#مسارات_حياتنا_ستتغير
الحلقة 25
محمد : قعمزت وجت جنبي برمة عليها ....بحتي فيا
مريم : نعم
محمد : ياستي انا من زمان كنت نبي بنت وهيا عايشه هنا كنت داير معاها علاقة واتصالات ومواعيد كانت بنت عم صاحبي وعلاقة قعدت 5 سنين كل مانقوللها بنخطبك تقول مازال نكمل قرايه روحت في مرضت باتي وسيبتها غادي قعدت نحكي معاها علي النقال لعند في يوم رن عليا رفيقي وقالي ان شافها مع شاب وانا نرن عليها ماتردش لمدة اسبوعين حجزت من هنا وعديت المانيا وقت وصلت عديت طول شور حوشهم وسالت عليها اكتشف ان تزوجت وفاتتني خلاص من وقتها معش دورتها وكرهت جنس حواء ورفضت نتزوج وهك قعدت شغل واصحاب وخلاص لعند شفتك هضك اليوم مع منيرة كنتي في الجنان تحكي مع سليمان عجبتيني كنتي رايقه وعاقله الحق بيني وبينك انا حكيت لاهلي عليك وخلاص يوم المطعم هيا دازتلي رسالة هذي
مريم : خذيتها قعدت نقرأ فيها
محمد : كانت تقرا في الرسالة فجاة
مريم : بعد خذيتها وقعدت نقرا مش عارفه شن صارلي ....هههههههههههه....اطربقت ضحك
محمد : كنك بسم الله
مريم : ههههه قالتلك واحدة ماتعرفش ماضيها هذي مقهورة وحق ربي تي ومن قاللها ان زوجتك عندها ماضي ههههههههه والله مسكينه فكرت كل البنات زيها عندهن ماضي ههههههه
محمد : بحتث فيها كانت من قلبها تضحك بجد فرحتني ضحكتها والاكثر كلامها وعقلها
مريم : كنك تبحث فيا هك
محمد : نحبك وانا امي داعيتلي بالخير اللي ربي رزقني بزوجة زيك ربي يحفظك ليا ويحميك وﻻيحرمني منك ومن عقلك الكبير والراكز
مريم : حضنته ....وﻻيحرمني منك ....وخرت وبحتث فيه ...ليش دسيت الموضوع عليا
محمد : بصراحة خفت عليك تزعلي او ماتتفاهمي القصة
مريم : هضا ماضيك وماليش حق نحاسبك انت انسان قبل ماتكون راجلي نحاسبك صح لو بعد تزوجتك تواصلت معاها وانت حتي بعد دازتلك رسالة مارديتش عليها خلاص ليش نزعل وندير موضوع انا اللي ضايقني وزعلني انك عصبت عليا وانا مش شوري شي انا بس حبيت نعرف شن اللي مضايقك والله
محمد : معك حق تزعلي وانا نوعدك بعد نعصب من اي شي نطلع ونسيبك لعند نروق وبعدها نحكوا وتصرف امس معش يتكرر
مريم : تمام وان شاء الله خير
محمد : ان شاء الله مافي غير الخير شن تصبي نطلعوا
مريم : اها هيااا هي ....صبيت بسرعة غيرت وطلعت انا وياه
~~~~~~~~~~~~~~~~~~~
ملاك : روحت خذيت ندي والعيال وروحت شور حوشنا شفت وسيم ورايه ماشي لعند وصلنا نزلن كلهن قعدت ندرس في سيارة طلعت نقالي ولعته ورنيت عليه طول مافتح بعد فتح ......تعرف شي كان مافتحت راهو وخرت بسيارة ولحقتك
وسيم :
ملاك : وسيمي
وسيم : شن تبي رانه
ملاك : نبيك انت
وسيم : شن تبي فيا مش صكرتي نقال عشان ماتحكش معايا
ملاك : ﻻ مش عشان هك
وسيم : هااا ليش ماله
ملاك : مانبش نتعارك معك عارفه لساني مايتريحش بعد نتهزب وانا مش غلطانه مانسكت لعند نخرب الدنيا
