#مسارات_حياتنا_ستتغير
الحلقة 30
مريم : تعالي لوكه بتخطبك اعميمه وفاء
ملاك : اها ...قعدنا نسمعوا
وفاء : يامني يافاطمه نحن جايين نطلبوا في بنتك ملاك لولدي وسيم وطبعا وسيم حيسكن موقت فوق ابراهيم علي مابدا في الحوش بتاعه وانتم عارفين ان وسيم عسكري وعنده راتب والحمدلله وهو ماعندش شروط بس يبي القرب منكم
مني : والله ياخيتي شهدتنا فيكم وفي عائلتكم معروفه نحن اهل وماعندي مانقول فيكم ولا في وسيم ونحن نتشرفوا وانا حنقول للحاج وخوتها ونشوفوا راي البنت ونرد عليك واكيد مافي غير الخير
فاطمة : اكيد مافي غير الخير
وفاء : اكيد ولنا الشرف ان انسبوكم
فاطمة : ان شاء الله
ملاك : كنا نسمعوا فجاة
امجد : بسبس
مريم : برمنا لقينا امجد ...كنك
امجد : ملوكه استري روحك وتعالي وسيم يبي يتفاهم معك
ملاك : حاضر نبدل بس ....خشيت نجري نبدل
~~~~~~~~~~~~~~~~~
وسيم : قعدت انا وامجد وعدا بيكلم ملاك شويه وجت ملاك وامجد
ملاك : السلام عليكم
وسيم : وعليكم السلام
امجد : خشي قعمزي تفاهموا بينكم وانا حنوصي علي قهوة تم
وسيم : صحيت ياباشا
امجد : سلمك هيا ...طلعت وخليتهم
وسيم : برمة عليها ....خير ياشيني
ملاك : هضا كله وشينه
وسيم : ههههه خليني ساكت راهو نبدا فيك
ملاك : هههههه باهي ياسامط
وسيم : باهي ياعروستي شن شروطك
ملاك : نعرفش نشرط انا انت قولي
وسيم : هههه حي ع امه ياطشه تعرفش تشرطي
ملاك : هههههه تي نحس فيه جو عزايز
وسيم : توا انا نبدا الشايب هههه
ملاك : ياشيبانيه السمح ابدا
وسيم : هههه ياستي انا ماعندش اي شرط بس نبي شي واحد بس
ملاك : شن هو
وسيم : ياستي السواقه
ملاك : ﻻ ماتقولش نسيبها
وسيم : ﻻ بس مش ديما انا نشيلك وين ماتبي
ملاك : بس
وسيم : قطعتها ...ياستي لو بتعدي لمكان وانا قلتلك لا اطلعي بروحك
ملاك : بحتث فيه بصدمه ....وسيم بجد تحكي
وسيم : حسيت ان بيصير جو مش حاسبه بعد سالت قلتلها ......انتي ليش عندك مشكلة بعد نشيلك لكل مكان ووقت نقولك ﻻ عدي بسيارتك مش غلط كلامي
ملاك : ﻻ غلط ليش مانسوق بروحي شن المشكلة يعني ماهو عارفني نسوق انت
وسيم : عارف بس انا هك نتريح
ملاك :
وسيم : كنك سكتي
ملاك : شي
وسيم : احكي بس نتناقشوا قاعدين
ملاك : بس انا مانبش نسيب السواقه علمني رودي عشان مانستحق حد
وسيم : الله يرحمه انا ماقلتلكش سيبي سوقي بس امتي ماانا مش فاضي نشيلك
ملاك : بنعرف لو رفضت شن حيصير
وسيم : بحتث فيها .....شي
ملاك : كيف شي
وسيم : انا طلبت طلب مش شرط ماعجبكش خلاص
ملاك : خلاص شن
وسيم : لوكتي كنك ياهبله خلاص فوتي الطلب اكيد مش خلاص بنسيبك كنك يامجنونه مستحيل نسيبك انا
ملاك : اها اصلا استغربت طلبك
وسيم : خلاص فوتيه انتي شن شروطك
ملاك : شي قلتلك
وسيم : معقوله
ملاك : انا نبيك كيف ماانت رضيت تاخذني هك واصلا ماعندش شروط انا عارفتك انت شن وبمن بتزوج والكلام الزايد مانحبش
وسيم : تعرفي
ملاك : شن
وسيم : انا نحبك ونمووت فيك وعشانك
ملاك : بحتث في عيونه وقلتله ...نبيك تعيش معايا مش تموت عشان انا نعشقك مش بس نحبك وانا موافقه علي طلبك
وسيم : كانت تحكي وعيونها فيها دموع نظراتها مافهمتهنش حزن او فرح .....ليش الدموع اللي نشوف فيها في عيونك زعلانه مني
ملاك : مستحيل عشان انا نحبك بس انا خايفه نخسرك
