مساء الحب ❤
… ..
..شكو عليج ماتكليلي
..عيني عليه وع العلاليك الي بأيده اكيد جايبهن الي لان اذا للبيت يخلي يم امه وينطي حصة هيثم وحته الابوه وامه يجيبلهم عصاير بسكت وهيج اشياء
واني يجيبهم للغرفه حصتي
عيني ع الزيتون عبالك مشايفه ولا ضايكته قبل من حاجاني اخجلت من روحي ع نفسي الي صايره مامعروفه ساعه ترفض اكل ساعه تدني ع اشياء متسوه حاولت اتماسك نفسي وارجع الضوجتي
گال
..اي ابقي صافنه لا الله يساعدك لامشتاقتلك بس عاتبي وانتبهي التقصيري وانتي ناسيه نفسچ
اخذ ملابسه وراح للحمام
يريد يطلع گال
..زنوبه تره والله لو ماالج خاطر عندي لا ارجع بكلمتي ولاارجع للبيت لأن نفسيتي تعبانه تعبج ياثر عليه اضوج من اشوفج هيج عجزت شلون اتعامل وياج اقربلج وابيين اشتياقي تنفرين وتتاذين اتركج واشغل نفسي بغير امور ترحين تشكين بيه تشكين مني والله اليعلم شنو يجي ابالج تره رجعت علمود عيونج الحلوه ماتزعل لو تعرفين شلون احتاريت بتبديل الخفاره واني الولد جنت متبرع بس نبرة صوتج ماعجبتني بالتليفون واكيد لاماكله ولاشاربه اجيت الج وبس
هسه اروح اغسل اخاف تتحسسين مني اجيج مااريد منج شي بس اريد اشوفج مرتاحه وطلعي كلشي من بالج اني سنين مامتزوج مادنت نفسي للحرام هسه وره مااستقريت وارتاحيت انتي تشكين بيه
يجوز هم ضايقتج بس انتي ماتعرفين البيه
والله ادمر من اشوفج هيج انتي هم شويه ساعدي نفسج بدل هالدوخه الي متفاركج نظمي اكلج اكلي اشياء بسيطه بفترات متقاربه
شربي عصاير الي تحبيها المتحبي لتجبرين نفسج عليه
حاولي تغيرين من نفسج الي يعجبج سوي اهم شي غيري الروتين نفسيتج ترتاح
علاجج استمري عليه شهرين باقيات اتحمليهن واني وياج وانعوض الفاتنه بعدين
لاتضوجين ولاتقهرين نفسج ارتاحي وبس وثاني مره مااريد اسمع كرهت الحمل كولي الحمدلله غيرنه يتمناه ماتشوفين شنو اشوف بعيني
بس اني ضايج منج من شغله
..تعال عوف السبح شبيك شو تلمع اللهم لا حسد ضحكت من شفت ابتسامته
..اي همزين تلاحكتيها بالاخير جان حملتج المسؤولية اذا صارلي شي ..من. وراج غير صرت اشك بروحي
..شكالولك عليه احسد بعدين اول وتالي الي انت
..مايحسد المال الا اصحابه ماسمعانه انتي ..هسه شنوو صار عفوو اجي اكعد يمج هيج
..ههههه ولو زعلانه بس الي صار عبالي انت مال مني وتريد تشوف حياتك
..اي بالله. واني ماعندي شغل وعمل بين ليله وليله ابدل حياة خلي ابالج اني انسان نمطي مااحب التغيير بكلشي حته حاجتي البسيطه مو سهل ابدلها مدام هيه صالحه الي مو عاد مريتي ام جهالي بالمستقبل
..رحتله حضنته كاتمه نفسي فد مره بس ردت اعبر عن شعوري شو هوه نز وابتعد بسرعه عني خطيه من كد ماقالقته اني ضجت عليه بوقتها شكد ماخذ حذر مني
..يمعوده مو تونه كلنه بسم الله مو مال تتخربطين
اخذ الملابس وراح سبح اجه اني تمددت وشديت راسي اكثر كتله نعيما وخليت ع خشمي كمامه هوه جابهه الي وخجلانه حيل من نفسي
جاوبني ينعم عليج
اتقرب من يمي
..انطيني ايدج
قاس ضغطي لكاه هابط شكلي مغذي وكال
..ارتاحي هسه خل اشوف شنو مسوين عشه اجيبلج اكل ..ضغطج حيل هابط انتي مو طفله والا نكعد يمج