وسيم : بس خوفتيني عليك
ملاك : اسفه وانا خفت عليك بعد قعدت تتتعارك انت وهضك
وسيم : ماله نسيبه يعدي هك وهو غالط فيك
ملاك : انا مانبش انت تنحط في مشكلة بسببي
وسيم : انا نبي انتي مش شورك ريحيلي عظامك بس
ملاك : شوووويه بس اااه
وسيم : كنك
ملاك : نريح في اعظامي ماهو
وسيم : هههههه تشفطي عليا باهي باه
ملاك : اهم شي ضحكت
وسيم : هههه واهم شي انا نحبك
ملاك : وانا نحبك ،،،طوووط ....حي علماااا شن حكيت يااااي كيف طلعت مني هك ...عاود يرن مافتحتش رن اخرة مافتحتش دازلي رسالة .."هيا حبيبي افتحي راهو نزعل بجد " هههه حي عليا كيف بنحكي معه ...رن اخرة فتحت ....الو
وسيم : ههههه يعني زلت لسان او شن
ملاك : قلتلك
وسيم : ماتغيرش الموضوع
ملاك : ماغيرتش بس نبي نقولك حاجة
وسيم : شن قولي
ملاك : اللي قلتها طلعت بروحها من قلبي
وسيم : شن هيا
ملاك : اللي سمعتها
وسيم : شن هيا اللي سمعتها
ملاك : هههه بطل سماطه عااد
وسيم : هيا قولي شن
ملاك : بروحها تزرق مش بجوي ههه
وسيم : هههه خطيرة تزرق
ملاك : ياساامط بطل هههه
وسيم : باهي شن اديري قاعدة
ملاك : في السيارة وحوده ولد احميدة يخبط بيركب معايا هههه
وسيم : ركبيه يااعميمه يامكاره
ملاك : هههه ماهو يعاود الفرخ
وسيم : تي علي اساس تسمعي فيا في كلام حلوو عشان يعاود ههه
ملاك : ﻻ مرات يقول اعميمه تكلم في وسيم يحفظ اسمك هههه طاجين يصير
وسيم : لا هك صح عندك حق يقولي اسمي تصيرلي مشكلة كان تقولي حبيبي خير هههه
ملاك : ﻻ هك خير انت وين قاعد
وسيم : جيت للمعسكر
ملاك : توكه قصدك
وسيم : اها امتي عندك امتحان
ملاك : بعد بكرا عندي
وسيم : اقري كويس
ملاك : بدون ماتوصي ماتبش تجي
وسبم : اووو الحلووة تبي تشوفني
ملاك : هههه ليش وشن مشكلة
وسيم : ﻻ ماعندش مشكلة انا عليك انتي
ملاك : يافرخ غااادي حول
وسيم : كنك تعيطي
ملاك : هضا يمرطز في الطين ولد احمد صكر توا نعاود عليك
وسيم : ﻻﻻ خليني علي الخط
ملاك : باهي ....فتحت السيارة ونزلت ...تعال هنا مش نقول لا انا هااا
حوده : نبش
ملاك : تعاااال هنااا قلت راهو عارف شن حندير كان نجيك تعاااال
حودة : حلاص هاا جيت
ملاك : ايوا ...مسكته من وذنه .....مش نقول ماتخشش علي الطين وتمرطز هااا
حوده : اااه حلاص اسف اعميمه
وسيم : خلاص يامكااااره سيبيه
ملاك : ههههه خش جوا لماما
حوده : حرش ماما فيك ماااما
ملاك : خش يجري سمعته
وسيم : هههه اها عنده حق ننقنك واعره
ملاك : ﻻ طيبه انا
وسيم : نجيه ليا الطيب انا ، قلتلك امتي بتجوا للمزراع
ملاك : مش عارف بس خاطري في ماشيه لبحر
وسيم : اها تعرفي تعومي
ملاك : اها نعرف رودي علمني بس مش واجد
وسيم : اها باهي لوكتي انا بنوصل في الجماعة بعدين نحكوا
ملاك : باهي دير بالك من روحك
