حبايب البارت بدون مراجعه
مليان. عبوات مليان 😂
طبعا البارت الي اجيت انشره بالتسعه لكيته محذوف ورجعت عدت البارت من جديد
واصابعي احسهم وكفوو من السرعه
وكل شويه واحد صايحني من الجهال قاطع سلسلة افكاري
ع العموم عذروني ع التأخير مو بيدي هيه الظروف تتحدف عليه ع كولة اخوانه المصريين 🙄
…………… .
هوسه واصواتهم علت
.. وينوو ولدنا
..ريكاد وينوو
حسيت بروحي دخت بس خوفي ع ركاد اكثر بنفس الوكت فرحانه بأصراره وحبه الي شنو الي يخليه يسوي كل هذا واحنه مابيناتنه غير النظرات
لحظات ضعف بيها جسمي واختل التوازن عندي صوته واصراره الي مغلفه بهدوء ورزانه وثقه
خلتني اتقوى مالازم اضعف بعد الي سواه
علمودي
ركاد ..
رغم الموقف وصعوبته وعيونم الي اتطاير شرار يناظروني بغضب
إلا اني مااضعفت ولا تراجعت ولاتندمت زاد اصراري يوم. شفت حيرتهم يعطوني والا الناس تگول اخذا غصب عنم واحرجهم
وإلا يرفضوني وتنحسب عيبه عليهم فرش العباه ماهو بهيين اذا كان عندهم عادي عنا مهو بعادي وعليهم يگع لوم ونگطه سودا ماتفاركهم بعد
بعد ماشفت ادخلوو اعمامها ومعاهم ياسر
اكثر شخص ركز فيني وطوول وهو يركز بعيني وكف ايدي وشلون مادها هي والكفن
ماتراجعت رغم ابوها من التعب ماطوول يگف گعد الحيله وعمامه ع وگفتم
يطالبوني اطلع واترك الموضوع ماسمعت منم وكلامي كان الوالده
سمعت اصوات گربت علينا
اكثر شفتم عمامي التموو ادخلوو
صار مصايح ومهادد بينم وبين اهلي صحت ع ابوي وعمامي يهدوو
..ياهلي والي يسلمكم خلكم ابعيدين انا وهم
لاتدخلون بينا
درت ع ابوها واعماما
..هذا انا وهذا انتوو تبغون تكتلوني إكتلوو دمي طايح لكم جدام هلي واهلكم وعباتي فرشتا وبيها البخت وانتوو يأهل البخت ماتردون تنعابون وافگوو بنتكم شاريها بروحي
ماگول مابتلگون مثلي لا
الزين مايصيرلوو غير الزين وبنتكم اصيله والاصيله مايتخيرها غير الاصيل انا والا غيري
بس باگول لكم
اذا مابتعطوني اكتلوني والحين
واهلي وعمامي يسمعون دمي فدوتن لها
انا
جييت اگول لكم ياانا وهيه نعيش يابلاها الروح
ركزت بعيون ياسر مثل ماهوو ركز بعيوني وكن صارت حرب بيناتنه وعيونه الي اديرها
كملت كلامي
ماردتا الا بحلال الله
بتحرمون حلاله؟
انتوو الي تحجون بالدين
سيد هاشم ماانت الي اتگلط واتخطب لولاد خلگ الله ..