نوكل بيج مايصير هيج انتبهي النفسج مسؤولة عن روح انتي لاتصيرين مايعه فد نوب
گلت يوو رجع الطبيعته ميفيد ميكدر يصير رقيق دقايق وبس ..بس هوه خطيه من خوفه عليه
كتله مااريد مااكدر اكل عبالك مايسمعني
جابلي لفة خيار مالحها الي لان مااحب اللحوم. واكلهم كباب جان
وماعون فاكهه مسوي مكعبات تفاح وموز وبرتقال مگصكصه
..ضحكت زين والله تعرف
..ليش مااعرف اسنين اخدم نفسي جنت اقرأ اجوع بالليل كلشي اسوي بس مااخلي نفسي جوعان افقد تركيزي ولا اكل باشباع لان يصير عندي خمول
وانتي هسه اكلي شويه شويه حته معدتج تتقبل
اكلت انطاني علاجي بيومها ارتاحيت بس ضميري ابد مامرتاح احس بذنب
ومن شفته يتكلب بنومه عرفته مامرتاح كتله
..كميل والله اني ضايجه من روحي مقصره بحقك بس مو بيدي شسوي
..حبيبه لتضوجين نتحمل ونشوف ابن. الاوادم هذا ليش من هسه ناوي علينه هههه
..زين. شنوو الي مزعلك مني كتلي اني زعلان
..خلي تولي راحت بوكتها ليظل بالج
……… ..
ركاد…
اول ماجيت الهلي مرام كانت عند ميثه ووصت ع اغراض جبتا وجيت اتلكتني الوالده
..ليه طالع ومخلي حرمتك وحدها في البيت
..ماهي وحدها الولاد ماجودين واهي ماطولت وراحت الميثه ليه مهتمه ؟
ماعليها ولو كانت وحدها هي فاهمه وحنا بولاية يمه
..فرحان مخليها تسرح وتمرح والولاد ماجودين
.. وكتا طلعت عيوني واهي اتفاجأت من شافتني عصبت الدرجه صرت احس اعروگ وجهي وايديني كلها نطت
يممه بلا هالكلام ولااتكملين. والي يسلمج خرابي معاج عليه والله ثم والله اذا اسمعت هالموضوع ذاكرته اكلب عاليها واطيها انا فاهم شو تگصدين وهالمرة زعلي غير لانوو مو من اجل حرمتي وبس كل شي ولا سجاد والي تبي توصليلوو يطير اركاب يمه سجاد واياد لاتجربين تخيريني بينك وبينهم ابعديهم من اوهامج
لو ع حرمتي بس اكول غيرة نسوان واتحمل اسوالفجن ماابديها عليج ولااظلمها معي
الا اخوياي لاتجربين المعزه معاهم ماانطي بيهم ولا اشك بيهم لحظه الله يشهد
ليكون كبرتي كبل حينج وماعدتي تفهمين التگوليه
..انت الكيفك ساويت موضوع ماهذا الگصد انت ابالك هالكلام وتبا اتبله علي.. انا ماگصدت اخوياك هم مربايين
..اجل بتگصدين من تگصدي حرمتي يممه گوليلي اطلع من البيت مااريدها اكرها اكولك حگك واخذها وانحرلي ديرة بعيده عنكم حته.. وخلينه برضا الله
لاتكعدين اتبلين عليها يرحم اهلك
..كل هذا الكلام ماكلتوو انا انت مفكر في ومخلي في بالك ..طلع كلوو كلام حبك لي مبدي الكل ع امك
..لا في بالي ولا شي انا خابرك عدل والي يرحم اهلك يمه ارحميني وتركي هالبنت بحالا بلا هالمكايد هذ
امي واحبك واودك وخاطرك عندي كبير لكن بحگ الله ورضاه
تركتا ووماصعدت بحيني بغيت اهدأ احس معدتي شبت نار
ابدن مو سهل هالأتهام وانا خابر خويي وحرمتي شو الي وصل امي الهالحال
حاولت اهدأ يلله اصعد ماريد ازعلها كافي عليها حملها ودوختوو اول ايام كضيناها زعل كنت ودي اداريها اكثر وزعلي منعني ومااريد ازعلها بعد العمر كلوو ايام والي نزعل فيهن من ايامنا ماكو شي يسوى ضيگة خلكها
