الفصل الرابع والعشرون
استغلت فرصه ذهاب أخيها الي العمل مع والدها لتجالس "حازم" فكم يبغضه اخيها للغايه
كان الاثنان يجلسان على الارضيه العشبيه.
امسكت لوحها الطبشوري لتضعه أرضا ثم رفعت كفيها لتصفق وهي تردف بفخر
- بص كده انت براڤو عرفت تقرأ وتكتب الله عليا
- والنبي متحسسنيش اني جاهل مانا كنت عارف شوية حروف
- اقولك اتج الله ده انت خليت اللام فاء اشش انت شلتني اكتر من حمزة
.........................
- لازم نروح عند طنط روما دلوقت يا نوران مش هنعرف نخبي اكتر من كده انتي حامل فاهمه يعني ايه حامل يعني كلها شهرين وبطنك تبان لازم نوصل لعز و تتجوزو علطول
نظرت لها نوران باعين زائغه لتكمل بكائها على تلك الكارثه التي حلت في غير موضعها
- حامل!!
قالتها نرمين بصدمه عقب ان قامت بالتصنت عليهما لتردف بعدها بتفكير
- ومين عز ده!!
أنزلت نادين حقيبتها أرضاً ثم سحبتها على الأرض لتمسك نوران بيدها الأخرى محيطه بخصرها
ليغادرا الاثنان بهدوء عقب ان اختفت نرمين من الشقه
..................
- على فكره يا ريم انتي مش بتعرفي تقري ألماني كويس
ابتسمت وهي تبرز أسنانها مكمله
- معلش ثقافتي عربي
- طب يلا منا عربي اهو وبقرا واكتب ألماني وفرنسي وانجليزي وشوية تركي
- ما انا عارفه تركي يابني
قالتها بفخر كبير ليردف حازم باعجاب
- واتعلمتي التركي منين
- من المسلسلات
عادت ملامحه لخيبه الأمل مرة اخرى وهو يحرك رأسها طالباً من الله صبراً على تلك البلوى
اوقفت نادين السيارة أمام البوابه وهي تردف
- خليكي شجاعه متخافيش طنط روما هتتعصب شوية وهتفهم خصوصاً ان هي بتحبك
نظرت لها نوران بدون ملامح جامدة كالصخر لتهبط من السياره ما أن رأها الحارس حتى انصدم بقوة لتردف بإذن
- ممكن تفتح البوابه
- اكيد يا انسه نوران حمد الله على سلامتك
ابتسمت بسخريه لتدلف ثوان وبدأت تهاجمها تلك الذكريات طفولتها ومراهقتها وكل شئ استمعت الي صوت ضحكات عاليه لتتجه الي الحديقه الخلفيه لعل وعسى ان تكون تلك "روما"
ولكن تفاجأت عندما وجدت شابه ترتدي بنطال يصل الي بعد ركبتيها بقليل بستره واسعه قليلاً وشعر يصل الي اخر ظهرها وبجانبها شاباً يستلقي على معدته
عقدت حاجبيها باستغراب حتى اردفت بصدمه مفرحه
- ريــــم!!
ألتفت ريم بعفويه لتنقطع ضحكتها وهي تجد اختها أمامه نهضت فوراً باستغراب بدا واضحاً على ملامحها أقتربت ريم منها وهي تردف بحده
- انتي ايه اللي جابك هنا؟
تفاجأت بأسلوب اختها الفظ لتخفض رأسها بإحراج بينما اردف حازم بحده
- ريم عيب كده
- انت ملكش دعوه
قالتها بحده وصوت مرتفع ليمسك كفها بعنف وهو يردف بعين بارزة
- احترمي نفسك وانتي بتكلمي حد اكبر منك و توطي صوتك
- انا انا مش عايزة اعمل مشكله
قالتها نوران بتوتر وخوف لتردف هي بسخريه
- المشكله انتي عملتيها لما سبتي ماما من خمس سنين فـ عز ما كان المرض بينهش فيها وانتي بتزيدي عليها ومش بترحميها وجايه دلوقت ليه؟
- انا انا عايزة بس اكلم مامـ..
