المغرورة-و-الأعمى-
(بقلم بسمة البياتي )
- بارت الخامس عشر -
أيلول ... واكفة مصدومة ممصدكة ماما ممكن هيجي تحجي
حجيت وياها بصوت يرجف قصدج اني مو بنية لهذا السبب ما أخلي إياس يقترب مني
ماما بقت ساكتة الظاهر انتبهت على زلة لسانها لكن بعد فوات الأوان
أيلول... صحت بصوت جاوووووووووبي ليش ساكتة اني مو شريفة موووو
ماما .. لا بنتي مو هيج قصدي
أيلول .. لعد شنوووو قصدج ترة كلامج ما ألة معني ثاني
عود من يجي نسيبج اسئلي اني بنية لو لا
عفتها وطلعت اركض صعدت فوك دخلت غرفة إياس وقفلت الباب عليه
صعدت ماما ادك بالباب
ماما... ايلول افتحي الباب بنتي والله ساعة شيطان ما أدري شلون هيجي حجيت
فدوة اروحلج لاتخوفيني عليج فتحي الباب
أيلول... بقيت ساكتة مجاوبتها
جنت كاعدة بالكاع ومخلية راسي بين رجلي وابجي
تقريبا نص ساعة بقيت على نفس كعدتي
ماما كل شوية تجي ادك الباب
اندكت الباب قوووي سمعت صوت إياس
إياس ... أيلول افتحي الباب اذا مفتحتي اكسرة والله
أيلول ... كمت من مكاني رحت فتحت الباب
شافني بقة يباوع بوجهي درت وجهي منه ردت امشي لزمني من ايدي
إياس ... أيلول شبيج ليش حابسة روحج بالغرفة وليش تبجين
أيلول.. وخر ايدك مني انت السبب بكل الديصير بيه
إياس ... بستغراب اني السبب ؟؟
أيلول .. اي انت علمودك اهلي صاروا يكرهوني
اليوم امي طعنتني بشرفي بعد شيصير بيه اكثر من هذا
إياس ... لحظة شنو طعنتج بشرفج
أيلول... يعني متعرف شنو
ماما اتكولي ليش متخلين إياس يتقرب منج بيج شي
إياس... اكيد امج متقصد شي
إيلول... كمت اضربة على صدرة بقبضة ايدي
لاتكوووووووووول متقصد جانت تقصد ونص
إياس لزمني من ايدي وحضني واني ادفع بي
أخير شي تعبت وهدأت بحضنة
إياس... جنت بالمعرض اتصلت علية أم قدر جانت تبجي كالت تعاركنا اني وايلول
وهي صعدت فوك الغرفتك وقفلت الباب عليها
وجاي اندك الباب بس مدتجاوب خايفة لاصاير بيها شي
من سمعت كلام ام قدر تخبلت طلعت بسرعة من المعرض سقت سيارتي اعلى سرعة رجعت للبيت صعدت دكيت الباب مجان اكو جواب من كلت راح اكسرة فتحتة
باوعت عليها عيونها مورمة من البجي
ومن حجتلي كلام امها تخبلت بس مكدرت احجي شي كدام ايلول
صارت تضربني بصدري اخير شي اخذتها الحضني بالبداية حاولت تدفعني بس بعدين هدأت بقيت حاضنها وهي تبجي مثل الطفل
من دخلت ام قدر وبان للغرفة ابتعدت عنها
أيلول ... دخلت ماما للغرفة رادت تجي تحضني ابتعدت عنها بسرعة
زين اجيتي وهذا إياس هم موجود يلا سئلي كوليلة بنتي شريفة لو لا
إياس ... بان ممكن تعوفينا اني وأمج وايلول وحدنا
طلعت بان وسدت الباب
ماما... ترة والله موقصدي ما أعرف شلون هيجي حجيت
إياس ... شوفي أم قدر اني متأكد انتي مجنتي تقصدين الكلام الكلتي لأن ايلول تربيتج وانتي اكثر وحدة تعرفيها وتعرفين أخلاقها
اما بالنسبة الموضوع ليش متقبل تبقة وياي بغرفة وحدة ويتم زواجنا ترة هذا الموضوع بيني وبينها مع احتراماتي الج ما أقبل اي احد يدخل
بس رغم هذا راح اريح بالج وأكولج ترة أيلول مرتي مو بس على الورق اني اخذتها من قبل لا أسوي العملية
ماما . بشهكة شنووو لعد ليش مكلتوا
إياس... كتلج ام قدر هذا الشي خاص بينا واني ما احب امورنا الخاصة تنحجي الاي بشر
