وبعدها شرب القهوه مع السيجاره وبيتكلمو..-
- عارف انا كل يوم بشوفك من شباك اوضتي لما تطلع تروح الشغل ولما ترجع بليل بسمع بوابة البيت وانت بتفتحها..
- تمام..
- انا ليه مش حاسه ان انا وحشاك زي زمان !
- اخاف اقولك وحشتيني تسيبيني.
- انا هفضل جنبك.
- نفسي تفضلي جنبي بالفعل مش كلام بيتقال وايام ويتبخر ..
قالت : تحب اقرب اقعد جنبك وحشني كتفك لما كنا بنقعد في الباص وراسي مايله على كتفك، وحشتني ايدك وهي ماسكه ايدي، كنت بحس انك حاضني فعلاً ، ممكن امسك ايدك !!
- لاء لاننا لوحدنا وربنا اللي عالم ممكن يحصل ايه بعد مسك الايدين، خلينا كده احسن ..
وفضلو يتكلمو وعقارب الساعه بتعد في الساعات وتعدي الوقت بقيت الساعه 11 ونص قامت وقالت انا لازم امشي بس قبل ما امشي مش هكون غير ليك صدقني وانا هحاول اخلي ابويا يوافق عليك بس يارب ادعي ..
طلعت برا البيت وفضل نايم ع السرير لحد ما بدأ في النوم وفي عز النوم الساعه 2 ونص قام بيجري على حوض الحمام واول ما قرب من الحنفيه رجع دم من بطنه وجسمه بيرتعش ومش عارف الدم ده من ايه وقلبه بيدق بسرعه وبيرتعش وحاسس ان في حد ماسك مصارينه وقلبه بيعصرهم في بعض ..
مع الايام بدأ يتغير، مبقاش بيروح الشغل لحد ما اترفد منه وبدأ يفق قدام المرايه ويكلم نفسه كانه حد مجنون وفي وليله نهار و نهاره ليل لحد ما في يوم حس كان فيحد جواه بيحركه هو شايف وحاسس لكن مش قادر يتحكم في جسمه قام من على السرير وقع الطربيزة وحدف الكراسي بعيد وشال السجاد ..
وبدا بضوافره يخربش في البلاط لحد ما اغمى عليه، قام من النوم فاكر ان اللي حصل امبارح حلم لكن لما بص حواليه ولاقى نفسه نايم مكان الطرابيزة والكراسي مرميه عرف انه حصل فعلاً وبدأ يحكي لحبيبته على الموبيل اللي بيحصل بظبط فقالت انا مش عارفه ده ايه بس ممكن اكلم بابا وعلى فكره بابا وافق.
- بابا وافق علينا احنا الاتنين ومستنيك ..
- انا سيبت الشغل !
- مش مهم هو هيقدر ده..
- انا بقيت بحس بحاجات غريبه وكاني مجنون !
- بابا بيفهم في حاجات دي ممكن يساعدك صدقني ..
راح قعد مع ابوها واتقدم بس كان شرط ابوه غريب جداً
- انا موافق بس مهر بنتي الكرسي والسرير..
- كرسي وسرير ايه !
- يعني مش فاهم ! هيعمل عبيط اهو يابني متلفش وتدور !!
- مش فاهم ياعمي بجد !
يعني متعرفش ان تحت بيتك أثار !!
متعرفش ان تحت بيتك توابيت وكرسي وسرير دهب !
- انت بتهزر ياعمي ؟
- لاء تحت بيتك وباب المقبره في نص الصاله والمقربه تحت اوضتة ابوك وامك !!
- انت بتكلم بجد !
- ايوة بتكلم بجد ..
انا قلتلك مهر بنتي ايه وانت لو عايزها هتطلع المقبره وهتاخد بنتي وهتعيشو في عز وفلوس مش هتشوفه غير لما تفتحها..وعشان تصدق اكسر البلاط واحفر 50 سم هتلاقي علامات تقولك ان في مقبره تحت البيت ..
رجع البيت قعد يفكرفي كلامه صدق ولا كذب وفضل يسأل ناس عن المقابر والحاجات المتعلقه بالاثار والكلام اللي سمعه عشان يتأكد لحد ما قابل واحد صاحبه وقاله انا اعرف شيخ ليه في الجن ممكن يعرف عندك اثار فعلا ولا لاء وراح لشيخ مع صاحبه واول ما قابله الشيخ ابتسم في وشه ..
