توبة: من بعد و تعرفي هاهيا جوج دقايق نمشي غير الطواليط هنا صافي حضيها معاك الله إحفظك.
هنية: وايلي تانتي توصيني على حاجتك هاهيا بين عينيا غ سيري حدي هنا انا و ياها راس فراس .
توبة: واخا هاني مشيت....و مشاااات الطواليط
ضبرها صباط وتحنات حتى حيداتو جات عينها على قيس و سي عدنان بدلتهم البتيسمة من بعيد هارون مجمع مرا مرا إدور جيهتها اما مدام زهرة شدوها شي نساا بالهضرة ...سي أكرم راسو الارض بجنبو ملاك مكشكة علم الله اش دار تاني و زايد حاميها الغوات ضحكت فخطرها عائلة زوينة رزقها الله خصها غير مها و باها و تكمل فرحتها .
فينك اتوبة هذي طولت إديها بداو كيكلوها ...هاجوع و هاا العياا بلا متزيد مرض الفضول حتى هوا ياك غير طل عليه و تردو لعين شافت لقلب وجع مافيها وااااالو .
هنية: (جرتو حداها) هادشي كيدير صداع متكونش زعمة جامعة ذبان هنا هههه اويلي على هبالي نطل و نشوف .
بشوية قطعت بابيو كادو ليكان فالحمر و كولو قلوب ترددت شحال فالاخر هزت الغظاا وتسمع صوت صداااعهم بزاااف هذو جاعرين .
هنية:
😵م م م ميمتي ....بغات ترض الغطاا والو دكشي هااااج و طاااار باش تحمي راسها تغطات بتوب الفوقاني التكشيطة وتخشات تحت طبلة.
🐝
🐝
🐝
🐝
🐝
🐝
🐝
🐝
🐝
🐝
🐝
ضيف غير مرغوب فيه طل على الحفلة كولشي ترون ناس شي هارب و شي مغطي و شي واحل إسوس وحك فلسعات النحل الحاار ومع الجسام عاريا ياسلام كول قرصة فجيهاا واش هذا عرض الازياء و لا حرب ضحايها ضيوف و سلاحها نحل .
كتزرب فخطواتها و تدعي فقيس لعطلها بالها مع الكرطونة و هنية غير قربت الباب دفعتها ناس الهارباا من صوت عرفت شنو واقع أشداها لشي طواليط لعرفها هارون مولات الفعلة اليوم إنحرها.
توبة:
😵
😵
😵....
كولشي ترون شهدشي و منين خرج هذ العجب شي طاح إتلو بحريق اللسعة و شي تلاح فلا بسين فالت بجلدو تسد باب لوطيل حابس لبقا برا و مانع دخول نحل منهم هارون لشاغل بالو عائلتو مو باه و خواتاتو و زيد عليها مرتو نتر غطا طبلة من طبالي و غطا بيه راسو مخلي عنيه باش إشوف .
بجليلها تغطات و تحت طبلة تخشات تدعي ربها إسلك كولشي ندمت و ندمت على فضولها أشداها تحلو طلات بعوينتها على حال ناس إشفي تعصر قلبها عليهم دنب دنبها خصها دير حل .
اه المااا خصها الماا كيلوح نحل تحركت من بلاصتها زاحفاا على ركبيها تقلب على المااا شحال قدها ترمي فلابسين خصها ترش .
غطست فأعماق عقلها تقلب على فك الوحلتها ياك هاذي جردة وباينا كتسقى قلبي على تيو يالهبيلة .
هنية:
😰ياربي ياربي فين نلقاه مكاين والو هنا
😭
عيات بتقلاب تسارات جناب الحيوط والو و بين الربيع والو .
هنية:(وقفت)
😍الله الله و اخيرا
😰مالو سادين عليه فماريو ديال جاج سربي اهنية هرسيه .
ودكشي ليكان هرست جاج بحجرة وجبدت تيو طويل ديال الاطفاء كيتستعمل فحالت الحرائق مخزون فمستطيل من جاج ولصق فالحيط .
