سمعت صوت امي وحبوبة
احس گلبي يدگ فرح رهبة رغم الخوف من الأشعاع مااعرف شنو وكيف يكون بس اكو برود بداخلي المهم اهون من المتوقعته هسه صدگ اكدر اشوفهم
اتقدمت بخطوات ع الباب
حضنتني امي تشم بيه بلهفه
حضنتها وبادلتها الحضن شوقي وخوفي اكبر جنت خايفه مااشوفها مرة ثانيه او مجرد ايام. اشوفها بيهن اختاريت ابتعد حته مااشوف حزنها وتعبها
حضنتها واني اهدئها
هيه وحبوبه
وخلص لقائنه بدعاء ام من كل گلبها زاد ايماني بالشفاء التام وبردت اعصابي ودعاء حبوبة وهيه تتوجه ال الله بس حته يشافيني احس شي بداخلي ارتاح جنت خايفه من المواجهة
اجه ابويه ماباوعت بعينه ابد خفت اضعف واضعفه اعرف احساسه وخوفه
حضني وكلي انتي سباعيه واني طلبتج من الله ولو بيدي ابدلج بويه انه اولى منج بالمرض والموت انتي طفله شني الشفتي اما اني شفت كلشي ومايهمني هسه غير شوفتكم مرتاحين
جاوبته اسم الله عليك يابه انت الخير والبركه
الي فرحني بكل هذا لاول مرة ابويه يعرف ركاد يحبني صدگ حضنه وباس راسه وگله كواك الله ع التعب وليدي ماقصرت ولو اني زعلان ماكتولي وبلغتوني جان ماعفتك وحدك
جاوبه ركاد وكله هذا واجبي وكل شي ساويته مايوافيها حگها واهي الي طلبت انكم ماتعرفون ولبيتلا الطلب
احمد الله من علينه بعطفه هذي سهله خوفنه جان من الازيد
ربت ابويه ع كتفه ونظرات عيونه كلها شكر وامتنان حسيته مجان مطمن عليه قبل بس هسه ارتاح وشاف الي متزوجني ماحبني الشكل ولا حبني العافية وبس حبني بروحه وبالشدة حاول بكل جهده وياي
بالليل الكل راحوو وبقينه اني وحبيبي وبنوتي الي حيل حيل مشتاقتلها كل مااشمها احس روحي بعدهي ماشبعانه من ريحتها نايمه يمي واتأمل ملامحها اااه ياماما ادعيلي ماما ادعيلي لهنا ونخلص اخاف ارجع من جديد وافكر بالمرض بعد ما صرت كلي امل بالشفاء
حسيت ركاد قفل البوب اباوعله حيل متغيير وتعبان
جوه عينه هالات سود
وجهه شاحب رغم تعبه والوضع الي هوه بي ابد متخله عن اناقته وعطره الي جنت بعز خوفي والامي بعد العملية من ينصي عليه يساعدني واتنفس عطره المخلوط بريحته الي احبها وتسوة عندي عطور العالم كلها
احس لازم اقاوم واعيش واعوض ايام مالحكت اتهنى بيها
عرفت الدنيا شكد صغيرة ماتسوة زعل وعتب
اتندمت على كل لحظة اتعاجزت بيها جنت تعبانه من الدوام والشغل واتظاهرت بالنوم من حسيته قربي صح مجان يحاجيني لو يعاتبني لان حاولت اترك دوامي وهوه عارض جان متحمل
بس جنت اشوفه ضايج اوضوج الضوجته وارضيه واعوضه بغير وقت
اتندمت ع ذيج الساعات والايام اتندمت ع الزعل وع كل كلمة طلعت بوقت عصبيتي بس متحجي الي بداخلي بالعكس كلمات دخيله ع قلبي والساني بس حته اغيضه واريح نفسي
جنت سارحه بملامحه ع وجهي ابتسامه مرسومه بحزن
اشوفه يرتب سرير مريم رفع عينه شافني ابتسم
واتقدملي اخذ مريم من يمي.
