البارت الثلاثون
رواية...انتي سيوف الثأر في اجفاني..
بقلمي...نور سمو العراق
💔💔💔💔💔💔💔
ما زلت ابحث عن عيونك بيننا امل وليد
أنا شاطيء القت عليه جراحها
أنا زورق الحلم البعيد
أنا ليلة. حار الزمان بسحرها
عمر الحياة يقاس بالزمن السعيد
و لتسألي عينك أين بريقها
ستقول في الم توارى صار شيئا من جليد
و أظل ابحث عن. عيونك خلف قضبان الحياة
ويظل في قلبي سؤال حائر
ان ثار في غضب تحاصره الشفاه
كيف انتهت احلامنا
.........................
من يتحدد المصير وتشوف الموت يحاصرك من جميع الجهات متفكر بس بنفسك واقرب الناس الك....
وتمر لحظات تشعر بخوف الئ ماتوو مقتولين...وتعيش احساسهم....بهذا اليوم عشنه احساس زينب ومهتدئ....
كلي ارجف ورجليه ترعش واني مصفوفه علئ الحايط وخالد حاميني بصدره وحاط اديه علئ الجدار
اشوف وفود العالم وهي تتراكض لكن باب الدخول كان صغير ما يوسع العالم....والصريخ والاطفال تتباچئ عبالك يوم الحشر ناس دكول احزام ناسف يركض وره الزوار وناس دكول انفجر واحد واحد راح ينفجر....احس كلبي طااار ورعب الي اعتلاني خلاني اصررخ بهستيريا
وصار مدافع وكل واحد يريد يحمي نفسه علئ حساب غييره وعرفت الروح عزيزه ...
ضحكت بااستهزاء واني اصرخ بداخل نفسي خالد يسميني الروح معقوله اني هيج عزيزه عنده
همس برعب ...دانيه ابريني الذمه...
اني من الرعب والخوف والرجفه الي اعتلت جسمي ردت انطق واحجي لكن وكعت بين رجليه مغمي عليه....
وبعد ما عرفت الصار.....
................................
جنت كاعده من الصبح بدلت الفادي وعطرته وانطيته العمه ومرتضئ راح الشغله شايل خشمه ويتعيقل مااعرف علئ شنوو...
كتله يابه تزوج سحر وهم مراح اتطلگ منك اكل تبن واسكت ضل يصيح ويغلط وخله وراح....
هي سحر مضلومه ويتيمه اني مااريد اشيل خطيتها..رحت للمطبخ لكيت زوجة معن تغسل مواعين ....
اني رحت كنست الاستقبال خطيه اليوم دنوو بالنجف هاي اول مره تزور النجف حنه ما ندفن بالنجف...بس عادي يكولون هم دافنين بوادي السلام...
هي بعدها مريضه واصرت اله تروح...
كملت كنس ورحت امسح بالبلازمه....
دخلت ام علي كالت...هلا رانيه اطلعي اطلعي اجه زوجي ويايه منو من الولد هنا....
كتلها...هلاو بيج عمري بس عمار ونايم بغرفته لان مرتضئ راح للشغل وخالد هو ودنو بالنجف ومعن كذالك مموجود بس عمار نايم...
كالت...روحي كعدي عفيه كليله اجه ابو علي
كلتلها بخجل...والله استحي
كالت...يمعوده عليمن هو مثل اخووج...
خلت وراحت دخلت زوجها واني طلعت....
وبعدين راحت لغرفة امها....
صعدت اني تافئفت هسه شلون حاله اني حييل مااحب عمار واحس نظراته مو مريحه...
دكيت الباب دكيت ماكووو...
فتح الباب بهدووء هو جان نايم ومغطي جزء من جسمه وصدره عاري...
تنهدت وخجلت خليت ورجعت ردت اطلع ...
سمعته يتثائب ويحرك بروحه...
درت وجهي عليه وبسرعه نظري منه
كتله...صباح الخير بس ام علي دكول ابو علي جووه بلكي تنزل اله...
