بسم الله الرحمن الرحيم
"اللهم إني اسألك فهم النبيين...وحفظ المرسلين... والملائكة المرقبين...."
💙💙💙💙💙💙💙💙💙💙💙💙💙💙💙
الجد بجدية : انا شايف ان كدا كويس جدا
محمد ( والد سيلا ) : يعني اقولها اي انتي نازلة عشان تقعدي مع عيلتك وفجأة قررت اجوزك ابن عمك
الجد سليم بتساؤل : وهو يوسف في اي غلط
محمد : يوسف شاب ممتاز طبعا ومافيش كلام....،بس دا مش معناه انه مش بتاع بنات وكل يوم مع واحدة
سليم بسخرية : وانت يعني لما كنت قده كنت بتحضر الماجستير.....مش جايبه من برا يعني
محمد بضيق : كنت صغير ي بابا
سليم : اه ما هو شاب بردو....انت مارديتش عليا....موافق ولا لأ
محمد بتردد : انا معنديش مانع علي يوسف....بس اهم حاجة عندي سيلا تكون موافقة ومقتنعة
الجد سليم : مالكش دعوة انت اطلع منها....وانا الي هفاتحها في الموضوع دا...ثم اكمل بسخرية وابقي خلينا نشوفك ي حمادة والنبي بقالنا ٢٣ سنة ما شوفتش خلقتك الا في المكالمات....اقفل ياض انت انا مش طايقك اصلا وبكلمك بالعافية اقفل
ثم اغلق الخط في وجه ابنه محمد الذي حزن بشدة من نفسه فكم من المرات حادثه والده كي ينزل زيارة واحدة فقط ولكنه رفض رفض تام حتي عند وفاة أخيه نزل يومين فقط و سافر الي الخارج مرة أخرى .....حتي اصبحت المكالمات بينهم قليلة وتكاد تكون معدومة ومن تسبب في هذا كله هو...
اما سليم
= واد زبالة....انا مربتش حد والله انا عارف انا كنت فين والعيال دي بتتربي
************************************
بالأسفل كانت تجلس كل من سيلا ونغم في الحديقة الملحقة بالقصر وصوت ضحكاتهم يملئ المكان
سيلا بضحك : لا ي نغم انتي فظيعة بجد
نغم بسعادة : انتي مش عارفة بجد انا فرحانة ازاي انك موجودة ي سيلا....انت علي طول بقعد لوحدي يوسف علي الرغم من انه مش مقصر معايا في حاجة بس طول النهار في الشغل والطول الليل سهران برا مع صاحبه وجدي تعبان واغلب الةقت في أوضته وانا بفضل قاعدة لوحدي
سيلا باستغراب : طب هو انتي مالكيش صحاب....
نغم : لا عندي ملك بس هي مش بشوفها غير في الجامعة بس
سيلا بحماس : خلاص ي ستي خلصي انتي امتحانات وانا مش هسيبك هخليكي تلففيني القاهرة حته حته.....وكمان هنعمل شوبنج كتير اوي...هقرفك
نغم بمرح : حبيبي يسطاا والله
يوسف من ورائها وهو يضرب رأسه بمؤخرة عنقها بشدة خفيفة ( قفا أخوي معتبر ي ولاد من الي بناخده في البيت دا 😅😅 )
= انتي بتجيبي الكلام دا منين ي بت انتي
نغم بألم : ايي ي عم بقي الله....ارحمني قفايا ورم
يوسف باستنكار : قال يعني بتتهدي بقي وتسكتي
نغم : بس ي شبح أقعد في جنب
يوسف بقرف : يسطا وشبح.....سرسجية اقسم بالله بقي دا منظر ليدي محترمة ومن عيلة راقية وتقولي شبح ويسطا
سيلا بتساؤل : هو معلس ممكن أعرف يعني اي يسطا وسر..سرسججية دي
نغم باستغراب : وانتي ما تعرفيش دول يعني اي
يوسف بسخرية : صحيح...وهي برنسس سيلا هتسمع الكلام البيئة دا فين...ماهي كانت عايشة في إيطاليا
سيلا بنرفزة : لا مهو حضرتك انا مكنتش عند بريطانيا الي علي آخر الشارع يعني علشان ابقي فاهمة كل كلامكم
يوسف بقرف : بت....مش عايز اسمع صوتك
سيلا بغضب : إنت بتعاملني كدا لي....انا اصلا لسة شيفاك امبارح....انا مكنتش اعرف اني لما أجي هلاقي واحد مش طايق وشي كدا.....عن اذنك
ثم تركتهم وذهبت بغضب الي غرفتها
نغم بعتاب : مش ملاحظ انك مأڤور شوية
يوسف بتكبر : انا الي مأڤور.... هي الي دلوعة اووي
نغم باستنكار : علي فكرة انت متكلمتش معاها اصلا الا دقيقتين وباين عليك حدا انك مش طايقها وانت زعلتها جامد وانا لو مكانها مش هقبل لحد يكلمني كدا ابدا
يوسف بضيق : يوووه... انا رايح الشركة انا هقعد احلل في كلامي مع الانسة سيلا
ثم ذهب بضيق الي سيارته وانطلق الي مكان عمله
نغم باستغراب : اي الموقف الغريب الي هو اخده منها دا.... انت هطلع اشوفها
************************************
في الشركة
كان يجلس في مكتبه يفكر بتلك التي لم يراها سوي دقائق فقط.... لما هي بعقله....لما هي تشغل حيز في تفكيره.... فهو لم يراها سوي لدقائق.... كما انها شقيقة صديق عمره فلا يحق له ان يفكر بها من الأساس
ثواني ووجد يوسف يدلف الي مكتبه بضيق ويرمي بجسده علي الاريكة الموجودة بالمكتب بضيق
استغرب مالك من صديقه فهو لم يأتي الي مكتبه سوي مرات تعد علي الأصبع
مالك باستغراب : في اي.... اول مرة اشوفك كدا.
