بنات اسفه تاخرت عليكم هواي بس مريضه كلش ومالي واهس للكتابه الربوو مأذيني واسم الله عليكم مرضه جماعيه اني واطفالي دائما من يتغير الجوو ننتكس هالنكسه
البارت ممراجعه ولاحرف بي اتمنالكم النجاح بتفسير وترجمة المغردات السيريانيه
………… .
شنسـىٰ منهنْ ؟
حـدة الصـوت ولحيتك،طولك ونبرة ضحكتك
والحجايات الحنينه المنهاٰ صرت اعشك لهجتك
…… ❤ ………… ❤ ………❤… ..
مرام..
بيوم چنه گاعدين بالهول
ابويه منتبه ع الأخبار واني جنت مرتاحه توني من الامتحانات وماكو راحه واني بأنتظار النتائج
كميل چان مسافر
وسفرته تطوول شهر تقريبا
عليه وحشه وهيثم متنحس ع الاخر
زينب خطيه عبالك غريبه بيناتنه وحيل متقيده خاص من هيثم احسها مرتبكه
ومو طبيعيه حاولت اخليها ويانه تتأقلم گعدت يمي وسجاد كاعد يم هيثم يحاول يخفف عنه غيبة ابوو گله العصر اخذك ونطلع
اجاه تليفون من صديقه جاوبه بس احس وجهه اتغيير
كله
..هلا حمودي هلا بيك
كمل كلامه وهوه يكله
ها الله يسلمها اخذ راحتك هلا بيك شوكت ماتجي كل الهلا
سد التليفون وتنفس بقوه وزفر الهوه طلع للمطبخ واسمع صوت الگزاز يطشر
رحت بسرعه ووراي زينب كامت لكيناه واگف بالباب وشامر نفاضه وگلاصين لميتهن بدون مااحچي عيني عليه طلع بره فتح البوري وخله راسه جواه
سد المي واجه يتمشه دخل للبيت وراح الغرفته شويه ورحت وراه لكيته هادئ مرتاح بس بيده جگاره يدخنها وهاي اول مره اشوفها بيده
حاجيته
..صافي حبيبي شبيك ليش هيج عصبي
..اخخ اخخ شنو البيه ؟ البيه حسرات مكسره بصدري
لااكدر احجي بيها ولااني الكادر ابلعها
..سكتت واني اسمعه
..تعرفين شنوو شعوري من صاحبي يحجيلي شلون. الزواج راحه وشنو شعوره وسعادته وي وحده احلمت كل عمري هيه تكون الي
تعرفين شنوو الي يصيرلي
ضحكت بقهر هه لا وانوب كل مخابره يكلي اختك يمي تسلم عليك وادري بيها هيه مثلي من يجيبون طاريها يمي عبالك ابلع امواسه مو ريگ
السلام مو هيه الي تودي هوه يسلم ويعبر عن فرحه بكون زوجته اختي وبت عمي بت عم صاحبه اليعرف اسراره كلهن ويعرف شنو البيه بس مايدري بيها هيه نفسها مرته
تعرفين شنوو احساسي
اكثر من عذاب فراگنه عذاب ضميري اتجاه صويحبي
شگد كرهت عمامي اول مرة اكولها الله لايوفقهم يعرفونها شتعنيلي ويعرفون الخطبها صاحبي من اول ماوعيت ع الدنيا هيه مو الي رادوني اقتنع واقتنعت والله
بس ليش يعذبوني ويعذبونها باختيارهم
..مصطفى انساها
كلتها اله واني مو مقتنعه لأن جربت انساه بتفكيري من يوم. العمي ياسر حاجاني الهذا اليوم اريد اقتنع احنه مو البعض مااكدر وارجع احلم بالمستقبل واحلامي رافضه بديل اله
تنهد بضيق وكال
..اتناسه ميخالف قابل اگضي عمري انوح لا اول وتالي اشوف حياتي واتزوج
..ارتاحيت من شفته قوي وحجاها بقوه حته ملامح وجهه مرتخيه
شجعته وبقينه نسولف اتذكرت امي رادتني اشوفه شبي نزلت اطمنها هيه وابوي الي سد باب غرفته بقوة بعد ماسمع التكسير ماادري كاره وضعه لو كاره ضعفه
لگيت زينب سانده هيثم وتگعده وهوه خجلان. منها يگلها بطلت مااريد عوفيني
جاوبته ليش مو ردت تكعد وتشرب مي انت متحبني اكون قريبه عليك ليش تطلب من الكل وعادي اذا ساعدوك واني لا تره اني مو غريبه راح يصيرلي شهرين متزوجه بابا وتره والله اني مو زوجة اب اعتبرني صديقه
ابتسم الها منصي وهوه خجلان
كلها لا بس اني مااحب اي واحد يساعدني ولو بابا موجود ع طول مااطلب من غيره
..براحتك حبيبي بس هالمره انطيني فرصه اساعدك
