#مسارات_حياتنا_ستتغير
الحلقة 31
ملاك : ماعديتش في شيل دبش نوسه معندش نيه في عرس كله بعد المشكلة اللي صارت اليوم الفرح في القاعة ليلة مشتركة عدت اميرة مع نوسه وانا قعدت مع منيرة ومريم وبنات علي الحوسه طبعا جت كوفيرة في الحوش درنا عندها ولبسنا انا لبست فستان سموي هادي طويل وفيه فتحه لعند الركبه كملنا لبس وطلعنا للقاعة قعدنا نستقبلوا في الناس وماعزيم طبعا اهل اسيل وطارق قاعدين مشترك الفرح كانت الاجواء تهبل كنا حايسين قالوا العرايس جن طلعت انا وغادة لقينا اسوله اللي جت ....سووولي ياعروس
اسيل : لوكه ودودي ....قعدت نسلم عليهن
غادة : وين الحلاوة هذي كلها
ملاك : ماشاء الله عليك طالعه
اسيل : عقبالك حبي انتي ودودي
غادة : يارب
اسيل : مازال نوسه ماجتش
ملاك : في طريق قالوا
اسيل : بنقعمز نتريح
غادة : حطلها امخاذ علي الصالون
ملاك : قعدنا شويه ووصلت نوسه خشت سلمت علي اسوله وقعدن يهدارزن وشويه وقالولهن خشن وفعلا خشن علي الاسماء الحسني وقعدن يصورن وجو سمح كان لعند فجاة قالو لنوسه تنزل العرسان جوا خشت نوسه في الدار وقعدت اسوله ونستنوا طارق يخش بس المفاجاة كانت يخش حسام ...طاااح سعدكم حسااام خش
منيرة : عدي لحقي عليك جو معفن توا نعدي لنوسه نطلعها
ملاك : خذت العباية حطيتها عليا بسرعة وعديت نجري شورهم لحقت علي حسام قبل مايندعب ....هااااي اسيل اللي علي المسرح رد
حسام : تي نعنجد وجهك يا ريماس مش قلتلي خش
ريماس" اخته " : نحسابها ايناس
ملاك : سلم علي امك علي ماخشت اسيل ....برمة ماشيه علي المسرح بدلن اسوله ونوسه المطارح اشرتلهم منيرة وخش ركب للمسرح
~~~~~~~~~~~~~~~~~
ايناس : علي اساس ان طارق بيخش الاول خشيت انا لدار واسيل قعدت برا شويه وتخش عليا منيرة تجري قالتلي حسام اللي خش رقتلي بكككل طلعت بدلت مع اسيل وقفت علي المسرح لقيته يسلم علي امه وخواته قلت احسن بين اللي ماخش عليك فضيحة شويه وركبلي
حسام : عليك طاجين معفن دارته اختي لخبطه شينه وبين اللي لحقت عليا ملاك فعلا قعد نسلم لعند طلعت نوسه عديت شور المسرح ركبت وجيت شورها ورفعت الطرحه وبوستها علي جبينها ....مبرووك حبيبتي
ايناس : يبارك فيك يارب
حسام : عليك فيلم صار
ايناس : ليش غيرتوا مش قبل طارق بيخش
حسام : الفرخه ريماس قالت ايناس اللي علي المسرح خش انت فوتي شن السماحه هذي
ايناس : عيونك السمحه
حسام : حي ع امك متحشمه قصدك هههه
ايناس : هههه ﻻ جعانه بس
حسام : كنك ماكليتي
ايناس : مالحقتش
حسام : نحن مش مطولين شويه ونطلعوا وتوا نتعشوا في شقتنا نحبك ياسموحتي
ايناس : وانا نحبك
المصوراتيه : هيا نصوركم
حسام : تم
ايناس : صورنا كم لقطه سمحه وكان جو سمح الفرقة دايره جوها وغيرنا الدبل وحسام قال هيا
حسام : ساعدتها في الفيلوا وطلعنا في الاستقبال وبدات تبكي ....نوسه خلاص ليش هضا كله
مريم : بطلي اهبل خربتي مكياجك
مني : حسومه ياامي رد بالك منها ووسع بالك معاها الله يربحك نوسه دلوعه
حسام : حاضر وﻻ يهمك ياعمتي
ايناس : حضنت ماما وقعدت نبكي ....سامحيني ياماما تعبتك
منيرة : حي علي الخيابه ....فكيتهن من بعضهن
فاطمة : شن هالفال كان تبي امك فكي يدك من حسام وخشي ياحنه هالنوبجه
حسام : ضحكتني عمتي فاطمة قعدت نضحك ....ههههه
مريم : كانت لقطه فستري حسام يضحك ونوسه مفنصه مفجوعه ....وين البرنوس بتاعها
اميرة : في دار قلت لملاك تجيبه
ريماس : هيا عشان يخش طارق
حسام : هيا هي
ملاك : عديت نجري جبت البرنوس من الدار وجيت رفعت يدي حطيته عليها وجيت بنربط فجاة دفتني بقوتها
ايناس : حولي من جنبي انتي
ملاك : نصدمت قعدت نبحث فيها بعدها برمة وسيبتها خشيت
