على صراط امي

٣٠

مساء الخير

على صراط امي
الجزء الثلاثون

فزيت من صوته جريت الخاولي لفيت نفسي
وسديت الدوش..
مو توك نايم شبسرعة كمت خرعتني..
شبعت نوم وكعدت جوعان حيل ..يحجي وعيونه
تتجول..
اي بس اخلص اصبلك ..
تقرب مني ويحجي بهمس..شصبيلي بلة..
ها شسمه ريوك غير ..

لزم الخاولي ويريد يفتحه..ريوكي هنا انة وغير
هذا الجبن مااقبل..
ها اي بس بعدين مو جوا بالماي..
حضني وفرك خشمه برقبتي وهمس..هسه اراويج
شلون جوا الماي..

اخذني لحضنه وامتلكني من اول لمسة
بقيت اصرخ من السعادة المفرطة
الاحس بيها..
اردد بكلمات تجننه..وهو يجنني بالراحة والسعادة..

احس نفسي ثملت وبس ابتسامة مرسومة
بشفايفي
ضحك حيل وجر الدوش وجهه على جسمي
وفززني الماي يدغدغ بيه..
حولت الدوش ع العمودي وجريت الشامبو خليت
وهو لزم الليفة يكلي اليفج ولفيلي..
وشردت منه كوة وطلعت قبله..

مشطت ولبست روب ستن اسود لوحده
ورحت للمطبخ
جاي احضر ريوك واجه يصفر..
باوعتله وانة اضحك واهز راسي شبيك؟
اريد ريوك..حجاها واجه ارتجى ع الكاونتر..
اي حبيبي مو جاي اسويلك
لا اريد من هذا التريكته قبل شوية..

يبوو توه طلعت من الحمام الله يستر شبيك..
بقى يباوعلي وكل شوية يخلي عيونه بمكان..
يعني بهذا الروب اليطبع منه كلشي وفوكها اسود
ورجلج ابيض من الحليب
وانة صارلي شكد محروم منج بلة شتردين اسوي؟
احد كلج انة اصبر ؟

امم مو صبرت قبل هواي..
انت كلتيها قبل مو هسه..
ههه يلا تعال نريك..ها قصدي ريوك عادي ترى
هههه...
ضحك وكعد ع الكرسي..تريكنا وهو وياي ينقل
المواعين وكلساع مسويله حركه
اخر شي طردته كتله هيج مساعدة ماريدها..

خلصت وطلعت لكيته بالصالة كاعد..
ها شنو متروح للدوام..
ههه لا امبين تركيزج قوي..
ليش؟
اليوم عطلة ..حجاها وفتحلي ايدي ..
رحت كعدت وكرصني كمزت..
مو صوجك صوجي اكعد يمك..
جرني وبقى يحجي عود هو بريء
وحطيت راسي اباوع بالفون مالته جاي يتصفح..
وكلساع يتحرش اخر شي كمت منه..

باوعت للبيت نظيف كلش ميحتاج شي
رحت عزلت الملابس لكيت قليل وصخات
اخذتهم للغسالة
عبرت من يمه ويصفر ويذب حجي..
درت عليه وباوعت بخبااثة..
امبين متعود تغازل بالرايحة والجاية..
لا بس منا ورايح راح اسويها مدام هيج انت رايحة
جاية والروب يطبع هنا وهنا
وانة كاعد جني صايم ممنوع اسوي شي..
عشتوو منو لازمك..
حجيتها وانتبهت لنفسي يااا شكد عوبة انة...

شردت منه ذبيت الملابس بسرعة واتلفت
تحلف بيه هسه يجي وراي..
بسرعة وقتتها وطلعت اتلفت ..يا وينه كون مايفززني..
باوعته ماكو وانة اتلفت وامشي ع كيف
لزمني من خصري وشالني..

عظت حيل وانة اضحك واريد افلت منه..
ذبني ع القنفة ويباوعلي يمكر..
سديت عيوني بيديه وهو يبوس بوجهي
وشوية شوية ذوبني وذبت ويا..
لحد ما تمدد وانة بحضنة حاشرين نفسنا بالقنفة..
جريت الروب وتغطينا بي ..

سمعنا. الباب يندك ..فزينا ثنينا وضحكنا..
خررب من. هذا ولج بس لا اهلي..
حجاها وكام يدور بملابسه..
وانة كمت بس وجعتني رجليه احسها بايدة..
كعدت وهو جاي يلبس ..
وطن كومي خاف اهلج انوب بالباب..
مابيه حر رجلية بادت..
هههههههه خرب يومج اي عادي ماوصلهم دم
روحي للغرفة بس لبسي شي
وانة اروح اشوف الباب...