حسيته وافق سندته واخذت گلاص مي مليته وقربته اله اخذه بأيده
..شكرا خاله
..سمعتها وحيل افرحت
علاقتي بكميل زينه بالبداية متحسسه كلش من سكوته وطلع هوه هذا طبعه وي الكل بس وي هيثم ينطلق من اشوفه يهتم الابنه حيل افرح اتمنى فد يوم يكلمني بموضوع نتناقش نحجي هوه لو يقره لو يوجه اخوته لو امه وابو طلبو شي ينفذ واني حاسبني حالي حالهم لو ردت اطلب واتي ممتعوده اطلب شي ابد
من اني صغيره حته يوميتي اذا ماما نست منطتها الي اخجل اكلها انطيني هذا طبعيواخلي متعودين عليه ويعرفوني حته
المرحوم قبل مجان ينتظرنييشوف شنوو ناقصني يجيب من. غير المصرف ينطيني كل شهر
كميل مخلي المفتاح يمي وكال القاصه موجوده شنوو تحتاجين اخذي وهاي صار اشهر اني هيج اكو شغلات نسيتها وجانت متفاركني اكلاتي المفضله احتياجاتي
اما العطور والشامبو والغسول ذني هوه كل ضهر يجيب المرام اخته وجبه واله والي هم بدون ميسألني شنو اريد جاب نفس الي استعملهم الظاهر يعرف شنو استعمل
رغم هذا كله صرت اتعود عليه احب صوته من يقرأ قرءان وبنهاية قراءته يهدي الروح زوجته ومن يذكر اسمها احس بي الهسه يموت بيها ويشوفها بابنه علاقته اكثر من علاقة اب وي ابن
حبيت علاقتهم واتمنى يجي يوم واشوف هالجانب واشعر بحبه الحقيقي مو حب زوج الزوجته
اتذكرت بيوم چنت متوتره كلش وضايجه ع وضعي وحالتي وناويه هالمره ابتعد ليش ميحجي ليش ميعبر
اتمددت بسريري وتغطيت غمضت عيني من سمعت خطواته وهوه يتقدم. انفتحت الباب وقفلها
شاف الاضويه طافية
حسيته علگ تراكه هوه نظامي كلش
ميذب ملابسه باي مكان بس مو متكلف عادي اذا لكه شي ميحجي يشيله هوه عكس اخوو مصطفى يذب ملابسه باي مكان ويخربط مكانه ويحجي ليش هوسه
اجه للسرير حبست انفاسي وبداخلي قهر
قهر من نفسي وحياتي الي يوميه مدخلتني بمسرحيه شكل وتعالي اقتنعي واتماشي وياها
وفرق شاسع مابين الاثنين
الأول ماانطاني احساس الزوجه ابد بس واضح كلش وهواي يهتم الامري
الثاني اعيش وياه ساعات لو اريد احسبها عمر ثاني
بالمقابل ايام. تنقص من عمري واني اشوف نفسي اله وبس شغل ترتيب واجبات. احاول بكل جهدي مااقصر بيهن بس محد محاول وياي ومفهمني اني مهمه ووجودي مهم
يمكن هوه شي زين. بس اني والمثل وضعي تتحسس
لما خالتي حته من تطلب شي تطلبه من. بتها ومن. اجيها تكلي لا يمه انتي الرجلج وبس
صح هوه مو فد شي يقلل مني بالعكس يمكن. تقدير اكثر بس اني احاول اختلط وهمه يبعدوني عمي مرات يسخرني مصطفى ميرفع راسه ويخلي عينه بعيني رغم اني محتشمه بالكامل
حسيت المندر اتحرك نام بصفي
تقرب حيل الي خييم عليه
دارني عليه وهوه يبوس ارنبة خشمي وصيت نفسي مااضعف هاي البدايه وراح يتحرك اكثر
حاجاني وهوه يقرب انفاسه حسيت بحرارتهن
..اليوم الحلوه متعاجزه منه شنو المانعها
..جمدت نفسي اكثر واتظاهرت بالنوم
..ادري بيچ كاعده تره انفاسچ. مو منتظمه
غيير صوته بجديه اكثر
..اگدر افهم شبيج منو الي مزعلج ومخليج تجبرين. نفسچ ع النومه
..زنوبه بيج شي ؟ احد غاثج بكلمه
..سمعت اسمي ولاول مره يدلعني بزنوبه ويهتم الامري فتحت عيوني متفاجأه
باس عيني غمضتها بس هالمره غير ظليت ارمش اريد اصدگ
كال
..صدقه الهالرموش شلون. حلوات
شلون بالله اليوم تبقين ساكته متحجين شي
نبلع لساني اكثر من. حسيته اخذ شفافي
ضحك وكال لچ شنوو انتي شبسرعه قشعر جسمچ
شنوو نوع القشعريره خوف خجل
لوو ....