كال بهيام ونظرات جريئه...ادللي غاليه والطلب رخيص كم ام فادي عدنه...
خزرته بنظره حااده وطلعت...
ويه ما سديت الباب حسيت بايد خشنه سحبتني...
باوعت عليه جاان مرتضئ يباوع عليه وعيونه تجدح ناااااااار
لزمني من شعري وسحبني مثل البهيمه...
وصلنه للغرفتنه دفعني حيييل وسد الباب....
كال بعصبيه....شسووووين بغرفة عمار
كتله بغضب...شنوو قصدك شسوووي مرتضئ احترم نفسك ترئ هوووايه تجاوزت عليه وسكتت...
هو هجم عليه ولزمني من رگبتي كاال...محترم نفسي قبل لا اعررفج...ومن شفتج احتقرت نفسي مااحترمتها لج حشششره نذله شفتيني ما منطييج عيين وما منطيج حقج رحتي العمار ....
صدووك حييييييل قهرني وجرحني بكلامه...
رفعت ايدي بعصبية ونزلتها علئ خده
هو حط ايده على خده بصدمه ...
وهجم عليه نذاله وحقااااره كطعني تكطع بحيث شعري لزگ بااصابعه....
طاحلي راشديات ورفسات وشعري تكوم علئ الارض منه
جنت ابجي بصمت وبدون صووت مااريد يعرفون الصار
وهو نذل يكول اذا طلعلج صووت والله اشرب من دمج....
وكف وابعد شعري من اصابعه وهو يكوول...والله اله اربيج المرحووم جان هوواي مدللج اله اطلع دلاله من خشمج....
كتله بعصبية وبكاء...طلگني...
رجع لزمني من شعري واني لزمت ايده
اباوع لعيونه تجدح وحااده وصار عبالك شيطان...
كال...اتمنى والله ياريت....
دفعته ووكفت رحت للحمام وقفلته عليه...
عاتبت مهتدئ بصمت ...شلوون يرضى هاا النذل يأذيني واني امانة ترضى يا مهتدئ مرتضئ يضربني ويهيني....
يشك بيه ويه عمار ويكول انتي وحده منحطه بيج خير جان حافظتي على نفسج باايام الخطووبه مو حبلتي وانتي ما معرسه....
حييل يجرحني بكلامه اريد بس تمر فتره على زواجنه اتطلك منه ولا اضل وياه.....
وكفت غسلت بسرعه....ومسحت دموعي وحاولت اضبط انفاسي بس مكدرت كتم الشهكات خنكتني...
خليت ولبست شالي وطلعت ضليت انضف واشتغل حتئ انسئ الي صار بس كل شويه اختنك واكتم عبراتي....
رحت اخذت فادي من عمتي وطلعت...
لحكتني ام علي....
لزمتني من ايدي كالت...شبيج رانيه شكلج ما يبشر بخييير
اني عبالك جنت محتاجه استجابه من واحد بسررعه بجيييت وشهكت
حضنتني ام علي كالت...يا يا رانيه شبيج منو وياج
كلتلها...تعبت ام علي وكرهت روحي اني مالي مكان بينكم من البدايه لو الي مكان جان ضل مهتدئ زواجي من مرتضى غلط....
كالت...شبي شسوالج
كلتلها بنحيب....ضربني ويعيرني بحملي من مهتدئ اني والله مااكدر اعيش وياه...
سحبت شالي وشافت خدي شلون اصابعه مطبوعه بخدي
كلتلها...حكم القوي علئ الضعيف....اني واختي تحملنه هووايه وسكتنه...
كالت باسف...بس ليش ضربج
كلتلها...لان جنت دا اكعد عمار يجي يم ابو علي اني مو كتلج مااريد اكعده اني بغنئ عن المشاكل....
كالت باسف...هسه والله اسووي بي فلك...
سحبت ايدها كلتلها ...لا لا ام علي الله عليج عوفي...