وسيم : مستحيل نسيبك هضا شي افهمي وموضوع السيارة خليه للظروف تمام حبيبي
ملاك : حاضر
امجد : دقيت الباب وخشيت ....شن كملتوا تفاهم
وسيم : ان شاء الله
ملاك : صبيت طول طلعت
امجد : شن وسيم
وسيم : لا الامور تمام كون هاني
امجد : ان شاء الله هيا تفضل
وسيم : زيد فضلك ....شربت القهوة وهدرزت شويه وقلتلهم هيا وطلعت
~~~~~~~~~~~~~~~~
ملاك : بعد طلعوا اهل وسيم خشيت لداري
مريم : لحقتها خشيت وصكرت الباب .....كنك شن في
ملاك : وسيم قالي معش تسوقي
مريم : امتي توااا
ملاك : ﻻ بعد نتزوجه قالي انا نشيلك وين ماتبي ووقت نقصر ومانقدرش نشيلك عدي بسيارتك
مريم : هضا من ضمن شروطه
ملاك : ماشرط شي هو قالي طلب ماتسوقيش الا وقت مانبش نشيلك او مش فاضي
مريم : باهي شن مشكلة نفس كلام محمد يالوكه عادي
ملاك : مش عارفه انا
مريم : صدقيني مش موضوع تزعلي عشانه
ملاك : عارفه انا قلتله موافقه علي طلبه
مريم : هههه ﻻ رسمي انتي مكبدة في وسوم
ملاك : ههههه ننقني مكبده بكل
مريم : باهي انتي شن شرطتي
ملاك : شي
مريم : كيف شي
ملاك : والله ماشرطت شي
مريم : ليش ياهبله قرايتك وشغل وكل شي من حقك
ملاك : وسيم مش حيمنعني من شي شفتي السيارة
مريم : لهدرجة واثقه فيه
ملاك : بحتث فيها وقعدت نبكي
مريم : حي عليااا كنك ياهبله
ملاك : اناا مانبش نخسره وسيم وقف معايا واجد وواثقه في حبه ليا
مريم : لوكه رني عليه اسمعي كلامي وبعدين ام وسيم طلبت يكون الفرح بعد 3 اسابيع بس
ملاك : جد وششن بنقوووله
مريم : والله جد وقالت وسيم يبيه قريب وقوليله اللي في قلبك اسمعي كلامي رني عليه وتتريحي انا طالعه هيا سلم خيتي ...طلعت وصكرت الدار وراي
ملاك : خذيت النقال وطلبت رقمه قعد يرن لعند فصل حطيت نقال واتكيت شويه وعاود عليااا ....الو
وسيم : هاا ياخطيبتي السموحه
ملاك : وسيمي
وسيم : لوكتي كنك صوتك مش تمام كنتي تبكي
ملاك : انا نحبك
وسيم : وانا نعشقك ليش تبكي بس
ملاك : رد بالك تسيبني بروحي
وسيم : شن قالولك عليا مجنون نسيبك تي انا اليوم قبل بكرا بنجيبك عندي وبعدين قالتلكم ام ان نبي الفرح قريب
ملاك : اها قالت بعد 3 اسابيع
وسيم : ننقني قلت اسبوعين بس امي غيرته هههه قالت علي الاقل توتي البنت روحها
ملاك : هههه صدقت ياهبل مافش وقت اسبوعين
وسبم : علي اساس 3 يفرقن ياحنه
ملاك : هههه ﻻ نفس بعضهن
وسيم : شن رايك نغيره بعد اسبوعين
ملاك : ﻻﻻ حبيبي خليه 3 اسابيع عشان اهلي انت عارف فرح نوسه حطوا واجد وانا مانبش نزيد همهم
وسيم : ماتحكش هك انتي مش هم وشن رايك نديرو ليلة مشتركه ويوم واحد شن رايك
ملاك : ياريت بس مااعتقدش اهلي يقولوا باهي
وسيم : جربي بالعكس احسن للعائلتين حتي نحن كيف طالعين من فرح حمادي
ملاك : توا نحكيلهم ونشوف انت وين ماشي
وسيم : هههه طالع عازم يوسف والشباب علي عشاء في مطعم عشان كبرت وخطبت رسمي ههه
ملاك : ههههه صحة مقدما بعد تروح دورني باهي حبيبي
وسيم : تم ياقلب حبيبك وماتزعلش روحك وماتفكرش في شي
ملاك : حاضر
وسيم : هيا سلام لوكتي نحبك
ملاك : نعشقك سلام ،،،طوووط ...ااااه عليك راحة
~~~~~~~~~~~~~~~~~~
مريم : ايناس بطلي سخافة
ملاك : فوتيني خيرلك
ايناس : قلتلك جيبيهن ليا
ملاك : تي حلي نخذم عند جد بوك ترا خطيني
منيرة : نوسه حوولي سيبي اختك
فاطمة : راهو نصبي يافرخه عدي لخوتك خودي منهم
