البارت السادس والعشرون
رواية...انتي سيوف الثأر في اجفاني
بقلمي...سموو العراق...
💔💔💔💔💔💔
ا
انه وگلبي
مشينة لحد صدى النسيان
غنينة وحفرنة گبورنة ومتنة 💔🍂
#سحر🥺💔
...........................
دخلنه جانت رانيا لابسه فستان من وره طوويل ومن كدام قصير...
لونه زيتوني وصابغه شعرها ومسويه تسريحه بسيطه وهي بييضه طالعه تجننن...
باوعت عليها ضحكت وبوستها تجنن باركت الها....
وجانت سحر لابسه بدي طوويل وردي شوويه قديم ولابسه بنطرون اسود ولافه الشال بااهمال
انتبهت عليها گوه تتنفس....
بست ماما وجنت ممبدله
رحت ابدل....
سحر....
شفت مو عرووس لا اميييره تجنن
ضحكت بااستهزاء وغيره ...لا ربحت اذا بعد باوع بوجهي مرتضئ.... جمال وثقافه وحسن اني شنوو
شفتها باوعتلي وابتسمت بوجهي
درت وجهي متعصبه بودي اخنگها والدمعه تلمع بعيني وبلعوومي يجرحني...
باوعت الاديه ارجف بصوره مو طبيعيه اتمنيت ارجع للبيت اني شنو لجابني هنا المن اجيت ليش حبيت اجرح نفسي لييش....
شفتها شاورت عذراء واشرت عليه
بعدها باوعت عليه بضيق ودارت وجهها...
دانيه...
لبست فستان احمر نص ردن وقصير للفخذ ونفشت شعري خليته مبروم ملحكت اشسوره
حطيت ميك أب ثكيييل وحمره بيجيه
ورحت متونسه شغلت الديجي
وعلئ اغنيه اهواك ارد احجي بصراحه وياك اهواك
ركصت ركص اني وبنات خاله مصاير اخوات خالد فتحن حلكهن...
وعذراء بنصنها تزاكط جنها حصان
اجت ام علي اخت خالد الكبيره
حضنتني من خصري كالت ....ولج ديوونه شهل ركص وين رراح خالد عنج...والله اذا شافج يتخبل
باوعتلها بنص عين...لا اخووج من حصل منه بس الضرب ولطم
كالت بضحكه....ههههه لا والله يحبج
كلتلها...والله مااعتقد مااذكر فد يوم كال كلمه حلوه عبالك مان عليه من تزوجني...
كالت...هو يلگه مثلج
كتله بغرور...لا طبعا هههههه
كالت...انتي تحبينه
جريت نفس قووي كتلها....لا بس مجبوره اتحمله
كالت بهدوء...الله يهدي سركم
كتلها...اميين
بعدها شغلت اغنيه اجنبيه امووت علئ الركص الاجنبي وركصت بااحتراف واخته صورتي ضحكت ورحت قريب منها واني اركص...
كالت...شغلي مصري طلعتي محترفه
كتلها ادللي....شغلت مصري ورئصني يگدع
رحت جبت خشبة الماسحه وضليت اركص بيها صافيناز ما تلحكني هههه يا شين الغرور...
واخته تصور بيه....
بعدها كومت رانيا مقبلت تركص بس اني اصريت ضلت تركص بخطوات بسيطه...
وماما جانت شايله ابن رانيا
بس احسها ضايجه ومتكئبه....
ضجت من يمي...
تركت رانيا وهي رجعت كعدت...
رحت يم ماما سحبتها كعدنه بغرفة خاله...
كتلها ماما...شبيج اشوو احسج ضايجه
كالت بعد ما تنهدت...انتن ثنينجن كاسرات ضهري
كتله بااستغراب...ليش
كالت...دانيه اشوفج مثل الفراشه تنتقلين بين البنات اجملهن واحلاهن بس زوجج ما مقدر نعمته
كتلها....شلوون
كالت...لج اني ام واحس كل مره اشووف الضربه بوجهج امووت الف موته اني الجنت اتمناج تصيرين فد شئ وافتخر بيج وهسه انتي لا من سعادتج ولا من مستقبلج...