قال الشيخ
( ملك وتاجك على راسك والخدم حواليك عايزين يرضوك وحرسك في كل مكان بيحموك ومفتاحك متعلق في سلسله على صدرك والكل نفسه ينول الخير من خاطرك، صعب يطولوك بس انت بعيد وكل ما يقربو البعد عنهم بيزيد )..
- مش فاهم قصدك !
- جاي بتسأل عن كنزك مع انه بين ايديك، احلام بتحلمها وحزين على فراق والديك وكل احلامك حقيقه وكل حاجه متوقفه عليك.
- يعني انا تحت بيتي في حاجه !
- فيه كتير لكن المال مالك والكل ليك وحراس المقبره حواليك بيحاولو يفهموك والقطه السوده شايفها قاعده حواليك ..بيدقو على بابك كل يوم عايزينك تدخل وتاخد حاجتك ورب الكون أذنلك لكنك مش عايز وبتدور على خرابك مع ان النعم كلها تحت رجليك .
- يعني اعمل ايه !
- هتعمل المكتوب من غير ما تفكر وهتختار وهيحصل المتقدر وكل حاجه محسوبه ليها معاد لكن خلي بالك ممكن تبقي كويس وممكن يتغير حالك !- يعني ايه؟
- الحُب اسود وسواده في عيون اللي حواليك والطاعه في ايدك قرب منه هو بس اللي قادر على كل حاجه ..
- قصدك ربنا !
- كلنا عبيده واليه نعود والسحر معمولك في فنجان يسحرك ويقربك ولا يبعدك ويخليك خاتم زي ما يشاورو تروح والنهايه دم، ياتروح يا تقرب منه !
**قام من عند الشيخ وخرج وقال لصاحبه **
- مش فاهم من الراجل ده حاجه خالص !
- الراجل ده كلامه كله الغاز واللي بيفهمها بيرتاح واللي مش فاهم بيفضل مهموم زي ما هو تايه
- ياراجل !
- ده مش كلامي ده كلام ناس كتير قابلته واتكلم معاهم ..
وصل بيته قعد على الكرسي وبيبص تحت رجليه بيفتكر كلام ابو حبيبته انه يحفر 50 سم زي ما قال وهيعرف فقرر انه فعلاً يكسر البلاط ويعمل زي ما قال ..كسر البلاط وبيحفر وكل ما يحفر يسمع صوت طبل وزمر في ودنه وكانه بيتزف زي العريس وبيكسر لحد ما وصل لصندوق في مسافه 30 سم طلع الصندوق وفتحه..
فتح الصندوق لاقى جواه صندوق صغير فتحه شاف رساله مكتوبه والورق ورق عادي مش ورق بردي وبص ف الصندوق الصغير شاف سلسله دهب اخد الرساله وقرأها وهو بيقراها انهار من البكاء والصراخ وفضل يكسر في كل حاجه حواليه لحد ما فضل نايم على الارض والحفره جنبه والصندق عند رجليه قام من النوم وبيدمع..
قام لا غسل وشه ولا حتى اكل وطلع من البيت راح لمحل بيبع ادوات الحفر واشترى حفار وحاجه يشيل بيها التراب اللي هيطلع من الحفر و رجع البيت وهو داخل البوابه ابو حبيبته شافه قاله هو ده الكلامبصله الولد بصه غريبه وبعدها اتغيرت ملامحه لابتسامه ودخل وقفل البوابه ..
اتصلت بيه حبيبته وقالتله انا مبسوطه انك سمعت كلام بابا بجد لانك كده بتقربنا من بعض بحبك اوي يا اغلىحاجه في حياتي ..
قال: وانا كمان مبسوط اننا قريبين من بعض وقريب هنتجوز متقلقيش بس يطلع كلام ابوكي صح !!
قفل معاها وقلع القميص وفضل بالفانيله الداخليه والبنطلون وبدأ حفر لحد ما وصل لحاجه زي الرخام مرسوم عليها رسومات فرعونيه كتب المكتوب ع الرسمه وفتح النت وفضل يترجم الكلام الفرعوني وبعدها عمل سيرش على الكلام..
لاقى ان المقبره تابعه للاسره الـ 15 واللي تحت كرسي وسرير ومقتنيات ما بعد الحياه الابديه عشان الفراعنه كانو بيأمنو ان في حياه بعد الموت وكانو عظماء في السحر وتسخير الجن وبيسخرو الجن يحرس المقبره لحد ما الميت يقوم لحسابه ويعدي بمقتنياته للحياه الابديه ..
