قالي بكري لو محتاج لي قروش اديك
قلت ليهو مابتقصر
مستوره والحمدلله
تمشي وتجي بالسلامه ياحبوب
اتلفت علي حضرت الصول ياطالب اتحرك بطل لكاعه ودلقنه
طبعا دي لهجه عسكريه
ود الخزين ضحك وقالي جاك الموت يارك الصلاه
ودعتو ورجعته المعسكر طاير من الفرح اخيرآ شبح عصمت انزاح
ورنا حتكون من نصيبي لو ربنا قدر
مرت الايام بي طي مبالغ فيهو
وبدينا التدريب علي الطيران
وكان اول سنه بدونا خلفيه عن كل المحركات والجديات الطيران
وكان المدرب روسي
بدا يتكلم بي انجليزيه جديده علي مسامع دفعتي بس انا لانو كنت بقري اداب لغة انجليزيه كتت مستوعب الحاصل
الروسي بالحيل اتكيف مني
واخر الدوره كتب توصيه
المهم اختاروني امشي قسم الطيران
وكان في دوره في مطاار الخرطوم
قالو لينا بكره بعد التمام تحضرو نفسكم في مكتب قائد الكتيبه
في طباور الصباح ندهو اسمي انا وخالد
اختبرنا قالو لينا انصراف امشو مكتب القائد
دخلنا المكتب حينا القائد كان العميد حسان
كان صارم بس اول مره اشوفو مبتسم
قالينا مبروك.بكري وخالد
لي اول مره الخبير الروسي يشيد بي طلاب
وهو الرشحكم لي الدوره دي
دي دوره بدوها الخريجين بس هو شايف فيكم انكم كباتن بالفطره
ضحكته جواي قلت ياربي من ايام بنقبض القمري انا وحيدر اكون بقيت كبتن طيار بالممارسه هههههههههههه
المهم ادانا ظرف استلمنا الظرف وقالينا تمشو السكنات والصباح الترحيل بجيكم الساعه 9
يوديكم المطار العسكري
في زي جديد حيصرفو ليكم
المهم كنت طاير من الفرح
اول شي اني ح اعمل دوره اول مره في تاريخ الكليه يدخله طالب
وتاني شي احتمال اقدر امشي البلد اشوف اهلي ورنا
بختصار تاني يوم ركبنا الطياره
نزلتنا في مطار الخرطوم
كان في حافله منتظرانا
ودونا السكن بتاع القياده في الشجره
وتاني يوم قابلنا القائد
قال لينا الدوره حتبدا يوم الاحد
انتو امشو وتحضرو نفسكم هنا يوم السبت
المهم طرت من الفرح
وجري مشيت بي ترحيل الكليه نزلني في شارع الشنقيطي
لابس البدله العسكريه
وانا في الشارع ماشي علي بيت ناس خالي
اسمع ليك صوت بت بتشاغل
طبعا كنت مخلوع
اتلفته بي صرامه نظام احترمي نفسك
وكانت سهي بت عمي
والله فرحته اني شفتها
طبعا بدون ما ابالغ ليكم سلمت عليها بدون اشعر بي لهفه عجيبه
وهي كانت مخلوعه بي التغير الحصل لي
طبعا التدريب شاق
بس بكون خريطه جسمك اتغيرت
سالتها من حاله
واخباره المسافه كلها للبيت كانت بتحكي لي عن شوقه لي
وهي ثمرت بس والله بقت حلوه زياده
المهم فجئه قالت لي عارف منو معانا في الجامعه
قلت ليها منو
قالت لي حبيبت قلبك
قلت ليها انتي لسه ما خليتي جنك ده
قالت لي يعني ماعارف رنا بتقري في الاهليه مختبرات
قلت ليها لا والله واعرف من وين
بيني وبينكم قلبي دقه
بقيت خايف يعني رنا دخلت الجامعه عادي ممكن تنساني
بس مستحيل تنساني
دي كانت حيتموت بي سببي
طردته كل الافكار الشريره
وصلنا بيت خالي سلمو علي وختو الغدا
قلت ليهو عاوز اخد لي نومه
بس قبل انوم سهي طيرت النوم من عيني بي موضوع رنا في الجامعه دي
الصباح قلت ليهم ح امشي البلد اسلم علي امس وابوي واجي
سهي قالت لي خلاص بكري وصلني الجامعه وامشي بي غادي
طبعا فرحته بس كنت مستغرب سهي ليه مصره امشي معاها الجامعه
سالتها من منزر قالت لي دخل علوم كمبيوتر في كمبيوتر مان
بس الايام دي في السعوديه مشي يجدد الاقامه
وصلنا الجامعه وكان الناس بعاينو لينا انا وسهي
استغربته احتمال فيني شي غلط
سئلت سهي ليه الناس دي بعاينو لينا كده
قالت لي بكونو مستغربين
قلت ليهو مستغربين من شنو ماكل الجامعه اتنين اتنين
قالتي لي بحكي ليك بس نقعد في حته عزماك احلي قهوه تشربه في حياتك
قعدنا تحت شجره
سهي جابت القهوه ولسه اي زول يجي ماري يعاين لينا
قلت ليها اكيد فيني حاجه غلط
الحمدلله قبل ما ارد عليهو جات صحبتي اسمه اسراء سلمت علي عاوزه اعرفه قالت لي اكيد ده بكري
طبعا اتخلعته يعني سهي حاكيه لي صحبته عني
ضحكت قالت ليها اكيد
قع اسرا قاله ليها لانو شلتنا قاعدين في النشاط قالو لي اسرعي اليوم صحبتك معاها واحد
اتاكدته انو حيكون بكري
اتلفتت علي عرفته ليه الناس مستغربه وبتعاين لينا
طبعا مابتكلم مع اي زول غير اسراء وهلو
حسيت بي سعاده ماطبيعيه
انو بت عمي مامديه اي ولد فرصه يضحك عليها
فحئه اشوف ليك رنا وقلبي وقف
ماعرفتها خلعني المنظر
وهي زاته اتخلعت
يتبع.......