مساء الحب ❤
فرحت بس مو گد فرحته يمكن فرحته اثرت بيه اكثر وزادت فرحتي بي لأن فرحان هيچ مو لأن اني حامل مااعرف ليش احس خايفه من الجايني اكثر
رجعني للبيت رغم الهوسه الي عدهم خالاته وخالات شووگ وبناتهم وعماتهم هواي عدهم بنات ونسوان ومبينين متألفين بمناسباتهم اكثرهم اجوو بدون عزيمه يكولن ماكو داعي الها بيناتنه واحنه نسوان عمي يتمنن وحده منهن تنسه تعزم الباقيات هنه واهلهن حته يلكن سبب للقطيعه لو ماحبوبه لامه ولدها الله اليعلم شيصير وحته ارتباطنه احنه الاحفاد بسببها
نزل ركاد وياي فتحلي الباب وصاح
..يااسم الله انتبهن الوجوده وخبرن الباقيات بالطرمه وقفل سيارته عن بعد باوعتله مبتسم فرحان استحيت من الموقف
عينه ع امه وسلم انتبهت امه ماردت السلام ظلت عينه عليها وگال
.. باركولي ولي العهد بالطريج
چانن بالمطبخ عمته وخالته ام مهره وامه وبنات عمه اثنين يجهزن بالمطبخ
امه صايره بالمطبخ الحار مقابيله هيه واختها والباقي متوزعات بالبارد مطبخهم جبير كلش الكل داروله يضحكون اول مااتباركتله امه وشفت دمعه لمعت بعينها وخالته هم باركتله وبت عمه راحت تركض كالت تباشير الجده علي
شويه وسمعنه الهلاهل
وعمتي توصي بيه ديري بالج ع عمرج ولا تخلين يدج في شي وهذا ولدنه عينك منوو ومن هالكلام
شككتني بروحي ولاجتها الكارهتني البارحه
وهوه فرحان ومنتبه الها شتوصي يزيد الوصايا
ع صوت عصا الجده التفتنه هلهلت واجت تريد تبوسه دنك اخذ راسها بيده وباسها رجع باس گصتها
..مبارك يجده يتمم فرحنا بخير ويربى ع ايدك
وفخيرك ودلالك
..بحظورج يالجده بحظورچ ان شاءالله
جاوبها مبتسم وصه عليه
..امانتج يجده عينك منها
..امانتك في الحفظ والصون يبعد الجده ونواظرها
كل هذا واني متصفصفه وبعدني بعبايتي شووگ رايحه وياها خواتها وامها
صعدت الغرفتي ماراح اكل الاهلي هسه من اشوفهم بالعرس اكول
نسيت كلشي صار وبديت وياهم من اليوم
شويه وانفتحت الباب دخل ركاد اخذني الحضنه
..يول حالي كيف اوصف شعوري.. ياالله حمدك وشكرك
وعزة الله الفرحه الي في گلبي ماتنوصف ولافيني اعبر عنها
ضحكت وحسيت بشعوره وهسه استوعبت ابطني روح منه
رحت حضنته لزم راسي خلاه ع صدره وباس راسي وظل يلعب بخصلات شعري
كال غيري ارتاحي وبعد نزلي يمهم انا طالع وانتي كيفچ تردين هلچ والا تظلين مع شووگ لين تتوكل
گتله لا ابقى وهسه راح ابدل اصبر ننزل سوه استحي وحدي فدوه عدكم هواي نسوان مااعرفهن غير الاجن البارحه عرفني عليهن لو تكل العمتي حته اسلم. عليهن
..لاتخجلين ولا شي بدلي وانا هان انطرك
رحت ع السريع بدلت ونزلت شعري مرتبته وحتاجيت ابرم اطرافه بس
بدلت منا الوقت الزفه ابدل غيره همه كل شويه يبدلون
بالي يم اهلي اكيد اجوائهم حلوه طبيعيه مابيها تقييد اووف هنا كلشي يتفسر الغير شي
بدلت وكملت واجيت يمه جان متمدد ويتصفح بتليفونه
كتله ها شلوني
ضحك وغنالي مقطع من الاغاني الاحبهن جنت اسمعهن بالاعراس من حبوبه وعمه وصرت اسمعهن ع اليوتيوب واحفظهن
ع ميز الجربايه دك ع كيف وغنالي
كل الهلا بحبيّبي ياطول لبه
وسالم من حچيّ الرده والمسبّه
ماگلتلك يالغالي انطيني حبه
وجوه الحنچ ديظل گليبي ريان
ضحكت واني اسمعه الله عليك تسمع هالاغاني حافظتهن كلهن
..كيف مااسمعوا يبنت وانا حبيت الطرب عشانوو
