مساء الانتصارات ✌✌
تحية الى كل ابطالنا جنودنا والقيادة العسكرية التي قاتلت وجهادت اجندات الظلم والجور الذين يتكلمون بأسم الدولة والدين الاسلامي وهو منهم براء
يبرأ الاسلام من اقوالهم وافعالهم
الحمدلله الذي نصر ابطالنا بنصره
تحية الى كل اهالي الشهداء الذين رسموو خارطة العراق من جديد بدماء ابنائهم
تحية الى كل يتيم فقد اباه في سبيل الوطن
لاتحزن فأباك تفخر به ملائة السماء
قاتل وبذل الدماء في سبيل الله والوطن
تحية الى كل زوجة ترملت وصبرت وعاهدت فقيد قلبها على رعاية اولاده والمسير على دربه
تحية الى كل اخ واخت شهيد فقد قطعة من قلبه
وبقي يصارع الم فقدان تلك القطعة التي لم ولن يعالجها اي عقار طبي ولن تبرأ بكلمة ولاتجدي معها اسطر مواساة
تحية الى كل ام ساهمت بدعاء لهم
تحية الى كل من ينتمي الى ذلك السلك العسكري
وبقي على عهده وولائه للوطن
انتم فخرنا وبكم نتحدا الصعاب
………… ❤❤❤❤… ..
..من سمعت صوته ضربت خدي ع كيف يمكن عشر ضربات عزه عزه يبوو شفتهم هذا
گتله
..ياعيني ليش اتصيح هسه
ولو هيه ريش وناعمه وحلوه بس تروح فدوه الأيدك ماكو اريح منها
والله اليوم يلله بيين فرق من نمت الفجر وره التحاقك لكيت المخده صخر شينومني عليها اني يوميه محاسه بيها عبالك حجار بيها مو گطن
حسيته مبتسم من يحجي
.. اني هم گبلج كلت امي مخليتلها گطن الولاية كله ادري مخده جيس ملاكمه هسه انتي وين وديتينه ماتكليلي
بيمن جنه نسولف
ضحكت وكتله نسولف بايدك وشلون جنت مرتاحه
..مشتاقتلي يعني
..حصرتني البجيه حيل مستوحشه البيت
كتله بصوت مخنوك حيل مشتاقه
..اووف اووف هاي شنوو شبي صوتج
يمعوده
..ضحكت اريد اضيع عبرتي كتله مابي شي.. بس واضح الصوت يمه
..شووگ
..همم
..تردين اجيج
..ادري مو بيدك ليظل بالك والله زينه ماعليه شي
.تردين اجيج ؟
..مااريد اضايقك
..زين خلي تليفونج يمج وحسبي حسابج نسهر اني وياج من اكمل واجبي واني وصيت امي عليج
والج تختارين يوم ترحين البيت اهلج ترجعين ثاني يوم بس امي توصلج ممنوع طلعه وحدج زين. يابه
..ان شاءالله
..مع السلامه
..الله وياك ..كتله واحس گلبي دكاته متسارعه
اتذكرت بيوم الرگصتله اول مرة
ميلت. خصري عليه اتحرش بي لان. صمته وجموده ثار فضولي بس عيونه جانن مركزات عليه
ميلت نفسي عليه حسيته جرني من خصري
صار ظهري ملاصق الجسمه وراسي ع صدره من درت راسي اريد اشوفه حسيت اسمع دكات كلبه المتسارعه وصارت دگات گلبي اسرع
دنك راسه. خلاه بين شعري ورگبتي شمه بقوة وصارت شفافه تتنقل من اسفل رقبتي الحد اذني الوجناتي الحد مادارني واني احس لعابه بأيده
همسلي بصوت واضح
..ايام وانا اتعذب وي ذبت العباية هاي
شطيح گلبي وقنعني وخلاني احب الزواج غير هزه هالرگبه الجنها شيشه تلالي
حجاها وشفايفه تتنقل برقه
هالمره مااكتفيت بتسليم نفسي وبس بادلته الحب والشوق واللهفه ..