سحبت ايدها وراحت ....
دخلت للاستقبال شافته كاعد ويدخن بجكارته
ام علي...خوويه مرتضئ هذا انت العاقل هيج تسوي بمرتك
مرتضى رفع راسه بذهول وطفئ الجكاره بعصبيه....رجاءا ام علي انتي اختي الكبيره ومااريد اضوجج هاي كلبه بنت سطعش كلب
ام علي كعدت يمه وحطت ايدها على كتفه وبحنيه....خوويه مرتضئ شبيك انت مو صغير شبيها رانيه والله حلوه وتجنن ونضيفه ودارسه والله لو ما ابنها مقبلت تزوجك...
مرتضئ بتنهيده...لج يا خويه ياا ام علي محد حاس بيه يعني والله حتئ من امي استحي شلون انام واكعد ويه مرة اخوويه احسن خاين حتئ اهلي
مو بس اخويه
ام علي باسئ...خوويه انت اخوي ومهتدئ اخوويه والحي ابده من الميت وبعدين هو ما تزوجها ولا جابها البيته هي خطيبته صح اخذ حقه منها بس انت متكدر تعتبرها مثل اختك لان ما عاشت وياك خوويه خطيه لا تضلمها حرام عليك والله...
تنهد بحيره وتافئف...
ام علي...اذا علئ دخلتها لغرفة عمار ترئ اني جبرتها لان ابو علي محد يمه....
جر نفس عميق وحط ايده على خده اتذكر من ضربته...
حلف بداخل نفسه شكد عرمه ووكحه وهو يتخبل من هيج وحده ليش يحب سحر لان شخصيتها ضعيفه وفقيره....
كلها...ام علي سدي الموضوع رحمه المهتدئ
ام علي...سكتت
عم الهدوء بضع دقائق...
مرتضئ شغل جكاره ثانيه...اي شعجب جيين اليوم
ام علي...والله امي خابرتني واجيتها
مرتضئ بتساؤل ...شتريد؟
ام علي...خطبت سحر لعلي دكول خوش بنيه وام بيت وفقيره...
وكغ مصدوم من كلام اخته...
همس بتوتر....شش شنوو سحر خطبتوها لعلي
ام علي...اي
مرتضئ بحزن...وعلي موافق
ام علي...ليش ميوافق والله ياخويه هو كال يمه دوري الي مره واني تعبت بناتي بالمدارس واني ضاله اكرب الوحدي اريدلي بنيه تساعدني وترد عليه الوحشه من يرحون....
مرتضى بقهر...وسحر؟
ام علي...ما الها رأي بكيف جدتها...
عقد حواجبه بضيق واخذ مفاتيحه وجكايره وطلع شاف رانيه كاعده توكل بالعصافير
دارت وجهها عليه ورجعت توكل بالعصافير وكان هو مموجود....
هو طلع وركع الباب وراها بقوووه...
طلع وشفت عيونه مال واحد متعارض ومتخبل ردت اخابر ماما تجي تاخذني ممجبوره اتحمله
بس سكتت كلت هسه يكولون بعدها متزوجت زعلت وذاك موتته ابد الناس مترحم...رحت اخذت ابني ورحت الغرفتي ضليت انوم بي واغني اله وهو كوولش هاادئ...
.............................
صحت لكيت نفسي علئ السرير
حسيت مثل الابر بعيوني فتحت عيوني بهدوء شنو الصار اني وين جنت شنوو اخر شئ صار ويايه ليش گلبي مقبوض واحس متكئبه صاير شئ بس شنوو...
حطيت ايدي على صدري وكعدت...
شفت خالد كاعد علئ الكرسي ويدخن بهدوء والإضاءة خافته وهو لابس قميص اسود....
