مهر بالدم

مهر بالدم - الجزء الثالث

جريت عليه حبيبته 

 - كنت فين ! 

- كنت بلاقي حل لكلام ابوكي ان لازم يكون في عشان اتجوزك

 - ولقيت الحل !

 - قريب هلاقي متقلقيش مش انتي بتحبيني ! 

- بحبك اكتر من نفسي

 - وانا كمان ..

بعد يومين كلم ابوها .. 

- أنا لقيت 3 اوض جنب بعض بس مش عارف افتحهم الابواب حجر ! 

- سيبها انت واحنا هنيجي نفتحهم .

 - ماشي بس امتى !

 - بكرا هجيلك .. 

- ماشي وياريت بنتك تيجي عشان تشوف مهرها بنفسها زي ما انت قلت .. 

- ماشي مفيش مشكله بس احنا هندخل البيت بليل عشان محدش يشك فينا ..

... اليوم التالي ..

 دخل ابوها ومعاه 3 اصحابه لكن بنته مكانتش معاه فسال عليها قال تعبانه مقدرتش تيجي وخايفه كمان ف نزل ابوها واتنين من اصحابه وفضل واحد معاه على الحفره فوق راحو شافو الاوض ومن الصدمه والفرحه جريو وقالو تمام انزل بالمعدات ونزل صاحبه التالت والولد فوق بيحول المعدات.

واول والولد قاعد فوق مستنيهم جاله واحد من اصحابه بيبصله بيقوله 

 - الاوض كلها فاضيه بس مفيش غير السرير والكرسي الدهب !!

 - طب ازاي !  

ابوها وقف من تحت الحفره بيقوله: فين باقي الحاجات التوابيت و الدهب ! 

قاله : مش انت كنت عايز مهر بنتك السرير والكرسي !! خدهم..

اتصل بحبيبته وقالها : تعالي ابوكي عايزك

 طلعت من بيتها دخلت بيته وقفت قدام الحفره بتنده على ابوها لقته واقف والكرسي والسرير جنبه وبيقول : ايه اللي جابك 

 - مش انت طلبت منه انك اجيلك ! 

- انا مطلبتش منه حاجه بس ماشي عايزين نوسع الحفره شويه عشان نطلع السرير و الكرسي ..الولد قال حاضر.

شد الولد حبيبته من شعرها وهو لاوي دراعها وقال لابوها مش انت كنت عايز مهر بنتك !

 اهو قدامك الكرسي والسرير اللي هتنام عليه وحدف بنته في الحفره وقعت قدام ابوها بيجري عليها بيصرخ "بنتي" ..

 - انت عايز مننا ايه ! 

- أنا مش عايز حاجه انا اخدت كل حاجه في ال3 اوض وسبتلك اللي طلبته ..

- انت زمان اخدت حاجه مش ليك والنهارده رد الدين وفجأة ظهر صاحبه جانبه واقف بيبص عليهم وبيهز راسه وحزين وبعدها جاب صاحبه براميل كبيره ورماها في الحفره وهما تحت ..ابو البنت واصحابه بيصرخو : مش عايزين نموت طب خلي بنتي تعيش خدها حرام عليك ارجوك وبدأ في البكاء ..وبعدها بدقايق جاب صاحبه الاسمنت وبداء يرميه في الحفره لحد ما سد الثغرات في الحفره ويرمي اكتر لحد ما عمل عازل وبدها قفل عليهم بالتراب وسابهم تحت الراجل واصحابه التلاته واللي كانت حبيبته سابهم ومعاهم الكرسي والسرير ..

وبعدها قفلو عليهم وبلط الحفره وحط السجاده والطرابيزة والكراسي ودخل نام على سرير امه وابوه وبيبكي ..

تاني يوم . قام من نومه لقى صاحبه مجهز الفطار على الطرابيزة وقام فطر

 وقال لصاحبه: 

- الفلوس اللي بعنا بيها الحاجه فين ؟ 

- متشاله.. 

- عايز نص الفلوس يطلعو صدقه على ابويا وامي والباقي يتقسمو علينا انا و انت الشيخ ..

 سمعو الباب بيخبط جامد قام يفتح الباب ..

جارته ام حبيبته وجوزته: جوزي فين !وزقته ودخلت ملقتش اي حفر ولا اي حاجه..

 - ايه ده الحفره فين وجوزي فين ! 

- جوزك ايه وبتاع ايه انتي داخله فينا كده ليه ! 

- انتو وديتوهم فين ! 

- منعرفش مفيش حد جه دوري اهو بصي وشال السجاد ومفيش اي اثار لحفر ولا لاي حاجه ..

طلعت من البيت تدور عليهم وتبلغ عن اختفائهم والولد ماشي جنبها في ظهرها بيسأل معاها عنهم في الاقسام والمستشفيات وهي ادتله الامان ان فعلاً مفيش اي حاجه ..

- مش هتنام بقى !!

 - لاء احكيلي حدوته زيها يابابا !! 

- كفاية ياحبيبي عشان تنام 

 - لاء واحده كمان !!

 دخلت زوجته عليه انت بتقعد تحكي للولد حواديت وحكايات غريبه بجدقربت من ابنها وباسته على خده 

وقالت : يلا ياحبيبي نام

اخدت زوجها من ايده وطلعت بيه برا .. 

- انت بتقعد تحكيله انا مش عارفه ما تحكي ليا زيه كده وتهتم بيا !! 

- انتي كله حاجه ياحبيبتي كفايه ان انا معاكي اهو .. بحبك 

- كداب لاء

عارفه أنا عمري ما تخيلت ان ممكن اتجوز الانسانه اللي حبيتها بجد، انا كنت عايش في مأساة من غيرك وربنا عوضني بيكي في الاخر ..

- ابنك بقي عنده 6 سنين مش عارفه بقعد اسمع عفاريت وحاجات غريبه بتقوله ايه بجد !

 - دي حدوته زمان بابا كان بيحكيها ليا .. 

- ما تحكيها ليا انا كمان !

 - ماينفعش 

 - ليه ! 

- عشان فيها ناس بتقلع وعيب ..

قامت زوجته تحضرله الاكل على الطرابيزة اللي في نفس الصاله، ولع سيجارته وبيبص تحت رجليه ..

**انتهى الجزء الثالث **

محمود طاهر..