حسام : الموقف صدمني او بالاصح صدم حتي اهلها
ايناس : اربطيه يامريم
مريم : تعرفي والله الخير حرام فيه اربطي بروحك تمام امشن وسيبنها
اميرة : بس
مريم : اميرررة امشي
ايناس : خزززي حسام اربطه ليا
حسام : رقتلي بكل سحبته كويس عليه وربطته ....هياااا اطلعي عطلتينااا امشي قدامي
ايناس : صوت حسام عالي واضح عصب طلعت معه ركبنا في سيارة وعدينا
~~~~~~~~~~~~~~~~~~~
طارق : بعد طلع حسام خشيت صادفت امي واختي سلمت عليهن في الاستقبال وجيت بنخش
المصوراتيه : بعد تخش بشويه امشي عشان نقدر نصور
طارق : ان شاء الله ....نفتح الباب وخشيت انا خشيت وولعت اغنية شوفوا حبيبي ياناس قعدت نضحك عشان قلت لاسيل لو تولعيها نوريك نرد ورايه قالتلي ماتقدرش قلت والله نخوفها برمة علي وراي ومشيت خطوتين ورديت برمت ضحكت كلهم منصدمين مش فاهمين شي خشيت طول شور المسرح ركبت ورفعت الطرحه لقيتها تضحك
اسيل : ههههه فجعتني ياااسامط
طارق : ههههههه نحبك ياشينه ...بوستها علي خذها
اسيل : حسيت وجهي سخن بكل
طارق : ههههه ياطماطم قعمزي
اسيل : هههههه ....قعمزت
طارق : وين وين طالع قمر حبيب القلب
اسيل : من ذوقك وانت وين وين اللحية مش قلتلك خليها
طارق : والله ياسوله مانحبها كنت دايرها طالق الشيانه
اسيل : طبست عليه ونوشوشله ....انا نحبهااا راهو
طارق : هيا توشوشلي بحتث فيها وجهي في وجهه وقلتلها ....انا نحبك انتي وبس...غمزتلها بعيني
اسيل : قعدت نضحك ....ههههه نعليااا م الرومانسي
طارق : ماشفتي شي ههه
المصوارتيه : هيا نصوركم
اسيل : هيا
طارق : قعدنا نصورو مافش حركة قلت عليها ﻻ هههه االلي تبيها اسوله صورتها ...مش ساد نعنجد وجهك شويه ونقلبها دار نووم
اسيل : ههههههه خلاص هاا
المصوراتيه : غيرو الدبل هيا
طارق : غيرنا الدبل وقلتلها هيا طلعنا شور الاستقبال قعدت تسلم
غادة : اسوله مبروك ياعمري ربي يهنيك
اسيل : يبارك فيك عقبالك وين لوكه كلميها بسرعة
غادة : باهي ...عديت نكلم فيها
طارق : هيا تاخرنا
اسيل : نشوف ملوكه
طارق : صح وينها غريبه ماشفتها
اسيل : توا تجي ....قعدنا طشه وجت ملوكه
ملاك : مبروك ياغلاتي ربي يهنيك
اسيل : حضنتها ....يبارك فيك عقبال مانزفك لوسيم
ملاك : فضح بيك
طارق : اعتبريني اطرش ياحنه وسلمي علي وسيم ههههه
ملاك : ههههه يوصل رد بالك علي سولي
طارق : حاضر
ملاك : خلاص توكلوا ....نزلتلها برنوس
طارق : مسكتها من يدها وطلعنا من القاعة ركبنا في السيارة وعدينا شور الفنذق
~~~~~~~~~~~~~~~~~~
ملاك : ماحكيتش شي علي موقف ايناس وفتتهم كلهم وقعمزت بروحي لعند جت غادة كلمتني علي اسيل طلعت ماشيت الجو وخشيت بعدها طلعت غادة بتروح جايهم هيما خذيت عبايتي وطلعت معاها
مني : وين ماشيه
ملاك : معدلتش
مني : نحكي يافرخه هاااي
فاطمة : مني بلاش فضايح خليها
ملاك : هيا غادة
غادة : هيا
ملاك : طلعت انا وياها ركبنا في سيارة وطلعنا
اماني : كنك روحتي معانا وسيبتي اهلك
غادة : شي
اماني : تعركتي مع اهلك
غادة : خليك في حالك انتي
هيما : اماني غادة اسكتن ....استغربت مرواحت ملاك معانا وسؤال اماني عرف ان في حاجة
وفاء : ملوكه ياامي ماتزعلش روحك
اماني : شفتوا في حاجة
هيما : خليك في حالك انتي ومانبش نسمع حرف واحد
غادة : لوكه فووتي خلاص
وفاء : ربي يسعدها ويهنيها ورد بالك تشيلي منها
ملاك : معش تحملت قعدت نبكي
غادة : عليك قصة لوكه اسكتي
وفاء : خليها عشان تتريح
هيما : رن وسيم عليا فتحت ....ايوا
وسيم : قلتلك روحت بااهلك او نمر عليهم
هيما : اها روحنا في طريق
وفاء : خلاص ياملوكه اسكتي يابنيتي
وسيم : كيف امي مع من تحكي قصدي ملاك معاكم او شن