وتگعد اتعد بحلال الله وحرامه والا لا؟
شوو الي ساويته يخالف شرع الله
اتكلم ومگدم كفني وعليه سلاحي
جراح ياشرلي. اسكت واترك كل شي واطلع
تگدمت اكثر وصرت قريب اله وعيني بعيونه
..والله وجدك رسول الله ماساويت الغلط بحبي لها حبيت بدون مااعرف وش يعني احب
لابينا كلام ولا احنا الي نلتگي روحي هوتها يشهد الله مالها ذنب ذنبها اني حبيتا
اذا كان هذا ذنب بالنسبه لكم
سيد ليه الي ترضوه الغيركم ماترضوه لكم
كم عاشگ خذك گليط وبيدك زفيتلوو محبوبتوو
دگايگ كنها عمر
عمر اباه يخلص وبنفس الوگت متمسك فيه رغم مرورته فيه شي حلوو يشدنه للبقاء
بعد صمت طال من عندهم
تكلم عمهم احمد گال
..ابو كميل انطيها
عيوني عليهم وانا اشوف ابو كميل اعصابوو ترجف
حسيتوو ودوو وماودوو
يمكن خايف من كلام الناس
طييب ليه ماعطيت يوم الي جييت وجبتلك خلگ الله ومشايخ
عيني عليه
وعباتي مفروشه بالگاع وعيونم وعيون اهلي عليها ان ماانشالت عيبه بحگ الاثنين لا احنه تگدرنه ولاهمه الي يوجبون
ياسر عينوو عليه وگرب صوب اخوه وحاچاه ومصطفى متكتر ابعيد كميل بالعياده مايدري بشي
شفتوو والدها ارتخى وعيونوو تسولف حيرتوو
تگلط ياسر عينوو عليا
نصى شال العباه من الارض نفضها وخلها ع متنوو
وكال
..طلبتك انه شيالها ورادتك الك بنت اخوي انه انطيها الك
..سمعته وماني مصدگ اصوات اهلي وهم ايتشكرون منوو ومنهم
استوعبت الي صار
تكدمت والكفن بيدي والسلاح
عيني الياسر تشكرتوو
وگلتلوو
..ونعم من شيالها
تكربت الابوها عطيتوو الي بيدي
..انا ابا الرضا منك واذا مو راضي
اگتلني مثل ماگلتلك
احرجتوو بطلبي گال
خلي بيدك
وانه بعد عندي شرط وماتصير خطبه اذا مارضيتوو
حاجاه ابوي وهوو يگول شروطكم اتنفذ وكل طلب الكم نگولوو تم ومانتناقش بي
ولدنا شراي واحنه العلينه نتكفل اشرايتوو ونسوي الي يريحوو ويريحكم
ابو كميل گال
..ابنك احرجنا واحنه اليوم متحضرين الخطبة الناس اجه رمه وخرب الخطبه وشردهم گبل لايدخلون بيتنه وفوگ كل هذا داس بيتنه بدون ما نگله تفضل
واجيتوو انتوو كملتوو وحته الباب مادكيتوو وانا مااعلمكم تعتبر هذي دوسة بيت
..حنا حاضرين للي تامرونوو انتوو كلوو وحنا نفصل بالي تبغوه
..مو كلشي بالمال ابو جراح وانت تعرفنه ماعايزين اموال ولا احنه القليلين وتاخذونه بالفزعه الي صار وسكتت الكم من الفضيحه بس والا مثل ماعدكم زلم عدنه
..والنعم منكم ومن گال غير هذا عز الرجال انتوو ولو في عيب لاسامح الله ماتمنينانكم خوال البزرنا وانتوو اتعرفون حنه ماانخطب الا نتخير الخوال ونشوف لو كان خال الخال بوه عيب نهوون ومنتگلط وانتو حاشاكم من العيب رجال ونعم الرجال
..الي سواه ابنك اليوم لوي اذراع النا ومو احنه الي تنلوي ذراعنه العالم اشكال راح تكول
..ماعاش الي يلوي ذراعكم وانتوو نسل ال النبي لاكن انتوو گصيتوو وياه وتكبرتوو ولا الله ولا رسولو يرضالكم هالفعل
ولو انت مهتم للناس كان عطيتنا من اول خطبه واذامو من اولها ولا الثانيه ولا الثالثه كان عطيتنا من اخر خطبه رسميه لكم يوم جبتلكم شيوخ العشاير كلا وفراضاتا ونگلت الكم الساده والشيوخ
واطباء وعساكر
..البنت بتنه ماردنه ننطيها ليش الملحه
..مگدر اشووف ولدي مهموم وگلبوو معيوب وأگف متكتف
بعد هالعمر سعادتي اشوفا فيهم
وانا مجرب العشگ
العشگ ماهو الا مرض حنا نسمي مرض الهوا
جربتوو ع كبر وانت وابوك الي اخذتوها لي اذا بتذكر