ماما بقت مصدومة عافتنا وطلعت
أيلول ... رحت نمت على الجرباية غمضت عيني مجنت اريدة يحجي وياي
إياس من شافني نمت عافني وطلع
من التفكير والبجي نمت مكعدت غير ساعة بالعشرة
باوعت بالغرفة إياس مموجود بقيت متمددة سمعت صوته بالبلكونة يمكن جان يحجي بالموبايل
دخل للغرفة شافني كاعدة أبتسم
إياس .. صح النوم يلا كومي غسلي وجهج وصحصحي حتى نتعشى ترة ميت من الجوع جنت انتظرج
إيلول... ما أريد روح انت تعشى
إياس ... هسه كومي غسلي وبعدين تعالي نتفاهم
أيلول... رحت للحمام باوعت بالمرآيا يبووو هاي شصاير بوجهي أحمر وعيوني منفوخة
غسلت ورجعت للغرفة
شفت إياس جايب كومة أكل جاهز
إياس ... يلا تعالي نتعشى مجنت اعرف شتحبين جبتلج بيتزا وصاج وشاورما وببسي وعصير
أيلول .. منظر الأكل يشهي رحت كعدت كدامة
ليش مكلف نفسك وجايب هلكد أكل
إياس ... على شنو مكلف نفسي هو أكل انتي اليوم ضيفة يمي لأزم ادللج
أيلول ... اخذت قطعة صاج وبديت اكل منها
كتلة ليش هاي مو غرفتي ؟؟
إياس.. أكيد غرفتج بس أنتي هاجرتها
أيلول .. بقيت ساكتة محجيت شي
كملنا اكل لملمت الباقي وخليتهم على صفحة انتظرت إياس هو ينزلهم جوة اني ما أريد انزل واشوف احد من اهلي
أخذت موبايلي ورحت كعدت بالبلكونة
اجة إياس كعد يمي
إياس ... ليش قافلة تلفونج ود وقدر خبصوني كل شوية يتصلون يسئلوني عليج
أيلول... اذا اتصلوا كولهم نايمة
إياس... ليش متريدين تحجين وياهم ؟
أيلول .. لان اعرف الأخبار وصلتهم ويريدون يستفسرون
إياس... خلى ايدة ورا رأسة ورتكى على الكرسي
بس تدرين اني الوحيد المستفاد من هاي المشكلة
أيلول ... باوعت علية بتعجب هذا اشديحجي
إياس... ببتسامة لان لوما الصار مجان هسه اني كاعد كبال هذا الوجه الحلو
إيلول... احجي بقلبي هذا صدوك بطران اني روحي طافرة وهو ديتغزل
إياس... اني نعست اروح انام شنو راح تبقين كاعدة اهنا
أيلول... اي نمت هواية بعد ما أكدر انام
عافني ودخل نام
بقيت كاعدة للساعة 4 الفجر
اخير شي نعست رحت توضيت صليت
من خلصت أخذتلي بطانية جديدة ونمت بالصفحة الثانية من الجرباية
ردت انام سمعت صوت إياس تحرك كام من الفراش يمكن راح يصلي
بعدها محسيت بروحي ونمت
بعز نومي سمعت صوت هوسة يمي فتحت عيني لكيت خواتي كولهن يمي وحتى اطفالهم
باوعت عليهن ورجعت غطيت راسي
قدر... كومي لج ساعة 12 شنو هذا الكسل
ود... ليش هيجي ولج اني البارحة بالي يمج وانتي حتى مكلفتي نفسج اطمنيني
أيلول... رفعت راسي من المخدة لميت شعري بيدي وكعدت
على شنو اطمنج قابل شصاير
قدر ... انتي زعلانة وماما مريضة وكل هذا وتكولين شصاير
أيلول.. ليش شبيها ماما ؟
بان .. البارحة باليل تخربطت وجانت متقبل تروح للمستشفى اليوم ساعة 6 الصبح بالكوة بابا وداها طلع ضغطها مرتفع ومشكليلها اوكسجين لان بالكوة جانت تتنفس
أيلول... بخوف وهسه شلونها ؟؟
ود ... الحمدلله زينة هسه نايمة
قدر .. شصاير بينج وبين ماما؟
أيلول ... يعني على أساس متعرفين
قدر.. بلي اعرف وحقج تزعلين بس ترة والله ماما خطية انتي اكثر وحدة تعرفيها اشكد تحجي وترزل بس مو من كل قلبها
أيلول .. قدر هاي مو رزالة هذا اتهام