كتلها بحزن...لا ماما خالد زين ميضربني ويحبني صح هو بالبدايه عصبي ويضرب بس هسه تغيير
كالت....لا ماما تضمين عليه اذا تضمين علئ الكل ما تضمين علئ امج
سكتت
بعدها رجفت شفايفي
كلتلها...ماما لا تبجيني
كالت...انتي مو سعيده ويه خالد مووو
كتلها باارتباك....لا ماما مو هييج هو من يصير زين اصير اسعد وحده وهو مو مثل قبل....
كالت...حزنانه عليج والله اعرف بيج بريئه وفقيره مو كد جبروته هو منه احنه اهلج هو ميستحي وصلف
كتلها...لا ماما زين والله
حضنتني بحضنها الدافي واني بلعت ريقي احس ماكوو امان احس حيصير شئ
...........................
جانوو كاعدين كلهم بالاستقبال صح هي اليوم الحنه لكن الفرحه مقتوله ببيتهم
والعريس وجه مايكصه المووس
خالد بهدووء..مرتضئ مبرروك ان شاء الله منك المال ومنها العيال...
مرتضئ بحزن....ههههه والله ضحكتني انتم ليش متحسون بيه والله باليوم اموت الف موته متعرف احساسي،شنو احس نفسي قذر وخاين اخوي
خالد...الله يرحمه صح هي صعبه والنفس متتقبل بس .....
مرتضئ...شووف سكتت لان ماكوو عذر ربطتوني بالعادات والتقاليد يعني لو رانيا تزوجت غيري شراح يصير معقوله الولد يمووت ويتيتم من صدك
خالد...بس احنه عمامه ولازم نضحي
مرتضئ...والله محد ضحئ. غيري بعدين انت تزوجت اختها وشمرتها عليه اني من حقي اتزوج انسانه اكوون اني الاول بحياتها واول شخص يلمسها
خالد سكت...
دخل عمار
عمار...عليمن تسولفوون؟
مرتضئ...علئ حضي
عمار...ههههههاي شبي حضك شو ماخذلك كيك مسفط
خالد بعصبيه...هييي عمار اكل تبن لا اجي اوكلك بيدي متستحي انت...
عمار...شحجيت ترئ اشاقه وياه
خالد...هذا مو شقه هي حرمته وعرضه لا تحط عينك عليها
عمار.. اعوذ بالله شنو احط عيني عليها...هي غير مرة اخوووي وعضيدي
خالد...اي احترم نفسك واعرف شلون تحجي
مرتضئ...شبيك خالد علئ شنو اكلته بگشوره
خالد...انت لا تصير مطي هااي عرضك انتبه عليها وحافظ عليها....
مرتضئ تنهد...الله كريم
وكف ومشئ بخطوات وصلته لعمار حط اصبعه علئ صدره همس...لك عمااار صير ادمي لا تخليني اغلط بحقك
عمار.بخوف..ليش شمسووي
خالد..تعرف شمسوي ماكوو داعي اشرحلك
عمار سكت
انتبه الايده مجروحه جرح قديم رفع ايده وبااستغراب
خالد...هااي شبيها ايدك
عمار با ارتباك...اءءءء اي هذا مره بالملهئ شارب وضربوني ببطل مال عرك
خالد بلوم...ما نبطل سوالفك انت لك علئ يوم يكتلوك حلال بالله كلي منين ناخذ حفك من فيفي عبده...
نزل راسه باارتباك وخجل...عذرني خالد بعد ماتنعاد
خالد.شمحلاك وتعيدها....نذل ابو العرك والله متصيرلك جاره والله والله قسما بذات لله هااي اخر مره تشرب بيها مره ثانيه اكسر سنونك بحلكك فاهم
هز راسه بأي
وخالد تركه وطلع....
مرتضئ وكف....لا تزعل عماار اكييد يريد مصلحتك
عمار حك ذقنه وبخبث...ههه اكيييد
ترك مرتضئ وطلع...
ضليت الوحدي بالاستقبال عيون سحر طفلتي دمرتني
جنت ناسي وتقربت من رانيا بس من اجت سحر بنت عدة الحواجز
برائتها وجمالها وبساطتها يستهووني ويخلوني اتعلق بيها اكثر واكثر
احسها بريئه ونضيفه واحسها فتاتي الي ما يجرء اي شخص علئ لمسها غييري...