هيما : اها مروحه ومعانا
وسيم : كنها هيا
هيما : ماكنها شي مروحه معانا اوكي توا ،،،طوووط ...عليك قصة ياامي ماحكيتي الا بعد فتحت علي وسيم
غادة : حي يرن عليا
هيما : فوتيه خلاص ملاك اسكتي اهو رد يرن
غادة : ملاك خلاص اسكتي
اماني : رن عليا فتحت ......الو وسيم
وسيم : كنها ملاك
اماني : مش عارفه تبكي شكلها متعاركه مع اهلها
هيما : برمة عليها وسحبت النقال منها وصكرته ....نعنجد وجك عليش تردي ماهو عارفتنا مانبوش نقولوله انتي كنك بيش تفهمي بس
وفاء : ابراهيم خلاص
هيما : حرقت السيارة وعديت
غادة : سكن هضا يرن
هيما : فوتيه ...بحتث في المرايه كانت ملاك ساكته وتبحث من الروشن ....ملاك كويسه انتي
ملاك : هزيت راسي .....اهااا معلش نتعبك تحطني في حوش بوعطني
هيما : مافش حد غادي كيف نحطك بروحك
وفاء : روحي معانا لحوشنا
ملاك : عادي توا يروح مروان بعدين
هيما : ﻻﻻ مستحيل روحي لحوشنا وبعدين لو روح مروان نشيلك حاضر
ملاك : تمام ....قعدت ساكته لعند روحنا لقينا وسيم قدام الباب
هيما : عليك قصة خويه هضا خلاص عقل بح
وفاء : وسع بالك بس مشغول مسكين
هيما : خشيت جنب حوش اهلي وقفت
وسيم : قعدت علي نار لعند جوو طول وقف جيت للسيارة شفت ملاك جيت جهتها وفتحت الباب ....كنك ليش تبكي من اللي جاء شورك
اماني : هيا واهلها مافهمنا شي
هيما : شن رايك انتي تعدي قدامي للحوش احسن هيااا
اماني : برمة وعديت
ملاك : شي ...طلعت من السيارة
وسيم : كيف شي مكسدة قلتي نبكي هك بروحك
ملاك : اهاااا مكسدة قلت نبكي شن تبي توا
وسيم : تي كنك تحكي معايا هك انتي هااااي
هيما : وسيييم هييبييي وخر صبيت قدامه
وسيم : تي حوول بنفهم كنها من جاء شورها بس
غادة : بطل اعياط توا يطلع بابا
وسيم : حوول ياهيما بنعرف كنهاا
وفاء : وسيم تحشم خلاص هضا اللي ناقص البنت بينها هيا واهلها انت متدخلش وكلام صبايا هضا
وسيم : مش شووري توا تقولي من اللي زعلها ومن جاء شورها
ملاك : مااحد جاء شوري انا اللي كلبه بلااا كرامه جايه نجري نبي نغطيها تعدي ادفني قدام الناس وتقولي حوولي غادي تحرجني وتكسر خاطري نستاهل انا اللي ندحنس هيا ماجتش شوري وﻻ دورتني انا جيتها لعندها هضا كله عشاان فلوووس خزززي ماتوقعتش منها ادير هك كان نحسابها راهو عزقتهن علي فسختهااا...قعدت نبكي
وسيم : من هذي
غادة : خلاص وسيم اسكت البنت بروحها مضايقه
وسيم : من باهي انتي احكي
غادة : ايناس اختها
وسيم : طبست عليها ....عليش تبكي فوووتيها بكل وبعدين هيا حرة معش ادوريها هالفرخه
هيما : وسيم اختها احكي كويس
وسيم : ﻻ اختها ﻻ بلا واصلا انا معش حنسيبها عندهم تم
وفاء : شن كلام هضا يافرخ هضوما اهلها ولو شن صار بعدين ديما بين الخوات يصير الشي هضا شوفوا ارواحكم
ملاك : حسيت جيتي غلط هنا عشان وسيم بيدير قصة ....انا بنعدي ....صبيت
وسيم : قعمزي هنا مفش ماشي
ملاك : فيش تحكي انت
وسيم : خلاص اهلك معش تمشيلهم هنا اقعدي
ملاك : نحسابه معصب بس ....باهي بس حول من قدامي
هيما : اول مابحتث في وسيم عرفته يحكي جد قلت تعجنت في عقلي ....سيبها تروح حول
وسيم : مانبش مش مسيبها وانا معش نبيها تعديلهم ديما وهما كسرين خاطرها
وفاء : حول خلي البنت تعدي لاهلها انت مش احن منهم عليها
ملاك : وسيم حول عشان خاطري ماديرش مشكله
وسيم : برمة عليها ....انتي بتعدي صح
ملاك : اها عشان خاطرك انا مانبش تصير مشكلة بينكم انتم واهلي
هيما : خليها كلامها صح
وسيم : تم ....حولت من قدامها .....مش بتمشي عدي بس انا فوتيني تم
هيما : انا نصدمت من كلمة وسيم قعدت متنح