..وانه هذا الاخاف منه انتوو عدكم الحب عادي وعدنه عيب اذا خارج حدود العوائل الي نعرفهم
لان نعرف ولدنه مايتعدون حدود شرع الله
..يوم انك تعرف اولادكم ..اجل ليه ماعرفت بنياتكم
من سمعتوو ترخصت من ابوي وتكلمت
..سيد گول شرطك وعوف العتب يولي والله يشهد بنتك اصيله وماعطت بيكم وحفظت مهابتكم ونعم ماربيتوو
مالها ذنب أني ردتا الذنب ذنب گلبي
حتى ماهو بذنبي
..شرطي وحته ماتگول الناس اخذها غصب واحرجهم
ننطيكم بنت تنطونا بنت
صفنت بوجهوو ماتكلمت من الصدمه
وانا اذكر خوياتي انخطبن حتى عذاري ماني راضي بقسمتها ع شرك واحسا مااتحمل ضره ويوم كلمتا حسيتا موافگه وكنوو الرجل بخاطرها
وافگت احسن مابتغلط بدون علمنا مادام جاها ودگ بابنه الله يتمم بخير
والثانيه ولد خالي راده وابوي عطاها صح هوو بس كلام لاكن كلمتنه وحده
وماظل غير شووگ وهذي تدرس ومابربط مصيرا بي
وكفت محتار رجع لف الحبل ع ارگبتي
اشرلي ابوي وگال
..حتا يوم ردنا منكم طلبنا وساوينا الاصول وجبنا لكم اشوخن ع ساس وكلنالكم الي تامروه أيتنفذ
ساوو الي ساويناه وأتدللون مرتكم عندنا
لاكن مانطلع من هان إلا ونحن كاتبين اكتابم وانتم أمتا ماتردون حدروو وطلبكم عندي
عيني لأبوي ومحتار
عمها احمد گله انت المن تريد البنيه المصطفى
مارد عليه
وعيني المصطفى حسيتوو تضايگ
ياسر گال خليهم يكتبون كتابهم ويصير خير
بس فضونه وخلوها اتعدي على خير
الوجوه تتركب واحد يگرا افكار الثاني جوو مشحون
گلوب شايله انفاس تصعد وتنزل من صعوبة قرار
الهسه ماني مصدگ واحس كل الي يصير حلم
واخاف اطلع يگلبون علي
ريحني ابوي يوم طلب منم يكتبون كتابنا
طلع ياسر اخذ جوالوو شويه وحظر
كال خابرت اعمامنه اخاف يكولون محد منا حاضر
جنها مشيه جايه فجأه حالها حال القبلها
والي صار وي الولد نسابتنه اني احلها واعرف شلون اسكتهم
حاجه اخوه سيد برير
..برير بس يحظرون عمامك اعقدلهم
اني راح. انطي علم يحضروها
..بروده سرت بعروگي الساخنه يوم الي جابوو بطاريها
ول يبعد عيوني انتي يطرب الگلب يوم الي يسمع بطرواها
ول عساني مييت بلياچ
مرام ..
بعد ماحسيت صارت هوسه دخت وخفت افضح روحي اكثر لازم اتقوه
واروح اشوف تاليها وهالمره اذا ماوافقوو اني احاجي كميل اعرفه ميردلي طلب حته لو. زعلان عليه
شو بالحالتين. اني متهومه
ليش مااسوي شي الروحي لشوكت ابجي دخلت للبيت شفت امي تسمع وتلطم بخدها
..عزه العزاج مرام ولچ شني هالورطه هذا شسوه بابوج
سكتت ماحاجيتها ولااهتميت اسمع الباقي من كلامه
وجنت متأكده من رفضهم اله ومحضره نفسي للجاي واتخيل مرورته
مرت ساعتين واكثر واصواتهم تعله وترد تهدأ اسمع اصوات بدون مايوصلني كلامهم
مااكدر اربط وافهم وخاص لهجة اهله كلش صعبه وسريع يحجون
شويه واجه عمي ياسر
ماكدرت اباوع لعيونه خفت منه واعرف نظراته يأذني رغم مشتاقتله بس خوفي منعني
حاچه امي
..ام كميل جهزيها نص ساعه ويعقدون
..شنوو عقديش اجهز منوو
رفعت عيني ع عمي مامصدگه
شفته ضاج من سؤال امي الي سالته بأستنكار جنها مو راضيه
مسح لحيته وجاوبها
..عقد قران عقديش يعني
..ياا وهاي منوو انطاها الهم خوش والله مابقو علينه بس البدوان وينه سيد هاشم مو ع اساس يطيها العباس مو كتله خليها الابن اختي جعفر رع طلب ايدها من جديد شوكت صار الغريب اولى ابناتنا
..حك خشمه عبالك يريد يغطي ع عصبيته
فتح. عيونه بقوة وحاچاها
..يااخت هاي اني گبل مابالعهم بعد الي صار شوفي شراح يصير بيهم مااوصيچ عود كليلهم هيج يگول ياسر وخل يجون ياخذوني غدر ناقصين المراجل ذول وخل يودولي شكم واحد من عبيد اموالهم