والله احبها تمنيتها اليوم مكان رانيا لكن تمشي الرياح بما لا تشتهي السفن
قررت افاتح رانيا مره ثانيه واخليها تقبل بالامر الواقع واتزوج سحر...
اكوون اب لطفل اخوي ومعين المرته...
واكون زوج وحبيب السحر....
ومن الله التوفيق....
.............................
جنت كاعده علئ القنفه يم رانيا
همست رانيا...دنوو حبيبي هااي سحر
كلتلها...اي
كالت...محلووه سويتها تجنن
كلتلها...شبيها هسه اذا امكيجها وابدل الها تطلع تجنن
رفعت نضرها بعدم رضا وخزرتني...
سكتت واني بيه الضحكه...
كالت باسف...مرتضئ يحبها
كلتلها...يمعووده مخابيل هسه يضل يحبج شبيج
كالت...خالد يحبج
كتلها بتنهيده...شمدريني بس ترئ خالد مو مثل مرتضئ مرتضئ حباب وحنين وعاقل ...خالد مسودن
ويسب هووايه بس بصراحه مؤدب ويطلب الاذن من يريد يسبني
يكول دانيه تردين اسب ابوج
كتله...لا لا يمعود خليها علئ باجر هههههه
كالت بعصبيه...ثول شكوو تسمحين اله يسبج شنو تايهتله والله لو اني منج اطيح حضه
كتله...يمعووده اسكتي هسه احسن من قبل قبل كل شويه كال عشيرتج همه كتلوو مهتدئ واخذوو سيارته وانتي هددتي....والله اطلع قهري بيكم واعترفي واعترفي
كالت...هذا حقير والله اذا مرتضئ يعاملني مثله اله اطيح حضه
شويه واتصل موبايل ماما
كالت هذا خالد
اخذته
كتله...الووو
كال..يالله حضرن نفسجن جاي
كتله بقهر...فدوه خالد فدوووه الله يخليك خليني اليوم ابات والله ماعندي اخت بس رانيا واريد اسهر يمهم
كال...على كيفج علئ كيفج لسان لو رشاشه تخرطين خرط
كتله...عفيه حببباب
كال...منوو موجود ولد خالتج هنا
عرفته يقصد مصعب كتله...لا والله محد بس البنات
كال...يالله باتي ولوو راح نشتاق الك يا الحلوو
انصدمت من كلامه مشتاقلي ابو الشوارع الدايح
كتله...شكرا تشتاقلك العافيه
كال بحالميه...اليوم انام الوحدي منو يدفيني يكتلني البرد
كتله...غطي نفسك وانت تدفه
كال...لا مو مثل حضنج
كتله..شبيك اليوم شارب
كال برومانسيه...اي شارب من نهر حبج
كتله بنص عين...احم احم والكفشه والبراطم
كال بكذب...اني شوكت كايل اصلا شعرج يجنن
ضحكت
كال...يالله روحي كليلهن خلي يحضرن نفسهن جايهن
كتله...اوكي
قفلته واحس نفسي صخنت من كلامه شبي مسوي روحه رومانسي المخبل...
انتظرته
وبعدها وزعنه لفات كص وقواطي
عذراء اكلت ثنين وتريد بعد...
واني اكلت نص لفه واحس لعبت نفسي
شويه وخابر خالد كال خلي يطلعن
كتلهن وعذراء مقبلت تطلع تريد تكتب اسمها على حذاء رانيا حتى تتزوج وراها..
ملكيت قلم جبتلها كحل وكتبت بي...
طلعن راحن...
واجت ام علاوي اخت خالد
كالت خالد يريدج
لويت شفايفي ...شيريد خرب حضي
لبست جاكيت طويل وسحبت السحاب مالت ماما هو جان قصير...
دخلت لكيته كاعد بالاستقبال...
كتله بخوف....هااا خالد شكووو
كال...ام علاوي كالت روح شوف دانيا شلابسه واجيت اتفقد الامر...
باوعتله بخجل كتله...هذا الابسته
كال...انزعي انزعي لا تخليني العن خيييرج
تنهدت فتحت السحاب ونزعت الجاكيت
ضحك كال...خاف اصوفر ويكولون عليه مطيرجي
ابتسمت كتله...يمعود اكعد خالاتي هنا...