سندني وخلاني ع السرير وراح اباوع فوني يدك
شيكومني اجيبه بلة..
سمعت صوت ام حر برا عزاا يعني اهله اجو شكد فشل
شلون راح اطلع..
شوية ودخل يضحك..اهلي اجو بس بالمطبخ كعدتهم
تعدلي وطلعي بس اعدل الصالة
يااا صدك عزاا شكد عيب اوكف اوكف جاية..
وين ؟تكدرين تكومين؟
بعد اسحل روحي قابل نتخزى كدامهم...

كمت بسرعة لبست وامشي واسحل برجلية كوة..
طلعت للصالة عدلتها وشلت
الملابس ورتبت المخاد ..
ورحت للمطبخ ..صباح الخير ..حجيتها بابتسامة..
اول ماشافني عمو فخري ابتسم..
يا هلا بهالصباح..
رحت بوست امه وعمو وسلمت ع اخوه ..

شلونج بابا كون مرتاحة وماتعبتو امس..
لا عمو البنات ساعدوني وهنا ماما واختي هم وحتى الولد
ماقصرو..
الحمدلله الله يرزقكم كل الخير على عتبته..
اي فدوة عمو ادعيلنا ماكو احلى من دعاء الوالدين..
كالت امه..الله يوفقكم ويزيدكم..

بعدها كامو تفرجو ع البيت ..سالتني امه شبيج تعرجبن..
كتلها مادري يمكن نايمة غلط..
حر اجه ينفجر من الضحك وابوه كال اي تصير من التعب..
را شوية رادو يرحون..
كتلهم غداكم يمنا بس ابد ماقبلو..
رغم خطية جايبين وياهم مسواك ولحوم ..
وكال عمو نريد نروح انة وسلام خالج لرجال صديقنا
وسلمو ويريد يطلعون..

واجو اهلي وتصادفو وياهم بالباب..
بس سلمو عليهم وراحو كالو متاخرين..
دخلو ماما وبابا ومرت مرتجى
وكعدو بالصالة وكعدت يمهم.
سالتني ماما بقلق..
شبيج تسحلين برحليج؟
مادري ماما فجأة هيجي صارن..
يجوز متكورة بنومتج وماواصللهم الدم لو
رافعتهم
نامي وسوي حركة البايسكل وهن يرجعن..
اي هم كال حر هيجي سوي...

سالني بابا ع البيت واخاف محتاجة شي وهم خطية
ممخلين شي ماجايبي..
ماما كالت كعدي يمهم وخلي رضا يمج..
وهي ومرت مرتجى
طبخولي الغدا وماقبلو اساعدهم..
وراحو الظهر رغم توسلاتنا انة وحر يبقون
بس اكيد مايكدرون لان الولد محد يطبخلهم
كال بابا ناخذ مسكوف بطريقنا ..
ودعتهم وراحو..

كعدت بالمطبخ وممددة رجلية ع الكرسي الكدامي..
اجه وصار كبالي..
خل احركهن الج حتى يمشي الدم بيهم..
مو هسه خل اسبح..
اي بعد اذا بالبانيو ترجعين تمام...
كمت بسرعة وناسية المهن..
لوووو تكلي تبقين تمشين مثل بيب بيب
مااجي وياك ما ما ما...
ههههه شدعوة عليج هو انة شمسوي..
لا مامسوي بس اذا لطشت تلطش بعد..
قابل بيدي...
لا برجلك ههه خليني اروح...
روحي وذبي عليهن ماي دافي...

صدك دخلت سبحت وماي دافي دلكتهن
شوية حسيت احسن..
طلعت صليت وتمددت ع ماخلص هو
وسوالي تمرين وحركهن الي وحسيت بتحسن..
تغدينا وكعدنا نسولف انة ويا هو يسولف عن طفولته
وشلون هو وعلاء وفقار جانو كلش متقاربين
حتى مرات يتعب من اللعب وينام
ابيتهم وهم كذلك..

للعصر وخابرتني ماما كالت حيجي بابا حجي وبيبي
كلش فرحت بجيتهم ولو هو مابي يطلع وتعبان
بس اكيد بركته بالبيت مطلوبة..
كلت لحر وبقى يحشش على بابا حجي ويكول
جيبي حبل وتعاي اربط ايدج بيدي
مااضمن الحجي مايخمطج ويطلع كلشي
اتوقع منه..

هسه لو يقبل بخالتي حتى يخلصنه منها وتخلصنه منه..
امم خالتك فضيلة !
اي هههه بعدج ضايجة منها..
منو حجالك الصار؟
امي حجتلي كلشي وكالت صدك حقها وطن تزعل
كتلها لو تحبيني ماتزعيلها جان داريتي خاطرها
لخاطري
وانة يومين وطالع جان تحملتيني وكلتي ايام وتروح..
انقهرت وبقت تبجي ..
بوستها واعتذرت منها وماريد احسسها انة افضلج
عليها...
اي احسن حبيبي بعد هي امك شما يصير...
الله يحفظها ويحفظج الي حبيبي..