..عجبتج يبنت
گالها بأبتسامه
ضحكت
..من زمان انت عاجبني واحبك بس هسه اكو شي صار خلاني احس نفسي اني لاشيء بدونك وانت دنيتي الحلوه اختصرت عمري وحياتي وياك يعني اني هسه عايشة سنه ونص تقريبا مو اكثر
تنهد بتعب وعيونه اتحولت نظرتهن الشي مااعرف اوصله الغيري بس اني احسه رغم الحزن المرسوم عليه بس حسيته فرح من سمع كلامي
گال
..ول يروحلچ فدوة ركاد ..وحالوو.. ومالوو ..والله ان الدنيا وياج طعما غير
تعبان انا يرويحتي خليني انام بگربچ واريح گلبي والبدن
اتمددت ع لسرير غطاني واجه اتمدد يمي
اتذكرت دوامي سألته
..لاتخافي اجازة ماخذلك كميل والاساتذه بيسألون عليج ويدعولج وزملائج بعد كم واحد منهم اتصل فيني الي خطيبتو مكلفتو والي رفيجاتج مكلفاتوو يعني الكل بالو يمج ويدعيلج
كتله اكيد حسام اتصل بيك خطيبته سهى صديقتي
تذكرت بداية زواجي بالدوام جنت حيل متخوفه من ركاد وغيرته وفاجأني كم مرة بحملي يجي ورايه يشوفني من اكون الصبح تعبانه ومرة من المرات جنت كاعده ويمي صديقاتي ومنهم سهى وحسام ووياهم بعد ولد اثنين ماچنت اعرفهم بس بالاسم والشكل مابيناتنه معرفه وهمه هم شقاهم وضحكهم وي زميلاتهم مو وياي
جنت ابتسم الضحكهم وتقليدهم ع الاساتذه وبعض الطلاب
فزيت ع صوت ركاد سلم
حيل خفت بوكتها بس من شفت نظراته والهدوء البيهن ارتاحيت
عرفته ع البنات وحسام سلمو عليه وهوه سألني ع الباقين جان رافع حاجبه يريد يعرف كلوله اتشرفنه بمعرفتك هيه متعرفنه ولااحنه وكفتنه يم حسام وباقي زميلاتنه جنه نحجي بخصوص الدوام يمكن همه هم خافو عليه
سلم عليهم بهدوء وثقة جنبني الاحراج من رجعت محجه شي بس كال اتجنبي هيج تجمعات خاص اذا ماتعرفيهم ممجبورة تبقين يم اشخاص تجهليهم
كتله غيران
..وليه مااغار بس الديوث مايغار الله يجيرنه من هالصفة انا اغار بس الغيرة الها وكت واسباب نصحتج مو عشان غيران لانو ماشفت شي يستدعي غيرتي نصحتج عشان تتجنبين الاحراج
الولد ماشفت شي في عيونهم والا بتصرفاتهم يستدعي الغيرة وانتي واثق منچ انا وعارف امريتي عدل
گطع صفنتي صوته
..وين سرحتي وين راح هالبال
..ماراح وياك حته من اسرح اسرح بيك
باس راسي دقايق حسيته نام
تعبان حيل ويمكن اليوم يلله ارتاح وكدر يغمض عينه يمكن لان شاف اهله وحس بدعم معنوي يمكن. لان بغرفته وبيته حس براحه مثلي
نمت واني اتأمل ملامحه
……
شووگ…
بعد مافرحت بحملي اتفاجئت ابرود وحزن ياسر
مية فكرة ابالي
اجانه مجاز تعبان اول يومين
ساعات احسه يندمج وياي وحته فرحته تبيين من يحجي بحملي وشلون احساسه من عرف ويبينلي شوقه ولهفته بوقت ميكون بالقرب مني وبس تخلص حاجته ونغير الموضوع يرجع الوضعه وهالشي قلقني
والزيد ضوجتي اهلي وامي ولا واحد منهم وصلني امي بس اتصلات ومن اكلها راح اجيكم تكلي لا ابقي يم رجلج توه جاي شكو جايتنه
حيل ضجت بس بعدين فكرت اني شعليه بيهم ليش اخليهم يأثرون بفرحتي وياسر اكيد دوامه مأثر عليه وهوه كال صديقه بالدورة قبل متصوب وحالته خطرة
كافي عليه فرحت عمتي احتارت شتسويلي وشلون تبيين فرحتها
هسه اعرفت شعور مرام من تضوج لان ابوها مامهتم الفرحتها بحملها وولادتها جنت اكلها شعليج ليش تخلين هالشي يأثر عليج بس صدگ غصبا عني اظل اباوع بعيون الاحبهم اريد اشوف فرحهم عبالي امي تفرح ابويه اخوتي صار اكثر من سنة ع زواجي واتمنى الحمل والحمدلله ماخييب ظني
بيوم اني ابيتي المشتمل الطارمه كلش صغيره
