#مسارات_حياتنا_ستتغير
الحلقة 39
وسيم : هيا ملاك وقت ودنيا بتبدا استيقافات واليوم توكه مافش وقت
ملاك : تمام هيااا ....صبينا بنطلعوا طلع علينا الحاج ....لاباس ياحاج كيف حالك توا
الحاج : الله ﻻيوريك باس ﻻ كويس توا الحمدلله
وسيم : ﻻباس ياعمي
الحاج : الله ﻻيوريك باس كيف حالكم وكيف حال اهلك ياعمي
وسيم : االحمدلله يسلموا عليكم
الحاج : سلمك وسلمهم
ملاك : تريح بس ياحاج ورد بالك من روحك نحن بنروحوا
الحاج : بدري اقعدو للغذاء
ملاك : وسيم توكه ووضع البلاد مش تمام نروحوا بدري خير
الحاج : ربي يحفظه ويحفظكم جميعا
ملاك : امين ....فجاااة الباب قعد يخبط بقوووة ....من هضا
وسيم : توا نفتح ....طلعت نفتح
ملاك : وصل وسيم يفتح فجاة سمعنا صوت من وراء الصور يقول
راجل : فرغوا في الباب بسرعة بعد يقول من طوول
الشاب : تم ياشيخ
ملاك : من صدمتي باللي سماعته طول عديت نجري شور وسيم
وسيم : انا قريب نوصل في الباب فجاة حاجة سحبتني من تيشرت بتاعي برمة وراي طول
ملاك : قعدت نوشوش ....هما الكلاب دواعش وخر بيفرغواا في الباب
وسيم : قعدت نحكي بشويه ....خشي جوا ....مسكتها دفيتها جوا
ملاك : كلم يوسف وجماعتك ياوسيم
وسيم : عمي خش جوا انت وياهن ومهما يصير رد بالكم تطلعوا ...قعدت ندف فيهم جوا الحوش
فاطمة : يانعلياا كيف جوا هنا رن علي العيال يجوا
وسيم : دخلتهم جوا
الحاج : توا نطلع انا
وسيم : ﻻﻻ هما يبوني انتم ماتطلعوش بس اقعدو جوا انا توا نتصرف معاهم
ملاك : قعدت نرعش من خوفي علي وسيم مسكت في يده ....رن علي جماعتك وسيم ماتطلعش كنك هضوما يقتلوك تسمع
وسيم : انتي ماتطلعيش بس انا نعرف نتصرف عمي مهما يصير ردو بالكم تطلعوا تسمع اعيال الحرام يديرو اي شي توقع ...طلعت وصكرت الباب
ملاك : طول طلعت النقال ورنيت علي يوسف
فاطمة : علي من ترني
ملاك : شووووويه ....نفتح الخط ...يوسف انا ملاك
يوسف : عارفك اها