سكت شويه ورجع اخذ شفتي گال لو رغبه؟
گلي فتحي عينچ شوو خبرتي تكلي رغبه!
ليش مستقبلتيني اذا انتي راغبه
..كلامه يكلي علاقتنه اخذتنه الغير طريق طريق مااحبه ولا وحده تحبه مستحيل وحده تحب تكون الة تلبي رغباته ورغباتها وبس مو هاي الحياة الي اريدها ولا اليتمناها اي زوج الزوجته هوه لو يحبني فهلا ميرضالي هالشي
كلاماته الاخيره نبهتني وخلت شكوو عصب بيه ارتخى اتشنج بقوة وكاني داخله صراع
وي نفسي ووياه وي حياتي المو منصفه
رجع السابق افعاله وكانه يبينلي انو هوه ميستسلم حسيتها رساله الي
قاومت وقت طويل حاولت افلت نفسي ومااعرف ليش طوول خلگ وياي
واتنقل براحه وهدوء تام بس اصوات انفاسنه تستمع
دارني عليه
..حبيبتي ليش تشنجين نفسچ رخي
جاوبته بحده وكأني انتفض على نفسي
.. حبيبتك ؟ حبيبتك منوو تره اني زينب مو المرحومه زينب مو رقييه شددت اسمها ونطقته بقهر
واتي اعاتب نفسي شنوو غيرانه من وحده ميته الله يرحمها شبيه اني وليش اغار الزواج هذا من. البدايه اعرف عواقبه ومشيت بي حبيت اغامر واجرب نصيبي
نطقت اسمها
جان ابهامه يتجول بشفافي بخفه
من. سمع اسمها اتحولت ايده ضغطت فكي بقوة
ردت اغمض من شدة خوفي واني اشوف شعره الي نزل ع اطراف جبينه وبياض عيونه الي تحول ع حمار
ضغط ع اسنانه بقوة وهوه يحاجيني
..أخر مرة تجيبين اسمها ع السانچ وانتي تحچين عنها بهالطريقه ولتحاولين تذكريني بيها لان اني ماناسيها ولا ناوي انساها بس خلي ابالچ شي مكانها شي ومكانچ شي ثاني لا انفيها ولا انفيچ كل وحده الها مكانه خاصه
واني مو ناقص الهالدرجه وتخيلها بيچ
بيوم. الي تطري على بالي برغبه مااقترب الغيرها
ابد مستحيل اشوفها بيچ
مو هذا قصدچ
دفعني حيل ارتطم. راسي بميز الچربايه
وطلع
لزمت مكان. الضربه وظليت احك بي اذاني بس اذية روحي اكبر
كعدت ابچي ع حظي
هوه منوو الصح ومنوو الغلط
ليش يتذكرني بهذا الوقت وليش انتفض من ذكرت اسمها اله
بس هم عنده حق غلطت المفروض بغير اسلوب افهمه اني شنوو احتاج
بيومها مارجع للغرفه الصبح حسيته اجه يبدل
والضهر مااجه من الدوام رايح للعياده
عيادته الي مااعرفها باي مجمع بالضبط اعرفها بشارع الاطباء وخلص وهذا الحجي قبل الزواج
احس قبل اعرف عنه اكثر من هسه
بحكم الموظفات الي وي امي يتناقلن اخباره بدقه
اليوم بطوله اكل بنفسي خالتي راحت واجب
واني اخذت شغلها ولاول مره اطبخلهم ماجنت خايفه لان متعوده اطبخ من زواجتي الاولى عشتوو ع حظي
وبعدها استمريت اساعد امي
عمي عصبي كلش والي يمثله بالعصبيه حمايه مصطفى كتلة غضب
عكس كتلة البرود العندي بس طلع هم عصبي يمكن. همه متجنبي واني وكعت بيها
بيومها الغده عجبهم
اتمنيت هوه موجود وماكل طبخي اريد اشوف يعجبه لو لا
فضول قاتل بداخلي اريد اعرف احساسه شنوو وهسه شنوو موقفه وشلون اني اتصرف وياه
رجع من العياده متاخر وره صلاة المغرب حضرتله ملابسه ع الجربايه
عافهن وراح للكنتور طلع غيرهن وفات للحمام