همست بخووف....خالد
خالد...هااا يروحه
بجيت بنهيار...شنو الصار اني شبيه جنت احلم
كال بعد ما كعد يمي ...شنو شبيج شحلمتي
كتله...احنه جنه كاعدين بالسيد وركض ورانه حزام ناسف
ضحك وحضني كال...لا متحلمين صدك بس انتي من الخووف اغمئ عليج...
ابتعد عنه وهمست برعب ....ماتت عالم
كال...لا حبيبتي ما ماتت عالم جان مجرد اشتباه
عقدت حواجبي بااستغراب وكتله...شنو اشتباه
كال ...هناك بالسيد اكوو محل يبيعون اكل ومن شدة الحراره طك الگوزان والعالم شردت وصاحب المحل خاف علئ العالم شال الكوزان وركض بنص المقبره شافته العالم وشردت عبالها حزام ناسف بالمقبره وهو خبص العالم...
ضحكت شكد العراقين مضلومين ضلينه نخاف من كوولشي رعب عشته مو طبيعي..
همست...عبالي الگه روحي بالجنه
ضحك كال...شمدريج بالجنه
جاوبته بعصبيه...شنوو كاتله ابووك لو ضالمه مثلك...
ضحك وحضني كال...اعووذ بالله منج لسان دلاله
كتله...هاا صدوك اكرهك
كال...احببببج
كتله بعناد...اكرهك اكرهك اكرهك
كال بصوت ضاحك...احبج احبج احبج
كتله...حبني بس مراح تلگه غير النفور
سكت كال...مستعد اذوب الجليد الي تغلفت بي روحي
كتله...اليوم عشت شعور زينب
كال باسئ...جنت دائما اكوول شنو جان شعورها من انفجرت بيها السياره خافت انرعبت استنجدت بيه لو بغيري شنو جان احساسها ماتت قبل لا تحترك لو النار حركت روحها....
نزلت راسي بحزن وكتله...الله يرحمها انت شنو جنت تتمنئ
سحب نفس عميق وكال...جنت اتمنئ ميته قبل لا تحترك الحرك اعظم موووت وابشع مووت
كتله بدموع...من شفت المقبره باليل وشفت القبور تضم اجساد ناس جانوا عايشين ويانه كوولش خفت وعدت حساباتي ودخل الايمان لگلبي وشعور الرهبه اعتلاني احس قبوركم ومقبرتكم الها رهبه...
كال...مقبرة وادي السلام تضم رفاة هووايه من العالم وتعتبر اكبر مقبره بالعالم وبيها أجساد علماء وسياسين ورجال دين...وقربها من مرقد الامام علي عليه السلام خله الها مكانه كوولش كبيره عند الشيعه وخلاهم يتشوقون حتى يكون مثواهم الاخير...
باوعتله بحيره وكتله...حلوو بس احس اكوو قبور قديمه وترعب...
كال...اي قديمه حيل واكوو قبور صار الها مئات السنين...وهم القبور تكون نوعين وبيهن يوصل طولهن8 سم...واكو سراديب يكون عمقها بين ل 5 الي 8 امتار
كتله بخوف...دفنت زينب بسرداب
كال بقهر...لا لا قبرها ناصي اسلامي
كتله..شنو شعورك من دفنتها
بلع ريقه بغصه وكال....اخذناها من الطب العدلي الصبح جان لفوها بجيس وهناك كالوو غسلوها بتراب لان جسمها محترك ما يتحمل مي...
جانت مثل الحمامه الطايره احسها رايحه تشكي الربها من ضلم الئ قتلوها بدون ذنب...امي حطت علئ تابوتها عبايه واني صعدت علئ الكوستر ما فارگتها ولا لحضه جنت اتمنئ تكون مو هي الميته اتمنئ تكون عايشه وفاقده ذاكرتها ماجنت اتخيل ادفنها بااديه الاثنين الطريق للاسف شكد بعيد احسه صار دقيقتين....
اخذوها للمغيسل وغسلوها جانن رجليها مثنيات وكالوو ميصير تدخل هيج للقبر كسرو رجليه
وهنا تخبلت هديت عليهم وعاركتهم وكلبت الامه وعمامي لزموني...وهدوني بس هيهات...