طلعت انظفها الحمدلله الحد الان حملي تمام ماكو اعراض مامتوقعتها كل الي احسه دوخه قليله وقت الصبح خفت بس لاحالتي مثل زوجة كميل خطيه وره ماجابت تكول يلله حياتي استعدلت ومرات بالضحك اسمع ياسر يلمحله لو احد جاب موضوع حملي وي ياسر بجمعتنه من نروح للحجية كميل يكلهم لاحك على شلعان الگلب خلوه مرتاح
بس يمكن جان يكولها حته يجنبنه الاحراج لأن هوه حيل فرحان بأبنه وزوجته وهيثم معاملته خاصه يتنازل وياه العمره من يحاجيه كلش احب علاقتهم
شكلت الصونده اريد اغسل واتذكرت هالمواضيع حمدت الله ع نعمته وعدم احساسي باعراض قوية
سمعت صوت صيحة عمتي وبعدها صوت ياسر
ع اساس يومين ويرجع الدوامه يلتحق
عزه بعيني شكوو فتحت الباب الي بينه باب ضيگ بس حته مندور من برة
وگفت يمهم مرعوبه
عمتي من شافتني بجت ازيد وياسر حاول يداري
الموقف بعد مالحيت گلي ماكو شي بس بنت مرام مريضه ونايمه بيها مستشفى
كتله انت مو كلت مسافرين واهلي هم كالوو شمدريكم وتليفونها طافي
گلي فوتي جوه واني افهمج راحت عمتي وبعد مالحيت واخذت تليفوني اخابر ركاد
اخذ مني التليفون وكالي الموضوع كله رجفه صارت بجسمي خوف ورعب رغم النتائج سليمه الحمدلله يعني خلصت من ذاك المرض الحمدلله ابد محجيت ولاعاتبت لان ضمو عني ولا طلعت مني ردة فعل يمكن الموضوع اكبر من استيعابي
ياسر خاف عليه اكثر حاول وياي وبده يحجيلي معانتهم كلهم وروحتهم الركاد وبجيه عليها وحضنه الها اباب العمليات بجيت عليها وع ركاد
ونزلت دموعي
كتله هسه اروح الهم
كال تعبانه انتي وهيه هم وكل اهلج واهلها هناك باجر انروح اني وانتي وفعلا ثاني يوم رحنه من شفتها ارتاحيت الحمدلله ربي ان شاءالله متنعاد
جانت فرحانه ابيتها وزوجها
من دخلت عليها جانت نظرتها الي غير نظرة صديقة واخت بجيت وكتلها ماادري والله عمج اليوم يلله كلي
كالت اعرف اني وصيتهم
بقينه يمهم للعصر رجعنه البيتنه
بس قفلنه بابنه رحت اخذت ملابس اريد اغسل واغيراريد اطلع انجريت من ايدي
..وين ياحلوو
ضحكت فززتني ياعيني وين يعني للحمام
..تعالي هسه مشتاق هواي
باوعتله اريد استوعب شنو الغيرة هالاجازه اني كوه كاتمه نفسي ومتحملتها بس حته خاف الوم نفسي بعدين دمرني بجيته هاي
..لاتباوعيلي هيج هسه من شفتها احسن يلله ارتاحيت وكدرت افكر براحه
اخذني من ايدي جرني عليه حضني حيل خله ايده ع بطني
گال
..الف الحمدلله على نعمته تعرفين الله ناطينه نعم هواي سعادتنه بيها بس احنه محاسين قبل حملج كلشي جان عدنه واحس اكو غصة بحياتي اريد حمل منج حته ارتاح
اكتشفت صحتنه وصحة احبابنه مرات اهم من الشي المنتظرينه
تدرين شكد مافرحت بالحمل جان اكو خوف وألم يعني مو مثل ماجنت متصور السعاده تكمل بي وبس هواي امور بالدنيا تسعدنه مع هذا الذرية مطلوبه ونعمه من نعم الله بس مو نهاية الدنيا اذا تاخر رزقنه
الحمدلله الف الحمدلله
بذاك الاسبوع الفات حسيت الدنيا ضاگت بيه من شفتها گبالي محضريها للعمليات اتظاهرت يمها بالقوة واني بداخلي اتهشم
مرام عزيزه عليه بنت اخوي وقريبه الي
حته انتي ماردت اقلقج نبراس بنت اختي الخففت عني وبس.. وهيه هم صديقه الها حالها مو احسن من حالي صرنه نواسي بعض
حضنته وعاتبته ليش ماخلاني اشاركه
وتحولت فضفضتنه وعتابنه وحزنه وفرحنه الهمسات ولمس عشاق عشقوو بعض بالحلال بعد ماالله كتبلهم وخله بينهم موودة ورحمه اكتشفت حبي اله واعجابي قبل مايجي ذرة من حبي اله بعد الزواج
وهوه الي جان مجبور ع الزواج بيه يگول احمد الله صرتي من نصيبي
………
مرام..