طلع صاح مرام جوعانين اني وهيثوم خلو عشانه اني وياه
جنت بالممر واسمعهم عمتي گالتله ليش متكل المرتك
جاوبها هوه
..شنوو الفرق يعني اجت بلياني ونخيتها مو من. حقي يعني لو بعد الزواج ثگلت عليكم
عشه ومااريد مالازم خلي يولي مااريد لامن مرام ولا غيرها
راسا تحولت نبرة عمتي وگالتله
..كميل بعدك ع هالطبع متتحمل كلشي شبيك ياامي شكلت اني يعني واجب زوجتك وحبيت تتالفون اكثر
جوبها بحديه
..هذا هوو مصار شي
علت صوتها هيه وصاحت
..مرام زينب وحده منجن تسوي عشه الكميل
صاح
..گلت مااريد لحد منكم تجيب ديروو بالكم. نعمه. لاتبلوني بيها وتعرفون مصيرها شراح. يكون خلوو الله راضي عليه وحاولوو تتجنبوني
تره لعبانه نفسي من الدوام ودوخة المراجعين
خفف صوته وباوع الهيثم بابا شنو تريد اوصي عمك يجيبلك مشتهيلك اكله.
كله لا مااريد
جاوبه. وهوه يطلع بكتب هيثم ويباوع للجدول يريد يحضر وياه
..اني راح اطلبلك ع ذوقي
..الا اذا انت تاكل وياي
..جاوبه بابتسامه متفقين يابطل
اجه بالليل جنت كاعده بس خجلانه منه شو حيل اتندمت ع تسرعي
بس شسوي طلعت بعد
فات للغرفه ولاجنه يشوفني واستمر الوضع
فتره الحد اليوم اليوم. الي…ابتسمت واني اتذكر الطريقه الي تراضينه بيها
قطع ذاكرتي صوت التليفون باوعتله
كميل يتصل
… .
ريكاد ..
من. فتره وانا هايم وحالي كنوو حال النوگ يوم تهيم
النوگ معروف ادواها يوكلوها الثعبان. ليعالج هياما
وش علاجي انا وش الي يخفف ويعالج هيامي
والله إن ادواي صوتا وعافيتي نظرة عينا
ول يروح ماعشگتي الا احظريه وبنت الساده بعد
والله إنو احلى عشگ وماني نادم ولا بندم
ايام وانا لا ليلي ليل والكل صار يعرف علتي
بعثت امهاتي يخطبن والجواب كان
مگريه فاتحتا
كلمتا وابعثت رساله گريتا وارتاحيت يوم كالت عذر وانا ناطرتك
هالكلمه طيرتني للسما
وماكو مستحيل بعد الي اسمعتوو
البنت الي وثكت فيني وسلمتني گلبا بعد مغويتا ورغبتا ماني رجل ولا علي شارب ان خليتا تعاني
انا الي فرضت روحي عليها وخليتا تحبني معناه مافي رجل غيري يمسها
كلمت شوگ تكلما وتكولي وش السبب بالضبط
گالت امي خافت وكالت ماينطوج. اهلج وماتتحملين رجال متزوج. اثنين. ونفس البيت وطبعهم لا هوه طبعنه ولا ثوبهم ثوبنه
كلت مايخالف
طلعت الابوي كلمتوو وكلتلوو يبوي
من باجر ابا عمامي وخوالي وكل الفرايض هان ابا اخطب وانت الي تطلبلي
وحته. وان. رفضو هلا نروح الهم عنوة مايطردون
ماكسر خاطري رغم شفت خاطرو مكسور من امي وزعلها يحاول. يصلح بينهم الخاطر خوياتي وهي اتخبل كلشي ولا هالطاري
ثاني يوم الكل تجمعنه بدلت وانا متوكد مايعطوها وكلتلهم انا عارف مابيعطوها بس محاوله وطولوو خلگم
جاوبني ذياب ولد عمي وهوو يضحك
..ماتوصي يابن العم حنا خلكنا اطول من ليالي اشتا الباردات
..وكفوو منكم يارفعت راسي وعيني الاشوفن بيها
لبست دشداشه بيضه بالردن بروش فضه بحجر فيروزي
غترة بيضه عباة غزل ماطره باللون. الذهبي