المهم رحنه لكينه قبرها حافرينه حسيت حافرين گلبي شلون انزل زينب الحلوه الناعمه بهاي الحفره واخنكها بالتراب حضنتها بين اديه وهمست بااذانها
راضي عنج يا طاهره يا شريفه والله يومج جمره بكلبي ما تطفي ولا تبرد وحقج اخذه من عيوون الكل...
بستها وهي بالكفن وكل ما كدرت اودعها ...محولله وموهوبه يا كياني شفيعج امير المؤمنين
حسيتها زلكت من اديه بدون ارادتي ودخلت القبرها جان اصعب يوم مر عليه بحياتي...
هلوو عليه التراب وضل الدفان يلقنها
لا تخافين اذا سألوج منو ربج كولي الله ربي...وضل يلقنها شنو ذنبها ...
مقبلت اروح وياهم كلتلهم تخاف والله تخاف مااكدر اعوفها وحدها هاي عرضي شلون رجولتي تراضاها اعوفها لوحدها....
سحبوني سحب...كرهت الدنيا والكل وضليت سنه كامله مااطلع احس كرهت العالم كلهم واحسهم يستهزئون بيه
كل خميس وثنين ازورها...
دفعت الها ردود مضالم وصوم وصلاة ملابسها وزعتهم بثوابها...
سجلت بال.... هم ضليت سنه ما تحملت يوميه متعارك مدري شبيه اكل بالعالم اكل وبس اسوي مشاكل بطلوني...
ومات مهتدئ زاد الطين بله....
شفت التهديد الي انتي هددتي بي مهتدئ جنت اريد بس واحد انتقم منه وانتي اجيتي وفعلا انتقمت منج
تنهدت كتله ....بس حرام عليك والله
كال...ادري
درت وجهي..عنه
كال...نروح نزور الامام علي عليه السلام وبعدين نروح للقبور....
كتله بخوف...اخاف يصير انفجار
كال... ههههه لا لتخافين ماكوو شئ...
كتله...لا اصلا انت تكيف امووت
سحبني وضمني الصدره كال ...والله متهونين انتي الروح...
انتي علاج لجروحي اذيتج صح بس عالجت نفسي
كتله...ماااحبك
باس شفايفي حييييييل
دانيه بعصبيه....اممممم
دفعته ...شبيك تخبلت
خالد ببرود ....كل ما دكولين اكرهك ومااحبك هيج اعاقبج...
كتله واني اتهرب منه...
مااحببببك اكرررهك...
ركض ورايه واني ركضت فتحت باب الحمام بس هو سحبني وباسني مرتين...
كال لصاهر عجبتج العقوبه هههه
عفته ورحت لبست صايه واخذت عباية الصلاه وطلعنه اني وياه رحنه للامام علي عليه السلام
دخلت زرت حسيت باانشراح بصدري صليت صلاتي وكتفت اديه
شفت العالم ممهتمه عبالك دا اصلي مثل صلاتهم ماحسيت اكوو طائفية...الحمدلله دعيت ربي وتوجهت للامام طلبت منه حاجه بصدري...اذن اذان الفجر صليت ويه الشيخ جماعي بس مثل صلاتي صليت
وخليت وطلعت....
اخذت موبايلي من الامانات اتصلت بخالد واجاني لزمني من ايدي ورحنه للمقبره...
دخلنه جان الجوو بارد وازدحام هي اصلا جانت زياره
اول شئ اخذنه المهتدئ
خالد من النوع الي ميبين حزنه مشفته اذا بجئ بس هو نام علئ قبر اخووو وضل صامت...
واني حيل بجيت عليه خطيه خطيب اختي وحبيبها راح مثل شربت المي....
بعدها قرينه الفاتحه وخليته مي وبخور وطلعنه هو ركبني بسيارته وكال نسيت شئ يم مهتدئ
وقفل السياره وراح جان الخوف مسيطر عليه....