وسيم : تم حتي انتي هيا سلام ،،،،طوووط
ملاك : صكرت وخشيت جوا
~~~~~~~~~~~~~~~~~~~
بعد مرور ايام
امجد : هيا حبيبتي طولتي
شيماء : خلاص هااا
امجد : عشان مانتاخروش هيا
شيماء : هيا طلعت الشناطي
امجد : اهااا
شيماء : توا تزعل لوكه عشان ماخبرتهش ان مروحين
امجد : تي ماهو نبوها مفجاة ياهبله كنك والله ماخبرت حد
شيماء : بس ملوكه مش حتقول لحد
امجد : ﻻ اطلعي هيا
شيماء : هيا
امجد : طلعت انا وياها طول شور المطار وصلنا وطلعنا في الطيارة
شيماء : مجودي
امجد : نعم
شيماء : عطيني نقالك نلعب بلعبه
امجد : هااا خودي ....قعدت شيما تلعب بنقال لعند وصلنا بحتث لقيتها راقدة ....حبيبتي شوشو
شيماء : هاااا
امجد : نوضي هيااا الطيارة وقفت
شيماء : هااا طاااحت
امجد : هههه ﻻ وصلت بينا لبنغازي صبي هيا
شيماء : فجعتني
امجد : ههههههه هبله صبي
شيماء : هيا
امجد : طلعنا من طيارة وخذينا تاكسي من قدام مطار وعدينا طول شور حوشنا
شيماء : بلكي في حوش اعميمه مني
امجد : ﻻﻻ احمد قال متجامعين هنا عشان يوتوا في دبش نوسه
شيماء : اها خلاص الفرح قريب
امجد : اها هنا ياخويه وقف ....مديتله حقاته ونزلنا
شيماء : عندك مفتاح
امجد : ﻻ هههه خليتهن هنا دقي بس
شيماء : قعدت ندق في الباب
امجد : وانا نرن في الجرس
ملاك : باهي بااااهي بشووويه ....فتحت لقيتهم امجد وشيماء ....هااااي ياااكلاب
امجد : هههههه حطيت الشنطة وخشيت بسرعة حضنتها .....رايفت عليك ياام لسان ههههههه
ملاك : مجووودي الجو بلاك شين والله
شيماء : هاااي يافرخة وانا كني
امجد : طلقت ملاك
ملاك : برمة عليها اووو زوجة الغالي ...جيت حضنتها....الحمدلله علي سلامتكم ياحبها
شيماء : الله يسلمك ياعيوني رايفت عليك
امجد : كلهم جوا
ملاك : اها خش
امجد : سحبت الشناطي حطيتهن في الجنان
ملاك : استنا نخش قبلكم
امجد : هيا ....خشت ملاك قدامنا
ملاك : شوووفوا مفجااااااة
امجد : اناااجيتتت ...خشيت عليهم
كلهم : امجدددد
فاطمة : حبيبي ياوليدي
امجد : طبست حضنتها .......كيف حالك ياغاليه رايفت عليك والله
فاطمة : انا بخير كيف حالك انت
امجد : الحمدلله ام مني ....طبست نسلم عليها ...كيف حالك ياامي
مني : اهلين ياوليدي الحمدلله كيف حالك انت
امجد : بخير ....قعدت نسلم علي الباقي
شيماء : خير يااعميمه
فاطمة : اهلين حبيبتي كيف حالك الحمدلله علي سلامتكم
شبماء : الله يسلمك قعدت نسلم عليهم
امجد : كملت سلام قعمزت نهدارز ....شن حايسين
فاطمة : نغلفوا في حاجات عرس نوسه
شيماء : ربي يتمم علي خير
ايناس : تسلمي
امجد : وانتي ياهبلهشن صار في امتحاناتك
ملاك : تمام بكل كملت
امجد : بالتوفيق خطرها هيثم فرحان بتصاميم بتاعك قالي ماشاء الله باعلك منهن 5 ومازال 2
ملاك : جد
امجد : والله العظيم
احمد : صح راهو قالها ليا هيثم وقال بسعر سمح شروهن