فززني صوت عمتي من ذاكرتي رايدتني اجي يمها تريد اتصل بالتليفون الها وكالت خابريلي ع رقم. كميل
اخذته واتصلت الها انطيته التليفون واجت ابالي مرام البذاته لاسؤال لا جواب اني الكم اهلي
بعد عمتي تحجي وي كميل وجاي تگله
اريدك انت وابوك انحضر الدورة سنة جدك ومثل كل سنة نطبخ ثوابه ونوزعة وبعدها نروح للنجف
اتحمست واني اسمعهم كل مرة اسمع بالتحضيرات من مرام. واتمنى احضر هيج اجواء
سدت التليفون وگالت عگبه دورة سنة المرحوم واحنه هيج نسويله ترحمتله وكعدت يمها احب سوالف الكبار هيه مو كلش جبيره بس تبقى سوالفها حلوه
كتلها عمه شلون. عرفتي السيد وتزوجتي اسألها وصار عندي واهس اوكع النضده وارتبها من جديد اعتقد من العرس متخربطه ومحد سوتها ورتبتها مضبوط مبينه مخربطه
وكعت النضده وهيه كالت
..يااا يامفلوكه شتسوين لاتروح سرتج تنشلع
..ارتبها عمه ماعليج احجيلي قصتج فدوة
..شوف الدهر ياقصه هاي ولج انا اذكر منها شي جنه عرب وحده وعمام اهلنه بليله ويوم زفونه وهاي هل كدامج وهوه عمت عيني راح وخلاني وراه
..ياعمه صدك جذب خربتي القصه انطيتيني النهاية ادري شكال من خطبج انتي شكلتي
..اثنينه جنه نگمز ماراضين تالي صار يموت عليه وانا مااشوف غيره
والحمدلله دللني وسعدني وخله النسوان تسولف بدلالي الا هوه جان لو عصب مايرحم مثل ياسر فدوه الطوله ماخذ اطباع ابوه
..عزه بعيني خوش معلومه تهددني بي تنطيني صفاته الحلوه هسه ماافتهمت
..كتلها الله يرحمه وبكلبي بطلت مااريد اعرف تفاصيل لو ناهيتها الحد خله النسوان تسولف بدلالي جان هسه اني بخير كملت الترتيب وظلينه
كاعدين.
شويه ودخلت مرام بس عيونها حمر وتعبانه بس ماحجت شي ابد عمتي انتبهتلها وسالتها
..حبوبه شبيج شكلج مالايكلي
..مابيه حبوبه تعبانه من الحمل وركاد جابني يمكم ارتاح
مرام..
استصعبت احجي الحبوبه لأن ماعندي عذر ومااعرف بيمن ابدي وشگول
سألتني حبوبه وحجينه بتحضيرات الثواب
كامت شووگ الغرفتها رحت وراها وهيه انهدت بيه
..ياعوبه ياثوله ولج ليش هيج حته سؤال بالجذب ماكوو
اعتب عليج ع اهلي عبالك اتخلصوو مني
كليلي شلونكم اخباركم اجوائكم بعدي شلونها
سمعتها
اتذكرت ركاد وحيرته احس وجهه دخن انطعن لونه من جابني حاسه اكو شي جابره ع الطلعه مو مشاكل عاديه يعني ماعدنه شي اعرفه متعلق بأمه حيل
ورايد قرب ابو اكثر
اذا متأذي الهالدرجه ليش يطلع واني مرايده ولا طالبه منه ولا رايده احمله قهر وكلت مثل ماتحمل اهلي وشروطهم اتحمل امه ومااشكيله منها
رغم مرات تفيض بيه وودي اشكي واحجي بس اسكت بالاخير واكول مصارلي هواي اتعود ع طبعهم ويتعودون ع طبعي
نزلت دموعي من سالتني شبيج ضايجه شصاير احجي
حجيتلها الصار وضاجت خطيه وكالت اني ضايجه ع ابوي
اكثر شي سوه هذا البيت وبناه وراد كعدتنه بس علمود ركاد لان جراح من زمان هوه وي ابوي من اول شبابه واتزوج وراح وبعد زواجه ماطول سنه يم امه
ورجع لابوي لأن يخلصون يومهم كله سوه بالشغل وبالليل يرجع يمنه يراجعون شغلهم طلب من ابوي ينتقل يمنه وابوي اجرله بيت بصف بيتنه وصار قريب النه