سعدي الحديثي هذ في احد سامعلوو وماحب اليگولو
..اني ماجنت اعرف هنه المن اسمعها من حبوبه باعراس عمامي وحفظتها وصدفه ع اليتيوب شفته وسمعتهن كلهن من ترجع اسمعك بصوتوو كلتها وضحكت قلدت لهجته
..يابوو كوليلي لاتطلع وضم روحك هان واحرم عليچ الطلعه بعد
..لادخيلك اريد اتونس هنا وهناك مو تكلي تعاي اليوم ابات هناك
..مافيه بيته
..لافدوة
..لااتفدين كم مرة كايلك ..ماتباتين والله فرحان وخلي ليلتنه سوه
..اليوم عرس عمي حباب
..وانتي كلتيها عرس عمك ماهوو عرسك عرسك هان جنبي
ضجت ومديت شفايفي اريد اكسر خاطره
.. يبنت لاتغضبين الوجيه بيته مافي
اخليكي ع راحتك الين تتعبين وتكوليلي نعست ابا انام تعال خذني
..واذا قررت انام الفجر
..الا لو ارگتي وكتا اجيك من وكت واخليك بحضني يوولي الأرگ وتنامين وانتي مرتاحه بحضاني
..ضحكت ..ماكو فايده يعني
..للاه كل الفايده لچ ولي.. وشلچ باهلچ وانا شاريچ والله لو تحبيني كثر مااحبچ ماطلبتي تنامين بعيد عني
شفته يحچي صدگ بدلت الموجه
گتله لا والله ماابات الخاطرك الاجواء حلوة تصير وردت اتونس بس اذا انت تريدني انت اهم
..يبعد انه من الاول وكوليها نشفتي ارياگي
ولايهمچ اساويلچ احلى اجواء
حچاها وغمزلي
ضحكت گتله يلله نروح
..وين الحبه يبنت
..انطيته خدي لزم وجهي ورفعه گال
..تحت الحنچ يبووي ماهي هان
باسني
وشم رگبتي
..والله إن دنيتي هان
اشر ع رگبتي وگال يلله
وهدنتيني ونسيت روحي والود ودي لااطلع ولااخليك تروحي
طلعت اضحك صارت بوجهي ميثه ابتسمت وباركت الركاد وباركتلي ابتعد ركاد وهيه قربتلي
گالت
..كنت جايه اباركلك والله اني فرحانه لچ ولوه
يستاهل ركاد
عينچ منوو ومن ولدوو داري عمرچ
تراهو يحبچ حب ماهوو مخلوگ
شافت ركاد ابتعد وطلع اخذنه زاويه من المطبخ
قبل لااروح اسلم ع الموجودات
گملت كلامها وگالت
اول مرة بحياتوو يواجه امو عشانك
يببوو عود تريد تهديني زادت خوفي
اموت من هاي السوالف والله لو مامواجه ماخذها بالسياسه احسن هسه تكول غيرته عليه
انتبهت الحچيها گالت عمتي كويه وطول عمرها اطلع اعصابها بالي حواليها كانن بناتها مايتحملن ويوم. تعصب عليه يگلها تمونين يبعد الروح فدوة لچ ركاد شو الي تبيه اتضايگ اتضايگ عشانك عندك مشكل تبين حلها نحلها انا وانتي انتي شو تبغين گولي
من. تشوفه يتعامل معها بهذا اسلوبه تزيد ويتركها يسكت لو يطلع ترجع تعتذر بطريكتها منوو ابدن مااتنازل
ياتساويلو اكله يحبها
ياتروح تكعد جنبوو تحسسوو باهتماها واهوو يفهمها
يوم امس ركاد وصلك وجاه متعصب وعيونو فراسوو وماسكت لما عمي تدخل وسكتوو وجراح اخذوو يهدي يلله سكت وحته الجده ساعدته ويوم. شكت منچ ماغسلتي اواني الشرابت والكاسات كامت الجده اركشتهن وسوتهن فتات
صفنت واني اسمعها اركشتهن الي فهمته كسرتهن
عزه حته الجده مساعده ركاد
كتلها ليش هيچ چان سايسها والله ماادري بي اني مااحب هيچ يصير
..حچوو معوو جراح وعمي وگايل لهم من ثاني اسبوع العرس وانا سايستا واهي اتكصد تاذيها وتاذيني سايستا سايستا الحد مازادت
حلوها لي والي يرحمكم امي لاني گادر ع زعلها
ولاني گادر اظلم حرمتي وانا اخذتا بمرار وعدتا اعيشها بهنا ووعدت اهلا احافظ عليها
وگالهم لنا بنت بعد يومين تروح الهم ترضولها الي يصير
عاد عمي مارضا وكلمها جدام الكل