ملاك ؛ كنك ماخبرتني انت
احمد : ماخطرش عليا ماعندكش خبر
ملاك : اها تمام بكل
الحاج : تصاميم شن هذينا
ملاك : فنصت في امجد
امجد : فهمتها ....خذيتهن من ملاك وحطيتهن لها في المكتب عشان نشوفوا شغلها
الحاج : اهاا باهي
مروان : ماهو ماخربها حد الا انتم
احمد : مش شورك انت خطرها الاسبوع الجاي فرح حمادي خو هيما راهو عازمكم
الحاج : اها كلمني سليمان قال راهو تغيبوا
امجد : شن رايكم نقعدو ايام العرس في المزارعة
الحاج : حتي انا نقول هك خيروسليمان قالي بدري ماتقعدو تشيلوا وتجيبوا تقعدو في نفس المكان احسن
مروان : ﻻﻻ فكونا عرس وناس فكونا
احمد : انت اقعد هنا خير وكلا جو شحورة اهلك ﻻ واصلا انا عابي نقعد غادي وندي والعيال خلاص كلنا نعدو
مني : ننقنا اريح
امجد : خودو معكم شيماء بالمرة
ملاك : ههههه مبردك نعنجد خودو معكم شيماء بالمرة جو لز
شيماء : سرقتيها من فمي هههه
امجد : ايوا تلقيتي انتي وياها ياعقارب
ملاك : ههههه ريح روحك
الحاج : كلمت مريومه قالتلي مازال مش مروحين اليوم
احمد : اها محمد قالي الاسبوع الجاي نروحو
امجد : اها قالتلي مريومه .....قعمزنا كسدنا وكل حد عدا لحوشه
~~~~~~~~~~~~~~~~~
وسيم : ليا كم يوم نرن علي ملاك خارج الخدمة حتي سالت غادة قالتلي مش عارفه معش عرفت شن ندير بكرا بيبدا سريب فرح حمادي كان الحوش مليان خشيت جوا ....غااادة ياااغااادوة
غادة : طلعت نجري ...كنك
وسيم : ماعندكش رقم خواتها
غادة : خوات من
وسيم : تي ملاك
غادة : تهيالي اميرة عندي ترا نشوفه ....قعدت ندور ...اهوااا
وسيم : رني هيا
غادة : باااهي ....طلبت الرقم قعد يرن وفتح الخط ...الو
اميرة : ايوا دودي
غادة : ميرو شن جو
اميرة : تمام شن جوك وشن جو العرس
غادة : حال الحوسه راهو تغيبوا
اميرة : ﻻﻻ ان شاء الله بكرا بنجوا لحوش المزراعة عشان الفرح
غادة : باهي والله فرحتيني عشان ماتغيبوش عااد مش برانيه
وسيم : فتحتلي سريب هداريز قعدت نخبط فيها
غادة : ااه بااهي ...قلتلك ميرو لوكه وين نقالها خارج الخدمة
اميرة : اها شفرتها كسرها لها مروان
غادة : كنها عليش كنه
اميرة : رن عليها رقم ومروان كان جنبنا دار قصة رد طلع شاب دار قصة كسر نقال وشفرة ودار مشكلة وتعارك مع امجد
غادة : عليك قصة والله باهي هيا عندكم
اميرة : ﻻﻻ في حوشهم تبيها رني علي نوسه
غادة : باهي دازيلي رقم نوسه
اميرة : حاضر
غادة : خلاص ميرو بكرا بعد تجن للمزراعة طول تعالن عندنا
اميرة : ان شاء الله
غادة : هيا دازيلي رقم نوسه وسلميلي علي اهلك
اميرة : تم يوصل ،،،،طووووط
وسيم : كنها
غادة : رن عليها رقم غريب وجنبهن مراد رد طلع شاب عدا دار قصة وكسرلها شفرة ونقال
وسيم : هالمتخلف ان شاء الله غير مادرلها شي جاء شورها
غادة : ﻻﻻ وتعارك مع امجد
وسيم : تمام باهي شن بدازلك رقم اختها