بس ظل باله دوم يم ركاد وركاد جان يتجنب ابوي كل وكت رغم ابد مگاطع ويانه والصراحه امي هم جانت تحس بالذنب لأن هيه سبب بتشتيت عائلة والهسه تكول اني احس بالذنب ولو يرجع بيه الوقت رغم حب ابوج الي ودلالة بس لو بعقل هسه مااختاره ابد لأن بقه فكره دوم يمهم ويم مرته وظل طول الوكت يتمنى يرجعها وترضا عنه مايبينلي بس احس بي
يعني زواجها مو كامل وتكول جانت عندي فرص مو فرصه وحده بس گلبي اختاره ولو اني بعقل هسه مااخلي نفسي بهالموقف واصير سبب تشتيت عائله وابقى طول عمري خايفه وايدي ع گلبي
تعرف ابوي لو بيده رجع الزوجته وشارك امي بكلشي بس زوجته هيه المو مسامحه يعني امي ممنسيته ولا معوضته ابد رغم تحاول متقصر بشي ومحمله نفسها ازيد من تحمل زوجه طبيعيه يمكن لو هيه الوحيده اله متهتم بي هيج اهتمام بس ظلت دوم. بخوف وقلق رغم حبها اله الي مينخفي ابد بس اكو خوف وعدم استقرار
عبالج هينه من انتقلوو يمنه اسبوع كامل امي تبجي لو مرتين ابويه حاول وي امي ام ركاد وهيه صدته انهارت امي بس مابينت الابوي ابد تكول اني الغلطانه بهالزواج وكلشي يسوي من. حقها عليه وعليه واني اتحمل ابد مو من حقي اعارض او اطالبه يبقى عليه وبس
اني الخربت عائله وعدمت استقرارهم
يعني كلهم ضغطوو على نفسهم علمود ركاد وبس ماالوم. ابوي لأن هذي ردة فعله
ليش ركاد يريد يطلع وشلون قنع ابوي ووافق بدون زعل
..مااعرف والله بقوو هوه وجراح وعمي وطلعوو عمي حاول يطلع عمتي بس هيه دعت ع ركاد وركاد كال ماابقى لو تشوفين وجهه شلون صار من جابني حته نفس يجره بصعوبه واول مرة يذبني ويروح قبل لاادخل وافوت للبيت
المهم من عمي شاف امه هيج عصبيه ودعت وهوه انصدم كال ماابقى كاله سوي الي يريحك
العجيبه امج حاولت تقنع ركاد يبقى الخاطر عمي
بس جراح كلها يمه خليه
يطلع احسن الظاهر ماتخلص المشاكل بظلته هنا
واجيت وهسه وخليت كل الي بالبيت يبجون خاص ركاد كل السجاد واياد طلعو الغراض الي تكدرولها اجيب النجار واجي يفتح الغرفه
وجراح راح الابو البيت ياخذ المفاتيح منه وميثه كالت اني انظفه وارتبه
وصيت ركاد من يستلم المفتاح وتروح ميثه يمر عليه ياخذني خو مو وحدها تنظفلي واني هنا
..الله كريم ارتاحي هسه وجهج تعبان زين اخابر ركاد لو ميتحمل
..ماادري والله بس هسه مخبوص وابد موو هوه عبالك
..زين هسه اني ليش اريد ابجي قابل مثل قبل عايشه وياكم بس ابوي كاسر خاطري والله
تمددت وماجاوبتها ظهري ماذيني وتعبانه
ونفسيتي صفر الطلعه حلوه والاستقرار حلوو اي وحده بمكاني تفرح ماكو احلى من زوجين ابيتهم مرتاحين ومبتعدين عن المشاكل بس ابوو حيل اثر بيه واني لو من ركاد مااطلع ابقى عرض عليه يطلع بابه ع الخارج ويبقى بصفهم وركاد ماقبل حسيته مثل امه قاسي ويكابر اهم شي مايتراجع عن قراره وهوه بالحقيقه متأذي
احس روحي نعست وصارت عيوني تطبك وافتحها كوه بالي يم ركاد
فزيت ع صوت مرت عمي احمد ميادة
اجت وسلمت عليه وبوستني وجهالها حيل يحبوني بيهم بالابندائيه وبيهم ازغر التموو عليه كعدت التهيت وياهم سألتني عن احوالي جاوبتها الحمدلله
شويه. واندكت الباب واسمع صوت كميل
وي حبوبه
طلعتله بوسته اتفاجأ بوجودي وكال شعجب هنا
