جاز تقريبا شهر دخلت ريمان و دينيز للجامعة بدات مرحلة جديدة من حياتهم وهنا باش يتحقق كل أحلامهم لي يرسموها للمستقبل لقات السداسي كلما راها تزيد أسيف و زين علاقتهم نقدرو نقولو بدات ترجع لمسارها الطبيعي لكن الحاجة لي مقلقة أسيف هو قرب زين الزايد منها بسك شحال من خطرة في لقاءاتهم يلقاه غايس فيها و بتفكيرو باين يروح بعيد أما من جيهت علاقتو بيها راها في تحسن هايل للخر صح معتارفوش لبعضاهم بحبهم مي إحساسها وطبيعة شعورها ناحيتو وصلو وحتى هو إحساسو وصلو ليها وكل من الباقية لاحظو هذا الشي ...
دينيز تحس في روحها كأنها حتى لضرك باه راها تعيش في حياتها ولا إنسانة طبيعية الدوا جازت فترة مليحة مولاتش تاخذو لأنها برات 100% على حسب ما قالت ألاء وشكرتها كي تعبت على نفسها وخلقت دينيز جديدة على هاذي راها تحاول تتقرب من أسيف قدر الامكان خاصة كي عرفت معنى الاحساسيس لي تحسهم تجاهو بعدما طرجموهولها مطرجيماتنا وشكون من غيرهم تاليا وريمان حست روحها جاهزة تربط نفسها بعلاقة حتى هي أنثى وفيها فطرة تحب تعيش قصة حب ...
وحد نهار كانت مع أسيف خرجو يتمشاو شايدين يدين بعضاهم كانو غافلين على العينين لي باش تفتارسهم في أي لحظة حست ديبيز بيد سحبتها للور فلتت من يد أسيف دار مستغرب حتى شاف كف تطبع على خدها عينيه حمارو من العصب و الشي لي جهلو كثر كيفاه دينيز مضرباتوش راح ليه فرشخو بالضرب ..
هو:والله ما نمدمك ونخليك تحلمي بيا ليل ونهار بسبتك و بسبتهم رشيت في لحباس
بقا يحاول يضربها وأسيف يصد فيه
ماشي مستوعب لكلام ولي خلاه يتأكد من صحتو ردة فعلها كي بقات ساكتة
ودموعها تسيل ...طلعت عينيها قابلها
وجهو متساءل هربت تجري ..خبط السيد هذاك بكوتبي وراح موراها....
#أريولة
____________________
مسااااءووو بنات وينكم ؟! لاتيين بقرايا ولا محوسين في الواتباد 😘 !
شكونو هذا زعمة واش حكايتو ؟ ووعلاه دينيز مضرباتوش !! راح تعتارف دينيز بحبها لأسيف ؟ وكيفاش !!
جيت نشوقكم شوية ببارت خفيف صغير 😂 متنساااوش فوت في طريقكم مع تعليقاتكم ❤
باي تشاو في لامان 😘 اااه حقا تضربو طلة على الرواية راكم هاملينها 😭 مي هي والله تستحق تقراوها راني زدت بارتي لي يهمو الامر يروح يقرا 😘😍