هالمره ناويلهم نيه يدللون خل يجوني وهلا بيهم واذا مااجوو اني اتعنالهم يدلل عديل اخوي هوه وولده
جهزي مرام ولاتحجين خليها تمشي قسمتها مو زين اذا طالت
باوعلي بنظره سريعه وگال
..مبروك عمي تستاهلين هالمحارب هذا بساني اگلج عينيلج مترجم اول شهرين زواج
دعر ع زينب يضحك وانتي خويه خابوي رجلج خلي يعوف عيادته ويجي يحظر عقد اخته كليله ابوك انطاها ويريد حظورك
ترددت خايفه
كلها لاتباوعين شبيكم انتوو الخاطر الله
شو انطيني رقم عيادنه ماعندي بس تليفونه وغالقه
اخذ منها الرقم ودار ع امي وكلها
حضري روحج راح تجيچ چنه بدويه
طلع وامي ظلت تحجي
..تاليتچ البدوي هذا التردي ولچ
حاچيتها مقهوره وفرحانه بنفس الوكت فرحتي مو كامله خايفه بصير شي
..متكليلي شبي البدوي شنوو الناقصه يمه شبيچ الخاطر الله ماتحسين بيه
ايام ومحمليني ذنب مو ذنبي
صرتوو حته تستنكفون تصيحون باسمي
حاربتوني حوب نفسيه شنوو السويته
شو گبال عينچ النهار كله تربيتج انتي وابوي ماتعرفين تربيتج
حته كميل الي جنت اكول ابوي الثاني عاقبني عقاب الموت اهوون منه
الغريبه صدكت بيه وتهوون عليه وانتوو ولايمكم زوجة كميل الي صار اشهر من اجت عرفتني اني شنوو وانتو ماعرفتوو
وگيله عليكم اني نوتوني واخلصوو مني ليش هذا العذاب
الله يدري ومنطاكم هواي بنات وحده وماخفتو الله بيها
احچي وابچي
انتبهت المصطفى واگف وعيونه تلمع
راد يحچي وسكت
فتح باكيته وطلع جگاره
ظل يدخن اني شفته سكتت واستحيت من الكلام. الگلته يمكن سمع كلشي
امي بعد ماحچت بس حيل ضاجت مني وعليه
يمكن متمنيتني الغير شخص او ماتحب هيج قسمه الي بس اكيد من حرصها عليه امي مو من النوع المايهتم الاولادها بالعكس
اعرف تفكيرها
بس ابوي الحيرني اخر فتره حسيته كرهني واتندم لان خلفني هيج نظراته تبينلي
شويه وگالت زينب اجه كميل
دخل عمي ياسر وگال
..گومي عموو يلله خلي عمج يعقدلكم
اريد حيل يگومني يوصلني الباب الخطار ماكوو
عظامي ترجف وخفت موقف ابد ميشيله العقل من. خطبه مستحيله العقد بوضع كله قلق من بدايته النهايته
احتاريت وماعرفت اتصرف
ظليت واگفه عيون عمي الي حسيتها انطتني دافع
حاول يطمني
..لاتخافين عمي انتي مارايده شنوو
اني الي اتحملت طلبهم وشلت الطلب بكفالتي احساسي يكلي انتي رايدته مو بس هوه رايدچ ليش واگفه
..كلامه زيد خوفي اكثر حسيته يبوگ الساني
عدل ياخته مبتسم
..شبيچ خايفه ولچ ولاعبالي هيج جبانه
يابه حته لو ماتردينه بس اوداعتچ مايتعوض وماتلگين. واحد شاريچ مثله وفوگ كل هذا حليوو
شتردين بعد
مشه گدامي صاح امي رادها تغطيني بشي ابيض
امي مالگت شويه وجاب من. الخطار قماش ابيض گلها غطيها
هذا گبل ساعات چان ع اساس كفن الروميوو وهسه صار راية فرح انعگدت باسم العباس وكرامه الأم البنين باعتبارها بدويه منهم سلام الله عليها
صارت بيرغ الها خلها تتغشه بي حته يفوت هوه وعمها برير اليعقدلهم مو غريب
اتغطيت بالبياض واني اردد الصور الحافظتهن
اسمع صوت ضحكاته
صوت كميل هذا يناقش واسمع ابوهم يكلهم طلبكم عندي بس زوروني البيتي وتدللون
ع شنوو مااعرف شنو الطالبينه همه
اجه عمي ردد العقد واخذ الوكاله مني
مجرد ماخلصت انرفع مني البيرغ
سمعت صوته يصلي ع محمد
گال
..نبدي باسم الله عند النعم
بسم الله تبارك الله باسني براسي
بحجابي بملابس البيت الي لابستهم لامحضره ولامجهزه