قطعتها نظرات ريم الحاده لتردف هي تنحنح
- مدام روما
كادت ريم ان تتحدث ولكن قاطعها حازم وهو يردف بجديه
- انا هقول للخدامه تجيبها ليكي ممكن تستني هنا دقيقه
ما ان اومأت سحب كف ريم لينطلق وهي خلفه بغضب
......................................
بدأت تطرق الباب بخفه حتى جائتها الموافقه من الداخل لتشرأب برأسها وهي تردف بمرح
- عمتي الجميله
- تعالي يا رومتي تعالي
دلفت روما وهي تبتسم بـخجل ثم اكملت وهي تردف
- أأمري يا حب
أشارت لها ان تجلس بجوارها لتتربع على الأرضيه أمامها قائله بابتسامه
- انا مبسوطه كده قوليلي بقى مالك ريم قالتلي انتي عيزاني
تنهدت روما وهي تتذكر حديث ابنها لتردف بهدوء وابتسامه ترافقه
- بصي يا روحي انتي مش شايفه ان هزارك مع حازم جامد شوية
كانت ان تعلق ولكن ضيقت عينيها وهي تردف باستغراب
- إياد هو اللي قالك كده؟
- بصي يا حبيبتي أنا واخده بالي من زمان بس إياد هو اللي قالي اكلمك عشان محدش يتكلم عليكي يا حبيبتي فـ مصر مش زي امريكا
تقبلت نصيحتها بابتسامه لتردف بهدوء
- بصي يا عمتو أول حاجه انا هقولك حاجه
حازم كان عندو اخت وكان عندها مرض فـ المخ اللي هو اسمو الضمور المخيخي اكيد تعرفيه
اومأت روما وهي تستعيذ بالله من هذا المرض الذي ليس له علاج لتردف روما بتكمله
- بس يا عمتو واتوفت قبل ما اروح بشهرين وهو كان داخل حالة اكتئاب بسببها مش هقدر اقولك ان انا عوضت مكانها كلياً لأن الأخ مش بيتعوض فـ انا عوضتو جزئياً عنها وهو والله والله بيعامنلي زي ما كان بيعاملها ومفيش حاجه فـ نيتو اتجاهي
- حبيبتي انا فهماكي بس ال...!
قاطعتها روما وهي تجلس على ركبتيها بحب
- يا عمتو انتي مش فهماني لا انتي مش واثقه فيا وبعدين انا متعوده عليه خمس سنين يومياً مع بعض وكمان والله مفيش حاجه بيني وبينو غير أخوه وبعدين ما مايا لازقه مع إياد هي جت لحد عندي وبقت كخه؟
- طب اسمعيـ.....
قاطع حديثها صوت طرقات على الباب لتردف روما بتنهيده
- ادخل
دلفت الخادمه وهي تردف بأدب
- مدام روما انسه نوران تحت مستنياكي
- نوران؟؟
...................
- انت ازاي تكلمني بالأسلوب ده؟
- وانتي ازاي تعلي صوتك عليا بالشكل ده انا لو اجوزت بدري شوية هخلف عيله زيك
- انا مش عيـ....
قاطعت حديثها هبوط والدتها إلى الأسفل وخلفها روما يركضان بقوة لتردف روما وهي تشير إليهم
- مش عايزة حد يجي ورايا انا عايزة اتكلم معاها
خرجت روما بلهفه إلي الحديقه لتقف روما وهي تنظر بينهم باستغراب
- هو انتو كنتو بتتخانقوا ولا ايه
نظر لها حازم دون ان يتحدث وأدار عينيه للجهة الأخرى لتضحك ريم بسخريه رفعت روما حاجبيها باستغراب لتردف وهي تشير بعدم اهتمام
- نبقي نشوفكوا بعدين خليني اشوف عمتو ونوران
وقفت خلف الزجاج اسفل الستاره ليقف حازم خلفها بفضول ولم تمنع ريم فضولها لتقف خلفهم متابعين لما حدث
لم تصدق ما قالتها الخادمة لها لتركض الي الحديقه الخلفيه للقصر لتجد صغيرتها تجلس على الكرسي
آه والف آه نطقها قـلـبها انـهـا تـرا صغيرتها بعد خمسة أعوام كم ظهرت انوثتها أكثر تقدمت إليها وهي تـحاول الجمود مردفه
- ايوة في حــ...
