ده الزول القلت ليك ليهو الفضل نكون مع بعض
بقينا انا ورنا مافاهمين حاااجه
قرب مني وسلم علي بي بشاشه
شوفي رنا البلد دي مشالله مليانه شباب ورجال وحريم وشفع
بس والله مابامنك ولا بثق في زول غير بكري ده
طبعآ ماكنت فاهم حاجه ورنا كانت مستغربه انو علاقتي قويه بي زوجها
قالت ليهو محمد انت بتعرف بكري شديد يعني
قاليها ده الزول الرشحك لي
وكان كلام محمد ده عباره عن قمبله
رنا قالت ليهو ماقصر وحقيقه خدمتي خدمت العمر انو اختار لي زوج بي روعتك
بقيت ماعارف اقول شنو
محمد قالي اقعد مالك واقف قلت ليهو ماشي والله جيت بس لطمئن علي استاز خالد
قالي علي الطلاق مابتطلع اشرب المويه
مشي يجيب ليهو بارد
اتلفتت علي رنا مشكور بكري رشحتني لي محمد كنت بتفتش زول يتزوجني كنت عاوز تتخلص مني
قلت ليها الموضوع ما كده الشباب في النادي جابو سيرتك بالشين قلت ليهم البلد دي لو فيها راجل يستر بت بلدو بدل تبقو زي الحريم تتكلمو في اعراض الناس قام محمد قال انا بتزوجه
بقيت ماعارف اقول شنو
بس في اللحظه ديك حسيت بي سعاده ماطبيعيه انو لسه في رجال
وربنا يشهد رنا ما اتمنيت حاجه في الدنيا دي غيرك
دخلت يدي في جيبي وطلعته لي خمسين جنيهرمطبقهرصغير
قالت لي ده شنو
قلت ليها بتزكري زمان اديتيني 50 جنيه اجيب بيها ليك حجات من الخرطوم
قالت لي مامتزكرقلت ليها لمن سافرته وجبت ليك المزكرات
اتخلعة معقوله دي نفس الخمسين زاته الانتي اديتيني ليها
خليها معاك انا كنت محتفظ بيها عشان اهديها ليك يوم عرسنا بس القسمه بقت اقوي مني ومن حبي لي
دخل ود الكاهلي وقعدنا
وصيتو علي رنا يخلي بالو منها قالي يابكري رنا نعمه ربنا اكرمني بيها ومشالله بعد خلصت القرايه ح اقدم ليها في مركز صحي في حلة فوق قالو لي بشغلوها
وكده حسيت انو ربنا عوض رنا صبرها بي رجل صالح
اتلفت علي رنا شوفي رنا عسي ان تكرهم شي وهو خير لكم
انتي ربنا بحبك انو اكرمك بي راجل متل محمد واتمني ليكم السعاده يارب
وربنا يكرمك بالزريه الصالحه
وكان ده اخر يوم اشوف رنا لانو بعديها رجعت الخرطوم
بس حقيقه مرات بتكوني متمني زول يكون من نصيبك بس القسمه توديك وتجيبك في الاخر مافي زول بياخد غير نصيبو
لكن والله ما متخيل نفسي مع زوله غير رنا
وانا في بيت خالي
قالي قالو عمك عثمان جاي بكره
عرس بتو الشهر الجاي
قلبي وقف قلت ليهو بت منو
قالي سهي عندو كم بنت عمك مسخ علي حياتي وقلت ياربي انا عملت شنو في حياتي
حب حياتي الوحيد قدمتها علي طبق من دهب لي صحبي
وكمان سهي الحبتني من اول نظره ضاعت بس انا ماكنت خاتيها غير اختي وعزبزه علي
حسيت بي حسره مضياع
المهم مشينا انا وخالي المطار
طبعآ انا ضابط جوي
دخلت لحدي اخر حته بيطلعو منها الركاب لابس البدله الرسميه
وكانت المفاجئه
عمي عثمان ماعرفني
وسهي كانترحتطير من الفرح لمن شافتني
حت عمي عثمان لاحظ
ومرت عمي عثمان كانت متقدره وشايفه نفسه
سلمت علي بي طرف ايده ومنزر الراجل الضو مشالله بقي راحل الشنب والدقن لمن ماقربته اعرفو
اها الشي الخلعني توته بت عمي عثمان دي الماكنت شفتها ولا بعرفه زاتو
تشبه الهام شاهين زمان البت عباره عن قمبله بس المشكله عارفه نفسه سمحه
حت ما انتبهت اني في
المهم مشينا بيت ناس خالي وامي سهي كانت مضايقه عاوزه تمشي بيت اخوها
في الطريق قلت لي سهي مبروك انشالله ربنا يتم ع خير
قالت لي شايفاك فرحان
بكري للدرجه دي انا مابعني ليك حاااجه
امي سهي يابت ماتمشي خلصينا مالك بتدبي
وصلنا بيت خالي
قابلت توته بت عمي عثمان جنب الباب انت بكري ود عمي احمد.قلت ليها اااي
قالت اي سهي حاكيه لي عنك كتير
اها اتزوجته رنا ولي لسع
طبعآ صدمتني
قلت ليها بت عمي لو اتزوجته ماكنتي سمعتي
وبعدين رنا ربنا يسعده متزوجه
حسيت انو الخبر ده عجبه بس ماعارف السبب
استازنت مني واتلفتت علي قالت لي ...
يتبع......