يوسف بضيق : وانا اول مرة اشوف نفسي كدا
مالك وهو يجلس بجانبه : مالك ي صاحبي... اي الي مضايقك
يوسف بحيرة : انا مش فاهم انا بعاملها كدا لي... انا اصلا مكنتش ناوي علي كدا....انا كنت هتعامل عادي ولما جدي يفاتحها في الموضوع هبان ان انا واحد غبي ومش بيحب التأقلم مع العصر والملام الهبل دا ابعتبار أنها عايشة حياة اجانب.... اما لقيتها بنت عادية جدا...لقتني مش عارف اتصرف... انا ختي مش عارف انا في المرتين الي اتكلمت معاها فيهم كلمتها بطريقة زي الزفت لي....
مالك باستغراب : هو انت كلمتها النهاردة كمان
يوسف : اصل النهاردة..................
ثم حكي له عما حدث اليوم
مالك : انت بتتصرف معاها كدا لي
يوسف بحيرة : مش عارف... عايز اضايقها وخلاص
مالك : انا مش فاهمك
يوسف وهو ينهض من مكانه : ولا انا فاهم نفسي... انا هروح علي مكتبي
واتجه الي الباب ولكن قبل خروجه
مالك : صالحها ي يوسف
يوسف بصدمة : نعم ي اخويا....اصالح مين... بقي اوا يوسف الصياد اصالح بنت... بلاش هبل
مالك : دي مش اي بنت دي بنت عمك ي چو.... وكمان انت الي مضايقها.... وهي معلمتش حاجة
يوسف بتريقة : سلام ي حنين.
ثم انطلق الي خارة المكتب وهو يفمر في كلام صديقه
= معقول المفروض اني اصالحها.... طب واصالحها ازاي دي...
************************************
كانت تجلس في غرفتها تشتعل من الغضب والغيظ من ذلك المعتوه... من يعتقد نفسه هو كي يعاملها بتلك الطريقة الغبية
سيلا بغضب : هو مفكر نفسه مين عشان يعاملني كدا اااااه.... بقي انا يتعامل معايا كدا.....لا مهو انا مش عشان عايشة برا أبقى عبيطة.....ااااه ي حرقة دمي.... انا اي الي سكتني.... اي دا.... انا بقيت بكلم نفسي ولا اي..... كله منك ي سي زفت يوسف.... والله خسارة فيك الاسم
نغم : ممكن ادخل
سيلا بهدوء مصطنع : اتفضلي ي نغم
نغم وهي تدلف الي الغرفة : عارفة ان يوسف زعلك... متزعليش منه والله هو طيب اوي
سيلا بغيظ : انا مش عارفة هو بيعاملني كدا لي.... انا من وقت ما حيت وهو باين عليه مش طايقني واوا اصلا لسه جاية امبارح اومال لو قعدت يومين كمان هيعمل فيا اي
نغم بتساؤل : هو انتم حصل بينكم تاتش قبل دا اصلا.....
سيلا : ايوة ابمارح في المطار.........
نغم بصدمة : اخويا يوسف اتكلم معاكي باسلوب وحش.... مستحيل..
سيلا بضيق : يعني انا بكذب
نغم بسرعة : لا طبعا مش قصدي.... انتي مش عارفة يوسف اصلا.... دا يوسف دا عمره ما يزعق في بنت... هو اصلا مش بيبقي gentle الا مع البنات.... دا هو اصلا بتاع بنات..