وصعب انك تفتح المقبره والجن واقفين حرس عليها فلازم ترضيهم وتنفذ المطلوب عشان يسيبوك تدخل وتاخد كل حاجه لان الفراعنه كان لاازم يحمو مقبرتهم خوفاً من السرقه او النهب فكانو بيستخدمو السحر ك وسيله للحمايه..وصعب انك تفتح المقبره والجن واقفين حرس عليها فلازم ترضيهم وتنفذ المطلوب عشان يسيبوك تدخل وتاخد كل حاجه لان الفراعنه كان لاازم يحمو مقبرتهم خوفاً من السرقه او النهب فكانو بيستخدمو السحر ك وسيله للحمايه..
وكسر الرخامه وبدأ في الحفر واول ما وصل لمسافه 5 متر بدأت المياه الجوفيه تنهال عليه فطلع من الحفر وراح لأبو حبيبه وسأله ازاي في مايه والمفروض ميكونش في مياه !
قاله ان الفراعنه زمان كانو مهندسين معماريين وبيعملو افخاخ كتير ومن ضمن الافخاخ المياه الجوفيه لانهم كانو قبل ما يعملو المقبره كانو بيكونو عرفين خط سير المياه الجوافيه وبيحفرو تحتها وبيعملو المقبره عشان لما تحاول تحفر تقابلك المياه فتزهق وتقفل الحفر وتمشي..
انت تعرف ان الهرم الكبر بتدخل فيه الشمس في السنه مرتنين مره يوم عيد ميلاده ومره في يوم وفاته ف اللي يعمل كده اكيد ممكن يعمل اي حاجه ممكن تحمي مقابره من النهب والسرقه فقرر الولد يكمل حفر حتى والمياه الجوفيه حواليه لحد ما وصل سرداب ..
واول ما وصل لسرداب بدأت ريحه غريبه تطلع فجري وطلع بسرعه من الحفره وطلع فوق وفتح شبابيك البيت عشان تطلع الريحه دي وسأل عن الريحه اللي بتطلع واتقاله ..
الغاز اللي طلع ده هو ده اللي عملو منه لعنة الفرااعنه وان الغاز ده قبل 4000 سنه كان هواء اكسجين عادي مع الوقت ان الهواء مش بيتجدد فبدأ يتغير الهواء لمواد غازيه لغاز سام بمجرد ما تشمه بتموت في وقتها بمقدر ما اخدت منه جوا صدرك وده اللعنه اللي بيقولو عنها بمجرد ما تشمه تقع مكانك..
وبدأ الولد سايب الشبابيك مفتوحه والمراوح شغاله وسابها يومين وبعدها نزل الحفره ونزل في السرداب وهو ماشي داس برجليه اليمين لاقي حفره عميقه افتكر الافخاخ اللي كانو بيعملوها عشان لو وصلت وقربت تبدأـ الافخاخ وبدأ يحدف حاجات تقيله قبل ما يمشي ع الارض لتكون فخ لحد ما وصل لطريق صغير..
بدروم تحت الارض كمان نزل فيه لحد ما وقف بص على يمينه شاف باب وعلى شماله باب وقدامه باب ، 3 ابواب مرسوم عليها ومكتوب عليها بالفرعوني وقف مزهول من اللي شايفه وبعد ما فاق من الصدمه طلع من الحفره وراح بليل لابو حبيبته وقعد معاه ...
More
- أنا حفرت بس مش لاقي اي حاجه وقفلت على الحفره .
*قام ابوها وقف من على الكرسي وبعصبيه وصوت عالي*
- يعني ايه مش فاهم !!
- يعني ملقتش حاجه تحت كل اللي لقتيه سرداب ومفيش اي منفذ لاي حاجه خالص !!
- انت بتهزر ويبقى كده مش هتتجوز بنتي
- طب اصبر يمكن الاقي هحفر تاني وادور اكيد هلاقي ..
رجع تاني للحفره ونزل تحت وقف قدام ال3 ابواب بيبص ليهم وبيلمسهم بأيده وبعدها اتصل بصاحبه وقابله برا واتكلم معاه شويه وراحو لشيخ اللي راحله قبل كده وبعدها قام و اختفى شهر كامل محدش عارف هو في البيت ولا برا لدرجة انهم شكو انه مات وابو البنت خاف على نفسه ليكون الحكومه مسكته وهيتكلم..
وحبيبته فضلت تتصل بيه لحد ما موبيله فصل خالص ومحدش عارف طريقه وسألو اصحابه عنه ومحدش عارف هو فين وسألو عنه في الاقسام والمستشفيات والجثث اللي محدش يعرف بتاعت مين لحد ما بقى مختفي شهرين ..
بعدها ظهر وهو بيفتح بوابة البيت..
**انتهى الجزء الثاني**