ملاك : ماعرفتش شن نقول او نحكي الف شعور جوا قلبي طلعت من قدامه ومشيت بس مش شور الحوش شور الباب الرئيسي طلعت برا ننقنا ضاقت بياا
هيما : غبي ...لحقتها نجري
ملاك : طلعت وقعمزت علي الماده فجاة سيارة تجري يطلع قدامها كلب مسك فرينواته لعند صوت العجل قلب الدنيا انا عيطت وصكرت وذاني
وسيم : سمعت صوت العجل وعيطت ملاك نجنيت قلت السيارة خبطتها طلعت نجري لقيت هيما مطبس عليها
هيما : ملاك اهدي خلاص تعالي نشيلك لحوش هيا
وسيم : جيتها ....كنهااا شن صارلهااا ...طبست عليها ...ملاك شن صارلك
هيما : مش شورها كلب طلع قدام سيارة علي طريق نفجعت
وسيم : صبي تعالي جوا
ملاك : فووتني حووول
وسيم : صبي طريق رئيسي مقعمزه بعبايتك هنا
ملاك : فووووتني مش شورك
وسبم : الناس تبحث فيك
ملاك : مش شوووورك فووتني
وسيم : بجووووك ....جيت بنخش وقفت علي كلمتها
ملاك : لو كنت مطرح الكلب شن كنت درت تريحت صح
وسيم : برمة عليها
هيما : فنصت فيه
وسيم : صبي عدي مع هيما لحوشكم
ملاك : صبيت سيبته وخشيت
هيما : نرد نعاودها انت غبي ....عديت وراها
ملاك : عديت انا وهيما للحوش علي كرعينا ماحد فينا تكلم حرف وصلنا مع خشت اهلي من الباب الرئيسي
هيما : اهما جوا تبي شي
ملاك : شكرا ....خشيت للحوش وطول شور داري صكرتها وعزقت روحي علي السرير ليش كلهم هك يعني انا نكسرت في اكثر انسان يحمي فيا حتي من كسرت الخاطر مراد راح ومعش عندي حد حتي وسيم زيهم فوتيني صار وامي واقفه مع بنتها تمام بكل ...طلعت من الدار لدار التانية لقيت دواء ضغط امي خذيته وجيت لدار خشيت وصكرتها وبدون تفكير طلعت الحبوب من الشريط وخذيت منه 4 حبات كليتهن وشربت امياه فرغت باقي شريط في يدي ودق باب داري ....روووحووو
احمد : ملاك هضا انا افتحي
ملاك : سيبوني في حالي معش نبي نحكي مع حد وﻻ نبي نشوف حد تريحوااا انا بنعدي لمرااااد معش نبيكم خلوووني في حاااالي
مريم : ملوكه سلم خيتي افتحي هيااا
شيماء : لووكه افتحي
ملاك : انهرت نبكي ....عزقت الدواء من يدي ...قولوللهن تريحن انا معش حيشوفني روووحوا
امجد : ملااااااك افتحي الباب هيااا راهو نكسره هيا
ندي : الله يربحك افتحي ملوكه
ملاك : خلوووني في حااالي فوووتوووني كلكم كلكم
الحاج : ملاك ياباتي هيا افتحي انا ناخذلك حقك هيا
مروان : ملاك افتحي الباب راهو نكسرو
ملاك : انااا بنعدي لمرراااد تريحوا ....حسيت راسي يبرم جيت رقدت علي السرير معش فطنت لشي
~~~~~~~~~~~~~~~~
احمد : ملاااك ملااااك وينك
مروان : تي وخروو بس نعتلووا الباب
مني : يانعليااا مالهش حس
مريم : كله بسببك انتي وبنتك هذك والله تصير حاجة لملاك نهااارها اسود
امجد : اسكتوا بس هيا مروان نعتلوه وخرووو هيااا
احمد : وخرن الفروووخ
ندي : سحبت العيال انا ومنيرة
احمد : ونخبطوا الباب انا وامجد ومروان نعتل خشينا نجروو جوا ونلقووا ملاك طايحه علي السرير
مريم : لحقتهم لقيت جنبها احبوب الضغط بتاع امي ...ووااااووو خذت احبوب يااانعليااا
احمد : طول طبست عليها ....ملاااك ملااااك ردي عليااا
امجد : ملاااااك ملاااك
منيرة : جيت نجري حطيت يدي علي رقبتها نشوف في نبض ....ضعيف ضعيف نبض اسعفوها واخذه احبوووب هياااا
مروان : طبست بسرعة رفعتهااا وطلعت بيها نجري
احمد : لحقته نجري
الحاج : بسرعة بسرررعة بسرعة
مريم : خلاص قعدت نعيط بطووول حسي.... ووااااك يااااملاااك ووووااااو
ندي : مريم ماتفاولش عليها
فاطمة : يااانعلياااا يااابنيتي ووواااو
مني : نصدمت طحت علي ركبيه
شيماء : اعميمه كنك صبي ...منيرررة
احمد : طلعنا نجروو برااا
صهيب : كنهااا ملااك
مروان : افتح البااااب
محمد : شن في كنكم
مريم : طلعت نجري ...بنعدي معكم يااحمد
محمد : اسكتي كنها بس .