سيلا : اووف.... يعني انا اي يعني ما انا بنت.... وي ستي انا نش عيزاه لطيف معايا خاالص انا عيزاه ولا يعرفني زي ما اكون هوا بالضبط
نغم بصدمة : ي نهار اسود... انا نسيت اصلا اقولك ان سليم في أوضته وقالي اقولك تروحيله
سيلا : اوك.... بس هو انتم بتقولو سليم عادي كدا من غير جدو
نغم بضحك : لسه بس ما تفعدي شوية هتشوفي مع سليم دا العجب كله..... روحي انتي يلا بس ليه عشان ما يقولش انس نسيت اقولك ويقعد يعاير فيا
سيلا بضحك : هههههه... حاضر هروح اهو
************************************
في غرفة الجد تدلف سيلا بعد سماعها لصوت الجد يأذن لها بالدخول
سيلا بمرح : سليم باشا بنفسه طالبني ي ناس
الجد سليم بضحك : ههههه....بطلي بكش ي بت وتعالي اقعدي جنبي
سيلا بمرح : اي دا دا انت قفشتني...وماله قولي بقي اي الموضوع الي عايزني فيه عشان عندي فضول بصراحة
الجد سليم : مش يمكن الموضوع ما يعجبكيش ولا اي
سيلا بضحك : ي عم سليم انت عمرك ما تقول حاجة وحشة... قول بقي ي حاج
الجد سليم : انا عندي القلب
سيلا بتوجس : ايوة ي جدو انت عارفة وربنا يشفيك....بس انا مش فاهمة
الجد سليم : سبيني اكمل ي سيلا...انا عندي القلب ومحتاج عملية والعملية دي ضرورية
سيلا بسرعة : ايوة ي جدو لو قصدك اني اشوف احسن دكتور في بريطنيا اكيد هعمل كدا وانا اع.........
الجد سليم مقاطعاً : انا مش هعمل العملية اصلا ي سيلا
سيلا بصدمة : اي....ازاي يعني
الجد سليم : مش هعملها
سيلا : ازاي....ازاي يعني مش هتعملها انت عايز يجرالك حاجط بعيد الشر يعني
الجد سليم : خايفة عليا ي سيلا وعوزاني اعملها
سيلا بسرعة : ايوة طبعا ي جدو
الجد بترقب : يعني لو طلبت منك طلب مقابل اني اعملهتدا هتعمليه
سيلا بسرعة : اكيد ي جدو....بس هو اي الطلب دا....
قالت الاخيرة تلك بتوجس مما سوف يلقيه علي مسامعها
الجد بعد صمت : تتجوزي يوسف
سيلا : ماشي ي جد....اي....
الجد سليم : تتجوزي يوسف ي سيلا
سيلا بصدمة : اي الكلام دا....ازاي
الجد : اي...هو يوسف في حاجة وحشة
سيلا : مش الفكرة ي جدو...بس انا ويوسف مش هننفع لبعض خالص
الجد باستنكار : لي بقي ان شاء الله
سيلا : ي جدو افهمني....انا ويوسف مش شوفنا بعض الا مرتين بس ومش طايقين بعض يبقي ازاي هنتجوز....دا مش كلام دا
الجد : دا شرطي ي سيلا...وافقتي هعمل العملية....ماوفقتيش...
سيلا : انت ليه بتحطني في موقف صعب زي دا....انا بجد مش قادرة اصدق
الجد سليم بصوت يدل علي نهاية النقاش : دا اخر كلام عندي....وهسيبك تفكرى...الصبح تقوليلي رأيك...واااه...كلمت بباكي في الموضوع قبل ما اكلمك
سيلا بترقب : وقال اي
الجد سليم : وافق طبعا....عمره ما يرفض شاب هايل زي يوسف
سيلا بتهكم : اااه...اممم..هاايل ....الي هو بتاع بنات اصلا
الجد : بعد الجواز كل دا هيتغير....فكرى وقولي رأيك
نظرت له سيلا نظرة حزن ثم توجهت الي الخارج وقابلت نغم في طريقها ولكن من شدة حزن لم تراها هي
ثم دلفت الي غرفتها بصمت
نغم بحيرة : الله...هي مالها انا هروح اسأل جدو
************************************
كان يجلس في مكتبه حتي سمع صوت هاتفه يعلن عن تلقيه لمكالمة من اخته نغم
يوسف : ايوة ي نغم في حاجة ي حببتي
نغم : دا في حاجات
يوسف باستغراب : ما تخلصي ي بت في اي
نغم : جدك كلم سيلا في موضوع جوازكم وقالها لو ماوفقتش مش هيعملها
يوسف بصدمة : اي...هو كلمها بالسرعة دي