وراها اجه بابا حجي وبيبي وياهم بابا وحسين
وماما..
وطول الكعدة بابا حجي مكعدني يمه وايدة ورا ظهري..
ويسال شبيج وشلونح ومرتاحة
وماخله شي..
اخرشيكال..بوية مو تحبلين هسه بعدج لا تورطين روحج
بجاهل..
اباوع لحر بقى يدخن وبابا لازمته ضحكة..

بس ماما كلتله بربك حجي ماتتمنى تشوف ابن وطن لو بتها
تتذكر من تكول الله ينطيني عمر واشوف وطن عروس
الا اطعم الف مسكين..
ضحك وعصرني بحضنة..بس ماحجه شي...
وماطولو هواي شوية وراحو...
وبقو باستمرار يجولي
واهل حر كذلك بالاسبوع مرتين ثلاثة يجون...

بيوم الصبح كعدت وي حر سويتله ريوك وراح للشغل..
وانة احس بوجع بظهري..
وشوية شفت دم بس قليل..
عرفتها الشهرية لان موعدها فات هواي
اخر مرة اجت ببداية زواجي..
اخذت احتياط وشربت مسكن وتمددت
لحد مااجه حر وتغدينا..
سالني ها شنو المشية مدري شلونها..
ضحكت بخجل..اي بعد اجت اليوم..
شكد صارلها؟
مادري فوك الشهر..
اي تصير..بس ارتاحي وهسه اسويلج وياي نسكافيه..

تمددت بالصالة وهو سواله نسكافيه وجابلي ويا..
شربته وشوية وغفيت..
كعدت لكيت حر هم نايم باوعت للكوب وضحكت
الناس تشرب نسكافيه تتنشط
انة نمت..
كمت غسلت وحميت الجاي ورحت للحمام
بس ماكو شي!
شنو تلعب عليه هاي..

رجعت للمطبخ طلعت ماعون كيك وطفيت الجاي
وكعدت حر
كام غسل وكعدنا ناكل..
باوعلي وضحك..
شبيك؟
متاكدة الشهرية؟
ضحكت حيل..انت عندك سونار؟
لا كتلج المشية تبين..
هههه مادري بس مساع وهسه كلشي ماكو..
كومي مدام بعد وكت نروح للدكتورة..
لا يو ماريد هي تجي..
لا تصيرين مهملة كومي يلا..

كمت بدلت واجيت شلت الصينية وطلعنا..
بالطريق كتله اخذلنا فلافل صار هواي مماكلين..
اي بعدين اخذج للسوري من نطلع من الدكتور..
اي هو للعشا لان هسه شبعانة...
وصلنا للدكتورة ام السونار بالاول لان هو كال اكيد تطلب
منج سونار..
اخذته وطلعت حتى نرجع للدكتورة..
اخذه من ايدي وبقى يباوعله..ابتسم وضيق عيونه
وبعدها مسح وجهه..

باوعلي عيونه مبتسمة..حبي انت حامل..
باوعتله بابتسامة وفتحت عيوني لاخر كلمة...
صدك؟
اي وعيونج الحلوة بس الحمل ضعيف لازم تاخذين
علاج..
شبيج وجهج اصفر؟مافرحانة؟
مادري ..ميته فرح وميتة خوف...
ليش؟
شلون اطلعه من بطني..
هههههه يطلع يطلع لتخافين ...

وفعلا الدكتورة منعتني من اي جهد او حركة زايدة
وعلاج وابر..
وبدت رحلة الحمل الماكو اصعب منها
يوم بعد يوم ثكل وتعب رغم حر واهلي مدلليني
وشالوني ع كفوف الراحة
بس يبقى الحمل متعب وخصوصا اول طفل..
جنت مقررة عملية ورابطة ع هالشي..
بس اجاني الطلوك بثالث يوم بشهري
جاي اصب غدا واجاني الوجع وحر توة راجع
بسرعة اخذني واخذ الجنطة المحضرتها
وخابر اهلي..

هناك بالمستشفى يعرفو ووصاهم عليه وماقصرو
الدكتورات والممرضات ابد معافوني
بس انة بحالة رعب وبس ابجي
لا اقبل اكعد لا اقبل واحد يتقربلي..
اجتلي ماما وشفتها ذبيت نفسي بحضنها
وبعد ماحسيت بشي...

للحكاية بقية
بقلم شقراء(قمر كانون)