻝ ﺟﺪﻭ
.. ﻛﺎﻓﻲ ﺍﻡ ﺣﺴﻦ ﺷﺎﻟﻘﺼﻪ ﺟﺎ ﻫﺎﻱ ﻋﻮﺩ ﻭﺻﻴﻨﺎﻛﻢ ﻗﺒﻞ ﻻ ﻧﺠﻲ
.. ﺍﻭﻑ ﻳﺒﻮ ﺣﺴﻦ ﺟﺎ ﻫﻮ ﺑﻴﺪﻱ ﻟﻮ ﺑﻴﺪﻱ ﺍﻣﻌﻂ ﻛَﻠﺒﻲ ﻭﺍﻧﻄﻴﻬﻴﺎﻩ ﻭﻻ ﺍﺷﻮﻓﻨﻪ ﻋﻠﻴﻞ ( ﻣﺮﻳﺾ )
ﻋﻤﻮ ﻋﺾ ﺷﻔﻪ ﻟﺒﻴﺒﻲ ﺑﻤﻌﻨﻰ ﺍﺳﻜﺘﻲ * ﻣﺮﻳﻢ ﺍﻟﻤﻮﺳﻮﻱ *
ﻛﺎﻝ ﻫﺠﺮﺱ
.. ﻳﻠﻪ ﻛﻮﻣﻮﺍ ﻋﻨﻪ ﺧﻠﻮﻩ ﻳﺮﺗﺎﺡ ﻭﻋﻨﺪﻩ ﺩﻭﻩ .. ﺟﻴﻼﻥ ﻛﻮﻣﻲ ﺍﻋﻠﻤﺞ ﺑﺄﻭﻗﺎﺗﻪ
ﺍﻟﻜﻞ ﻛﺎﻡ ﻋﻨﻪ ﻭﺍﻧﻲ ﺑﺴﺖ ﺭﺍﺳﻪ ﻭﻏﻄﻴﺘﻪ ﻋﺪﻝ ﻭﻓﺘﺤﺘﻠﻪ ﺍﻟﺼﻮﺑﻪ ﺍﻟﻜﻬﺮﺑﺎﺋﻴﻪ ﻭﻃﻠﻌﺖ ﺭﺣﺖ ﻭﺭﻩ ﻫﺠﺮﺱ ﻟﻠﻤﻄﺒﺦ ﻟﻜﻴﺘﻪ ﻛﺎﻋﺪ ﻉ ﺍﻟﻜﺮﺳﻲ ﻛﺎﻝ
.. ﺷﻮﻓﻲ ﺍﺑﻮﺝ ﺗﺨﺮﺑﻂ ﻭﺿﻊ ﻛَﻠﺒﻪ ﻣﻮ ﺗﻤﺎﻡ ... ﻭﺍﻟﺪﻭﻩ ﺍﻟﻠﻲ ﺭﺍﺡ ﺗﻨﻄﻴﻬﻴﺎﻩ ﻛﻮﻥ ﻣﺎ ﻳﺨﺮﺑﻂ ﺑﻴﻪ ﻭﻣﺎ ﻳﻨﺴﺎﻩ ﻭﻫﺬﺍ ﻳﻌﺘﻤﺪ ﻋﻠﻴﺞ ﻭﻣﻮ ﺑﺲ ﻫﻴﺞ ﺍﻟﺪﻛﺘﻮﺭ ﻛﺎﻝ ﺍﺑﺪ ﻻ ﻭﺍﺣﺪ ﻳﻀﻮﺝ ﺍﻭ ﻳﻨﻘﻬﺮ ﻛﺪﺍﻣﻪ ﻻﺯﻡ ﺗﺨﻠﻮﻥ ﺣﺎﻟﺘﻪ ﺍﻟﻨﻔﺴﻴﻪ ﻣﺮﺗﺎﺣﻪ ﻭﻣﺎ ﺗﺒﻴﻨﻮﻥ ﺍﻱ ﺷﻲ ﻛﺪﺍﻣﻪ ﻓﻼﺯﻡ ﻣﺎ ﺗﺒﻴﻦ ﺩﻣﻮﻋﺞ ﺍﻭ ﺿﻌﻔﺞ ﻛﺪﺍﻣﻪ ﺩﺍﺋﻤﺎ ﺧﻠﻴﺞ ﻗﻮﻳﻪ ﻣﺎ ﻧﺮﻳﺪﻩ ﻳﺮﺟﻊ ﻳﻨﺘﻜﺲ ..
ﻛﻨﺖ ﻣﺪﻧﻜﻪ ﻭﺍﻫﺰ ﺭﺍﺳﻲ ﺑﻤﻌﻨﻰ ﻓﻬﻤﺖ ﻓﺘﺢ ﺍﻟﻌﻼﻛﻪ ﻭﻛﺎﻡ ﻳﻌﻠﻤﻨﻲ ﺑﺎﻟﺪﻭﻩ ﻭﻛﻞ ﺷﻮﻳﻪ ﻳﺒﺎﻭﻋﻠﻲ ﻭﻳﺄﺷﺮ ﻉ ﺍﻟﺪﻭﻩ ... ﺧﻄﻴﻪ ﺑﺎﺑﺎ ﻛﺎﻥ ﻣﻨﻄﻴﻨﻪ ﻛﻮﻣﻪ ﺍﺩﻭﻳﻪ ﺳﻮﺩﻩ ﻋﻠﻴﻪ .. ﺷﻔﺘﻪ ﺧﻠﺺ ﺷﺪ ﺍﻟﻌﻼﻛﻪ ﻭﺍﻧﻄﺎﻧﻴﺎﻫﺎ ﻛﺎﻝ
.. ﻋﻤﻲ ﺍﻟﻌﺼﺮ ﻗﺒﻞ ﻻ ﻳﻮﻛَﻊ ﺧﺎﺑﺮﻧﻲ ﻭﻃﻠﺐ ﻣﻨﻲ ﺍﺧﺬﺝ ﺑﺎﺟﺮ ﺗﺠﻴﺒﻴﻦ ﻏﺮﺍﺿﻜﻢ ﻣﻦ ﺑﻐﺪﺍﺩ ﺑﺎﻝ٧ ﺍﻟﻜﺎﺝ ﺟﺎﻫﺰﻩ
.. ﺑﺲ .. ﺑﺎﺑﺎ ﻣﺮﻳﺾ ﻣﺎ ﺍﻛﺪﺭ ﺍﻋﻮﻓﻪ
.. ﻫﻮ ﺩﻭﺍﻩ ﻛﻠﻪ ﺍﻟﺼﺒﺢ ﻭﺑﺎﻟﻠﻴﻞ ﻳﻌﻨﻲ ﺍﻟﻈﻬﺮ ﻣﺎ ﺭﺍﺡ ﻳﺤﺘﺎﺟﺞ ﺍﻧﺘﻲ ﺭﻳﻜﻴﻪ ﻭﻧﻄﻠﻊ ﻭﻟﻠﻤﻐﺮﺏ ﺍﻥ ﺷﺎﺀ ﺍﻟﻠﻪ ﺍﺣﻨﻪ ﻫﻨﺎ ﻭﺍﻧﻲ ﺍﻭﺻﻲ ﺣﺒﻮﻳﺘﻲ ﻋﻠﻴﻪ
ﻫﺰﻳﺖ ﺭﺍﺳﻲ ﺑﺄﻱ ﺑﺎﻭﻋﻠﻲ ﻭﻃﻠﻊ
ﺩﺧﻠﺖ ﺍﻣﻪ ﻟﻠﻤﻄﺒﺦ ﺑﻬﺎﻻﺛﻨﺎﺀ ﺑﺎﻭﻋﺘﻠﻲ ﻭﺍﺟﺖ ﻳﻤﻲ ﻛﺎﻟﺖ
.. ﻋﺮﻓﺖ ﺷﻐﻠﺘﺞ ﻣﻮ ﺧﺎﻟﻴﻪ ﻭﻳﻪ ﺍﺑﻨﻲ ﻭﺑﺲ ﺗﺘﺨﺘﻠﻴﻦ ﺍﻧﺘﻲ ﻭﻳﺎﻩ ﺛﺎﺭﻳﺞ ﻛﺎﻋﺪﻩ ﺗﻄﺒﺨﻴﻬﺎ ﻋﻠﻰ ﻧﺎﺭ ﻫﺎﺩﻳﻪ
.. ﺷﻮﻓﻲ ﻋﻤﻪ ﺍﻧﻲ ﺣﺎﻟﻲ ﻣﻦ ﺣﺎﻟﺞ ﺍﺑﻨﺞ ﻣﺎ ﺍﺭﻳﺪﻩ ﺑﺲ ﺍﻟﺸﻐﻠﻪ ﺻﺎﺭ ﺑﻴﻬﺎ ﻏﺼﺐ ﻭﺍﻧﻲ ﻣﺎ ﺍﻛﺪﺭ ﺍﻛﺴﺮ ﻛﻠﻤﻪ ﻟﺒﺎﺑﺎ ﻭﻫﻮ ﺑﻬﺎﻟﻮﺿﻊ ﺍﺫﺍ ﻋﻨﺪﺝ ﺣﻞ ﻳﺮﺿﻲ ﻫﺎﻻﻃﺮﺍﻑ ﻛﻠﻬﺎ ﻛﻮﻟﻴﻪ ﻭﺍﻧﻲ ﻗﺎﺑﻠﻪ ﺑﻴﻪ
ﺑﺎﻭﻋﺘﻠﻲ ﺑﻐﻀﺐ ﻭﺭﺍﺣﺖ ﻟﻐﺮﻓﺘﻬﺎ ﺍﺳﺘﻐﻔﺮﺕ ﺍﻟﻠﻪ ﻭﺭﺣﺖ ﻟﻐﺮﻓﺘﻲ
