"WHOAH! I just watched Ace vlog doon sa La Union trip ninyo, mukhang Masaya doon, Jamie!" Sabi sa akin ni Aris habang nakaupo kami sa bleachers kasama si Diana. We're just watching some students na nagpi-PE para malibang ang mga mata namin. Nakakapanibago pa rin na wala rito si Casey pero nasasanay na rin naman ako, I know someday, mabibigyan ko ng hustisya ang kanyang pagkawala.
So in-upload pa rin ni Ace ang vlog na iyon kahit ilang beses siyang sinabihan ni sir Joseph na huwag iyong gawin. Pasaway talaga. At isa pa, nag-enjoy naman talaga kami kaso ay misyon ang ipinunta namin sa lugar na iyon at hindi lang para magsaya.
"Yeah we enjoyed naman," sagot ko sa kanila.
"So ano, 'te? Yummy ba si Ace?" Sabi ni Diana habang nakatingin sa akin. "Madalas ko siyang Makita sa gym ng school kaya malaki ang chance na maganda ang katawan nito."
Kung alam ninyo lang ang ugali ni Ace ay baka na-turn off na kayo. Ilang beses niya ring ipinagmayabang sa amin ang maganda niya RAW na katawan.
"Kadiri kayo! Anong yummy doon, mukha siyang pagod na iguana." Dahilan ko sa kanilang dalawa. Ilang araw na rin ang nakalipas simula nung natapos namin ang misyon, wala pa naman kaming nababalitaan na lawbreakers na nanggugulo at kahit papaano ay bumalik ang normal naming buhay.
Sir Joseph:
Everyone, go to CHE library.
Napakunot ang noo ko sa pagtataka dahil wala naman kaming klase sa class zero ngayong araw. Tumayo ako at pinagpagan ang pwetan ko. "Aalis ka 'te?" Tanong sa akin ni Aris.
"Oo, pinapatawag kaming lahat sa class zero." Sabi ko sa kanila. "See you later!" Paalam ko at isinukbit ang aking bag at tumakbo patungong library ng CHE.
Habang patungo ako ay nakasabay ko pa si Claire. "Jamie," she called my name kung kaya't sinabayan ko na rin siya sa paglalakad. Itong babae talaga na ito ang masasabi kong pinakamahinhin sa class zero habang si Jessica naman ang pinakatahimik.
"Claire, balita ko may na-discover ka sa kapangyarihan mo nitong nakaraan, ah!"
Isa sa mga natutunan ko sa class zero, kung patuloy kang magpa-practice sa class zero ay maaaring madagdagan ang mga skills mo. Katulad na lamang ni Kiryu na ngayon ay natutunan ng mag-imitate ng mukha na ibang tao bukod sa cloning. Si Teddy dati ay nakakapagpaglipat-lipat lang ng puwesto sa pamamagitan ng mga shadow ngunit ngayon ay kaya na rin niyang kontrolin ang anino ng isang tao. Ako? 'Di ba dati ay kaya ko lang magbasa ng iniisip ng ibang tao pero natutunan ko na ring mag-utos gamit ang utak.
Nag-e-evolve ang kapangyarihan namin if we just explore how to use it. Kailangan lang talagang magbasa para madagdagan ang knowledge namin at importante rin ang exercise so our body is ready for a higher level of magics.
"Kaya ko na ring mag-support, pinractice namin ni Kiryu 'to kahapon. Kaya ko nang magpataas ng defense ng isang tao, kaso nga lang ay 30 minutes lang ang itinatagal ng spell na iyon." Paliwanag sa akin ni Claire at napatango-tango ako.
Nakarating na kami sa CHE building at naglakad sa third floor dahil dulong pasilyo ng ground floor dahil nandoon ang library nito. "It's a good thing that we're improving, malaking tulong na 'yan sa laban if ever." Paliwanag ko sa kanya.
"J-Jamie, alam kong random itong itatanong ko pero sa tingin mo anong gusto ni Teddy?" Tanong niya sa akin at napatingin ako sa kanya, mabilis na umiling ang ulo niya kasabay ng kanyang kamay. "M-Mali 'yang iniisip mo. Malapit na ang birthday ni Teddy, nakalimutan mo na ba?"