امي تدري شو توها تسأل عليج تكول اليوم. ماخابرتني واتصلت عليها وماجاوبت
..لا ماتدري وجهازي مو يمي جان .. ركاد هسه وصلني وراح بشغله
خفت اكله الصار لان مااعرف شكول اي واحد مكانهم يسألني شعجب وليش يأجر وهوه ممتوازي ع الايجار
سألته ع صحته وع اهلي وزوجته وهيثوم كال الكل بخير
عود مري علينه خابري رجلج اذا يقبل اخذج وياي
ماكدرت اكله مو وكتها اتصلت بحجة اسال ع البيت وشوكت انظفه
جاوبني وصوته حيل تعبان. ومبينه الكئابه عنده
اضوج من هيج مواقف مااعرف اواسي بيهن
كتله شلونك
..شلوني يعني توج شايفتني كولي تبين شي
انربط الساني شكول كتله
..البيت شوكت انروحله انظفه
..ماتروحين لا انتي ولا ميثه ماادخلها بينا حنا طالعين وهي تظل ابيتا امي تنشب معاها وتروح تكاونها
وانتي ماتكدري البيت بعدوو من العمال لينا حته مامنظف ولاهو مسكون انا والاولاد اياد وسجاد معي نكملوو وتجين تشوفينو ونسكن بي وخلص
وترني كد ماهوه متوتر
گتله
..يعني انت مصر ماغيرت رايك الخاطر عمي
صاح عليه بصوت خلاني ابعد التليفون من اذني لحظات ورجعته وايدي ع گلبي
..مرااام موو ناقصك انا يرحم اهلك ماعندك شي تكولي خليني اشوف شغلي
جاوبته واريد اهدي شويه
..زين اني ابقى هنا
..تبين تظلين تبين تروحين الهلج كيفج بس انطريني افضا واجيج اخذج لهم
..كميل هنا عادي اروح وياه
..روحي ليه لا
تبين شي بعد
..لا ..ارد اكله سلامتك سده بدون مايسمع وبدون سلام. حته
يعني اعصابه ماتتحمل كلمه
شنو الي موازيك متكلي
رحت. الكميل وكتله كلي روحي
جمعت ملابسي شكم قطعه الجبتهن مال يومين
اخذتهن ورحت وي كميل
وهناك حجيت كلشي الامي وامي كالعادة متضم شي عن ابوي حجتله كلشي وده عليه جان كاعد بالخطار رحتله كعدت يمه سال عن صحتي واحوالي
وكال اهم شي انتي طلعتي بوجه ابيض السالفه مو يمج يعني هوه واهله براحتهم بيناتهم محد يدخل بس مااريد اسمع شكوه عليج
كتله اني مو طرف واصلا الهسه ماادري ليش يطلع
كال مو شرط اكوو سبب اذا الله امكنه شكو بيها يريد يرتاح يستقر مابيها شي ولو صعبه بس هاي سنة الحياة
مو سهله ع ابوه اني هسه بس افكر كميل يطلع احس البيت ماينطب بعد
وادري بي هوه باقي علمودي جماعته والي مثل حاله محد باقي اصلا گبل الزواج يحضرله بيت بس هوه الخاطرنه والخاطر ابنه متعلق بأمج هم
يجوز بالمستقبل مصطفى يطلع
ارتاحيت من شفت بسمة مصطفى كاله
..يابه من بدايتها طرده خل اتزوج والله كريم عود اطلع مااظل اذا الله امكني واذا لا تتحملوني مشكلتكم احد كايل الكم خلفوو
ضحكنه وسألته ع التحاقه كال هالاسبوع
ع التليفون ينطونه خبر
اتذكرت رملة من حاجيتها ع المخابرات ظلت تبجي وتعتذر وحلفت بعد متعيدها بس لحد يجيب طاريها
كتلها هوه يسلم عليج ويكول اذا باقيه محبه يمها الي خل ادير بالها ع بيتها ورجلها
وعدتني وكالت هذا هوو بعد
ماردت اكله خاف افتح جروحه ولا هوه سألني معناها ميريد تنفتح سيرتها
زينب راجعه شويه احسن بس الكمامه متفاركها
وكميل اغلب وكته يم ابنه بس داير باله عليها يراقب ضغطها واكلها
وحته اني وصاني وقاس ضغطي جان هابط
كال اكلي ونامي
تمددت بغرفتي قبل لكيت امي فارشه فراش مسوينها كعده الهم مفرغيها من غراضي