ﺷﻔﺖ ﺑﺎﺑﺎ ﺷﻮﻳﻪ ﻣﺮﺗﺎﺡ ﻭﺗﻨﻔﺴﻪ ﻃﺒﻴﻌﻲ ﺍﺭﺗﺎﺣﻴﺖ ﻗﺎﺑﻠﺘﻪ ﻭﻛﻌﺪﺕ ﺍﻛﻨﻚ ﺩﺯﺗﻠﻲ ﻓﻄﻮﻣﻪ ﺭﺳﺎﻟﻪ ﻉ ﺍﻟﻔﻴﺲ
💬 ﻭﻳﻨﺞ
💬 ﺑﻐﺮﻓﺘﻨﻪ
💬 ﺗﻌﺎﻟﻲ ﻳﻤﻲ
💬 ﻭﻟﻲ ﻋﻨﻲ ﻓﻄﻮﻣﻪ ﺗﻌﺒﺎﻧﻪ ﺍﻟﻴﻮﻡ ﻭﻣﺎ ﺍﻟﻲ ﺧﻠﻜﺞ
💬 ﺗﻌﺎﻟﻲ ﺍﺭﻳﺪ ﺍﻓﺘﻬﻢ ﺍﻟﺴﺎﻟﻔﻪ ﻣﻨﺞ
💬 ﻳﺎ ﺳﺎﻟﻔﻪ
💬 ﺻﺪﻙ ﻭﻟﺞ ﺭﺍﺡ ﺗﺼﻴﺮﻳﻦ ﻣﺮﺓ ﺍﺧﻮﻱ
💬 ﻓﺎﻃﻤﻪ ﻛﺘﻠﺞ ﻭﻟﻲ ﻋﻨﻲ ﻫﻮ ﺍﻧﻲ ﻛﻮﻩ ﺩﺍ ﺍﺗﻨﺎﺳﻰ ﺍﻟﻘﺼﻪ ﺍﻧﻮﺏ ﺍﻧﺘﻲ ﺗﺬﻛﺮﻳﻨﻲ ﺑﻴﻬﺎ
💬 ﺑﺪﺍﻋﺔ ﺿﺎﻭﻳﻪ ﺗﻌﺎﻟﻲ
💬 ﻓﻄﻮﻣﻪ ﺍﺭﻳﺪ ﺍﻧﺎﻡ ﺗﻌﺒﺎﻧﻪ
💬 ﺍﺫﺍ ﻣﺎ ﺍﺟﻴﺘﻲ ﺍﻧﺰﻟﻠﺞ ﻟﻠﻐﺮﻓﻪ ﻭﻋﻤﻲ ﻳﻜﻌﺪ ﻣﻦ ﻭﺭﻩ ﻟﻐﻮﺗﻨﻪ
💬 ﺍﻭﻫﻮﻭﻭ ﺟﺎﻳﻪ ﺟﺎﻳﻪ
ﻛﻤﺖ ﺻﻌﺪﺕ ﺍﻟﻬﺎ ﻟﻜﻴﺖ ﺯﻧﻮﺑﻪ ﺗﻘﺮﻩ ﺯﻳﻨﺐ ﻣﻦ ﻧﻮﻉ ﻣﺴﺎﻟﻤﻪ ﻭﻣﺎ ﺗﺘﺪﺧﻞ ﺍﺑﺪ ﺍﻫﻢ ﺷﻲ ﻗﺮﺍﻳﺘﻬﺎ ﺷﻜﺪ ﺍﺣﺒﻬﺎ ﻋﻜﺲ ﺍﺧﺘﻬﺎ ﺍﻟﺤﺸﺮﻳﻪ ﻓﻄﻮﻣﻪ ... ﻭﻛﻌﺪﺕ ﺳﻮﻟﻔﺖ ﺍﻟﻬﺎ ﻛﻞ ﺍﻟﺴﺎﻟﻔﻪ ﻛﺎﻟﺖ
.. ﻭﻟﺞ ﻭﺍﻟﺤﺴﻴﻦ ﻣﺎ ﻣﺼﺪﻛﻪ ﺭﺍﺡ ﺗﺼﻴﺮﻳﻦ ﻣﺮﺓ ﺍﺧﻮﻱ ﻭﻣﻨﻮ ﻫﺠﺮﺱ ﻳﺎ ﻓﺮﺣﺘﻲ ﻳﺎﻧﻲ ! ﻭﺍﻟﻠﻪ ﻟﻮ ﻣﺎ ﻭﻛَﻌﺔ ﻋﻤﻲ ﻭﻣﺮﺿﺘﻪ ﺍﻻ ﺍﺩﻙ ﻭﺍﺭﻛﺺ ﻫﺴﻪ
.. ﺩﻭﻟﻲ ﻫﺴﻪ ﻋﺒﺎﻟﺞ ﺍﻧﻲ ﻓﺮﺣﺎﻧﻪ ﺑﺄﺧﻮﺝ
.. ﻟﺞ ﻭﺍﻟﻘﺮﺍﻥ ﻫﺠﺮﺱ ﺣﻨﻴﻦ ﺍﺣﻦ ﺍﺧﻮﺗﻲ ﻛﻠﻬﻢ ﺗﺪﺭﻳﻦ ﻣﺮﺍﺕ ﻣﻦ ﺟﻨﺖ ﺍﺗﻤﺮﺽ ﺑﺎﻟﻠﻴﻞ ﺍﻣﻲ ﺗﻠﻒ ﺭﺍﺳﻬﺎ ﻭﺗﻨﺎﻡ ﻭﻫﻮ ﻛﻞ ﺷﻮﻳﻪ ﻳﺠﻲ ﻳﺸﻮﻓﻨﻲ ﻭﻳﺴﻮﻳﻠﻲ ﻛﻤﺎﺩﺍﺕ ﻟﻮ ﺑﺲ ﻭﺍﺣﺪ ﻳﺘﻤﺮﺽ ﺑﻴﻨﻪ ﻳﺘﺨﺒﻞ ﻳﺤﻴﺮ ﺷﻴﺠﻴﺒﻠﻪ
.. ﺍﻱ ﺍﺷﻮﻓﻪ ﻣﻦ ﺟﺎﺑﻨﻲ ﺳﺤﻞ ﻣﻦ ﺍﻟﺴﻮﻙ ﻟﺤﺪ ﻫﻨﺎ
.. ﺍﻧﺘﻲ ﻫﻢ ﺯﻭﺩﺗﻴﻬﺎ ﺟﻴﻼﻥ ﺳﺎﻋﻪ ﺗﻐﻠﻄﻴﻦ ﻋﻠﻴﻪ ﺳﺎﻋﻪ ﺗﻌﺎﻧﺪﻳﻪ ﻫﻮ ﻣﻮﺗﻪ ﺍﻟﻌﻨﺎﺩ ﻳﺘﺨﺒﻞ ﻣﻦ ﻭﺍﺣﺪ ﻳﻌﺎﻧﺪﻩ ﻭﺍﻧﺘﻲ ﻣﺎﺷﺎﺀ ﺍﻟﻠﻪ
( ﻭﻛﺎﻡ ﺗﻬﺰ ﺑﺄﻳﺪﻫﺎ ) ﻣﺎﺧﺬﻩ ﺑﻴﻬﺎ ﺷﻬﺎﺩﺓ ﺍﻟﺪﻛﺘﻮﺭﺍﻩ ﺳﺎﻟﻔﺔ ﺍﻟﻌﻨﺎﺩ
.. ﺍﻧﻲ ﻫﺬﺍ ﻃﺒﻌﻲ ﺍﻧﻲ ﻛﻠﺸﻲ ﻭﻻ ﻭﺍﺣﺪ ﻳﻤﺸﻲ ﻛﻠﻤﺘﻪ ﻋﻠﻴﻪ
.. ﺧﻠﻴﺞ ﻳﺎ ﺍﻟﺒﻮﻣﻪ ﺟﺎ ﻣﺎ ﺗﻄﻮﻟﻴﻦ ﻭﻳﺎﻩ ﻳﻮﻣﻴﻦ ﻭﻳﻄﻠﻜﺞ
.. ﻭﺍﻟﻠﻪ ﺑﻌﺪ ﺍﺣﺴﻦ .. ﺍﻛﻮﻟﺞ ﺻﺪﻙ ﺷﻌﺠﺐ ﻟﺴﻪ ﻣﺎ ﻣﺘﺰﻭﺝ
.. ﻫﺎ ﺣﻨﻴﺘﻲ ؟
.. ﺍﻛﻠﻲ ﻣﻄﻲ .. ﻫﻴﺞ ﻣﺠﺮﺩ ﺳﺆﺍﻝ
.. ﻣﺎ ﺍﺩﺭﻱ ﺍﻣﻲ ﻛﻠﻤﺎ ﺗﻔﺘﺢ ﻭﻳﺎﻩ ﻣﻮﺿﻮﻉ ﺍﻟﺰﻭﺍﺝ ﻳﻜﻮﻟﻬﺎ ﻣﻮ ﻫﺴﻪ ﺍﻧﻲ ﺍﻋﺮﻑ ﺷﻮﻛﺖ ﺍﺗﺰﻭﺝ ﻭﺍﻟﻤﻦ ﻣﻦ ﺗﺼﻴﺮ ﺍﻛﻮﻟﺞ ﺭﻭﺣﻲ ﺍﺧﻄﺒﻴﻠﻴﺎﻫﺎ ﻭﻗﺎﻓﻞ ﻣﺎ ﻳﻘﺒﻞ ﻳﺘﺰﻭﺝ
.. ﺷﻨﻮ ﻳﻌﻨﻲ ﺟﺎﻥ ﻳﺤﺐ ﻭﺣﺪﻩ
.. ﻣﺎ ﺍﻋﺮﻑ ﻣﺎ ﺍﻋﺘﻘﺪ ... ﻫﺠﺮﺱ ﻣﻮ ﻣﺎﻝ ﺣﺒﺠﻴﺎﺕ
.. ﻟﻌﺪ؟؟؟ !!!
