مرحبا يا حلوين.. الحمدلله ختمنا قصة على صراط امي وعذبتكم وتعذبت بيها واكو هواي يعتبون يكولون قبل كنتي تنشرين يومي وبارت طويل وهسه شفتي نفسج... لا ابد ولله ماشفت نفسي بس كنت متزوجة حديثاً وماعندي مسؤوليات هواي وشوية شوية بدت المسؤولية تكثر..
من ولدت صارت اصعب وهسه ابني كل مايكبر يرادله اهتمام والله يحفظه بعد عمره عمر وكاحة وحركة وكذلك العائلة كبيرة واني الوحيدة الهم يعني بيت كبير وناس هوايه وكلها براسي من غير الخطار والعزايم ..
بس هذا مايمنعني اترك الكتابة ولا راح اتركها لان هالشي يمشي بدمي وكلش احبه واليحبني يتحمل شكد مااغيب او اقصر والحمدلله شفت هواااي يحبوني ويبررولي ويعذروني من اغيب..
احب كل متابعيني وماافرق بينهم واتمنى اجاوب الكل بس يادوب الحك انشر واذا صادفني تعليق وعندي فراغ اجاوبه احلى شي عندي من تنسجمون وي الاحداث وتعلقون مرة تعليق يضحك مرة انتقاد تصرف مرة حكمة هذا كله احبه واتمنى اجاوب الكل ..
بالنسبة اليكولون ختمتي القصة بسرعة ترى كتلكم من البداية هي قصيرة وماحبيت اماطل هواي والحمدلله وصلت ولو جزء بسيط من حياتهم ..
واكو تعليقات يكولون ليش تحجين ع السمر وتعليقات اخرى تكول تحجين ع الشيعة بقصة شجاع و.الخ.. ترى ربي يشهد علي ماافرق بين اسمر وابيض والمقربين مني يعرفوني واذا ع الشيعة فما انتقد مذهبي ولا اي مذهب اخر الحمدلله كلنا اخوان..
بس اني اوصل الفكرة لاصحاب القصة ونلتمس منها العبرة ونلتمس مواقف مشابهة مرت بينا ونعرف غلطنا من صوابنا :. يعني اكو بالتعليق يكولون ليش فلان بكذا قصة هيجي سوا هذا الشي حرام هذا عيب هذا غلط.. يعني غير اظهر عيوبهم واظهر محاسنهم قابل اسويهم ملائكة وانشر بس التصرف الزين ! انتو تخيلو جاي تشوفون حياة جيرانكم مثلاً.. قابل راح تدخلون وتلولهم سوو هذا ولا تسوون ذاك؟؟ لا طبعا.. لهذا اتمنى تنظرون للقصة بتأني ولا تحكمون بسرعة..
مااذكركم بالحكمتو عليه بسرعة وتالي عشقتو😉😉تتذكرونه لو لا هههه ...
وراح انزل رابط كروبي بالفيس طبعا كنت مااعرف انسخه ونسخته الي SMRA_srmde مشكورة منج هواي..