الصبح كانت تعبانه وروحه تلعي
وخفت لو سمعت تروح الأهل ولو اسمعوو حرام اذا ردوها لي انا بالموت حصلتا
صعدت الها بعد ماگدرت اسيطر ع اعصابي وابرد نفسي شوي
لگيتها تعبانه وحزينه خفت امي مكلمتها الحمدلله كان المزعلها غير موضوع كتلها اخذك ساعتين وارجع
كانت تبا اهلها وزعلانه عليهم
بعد سوالف امي معاها ماادري يجي ابالي اخاف افاركها اباها دومها معي
تجهزت وخليتا اتجهز نزلت
واطلعتلي مهره تريدني اصالح امي وع اساس هي تعبانه وانا اتهمتا ومو فاهم شي. گلتلها مو. وكتو الحين طالعين سوتلها حركه ع اساس فازه
اجت مرام عرفتا تبا تستفزه
فكرت مهرة جت اتوسط معناه امي معلمتها السبب ماترتاح الا تگول سالفتنه وننفضح ع شي ماصاير وهالمرة ابوي يطلع من طورا ويطردها واهي اتضرر احسن شي اكلم ابوي اطلع انا من البيت ارتاح واريحهم
انا كل هذ مابيصرفلي تجوزت وبغيت ارتاح گبل كنت خالي مختلي اتحمل مزاجيات الوالده وعارفها ماكصدا تاذيني لكن هالحين مو كادر صرت مسـؤول من حرمة وربي يحاسبني عليها وهالحرمه النفس اليصعد وينزل معاي كيف احميها من كل هذ
بالسياره سارح ابعيد انتبهت الها في دموع ع خدها
احس دموعها تجويني
..ليه هالدموع يالحبيبة مين الي مضايگك.
..مصطفى يريد يموت ويموتنه وياه
..الموت بيد الله ما كل من راد يموت يموت عمروو طويل خويج رجال ماينخاف عليه خلوه يساوي الي بخاطروو يرتاح ويرد الطبيعتوو العناد ماهوو زين معاه بيعاند اكثر
هوو يحس غيروو ياخذ قراروو ويمشي حياتوو
خلوو يشوف عمرو وهو يختار الحياة ماتنعاش مرتين وثلاث خلي يعيشها وهوو راضي نفسوو
..سمعت كلامه ارتاحيت يمكن صدگ هوه هذا احساسه اني جنت ناويه اقنعه يغيير بس هسه لا بس اوصي ع نفسه واشوف شنوو الي مضوجه
گتله حجيك صح هذا هوو براحته بس اهم شي مكان زين
..ماعليك من المكان خلي يداوم وتخلص التدريبات عمك ياسر يلگالوو حل بدون علموو هو خريج خل ياخذوو للوزاره موظف مدني
صح الا واسطه وافلوس بعد بس سووها ابدون علموو يمكن يحب مكانو ويرجع يحب عيشتوو لاتخافين
وهالحين نزلي خبريهم انا معك وساويلي طريج
ابا ادخل اسلم ع اهلك والولد تكعدين ساعه معهم وبعدها نروح لبيت جدك ابا اشوف شووگ
مشتاگله كثير
..صار ..دخلت للبيت صار بوجهي ابويه شكد مشتاقتله وبعرس عمي ياسر ماشفته هواي اخذته بحضني باس راسي وبسمته بوجهي جنها دنيا زاهيه انفتحتلي مو ثغر ابوي الي ابتسم
..هلا بويه هلا شجابج بهالليل خو ماكو شي
..ضحكت لايابه ماكو شي اشتاقيت الكم وكالي روحي ساعه ونرجع
..هلا بيج كل الهلا نورتي البيت
صاح امي وطلعتلي زينب شصاير بيها خرعتني بس لا الاشهر الجاية يصير هيج بيه عاد زينب تخبل ومتغيره وجانت تارسه وضعفانه اني شيصير بيه
نسيت روحي بالسلام وياهم واتذكرت
يابه نسيت وين الولد ركاد بالباب يريد يسلم عليكم
..بعد وكت بويه جا مخليته للصبح يبات بالباب
حجه عليه وراح فتحله الخطار
رغم والدي الحد هسه مايبلع ركاد ولا يحبه ابد بس هيج يجامله يمكن يحس اخذني غصب