.. ﻫﺴﻪ ﺍﻧﺘﻲ ﺗﺮﺩﻳﻪ ﻟﻮ ﻻ ﺍﺷﻮ ﺑﺪﻳﺘﻲ ﺗﻐﺎﺭﻳﻦ
.. ﺍﻧﺠﺒﻲ ﺍﻛﻴﺪ ﻻ ﺑﺲ ﺣﺒﻴﺖ ﺍﻋﺮﻑ ﺣﺘﻰ ﺍﺫﺍ ﻳﺤﺒﻠﻪ ﻭﺣﺪﻩ ﻣﺎ ﺍﺭﻳﺪ ﺍﻇﻠﻤﻪ ﻭﺍﻇﻠﻢ ﺣﺒﻴﺒﺘﻪ ﺧﻄﻴﻪ ﻫﻲ ﻣﺎﻟﻬﺎ ﺫﻧﺐ ﻭﺗﺸﻴﻞ ﺧﻄﻴﺔ ﻣﺮﺽ ﺑﺎﺑﺎ ﻭﻳﺎﻧﻪ
.. ﻣﺎ ﺍﻋﺮﻑ ﻳﺤﺐ ﺍﻭ ﻻ ﻫﺎﻱ ﺑﻌﺪﻳﻦ ﺍﺳﺎﻟﻲ ﻋﻨﻬﺎ ﺑﻴﻮﻡ ﺍﻟﺰﻭﺍﺝ
ﺑﻘﻴﻨﻪ ﻧﺴﻮﻟﻒ ﺗﻘﺮﻳﺒﺎ ﻟﻞ١٢ ﻛﻤﺖ ﻣﻦ ﻓﻄﻮﻣﻪ ﻻﻥ ﺑﺎﺟﺮ ﻭﺭﺍﻱ ﻛﻌﺪﻩ ﻣﻦ ﺍﻟﺼﺒﺢ
ﻃﻠﻌﺖ ﻟﻜﻴﺖ ﻫﺠﺮﺱ ﻫﻢ ﻫﺴﺘﻮﻩ ﻃﺎﻟﻊ ﻣﻦ ﺍﻟﺤﻤﺎﻡ ﻭﻻﻑ ﺍﻟﺨﺎﻭﻟﻲ ﻋﻠﻰ ﺧﺼﺮﻩ ﻫﻢ ﺩﻧﻜﺖ ﻭﻧﺰﻟﺖ ﺑﺴﺮﻋﻪ ﻫﺬﺍ ﺷﻜﺪ ﻣﺎ ﻳﺴﺘﺤﻲ ﻣﺎ ﻳﻜﻮﻝ ﺍﻛﻮ ﻋﺎﻟﻢ ﻣﻨﺎ ﻛﺎﻋﺪﻩ ﻭﻳﺎﻧﻪ ﻋﻴﺐ ﻓﺸﻠﻪ ... ﺑﻌﺪﻳﻦ ﺷﻌﺪﻩ ﻳﻮﻣﻴﻪ ﻭﺭﻩ ﻧﺺ ﺍﻟﻠﻴﻞ ﻳﺴﺒﺢ 🤔 ؟ ! ﻫﺴﻪ ﺍﻧﻲ ﺷﻌﻠﻴﻪ ﻋﻔﺘﻪ ﻭﺭﺣﺖ ﺑﺎﻭﻋﺖ ﻟﺒﺎﺑﺎ ﺗﻨﻔﺴﻪ ﻣﺴﺘﻘﺮ ﻭﺍﻟﻈﺎﻫﺮ ﻣﺮﺗﺎﺡ ﺑﻨﻮﻣﺘﻪ ﺍﺧﺬﺕ ﺍﻳﺪﻩ ﺣﻀﻨﺘﻬﺎ ﻭﻧﻤﺖ * mariam-almusawi *
ﺍﻟﺼﺒﺢ ﺑﺎﻝ٥ ﻭﻧﺺ ﻛﻌﺪﺕ ﻫﻢ ﻟﻜﻴﺖ ﺑﺎﺑﺎ ﻳﺼﻠﻲ ﺗﻮﺿﻴﺖ ﻭﻃﺒﻴﺖ ﺳﺒﺤﺖ ﻭﺻﻠﻴﺖ ﺧﻠﺼﺖ ﺑﻮﺳﺘﻪ
.. ﺻﺒﺎﺡ ﺍﻟﺨﻴﺮ ﺑﺎﺑﺎﺗﻲ
.. ﻫﻠﻪ ﺑﻬﺎﻟﺼﺒﺎﺡ ﺍﻟﺤﻠﻮ
.. ﺷﻠﻮﻥ ﺻﺮﺕ ﺣﺒﻴﺒﻲ
.. ﺍﻟﺤﻤﺪ ﻟﻠﻪ
.. ﺍﻛﻴﺪ ﻣﺎﻛﻮ ﺷﻲ ﻳﻮﺟﻌﻚ
.. ﻭﺍﻟﻠﻪ ﻣﺎ ﺑﻴﻪ ﺷﻲ ﻻ ﺗﺨﺎﻓﻴﻦ ﻳﻠﻪ ﺭﻭﺣﻲ ﺳﻮﻳﻠﻲ ﺭﻳﻮﻙ ﺟﻮﻋﺎﻥ
ﺍﺑﺘﺴﻤﺖ ﺑﺴﺘﻪ ﻭﻛﻤﺖ
ﺭﺣﺖ ﻟﻠﻤﻄﺒﺦ ﻟﻜﻴﺖ ﺑﻴﺒﻲ ﻭﻫﻲ ﻋﻤﺘﻲ ﺑﺎﻟﻤﻄﺒﺦ
.. ﺻﺒﺎﺡ ﺍﻟﺨﻴﺮ
ﻋﻤﺘﻲ ﻣﺎ ﺭﺩﺕ ... ﺑﻴﺒﻲ
.. ﺻﺒﺎﺡ ﺍﻟﻌﺎﻓﻴﻪ ﺣﺒﻮﺑﻪ .. ﻫﺎﻱ ﺷﻌﻨﺪﺝ ﻛﺎﻋﺪﻩ ﻣﻦ ﺻﺒﺎﺣﻴﺔ ﺍﻟﻠﻪ
.. ﺑﻴﺒﻲ ﺍﻟﻴﻮﻡ ﻫﺠﺮﺱ ﺭﺍﺡ ﻳﺎﺧﺬﻧﻲ ﻟﺒﻐﺪﺍﺩ ﺍﺟﻴﺐ ﻏﺮﺍﺿﻲ ﺍﻟﺒﻘﻴﻪ ﻣﻦ ﺑﻴﺘﻨﻪ
ﻋﻤﺘﻲ ﺩﻛﺖ ﻉ ﺻﺪﺭﻫﺎ
.. ﻳﺎﺍﺍﺍﺍ ﻭﻳﻦ ﻣﺎﺧﺬﻩ ﺍﺑﻨﻲ ﻭﻣﻮﻟﻴﻪ ﻫﺎﻱ ﺑﻌﺪﺝ ﻣﺎ ﺻﺮﺗﻲ ﻣﺮﺗﻪ ﺗﻔﺮﻓﺮﻳﻦ ﺑﻴﻪ
ﺻﺎﺣﺖ ﺑﻴﺒﻲ ﺑﻴﻬﺎ
.. ﻭﺻﺠﻴﺠﻪ ﺷﺒﻴﺞ ﻣﻦ ﺻﺒﺎﺣﻴﺔ ﺍﻟﻠﻪ ﻛَﺒﻴﺘﻲ ﻉ ﺍﻟﻔﺮﺧﻪ ﺍﺑﻮﻫﺎ ﺗﻌﺒﺎﻥ ﺟﺎ ﻣﻨﻬﻲ ﻳﺎﺧﺬﻫﺎ
.. ﻋﻤﻪ ﺑﻐﺪﺍﺩ ﺗﺨﻮﻑ .. ﺍﻧﻲ ﻣﺎ ﺍﻭﺩﻱ ﺍﺑﻨﻲ ﻟﻠﻤﻮﺕ ﻟﺨﺎﻃﺮ ﺳﺖ ﺍﻟﺤﺴﻦ
ﺳﻤﻌﺖ ﺻﻮﺗﻪ ﻣﻦ ﻭﺭﺍﻱ