احمد : حطينه ملاك وجيت بنركب جاء وسيم وهيما وغادة يجرو
وسيم : كنكم ...شفت ملاك في سيارة ...كنهاا ملاااك
احمد : داخت بنسعفوها ...ركبت بسرعة وعدينا
وسيم : لقيت صهيب بيعدي ركبت انا وهيما معه وعدينا نجرو وراهم
احمد : قعدت نسوق بسرعة ومولع الفريتشات الاربعه ونجري ....شن يامروان
مروان : اجري يااحمد اطلع في رغاوي من فمهااا بسررعه
احمد : ونزيد السرعه كان موقف واااعر شعور شين بكل انك بتخسر انسان يخصك انسان تنكسر لو خسرته ساد خسارة مراد
امجد : وصلنا وصلنا هيااا ...قبل ماتوقف السيارة فتحت الباب وقف احمد طول نزلت فتحت الباب وجيت نجري فتحت باب مروان وخذيت ملاك وعديت نجري بيها جوا
احمد : لحقته نجري انا ومروان ....اسعاااف اسعاف
الممرض : كنكم شن في
امجد : خذت احبوب ضغط كمية مش عارف العدد
احمد : بسرعة اسعفوها
الممرضة : سحبت البريله ...حطوها بسرعة ﻻزم غسيل معدة
امجد : حطيتها وشالوها يجرو بيها للاسعاف جوا
وسيم : خشينا نجرو جواا لقيتهم جنب الاسعاف ....شن صار كنها ملاك
احمد : يستر الله
مروان : تي والله لو تصيرلها حاجة نهارها اسود الكلبه هذك نوريها الطروح شن اللي دارتهن معاها
هيما : شن صار يااحمد
احمد : خذت احبوب ضغط
وسيم : ششن احبوب كيف وين لقتهن وليش بالغلط قصدك
امجد : احبوب امي خذت مش بالغلط
صهيب : معقوله يعني ملااك مش هك ادير انا منصدم الحق
هيما : شن قالولكم باهي
احمد : غسيل معدة قالوا
هيما : ان شاء الله خير
كلهم : ان شاء الله
احمد : قعدنا نستنوا رن الحاج ....الو ياحاج
الحاج : شن صار في اختك
احمد : دخلوها ياحاج قالوا غسيل معدة
الحاج : وين انتم انا طالع مع محمد ومعتز وينكم
احمد : مستشفي 1200 ياحاج قاعدين
الحاج : رد بالك يااحمد نحن جايين
احمد : تم ،،،،طوووط ....قعدت علي اعصابي
هيما : كان واضح كلهم علي اعصابهم جيت جنب احمد ....ماتعرفوش كم حبة خذت
احمد : ﻻ وانا مستغرب ملاك توصل معاها للانتحار نحن وين كنا بس
هيما : انا روحت بيها كانت زعلانه وبكت وااجد الحق
احمد : يستر الله وخلاص غير تطلع منها بس
هيما : ان شاء الله
وسيم : نصدمت ملاك قويه مش لدرجة تنتحر تاخذ حبوب عشان اللي صار قعدت نفكر في كل شي صار وقلبي نار عليها يااارب احفظها واحميها لياا
امجد : رن نقالي منيرة ....الو
منيرة : شن صار امجد
امجد : دخلوها اسعاف قالوا بيديرولها غسيل معدة
منيرة : تمام حيلحقوه عليها ماتنشغلوش
امجد : متاكده انتي
منيرة : اها هيا واخذه بس 4 حبات راهو مش شريط نحن جمعنا الحبوب وتاكدنا ان ناقص شريط 4 بس حيغسلولها معدتها وخلاص تقعد يوم في مستشفي وتطلع كلمت دكتور اكدلي كلام
امجد : ان شاء الله احميدة منيرة قالتلك واخذة بس 4 حبات حيديرولها غسيل وتقعد يوم وتطلع
احمد : اكيد
امجد : اها قالها دكتور لها
احمد : اهم طلعووا
وسيم : عديت نجري ...شن يادكتور
مروان : شن حالتها
الدكتور : الحمدلله علي سلامتها درنالها غسيل معدة وحنطلعوها في غرفة بس حتقعد لعند بكرا نراقبوا وضعها
وسيم : يعني مافش خطر عليها
احمد : مضاعفات من الحبوب
الدكتور : ﻻﻻ الحمدلله مفش اي تاثير بس نراقبوها كاجراء وقائي
امجد : الحمدلله
الدكتور : الحمدلله علي سلامتها
احمد : الله يسلمك
هيما : الحمدلله علي سلامتها
احمد : الله يسلمك
مروان : توا انا بنعدي للكلبه هذك
احمد : تي تعال هنا وين ماشي تتخبط اختك مع راجلها هفت روحك
امجد : ريح روحك مش ناقصين فضايح نحن
هيما : مروان الموضوع ماينحلش هك اختك عرسها ومش وقت الشي هضا والحمدلله ملاك مافيها شي كل شي بوقته ينحل