ملاك : والله ماني عاطيتك حلي
اميرة : ايناس خلاص سماطتيها راهو
ايناس : هيا ماعندها ماتبي فيهن
ملاك : والله
شيماء : نوسه كنك هذينا بتاع لوكه عدي لامجد يعطيك
ايناس : مادخلكش انتي
ملاك : لمي فمك خيرلك
مني : خلاص اسكتن بلا فضايح قدام الناس
ملاك : قولي لبنتك تفوتني
ايناس : تي انتي ماعندك ماتبي فيهن انا ماستحقتهن
ملاك : والله العظيم ورحمة مراد ماني عاطيتهن لكي تم
ايناس : صار هكي ....بركت عليها نضرب فيها
متيرة : طاااح سعدك حولي
مريم : صبينا نجرو نحزو
شيماء : نوسه سيبي اختك عيب
ملاك : ونبرمها ونقلبها ونجي فوقها ونبدا تخبيط فيها ...تمدي في يدك علي من هااا هااا
مني : سيبي اختك يافرخة اضريها وراها عرس
ملاك : برمة علي امي ....صح النوم وقت كانت تخبط فيها ماسمعنا صوتك السمح والا جت في الكبيدة ...دفيت ايناس ....كلا فلوسي والله ماني عاطيتك ربع تم ....عديت وسيبتهن
مريم : امي كنك انتي توا الفرخه هذي غلطانه جايه تهزبي في ملاك
فاطمة : كلام مريم صح يامني معقوله هك اديري
مريم : والله بعد درتنها هكي نعدي نحرش بابا فيك تشوفي
اميرة : يعني تبي فلوسها وفوقها تمدي في يدك عليها
فاطمة : الحشم باعته هذي
مريم : طلعت وسيبتها ....يااحمد ياابابا
احمد : خشيت ...كنك
مريم : تعال وكلم بابا راهو الفرخه نوسه دارت العار تهزب وتتعارك مع ملاك
احمد : كنها ...خشيت كنك ياايناس ووين ملاك
مريم : ياسيدي .......شن رايك توا الغلط من من
احمد : من جدك ياايناس هنا فلوسها ومش ملزومه ساد كل شي عطاته لكي من ملاك وبعدين سادك وملاك حتي هيا عندها التزامات راهو ماتقعدش انانية
منيرة : حكيتلها بس عبس
احمد : ﻻ مش عبس وسيبي ملاك في حالها راهو نسمع جايه شورها نحرش باتي ناقصتك حاجة قولي لامي او لواحد منا نعطوك كلا ملاك معش تجي شورها تسمعي
ايناس :
احمد : نحكي انا تسمعي فياااا
ايناس : اهااا
احمد : تمام توا نشوفوا انا طالع ثارت حاجة كلموني ....طلعت وسيبتهن
مريم : سيبتهن وخشيت جوا
~~~~~~~~~~~~~~~~~
ملاك : ماعديتش في شيل دبش نوسه معندش نيه في عرس كله بعد المشكلة اللي صارت اليوم الفرح في القاعة ليلة مشتركة عدت اميرة مع نوسه وانا قعدت مع منيرة ومريم وبنات علي الحوسه طبعا جت كوفيرة في الحوش درنا عندها ولبسنا انا لبست فستان سموي هادي طويل وفيه فتحه لعند الركبه كملنا لبس وطلعنا للقاعة قعدنا نستقبلوا في الناس وماعزيم طبعا اهل اسيل وطارق قاعدين مشترك الفرح كانت الاجواء تهبل كنا حايسين قالوا العرايس جن طلعت انا وغادة لقينا اسوله اللي جت ....سووولي ياعروس
اسيل : لوكه ودودي ....قعدت نسلم عليهن
غادة : وين الحلاوة هذي كلها
ملاك : ماشاء الله عليك طالعه
اسيل : عقبالك حبي انتي ودودي
غادة : يارب
اسيل : مازال نوسه ماجتش
ملاك : في طريق قالوا
اسيل : بنقعمز نتريح
غادة : حطلها امخاذ علي الصالون
ملاك : قعدنا شويه ووصلت نوسه خشت سلمت علي اسوله وقعدن يهدارزن وشويه وقالولهن خشن وفعلا خشن علي الاسماء الحسني وقعدن يصورن وجو سمح كان لعند فجاة قالو لنوسه تنزل العرسان جوا خشت نوسه في الدار وقعدت اسوله ونستنوا طارق يخش بس المفاجاة كانت ....
يتبع ....
ﻻيك رايكم في الحلقة 30 وتوقعاتكم في الحلقة الجاية واسفه علي اي تقصير تحياتي سنيورينآ آآ