.. ﻳﻤﻪ ﺍﻧﻲ ﺍﻟﻜﺘﻠﻪ ﻟﻌﻤﻲ ﺍﺧﺬﻫﺎ ﻻﻥ ﺷﻔﺘﻪ ﺗﻌﺒﺎﻥ .. ﻳﻠﻪ ﺟﻴﻼﻥ ﺏ٧ ﻛﻮﻥ ﻧﻄﻠﻊ ﺣﺘﻰ ﻧﺮﺟﻊ ﻣﻦ ﻭﻛﺖ
ﺍﻣﻪ ﺳﻜﺘﺖ ﻭﻫﻮ ﺭﺍﺡ ﺑﺎﺱ ﺍﻣﻪ ﻭﺻﺒﺢ ﻋﻠﻴﻬﺎ ﻭﺑﺎﺱ ﺭﺍﺱ ﺑﻴﺒﻲ ﺍﻧﻲ ﺍﺧﺬﺕ ﺍﻟﺼﻴﻨﻴﻪ ﻭﺭﺣﺖ ﻳﻢ ﻓﺮﺍﺵ ﺑﺎﺑﺎ ﺗﺮﻳﻜﻨﻪ ﺳﻮﻩ ﻭﺍﻧﻄﻴﺘﻪ ﺩﻭﺍﻩ ﻛﻨﺖ ﻣﺒﺪﻟﻪ ﺑﺎﻟﺤﻤﺎﻡ ﺑﺲ ﻟﺒﺴﺖ ﺣﺠﺎﺑﻲ ﻭﺍﺧﺬﺕ ﺟﻨﻄﺘﻲ ﻭﺭﺩﺕ ﺍﻃﻠﻊ ﻛﺎﻝ ﺑﺎﺑﺎ
.. ﺑﻨﻴﺘﻲ ﺟﻴﺒﻲ ﺍﻟﻤﻬﻢ ﻻﻥ ﺩﺍ ﺗﺸﻮﻓﻴﻦ ﺍﻟﻐﺮﻓﻪ ﺻﻐﻴﺮﻩ ﻣﺎ ﻧﻜﺪﺭ ﻧﻨﻘﻞ ﻛﻞ ﻏﺮﺍﺿﻨﻪ ﺑﺲ ﺍﻛﻮ ﺍﻭﺭﺍﻕ ﻛﻠﺶ ﻣﻬﻤﻪ ﺗﻠﻜﻴﻬﻦ ﺑﺎﻟﺨﺎﻧﻪ ﺍﻟﻔﻮﻙ ﻣﺎﻝ ﻛﻨﺘﻮﺭﻱ ﺑﺠﻨﻄﻪ ﺻﻐﻴﺮﻩ ﺟﻮﺯﻳﻪ
.. ﻣﺎﺷﻲ ﺣﺒﻴﺒﻲ ﺑﻌﺪ ﻣﺤﺘﺎﺝ ﺷﻲ
.. ﺍﻱ ﺟﻴﺒﻴﻠﻲ ﻣﻼﺑﺴﻲ ﻭﺍﻱ ﺷﻲ ﺗﺤﺘﺎﺟﻴﻪ ﺍﻧﺘﻲ ﺟﻴﺒﻴﻪ
.. ﺻﺎﺭ .. ﺩﻳﺮ ﺑﺎﻟﻚ ﻉ ﻧﻔﺴﻚ ﻻ ﺗﺨﻠﻲ ﺑﺎﻟﻲ ﻳﻤﻚ
.. ﻣﺎﺷﻲ ﻳﺎ ﺭﻭﺣﻲ .. ﺍﻟﻠﻪ ﻭﻳﺎﺝ
ﺑﺴﺘﻪ ﻭﻃﻠﻌﺖ
ﻟﻜﻴﺖ ﻫﺠﺮﺱ ﻛﺎﺷﺦ ﻻﺑﺲ ﺑﻨﻄﺮﻭﻥ ﻭﻗﻤﻴﺺ ﻭﺳﺘﺮﻩ ﺍﻭﻝ ﻣﺮﻩ ﺍﺷﻮﻓﻪ ﻳﻠﺒﺲ ﺑﻨﻄﺮﻭﻥ ﺩﻭﻡ ﻳﻠﺒﺲ ﺩﺷﺎﺩﻳﺶ ﻫﻨﺎ ... ﻳﻔﺮ ﺑﺎﻟﺴﺒﺤﻪ ﻭﻳﻜﻠﺐ ﺑﺘﻠﻔﻮﻧﻪ ﻭﻋﻄﺮﻩ ﻭﺍﺻﻞ ﻟﺒﺎﺏ ﺍﻟﻤﻄﺒﺦ ﺻﺪﻙ ﺟﺎﻥ ﺍﻟﻠﺒﺲ ﺍﻟﺮﺳﻤﻲ ﻻﻳﻜﻠﻪ .... ﺷﺎﻓﻨﻲ ﻛﺎﻝ
.. ﻫﺎ ﺧﻠﺼﺘﻲ ..... ﻫﺎﻱ ﺷﻨﻮ ﺟﻴﻼﻥ ﺭﺟﻌﻨﻪ ﻟﻨﻔﺲ ﺍﻟﺴﺎﻟﻔﻪ .. ﻣﺎ ﺗﺮﺣﻴﻦ ﺍﺫﺍ ﻣﺎ ﺗﻠﺒﺴﻴﻦ ﻋﺒﺎﻳﻪ
.. ﺍﻧﻲ ﻻ ﺍﻋﺮﻑ ﻭﻻ ﺍﺭﻳﺪ ﺍﻟﺒﺴﻬﺎ ﻭﺑﻌﺪﻳﻦ ﺍﻧﻲ ﺭﺍﻳﺤﻪ ﻟﺒﻐﺪﺍﺩ ﻳﻌﻨﻲ ﻃﻮﻝ ﻋﻤﺮﻱ ﻋﺎﻳﺸﻪ ﻫﻨﺎﻙ ﻫﻴﺞ ﻭﺍﻧﻲ ﺑﺎﻟﺴﻴﺎﺭﻩ ﺍﺻﻼ ﻣﺎ ﺭﺍﺡ ﺍﻧﺰﻝ
.. ﺟﻴﻼﻥ ﺍﻧﻌﻠﻲ ﺍﻟﺸﻴﻄﺎﻥ ﻭﺭﻭﺣﻲ ﺟﻴﺒﻲ ﻋﺒﺎﻳﻪ ﻣﻦ ﻓﺎﻃﻤﻪ ﻭﺗﻌﺎﻟﻲ
.. ﺧﻼﺹ ﻣﺎ ﺍﺭﻳﺪ ﺍﺭﻭﺡ ﻋﻮﻓﻬﺎ
ﺩﺭﺕ ﻭﺟﻬﻲ ﻭﺭﺟﻌﺖ ﻭﺻﻠﺖ ﺑﺎﺏ ﺍﻟﻤﻄﺒﺦ ﺻﺎﺡ
.. ﺗﻌﺎﻟﻲ ﺳﺎﻋﺔ ﺍﻟﺴﻮﺩﻩ ﺍﻟﺼﺮﺗﻲ ﺑﻴﻬﺎ ﺑﻨﺖ ﻋﻤﻲ ﺍﻣﺸﻲ ﺻﻌﺪﻱ ﻛﺪﺍﻣﻲ
ﺭﺣﺖ ﻓﺘﺤﺖ ﺍﻟﺴﻴﺎﺭﻩ ﻭﺻﻌﺪﺕ ﻭﻫﻮ ﺷﻐﻠﻬﺎ ﻭﻣﺸﻴﻨﻪ
ﺍﻟﻄﺮﻳﻖ ﻛﻠﻪ ﺍﺣﺴﻪ ﻳﻔﻮﺭ ﺑﺲ ﻣﺎ ﺍﻫﺘﻤﻴﺖ ﺍﻟﻪ ﻣﻮ ﺍﻧﻲ ﺍﻻﻧﺠﺒﺮ ﻋﻠﻰ ﺷﻲ ﻣﺎ ﺍﺭﻳﺪﻩ .. ﻭﺍﻟﻠﻪ ﻟﻮﻣﺎ ﺑﺎﺑﺎ ﻭﻣﺮﺿﺘﻪ ﻣﺎ ﺍﺗﺒﺎﻭﻉ ﺑﺨﻠﻘﺘﻚ ﻃﻮﻝ ﺍﻟﻌﻤﺮ ﺑﺲ ﻳﻜﻮﻟﻚ ﺷﺠﺎﺑﻚ ﻉ ﺍﻟﻤﺮ ﻳﻜﻮﻟﻪ ﺍﻻﻣﺮ ﻣﻨﻪ