گال لها الخاطر معزتك بكلبي خليتك ع راحتك هالسنين كلها كلوو عشان اكفر ذنبي بنظرك والا هو ماهوو ذنب وتحملتك عشان اولادي
ارضالك تساوي كل شي الا حياتهم وسعادتهم لهنا وحدك
حرمه كبيرة انتي مخليه عگلك بعگل جاهل عروسن جديده ماتعرف طبايعنا ولاتعرف عيشتنا تحببيها فينا انتي والا تكرهيها
يمره كافي حقد ارحمي حالك وارحمينه روحي عمره سجلي ع حج لانتي الي راضية تعيشين حالچ حال الحريم الي متزوجين ومثنين ارجالهن
ولا انتي الي عايشه العمرك والاخرتك
صرتي تغارين ع ولدج من حرمتوو ماعاد استحيتي انتي
من. سمعت كلامه انزلت دموعها الاول مره وعلت شهكاتها ويوم. شافنها بناتها بكن معاها وحتى ركاد ماخله ابوه يكمل
اطلعت هي والحكنها بناتها حته انا خفت اروح. معهن
يوم جيتي كلنه راح يهجمن عليها بس الحمدلله ماصار كل هذا
..يهجمن عليه اني ليش شعليه
..بعمروو عمي مامضايگها ولامسمعها كلام يجرحها بالعكس هي اتسمعوو واهوو يسكت وحته حرمتوو ام سجاد منبها ماتگلل احترام الام جراح
والله بعادتي مااتدخل ولا اتكلم ع الي يصير بدارنا بس خوفي عليك خلاني انبهك حاولي تكسبين اموو واتمسكي فيه ماتلكين الي يحبچ مثلوو
وحكيتلك عشان تعرفين اتصرفين معهم
عافتني وراحت انوب رجعت گالت ركاد موصي الجده اعرفك ع الحاظرات وتراهن بعد الحبايب ماجايت كلهن.
راحت تعرفني سلمت ع الكل وكالن البنات ارگصي
اجتني عمتي ام ركاد كالت لا ترگصين يمه ماهو زين
فهمتها وضحكتلها لا عمه مااركص
مشغلات الدي جي وطفت الكهرباء خربت حفلتهن عبالك.. مايعرفن مثلنه كلت كون اجيبلچن حبوبه
والله اتخليچن اطفن الدي جي
احتارن والمولد ماكو ع حظهم همزين الوكت كاسر مو ذيچ الحراره
رادن الولد يجهزولهم مولدة بيت
سجاد وركاد واياد كالو ماحنه هان حدرنا ع العمام
انطيناكم طلبياتكم ورحنا شو عرفنا تحتاجونه بعد
اجت شووگ واني وخالاتها گلبناها هلاهل هنه حته هلاهلن تختلف
شووگ تخبل والنقش الي بأيدها رسم ناعم يخبل والي عرفته راسمات جسمها كله خالات ركاد اثاري يصيرن نسوان عمامه اكول شعجب متواصلين بس زين الحقد ماواصلهن
شفت شووك اشرتلي رحتلها ضحكت وبستها من بعيد
..ولچ ماابوسچ مااخذ بوسة عمي
مو تخلين وحده تبوسچ خلي اول واحد هوه
ضحكت واني واحاجيها توصيات حبوبه الكل عروس هاي ماتقبل النسوان يبوسنها دكلهن خلنها للعريس بدون بوس
ضحكت وجاوبتني
..هههه فديت عمچ ولچ غني انتي بربچ اذا ظلن. هيچ يبدي الگرض وتصير حفلتي مصدر للاخبار العائلية ويامشكله تصير سمعناها من عرس شووك بربچ لتخلين. اسمي يجي بالطلايب ضحكت عليها والله ياربي شلوت تفكرين انتي
تدللين
رحت جبت سطل ودرته وظليت ادگ واغني
شوو كل الموجودات اتفاجأن
استمريت اغني
ياعين مو ليتين ياعين موليه
والله چوّه الگلب عشگچ يالبنية
امچ جبين الشمس منهي الي ميشوفه
وابوچ شيخ العرب بالطاعه معروفه
لجيبلچ درتين بالذهب ملفوفه
ولسوي عرسچ سبعت ايام ليليه
كملت الاغنية والحفله صارت حته احلى من الديجي حته الجانن يحچن انتبهن عليه والجده
كملت وطلبن بعد اغني بس ميثه گالت ركاد متصل عليچ هواي ومامجاوبتو گال عطيها لي جيت ويوم سمع صوتك كال لاتسكري خليه لما تفضا خلها تكلمني
يبوو متت خوف ركاد مبيين وره هدوئه اعصاب وهوه محذرني محد يسمعني غيره
اتصل بيه جاوبته متت خوف من. نبرة صوته
...