اباوع عليها وين جنت قبل اشهر ووين اني هسه سعيده وبكد سعادتي تعب وهموم احس المشاكل تكصر العمر
اريد اعرف يعني الله رزقني زوج باحلامي ماجنت اتخيله ليش الظروف والناس المحيطه تنغص سعادتنه
اتذكرت قبل جنت احلم بزواج عادي تقليدي
وحالي حال بناتنه اعيش واتعايش يوم حلو يوم هادئ المشكله نتعداها ونصبر المهم نكون عائلة مستقره حالي حال العالم
الي صار عبالك اعصار گلب حياتي
حبيت رغم هالشي لاغيته من قاموسي قبل
انحبيت بشكل اشبه للخيال رجال اتحده نفسه واهله واهلي واتحده الدنيا كلها
اتذكرت شعوري يوم الي جاب الكفن بيده وخله السلاح بيد ابوي وكاله اكتلني اذا ماتنطيني
نزلت دموعي من اتذكرت رهبة وفرحة ذاك اليوم
صارو الكل يحجون بحبه وحته عمامي الي رافضين الحب خاص وي الغريب لامو ابوي لان ماينطيني اله
لأن السواه محد مسوي
بس ماكو شي يبقى كامل امه رافضتني
رغم هدوئي يمها وطاعتي بقت تسممني بكلامها وصابره وحته اله ماشاكيه معقوله حس بيه والخاطري سوه كل هذا زين لو عليه اوافق يبقى الخاطر ابو وانطلع باب بس ليش هالاصرار ع البعد عنهم
ياربي يظل يحبني هيج لو يجي يوم ويتغير علي
جاي افكر وخابرني
حاجيته بلهفه مشتاقتله اول مرة ابتعد عنه من العرس الحد هذا اليوم
كتله
..حيل مشتاقتلك
..وانا بعد مشتاگلج تحمليني مرام انا راسي فيه الف فكره وراي ..وصدري حيل مهموم
تحمليني ليه صحت ليه عصبت تره مهو بيدي
ماانني المگصوده الله يشهد
..اتحمل كلشي منك اني اصلا بالي يمك بس كلي انت شنو الخلاك هيج تفكر
..احسن لنا ولهم
..عمتي رضت قنعتها
اتحسر وجر نفس قوي
..مجروح حيل ونص همومي منها مااعرف كيف اتصرف معاها وصدمتني يوم دعت علي دعوتها ماحسيتها كلام عابر احس گلبي انخمش يوم كالتها
خايف الله يعابيني بغضبها بس هوو يدري انا مو عاصي لها والي سويتوو الخاطر الكل يرتاح
..ام هيه مو من گلبها لاتفكر هيه عبالها اني السبب
..الله كريم خلي بالك ع عمرك باجر امرلج اشوفج ماباكي شي اليوم وباجر انتي عند اهلج وبس
استغلي هالفرصه تره بعد مستحيل تباتبن الا لو سافرت
..ضحكت اني اصلا مااريد ابات بعد..
طلعت مااكدر انام بدونك وين يوميه مكاني وين بين اديك وحابسني برجولك احس روحي مقيده بيك
اسمع صوته مبيين مبتسم
..تستاهلين حته تعرفين حضني كيف مريحك ماكنتي تتذمرين من هالنومه وتشكين
..طلعت غبيه ماافتهم هسه يلله دريت
..حاشاج يالغلا انا تعبان ارخصيني انام عسا تاخذ عيوني نوم
..وين انت هسه شو صوتك مال واحد متمدد وتعبان وهدوء يمك كلي وين انت
..وليه تكوليها بشك وغيره هالغيرة للهدوء اليمي لو كانت يمي اصوات شو بتساوي ياحرمتي الذكيه
انا بالبيت اگصد بيتنا انا وانتي وولدنا لو بنتنا ان شاءالله
..من اليوم بايت مو بارده عليك البيت اكيد بارد
..جابولي الولد فراش وغطا لاتخلين بالك ماينكصني الا انتي
..زعلان عليهم انت لو شنوو شعجب مو يمهم
..لا ماني زعلان ابوي كان هان معي شاف البيت وجراح توو يلله راح
ماردت اشوف امي خلها تهدأ وتعرف شو گالت كلمتها ترن براسي وتجرح گلبي والله
..الله كريم حبيبي لاتضوج
..ونعم بالله يلله يالغاليه خذي راحتج
… .………
شووگ ..