ﺍﻟﻄﺮﻳﻖ ﻛﻠﻪ ﺍﺣﻨﻪ ﻉ ﺍﻟﺼﺎﻣﺖ ﺍﺛﻨﻴﻨﻪ ﻫﻮ ﻻﺑﺲ ﻧﻈﺎﺭﺍﺗﻪ ﺍﻟﺸﻤﺴﻴﻪ ﻭﻳﺴﻮﻕ ﻛﺎﻥ ﻣﻦ ﺍﻟﺼﺒﺢ ﻓﺎﺗﺢ ﻗﺮﺍﻥ ... ﻛﺎﻥ ﺍﻟﺠﻮ ﺣﻠﻮ ﻧﺺ ﺷﻬﺮ ﺍﻟﺜﺎﻧﻲ ﺻﺢ ﺑﻴﻪ ﻛَﺮﺻﺔ ﺑﺮﺩ ﺑﺲ ﺍﻟﻴﻮﻡ ﺍﻟﺠﻮ ﻏﻴﺮ ﺷﻜﻞ
ﺑﻌﺪ ﻣﺮﻭﺭ ﺭﺑﻊ ﺳﺎﻋﻪ ﺗﻘﺮﻳﺒﺎ ﻭﻛﻔﻨﻪ ﻳﻢ ﺑﺎﻧﺰﻳﻦ ﺧﺎﻧﻪ ﻧﺰﻝ ﻳﻔﻮﻝ ﺑﺎﻧﺰﻳﻦ ﺑﺎﻭﻋﺖ ﻻ ﺍﺭﺍﺩﻳﺎ ﺷﻔﺖ ﻭﻟﺪ ﻭﺍﻛﻒ ﻗﺮﻳﺐ ﻋﻠﻰ ﺟﺎﻣﺘﻲ ﻭﻳﺒﺎﻭﻋﻠﻲ ﺩﺭﺕ ﻭﺟﻬﻲ ﺑﺴﺮﻋﻪ ﻋﻨﻪ
ﺑﺲ ﺣﺴﻴﺖ ﺑﻬﺠﺮﺱ ﺍﺟﻪ ﻭﻭﻛﻒ ﺑﻴﻨﺎﺗﻨﻪ ﻭﻛﻠﻪ ﺑﺤﺪﻩ
.. ﺧﻮ ﻣﺎﻛﻮ ﺷﻲ ﻋﻴﻨﻚ ﻭﻳﻦ
ﻫﻮ ﺍﻟﻈﺎﻫﺮ ﺧﺎﻑ ﻣﻦ ﻫﺠﺮﺱ ﻛﻠﻪ
.. ﻻ ﺍﻋﺬﺭﻧﻲ ﺻﻔﻨﺖ ﻭﺍﻟﻠﻪ
.. ﺍﻟﺼﻔﻨﻪ ﻣﻮ ﺍﻟﻚ ﻟﻠﻤﻄﻲ
ﻭﺩﻓﻊ ﺍﻟﻮﻟﺪ ﺧﻄﻴﻪ ﺭﺍﺩ ﻳﺸﺮﺩ ﻟﺰﻣﻪ ﻣﻦ ﻳﺎﺧﺘﻪ ﺑﺴﺮﻋﻪ ﺗﺪﺧﻞ ﺍﺑﻮ ﺍﻟﺒﺎﻧﺰﻳﻦ ﺧﺎﻧﻪ ﻭﻓﺎﻛﻜﻬﻢ ...... ﻫﺠﺮﺱ ﻛﺎﻡ ﻳﺤﺠﻲ ﻭﻳﺎﻩ ﺑﻌﺼﺒﻴﻪ ﻭﺍﻟﻤﺴﺆﺅﻝ ﻛﺎﻡ ﻳﺘﻌﺬﺭ ﻋﻦ ﺍﻟﻮﻟﺪ ﻫﺠﺮﺱ ﺍﻧﻄﺎﻩ ﺍﻟﻔﻠﻮﺱ ﻣﺎﻝ ﺍﻟﺒﺎﻧﺰﻳﻦ ﻭﺻﻌﺪ
ﺷﻐﻞ ﺍﻟﺴﻴﺎﺭﻩ ﻭﻣﺸﻴﻨﻪ ﻛﺎﻝ
.. ﺍﺭﺗﺎﺣﻴﺘﻲ ﻫﺴﻪ ؟
ﺗﻔﺎﺟﺄﺕ
.. ﻋﻠﻰ ﺷﻨﻮ
.. ﻟﺞ ﺷﺎﻳﻒ ﻋﻨﺎﺩ ﺑﺲ ﻣﺜﻞ ﻋﻨﺎﺩﺝ ﻣﺎﻝ ﺍﻟﺼﺨﻮﻝ ﻣﺎ ﺷﺎﻳﻒ
ﺭﻓﻌﺖ ﺍﺻﺒﻌﻲ ﺍﻫﺪﺩﻩ
.. ﺍﺣﺘﺮﻡ ﻧﻔﺴﻚ ﻭﻻ ﺗﺘﺠﺎﻭﺯ
ﻟﺰﻡ ﺍﺻﺒﻌﻲ ﺣﻴﻞ ﻭﻛﺎﻝ
.. ﻫﺬﺍ ﺍﺻﺒﻌﺞ ﺍﺫﺍ ﺭﻓﻌﺘﻴﻪ ﺑﻮﺟﻬﻲ ﺍﻛﺴﺮﻩ
ﺻﺤﺖ ﺑﻴﻪ
.. ﺍﺍﺍﺍﺍﺍﺥ ﻫﺪ ﺍﻳﺪﻱ
.. ﻻ ﺗﺼﻴﺤﻴﻴﻴﻴﻦ
.. ﻋﻮﻑ ﺍﻳﺪﻳﻴﻴﻴﻴﻲ
ﺷﻤﺮ ﺍﻳﺪﻱ ﺑﺤﻀﻨﻲ ﻭﻣﺴﺢ ﻭﺟﻬﻪ ﺑﻌﺼﺒﻴﻪ ﻛﺎﻝ
.. ﺍﺳﺘﻐﻔﺮ ﺍﻟﻠﻪ .. ﺭﺑﻲ ﺳﺎﻋﺪﻧﻲ ﻋﻠﻴﻬﺎ ﻓﻮﻛﺎﻫﺎ ﻛﺮﺑﺴﺘﻨﻲ ﺑﻴﻬﺎ
.. ﻭﻋﻠﻰ ﺷﻨﻮ ﻳﺴﺎﻋﺪﻙ ﻣﺎ ﺿﺎﺭﺑﺘﻚ ﻋﻠﻰ ﺍﻳﺪﻙ ﻭﻛﺘﻠﻚ ﺍﺧﺬﻧﻲ
.. ﻭﺍﻧﻲ ﻫﻢ ﻣﺎ ﺭﺍﻳﺪﺝ ﺑﺲ ﻟﻮﻣﺎ ﻃﻠﺐ ﻋﻤﻲ ... ﻭﻋﻤﻲ ﻏﺎﻟﻲ ﻋﻠﻴﻪ
.. ﺧﻼﺹ ﻳﻌﻨﻲ ﺍﺛﻨﻴﻨﻪ ﻣﺠﺒﻮﺭﻳﻦ ﻓﻼ ﺗﻤﻦ ﻋﻠﻴﻪ ﻭﺗﻨﻚَ ﺑﺮﺍﺳﻲ ﻛﻞ ﺷﻮﻳﻪ
.. ﺍﺳﺘﻐﻔﺮ ﺍﻟﻠﻪ .. ﺍﺳﺘﻐﻔﺮ ﺍﻟﻠﻪ ﺍﺳﻜﺖ ﺍﺣﺴﻦ ﺍﻟﻲ