غادة : اها وبكرا جايااات هنا
وسيم : اها
غادة : اهو جاء رقم ....حطيت عليه ورنيت فتح الخط ....الو
ملاك : غدغودة ياهبله
غادة : لوووكه وينك يافرخة رايفت عليك
ملاك : هههه وانا اكثر شن جوك وشن جو الفرح
غادة : تمام والله قالتلي ميرو بكرا تجوو للمزارعة
ملاك : ان شاء الله
غادة : جنبك حد
ملاك : ﻻﻻ بروحي في دار رن نقال نوسه لقيته انتي فتحت ههه
غادة : تمام هاكي حد يبيك
ملاك : من
وسيم : لوكتي
ملاك : وسيم شن جوك
وسيم : تمام وينك ان شاء الله مروان ماضربك
ملاك : ﻻﻻ بس البارد كسرلي شفرة ونقال
وسيم : باهي كنك ماشريتي
ملاك : ماطلعتش وشباب مش فاضيين
وسيم : اها باهي انتي كويسه
ملاك : اها شن جوك انت
وسيم : تمام بسمع صوتك باهي نرن عليك علي رقم اختك عادي
ملاك : ﻻﻻ فكني من هرجتهن بكرا جايه للمزراعة توا نشوفك
وسيم : باهي امتي جاية
ملاك : مش عارف والله
وسيم : مش قصة توا نعرف من احميدة
ملاك : اها شن جو الفرح
وسيم : جو سمح والحوش مليان
ملاك : عاد فرحان بنيات وااجد زايط انت
وسيم : هههههه نعنجد زايط ننقنك الا هبله
ملاك : هابا عليك
وسيم : تحكي من جدك يامطرشقه
ملاك : ماله من حني
وسيم : هههههه ننقني زايط
ملاك : باهي باه توا يبالك بكرا نوريك
وسيم : ههه تم نستنا فيك
ملاك : خلاص تم توا يبالك
وسيم : هههه تم خودي غادة
غادة : شن ياهبله ...خذيت نقال وعديت جوا
وسيم : عديت برا جنب الشباب ...هيما قلتلك
هيما : كنك
وسيم : احميدة ماقالكش امتي جايين بكرا
هيما : القيله قال كنك ليش
وسيم : شي بس نسال
هيما : بحتث فيه ....مش عليا انا طروح هذينا عارفهن كويس رد بالك ياوسيم ادير حاجة تخرب علي روحك اصبر علي اساس بعد الفرح نخطبوها
وسيم : تي عارف انا نخاف عليها قبل مانخاف من مشكلة
هيما : عليش تسال
وسيم : شي مجرد سؤال
هيما : ههههه قولها لحد اخر مش عليا ياما دايرهن هالطروح
وسيم : هههه وليش تساال افهم الجو ماله
هيما : هههههه حمادي وين
وسيم : عدا مع رامي يحجز في حلاق صاحبه يتفاهم معه
هيما : اهاا تمام
وسيم : قعدت نهدارز شويه مع شباب وطلعت
~~~~~~~~~~~~~~~~~
مريم : حمادي انت جيت جيب السطل هنا
محمد : عليك قصة مازلتي تستفرغي ....حطيته جنبها
مريم : اها بنعدي للدكتورة تكتبلي اي شي يوقف هالهم
محمد : اضري روحك
مريم : كان خليتنا نروحوا خير
محمد : كيف تروحي وانتي هك وبعدين مش طايرين نحن والدكتورة قالت الاحسن تاجلوها السفرة عشان وضعك
مريم : مليت خلاص
محمد : الله يربحك فكيني من النق اخرها تختم ببكاك وعياطي تحسابيني فرحانه بوضعك هضا نصيبنا وبعدين افرحي
مريم : شن تحسابني مش فرحانه ﻻ فرحانه بس تعبانه انا ....قعدت نبكي
محمد : قعمزت جنبها حضنتها ...خلاص حبيبي اذكري الله
مريم : ااافففففف غيرت عطرك
محمد : ههههههه ﻻ بس تتوحمي انتي