احمد : الله يربحك ريحنا مش ناقصنا مشاكل وﻻ فضايح ساد المصيبه اللي نحن فيها تمام ريحنا
مروان : تم تم
امجد : اهو الحاج جاء
الحاج : شن صار في اختكم
احمد : تريح ياحاج ماتنشغلش كويسه شويه ويطلعوها دارولها غسيل معدة
الحاج : اها باهي شن بيطلعوها
امجد : ﻻﻻ بيخلوها وبكرا تطلع مراقبه بس
محمد : باهي الحمدلله شن طلعوها للغرفة
احمد : شويه اخرة قالوا
محمد : شن ياعمي خش قيس الضغط بعد نحن في المستشفي
الحاج : ﻻﻻ مافيا شي
احمد : ﻻﻻ منظرك مش عاجبني توا نكلم حد يقسه لكي
هيما : خليك توا انا نكلم حد
احمد : صحيت .....قعدنا لعند قالونا طلعوها وشالوها للغرفة طول ركبنا لقيناها راقدة خشينا شفناها وطمنا عليها وطلعنا برا
الحاج : عدي واحد منكم يجيب امه فاطمه تقعد عندها
مروان : انا توا نعدي نجيبها توا
احمد : خلاص ياحاج روح مع محمد ومروان وشباب انت ضغط مرتفع تريح
الحاج : هيا هي كان صارت حاجة كلموني
احمد : اطمن كويسه ونحن قاعدين هيا توكل بس
الحاج : هيا ياشباب
احمد : طلعوا كلهم قعدت انا وامجد ووسيم وهيما قعدنا برا نستنوا
~~~~~~~~~~~~~~~~~
بعد مرور يومين
ملاك : طلعت من مستشفي علي حوش امي فاطمة كلهم عتبوني ليش هك درت بس مارديتش اصلا كنت مقتنعه بالشي هضا عشان مليت من الحياة ماتواصلت مع حد ومابيتش نحكي ﻻ مع امي مني ﻻ مع ايناس وامي مني قاعدة معاها اميرة اسيل سافرة هيا وطارق وايناس امس سافرة هيا وحسام وخوتي هزبوها والحاج مسح بيهن الارض هيا وامي بس انا ماحكيتش حرف مع حد وﻻ علي المشكلة كنت طالعه من الدار لقيت مروان طالع من داره كانت اول مرة نحكي مع حد في الحوش........مروان
مروان : يومين لها ماتكلمت مع حد بكل بعد كلمتني طول برمة عليها .....كنك تبي شي
ملاك : نبي سيارتي بنعدي للجامعة وينها
مروان : في المزراعة سيبناها توا بعدين نجيبها في سيارتي التانية قاعدة اهو مفتاحها معلق عدي بيها تمام
ملاك : تمام صحيت ...برمة بنخش
مروان : ملوكه
ملاك : رديت بحتث فيه ....نعم
مروان : ردي بالك من روحك باهي
ملاك : ماتشغل بالك تم ....خشيت الدار طلعت لبسه من شنطتي وغيرت وخذيت نظارات اميرة وطلعت خذيت مفتاح سيارة مروان وطلعت لقيت امي فاطمة والحاج برا .....صباح الخير
فاطمة : ياااصباح النور ياصباح الورد تعالي حبيبتي افطري
ملاك : صحة بنعدي للجامعه
الحاج : صحتك شن اليوم
ملاك : الحمدلله كويسه
فاطمة : النتيجة اليوم
ملاك : اها ادعيلي ياامي نصفي ونتريح هالسمستر
فاطمة : ربي ينجحك
ملاك : يارب وانت ياحاج ادعيلي
الحاج : ربي معك ياباتي ويوفقك
ملاك : امين هيا انا ماشيه وبنمر علي مريم نشوفها
فاطمه : باهي خودي نقالك في داري عشان ماتشغلينا سلم بنتي
ملاك : ماحبيتش نردها رديت خذيته وطلعت عديت ركبت السيارة وولعت وطلعت ولعت النقال وطلعت من طريق الرئيسي لقيته طابور استيقاف قعدت نستنا ولعت نقال قعدن الرسائل يجني شي رسائل وشي مكالمات فائته حطيته وقعد ساكن يوصلن الرسائل مدورتش كل شويه نقدموا لعند وصلت لشباب قدام صاعقه ديرين الاستيقاف تفتيش لقيت معاهم وسيم عليك قصة وصلت للشاب نزلت الروشن ....السلام عليكم
الشاب : وعليكم السلام اوراق سيارة يااختي
ملاك : لحظة ....خذيت الاوراق مديتهن له قعد نقال يرن مابحتش لعند فصل بعدها رن اخرة طبست بنشوف من لقيته وسيم
وسيم : تفضلي
ملاك : رفعت راسي بسرعة لقيته وسيم ....خذيت الاوراق بدون مانحكي حرف
وسيم : كيف حال صحتك توا
ملاك : الحمدلله نقدر نعدي معلش
وسيم : وين ماشيه
ملاك : مش شورك ....رفعت الروشن وفاته عديت بسيارة للجامعة وقفت درست مع تدريست غادة وحمادي نزلت جيتهم ....صباح الخير