ﺳﻜﺘﻨﻪ ﺍﺛﻨﻴﻨﻪ ﻃﻮﻝ ﺍﻟﻄﺮﻳﻖ ﻫﻮ ﺍﻟﻈﺎﻫﺮ ﺿﺎﺝ ﻣﻦ ﺍﻟﻬﺪﻭﺀ ﻋﻠﻚ ﺍﻏﺎﻧﻲ ﻗﺪﻳﻤﻪ ﻟﺼﻼﺡ ﺣﺴﻦ ﻭﻫﻴﺜﻢ ﻳﻮﺳﻒ ﻭﺑﻴﻬﺎ ﻟﺤﺎﺗﻢ ﺍﻟﻌﺮﺍﻗﻲ ﻭﻣﻐﻨﻴﻴﻦ ﺍﻟﺘﺴﻌﻴﻨﺎﺕ ﻛﺎﻧﺖ ﺑﻴﻬﺎ ﻧﻮﻋﺎ ﻣﺎ ﺣﻠﻮﻩ ﻭﺍﻛﻮ ﻻ ﻣﺎ ﻋﺠﺒﻨﻲ ﺑﺲ ﺍﺣﺴﻦ ﻣﻦ ﻟﻐﻮﺗﻪ ﻣﺎﻟﻲ ﺧﻠﻜﻪ ﺑﺲ ﻭﺣﺪﻩ ﻣﻦ ﺍﻻﻏﺎﻧﻲ ﻋﺠﺒﺘﻨﻲ ﻛﺎﻧﺖ ﻟﺼﻼﺡ ﺣﺴﻦ ﺍﻭﻭﻭﻭﻭﻑ ﺫﻛﺮﺗﻨﻲ ﺑﺄﻳﺎﻡ ﺍﻟﻄﻔﻮﻟﻪ ﺟﻨﺖ ﺍﺳﻤﻌﻬﺎ ﻣﻦ ﺟﻨﺖ ﺍﺟﻲ ﻳﻤﻬﻢ ﺑﺼﻐﺮﻱ
ﺻﻼﺡ ﺣﺴﻦ ﺧﺎﻳﻒ ﺗﻄﻮﻝ ﺍﺩﺭﻭﺑﻜﻢ 1998
ﺑﻌﺪ ٣ ﺳﺎﻋﺎﺕ ﻭﻧﺺ ﻭﺻﻠﻨﻪ ﺗﻘﺮﻳﺒﺎ ﺏ١٠ ﻭﺻﻠﻨﻪ ﻟﻠﺒﻴﺖ ﺩﺧﻠﺖ ﻟﻠﺒﻴﺖ ﻗﺒﻠﻪ ﻫﻮ ﺍﺟﻪ ﺩﺧﻞ ﻭﺭﺍﻱ ﻟﻜﻴﺖ ﺍﻟﺒﻴﺖ ﺷﻮﻳﻪ ﺻﺎﻳﺮ ﺗﺮﺍﺏ ﻛﻠﺖ ﺧﻠﻲ ﺍﻧﻈﻔﻪ ﻭﺑﻌﺪﻳﻦ ﻋﻮﺩ ﺍﻟﻤﻠﻢ ﺍﻟﻐﺮﺍﺽ ﻫﻮ ﺭﺍﺡ ﻛﻌﺪ ﻉ ﺍﻟﻘﻨﻔﻪ ﺍﻟﻠﻲ ﺑﺎﻻﺳﺘﻘﺒﺎﻝ ﻭﻋﻠﻚ ﺍﻟﺘﻠﻔﺰﻳﻮﻥ ﻭﺍﻧﻲ ﺩﺧﻠﺖ ﻟﻠﻤﻄﺒﺦ ﻛﻠﺖ ﺧﻠﻲ ﺍﺳﻮﻱ ﺷﻲ ﺍﻟﻨﻪ ﻟﻠﻐﺪﻩ
ﺑﺎﻭﻋﺖ ﻟﻠﺜﻼﺟﻪ ﺑﺲ ﻣﻌﻠﺒﺎﺕ ﺣﺘﻰ ﺧﺒﺰ ﻣﺎ ﻋﺪﻧﻪ ﻛﻠﺸﻲ ﻣﺨﻠﺼﻴﻦ ﻫﺴﻪ ﺷﻠﻮﻥ ﺳﺎﻟﻔﻪ ﻫﺎﻱ ﺷﺄﺳﻮﻳﻠﻪ ﻟﻠﻐﺪﻩ .. ﺧﻠﻲ ﺍﺭﻭﺡ ﺍﻛﻠﻪ ﻣﺎ ﻋﺪﻧﻪ ﺷﻲ ﺑﺎﻟﺜﻼﺟﻪ ﺑﻠﻜﺖ ﻳﻄﻠﻊ ﻳﺠﻴﺒﻠﻨﻪ ﻭﻟﻮ ﺍﻧﻲ ﻣﺎ ﺍﺣﺐ ﻳﻤﻦ ﻋﻠﻴﻪ ﺑﺲ ﻓﺸﻠﻪ ﻳﺒﻘﻰ ﺟﺎﻱ ﻟﺒﻴﺘﻨﻪ
ﺳﻮﻳﺘﻠﻪ ﺍﺳﺘﻜﺎﻥ ﺟﺎﻱ ﻭﺭﺣﺘﻠﻪ ﺟﺎﻥ ﺩﺍ ﻳﻜَﻠﺐ ﺑﺎﻟﻤﻮﺑﺎﻳﻞ ﺣﻄﻴﺘﻪ ﻛﺪﺍﻣﻪ ﻉ ﺍﻟﻄﺒﻠﻪ ﻛﺎﻝ
.. ﺷﻜﺮﺍ
.. ﺍﻟﻌﻔﻮ
ﺑﻘﻴﺖ ﻭﺍﻛﻔﻪ ﻛﺪﺍﻣﻪ ﻭﻻﺯﻣﻪ ﺍﻟﺼﻴﻨﻴﻪ ﻫﻮ ﺍﺧﺬ ﺍﻻﺳﺘﻜﺎﻥ ﻭﺧﺎﻁ ﺍﻟﺸﻜﺮ ﻭﺭﺍﺩ ﻳﺸﺮﺏ ﺑﺎﻭﻋﻠﻲ
.. ﺷﻜﻮ ﻣﺤﺘﺎﺟﻪ ﺷﻲ
.. ﺍﺍﺍﺍﺍ .. ﻣﺎ ﻋﺪﻧﻪ ﺷﻲ ﺍﻃﺒﺨﻪ .. ﻋﻮﺩ ﻛﻠﺖ ﻧﻄﻠﻊ ﻧﺘﺴﻮﻙ ﻟﻠﻐﺪﻩ ﻭﻧﺠﻲ
ﺷﺮﺏ ﺷﻮﻳﻪ ﺟﺎﻱ ﻭﻛﺎﻝ
.. ﻫﺴﻪ ﺍﺧﻠﺺ ﺍﺳﺘﻜﺎﻥ ﺍﻟﺠﺎﻱ ﻭﺍﻃﻠﻊ ﺍﺟﻴﺐ ﺷﻲ ﻟﻠﻐﺪﻩ
ﺭﺟﻊ ﻳﺸﺮﺏ ﺟﺎﻱ ﻭﻳﺒﺎﻭﻉ ﻟﻠﺘﻠﻔﺰﻳﻮﻥ ﺍﻧﻲ ﺭﺣﺖ ﻳﻢ ﺍﻟﺒﺎﺏ ﺍﻛﻮ ﺗﻌﻼﻛﻪ ﺟﺎﻧﺖ ﺟﻨﻄﺘﻲ ﻣﻌﻠﻜﻪ ﺑﻴﻬﺎ ﺟﺒﺖ ﻣﻨﻬﺎ ٢٥ ﺍﻟﻒ ﻭﺭﺟﻌﺖ ﻣﺪﻳﺘﻬﻦ ﺍﻟﻪ ﻫﻮ ﺟﺎﻥ ﺩﺍ ﻳﺸﺮﺏ ﺭﻓﻊ ﺭﺍﺳﻪ
.. ﻫﺎﻱ ﺷﻨﻮ ؟
.. ﻫﺎﻱ ﻓﻠﻮﺱ ﺍﻟﻐﺪﻩ
ﻫﻮ ﺣﺴﻴﺖ ﻋﻴﻮﻧﻪ ﻧﻄﺖ ﻭﺣﻂ ﺍﻻﺳﺘﻜﺎﻥ ﺣﻴﻞ ﻉ ﺍﻟﻄﺒﻠﻪ ﺗﺒﺪﻩ ﺍﻟﺠﺎﻱ ﺻﺎﺡ
.. ﺷﻨﻮ ﻛﺪﺍﻣﺞ ﺍﻧﻲ ﺭﺟﺎﻝ ﻟﻮ ﻣﺰﻫﺮﻳﻪ ﻭﺗﺘﺼﺪﻗﻴﻦ ﻋﻠﻴﻪ