هنية:
😰هدشي طويل و فين الماا ياربي عوني.....جمعت و طوات جلايلها وبدات تقلب فجناب المستطيل جات عينها على جوج بوطونات وحدة حمرة و حدة زرقة كليكات عليهم بجوج وتطلق الماا مجهد مطيرها من بلاصتها .
هنية: وااااااع وربي اش هدشي واااااع .....تعافر و تجبد تكول مظرباا مع حنش بمشقت الانفاس عرفت تبتو فديها وزادت بيه تعتق ناس درتو قدامها و لباليها ترشو ولا نكولو طيرو حيت الماا مجهد بزاف هالزواتو
وهاللسقت فالحيط بدل موصيبة جوج بغات تقدها عورتها .
شافها و شاف حالتها كولها ساردة واش هذي مسطية عند بالها كترش دخان خرج من ودنيه عيونو جمرة تقيصو إنفاجر جاا المسخوط قدامها منو الماا لطير غطاه وزعزعو من بلاصتو رجع تبت الوقفاا وعاطي صدرو .
تقطع حس الغوات واش زعمة مات نحل حيلتها نفعات تحل عوينتها تشوف جات معاه فاص سرطت ريقها و جالت براسها ناس كولشي طايح شي شاد جنبو و شي كرشو رجعت براسها وعنيها فعينيه .
شوفة فيه تخلع شكون هذا واش هارون ولا شي وحش شعرو فزك وحوايجو كتر عروق إدو برزو .
بدون شعور رمات تيو ورجعت خطوة اللور واش خافت اه خافت .
هنية:
😨انا انا بغيت غير نعاو..... .
هارون:(قطعها بالغوات )سكتي سكتي(شد راسو ورجع ليها)
😬علاش علاش ديما المشاكيل نتي مولاتهم ....اش داك لشي مااا .
هنية:
😷وشنو عندها متكول تصمرت و تكمشت عقلها غاااب ودنيها تصمكو من غواتو إسب و عرعر كاع لفقلبو رماه عليها وهوا عاطيها بضهرو إرد نفس .
تحنات ورجعت هزت تيو شافتو كيفاش كتافو كيطلعو ونزلو سيد شااااااعل .
هنية:
😈سي قاروووون
دار إشوف مالها وطااح من الما لكان متبت جيهتو عياا اطاكي بيدو والو .
هارون:
😬كح كح حبسي غنقتلاك.
هنية:(مزال كتسقيه وتعيبو) بااع بااع مالنا ياك لباس غنتا لتغوت برد و سكت سرك غ المااا شررررب.
هن زهرو كانو جاين بجرا جهتهم الحمدلله حتى واحد متأد منهم زهرة عدنان وزيد خرجو وصلهم شيفور الدار مبغاوش زيد ابقا هنا مشوش على ماماه لغتبد الخدمة و تحقيق.
توبة: حبسي حبسي غدي تقتليه.
هنية: هنا هنا غطفيتو ...بعدت مشا أكرم بجر إسد الماا.
هارون:(جمع الوقف)كح كح اليوم ندفنك ....مشاليها طاير
قيس:(جرو من دراعو بعنف )
😠هااي واش بعقلك ؟
هارون:
😬اشمن عقل واش شفتيها شنو دارت واش لمزوج بموصيبة اعرف العقل بلاصتها حدا ولديها (غوت فوجها) مجانين .
قيس:(دفعو)
😡خلينا زوينين وبدل ساعة بختها باينا عصبتيها تاني .
أكرم:(وقف فاص معاه) يالله اسي هارون راك معصب خليك حتى تبرد.
هارون:اشنو كدفعو عليها .
أكرم: حسبها كيف بغيتي سير و خلينا .
بعد بخطوة ونضراتو ليها نار كان وجها خالي من اي تعبير بجنبها ملاك و توبة كبردو عليها زعمة ولكين لتجرح القلب علاش بقاا فيها الحال من كلمت موصيبة و لا غير مرضاتش قدامهم وزاد سب ولديها بنظرة شاحب وبتيسمت جنب عنات بزاف .