غادة : لوووكه صباح الورد
حمادي : صباح الخير الحمدلله علي السلامه يالوكه
ملاك : الله يسلمك شن جوك وجو المدام
حمادي : حال عدوك طحنات وجو مانحكيلك هههه
ملاك : ﻻ مش عدوي هضا حالي وانت الصادق
حمادي : هههه يستر الله هيا تبن شي
ملاك : صحيت ....عدا حمادي خشيت انا وغادة شفنا الواد بتاعنا وبتاع اسيل طلعن التصفيات تمام شويه رن نقال غادة
غادة : لحظة لوكه ....عديت بعيد عنها
ملاك : قعمزت بروحي شويه جاني زين
زين : اووو ملوكه كيف حالك
ملاك : اهلين والله تمام انت كيف حالك وحال اهلك
زين : كويسين والله
ملاك : باهي الحمدلله شن صار في تصفياتك
زين : كلهن تمام ماعدا مادة اسقطتها وانتي شن صار معاك
ملاك : اها باهي مبروك انا صفيتهن كلهن تمام ومعدلي زاد الحمدلله
زين : الف الف مبروك تستاهلي انتي كل خير
ملاك : تسلملي يارب
زين : هيا اوكي توا نتلقوا ان شاء الله
ملاك : تم ....عدا زين شويه وجت غادة قعمزنا نحكوا جهة الباركي مقابله سيارات شويه ووقفت سيارة جيش بحتث في غادة
غادة : والله سكن بيعرف وين قاعدات
ملاك : تمام ....شويه ونزل وسيم قديش مرايفه عليه كان يهبل بااللبسه العسكريه طول نزل جاء شورنا
وسيم : صباح الخير
ملاك ،غادة : صباح النور
وسيم : تقدري تهوينا يادودي
غادة : عليك سماطه فيك ياخويه
وسيم : بنحكي مع ملاك شويه
غادة : بحتث في ملاك
ملاك : تمام ...عدت غادة جاء قعمز جنبي
وسيم : كيف حال صحتك قبل كل شي
ملاك : الحمدلله
وسيم : باهي شن ياملاك ليش هك درتي
ملاك : وسيم فكني من موضوع راهو يضايق فيا
وسيم : خوفتيني عليك وخوفتي اهلك
ملاك : مس موضوع 3 ايام رز ولحم وانتهت القصة
وسيم : توا كان انا متت هك عندك 3 ايام رز ولحم وفضت القصة
ملاك : بعيد السووو عليك
وسيم : انا نحبك ياهبله
ملاك : امباهي
وسبم : كيف امباهي هذي
ملاك : ماعندش نية نحكي وﻻ شي وسيم اعصابي تالفه راهو
وسيم : تمام خليني نعدي معناها تبي شي
ملاك : عرفته زعل ...اها نبي قعمز
وسيم : شن تبي
ملاك : بحتث في عيونه ....قعمز
وسيم : قعمزت .... شن تبي
ملاك : مديتله ورقة نتائج التصفيات ....شوف تصفياتي
وسيم : بحتث لقيتهن ماشاء الله كلهن ممتاز .......ماشاء الله الف مبروك
ملاك : يبارك فيك
وسيم : اليومين هذينا تجيك هديتك ياسمحه
ملاك : نبي سلامتك بس
وسيم : انتي ياريت كل الناس زيك
ملاك : زعما
وسيم : مش زعما اكيد كلام هضا
ملاك : هههه
وسيم : نجك ليااا وافتحي نقالك نبيك
ملاك : ولعته
وسيم : رن نقالي لقيته يوسف ...انا بنعدي العقيد جاء خلاص لوكتي ديري بالك من روحك
ملاك : حتي انت
وسيم : هيا سلام
ملاك : سلام ....عدا وسيم جت غادة شويه كسدنا وروحنا بعد يومين جاء احميدة قال وسيم بيدير بيان ودفع بسيط استغربت رنيت عليه رد ....الو
وسيم : نبيك خطيبتي رسمي عارف فرح قريب بكل بس انا نبي الجو هضا
ملاك : عارفه ياوسيم بس مصاريف انا الفرح ومازال ماوتيت دبشي وهك
وسيم : حوشي فوق هيما واتي وبالاثاث جيبي بس دبشك
ملاك : ان شاء الله خير
وسيم : نفرحوا شويه كنك
ملاك : شي تمام امتي بيان
وسيم : لوكتي نحن بس راهو امي ودودي وصبايا خوتي واهلك جو هدارزت عشيه
ملاك : تمام بكل
وسيم : لوكتي ماديري شي وﻻ سريب وﻻ تفكري في شي تسمعي حبيبي
ملاك : اهاا تمام هيا سلام توا بعدين نحكوا
وسيم : تم سلام ،،،،طوووط
ملاك : طلعت برا لقيتهم كلهم حتي امي مني
امجد : مبروك التصفيات الممتاز ياصقع ....مديتلها ظرف فيه فلوس ...هذي هديتك
ملاك : يبارك فيك وليش اتعب في روحك
امجد : بطلي سماطه