شووگ
حلت الحفله بعد ماحيتها مرام وره ساعه ونص اجت الزفه احس گلبي يضخ بسرعه مو طبيعيه
ياربي انوب حته الادعيه طارت من بالي اريد دعاء اهدي بي روحي لاهواي مؤمنه اني اذا بالعرس نسيت الادعيه من اريد اموت شنسى
رفعت راسي شفته دخل رغم هوه ملامحه عاديه ماعده عيونه بس اشوفه يخبل كلش كافي نظرتهن بالنسبه الاخوانه وولدهم مو حلوو بس منو بيهم يلحگه باوعتله ونسيت روحي ابتسملي وعيونه مركزات بيه بيده كلنكس مسح بي جبينه
يبوو يعني هوه خجلان واني ولايمي بس والله هذا كلبي ودكاته معناها خجل قابل شرط اعرگ
حاولت اخلي مكياج كلش قليل والحمدلله كدرت تسوي الاريده
اتقدملي باس راسي وكعد شويه اخذني وطلع كلشي مااشوف من. هوساتهم بالطلعه وعيت من سلمت ع اهلي وشفت جراح سلمني بايده نزلت دموعي رغم. حاولت اخفيهن ماگدرت صعدت بالسياره ودموعي ماوگفت زادن واني اشوف ابتعدت عن البيت الجمعنه الي الكل ياعملني بي بطيب ومحبه
افكر حياتي شلونها وياه
عبالك حس بيه
گال بصوت بي حنيه
.. لاتبچين مو بعيده عليهم انتي
دموعچ مو وكتهن هسه ع شنو البچي ياعيني
..يبوو مو وكتهن وبس؟ عبالي يكول ماا ريد اشوفهن
يلله اتحمل تقلبات مزاجك صرت حافظتك هسه
وصلنه للبيت وصلني وطلع للمعازيم صار المغرب صعدني الغرفتي وياي امي ماعافتني كالت وره الزفه ترجع
من صار موعد الزفه وسمعت اصواتهم جلبت بأمي وهيه خطيه حاولت تهديني تكلي ام السان وين. السانچ منين اجاچ الخوف هسه
ضحكت عليه ودعتلي وصتني وطلعت
وهنا ودخل عريسي اريد القوة بس حته ارفع راسي مااگدر
يبوو هاي مو اني مبدليني اكو خلل بيه
گال
..ياهلا بحمامتي الحطت بعشي انشاءالله تنورين دنياي وشتصيريلي اصيرلچ اكثر خليها ابالچ
رجفت وايدي صارت ترجف صكيت اسناني بقوة خاف يفشلني ويرجفن
اتقدملي مبتسم نص ابتسامه گال
..يگولون الماراجفه بليلة عرسها ينخاف منها
وانتي ماينخاف منچ
ضحك كال لاتصدگين ليش هالرجيف منين خايفه يابه بعدنه الليل باوله ارتاحي
..زينب
بحنة عم كميل كسر خاطري من شفت لهفته واشتياقه كلت ارجع واتحمل قابل بس اني حملت كلها تحمل وببيوتها ع شنو مكبرتها
رجعت وي عمتي دخلت الغرفتي وهوه اتأخر غسلت وبدلت خليت مكياج اجه من شافني ابتسم
..ياهلا نورتي بيتچ زنوبه
رحت بسته غصب عني احس روحي تريد تطلع
اتقربلي باسني كوة صبرت نفسي انتبهلي حسيته انزعج كال ليش اجيتي جان باقيه هناك مرتاحه
ماادري ضاج مني لو عليه وحجاها
...... ..
شووگ ..