مرت الأيام بتعب من الادوية والمغذيات
بس نفسيتي مرتاحه الوجوده يمي واحساسه بيه هوه واهلي وحته امه صارت بكل وقت تسأل عني
الكل مهتم بيه اخوته واخوتي وزوجاتهم والده ووالدي عبالك هالشدة وحدت الكلوب ولمت شمل العوائل
صار وقت الاشعاع ورحنه وهالمرة امي راحت وياي
ومصطفى ظل وي ركاد جان مجاز
وصلت قسم الاشعاع سرت بجسمي رجفة خوف
خايفه من الالم من الموقف والحاله
اشوف الي يمي من المراجعين الي يجر برجله ميكدر يمشي بسبب ورم راسه والي جاي يسوله الراسه اشعة هواي حالات شفت حالتي يمهم عدم
اتشجعت بعيون احبابي وفتت رغم رجفتي الحمدلله مو مثل مامتوقعه بس حرارة جانت مثل لهيب النار من يقرب ع الجلد بدون ميوصلة هيج حسيت
بقيت فتره ع التعليمات الحد ماخلصت
اعصابي متشنجه جانت احس جسمي كله يوجعني اطلبت منهم ارجع بنفس اليوم وخلصت الطريق نايمه
وصلت البيتي كلت الامي يمه روحي ارتاحي مابيه شي زينه اعرفها تستحي من ركاد وهوه هم من يشوفها مياخذ راحته وياي ومدام هوه يمي ومداريني ماعليه شي
بقت مريم يم بيت عمها جراح وجابوها الي ثاني يوم
بعد فتره اتحددت موعد التحاليل ويقررون اكو بعد داعي للاشعاع لو لا والحمدلله جانت النتيجه ماكو داعي وبقيت ع بعض العلاج والمراجعه كل شهر
بهاي الفترة رجعت الدوامي وحاولت اعيد ترتيب حياتي
وركاد رجع الشغله وحاول يسدد الاموال العليه
وبقينه ع المراجعات
بيوم وكفت ع المراية
اريد اشوف بقايا من مرام القديمه
تعبانه وجهي شعري لونه مموحد
حته ملابسي عرضت عليه وضعفت اكثر
اعرف ركاد يحبني بس الي يحب يريد اهتمام يريد يحس نفسه مهم وهوه واهله من النوع الي يحبون الكشخه والمكياج ويقيسون المحبه ع كثر الاهتمام
صرت اشوف ميثه الي اتغيرت علمود جراح واني الغيرتها وصرت اني مثلها قبل
صح اني لان مريضه وتعبانه بس لازم انتبه النفسي والمرض ان شاءالله راح
خابرت ركاد
..الوو
..هلا يالعمر
..هلا حبيبي عفيه اريد اروح الاهلي بالليل وتعال ومر عليه
..هاا.. فيچ شي مريضه انتي
..لا والله مابيه شي بس حابه اروحلهم من زمان همه يجون
..حگ يبوي حگ ..مين بياخذج
..اشوف منو منهم يجيني
..مين بياجيج اهلج ماعندهم حد مصطفى بدوامه وكميل مشغول بدوامه انطري اخابر اياد يوصلج
..حبيبي فدوة الگلبك اموت عليك
ضحك وگال
..يويلي اجل يومية اخلهم يوصلونج هلچ وخابريني وگوليلي هالكلام
..والله يوميه اكلك بدون مااروح الاهلي او الأي مكان
اني عايشه الك
..اموت بعيشتج انا يبنت خليني اشوف شغلي يرحم اهلج دوهنتيني دگيگه بعد مسكر المعرض ومانعج من روحة اهلج
ضحكت لا لا هذا هوو انتظرك بالليل
..تامرين
