Title: "Ito Na Ba"
Written by: Marc and Rapha
Music by: Marc and Rapha
Copyrights @ Marc and Rapha 2019
Tila nauutal, nauurat kapag nariyan ka
Ni hindi makalapit kaya pag nagdidikit, abot langit ang kilig
'Di mapigilang mapanaginipan, mukha ng tangi kong pangarap
'Di mapigilang maluha, 'pagdarasal na akin ka na lang
Sasabihin ko na ba na gusto kita?
Gusto kong umamin pero paano ba?
Magtatanong-tanong na lang sa sarili kung paanong darating ang panahon na akin ka na
At sasabihin kong mahal kita
Sa una kong pag-ibig, ito na ba?
Sinabi ko noon hindi muna ako magpapadala sa bugso ng damdamin
Pero biglang nabuksan dahil sayo
Ang puso kong itong hindi umaamin na may pagtingin din ito
Lalabanan ko pa ba ang tanging hiling
Ng puso kong sabik ka nang makapiling?
Ikaw na ba ang gusto kong makasama habambuhay
Palagi kong kapiling sa hirap at saya
Sa'yo na nga ba ang hahawakan kong mga kamay
Sa una kong pag-ibig
Ito na ba...
Ito na ba...
Bumulong sa bituin, humikbi sa buwan
Iniisip ang ating kahihinatnan
Nangangarap ngunit nag-aalinlangan
Pag-ibig mo kaya'y makamtan?
Magtatanong-tanong na lang sa sarili kung ikaw na ba
Ang gusto kong kapiling sa hirap at saya
Sa'yo ko na nga ba sasabihin na mahal kita?
Sa una kong pag-ibig
Magtatanong na lang...
Ikaw na ba ang gusto kong makasama?
Magtatanong na lang...
Ikaw na ba ang gusto kong makasama?
Ikaw na ba?
Magtatanong-tanong na lang
Ikaw na ba?
Magtatanong-tanong na lang
Ito na ba?