قدر .. اعرف حبيبتي لج والله لو ما تريد مصلحتج مجان قلبها احترك عليج كل هما تريد تشوفج مستقرة
أيلول... جريت نفس ادري بس موبيدي كلامها جرحني على العموم الصار صار
ود ... أيلول سؤال صح إياس مأخذج؟
أيلول... اي
بان... يعني هسه انتي مرتة ؟
قدر... ليش متنجبين شعليج انتي بهاي السوالف يلا كومي نزلي يم ماما
بان برطمت والدموع كامت تنزل عافتنا ونزلت
ود...اي لولة شوكت صار هذا شي وليش محجيتي
ايلول.. بيوم خطوبة اسامة ومجان اكو داعي حتى اكول
وهسه كافي كلام أروح اشوف ماما
عفتهم ونزلت
شفتها متمددة بالهول ومبين عليها التعب
اوووف منج مياسة شسوين بيه ما أكدر ازعل منج
..اجيت تمددت بصفها وحضنتها
فتحت عيونها بسرعة
من شافتني يبووو اشو هاي كامت تبجي
أيلول .. كافي مياسة البارحة صرفت هواية دموع مابية حيل اصرف بعد
ماما... شلون ينطيج گلبج يوم كامل متحجين ويا امج
ايلول .. اسفة ماما بس جنت ضايجة
ماما ... لاتزعلين مني بنتي والله مجان قصدي
أيلول ... عادي حبيبتي اني نسيت
الظهر اجوي إياس
بابا من شافني نازلة وكاعدة ويا ماما والبنات فرح واجة باسني من كصتي
بس إياس جان ضايج
أيلول... صار العصر دخلت الغرفة البنات طلعت كل ملابسي وأخذتهم صعدتهم فوك
ماما والبنات صافنين عليه
ايلول... شكو شبيكم هيجي تباوعون
قدر... راح تصعدين فوك ؟
أيلول... اي وكافي كلام تعالوا ساعدوني
رتبت ملابسي بغرفة إياس
بعد العشى ود وقدر كل وحدة راحت البيتها
ود الحمدلله طلعت بيت وحدها وهسه مرتاحة
صعدت الغرفة إياس جان متمدد من شافني تفاجئ بقة يباوع عليه
فتحت الكنتور طلعت ملابس أخذتهم ورحت للحمام وإياس يباوع وفاتح حلكة ههههه
سبحت ولبست دشداشة قصير لان متعودة من انام هيجي البس
رجعت للغرفة كعدت كدام المرآيا امشط شعري
إياس بس يتفرج منطق ولا كلمة
أيلول... باجر اريدك تصعدلي مرآيتي بقت بغرفة البنات
إياس ... انتي راح تبقين اهنا
أيلول.. اي ليش عندك اعتراض
إياس ... ابتسم براحة طبعا لا هاي غرفتج
والمرآيا عوفيها عندي بالمعرض وحدة أحلى منها أجيبها الج
أيلول... مممم اوك
اخذت بطانية وتمددت بصفة وبقيت اتصفح بالفون
وإياس بس صافن عليه
أياس.... جنت نايم صارت حركة بالسرير شفتها أيلول نامت بصفي جانت مسافة قليلة تفصلني عنها قربها مني الهاي الدرجة خربط كياني
تعوذت من الشيطان كمت صليت الفجر رجعت تمددت يمها اشكد حاولت ارجع انام بس مكدرت
قربها نار وبعدها جحيم واني بالحالتين محترك
رجعنا الظهر اني وابو قدر من المعرض شفت ايلول متراضية ويا امها وكاعدين سوا صح فرحتلها لكن بنفس الوقت ضجت لان راح ترجع ايلول مثل مجانت قبل
باليل صعدت انام انفتح الباب دخلت ايلول
بقيت متفاجئ بيها راحت طلعت ملابس من الكنتور انصدمت معقولة ايلول راح تبقة اهنا
جنت اتفرج عليها وهي تفتر كدامي مثل الفراشة
اجت نامت بصفي واني مدري شصار بيه
ومن شفتها تغطت بغطى ثاني عرفت بيها بعدها رافضة قربي منها عفتها براحتها واني بداخلي بركان من الرغبة
بقينا ثلاث أيام على هذا الوضع اخير شي متحملت
إياس ... أيلول نايمة لو كاعدة جانت منطيتني ظهرها
أيلول .... ممممم رايد شي ؟
إياس ... اي اريدج وبعد معندي طاقة حتى اتحمل
أيلول... اذا تريدني هذا حقك واني مراح امنعك