هو وكف سحبني من خصرري
كال...حلوووه
كتله...شكرا
ضل مركز بعيوونه عليه...
كال...تمشين
كتله بفزع...لا لا اريد اضل هنا
كال...بس بشرطين
كتله...اهووو شنوو
كال...هذا فستانج انزعي لبسي استر وثاني شئ بوسيني
كتله..اوك انزع فستاني
سحبني من خصري انضربت بصدره كال...لعد بوسيني
كتله...عييييب
ضحك كال...هو شضل وعيب
كتله...اي وربي استحي
كال..يالله يالله ام كفشه لا تتعيقلين فوك ما مسلمج شفايفي...
دفعته كتله...ابوس قوري مصخم وما ابوسك
هو ضحك كال...جاااا امشي وياي
كتله...لا عفيه خالد
كال...جااا بوسني
رفعت اطراف اصابع.رجليه وهو محتضن خصري بااديه
بسته بخده...
كال...شنووو هااي ذكرتيني بوست جدتي الله يرحمها
كال..يالله بنت السطل بوسيني اتاخرت
رجعت رفعت نفسي واني اسب بي
وهو مغمض عييونه جاي ابوسه
وماما فتحت الباب
اني انهبطت واخرت بسرعه
وهو فتح عيونه وابتعد
بعدها سلم على ماما وطلع خجلان
واني متت بدمي
ماما كالت...هههه لازمه هل شايب وتبوسين بي طلعتي تحبينه واني عبالي تكرهينه الله يسعدج يصغيره
ضحكت بخجل وبكلبي شبعت خالد مسبه حرجني ويه ماما والله عيييب...
هسه شدكول عليه
......... ............................
طلع من البيت واخذ اخواته وراح...
واخواته يسولفن علئ دانيه...
عذراء...مفلوكه طلعت تهز هز واني عوزي بس هاشمي واطلع مثل امي فوزيه
خالد...محد خطبج
عذراء..والله كلهن صافنات عليه بس محد خطبت
اخت خالد...صافنات علئ الاهتزاز جنج مدرعه طاير تايره تركصين بنص البلابل شجاج...
ام علاوي...هههههه ام دانيه تطلعت تجنن خفت يضربوها عين والله هنيالك خالد عليها
خالد...ههه اذا صار بيها شئ اكول ام علوش حسدتها
ام علاوي...اي والله اني حسدتها...
وصلوو للبيت ونزل اخواته وسحر الي لا شتركت وياهم بكلام ولا نطقت بأي كلمه
وصعد الغرفته
دخل سبح...وفتح كنتوره طلع صوره
بالباكيت وملفوفات ماتجرء يفتحن ويشوف صور زوجتة الحسناء
تنهد ليش يدور الاذيه النفسه ليش يعيد الماضي الراح راح
دانيه اجت صح اذاها بس دوه لجروحه قرر يحسن اسلوبه وياها واكد النفسه تهديدها عابر مجرد كلام فارغ
ابتسم علئ طفولتها ودلعها الرباني
شوويه واجته رساله مكتووب
هههه عبالك نقذت اخووك لا يا بطل اني وراك وراك وبوسلي المهره العندك توصل اول باول...
حس عيووونه راح تطلع من راسه شهل حجي الفارغ ومنو هذا الرقم وليش ديهدده
كتب...طلك المهره لا أقضي علئ كل العائله
اتصل بي بسرعه مارد رجع اتصل مارد
منوو هذا ياانذل وليش يريد اطلك دانيه اكيد واحد منهم وبيهم...
كتب...ههه حرامات اخذت الموبايل منها جنه متواصلين عااد
كتب بعصبيه...مصعععععععععب ياكلب
كتب...هههه مصعب بيش الكليوو احنه اكبر من مصعب بس اقرب المصعب من حبل الوريد ان شاء لله افتهمتني
رجعت عليه حالته وشكه باهل دانيه ومن عصبيته وخباله شمر الموبايل وكسره تكسر...
حقراء انذال احنه بخطر بس ليش يردون يقتلونه ليش حتئ لو طائفيه بس مو هييج لهل درجه حاقدين
مايكفي زينب وابني واخووي انوب التفوو علئ الثاني
الله يرحمك يامهتدي بمنو ورطتنه...
