قالي بكري انت عارف خوتنا ومستحيل يجي يوم اتعدي علي حاجه بتاعتك
شكلك نسيتني بكري
انا ياني عصمت البتعرفو
كلامو ده ريحني شديد وبدون ما اشعر حضنتو علي شديد وشكرنو انو اتفهم مشاعري
وقلت ليهو عصمت عارفك زول اغبش والشينه ما طبعك
اتوادعنا وركبته البص وانا مبسوط وحاسي نفسي مرتاح وماشايل اي هم
وصلت الخرطوم وتاني يوم مشيت المعاينه
اخر حاجه كان الفحص الطبي
منتظر النتيجه بتاعت الفحص تطلع
مشيت بيت خالي القي ليك منزر واقف بره
سلمت عليهو وراني انو بكره عاوزين يمشو يسجلو لي سهي في جامعه ام درمان الاهليه مختبرات طبيه
وح تسكن في داخليه قريبه من الجامعه
قلت ليهو والله كلام سمح
دخلنا انا ومنزر القي ليك سهي قدامي
اتلفته علي منزر انت ليه ماقلت لي سهي معاك
قالت لي قلنا وقت ما بتسال من اولاد عمك نبقي احسن منك
قلت ليها والله معاك حق انا متلوم معاكم
بس كنت جاري في المعاينات
قالت لي معاينات شنو
قلت ليها انا ما كلمتك اني ح ادخل الكليه الجويه
ضحكت قالت لي انت بتكلم الناس البهموك مابتكلمني
منزر قاليها جنك لوم
اسه عرفتي اها الحصل شنو
حبيت الطف الجو
نورتو بيت خالي وام درمان
سهي منزر ده زول بلد ساي
لكين انت شكلك بت خرطوم وكمان حتقري في الاهليه يعني الحنكشه والدلع ههههههه
قالت لي الحنكشه ما من طبعي
انت بنت عثمان الحسن
ضحكته وقلت ليها عفيت منك بت عمي
منزر مشي خلاها واقفه معاي
قالت لي بكري انا مشتاقه ليك عارفاك ثقيل وبايخ وماشغال بي كتير
بس ماعارفه انت عملت لي شنو
قلت ليها سهي طيب انا حابي اقوليك حاجه
اتمني تفهميني
انتي اي زول بتمناك
مشالله في كل مواصفات البت الكامله
قالت لي الكمال لله
قلت ليها حلوه
ومتعلمه
واهم شي بت عثمان الحسن
ضحكت قالت لي بكري والله فاهماك عاوز تقول شنو
اهون عليك خلاص بكري خلينا نكون اصحاب ولو احتجته ليك تقيف معاي وانا عيوني ليك
قلت ليها ما اتحرم منك سهي
عاينت لي بي نظره مبالغه
فيها حب وحزن وشوق وحنين وحجات كتيره
مشينا بي غادي
وتاني يوم من الصباح هي وخالي مشو الجامعه وانا طلعته مع ود خاللي نزلني في القياده
وقفونا صف
كلهم كانو صغار في العمر وفي الحجم
انا ومعاي كم واحد الكبار
دخلنا الفحص الطبي
قالو بعد ساعتين بسمع اسمو يمشي والمابسمع اسمو يقعد
بدا يزيعو في الناس
لمن فضلنا 15 واحد
قالو لينا مبروك تمه قبولكم في الكليه
تجو يوم الاحد الصباح تستلمو امر التحرك بتاعكم وتسافرو
الكلام ده يوم الاتنين العصر
طوالي من القياده لي الموقف
مالقيت حاجه اركبه اتزكرته انو ماوريت خالي
رجعته بيت خالي
وريتو
وعرفت انو سهي خلاص قبلوها
وسددو اارسوم
المهم كل همي ارجع البلد
تاني يوم منرالصباح علي الموقف
وركبته اول بص
وصلت البلل الساعه 2
لقيت في صيوان في شارع ناس رنا
قلبي وقف
قلت انشالله خير
بس الجنني صيوان فيهو كراسي يعني عرس
قلبي بقي يدق شديد
جري علي البيت
مالقيترفيهو زول
رميت شنطتي
ومرقته اشوف ااحاصل
قابلني ابوي
بكري كيفك سلمته عليهو وريتو انو قبلوني في الكليه
سالتو من امي
قالي مشت علي بيت الصفاح
ناس عمك خالد عقد بتهم اليوم
حيلي مات
ماقلت ليهو حااااجه
رجعته البيت ودموعي في خدي
كنت خايف ابوي يلاحظ
سالته نفسي كيف يعني رنا يتزوجه غيري
وكيف يعني يتزوجوها في اقل من كم يوم
بقيت الف في حوش الديوان زي تور الساقيه
لمن سمعته صوت امي
جري عليها
باركت لي انو قبلوني في الكليه
قلت ليها امي منو العاوز يعرس
قالت عصمت ود حسن
الجنا الجا منرقطر ده
قلت ليها حريعرس منو
قالن لي ياولد هو ماعرس صفاح العرس لمن البت بخلص قرايه
يعني بعد تلاتا شهور
قالو يعقدو ليهم ولمن البت تخلص يرسلوها ليهو
قلت ليها امي البت هي منو
قالت لي ......
يتبع.......