عطري رشيته اخر شي
مشينه من بيتنه الهم بسيارات
الي عاليه. والي بيكم
وقليل منهن زغار
دكينه الباب كلنا عگل
حسنا عالي حسيت الشارع يروج بينا
والكل مستغرب وجودنا ووكفتنه ابيت. الساده
طلع مصطفى دخلنه ويمكن. خابر عمامه شويه وحظروو
الكل واشوف الصغير فيهم عيونا بتاكلني كنو جالس ع اعصابوو انا. اعرفه هذا عمهم الضابط
تكلم والدي بعد السلام والكلام والمجاملات الي حسيتا طالت
كلو حنا جايين. نطلب يد كريمتكم لولدي
ولو مااصايلكم اصيله ماتعنينا وجينا
ولدنا ركاد ابن… . ال…. العنزي
وانتوو
نعم الحسب والنسب حنا طامعين بكرمكم تكرومنا بتكم تكون وحده من بنياتنه واكثر ومكانا يكون الگلب والعين
والي تطلبوه وتامرون بي حنا مانگول غير الحاضر والتم
اطلبوو الي يحلالكم ويطمن كلوبكم ع بنتكم
تكلم والدها
..والنعم منكم ومن عنزه
انت تعرفنه وتعرف نسبنه والاموال والعقارات ماتهمنه هذي الامور تتفق عليها النسوان المفروض مو هاي الاصول اني مااعلمكم وانتو تعرفون اصول الخطبه
..للاه انعرف العادات والاصول وحنا اهلا .. وحريمنا زاروو حريمكم وكالو مكريه فاتحتا ويوم نشدنا عرفناه عذر ماكو فاتحه مگريه
نبي نعرف وش اگصورنا
ان كان لانا بدوو البداوة فخرن لنا انت وابوك تعرفوني وبنفسو السيد الله يرحموو گطع مهري وزوجني
وولدي تراهوو ماساكن بالباديه من هوو صغير وتوطنه المدينه الا كانوو يرحون يعزبون والا يتونسون ويردون كمل ادراستوو وسافر السويد ورد هان
شنهوو اليمنع تعطونا
..والنعم منكم ومن ابنكم صديق الولد اعرفه خوش ولد ومؤدب بس احنه ماننطي الغير الساده اعتذر منكم وجيتكم ع راسي
حاولنه وماگدرنه نگنعوو
طلعت من البيت مامهتم ومخلي ابالي مايعطون من اولها
..مرام
جنت بالمطبخ احضر مواد كيكه وقبل شويه محاجيه شوك ومتراسلين ولاكالت راح يجوكم
اندكت الباب وصوت الزلم هرج الامه وبعدهم ماداخلين
اسمع ردهم وهم يردون التحيه الوالدي ومصطفى
كلهم ابويه
..حياكم الله
ردوله بصوت وبلكنه بدويه خفيفه سريعه وهم يكولون
..حي الله من كال
اسمعت اصواتهم وكلبي بده يعزف همه مو همه الحد ماوكعت عيوني عليه من شفته نسيت كلشي القلف والخوف ودي يجمعنه العمر لو يوم واحد بس اعرف البي ويعرف البيه ويتلاكه احساسي واحساسه
اصواتهم علت والكعده طالت
طلعوو همه واسمع الاصوات ابوي صاح امي بصوت عالي
احلام
راحت اني تركض واني رجليه ثكلن اسمعه يكلها
منوو كلچ تردين خبرر وتعتذرين بكيفچ
ومنوو الكلچ تكولين عنها انخطبت هسه تالي عمري صار الشور والقرار الج ومن كيفچ وتلزكيه بينه
شايفه الاحراج السببتي الي
شنو معناها من اتعذر بعذر كاذب واني مامجبور كتلهم بصراحه بنتي ماانطيها الغير سيد
وهذا اخر كلام ولتتصرفون بكيفكم بعد
سمعته كعدت ع حيلي ابجي
بعمري مامتوقعه احب ولاجنت افكر بي
ليش حبيت وشورطني
دموعي ع خدي واشوف خيال يم راسي رفعت راسي وعيني صارت ع عمي ياسر ووراه كميل
يتبع..