جان قريب الي من شاف خوفي
ابتعد عني وگال اخذي راحتج ابدل وانتي هم بدلي وتعالي نكعد نحچي ونتعشه اني ميت جوع وانتي
ماجاوبته گال انتي اكيد جوعانه اكثر بالصالون اتصلت بيج من الصبح رايحه
رفع راسي بيده وگال
..تخجلين الگمر يابه اليوم يغيب مايطلع
بس اهدي راح توتريني اذا ظليتي هيچ
كمل كلامه كال جنت خايف لايلعبن بشكلج بالمكياج صدگ طبيعتچ احلى بس هسه حلوه تخبلين
ارتاحيت شويه خوفي قل بس وجع بمعدتي احس الاضطراب انتقل الها
رحت للحمام اريد افوت گال
..وين يابه البدله ماتفوت من الباب اوگفي
بقيت ع وگفتي فتح السحاب بصوت ضاحك حاچاني
..يلله فرصتچ بسرعه روحي
صدگ. بعد البدله ماواگعه عبرت ذبيتها بسرعه ملابسي بيدي فتت اسمع صوت ضحكته اول مره اسمعها هيچ بالعاده لو يگطعها لو يكتفي بابتسامه
بدلت وغسلت طلعت ع الطبيعه ع گولته بس وجهي شاحب خايفه
طلعت گال توضيتي جاوبته لا من خوفي اني ناسيه اسمي ياوضوء
گال اتوضي وتعاي
والبس شي اطول من الروب العليج
اتوضيت ورجعت لبست ثوب الصلاة جديد محضرينه وي المصلايه الخاصه بيه بالغرفه حلو ترتيبهم
لبستها ووكفت اصلي وراه بعمري مامتخيلته هيچ صوته يشرح الصدر بالصلاة وضابط تجويد الايات الصغيره وحركات الادعية
كمل صلاة
لزم بطني ودعه دعاء ماركزت وياه من كثر ارتباكي
حته اني احس روحي مو طبيعية
باوعلي گال بهمس غاليتي لاتخافين اهدي وانسي كلشي گليلي شلونچ وي المحاظرات الي توصلچ تفهمين لو لا هيچ احسلچ من الدوام موو
جاوبته
..زينه بس بالدوام افهم احسن
..صبري بس هاي السنة وانقلچ هنا لو اشوف بيت ونستقر ابغداد قريبه الدوامچ واني هم قريب الدوامي
هزيت راسي بخوف وبفزع كتله لا لا
..لا عفيه خلينه هيج احسن
..وليش هيچ اعترضتي
..مااكدر ابعد عن اهلي
حك خلف رقبته وكال اها اهلچ
حقچ
سكتنه شويه حاول يغير جوو ويسالني واجاوب
مد ايده عدل خصلات شعري بعدهن رطبات مانشفتهم
خلاهن وره اذني وظل يحرك بفروة راسي
دقايق قرب راسي عليه اخذ شفايفي جنت متشنجه اتحول الرقبتي وخله ايده خلف ظهري وتحت رجلي وشالني للسرير
من خوفي بوقتها وچنت حيل متشنجه ماادري شجاني
حاول وياي هواي الحد ماتقربلي
دفعته بقوة مااتحملت
اتمسك بيه وگال ع كيفچ انتي تتاذين اهدي ع كيفچ
ارتاحي
رخيت جسمي وصبرت كوه ودموعي نزلت ابتعد عني
ارتاحيت
شكله مستغرب شي بعدها نصه عليه
مسح دموعي زينه انتي شو حاجيني لاتخوفيني عليچ غطيت نفسي اتصورلي فراشي راح يدمر
گال كومي بس اشوفچ
گتله بس عوفني ابدل مابيه شي والله
راح للحمام
اباوع لفراشي ماكو علامه ولا شي
متت خوف اريد اگوم مااگدر رجليه من الرعبه ماسندني لفيت نفسي وصرت اشهگ طلع
من الحمام شافني هوه هم خاف
..شبيج بس كليلي شو كومي
لفيت نفسي بالغطه خفت يشوف اتحايل عليه يريد يعرف شبيه شفته مل گتله ماكو شي مابين شي
رفع حاجبه مستنكر فهم يمكن متت خوف من نظرته الي
مرام ..
جنه هوسه وضحك وسوالف تليفوني دگ ماردت اجاوب بعد الرزاله الاكلتها من ركاد كافي دموعي الي خلصن مساع
ادري بي يريد يعتذر وماراح اجاوب خلي وروحه هم مااروح الا ابات اليوم
رجع التليفون دك مره ومرتين باوعتله اريد اتاكد
شو هذا رقم عمي ياسر
ليش داگ عليه وهوه بعده ماطالع اصلا
اكيد شووگ
جاوبت
..هاشووگ
اجاني صوت عمي ياسر ومبيين عصبي
..مرام بسرعه تجين مااريد احد يحس عليج تعاي شوفيلي هاي شبيها حاولي تسكتيها
يتبع ..