والله انعل والدي والديه الي يتقرب من اخوويه والله احركهم حرك...
.................................
يوم العرس..
كعدت الساعه ب 12 الضهر تعبان ومتضايق اتمنئ تكون الحقيقه حلم
واخلص من رانيه وهمها
طلعت من غرفتي شفتهم يسون غده
سحر كاعده تنضف بالخضره وعيونها الحزينه متشتته
جنت اتمنئ احضنها واحلق بيها العالم مابي رانيه ولا اهلي بس حضي مجيم
انتبهت عليه بسرعه ونزلت عينه....
تقربت منها واخذت الخضره اكلتها وصخه
هي حسيته انصدمت من باوعت عليه بسررعه
كالت بصدمه...وصخه
كلتلها بقهر...مو اوصخ مني
كالت بهدوء...لا دكول علئ نفسك هيج انت مو وصخ انت احسن واحد شفته بحياتي
كلتلها بتنهيده....يالعمر والله قاهرتني ...احس بنفسي وصخ لان احس بزواجي دا اخون اخوويه...وخنتج واحس نفسي مو رجال لان وعدتج وما وفيت وياج
كالت...جااا انت مجبور شبيدك الله يسعدك ويرزقك بالذريه. الصالحه
كلتله بقسم...والله والله اتزوجح يا سحر لو يضل يوم بعمري
ابتسمت بحزن وهزت راسها ب لا
انا احبنك يا مرتضئ بس مااريد تتبهذل بسببي الله يسعدك
ردت احجي اكثر بس البنات اجن
خليت وطلعت برره....
تغدوو همه واكلوو واني ما اكلت روحي هيمانه وتعبانه
صار دنيا العصر اجه خالد
كال حضر نفسك يابطل
ضحكت بااستهزاء...
رحت سبحت بسررعه ولبست قااط جوزي وقميص ابيض وحذاء وساعه رشيت عطر وطلعت...
امي وخالتي والبنات شافني ضلن يركصن ويهوسن
جانت نظراتي موجه السحر وهي نظراتها موجه اليه...
وكفت قريب منها...
همست...هاي متحبها وكاشخ الخاطرها لو تحبها جاا شسويت هههه
تنهدت بضيق من كلامها وسحبت خالد وطلعنه ومحد راح ويانه...
الطول الطريق عيون سحر تقتلني وحركتها اخر شئ من غمضت عيونها وراحت تمشي بخطوات حزينه دمرتني...
علئ لسان سحر....
راح أغمض وأنت فوت
وأنت نار وأني شمعه
وأدري مطفيك دمعة
وخاف تحركني حبيبي
وننتهي وبليه صوت
راح اغمض عيوني بيدي
وخاف مايغمضن عيوني
بدربكم مااباوع وألتفت لمن تجو
...........................
اجينه اني ورانيا من الصالون
لبست بدله بيضه وهي بيضه ومدبدبه طلعت تجنن تجنن بحيث ام صالون رادت تصورها وتخليها بالكتلوك
بس رانيا مقبلت
واني لبست بنطرون ثلجي وتشيرت ابيض وبي بالوسط ورود بالون الاصفر وفوگاه بليره ثلجييه...
ولبست شال اصفر وحذاء صفره وحطيت مكياج...
اجه بابا واخذنه من الصالون
وصلنه للبيت وبنات خاله يركصن...
شوويه ووصل مرتضى وخالد....
.......
رانيا....
دخل مرتضئ ..مرتضئ حلوو وطويل وطالع كوولش حلوو اليوم...
بس احس روحي تفوور اتذكرت مهتدئ من خطبني هم يشبه مرتضئ،
وجنت كوولش فرحاانه ومتفائله وهو فرحان ويدلعني ويضحك ويايه
تذكرت كلمته من كال...راح اكلها...راح اخذها
بس هنا مرتضئ احسه جاي علئ عمه عيوونه
بعدها وكفونه وهو لبسني البرنص وغطاني حسيته غيور مثل مهتدئ وميقبل انكشف وهذا الشي يفرحني...
طلعنه اني وياه ركبني بالسياره واجت دانيه ركبت ويانه
جان خالد يسووق...