رحت الاهلي فرحو بجيتي مامتوقعيني واخذوو مريومه يلعبوها ميثوم حبيبي مشايفته من زمان من شافني فرح ليه وطول وهوه حاضني ابويه فرح وزينب حسيت حته حياطين اهلي ابتسمتلي مو بس وجوهم
حسيت كلشي بي مشتاقلي مثل مااني مشتاقتلهم
بيومها بعد ماكعدنه وارتاحينه خليت زينب نومت كرار ومريومه هم نامت فهمتها الاريده واستلمتني تنظيف وجهي وجسمي وطلبت من امي تروحلي للسوگ وكتبتلها اسماء العطور والمكياجات الي احتاجهم ردت اجدد ووصيتها ع ملابس وهيه ذوقها حلوو فهمتني لأن ضعفانه ازيد بسبب الحمية وجدول الاكل الي اتجنبت بي هواي اكلات
منها السكريات
راحت امي تشتريلي ورجعت اني وزينب سالتها عن حالها ووضعها وي كميل گالت الحمدلله كلش زينه ومرتاحه وحته كميل مبين مرتاح
بقه بس صوفي شالع گلبي شوكت يرتاح
اتمنى ربي يرزقه انسانه تسعده
وتنسي كلشي بالماضي
جاي افكر بي واتصل بيه
جاوبته وابالي افاتحه بالموضوع انوب گلت لا مترهم بالاتصال
..الوو
..ياهلا يكولون الحلووه عدنه اخ اتمنيت روحي يمج هسه مشتاقلج يابه
..اني اكثر حبيبي شلونك
..الحمدلله بخير مادام اخيتي بخير لج لو منتظره يومين وجايه جان شفتج
..ولايهمك من تجي اجيك
..اه ورجلج عادي عنده يوميه طالعه
..يمعود كول يالله راح تحسده مو عادي بس اقنعه
..والله متاكده منه مو تقنعيه مسلمج روحه الولد يعز عليج طلعه
..الحمدلله الله يخلي الي انت ليش مغثوث
كلتها بضحكه
..غيران منج اريد وحده تحبني مثل ماركاد يحبج
..هههههه وليش متحب انت مثل ركاد مايحبني حبلك وحده انت وهيه تحبك
سمعته جر حسرة وگال
..حبيت بس ماصارت الدنيا عكست وياي
ضيع كلامه بعد ما ضربت كصتي امداني شذكرته
گال المهم
هاي جيتي عندي موضوع وياج اريدج عون عود
..تدلل من عيني بس شنو الموضوع
..من اجي تفهمين
..الله كريم ان شاءالله
غلق الخط ودماغي صار يحلل شنو يريد وياموضوع اكو بينه
اجت امي وفرحت بالاغراض الجايبتهم نفس مااريد صايرة مالي خلك طلعه وفره بالأسواق
رتبت شعري وامي ماقبلت اروح اصبغ من المواد اخاف اتأذه خطيه بيهم خوفه صارت
اتمكيجت ولبست ثوب مخصر عليه لونه فاتح حلوو برز لون عيوني
وحاجبي بعد التعديل محلي عيوني اكثر
صرت اريد افك قيود المرض الي احسها تخنكني مااريد اتقيد مابيه شي اني ليش ادفن نفسي واظل اترقب التحاليل شهر وره شهر حسيت نفسي الانتظار راح يموتني ليش مااعيش حياتي وشوكت مالله ياخذ امانته مابيدي شي اهم شي راضي عني
اجاني بالليل وابويه رحب بي واهتم بالسوال والجواب وياه شغله ووضع البلد والتجارة
اول مره هيج ارتاح الوجوده ابيتنه لان حسيته مرتاح هوه
من شافني ركز بيه يحجي وي ابويه وكميل وعينه عليه حته همه انتبهوله
اخذ مريومه الحضنه يبوس بيها وهيه تلعب وتضحكله
شويه وگال يلله يبوي حنا نتوكل