مرت يومين وركاد انتقل البيته صادف بيوم دورة سنة السيد
مرام مابقت هالمره العصر وراحت كالت ركاد تعبان ومو مال اخلي وخطيه عمامها
مبينين يحبوها
الي اشترالها مدات والعلويه جابتلها زوليه والباقي مواعين واغراض بيت
ياسر من كتله كال كليلها البراد عليه لو هيه شتريد بكيفها تختار هديتها
وكميل اخذلها طباخ
وابوها ثلاجه بيتها جهز وسمعتها من كالت الركاد ماقبل وانحرج
بس كالتله هدايا هاي احنه عاداتنه هيج الي يطلع منه نهدي
من اجه ماخذها متشكر منهم واخذها وراح البيتهم
ثاني يوم راحوو للنجف ورحت وياهم سبحان الله كل مرة من تحجيلي مرام اني اتشوق اكون موجوده وهالمره هيه ماموجوده صدك ماكو شي يبقى ع حاله والدنيا تتغير بابسط اشيائها
طلعنه تقريبا بتلاثة بالليل الجوو بارد بداية البرد
امهات الجهال خلن جهالهن يم اهلهن وطلعنه احنه وياي نبراس بعمري وصديقه الي من زمان همزين شويه تفك الوحشه واحساس الغربه بداخلي
حركت السياره واسمعنه كميل عله صوته بدعاء السفر
"اللَّهُمَّ احْفَظْنِي وَ احْفَظْ مَا مَعِي، وَ بَلِّغْنِي وَ بَلِّغْ مَا مَعِي بِبَلَاغِكَ الْحَسَنِ، بِاللَّهِ أَسْتَفْتِحُ وَ بِاللَّهِ أَسْتَنْجِحُ وَ بِمُحَمَّدٍ ( صلى الله عليه و آله ) أَتَوَجَّهُ.
اللَّهُمَّ سَهِّلْ لِي كُلَّ حُزُونَةٍ وَ ذَلِّلْ لِي كُلَّ صُعُوبَةٍ، وَ أَعْطِنِي مِنَ الْخَيْرِ كُلِّهِ أَكْثَرَ مِمَّا أَرْجُو، وَ اصْرِفْ عَنِّي مِنَ الشَّرِّ أَكْثَرَ مِمَّا أَحْذَرُ فِي عَافِيَةٍ، يَا أَرْحَمَ الرَّاحِمِينَ"
كلنه رددنه وراه
بعدها ظل يقرأ دعاء ابو حمزة الثمالي
صوته كلش حلوو عيشنه جوو روحاني ماحسينه بالطريق بين ادعيه وصلوات
وصلنه النجف بس دخلناها وعمتي بدت تنعه وعله صوتها بجانه كلنه وجانت تنعه ابنها تعاتبه لان ماله قبر تزوره وتعاتب وكتها
سكتها كميل وكلها نقرأ دعاء القدح اثوب النه والهم
الاجواء اول مرة اعيشها اروح وازور بس مو هيج اجوائهم تختلف هواي حلوه رغم الحزن الي بيها
بالعاده من نزور نخلص الطريق نضحك اني وسجاد لو اياد وبس امي من تقرب للمقابر تبجي وتقرأ قرءان ونبجي ع بجيها احنه
كميل وعمامه كالو نزور الامام وبعدها نرجع للمقابر وفعلا هذا الي صار شكد اتمنيت انزور اني وياسر سوه بس ماصارت غير مرة ان شاءالله
رحنه للمقابر يمكن سبعه ونص الصبح
اشوف الولد يتخابرون يحجون وي عمتي
وصلنه قريب للشارع ومنها ودخلو افرع بين المقابر
عمتي. علت صوتها وكالت عمت عيني يمه واصل كبلنه يفرح بيك ابوك هسه
رفعت عيني شفت ياسر
مدنك ع القبر ويقرأ سورة ياسين ختمها وسلم ع عمتي واخوانه عيني عليه من بعيد وعيونه ادورني بين النسوان هواي وكلنه عبي وشالات سود احترام للمكان
اتقدمت اسلم علي بس هوه صار اسرع واتقدملي
سلم عليه اباوع عيونه حمر ورموشه مبللات
سالني شلونج واني بادلته السلام بابتسامة فرح ناسيه وجود الناس الي يمي وناسيه المكان حته