Paano ko makakalimutan ang bagay na iyon, kahapon pa pinamamalita ni Teddy na sa susunod na linggo na ang birthday niya. Pero wala pa rin akong naiisip na regalo at hindi ko rin naman masyado itong pinag-iisipan.
"Crush mo si Teddy bear, 'no?" Si Ace ang nagbigay ng bansag na iyon kay Teddy dahil naiinis ang lalaki na iyon kapag tinatawag siyang Teddy bear.
"H-Hindi, ah!" Mabilis na sabi ni Claire pero nag-iwas siya nang tingin sa akin.
"Hoy! Naririnig ko ang pangalan ko sa inyong dalawa!?" Biglang dumating si Teddy. Mabilis na namula ang mukha ni Claire. Confirm.
"Wala, we're just saying that Teddy bear is a cute nickname for you!" Pang-aasar ko na lang, pagkapasok namin sa library ay nandoon na pala ang lahat at kami na lang ang hinihintay.
"Haaaa! Gusto ninyo bang iuntog ko kayo sa muscle ko? Stop calling me that, kasalanan 'to ni Ace na walang magawa sa buhay, eh."
Napatigil ang aming kwentuhan nung makarating na kami sa direksyon nina sir Joseph. "Okay class, ngayong nandito na ang lahat. May gusto akong ipakita sa inyo," Sabi ni sir pero napatingin ako sa paligid pero puro libro lang naman ang nakikita ko sa paligid at ang cream white na pader ng library at pink na pillar nito. "I want to introduce you to this place I requested it to our principal and ilang buwan din ginawa ang bagay na ito."
Siguro ay may ipapabasa lang sa amin si sir Joseph tungkol kay Deathevn. Babasahin ko ba? Siyempre hindi. Kaya kong magbasa ng wattpad books na 180 pages pero hindi ko kaya magbasa ng textbook na 8 pages. Katamad.
Napansin ko rin na walang tao dito sa CHE library. Sa bagay, sino pa ba ang papasok dito dahil parang luma na rin ito. At isa pa, malapit lang dito ang main library ng University na mas maganda at mas malaki.
"Girly, itapat mo 'yang ID mo sa kulay pink na pillar," utos ni sir Joseph kay Girly
Nagtataka man si Girly pero sinunod niya pa rin naman ang utos ni sir, hinawakan niya ang kanyang ID at itinapat sa pillar.
Isang parang sounds ang narinig namin at mayamaya lamang ay ang cream na pader ay unti-unting nabubuksan. Hala! Ano 'to? Ngayon ko lang 'to nakita, is this kind a secret place?! "I am glad to introduced you the Zero base. Simula ngayong araw ay puwede na kayong tumambay sa lugar na ito imbes na sa classroom. Ace, just a reminder... no vlogging in zero base please lang. This will serve as the safe haven for Class Zero."
"Ganyan ba kasutil ang tingin mo sa akin sir Joseph!?"
"Oo." Halos sabay-sabay naming sagot sa kanya lahat. Knowing Ace, may Makita lang na bagong bagay 'yan ay bubuksan niya ang camera niya at magsisimulang vlog.
"Wow, guys, wala man lang support? Hindi naman masakit."
Pumasok kaming lahat sa Zero base at namangha ako sa lugar na ito. Para siyang secret basement pero ang cool nung lugar, may mga computer sa right sides at mayroong tambayan sa gilid. May libro rin at nakita namin na nandito si Vincent sa loob—he's playing an online game gamit ang isa sa mga computer.
"Tandaan ninyo, tanging ang class zero lang ang may access sa lugar na ito and keep it a secret." Paalala sa amin ni sir Joseph. Para naman kaming mga bata na tiningnan ang lahat ng mga gamit dito.
"Sir, anong ginagawa ng loko na 'to dito!?" Reklamo ni Girly nung Makita si Vincent.