بترت كلماتها وهي ترا دموع صغيرتها تهبط كالأنهار وجهها مكفهر وذابل اقتربت منها مسرعة وتناست جمودها وهي تتفحصها بدقه
- مالك يا قلبي ايه اللي مخليكي كده اهدي اهدي وبطلي عياط وحياتي عندك مالك في ايه قوليلي
- انـ انـا اسفـه يا مـ مـاما انـ انـا عملت غلط كبير اوي
ضمتها الي صدرها وهي تحتويها مردفه
- انسي يا قلب امك انسي كفايه انك رجعتي لحضني تاني
ازداد بكائها حده وهي تلطم وجهها بصوت حاد
- انا انا غلط جامد جامد يـا مـ ماما
رفعت ذقنها وهي تنظر اليها بحنان اموي مردفه بتساؤل وفزع
- عملتي ايه يا حبيبتي اكيد هنحاول نحلو سوا
هزت رأسها نافيـه وهي تردف ببكاء
- غلط غلط نتج عنو انـ انـي حـ حـامل يا ماما سامحيني
صدمت رومـا وهي تنظر الي ابنتها هل كبُرت لتلك الدرجه مئات الافكار تتخابط في عقلها لتردف بتقطع وهي تنظر الي ابنتها
- حـ حامل ازاي يا نوران؟
هزت رأسها بإيجاب وهي تبكي لتردف وهي تهز رأسها نافيه
- والله مكنتش اعرف انا انا غلط لما بعدت عنك سامحيني ابوس ايدك
- غلطتي ازاااي غلطتي ازاي حرام عليكي
قالتها وهي تسحب شعيراتها بين كفيها لتهبط يدها صافعه لها بقوة على فعلتها الشنيعه اسقطت نوران ارضاً
كان الثلاث يتابعون ما حدث عن كثب وهم يحاولون استكشاف ما حدث صرخ الثلاثه بفزع عندما سمعوا صوت إياد يرتد القصر بأكمله
- انتو واقفين بتعملوا ايه
ارتفع معدل تنفسهم خوفاً من تلك الصدمه وأيضاً لوجود نوران بالخارج
نظر سيف إلي إياد باستغراب ليردف إياد بحده لشقيقته
- انتي لازقه فيه كده ليه
ابتعدت فوراً عقب كلمته بخجل ليردف سيف بجديه وحده خفيفه
- ممكن اعرف بتتفرجو على ايه؟
بدأ صدر كل من ريم و روما يرتفع بخوف لتردف ريم بتوتر
- اصل اصل يا بابي نـ نـ....
اردف إياد بحده عندما رأي تأخرها بالحديث
- ما تنطقي هناخد الكلام منك بالقطارة
تنهدت روما بقوة لتردف بسرعه
- نوران جت وقاعده برا مع طنط روما
لتنصدم تعابير سيف و إياد للغايه اما في الخارج
جلست هي بصدمه على الكرسي خلفها وهي تردف
- انا انا مش آآهه
أطلقت تأوهات موجوعه وهي تضغط على قلبها وسرعان ما فقدت وعيها
لتقترب منها مسرعه وهي تتفحصها ببكاء
- ماما ماما مالك عشان خاطري ردي عليــ
قطعت كلامها عندما سمعت صرخه والدها واخيها وهم يركضون لها
- رومــــــــاااا
نطقت بتوتر من بين شفتيها المرتجفه
- بـابـا
ابتعدت عن روما بسرعه ليتقدم سيف وهو يقيس نبضاتها بخوف كانت نوران في حاله خوف كبيره حتى انها لم تقدر لتحمل كل هذا لتسقط فاقده الوعي بجانب روما
.................................
- يعني ايه مش هتساعدني!