نغم : ايوة لسة مكلمها من ساعة تقريبا
يوسف بترقب : وهي....رد فعلها اي
نغم : قافلة علي نفسها الباب ومش راضية تكلم حد
يوسف بتفكير : امممم طب اقفلي انا جايلك
اغلق يوسف الخط دون سماع ردها واخذ متعلقاته واتجه الي الخارج وقابل في طريقه مالك
= اي دا...انت رايح فين ي يوسف الوقتي
يوسف : مروح
مالك: في حاجة حصلت ولا اي
يوسف باستعجال : هكلمك بليل سلام الوقتي
*****
في القصر آل صياد
في غرفة سيلا
سيلا وهي تحتضن الوسادة وتجلس علي فراشها : طب انا أعمل اي أنا الوقتي....انا مستحيل اتجوز البني آدم دا....طب هعمل اي في جدو بس ي ربي....اوووف...لا وكمان بابا موافق....يعني انت جاية اشوف عيلتي ولا جاية ادبس في جوازة
سمعت صوت طرق خفيف علي الباب حيث اعتقدت انها نغم
= سيبني لوحدى الوقتي ي نغم
يوسف : انا مش نغم....انا يوسف ي سيلا
صدمت سيلا من هوية الطارق ولكنها اتجهت الي الباب بعصبية : نعم.... عايز اي... لسة في تريقة مقولتهاش الصبح
يوسف : ممةن تهدي كدا عشان نتكلم.... هستناكي في الجاردن تحت... ماتتأخريش
ثم نزل دون سماع ردها وانتظر قليلا ووجدها خلفه
سيلا بنفاذ صبر : عايز اي
يوسف بهدوء : عارف جدي كلمك في اي
سيلا : ولما انت عارف يعني واكيد عارف اني مش موافقة اي الي مسكتك بقي
يوسف بنفاذ صبر : اصل انا كمان مش موافق
سيلا بغرور : وانت طول اصلا
يوسف بتكبر : والله انتي الي ما تطوليش تقفي واقفة زي دي قدام يوسف الصياد
سيلا بقرف : ماتشرفش اصلا
يوسف بسخرية : لي بقي ان شاء الله... في حاجة غلط
سيلا : انت كلك علي بعضك كدا غلط
يوسف : بقولك اي.... جدي مصمم... وانتي مش عرفاه لما بيصمم علي حاجة مش بيغيرها.... وهو لازم يعمل العملية
سيلا : ايوة عايز اي يعني
يوسف : صدقيني انا مش موافق علي الجوازة دي و عارف انك مش موافقة بس ما فيش حل غير كدا
سيلا بترقب : حل اي
يوسف : نتجوز
سيلا بتهكم : دا لما تشوف افاك
يوسف : يعني هنسيب جدو
سيلا : اكيد لا
يوسف : بصي ي بنت الناس انتي بنت عمي ومهما كان مش طايقك بس في الاول والاخر بنت عمي ومش هرضي بضرر ليكي... احنا هنتجوز.... كتب كتاب وبس.... حتي مش هنعمل فرح.... ونضمن ان جدي عمل العملية وكل واخد يروح لحاله اي رأيك
سيلا بعد تفكير : بس كل واحد هيروح لحاله.... وكتب كتاب بس
يوسف : دا وعد مني
سيلا بقلة حيلة : مم.. موافقة
يوسف : طب يلا بقي نطلع نقوله ان احنا نعمل كتب كتاب وكدا
سيلا : اوووف.... يلا
************************************
الجد بسعادة : يعني انتم هتتجوزوا خلاص
يوسف : اه
سيلا : ايوة
الحد باستغراب : وبتقولها من غير نفس لي
يوسف بنفاذ صبر : لا بقي.... هو الجواز بالعافية وقولنا ماشي.... اما بقي هنحب بعض بالعافية كدا كتير
الجد : اسكت ي حيوان انت..... كتب الكتاب بعد 3 أيام
سيلا & يوسف : نععععععم
الجد بصرامة : دا آخر كلام عندي.... اطلعوا برا يلا
=======
خلص البارت
رأيكم
فوت & كومنت
البارت دا ي جماعة بمناسية حاجتين
اولا اني الحمد لله اخيرا درجات اولي ثانوي طلعت وانا الحمد لله نجحت وأصحابي كلهم نجحوا ودا شيئ بجد مفرحنا جدا وقد اي كانت اعصابنا تعبانه من النتيجة
ثانيا بقي
النهاردة عيد ميلاد واحدة غاالية جدااا علي قلبي وليها معزة خاصة بجد.... كل سنة وانتي طيبة ي رحمة العشري وعقبال سنين كتير في سعادة ي روحي ❤
#عشقها_إحتل_قلبي
#Shorouq💙