ابد مايحبه وهالشي مرات يحز بخاطري واعرفه هوه يدري وحاس وكلش قليل يروح الاهلي وبعد هذا اللقاء صار يخليني بالباب من. ادخل يروح ومن ياخذني بالباب يتانيني الا اذا كميل موجود يدخله كوه ومصطفى ياخذه ويطلع وياه لان يحس بي مامرتاح بكعدته بوجود ابويه الي ميخلي حته حجايه يكمل
وهوه ابن ديوان والبدوي عنده اهم شي كرامته صح الناس كلها تهمها الكرامه بس البدوو متعصبين بهالجانب يعني مو بالمعقول عدهم الحركه الكلمه لزمة الدلة تقديم الفنجان حته الكلمه يعتبروها لغز واذا حسوو اهانه ينتفضون بس الخاطري هوه متحمل ماشاكيلي ابد مثل سوالف امه وياي واني هم صرت مااشكي واتحمل
يكولون ماكو شي كامل بالحياة والسعادة ابد ماتجي كاملة وهذا الي صار ويانه اهلنه ينغصون سعادتنه
امي تستحي منه كد السلام وتطلع
اهلي من عرفو بحملي فرحوو بس ابوي
گال ديري بالج ع صحتج مو تتخربطين ربحي بيمن اني بس هالبنيه انتي
عرفته من هسه مو بس رجلي مارايده حته ابني مراح يحبه
هالسالفة زادت ضيكة خلگي بيومها بس شفت مصطفى وكلت الركاد خلي انروح ماكملت الساعة رغم جنت متشوقه ابات
حاجيت مصطف
..صوفي ليش هيج تسوي بروحك يعني بعدك ماناسيها
دنك راسه واخذ جكاره فتحها وسحب نفس گال
..هوه مو شي سهل وينسي يعني شعور مالي سيطره عليه بس هذا حبي الها قبل هسه الله يشهد مالي نفس يمها ولا افكر بيها وره زواجها
بس هيه جاي تلعب بالنار ولعبت باعصابي اكثر
جاي تتصل عليه وصدفه عرفتها هيه
ع اساس ابنيه تريد تتعرف ونحجي ونسولف رسائل بس بعدها مكالمات
ابتسمت بقهر ..همزين ماحبيتها صدك تريد تذبحني مرتين ماكفاها عذابي من جان حبنه بريء مو عاد هسه اصلا من عرفتها طلعت من عيني والقاهرني رجلها وبس
..لا لا ماتسويها رملة متأكد انت
تنهد ونفخ النفس بقوة
..مع الاسف متأكد ولو تدرين شلون مو زين ماانجلطت بساعتها حجيت الاحمد كتله وحده هيج وهيج تحب تحجي وياي وتتعارف والمصيبه تعرف كلشي عني حته اللون اللابسة الاكله الاحبها وين طلعت وين اجيت
كلي ولك لاتوكع بفخ خاف واحد من الولد يريد يضحك عليك لان يراهنوك تحب من جديد وتنسى وانت تكلهم مستحيل
يردون يطيحونك ويربحون الرهن
..ضحكت وكلت يمكن صدك كتله
والله وجبتها ابو شهيبه شلون اعرفهم هسه
..عندي برنامج يكشف ارقام باساميها اخذ تليفوني شوفه
بعد ماباحثه راحت اديه ع السجل
مسجلها البيت اول رقم بالقائمة ونهاية الرقم نفسه
واحد ونبهني
بس جذبت روحي وكعدت اقارن الرقم طلع نفسه بحثته بالبرنامج
طلعلي باسم احمد
حته مو بأسمها
شصار بيه بوكتها غير احس الدنيا كامت ادور بية
صاحبي الي كوه اتجاوزت الي صار ورجعتله ورجعنه الصحبتنه وصرت اروح وارجع وياه وادخل البيته بدون مانفسي تدنه الحلاله اول مرة دخلتله بعد زواجه دعيت ربي يسعده والله شلون هيج اصير بموقف وياه
بساعتها حظرتها من كل البرامج وكتله ماعرفته المن احظرها احسن
ونهيت الموضوع والهسه اتهرب من شوفته اتحججت بالتقديم وهوسة الدنيا ومشاغلها
مرام هم جنتي تتصورين رملة توصل الهيج مستوى
ذيج رملة الخجولة الجانت تكوم وتكعد لو شافتني تحتار من خجلها شلون تتصرف ولامرة سمعت اسمي بالسانها ولامره اتعدينه حدودنه حبنه چان شريف