دانيا...صعدت يم خالد سلمت عليه رد ببرود تفاجئت هذا شبي البارحه ماكوو احلئ منه واليوم گالب الخلقه
تنهدت جان عبالك مو عرس عبالك دنزور مريض لا اغنيه لا شئ
هسه لو مشغلنه عبد الحليم هم ميخالف...
وصلناهم للفندق ورجعنه....
كتله...خالد نروح للمطعم
كال بجمود...لا
كتله...ليش خلي نتونس والله ضووجه
كال...وكت ونسه امشي عندي طلعه
كتله بعصبيه...هو انت يايوم كتلك طلعتني بس تصيح واسلوبك زفت
وكف السياره بعصبيه كال...ليش ما تتقين شري
سكتت بس بكلبي افووور من القهر
كتله...طلگني
باوعلي بعصبيه كال...لو تنبت نخله براسج مااطلكج يازفته
كتله...احترم نفسك انت الئ متئ تضل هييج ترئ والله مليت منك تعبت حس يااخي حس ترئ انت مو مراهق انت كبير وفاهم شبييك
عاط بوجهي...هييي لصمي حلكج
سكتت واني اتنفس بصعووبه الئ متئ والله صرت حييل اكرره واتمنئ اخلص منه تعبت واعرفه اذا تطلكت يسويلي مشاكل....
وصلنه للبيت اني رئسا صعدت فووك نزعت ملابسي ومسحت المكياج ورحت اخذت بطانيه ونمت بصاله
هو دخل باوع عليه وعيونه تجدح
ضررب الباب برجله كمزت من مكاني
وراح دخل بالغرفه وقفلها...
كلت بنرفزه..رووح راحت روحك ولا طابت جروحك
شوويه خله وطلع وركع الباب وراه
رووحه بلا رده الشووويب المتعجرف ياربي مااريد ادعي عليه خطيه اهله
بس والله احس روحي طلعت وهم تلومون وحده من تحرگ روحها....
لا والله مائذي نفسي علئ هل واطي
احس ازدحامات بصدري والله اتمنئ اندمه بس حقير مايندم وكان مامسووي شئ
اتمنئ اشوفه ندمان بعيني واذله والله حالفه اذله واطغي علئ جبروته وتفرعنه...
تنهدت ونمت مكسورة الخاطر واصلا اني من انتميت الخالد واني مكسورة خاطر
................................
دخلنه للفندق وصعدنه الغرفه
جانت حلوه وراقيه نزعت البرنص وضليت بس بالبدله
هو نزع الستره وشمرها
ودخل للصاله تركني الوحدي
جان كلبي يرجف علئ ابني خطيه بعده صحته تعبانه ومتوتره من وجودي مع مرتضئ واحس بخيانتي المهتدئ
احس مهتدئ زعلان مني...
بس ارجع واكول الحي ابده من الميت
شفت مرتضئ اتاخر رحت شفته ديصلي
كعدت مقابيله ببدلتي وابتسمت بوجه
هو بلع ريقه وشفت الحزن بعيوونه
كتله..تقبل الله
كال...منا ومنج صالح الاعمال
ابتسمت بتوتر واني افرك بااديه
كال...روحي بدلي وصلي
كتله...اي
رحت ابدل البدله قياطين مكدرت افتحهم
رحت عليه كتله بخجل..ممكن تصيحلي وحده من الموضفات تفتح القيطان
كال بهدوء...اني افتحه
درت ضهري نطيته اله وهو وخرر شعري من ضهري
وبده يفتح بيها احسه طووول وصارت عبالك مو دقائق سنين....
واصابعه البارده تطخ بشرة ضهري...
همس عند اذني كال...للاسف مااشوفج لا جسم ولا رووح
التفتت عليه بصدمه كتله...شنوو قصدك
كال...واحد غيري تخبل اليوم بس اني غيير عنهم
تركني مذهووله بمكاني واني اباوع عليه يعني قصده لا اغريها بجمالي وجسمي لان مراح يتأثر
تنهدت ورحت بدلت ملابس جبتهم ويايه من اهلي...
