أنتِ أنثى (باللهجة الجزائرية)

الحلقة 52

راح يجري من وراها لكن فص ملح وذاب ملقاهاش بقى يحوس عليها وقلبو باش يخرج من بلاصتو راح يحبس من خوفو عليها وهو يتمشى لاحظها قاعدة على وحد الروشي قرب ليها يسمع غير في صوت هقاتها قعد قامها حاوطها بيدو يهدي فيها بلعت غصتها وبدات تحكي:
بسباب الحادث لي فقدت فيه أهلي وليت مريضة نفسية عايشة بدوا ولي كالمو مفارقونيش طول حياتي عندي رهاب من بزاف حجات منهم المواصلات تعرضت بزااف لسب و الضرب من ولاد بسك شخصيتي ضعيفة في لليسي لي كونت فيه عرفو بمرضي حتى وليت منلقاش دوا بعد يمات كتاشفت بلي ولاو يسرقوه مني يتناولوه على أساس دروغ ولاو يهددوني كنت نخاف وتقريبا نص دوايا داوهولي (دوك فهمتو علاش تاليا هذاك النهار ملقاتش دواها)

كرهت منهم تعلمت الجيدو وليت نطبق عليهم و آخر فرد ضربتو كان هذا لي جا دوك (تشفاو العبد لي ضرباتو وبديه بدينا حكايتنا هذي هي حكايتو معاها) مي ضرك خلاص مبقيتش مريضة وألاء قالتلي خلاص بريتي 100% ودوا نوليتش ناخذو راني إنسانة طبيعية كيف الناس الكل ...

تحكي بغصة وشهقات دموعها غاسلين وجها آخر كلمات قالتهم وهي تنفي براسها خايفة أسيف يتخلى عليها بعد معرف هذا الكل أسيف فهم واش يدور في راسها حظنها غرس راسها في صدرو بقى يمسح على ظهرها يطمنها بالجاست هذا يفهمها بلي مش باش يتخلى عليها كبشت فيه ماشي حابة تسيبو تمنات لويبقى هكا ميخليهاش ولو حتى تتنفس هوا عطرو وريحت جسمو ودفئ يكفيها ووفيها ..

أسيف: أنا حبيت دينيز لقديمة ولي حبيتها كثر دينيز جديدة لي ساهمت في التغير نتاعها تأكدي من نهار شفتك عجبتني وتحفرتي في قلبي....

خرجت من صدرو تحاول تفهم اذا صح لي تسمع فيه أسيف يعبرلها على مشاعرو
أسيف ﺷﺪﻫﺎ ﻣﻦ ﺫﻗﻨﻬﺎ ﻭﺷﺎﻑ ﻓﻲ ﻋﻴﻨﻴﻬﺎ ﺍﻟﻤﻐﺮﻏﺮﻳﻦ ﺏ ﺍﻟﺪﻣﻮﻉ ﻭﺷﻔﺎﻳﻔﻬﺎ ﺍﻟﺮﻭﺯ ﻣﺪﻭﺭﻳﻦ ﻭﺣﻮﻣﺮ ﺗﺸﻬﺎﻫﺎ ﻓﻲ ﻫﺬﻳﻚ ﺍﻟﺪﻗﻴﻘﺔ ﻣﻘﺪﺭﺵ ﻳﺰﻳﺪ ﻳﻜﺘﻢ ﻣﺸﺎﻋﺮﻭ ﺍﻛﺜﺮ

ﺑﻘﺎ ﻳﺨﺰﺭ ﻓﻲ ﻋﻴﻨﻴﻬﺎ ﻭﻫﻴﺎ ﺫﺍﺑﺖ ﻣﻦ ﻏﺰﺭﺍﺗﻮ ﻗﺪﻡ ﻟﻮﺫﻧﻴﻬﺎ ﻭﻫﻤﺴﻠﻬﺎ ﺑﺼﻮﺕ ﺧﻔﻴﻒ ﻭﻛﻠﻮ ﺣﻨﺎﻥ : ﺩﻧﻴﺰ ﻧﺤﺒﻚ ﻭﻧﺒﻘﺎ
ﻧﺤﺒﻚ ﻷﺧﺮ ﻧﻔﺲ ﻓﻲ ﺣﻴﺎﺗﻲ

ﺑﻘﺎﺕ ﻣﺼﺪﻭﻣﺔ ﻣﻠﻲ ﺳﻤﻌﺎﺗﻮ ﻭ ﺷﻬﻘﺖ ﻗﺮﺏ ﻣﻨﻬﺎ ﻭﺑﺎﺳﻬﺎ ﻣﻦ ﺟﺒﻴﻨﻬﺎ ﺣﻜﻤﺎﺗﻮ ﻣﻦ ﻭﺟﻬﻮ ﺑﻴﺪﻳﻬﺎ اﻟﺰﻭﺝ ﻭﺣﻄﺖ ﺭﺍﺳﻬﺎ ﺧﺸﻤﻮ
ﻋﻠﻰ ﺧﺸﻤﻮ ﻭﺟﺒﻴﻨﻬﺎ ﻋﻠﻰ ﺟﺒﻴﻨﻮ
قالت دينيز وهي ذايبة من لمساتو :ﺍﻧﺎ ﺯﺍﺩﺓ ﻧﺤﺒﻚ ﻭﻧﻤﻮﺕ ﻋﻠﻴﻚ ﻭﻣﻨﻘﺪﺭﺵ ﻧﻌﻴﺶ ﺑﻼ ﺑﻴﻚ أﻧﺖ ﺍﻟﺴﻨﺪ ﺍﻟﻮﺣﻴﺪ ﻓﻲ ﺣﻴﺎﺗﻲ ﻧﺤﺒﻚ أسيف.... رجعت تحظن فيه من جديد ...

كان غيث وزين قاعدين في صال دو سبور يدربو جاهم أسيف باش يطير من الفرحة كي عتارفو لبعضهم بحبهم 

أسيف:وهذا لي صرا

غيث:والله فرحتلك يا صاحبي ربي يكمللكم في الخير ...

أسيف :أمين

أسيف حكا بالعاني قدام زين باه يفهم روحو ميحطش دينيز بين عينيه مي زين كان بعيد كل البعد على موضوعهم الأساسي بقى يتفكر في تفاصيلها وحركاتها وكل شي صغير فيها يفكرو بيها مش عارف علاه مي شيئ في داخلو يقولو هي وهو عمرو إحساسو خيبو حك شفتو بطريقة خبيثة كأنو لقى لي لازم يعملو ناض ستسمح منهم وهو يضحك ضحكت الشر اما الزوج لي كانو قاعدين بهتو في سر الضحكة لي باين فيها متبشرش بالخير...

                     #أريـولة
_________________
وهاااهم عتارفو لبعضااااهم شرايكم في الاحداث !

زين في واش راهو يخمم مثلا؟

تهلاو في البارتي في ليل نزيدلكم بلاك زوج 😕 منعرف اذا قدرت ❤💋