نبهني جديته بالكلام بس عيونه تتفحصني كال اني راح ارجع الدوامي محتاجه شي
جايبتلج مصرف وياج
كتله عندي انت مخليلي وصه عليه امه وباس راسها وسلم ع اخوانه وراح
رجع عليه صاحني
عدل عباتي بايده وكال مو تضيعين منهم حافظتلج رقم واحد منهم طلعيلج رقم وخلي بايدج مو بالجهاز خاف تنسين لو اتيهين الأستعلامات يارقم
وتضيعين كلشي عاد خابريهم يتصرفون
طمنته وراح عيني عليه
الحد ماابتعد انتبهت البجيهم وصوت كميل يقرأ قرءان
كمل وعمتي استلمتنه خلتنه نصفي دموعنه بين عتاب واشتياق وكلماتها التذبح
انتبهت الكميل ماكو يمنه
وهيه جانت تنعى ع شابه ومخليتلها طفل وراها الي افتهمته ع مرته
عمامه ووكفتهم صايرين سد اله
فضولي حركني من مكاني حته اشوفه كسر كلبي من شفته حاضن قبرها ويهتز بقوة من عبراته وامها واكفه يمها تبجي ع بجيه يعني الي يشوفه يبجي عليها اكثر حته من امها
همزين زينب ماجايه جان الله يعلم بحالها
مستحيل اكو هيج حب سنين والي يشوفه يكول صارلها ايام متوفية
رجعنه تعبانين اول يوم خلصناه نوم ثاني يوم كمت الشغلي
شو مرت احمد عايفه شغلها وجهالها ورايحه الاهلها والله اختها جايبه
كلت يلله اكمل شغلها عادي عمتي مارضت كالت انوب تكمله يلله اتروح
اني سويت ريوك للجهال وكعدت اسويلهم لفات والعبهم
وكملت ع السريع ساعدت عمتي تعبت ع ماخلص كلشي وهاي الجهال كلساع جافين شي ومخربين وتعاي لمي ونظفي يمه الله يساعد ام الجهال تلحك تمشط شعرها لا
مدري يتعودن وتصير عادي عدهن
احنه ماعدنه بس عبودي وكلها تفتر وراه محد يتململ منه
اجت هيه المغرب وفاتت غرفتها طلعت بعدين سوت عشه واتعشينه سويت الجاي اني اجه رجلها وسيد جعفر كاعد جبير واحترمه حيل ودي اسمي عموو بس مختصرتها بسيد
گالت عمه الجهال اليوم يشكون يكولون متنه جوع
اشواق مامخليتهم ياكلون براحتهم تقدرلهم بخاشوكه تاخذ شويه وتخليلهم
دارت عليه وجهتلي الكلام
تره ابوهم هوه اليشتري الريوكات خل ياكلون الف عافية محد يحسب عليهم
حيل استحيت ودي اضيع روحي
كتلها والله جان قصدي اني اريكهم وردت اوكلهم لان انتي ماموجوده
اتشجعت وكملت كلامي
اني بت خير تره مو من النوع الي ابخل ع جبن ومااعرف اذا ابوهم يشتري او لا هوه بيت واحد قابل امنع عليهم الاكله وهمه جهال
ركلها صاح عليها شافني ارتبكت كلها عيب هالحجي ولو ردتن تحجن بيناتجن مو متانياتني مابيها شي تره يجوز عبالها مايعرفون وحدهم ياكلون خلص
سدي الموضوع
كلها سيد جعفر
..ميادة اذا جهالج يهمونج لاتخليهم وراج انوب اخذيهم وياج احسن
واترخص من امه وطلع
سوالي فرج رحت الغرفتي بس اطرافي كلها ترجف
بداخلي كلام وطاقه ارد افرغها بس اصير اني الموخوش
اووف منين اجيبك ياصبر
سمعت عمتي تصيح وتحجي عليها وهيه هم ماتسكت ترادد اني شكلت وع كيفكم وشدعوه كل هاي چي مرت ياسر
انتي تفرقين طول عمرج ومن. هالكلام
دك تليفوني شفته ياسر
كلت اكله باجر اروح الاهلي اريد اغيير مليت
حاجيته وبعدهي الرجفه بيه سألني ع صوتي كتله ماكو شي بس ضايجه كلش