انقهرت عليه حييل
اجيت شفتهم جايبين عشاء
كال...تعالي اكلي
كتله...مااريد عليك بالعافيه
كال..لا تخليني ازعل تعالي اني معايز والله
كعدت جاملته بالاكل وهو ياكل بهمه
كتله بتردد...مرتضئ
كال...هااا
كتله...بس تمر فتره عهد عليه ازوجك سحر
هو توقف عن الاكل ونزل الصمونه بالصينيه
وسكتت
اني كلت...الحمد لله
كمت غسلت ورحت نمت بالصاله وفرفحت من البجي واشهك علئ حضي وعلئ مهتدئ وحياتي ويه مرتضئ
....................................
اليوم الزواج رانيا 3 ايام
خالد حيييل اسلوووبه جااف ويايه
ورجع يتهم اهلي بقتل اخوو
واني ابلع واسكت....
جنت لابسه ثوب ستريج ماروني ولابسه شال ماروني
نزلت جنت انضف دا امسح
دخل عمار
كال ...هلا بالمعدله
ضحكت كتله...يا معدله طاح حضي
كال...لا والله معدله
كتله...تسلم من ذوووقك
هو كعد علئ الدرج واني كملت مسح مادنكت كعدت كعده ومسحت....
وهو يسولف مواضيع عاديه
طلع خالد من الاستقبال شافني امسح
لزمني من ايدي وهو يدخن
وجراني شمر وصلة المسح
وصعدني فووك
كال...شعندج ويه عماار
كتله بعصبيه...هيييي شعندي لا تتهمني بشرفي
كال بغضب..يا شرف بيج خييير ماضليتي تمسحين جااا اول ماشفتي عفتي المسح ورحتي
كتله.بعناد..مااعوفها وشتريد
كال بااستفزاز...وحده ادب سز والله والله جانت عندي مره تسووه راسج بس للاسف راحت...هو الاغم يضل وزين يروح تف علليج يا حشره...
قهرني حيييل متت تعبت منه
هو راح دخل للحمام...
واني ضليت افور بالغرفه وافتر بيها....
فتحت كنتوره وطلعت الصور مالت زوجته والمحتركات من الاطراف والصوره العندي
وجبت مقص وكصصتهن كلهن...
وتنفس بغضب...
هو طلع من الحمام جان لابس بنطرون اسود وفانيلا التعلاكه جانت بيضه ولازم قميصه الاسود بيده
وينشف بشعره بالمنشفه
بسررعه انتبه علئ كووم الصور المكصص
هو اجه حسيته استغرب
اني رجعت بخطوات كبيره
وعارفه العقاب بس مجنت اعرف عقابه قاسي هييج جنت متخيله راشدي علئ رفسه مجنت اعرف اعيش بغيبوبه بعد الصار
هو حسيته انكلب شيطان
لزم الصور وايده ترجف....
هجم عليه بسسرعه
وكال وعيونه تجدح ...شسويتي ؟؟
كتله بعناد ودموعي تنزل بغزاره...تستاهل
ماحسيت غييييير ببوكس قوووووي علئ عيني الدم طفرر علئ فانيلته ودمرتها دمم
صرخت وحسيت الدنيا ضلمت وراسي انفجر
وكعت كدام رجليه مغمي عليه.....
خالد برعب بعد ماشاف الدم غرك وجه دانيه
رفعها الصدره وبرعب...دااااااانيه دااااااانيه دااااانيه
لست انا سيوف الثأر في اجفانك بل انت السيوف القاتله في أوصالي..نثرت غبار الذل في اوطاني واذوب من الحزن بحضنك ياسلطاني...ارئ كفوف الحقد تسطرها علئ وجنتي وائن قهرا من اسئ الحرمان..اشكو سيوف الثأر من ألم الدجئ..اشكوو مهانتك الي ياسجاني...رباه نصرك مئملي عجل به..واسلل سيوف الحق من اجفاني.....
نهاية البارت....يتبع💔💔
هلاوو حبيباتي من هذا البارت راح يتغير مسار الروايه وراح تبدي الاعترافات..وازالة الغموض. المحيط بالقصه....
لذاك نفسية دانيه دا تعب من خلال سرد الاحداث وتذكار الماضي...واني اريد اريحها مااريد اضغط عليها لان صعب عليها والله راعوو مشاعرها رجاءا
فراح اتوقف منا للاثنين الجايه لحد تعترض رجاءا لان اني هم تعبت نفسيتي من البارتات الجايه....
ادعوو الدنووو
كونوا هنا كونوا بخير....احبكم😘
سمو العراق