إياس ... انصدمت من جوابها جنت متوقعها راح ترفض معقولة هاي ايلول لو وحدة ثاني
بسرعة اقتربت منها تغطيت وياها بنفس غطاها دراتها عليه وصارت عيني بعينها
بديت اطبع قبلاتي على وجهة جنت احاول اكون هادئ ما اريدها تتأذى وتنفر مني
اخذت شفايفها بين شفايفي
جنت ابتعد شوية وارجع ابوسها مثل العطشان ويريد يرتوي جانت كل ذرة بجسمي تريدها هي هادئة وهذا هدوئها خلاني افقد عليها جنت بكل مكان المسة اطبع ملكيتي عليه
امتلاك أيلول جان حلم صعب واليوم تحقق
من ابتعدت عنها جانت علامات الخجل واضحة عليها رادت تبعد عني سحبتها الحضني
من اليوم هاي مخدتج وأشرتلها على أيدي
اشو ساكتة ليش متحجين
أيلول... ما اعرف شحجي الوضع جديد عليه
إياس ...حضنتها قووي وصرت العب بشعرها
ما اريدج تخجلين مني حبيبتي اني وياج صرنا واحد من اليوم انتي صرتي امي وابوية وبنتي ودنيتي كلها
أيلول...بعد كلام ماما قررت ارجع الغرفتي واعيش ويا إياس حالنا حال أي ثنين مزوجين
من طلب يقترب مني ممنعتة بس جنت بالكوة متقبلة لمساتة الي كلت بيني وبين نفسي اكيد بمرور الأيام راح اتعود عليه ويمكن احبه
مرات الأيام وحياتي الحمدلله عادية وإياس ممقصر وياي بشي بس جانت شغلة وحدة محلوة بي هي غيرتة حتى من بابا يغار اذا حضنته او بستة تقوم القيامة جانت اكثر مشاكلنة بسببها
بدت امتحانات بان وخواتي كالوا مراح نجي الحد متخلص بان الأمتحانات حتى البيت. لا يصير هوسة
خلصت الأمتحانات بس بان جانت حيل متغيرة حتى ضعفت خطية
أجوي خواتي جنت مشتاقتلهن كولش وخصوصا الراما وأدم و ريان
جنا كاعدين سوا وجان عندي وجع راس
قدر... لج لولة أخاف حامل
بعدني ممجاوبة حجت بان
بان.... شنوووووووو لولة حامل
كلنا فزينا من صوتها
أيلول... وجع حتى وجع فضحتيني بهاي صرختج حتى الخلفة كطعتها
جاوبت قدر لا مو حامل اعرف بنفسي
ود ... عندي موعد ويا الدكتورة بعد يومين ليش متجين وياي
أيلول... والله ما أعرف لأزم اسئل إياس هاي اذا قبل لج والله راح اطك حاسبني بين اربع حيطان باب الحوش ميخليني اطلع وربي مليت
قدر... غير يحبج ويغار عليج ترة الرجال الي ميحب ميغار
أيلول ... عمي ما أريد هيجي حب
بالليل إياس متمدد على الجرباية وصافن مبين عليه ضايج
جيت تمدد بصفة وسئلتة شبيك ؟
اندار عليه حضني ودفن رأسة بشعري
إياس... سلامتج حبيبتي مابيه شي بس شوية تعبان
ايلول.. ما ادري ليش مقتنعت بجوابة
اكولك إياس أريد اروح ويا ود للدكتورة
بسرعة رفع رأسة وباوع عليه
إياس .. ليش شبيج اكو شي يوجعج ؟
أيلول ... لا لاتخاف مبية شي بسس
إياس .. بس شنو احجي بعدج تستحين مني
إيلول... ردت اروح افحص اريد أشوف ليش مصار عندي حمل لهسة
ابتسم ورجع دفن راسة بشعري
إياس ... تحبين يصيرلج طفل مني
ايلول ... تفاجئة من سؤاله
طبعا أريد هاي امنيتي اصير ام
إياس .. ماشي حبيبتي روحي بس اني اوصلكم وارجعكم
أيلول.. اوك
بس هسه كولي شبيك ترة مصدكتك من كلت بس تعبان
إياس.. سالفة طويلة وما أريد ادوخج بيها
أيلول.. احجي عادي اني احب السوالف
إياس رجع راسة للمخدة وتنفس قووي
إياس ... راح احجيلج بس الموضوع ما اريد يطلع برة هاي الغرفة لان الموضوع يخص اهلي
أيلول.... بصدمة شنوووو أهلك........
يتبع..