..تردين اجيج
..ياريت انت بس تقهرني تردين اجيج وماكوو تره مختنكه اني حباب خل اروح الاهلي
..شني الي مضوجج
..مرت اخووك راح تمرضني وتموتني هم
..هالله هالله ع كيفج بويه بعد ماكايلين باسم الله سوالفجن لاادخلنه بيها بيناتجن حلنها
محتركه واعصابي تلفانه جاوبته
..اذا هيج ليش تسألني مو اني مجبوبه وماشاكيه
..شبيج ولج ع شنو ضايجه ختولي خليها ع امي اني اوصيها عليج وحاولن تحلن مشاكلجن بعيد عنه ابد لدخلنه بينجن
..تنفست بقوه واحس ايدي ترجف
هوه مخليتها وماراح ادخلك انت اسألت بس اخاف اني مااكدر اكبت هواي هسه اعصابي كلها ترجف خليني اروح الاهلي حباب فدوه
..يصير خير منا الباجر روحي هسه افكر واكلج
سده وراح
امداني زاد قهري قهر
لفيت راسي ونمت ماطلعت اتصلت عليه امي ماجاوبتها خفت يبيين عليه من صوتي ومااتحمل اخذ وانطي
هاي تاليته الي يسوي زين
ماادري شوكت نمت فزيت ع باب غرفتي يندك
عزه بعيني بس لا فايته نومتي بس شوو بعده الجوو بي ضلام
فتحت الباب وكفشتي منثوره
ولابسه برمودتي الرصاصي واحمر
اجيت اصيح الا شويه من شفت ياسر اباب غرفتي
فتحلي ايده ورحت بحضنه مامصدكه
… ..
مرام ..
رحت للبيت مرتب وحلوو وحته فرش فارشينه الولد خطيه لكيتهم بي يعدلون باركولنه واتشكرت منهم
اياد يضحك كال لعيون ولد اخونا
يحجون وياشرون الركاد ضحكلهم واتشكرهم هم وحاول ياخرهم مابقوو بس دخلت طلعوو همه
كلشي مختاري حلوو وحته الطباخ والبراد والغراض كلهن لكيتهن موجودات ومرتبيهن الي عرفته مصطفى وكميل جايبيهن ومصطفى باقي مساعدهم بس كميل رايح لان عدهم ثواب وكايل المصطفى ابقه انت ساعدهم قبل التوزيع اخابرك تجيني
باوعت للبيت شكد حلوو الاحساس الي حسيت بي من شفت البيت خاص بيه والي واني حره بي بكلشي
وطن صغير ماجنت اتصور هيج يكون احساسي الخوف اتلاشه وصارت الفرحه بداله
ضحكت وعيني الركاد الي يريد يشوف رأيي بتعبه واختياره كتله
..كلش حلوو الاختيار الذوق وكلشي هنا عاجبني
اتمنيت اشوف ابتسامته مثل ماييبتسم قبل ماكو اريد احس براحته هوه مرتاح ماجاي يبين عليه
بس اكتفه بأخذي الأحضانه اتنفس بقوة باس راسي بخفه واخذني يشوفني الغرفه
ذبيت شالي وقراصتي الضوجتني سمعت قفلة الباب
ضحكت من شفته متوجه عليه
.. منين قافله انت
متكلي
..حته الهوه ماريدوو يدخل بينه
ارتاحيت من حسيت مزاجه شويه متحسن
يومين احسهن سنتين طلعت اني هم مااتحمل بعده مااعرف لان الظرف الي تفاركنه بي مكان يسمحلنه ظلت كلوبنه متعلكه وبالنه مشغول ابعض
اخذني بين اديه وصار كل واحد منه يريد يثبت شوقه واحتياجه للثاني بلقاء اجساد ملهوفه وكلمات
تبث الروح بينه
كام من يمي واخذ ملابسه تاخر بالحمام رحت اشوفه الحمام بالممر لگيت باب المطبخ مفتوح
وركاد كاعد بره لابس تراك ولاف راسه بغتره يمكن لان مبلل والجوو مايساعد كاعد وعينه للسما
حس عليه
دار وجهه عليه وكال
..نامي انتي ارتاحي ماعليك مني
يتبع… .