من تتزوج تروح للحرام ليش منو وصلها الهذا الحال
حظها لو حظ رجلها الي محتار شلون يدللها لو حظي حته مااشوف الراحه
ضجت حيل وتركته يسولف كلشي كتله الحمدلله هذا اختبار الك من ربك نجحت بي وللاسف هيه مانجحت مااريد ابرر غلطها الها بس الله يعلم بحالها
راح احاجيها بلسانك اوصيها ع نفسها وبيتها
..ياريت تحاجينها وتكليلها اذا الي معزه عدها خل تنتبه البيتها ورجلها تره صورتها تشوهت بعيني خلي تلحك ع الباقي المعزه الي الها بداخلي ك بنت عم وعرضي محد يرضا ع عرضه السوته
كتله صار وفعلا لازم احاجيها
طلعت منه وسلمت ع امي وزينب كميل جان خفر وصيت زينب عليه وانطيت الهيثوم كم حاجه جبتهم اله وطلعت قبل موعدنه من شفت وجه ابوي ثكيل ع ركاد
شفته حيل مقهور وعيونه بياضهن متحول حمار بس هوه قبل لانجي جان هيج وهسه زاد وضعه
كتله نرجع للبيت لو الشوك
..ليه طلبتي انروح وانا عاطيك وكتك
..احسن الصراحه حسيتك مو مرتاح وخفت نتاخر ع شوك وعمو ياسر وهمه عرسان وباقيله يومين ويلتحق
..الله كريم ..
جاوبتها وفكرت بتصرفها هي خافت عليه وحست فيه وابوها الرجال لاهايني ولامتهمني ولا مگلل كدري كل مافي الأمر مايتحمل شوفتي يعني هذي مشاعروو مالو سيطرة عليها
واعرف الي دفعوو الهالشعور طريگة زواجي من مرام وكيف اخذتا بس اهوو ماتركلي خيار
والله يامرام والدك ارحم بكثير من البلاوي الي عنا
… .
شووگ ..
الاسبوع كله عمتي تكلي خليج يم يسوري
تره وراه دوام خلي يشبع منج لااطلعين يمنه لاحگه علينه
ولو طلع هوه تكله مامليت مني شكم سنه مكابلني يبوسها ويحضنها يشاقيها ويضحك يكلها ماينمل منج شسوي
وي امه ولاجنه ذاك الثكيل الجامد وي الناس
رغم هيه قويه والكل يخافن منها الجناين بس اني اشوفها بالعكس مرحه شقاها وضحكها وي ولدها عبالك اختهم مو امهم واشوف علاقتهم كلش حلوه تذكرني بعلاقة امي وسجاد
اتذكرت امي من يشوفها واكفه بغرفتها وترتب نفسها
تخلي عطر وكحل وقليل لون حمره طبيعي قبل جية. والدي من السفر
يظل يضحك ويكلها بالعافية ع ابوي كل هالكيك اله
تضربه بالمشط يلكفه بيده ويضحك وهيه الي مسويه نفسها معصبه عود تادبه تالي ماتتحمل وتشيع ضحك وياه
هالشي فرحني بعلاقتهم وي امهم بس شو جناينهم ضايجات ويكللي شوفي وشوفي
عبالك مو امهم احنه امهاتهم
استغفرت ربي ذني شيقصدن شكو بيها ام وولدها
جناينهم كلهن فرق بيني وبينهن بالعمر جبير اصغر جنه زوجة برير عمرها تقريبا ٣٥
وشويه حبابه وزوجة احمد الي وياي تقريبا اكبر منها باربع سنين هم حبابه بس من هاي النوعيه العدها كلشي عيب
الولد الهسه مشايفتهم بس مصباح. العرس سلموو عليه ونطوني فلوس كالو بياض العروسه
اتذكرت اول ليلتي ياعروسه يااصخام عبالك فلم رعب
اتذكرت ياسر الصبح انطاني فلوس هم ملفوفات بوصله بيضه كال هذا بياضج
ابتسم. وكال ولو ع السويتي البارحه مامحسوب المفروض اضمهن واشوف اليوم افكر لو انطي لو لا
مافهمته ومن شافني هيج ساكته ضحك
بس هسه لارجعت النشاطي يمكن اول ايام جنت بغيبوبه كلها بجهه ونصبة الاكل بجهة الا اطلعها منه يجي وكتها