سلمت عليهم
واخذت غراضي ولبست شالي وعباتي واخذت الجنطه بيدي وطلعت وامي لحكتني اباقي الغراض قعدت وركاد اخذ الغراض من امي
وصلنه البيت دخلت الغرفتي بدلت ثوبي ولبست ثوب نوم ولبست روبه الطويل بس بي فتحات تكشف اكثر مما تخفي
عدلت شعري وطوخت مكياجي
فتح الباب وعينه ع مريومه الي تحرك بديها وتناغي اخذها شالها وصارت عينه عليه جمد لحظات واجه اتقدم عليه صار ورايه اخذ خصله من شعري شمها
دارني عليه يباوع الجسمي وشكلي صار هواي ممتهيأه اله هيج من اتمرضت الهسه
اخذ ايدي وفرني
خله مريومه بسريرها ورجع عليه اخذ وجهي بين اديه
واتنفس بقوة عبالك واحد مختنك وسحب الهوة
..اخخخ ياوجه السعد
تعرفين فرحتي الحين
مو لأنك تجملتي لي لا والله ..فرحتي لأنك تبي تعيشي براحه حسيتي فيني وعارفه اني قوتي من قوتك واني اضعف بضعفك فرحان اشوف مرام الي اعرفها ماهي مرام المكسورة
اليوم فرحتي فيچ تعادل ليلة عرسي والله ماكان يجي ابالي افرح ازيد من ذاك اليوم
… ..
شووگ ..
مرت ايام وصرت شهر الثالث وهاي اني كل مايمر شهر نساوتي تصير بياسر روحي صارت بي ماادري جي عسكري ويبعد عني ايام واشتاقله
خالتي بفترة التحاقه تجيني يمي بالليل واني مااروح هناك حته بنهار اتجنب ميادة وجهالها كلشي يصير مالي خلك مشاكل بعد
بيوم خابرته الصبح متاخر
اريد اعرف وكت اجازته بالضبط هالمره اجازته اخرها يكول حجز وجبه واني حيل متكأبه وجنت متأمله يمومين ويجي خابرته اسأله
جان صوته نايم تعبان وين اكو نوم بهذا الوقت الي اعرفه من الصبح همه يكعدون وعنده واجبات
سألته كلي مريض
خفت عليه وظليت اسأل واكد ع علاجه
اسمع يمه صوت ضحكات شككتني بروحي
كاله شنو هالصوت كلي تلفزيون يمي
شو بالليل جان كاعد ونفس الصوت انعاد وهالمرة وياها ضحكه حقيرة
اووف شينومني اني اليوم
ظل الصوت يروح ويرجع ابالي
رجعت بعد اثنعش اتصلت بس كال الوو اجاني صوت ناعم متصنع گال شلون يعني مراح نرتاح
سمعت صوت ياسر صاح كااافي شهالمهزلة
وصوت ضحك عالي يمه
سديت التليفون ومن قهرتي
كمت مااعرف شلون اسطر الكلام
كتبتله
موصوجك صوجي اني حبيتك ومصدكه بيك فارغ وماعندك علاقات وانت الله اليعلم شمسوي وشمصخم روح ظل دور عليه واعرف من هالمستويات الي تناسبك والا اني شناقصني النقص بيك هنه يلائمنك مو اني
رسلتها واني ميته بجي انتبهت للرساله الي اجت منه
اني اعلمج ع حجيج هذا والرساله هاي الا احفظها واشوفها الابوج واخوانج الخبصوني بيج وبتقصيري بحقج واريد اشوف يرضونها الج اكوو وحده متربيه تحاجي رجلها هيج ياثوله طاح حظج وحظ كلبي الحبج
رجعت قريت اني شمصخمه عزه بعيني
والله لو ابوي واخواني قروها الا يطيح حظي رسمي
بس اني حقي والله
يتبع…