"Don't worry hindi naman siya makakatakas sa school natin, at isa pa, mas magandang nasa maayos na rin siyang kundisyon. Maraming impormasyon din siyang bagay na pwedeng ibigay sa atin." Paliwanag sa amin ni sir Joseph.
"Knowing you, hindi ninyo ako patatakasin sa lugar na ito so it's much better kung magiging at home ako sa school ninyo, 'diba?" Sabi niya at ipinatong ang paa niya sa lamesa. "Kagaya nang sinabi ko sa inyo noon pa, wala kayong makukuhang impormasyon mula sa akin."
"Dito na rin siya mag-aaral sa school natin and we processed everything. Jamie, she will be your classmate." Sabi pa ni sir Joseph. Akalain mo nga naman, siya na nga 'tong masamang tao pero alagang-alaga pa siya kay sir Joseph.
"Sir, hindi mo pa ba ipapaliwanag sa amin kung sino si Deathevn?" Tanong ni Seven kay sir Joseph. "Ilang araw na ang lumipas, hindi na tayo pwedeng mag-aksaya ng oras lalo na't nasasangkot na ang ibang tao na may abilities at maging ang servant of elements ay nasali na rin sa gulong ito."
"Everyone, be seated." Utos ni sir at umupo kaming lahat. "Si Deathevn ay isang malakas na demonyo na nakakulong sa isang bato na punong-puno ng malakas na mahika. Our ancerstors did it, Basil did it. Naniniwala ang lahat na si Deathevn ay ang pinakamalakas na kalaban ng grupo natin. Deathevn can stop the devil hour, at iyon ang pinakainiiwasan nating mangyari, ang maging ang mga tao sa katulad natin—the glitches of society. We must maintain the balance of this world."
"Sir, how can we maintain the balance of this world kung hindi ninyo kami ipinapadala sa mga misyon para hanapin ang mga miyembro ng Black Organization!?" Sigaw ni Teddy.
"Ha! Nagpapatawa ka ba? Walang-wala ang lakas ninyo sa lakas ng Black Organization!" Biglang nagsalita si Vincent pero sa computer lang nakatutok ang kanyang mata. "You're just lucky na napatay ninyo ang isa sa kanila pero sinasabi ko sa inyo... mas malakas ang iba sa kanila."
I don't know kung kalaban nga 'tong si Vincent dahil lagi niya kaming binibigyan ng hint sa lahat ng bagay.
"Bago natin kaharapin ang Black Organization ay kailangan ninyo munang magpalakas. Hindi ko hahayaan na may mawala sa inyong dose, kapag humarap kayo sa Black Organization ay gusto kong handa na kayo. At para mas mapabilis ang bagay na iyon ay may naisip akong isang mabilis na paraan," Napatahimik kaming lahat at napatingin kay sir Joseph. "Makipag-compact sa mga servant of elements."
"Ha!? Hindi ko gagawin iyon," tutol ni Seven. "I don't need someone's help para matalo ko ang Black Organization, I can manage." He explained.
"Pero guys..." They all looked in my direction. "Minsan nang ipinahiram ni Tom sa akin ang kanyang kapangyarihan, trust me, by their help, our skill will gradually increase." Paliwanag ko sa kanila. "At isa pa, sangkot na rin naman sa gulong ito ang servant of elements, sila na rin ang nag-alok na makikipagtulungan sila sa atin. We all have one goal here, that is to eliminate Black Organization at pigilan ang pagkabuhay ni Deathevn."
"I agree with Jamie." Sabi ni Ace.
Habang nasa gitna kami ng diskusyon ay nag-vibrate ang phone ko na nasa aking bulsa.
From: 0935*******
Jamie, nasa labas kami ng schoo ninyo. Ayaw kaming papasukin nung guard lol. By the way, this is Tom... save my number.
Sa tuwing naiisip ko ang pagkawala ni Casey ay nagkakaroon ako ng lakas ng loob na magpatuloy, lahat ay gagawin ko para matalo ang lahat ng nasa Black Organization. Gusto ko ring protektahan ang mga taong mahahalaga sa akin. Kung kinakailangang makipag-compact kami sa servant of elements para mas lalong lumakas ay gagawin ko.