ضل تقريبا ربع ساعة ورجع...
شفت عيونه حمر ووجهه احمر....
ساق بسرعه ورحنه القبر زينب....
جان كلبي يرجف من روحتي الزينب...
وصلنه القبرها...
جان قبرها عبالك قبر عروس كله ورد مترب وتور
هو هام عليه ونحنئ وحط جبينه علئ قبرها....
ضل يهمهم بكلمات معرفت شنو حجه واني نطيت من البجي عليها...
للاسف سبيتها ومزقت صورتها والسبب يرجع اله...
هو يحجي ويمسح على قبرها بيده
اني كلتلها بنحيب ...عفيه حبيبتي سامحيني والله مو قصدي اسوي هيج بس ماجنت اعرف انتي هيج مضلومه...
هو رفع راسه عليه وعيونه تجدح خفت منه ونزلت راسي....
تنهد وكال يالله دانيه كافي تعبتي
كتله...لا لا بعدني
هو وكف وكفني سحبني من ايدي وطلعني....
ركبني بالسياره وقفلها...
ورجع وره نص ساعه رجع عليه احس روحي طلعت وبجيت بجي مصاير...
شفت حالته يرثئ الها سكتت من البجي احس صدعت ومتت
وهو ساق ورجعنه للبيت طول الطريق جنت نايمه وهو كل شويه يمسح على ضهري وراسي...
وصلنه للبيت بعد طريق شاق ومتعب
بسرعه رحت سبحت ونمت حتئ كوولشي مااكلت ولا شفت اي واحد......
وهو كذالك
.....
بعد مرور اسبوع....
جدتي كالت سحر اليوم يجي يشوفج علي حتئ بتزوجح
جنت كلش كارهته وما رايدته وخايفه كرهت جنس ادم كلهم من غدر قيس لخيانة مرتضى
انوب عليه علي مااريده
وضليت ابجي وجدتي كتلتني حييل...
اجت رانيا لبستني فستان من دانيه حلوو ولونه عشبي وحطتلي مكياج...
ضجت منها حييل كاعده تجملني حتئ تخلص زوجها مني....
ماتدري بيها كرهت الكل...وشلون هذا علي يتقرب مني....
باوعت علئ وجهي بحزن بالمرايه
ليش يعني ما تزوجني مرتضى اني احبه مااريد ابن اخته واحس اقهره واخونه....
اجت عذراء دخلت بعصبيه...
كالت....حظوظ شبينه مو حلوات محد بخطبنه وين المسحوله تزوجت وعذراء بعدها عذراء...امهات الوصخ والجايفات صار براسهن حظ...حضي حظ المسعدات حضي حظ النايمات للضهاري....
كلتلها...تردي اخذي
كالت...اي مو هو راس خس
كتلها...جااا سسويلج
كالت بس اريد اهوس علئ حضي..شمالج ياعذيره ما تزوجين وكله تزوجت حتئ البزازين
وبعدها خلت وطلعت.....
اني ضحكت ولبست شالي وطلعت....
التقيت بمرتضئ بسرعه رجعت وحطيت ايدي على صدري من الخوف والحنين
بجيت بصمت علئ حبي الضايع....
...........
مرتضئ من شفت سحر كاشخه ولابسه والمن الابن اختي حيييل انقهرت وتاذيت...
احبها بس ما اعرف احس مربوط
دخلت لكيت رانيا تلعب بفادي اول مشافتني شالت ابنها وطلعت زعلانه
ضحكت هم يحق الها تزعل ..روينه....
نمت علئ السرير سفت موبايلها فتحته بس هي حاطه رمز....
خليته على الميز وشفت سيم كارت....
استغربته اخذته وفتحت جهازي ولزمت السيم كارت اخلي.....
نهاية البارت....يتبع....
كونوا هنا كونوا بخير...احبكم
نور سمو العراق....❤❤❤❤