جايا و كطلب من كول قلبها تكون شربتو هذي مودة باش صيفطوها تجيب الماء البارد زعمة تجي عينها على العصير و تشربو
فتيحة:
😱وااااع ليزا شداك ليه....كتحول تفيقها والو شافت حتى عيات و كالت تهزها بمجرد محركت الكرسي طاح عليها وصدقو بجوج فلارض .
فتيحة:ااااع تقيلة واااع ليزا فيقي وعتقو روح كنموت.
لصيفطوها تجيب الماا يالله جايا الكوزينة تكول كتمشاا على البيض كولشي اليوما درتو بالاعكس كول مقربت كتسمع صوت شيواحد كيتوجع جرات و القات فتيحة فالارض و ليزا فوقها .
هنية: ناري ناري طاحت تاني
فتيحة: جريها جريها راني كنموت
هنية: بلاتي راها تقيلة ااااع(دفعتها) الله ياربي الله ( مدات اديها توقفها) وقفي وقفي
فتيحة:(شادا ضهرها) ضهري تقسم نااري شحال تقيلة.
هنية: مالها مسكينة فين مندور القاها طايحة.
فتيحة :منحوسة و مسكونة ماليها كيلوحوها مرا مرا الحال ميشاور.
هنية: (بقات فيها) تعالي تعالي نهزوها مسكينة خصها الروقية و لا شي فقيه اصراعها مزال نقولها الباا ادويها.
فتيحة:
😕باك علاش هوا فقيه.
هنية: ايه بسلامتو ولا فقيه ويالله تحركي نهزوها را خالتي بغات تشرب.
تعاونو عليها و داوها البيتها تكمل نعاسها مغتفيق حتى الغذا .
~~~~~~~~~~~
فبيت نعاسها جالسن البنات كشوفو اش شرات الخطبة و هيا بالها غير مع هنية واش شربات الكأس لحضة فرحت عند بالها تعطلت إذن شربتو لكين غير هزت راسها فالباب لتحل كشرت وزاتها فتيحة لوجها مغطياه خيبة الامل .
هنية:(هازا الماا) هاكي اخالتي ها الماا بارد
زهرة:(شداتو) شكرا ابنتي
هنية: مسيكينة كوكيزا عندكم مسكونة
ملاك: شكون
توبة:ليزا زعمة ليزا مالها.
هنية : لقيناها طايحة وشخيرها مسموع .....غير سمعتها زهرة شركها الماء لكنت كتشرب.
زهرة:كح كح كح مالها كح كح
هنية: بسم الله عليك اخالتي جوادها جوادها لحوها.
زهرة هزت راسها فتيحة لاكدت ليها شوكوكها حتى هيا شربت من كأس العصير شدت راسها اش هذ الموصيبة شحال خصها من واحد تنعسو عاد توصل الهنية .
زهرة:(جاتها فكرة فبالها)
😀رياااضة
توبة: ريااضة جاب الرياضة الهضرة
ملاك: وي فهمينا.
زهرة:(وقفت) دبا غتنوضو تبدلو حويجهم غنديرو لمارش فجردة و كولكم يالله.
هنية: امارش مالنا اخالتي ولينا حديد ولا بيكوب تانديرو امارش.
زهرة:(وقفتها) لمارش و هيا رياضة زعمة نتمشاااو فهمتي .
هنية: هااااكك و دبا فهمت
زهرة: يالله تبعي البنات بدلي و زيدي تجري
هنية:
😕نجري.
زهرة: نجريو نجريو لمارش لمارش غير سيري (خرجتنم وسدت الباب) يااربي تصدق هذي اخير حاجة شحفت معاها.
وحدة حدا وحدة بالباس رياضة ملاك بسورڤيت حمرة وتوبة بسورڤيت زرقة بخطوط بيضين من جناب و مدام زهرة سورڤيت حيجابياا فنواغ اما زين المسرار هنية حلفت للبست بحالهم بحجة حشومة ودكشي ممستور ومزير كتفات بسبرديلة من نوع اديداس فرجليها مع لبستها ديال صباح..اما فتيحة مشركاتش تكلفت بالعصير.
YOU ARE READING
هنيه ف مريكان
浪漫قصه واعرا بزاااااف كتهدر على هنيه ل حمقوها والديها تل غتلقا رسها فطليان و غتسكن قلب واحد تيتيز لكن غتبعا اكبر عصابابت قصه روعه