ماهمني شي گد مااهتميت الشوفته وبسمته من. شافني
شفت عمي ياسر عند الباب وكميل بصفي منا نزلت راسي خجلانه
وهوه اترخص وطلع
اسمع ابوي يكله تعذرني لهنا وبعد ماعدنه الخطيب يطب ويطلع تريدها اخذها حتلو من باجر
گله عشر ايام اتجهز روحها وباخذها انا ماعندي شي
طلعوو واحس كلشي صار حلم
لو احد يحچيلي مااصدگه الصبح چنت ابجي لأن مجبوره جنت اناجي ربي
يخلصني مادعيته يجمعني بركاد لان جنت متصوره مستحيل
بس يمكن الله جمعنه الخاطره مو الخاطري
باركلي كميل ابرود
وعمي ياسر طلب يحچي وياي الوحدنه
ركاد…
كتبوو كتابنا وانا احس روحي كنت ابحرب وانتصرت والي بيه نشوة انتصار
بعد مابستا براسه اخجلت من عمها واخوها اطلعت وماني رايد اثگل عليهم اكثر الي ساويتو ماهوو گليل
اطلعت بست راس ابوها حسيتوو احسن من گبل اشوي وسلمت ع اعماما واخوانه ورجعت بست راس والدي وايدوو
اطلعت واحس الگاع تطوي تحت رجليني
اغا ارد مشي الهلي وناسي سيارتي
فزيت ع صوت اياد اخوي واهوو يضحك
..يخوي سيارتك تعال انطيني سويچك اني اسووق
انطيتوو وانا اضحك وابالي نظرة عينا
صعدت واياد وسجاد يهوسوون
حنا اليبلعنا يغص فينا
وصلت البيت واشوف امي بالباب يوم. شافتني بكت
..ليه ييمه ليه ترمي بروحك للموت مافكرت فيني وش الي مصبرني ع الدنيا غيركم يولد بطني ليه يركاد
..هي موت ييمه مافي شي جييت وجبت العلوم. الطيبه ولدچ خذا صيدتوو
هلهلت امي ام سجاد والجده خوياتي فرحانات
ابوي وفرحتوو الباينه جراح الي حسيتوو مو مطمن
دخلنا جوه وحاجه ابوي
..يبوي گلتلهم طلبكم عنا وخوياتي گسمتهن مشت
ناوي تعطيهم شووگ انت
..واحد وضربني ع راسي مصطفى اعرف گلبوو ماهوو لوه
وكميل متجوز جديد
مين. الي بيستاهل شووگ منهم
جاوبه ابوي وكام صاح امي ام سجاد اتبعوو
كالوو
..هي شوگ مين عندي غيرها
باخذ رايها وان ارفضت نخيرهم بنات اعمومتك ماضنهم يعارضون
كل شي نساويه برضاهن ماهن مجبورات
مرام ..
ماكو اي شي يبينلي فرحتي اتلاشت الفرحه بس طلعوو لان ماكو مظاهر فرح
قبل لايحاجيني عمي ياسر ابوي حاجاهم
منو منكم يتزوج بنتهم
مصطفى رفض وگال اني مااريد زواج منا لمن اتعيين مامتوازي ولحد يورطني هيج ورطه
وامي رفضت انو تاخذ جنه منهم
اتوجه ابوي العمي ياسر
وكله حضر روحك انت
اتغيرت معالم وجه عمي ياسر وكل عرگ بوجهه بان وهوه عصبي كله صدك تحجي يازواج وانت ليش تطلب اتزوج منهم ماانطيتهم وبس
..ياسر انت الشلت طلبهم وانت التتحمل تريد العالم تكول لوه ذراعهم وابطولته اخذها غصب ع الاقل بنتنه ابنتهم وماكو غلب بيها
..واني شنوو منو گلك رايد زواج
فلتت اعصابي ونسيت اليمي گتله
..هوه اني من اريد اسوي علاقه وي امهات الأنه واعرف هاي شغلتهن اظل اراقبها فتره واشوفها اكثر من مره واخييل عليها عود يلله تجي ابالي واكدر احجيلها كلمه حلوه واتغزل غزل وهوه تسفيط كلام
مو زواج انووب
مستحييل اكدر
جاوبني وهوه يصيح
..انت الي جبتها الروحك انت انطيت تتحمل
..اني باجر التحق ومنا لمن اجي الله كريم انسو هاي السالفه ابنك يمك وانت حر بي سويت مو زين من نقذتك من الموقف واني الي نزلت نفسي الطلبهم
بعدين تريد الصدگ
ماكو اي تنزيل مو عاقلين اذا عفنه هيج نسيب شاري بنتنه شرايه بدمه شتردون بعد متكلولي
وينه الحظ والبخت البالينه بي وتسولفون بطولات ابوكم واجدادكم مو جانو يحلون المثلها لو اني غلطان
عفتهم وطلعت
بعدني ماطاب للبيت حاجتني امي عرفت مخابرينها وحاجيلها