.. ﻭﻋﻠﻰ ﺷﻨﻮ ﻋﺼﺒﺖ ﺍﻧﺖ ﺧﻄﺎﺭ ﻋﺪﻧﻪ ﻻﺯﻡ ﺍﻧﻲ ﺍﻻﺿﻴﻔﻚ
ﺩﻓﺮ ﺍﻟﻄﺎﻭﻟﻪ ﺑﺮﺟﻠﻪ ﻭﻛﺎﻝ
.. ﺍﻭﻟﻲ ﻣﻦ ﻛﺪﺍﻣﺞ ﺍﺣﺴﻨﻠﻲ ﻗﺒﻞ ﻻ ﺍﺭﺗﻜﺐ ﺑﻴﺞ ﺟﺮﻳﻤﻪ
ﻭﻋﺎﻓﻨﻲ ﻭﻃﻠﻊ ﻭﻗﻔﻞ ﺍﻟﺒﺎﺏ ﻣﻦ ﺑﺮﻩ
ﺷﻜﺪ ﻣﺎﺻﺦ ﻓﻮﻙ ﻣﺎ ﺍﻧﻲ ﺍﺭﻳﺪ ﺍﺿﻴﻔﻪ ﺍﻧﺖ ﻣﻮ ﻭﺟﻪ ﻧﻌﻤﻪ ﺍﺭﻭﺡ ﺍﻧﻈﻒ ﺍﺣﺴﻦ ﺍﻟﻲ
ﺭﺣﺖ ﻧﻈﻔﺖ ﺍﻟﻤﻄﺒﺦ ﻭﺍﻻﺳﺘﻘﺒﺎﻝ ﻭﺍﻟﺒﻴﺖ ﻛﻠﻪ ﺳﻤﻌﺖ ﺗﻠﻔﻮﻧﻲ ﺩﺍ ﻳﺪﻙ ﺑﺎﻻﺳﺘﻘﺒﺎﻝ ﺭﺣﺖ ﺷﻔﺖ ﺭﻗﻢ ﻏﺮﻳﺐ ﻣﻨﻮ ﻫﺬﺍ ؟ ﺷﻠﺘﻪ
.. ﺍﻟﻮ
.. ﺷﺘﺮﺩﻳﻦ ﺍﺟﻴﺒﻠﺞ
ﺧﺮﺏ ﻫﺬﺍ ﻫﻮ ﻧﺴﻴﺖ ﺍﻧﻲ ﻣﺎ ﺣﺎﻓﻈﻪ ﺭﻗﻤﻪ ﺯﻳﻦ ﻫﻮ ﻣﻨﻴﻠﻪ ﺭﻗﻤﻲ
.. ﺍﻟﻮ ﺗﺴﻤﻌﻴﻨﻲ
.. ﻫﺎﺍ ﺍﻱ ﺍﻱ ﺍﺳﻤﻌﻚ .. ﺑﻜﻴﻔﻚ ﺍﻧﺖ
.. ﺷﻨﻮ ﺑﻜﻴﻔﻲ ﺑﺎﺑﺎ ﺍﻧﺘﻲ ﺷﺘﺎﻛﻠﻴﻦ
.. ﺍﻧﺖ ﺷﻜﻮ ﻳﻤﻚ ﻫﺴﻪ
.. ﺍﻛﻮ ﺑﻴﺘﺰﺍ .. ﺍﻛﻮ ﻛﺒﺎﺏ . ﻓﻼﻓﻞ . ﻛﺺ . ﻫﻤﺒﺮﻛﺮ .
. ﺟﻴﺒﻠﻲ ﺑﻴﺘﺰﺍ ﻭﺍﻧﺖ ﺷﺮﺍﺡ ﺗﺠﻴﺐ ﺍﻟﻚ
.. ﺭﺍﺡ ﺍﻛﻞ ﺑﻴﺘﺰﺍ ﻭﻳﺎﺝ ﻭﺍﺟﻴﺐ ﻟﻔﺎﺕ ﻛﺺ
.. ﻣﺎﺷﻲ
.. ﻳﻠﻪ ﺑﺎﻱ
.. ﺑﺎﻱ
ﺳﺪﻳﺖ ﺍﻟﺘﻠﻔﻮﻥ ﻣﺘﻔﺎﺟﺄﻩ ﻫﺎﻱ ﺍﻭﻝ ﻣﺮﻩ ﻧﺴﻮﻟﻒ ﺑﺪﻭﻥ ﻋﺮﻛﻪ ﺑﻠﻜﺖ ﺑﺪﺍﻳﺘﻬﺎ ﺧﻴﺮ ﺧﻠﻲ ﻧﺸﻮﻑ ﺗﺎﻟﻴﺘﻬﺎ
ﺭﺣﺖ ﻟﻤﻴﺖ ﻏﺮﺍﺽ ﺑﺎﺑﺎ ﺍﻭﺭﺍﻗﻪ ﻭﻣﻼﺑﺴﻪ ﻭﻛﻠﺸﻲ ﻣﻬﻢ ﻳﺨﺼﻪ ﺣﺘﻰ ﻣﺨﺪﺗﻪ ﺍﻟﻄﺒﻴﻪ ﻣﺎﻝ ﺍﻻﻧﺰﻻﻕ ﻭﺣﻄﻴﺘﻬﻦ ﻗﺮﻳﺐ ﺍﻟﺒﺎﺏ * ﻣﺮﻳﻢ ﺍﻟﻤﻮﺳﻮﻱ *
ﺑﻬﺎﻻﺛﻨﺎﺀ ﺍﻧﺪﻙ ﺍﻟﺒﺎﺏ ﺧﻔﺖ ﻻﻥ ﺍﻟﻤﻔﺘﺎﺡ ﻋﺪ ﻫﺠﺮﺱ ﺻﺤﺖ ﺑﺼﻮﺕ ﻳﺮﺟﻒ ﻣﻦ ﻭﺭﻩ ﺍﻟﺒﺎﺏ
.. ﻣﻨﻮﻭﻭﻭ؟
.. ﺍﻧﻲ ﻫﺠﺮﺱ
ﺍﺧﺬ ﻧﻔﺲ ﺍﺭﺗﻴﺎﺡ
.. ﻣﻮ ﻋﻨﺪﻙ ﺍﻟﻤﻔﺘﺎﺡ ؟
.. ﺍﻋﺮﻑ ﺑﺲ ﻣﺎ ﺍﻛﺪﺭ ﺍﺩﺧﻞ ﺧﺎﻑ ﻣﺎ ﻻﺑﺴﻪ ﺣﺠﺎﺏ
ﺍﺑﺘﺴﻤﺖ ﻉ ﻣﻮﻗﻔﻪ ﻻﻥ ﻫﻮ ﺑﻌﻤﺮﻩ ﻣﺎ ﺷﺎﻳﻔﻨﻲ ﺑﻼ ﺣﺠﺎﺏ ﺩﻭﻡ ﺍﻟﺒﺲ ﺣﺠﺎﺏ ﻛﺪﺍﻣﻬﻢ ﺭﻏﻢ ﺍﻛﺮﻫﻪ ﺑﺲ ﻋﻨﺪﻩ ﺷﻐﻼﺕ ﺣﻠﻮﻩ
.. ﻻ ﻻﺑﺴﻪ ﺣﺠﺎﺏ ﺗﻔﻀﻞ
ﻓﺘﺢ ﻗﻔﻞ ﺍﻟﺒﺎﺏ ﻭﺩﺧﻞ ﻛﺎﻝ
.. ﺍﻟﺴﻼﻡ ﻋﻠﻴﻜﻢ
.. ﻭﻋﻠﻴﻜﻢ ﺍﻟﺴﻼﻡ
.. ﻫﺎﺝ ﻫﺎﻱ ﺟﺒﺖ ﺍﻟﻨﺎ ﺑﻴﺘﺰﺍ ﻭﻟﻔﺔ ﻛﺺ ﻭﻫﻤﺒﺮﻛﺮ
.. ﻫﻮﺍﻱ ﻫﺎﻱ ﻣﺎ ﺍﻛﻞ ﺍﻧﻲ
.. ﺍﺫﺍ ﻣﺎ ﺍﻛﻠﺘﻴﻬﺎ ﻧﺎﺧﺬﻫﺎ ﻭﻳﺎﻧﻪ ﺑﺎﻟﻄﺮﻳﻖ ﺧﺎﻑ ﺗﺠﻮﻋﻴﻦ