قبل لايلتحق ياسر بيومين افكر توني تعودت شويه ع وجوده وشنو يريد ولو بعده ماينعرف من وجهه الجدي هوه ناصب لو يحجي صح بس اني شويه تنشطت وصرت افهمه
كاعد افكر لو التحق اضوج والله واستحي منهم عبالك يعوفني بديرة غرب
ماجنه هوه هم توني عرفته عبالك من زمان متعوده عليه وهوه اماني هنا
ياربي والله صعبه يروح هالگد
من هسه استوحشت
وبماانوو راح يروح الا اطير عقله بشي مو عباله اني فطيره وبس متونس بيه
جاي افكر ارتب نفسي الشي معيين
اتصلت بيه مرام وكالت جايينكم اني وركاد
فرحتي بركاد اكثر احس روحي تريد تركض قبل رجليني
فدوه الشوفته مشتاقتله هواي
اريد اخذ ملابس البسهم دخل ياسر
كتله مرام وركاد جايينه هسه
.. هلا بيهم
راح اروح انتظرهم جهزي روحج
اشرلي
البسي حجابج زين تره احمد وبرير هنا يم امي بغرفتها سلمي عليهم عود
..صار
بدلت وطلعت سلمت عليهم وجاي احضر ضيافه الهم عصاير ومي دخلوو وعمتي رحبت بيهم وسلمت عليهم
ركاد باسها براسها وباوس عمي ياسر كعدوو
رحتلهم سلمت عليهم
اخذني الحضنه ركاد حضنته حيل باوسته باسني بگصتي وجر خشمي مثل مامتعود
باركلي رحت جبت الضيافه وكعدت بصف ركاد مشتاقتله
شفت عيون ياسر عليه بس شنوو عبالك متحلف بيه كلت يارب سترك
خلاني طول الكعده ماماخذه راحتي
كالتله مرام جنت يم اهلي عمود مصطفى هوه فهمها كلها كلت الابوج وكميل خلوه قبل التوزيع وره تدريبهم اني اتصرف انقله مااخلي بالمكان الي يريده خيولي بعده طايش مايفهم بس تره عنده شهاده
فتره يفتحون دورات يروح بشهادته يترفع ضابط
بعد احسن اله واذا يحب شغله وينطي حقه ماينخاف عليه وركاد ايده بكلامه
من رادوو يطلعون
ركاد انطاني ظرف
بي فلوس وطلعوو
وره ماوصلناهم للباب بسرعه رجعت الغرفتي
فزيت ع صوت طبكة الباب وصوته يحجي بهدوء
..چان كاعده بحضنة فد مره بعيده شويه جنتي
ضحكت گتله والله هوه حضنه جان مكاني من صغري والحد قبل زواجي باسبوع اني كعدت ع رجليه بس هالمرة استحيت منك
..زين والله طلعتي مفكرة بيه ومستحية
مو مرام كعدت بصف رجلها من شفتيها ليش مااجيتي يمي
..وقابل ششوف اقلد شعليه بمرام يجوز هيه مامتعلقه بيك مثل مااني متعلقه بركاد
..ها انوب افتريتي ع مرام هم… هاي حركتج الها عقوبه اني رجال عسكري لا ازعل ولا الوم بروحي ولا شي اعاقب وخلص
..واني اعدل شعري كتله شنو عقوبتك بالله
..هسه اكلج شنوو
طلع اغنية ذبي العباية وكال
..عقوبتج ترگصيلي
بكلبي كلت والله وسهلت المهمه حايره شلون افر عقلك بس جنت مستحيه ابادر اني
اتعززت عليه شويه ضحك وكال والله ماتتبدل ابد
اخذت فستان چويتي ضييق وبي فتحات من. اعلى الرجل اصلا هوه مال هيچ حاسبه حساب الركص الاعشقه وجايبته
طلعتله وفتحت شعري ع طوله
رجع عاد تشغيلها وبديت ارگص بالبدايه حيل مستحيه بعدها لا اندمجت حيل
من شفته مركز بيه صرت اتفنن وهوه ولااتحرك بالجذب اتحرك وي النغمه يباوع وبس
رحت قريب اله وميلت نفسي علي
اريد ارجع المكاني ابعد
حسيت جرني من خصري وصرت بين اديه
يتبع… .
حبايب سوو دعم لحساب هالحلوه محتاجه متابعه منكم EMAN_2003