مريم : دفيته من جنبي ....كله منك انت كان مالخبطت في نظام راهو ماحملت
محمد : يعني مش فرحانه بحملك
مريم : ﻻ فرحانه بس لوله هالاوحام عطب حالي
محمد : ربي يسهل عليك
مريم : يااارب
محمد : بكرا موعدك عند دكتورة
مريم : اها
محمد : الاسبوع الجاي اطقي شهر و3اسابيع حامل
مريم : اها خاطري في شاورما
محمد : حاضر توا ننزل نجيبلك
مريم : نجك ليااا فرحان حبيبي
محمد : وليااا نجك اكيد فرحان وبنطير من فرحتي
مريم : ربي يتمم عليك قلتلك مادي
محمد : نعم عيونه
مريم : عندك فلوس نشري دبش فرح نوسه من هنا
محمد : عندي ياسمحتي وحاضر بس خفي وحم ونطلعوا قبل مانروحوا نشرو كل شي تبيه وحتي نشرو لنوسه هدية الفرح من هنا
مريم : شكرا
محمد : معش تشكريني انتي مراتي وهضا حقك هيا ننزل نجيبلك شاورما ونجي
مريم : وعصير عنب
محمد : حاضر هيا ...صبيت خذيت نقال وفلوس ومفاتيح وطلعت
مريم : طلع محمد رن نقالي نوسه ....الو لوكه
ملاك : كيف عرفتيني
مريم : ههههه اصلا كلبه اختك مدورش فيا بكل
ملاك : فوتيها شن جو حملك
مريم : الحمدلله قاعدة علي نفس الوضع بكرا عندي موعد عيادة
ملاك : ان شاء الله خير
مريم : قلتلك تبي شي من هنا
ملاك : نبي سلامتك بكرا بنعدو للمزراعة
مريم : عشان فرح حمادي
ملاك : اها
مريم : بكرا حفلة عندك بنشوفي وسيم
ملاك : هههه كلمني مبكري قال لغادة ترن علي نوسه عشان معش حصلني
مريم : ياعيني باهي ماقالكش شي امتي بيحكي لاهله
ملاك : عارفين كلهم
مريم : اكيد توا يدير شي رسمي بعد فرح
ملاك : مش عارف بس اكيد بكرا حنشوفه
مريم : باهي بس ديري بالك من خوتك راهو يشوفوك
ملاك : ﻻ ماتخافيش شن وين حمادي
مريم : طلع يجيبلي في شاورما خاطري فيها
ملاك : بلكي خاطرك تشوفيني
مريم : هههه ياريت
ملاك : اسمعي الحصلة حسام يرن نحكوا بعدين سلام
مريم : ههههه تم سلام ،،،طووووط ...قعدت شويه وجاء محمد قعمزنا نتعشوا
~~~~~~~~~~~~~~~~~~~
ملاك : طلعنا من الحوش شور المزارعة كانت الدنيا زحمه بكل واستيقافات واجد ووصلنا للمزارعة ماجينش من قدام خشينا من لوراء وقفنا ونزلنا لحوشنا اول مرة نقهدو فيه بعد الصيانه وبعيد شويه عن حوش اهل وسيم خشينا تريحنا وتغذينا وجبة من المطعم وكل حد عدا المطرح كنت مرايفه علي وسيم بكل قلت نعدي نتسبل بغادة .....امي انا بنعدي لغادة
مني : توا وقت غذاء
ملاك : تي تبيني نساعدها مسكينه هيا اميرة نوسه تعدي انتي وياها
ايناس : ﻻ بعدين بنعدي
اميرة : باهي نعدي معك ياملوكه هيا نغير بس
ملاك : تي مستعجله انا ولبستك كويسه
اميرة : باهي قولي لشباب وخاصة الحصله مروان
ملاك : فكينا منه نطلعوا من الباب الخلفي هيا بس ...خذيتها وطلعت انا وياها من الباب الخلفي ونصادفوا ...
يتبع.....
ﻻيك ورايكم في الحلقة 25 وتوقعاتكم للحلقة الجاية واسفه علي التقصير تحياتي سنيورينآ آآ