هنية:(هزت إديها)صافي صافي انا لباس غير بعدو .
توبة:هنية هوا مقصدش غير كان معصب.
ملاك: اه بصح غير معصب تهدني .
هنية: واخا عادي ولفتو ودبا بغيت نمشي الله ارحم بيها الولدين .
نساحبت بهدوء جامعة اطراف قلبها و كرامتها كولشي خلطو فلحضت غضب خنزرو فيه كاملين حيت كولشي سمع سمو لطلقو عليها وحتى واحد فيهم مراضي بكلامو.
ملاك:
😡ضربها و متسبهاش ابنادم ديما كولشي عندك بالغوات.
هارون:
😤
😤ملاك.
أكرم:(جرها عندو)
😠لا نتا خلاطنا كاملين حسن.
قيس:
😠ولديها اهارون ولديها شنو مشكيلتك نتا هم؟
هارون:
😤
😤بيني و بين مرتي مسوق حد.
توبة:
😵اشنو هادشي
تهزو ريوس وتهز معاهم القلب ديكور ميبشرش بالخير غاز خضر اللون تطلق بكتافة عامي العنين و كاتم نفس
قيس:(طاح على ركابيه)كح كح كح خلونا جنب بعض.
هارون:كح كح كح هنية في هنية .
غطاو نيفهم سُعالهم مجهد تسمعو خارج من الاعماق العينين حمارو صعيب إتحلو .
تلات تواني كان كافية باش إنتاشر كتر و كتر بان وسطو عيصابة شيشاا و صيااو بماسك و نضرات عجيبة تشتو كل واحد فقنت إقلبو على هدفهم .
شيشاا:
😈و دبا مزيان تحركو .
صيااو:
😈اليوم إفرح بينا البوص.
شيشاا: (حكت عنقها بطراف صباعها)غندمها على هذ ليطراس تعلم تاللعب مع لكبر منها.
~~~~~~~~~~
بعد مرور عشر دقائق غبر الغاز بحال لمعمرو مكان .... رجال شرطة و الاسعاف فكول قنت قايمين بالواجب سعفو ضحايا و داوو لتقرصو بنحل الاعلام برا داير ضجة باغي انقل اخير الاخبار .
عملية إرهابية و لا تصفيت حيسابات واش سي هارون عندو اعداء باينا بلي الهدف تخريب الحفل و تمت العملية بنجاح .
حيد ماسك الاكسجين من فمو دبا رتاح و رجع نفس الوضعو العدي بحال لحداه شافو فبعض ورتاحو اللحضة الحمدلله كولشي حاضر .
تحط عليه غطاا و خداه بعد مشكرها كانت الممريضة شافت حوايجو فازكين خافتو إزيد إمرض.
ملاك تكات راسها على دراع زمانها تحمد ربي و تشكرو ولدها مكان معاهم عم صمت من غير ناس لبدات كتنوض و تعانق مع أحبابها .
وصلات نوبتو سند على سرير بالمسك الاكسجين تعبر ضغط نورمال شوية كينوض مخطوف فاش جات صورتها بين عينيه.
قيس:توبة فين توبة.
ملاك:تالقها غير هنا مع هنية غير رتاح ليك .
هارون: انا نشوفهم فين كاينين.
أكرم:(وقف) بلاتي غنجي معاك .
ربع ساعة ديال تقلاب والو بدا القلب كيدق فتسعين و البال تشوش الااوطيل تقلب سفاه على علاه حتى من سطاح طلعو ليه ياك ميكونو تما .
قيس:(كينهج) واش بانو
أكرم:(محني على ركابيه ارد نفس) لا لا والو
ملاك:(بالغوات)تووووبة تووووبة هنيييية....شافت فيه عيونها دمعو.
هارون:شووو دبا القوهم غنسول فدار غير تهدني.
تاصل بفتيحة نفات وجودهم و شعلو فيها العافية اويلي فين صحباتها اشنو وقع من تما داعت الخبار وطاحت زهرة من ضغط لنزل .