قالتها نرمين بعصبيه وهي تتحدث مع عمران ليردف ببرود
- بقولك اييه حلي عن دماغي بقى مش ناقص قرف
- انا بقيت قرف يا عمران ماشي متلومش نفسك على اللي هيحصلك
............................
كانت ريم تمسك حمزة بتوتر بينما هو يمسح دموعه بخوف لتردف ريم بهمس
- متقلقش يا حمزة مامي هتبقي كويسه
- انتي مجنونه يا ريم ازاي تخليها تقابلها
قالها والدها بعصبيه لتنظر الي حازم بغضب لتردف بأسف
- بابي الخدامه راحت قالت لمامي ملحقتش اوقفها
قبل ان يعاتب ابنته خرج الطبيب وهو يردف بابتسامه
- في ايه يا جماعه متقلقوش هي بس خدت صدمه قويه عشان كده غابت عن الوعي بس هي تمام تقدرو تروحو تشوفوها دلوقت
..............
اما في الجهة الأخرى اخفضت روما هاتفها عقب ان طمأنتها على روما لتردف لإياد
- عمتو كويسه وفاقت وهما دخلولها دلوقت كانت بس من الصدمه
- انا عايز اروح اطمن على ماما
- الدكتور يطلع من عند نوران بعدين نروحلها سوا
في تلك اللحظه خرج الطبيب ليردف بتساؤل
- انتو اهلها
اومأت روما وهي تردف
- ايوة ده اخوها وانا قريبتها
اكمل الطبيب بتحذير
- البنت ضعيفه جدا وكمان حالتها النفسيه سيئه جداً وده مش كويس للجنين!
كان إياد يستمع الي حديثه بعدم اهتمام ولكن في تلك اللحظه انرسمت ملامح الصدمه على وجههم ليردفو بصدمه معاً
- جنين؟
- ايوة المدام حامل فـ شهر ألف مبروك!
ألقي تلك القنبله الموقوته ثم جائته الممرضه مستدعيه إياه ليستأذن مغادراً
ما ان غادر حتى ذهب الي اخته بالغرفه لتلحق به روما فهي تعلم حالته العصبيه ما ان دلف حتى امسك خصلاته في كفه بعصبيه
- انتي ايه اللي رجعك تاني وايه اللي فـ بطنك ده يا ****
امسكت روما كفه بقوة وهي تزيحه بعنف
- إياد نور حامل انت اتجننت ابعد عنها
- انا اللي اتجننت ولا هي بعد ما خلصت وساخه وصرمحه جايه عندنا تشيلنا مصايبها
احتضنتها روما وهي تتصدر لإياد بقوة لتردف نوران بخوف
- انا انا اسفه همشي ومش هاجي عندكو تانيه انا اسفه
- لا مش هتمشي يا نوران ونشوف كلمة مين هتمشي
نظر الجميع لمتحدث تلك الجمله ليركض إياد الي والدته وهو يسندها
فـ بعد ان فاقت اصرت ان تذهب اليها بشده ورفضت دخولهم معها
- يا ماما مش هينفع ترجع معانا تاني انتي ناسيه عملت ايه زمان ودلوقت ديه طلعت حامل يا ماما ديه واحده رخيصه
- أخــــرررسس
قالتها روما بعصبيه وهي تحتضن نوران بدلاً عن ابنة شقيقها لتردف وهي تملس على خصلاتها
- انا هتصرف فـ الموضوع ده انت ملكش دعوة ويا ريت لسانك ميطلعش برا بوقك عشان و اللي رفع سبع ونزل سبع يا إياد ما هتكون ابني ولا اعرفك
نظرت الي نوران التي كان بكائها يزداد بقوة لتمسح وجنتيها بهدوء وهي تردف
- اهدي عشان نلحقك مين اللي عمل معاكي كده!
- انا يا طنط
نظر إياد خلفه بينما وقفت روما بصدمه كان وجوده صدمه للجميع بينما بقت عينيه تنظر إلي روما بأسف لـ تردف بصدمه!!
- انت يا عز!!!