.. ﻣﺎﺷﻲ
ﺭﺣﺖ ﺣﻄﻴﺘﻬﻦ ﺑﺼﻴﻨﻴﻪ ﻫﻦ ﻭﻗﻮﺍﻃﻲ ﺍﻟﺒﺒﺴﻲ ﻭﺍﺟﻴﺖ ﻛﻌﺪﺕ ﻳﻤﻪ ﻧﺎﻛﻞ ﻭﻧﺒﺎﻭﻉ ﻉ ﺍﻟﺘﻠﻔﺰﻳﻮﻥ ﻛﺎﻝ
.. ﻛﻤﻠﺘﻲ ﺷﻐﻠﺞ
.. ﺗﻘﺮﻳﺒﺎ ﻛﻤﻠﺖ ﻏﺮﺍﺽ ﺑﺎﺑﺎ ﻛﻤﻠﻦ ﺑﺲ ﻛﻢ ﺣﺎﺟﻪ ﺍﻟﻲ ﻣﺎ ﺧﻠﺼﻦ
.. ﺣﺴﺒﻲ ﺣﺴﺎﺑﺞ ﺏ٢ ﻧﻄﻠﻊ ﻣﻨﺎ ﻫﻢ ﻳﻠﻪ ﻧﻮﺻﻞ ﺍﻟﻌﺼﺮ ﻛﻠﺶ ﺗﺪﺭﻳﻦ ﺍﻟﻨﻬﺎﺭ ﺻﺎﻳﺮ ﻛَﺼﻴﺮ
.. ﺍﻟﻠﻪ ﻛﺮﻳﻢ
ﺳﻜﺖ ﻭﻛﻤﻨﺎ ﻧﺎﻛﻞ ﻭﺍﺣﻨﻪ ﺳﺎﻛﺘﻴﻦ ﻛﺎﻝ
.. ﺍﺣﻢ .. ﺟﻴﻼﻥ ﺳﺆﺍﻝ
ﺑﺎﻭﻋﺘﻠﻪ
.. ﺟﻮﺍﺏ
.. ﺍﻧﺘﻲ ﻟﻴﺶ ﺗﺤﺒﻴﻦ ﺗﻌﺎﻧﺪﻳﻦ ؟
.. ﺍﻧﻲ ﻣﺎ ﺍﻋﺎﻧﺪ ﺑﺲ ﻣﺎ ﺍﺣﺐ ﺍﺣﺪ ﻳﻤﺸﻲ ﻛﻼﻣﻪ ﻋﻠﻴﻪ
.. ﺑﺲ ﻫﻴﺠﻲ ﻣﺎ ﺭﺍﺡ ﻧﺘﻮﺍﻟﻢ ﺍﻧﻲ ﻭﻳﺎﺝ
.. ﺍﻱ ﻭﺷﻨﻮ ﻳﻌﻨﻲ
.. ﻳﻌﻨﻲ ﺯﻭﺍﺟﻨﻪ ﻣﺎ ﻳﻨﺠﺢ ﺑﻬﺎﻟﺤﺎﻟﻪ
.. ﻋﺎﺩﻱ ﺍﻧﻲ ﺑﺲ ﺍﺭﻳﺪ ﺑﺎﺑﺎ ﻳﺘﻄﻤﻦ ... ﻭﺍﺫﺍ ﺍﻟﻠﻪ ﺷﺎﻓﺎﻩ ﺍﻭ ... ( ﺳﻜﺘﺖ ﻣﺎ ﻛﺪﺭﺕ ﺍﺣﺠﻴﻬﺎ ﻭﺍﻛﻮﻟﻪ ﺍﺫﺍ ﺍﻟﻠﻪ ﺍﺧﺬ ﺍﻣﺎﻧﺘﻪ ) ﺑﻜﻞ ﺍﻻﺣﻮﺍﻝ ﻧﻬﺎﻳﺘﻬﺎ ﻧﺘﻄﻠﻚ
ﺍﺑﺘﺴﻢ ﺑﺄﺳﺘﻬﺰﺍﺀ
.. ﻫﻬﻬﻬﻬﻬﻪ ﺍﻧﺘﻲ ﻣﻦ ﻛﻞ ﻋﻘﻠﺞ ﺍﻃﻠﻜﺞ ﺑﺎﺑﺎ ﺍﻧﺘﻲ ﺍﻣﺎﻧﺔ ﻋﻤﻲ
.. ﺑﺲ ﻣﺎ ﺍﺭﻳﺪ ﺍﻋﻴﺶ ﻭﻳﺎﻙ
.. ﻭﺍﻧﻲ ﻣﺎ ﺟﺎﺑﺮﺝ ﺫﺍﻙ ﺍﺑﻮﺝ ﻭﺭﻭﺣﻲ ﻛﻮﻟﻴﻠﻪ ﻣﺎ ﺍﺭﻳﺪﻩ ... ﺗﺨﻔﻔﻴﻦ ﻋﻨﻲ ﻭﻋﻨﺞ ﺍﻟﺤﻤﻞ
ﺍﻧﻘﻬﺮﺕ ﻛﻠﺶ ﻣﻨﻪ ﺣﺴﻴﺖ ﺩﺍ ﻳﻤﻦ ﻋﻠﻴﻪ ﻭﻳﺬﻟﻨﻲ ﻻﻥ ﺭﺍﺡ ﻳﺘﺰﻭﺟﻨﻲ ﻋﺒﺎﻟﻪ ﺍﻧﻲ ﺑﺎﻳﺮﻩ ﻭﺍﻟﻠﻪ ﻟﻮ ﻣﺎ ﺍﺧﺎﻑ ﻋﻠﻰ ﺑﺎﺑﺎ ﻣﺎ ﺍﺑﻘﻰ ﻟﺤﻈﻪ ﻭﻳﺎﻩ
ﻋﻔﺖ ﺍﻻﻛﻞ ﻭﻛﻤﺖ ﻟﺰﻡ ﺍﻳﺪﻱ ﻛﺘﻠﻪ
.. ﻫﺪ ﺍﻳﺪﻱ ﻫﺠﺮﺱ
.. ﺍﻛﻌﺪﻱ ﻛﻤﻠﻲ ﻏﺪﺍﺝ ﻭﺍﻫﺪﻫﺎ
.. ﺷﺒﻌﺖ ﺍﺭﻳﺪ ﺍﺭﻭﺡ ﺍﺳﺒﺢ
ﺣﺠﻪ ﺑﺼﻮﺕ ﺣﻨﻴﻦ
.. ﺟﻴﻼﻥ ﻻ ﺗﻀﻮﺟﻴﻨﻲ ﺍﻧﻲ ﺟﺎﻱ ﺍﻛﻞ ﻋﻠﻰ ﻭﺍﻫﺴﺞ
ﻛﺘﻠﻪ ﺑﺠﺪﻳﻪ
.. ﻭﺍﻟﻠﻪ ﺷﺒﻌﺖ
ﺳﻜﺖ ﻣﺎ ﺣﺠﻪ ﻋﻔﺘﻪ ﻭﺭﺣﺖ ﻟﻤﻴﺖ ﻏﺮﺍﺿﻲ ﺍﻟﺒﻘﻴﻪ ﻭﺣﻄﻴﺘﻬﻦ ﺑﺎﻟﺠﻨﻄﻪ ﻭﺩﺧﻠﺖ ﻣﻼﺑﺴﻲ ﻟﻠﺤﻤﺎﻡ ﺍﺭﻳﺪ ﺍﺳﺒﺢ ﺷﻔﺘﻪ ﺩﺧﻞ ﻟﻠﻤﻄﺒﺦ ﺷﺎﻳﻞ ﺍﻟﺼﻴﻨﻴﻪ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻧﺰﻋﺖ ﺣﺠﺎﺑﻲ ﻭﺗﻔﺎﺟﺄﺕ ﺑﻴﻪ ﺑﺎﻟﺤﻤﺎﻡ ﻳﺒﺎﻭﻋﻠﻲ
# mariam-