مروان : مبروك وهذي مني لنجاحك
ملاك : اشعر بالصدمة قصدك جد
مروان : ههههه والله جد
احمد : خودي فيسع قبل مايغير رايه ههه
ملاك : باهي هههه ....خذيت الكيس فتحته لقيته مفاتيح سيارة .....قصدك هذينا مفاتيح سيارة
مروان : سيارتك مبروك
ملاك : هاااي مرواان شكرا ....طبست حضنته
مروان : ااه يامطرشقه خنقتيني ههه
ملاك : طلقته
احمد : وهضا مني ومن امي فاطمه ومني. ..... كان مبلغ في ظرف
ملاك : شكرا ياحبيبي ...طبست حضنته
احمد : بالتوفيق
الحاج : وهضا من باتك
ملاك : ههههه نجك ياباتي .....مدلي عطر ونظارات من محل ولد صاحبه ديما نوصي فيه عليهن كان يوم حلوو بكل وفرحت واجد
~~~~~~~~~~~~~~~~
يوم الدفع والبيان
مريم : دايرين حفلة بسيطه بس الحق ماحد من الشباب قصر مع لوكه كل شي جابوه وباباﻻجاب خضرة وفواكه كامله وغصبنا لوكه تعدي للكوفيرة وعدت معاها شيماء مش جاي حد بس اهل وسيم وعيت عمي واهل زين صاحب مراد قعدنا حايسين ونجهزو في كل شي
فاطمة : مريم نزلي تحت يافرخه ثقيله
امجد : تي سيبي يامربم توا نشيلوها نحن ....جيت فكيت منها الستيكه بتاع المياه .....وين نحطهن لكي
مريم : في مطبخ الله يربحك
احمد : قلتلكن ناقصه حاجة تبوها قبل مانطلع
فاطمة : ﻻ كله تمام متي ناقصك حاجة
مني : لا خلاص كملت الرز وكل شي واتي
احمد : ربي يساعدكم هيا اوكي
مريم : كملنا كل الحوسه وخشينا غيرنه وجهزنا الحوش كله والضيافة وقعدنا نستنوا لعند جوا اهل وسيم استقبالناهم كانوا جايبين دبش وحاجات راقيه وكانت جيبتهم سمحه كانه بيان كبير الحق وبعدها جت ملوكه وكانت طالعه ماشاء الله
ملاك : طلبت مكياج خفيف وتسريحه بسيطه ولبيت فستان طويل ازرق عجبني وراقي وجيت خشيت قعدت نسلم وقعمزت علي الصالون ودارن الصبايا جو سمح وقالوا دفعوا وقعدن الصبايا يباركن وزغاريت نقلب الحوش وقعدن يحطن في الضيافة شويه وجت غادة قالت وسيم بيخش قلتلها نبدل بس فجاة خش علينا
وسيم : خشيت وجبت معايا باقة ورد وصندوق شوكولاته وخشيت سلمت وجيتها سلمت عليها .....مبروك ياقمر
ملاك : هههه يبارك فيك
وسيم : مديتلها الباقة وصندوق الشكولاته ....تفضلي
ملاك : شكرا ليش تعبت روحك
وسيم : العفوو بس حلووو الفستان واللون يجنن وجسمك سمح
ملاك : تحشم كنت بنغير اصلا الفستان فضيحه
وسيم : هههه حسيت اصلا ندعبت بروحي
ملاك : سامط هههه
وسيم : دودي دودي
غادة : نعم
وسيم : كلمي الفرخه بنت خالك اللي تصور عندها الكاميرا
غادة : تم
وسيم : شويه وجت فعدنا نصوره وقالت تبدل فستان بتاعنا بسرعة وتجي هيا عدت وانا قعدت نصور مع العائله لعند جت لبسه فستان بتاعنا
ملاك : كان طويل ولونه سكري علي وردي وطويل حلو وراقي
وسيم : طلعت لبستها الدبله ...اخيراا انتي ليا قدامهم كلهم
ملاك : واخير انت حتقعد ليا بروحي ....لبسته الدبله
وسيم : لبستها الطاقم وخاتم وساعة وعطيتها انسيال فيه حروفنا وصورنا وباركتلها وطلعت
ملاك : كان الحو يهبل بكل شويه وقالوا هيا هما بيطلعوا كلمت اميرة .....ميرو ميرو
اميرة : نعم
ملاك : في كيس في دارك
اميرة : هيااا ...عديت بسرعة جبته وجيت ...اهوووا
ملاك : غادة عطيه لوسيم
غادة : تم خبي هيا سلام وربي يدوم الافرح
ملاك : يارب وعقبال عندك ....هما طلعوا وخشوا خوتي والحاج قعدت نصور معاهم بنقال
مريم : رن نقالي محمد فتحت ...ها محمد
محمد : انا في طريق جاي
مريم : باهي انزل كلنا في الجنان محمد تسمع فيا كنه صووتك
ملاك : كنا نصورة نطينا علي صوت مريم عالي
مريم : شنووو امتي صار ..
يتبع ....
ﻻيك ورايكم في الحلقة 31 وتوقعاتكم للحلقة الجاية تحياتي سنيورينآ آآ