كو لشي كلس من بعد سلام و ترحيب قبل كأس اتاي حنحن عدنان باش إبدا الكلام.
عدنان:احم احم سي العربي حنى جينا اليوم طلبين رغبين فيد بنتك المصونة هنية لولدنا هارون .
العربي:(بعد صمت طويل) جيتوني طالبين اغلا معندي ضوو عيني بنتي هنية (شاف فمرتو وكمل) مدام هوما مراضين معندي منكول الله اكمل عليهم بالخير .
عدنان:سيادنا نقراو الفاتحة .
وهزو كفوفهم ايقراو قيس تكول مكلسينو على جمر كول مرا اتحرك.
قيس: (سبقهم) صدق الله و العضيم واش ندخل العدول.
كولشي شاف فيه اليوم غير مزروب مالو الله أعلم .
زهرة: بلاتي اولدي حتى البسو الخواتم ...اجي اولدي هارون هنا.
وناااض سي هارون حدا عروستو غير كيزعزع فرجلو ومسح جبينو شهدشي توتر ولا خلعة صنفها بحساس غريب و جديد .
لاحضات قليلة وتهز زيف باش مغطين زين المسرار
زهرة: هز زيف اولدي وشوف وجه مراتك.....البنات غير كيتغمزو عليه حابسين ضحك و مراقين الوان طيف لكدوز فوجهو.
صدمة دهشة روعة صقعة كولشي تخلط لدرجت بقاا مكوانسي على وجها المنور و المورد بالحشمة عوينتها فالارض مقدراش تهزهم شطارتها صاط فيها ريح وصلو المعقول مكاين لا عصبية لا تكبور لا تشيطين بنادم فالواقع و بلا اقنيعة.
حنحنو كحو عطسو و سيد مزال ساهي يإخوان شي واحد إفيقو .
زهرة:(حركتو مهبطاه من كوكب زوحل) احم احم ولدي رجوع على الله.
هارون:(كون صابت الارض تشق و تبلعو ) احم سمحوليا .
أكرم و قيس:
😮مساااامحينك ( شافو فبعض وطلقوها بصوت ملحووون) واااااقرطاااااسة .
ملاك:(نغزتو مع كان قريب ليها)
😠بغيتها تجيك فالاقلب جمع عينيك فضحتينا .
أكرم:
🙊احم مقصتش هوا لكالها
توبة:
😒وشكون كلسك حداح نوض را غيفسد لخلاقك ...(مع قيس) وبقا تشوف فيا كولني بعينيك .
قيس:
😉الهضرة من بعد......ديما جايب ليها تمام بسنطيحتو مكيحشم.
وقفت ربيعة و زهرة مقربين البلاطو العرسان ديال الخواتم ....لبسو الخواتم من وراها تمر و الحليب تحت زغاريت و صلات و سلام تاني توبة ممضيعة حتى لحظة كولشي كتصورو .
اما قيس شافهم لبسو الخواتم و ناد طااير مدخل العدول .
قيس: تفضل اسي العدول ها العرسان .
كولشي ضحك الهبالو ديما زربان فرق العرسان و حطو وسطهم .
العدول اب العروسة و اب العرسي كولشي ضار بيه واش قابلة اه واش قابل اه مراضين سناو بجوج وعاودو قراو الفاتحة .
العدول : سيادنا برافيه و البانين الله اكمل عليكم جمعناكم فالاحلال و سلام و عليكم ....ومشا بحالو .
ودبا ضيفو ناس بالحلوة و اتاي عاد غيحلا باركو ليهم و تسلمو معاهم عاودو نيقاش على العرس لتغير موعيدو مورا الحفلة حيت هنية بغات وليديها إبراو عاد ديرو و نيت مبقا ليهم والو هارون مزاد منقص حدو اخطف شوفة من بعيد وصافي شعندو ميكول هاااذ زين كامل و علق .
وهااا سي قيس مدازت الخطبة و العقد تحى بغا اتسطااا شي حاجة واحلا فالقرجوطة خصها تخرج اليوم قبل غذا و ربي كبير.
قيس: احم احم
😕
مكاين لداها فيه كولشي مجمعين و ضاحكين .
قيس:كح كح كح
😕
والمرا تانية وااالو اش هدشي مال هذو صماكو بلاتي .
قيس: ( بالغوات) وااااسيدنا واحد دقيقة....خلعهم ضارو قافزين.
عدنان: مالك اولدي ياك لباس.
ربيعة: ( شادا قلبها) خلعتينا مالنا شكاين.
زهرة:حالك معجبني اشنو دوي خلاص.
قيس:احم احم صافي انا غنكولها و نتوما تصنتو
هارون:(واخيرا نطق) طلق اشنو عندك.
قيس: خالتي عمي انا واحد من ولدكم ياك وعزيز عليكم ياك.
زهرة:ايه اولدي هدشي كاين.
قيس: اوا ملي كاين انا جيت طتلب راغب فيد بنتكم المصونة توبة على سنة الله و رسولو.
كانت كتشرب اتاي معليها مبيها غير سمعت كلامو وحل حجرة فحلقها صدمها كيصدم غيرها كولشي حال فمو جاهم فاص ودبا شكون إنطقهم.
قيس:انا انا عارف بلي جيتكم على غفلة غير مقدرتش نصبر مزال وحنى عائلة وحدة .
الجميع :
😮
😮
قيس:احم شي كلمة شتكم كولشي سكتو واش كلت عيب ختي هنية كولي ليهم .
هنية:
😨تا تا تغنقول بلا متشوفو فيا را مفراسي والو .
هارون غمز أكرم وقفو ليه مشياا روجولية و طويان الكمام .....وتخنزيرات خلعوه مسكين.
قيس:(تشجع) شتي واها تقتلوني هذيك البنت نديها والو ممفاكش....،كول واحد شدو من كتف .
قيس:(سرط ريقو)دبا غير نتفاهمو فوتو غير الوجه و فين مجات مرحبا.
هارون هز إدو على شكل لكمة هوا أكرم كولشي شهق عند بالهم غيسلخوه.
لحضت صمت سد فيها قيس عينيه كيتسنا ضرابي حتى كيحس براسو مقجوج بعيناق روجولي .
هارون:ههههه صافي درتي عقلك.
أكرم:ههههههه ياصاحبي شوية وتموت غير ضاحكين.
قيس:اووف حيدو حيدو (شاف فعمو)راني كنتسنا جوابهم .
عدنان:وهيا واش موافقة ....كولشي دار جيهت توبة لمزال الكأس فيدها وفمها محلول من صدمة.
زهرة:(مشات جيهتها)واش موافقة.
توبة:(بلا متحس كودتها بستغراب)وافقة ....و قبل متكمل كلامها زغرتت ربيعة و هنية ايه هنية العروسة مشات الحشمة .
قيس:(بالفرحة كينقز)ياااااس درتها و الله حتى درتها.
هارون: تبت اصاحبي را زواج هذا.
أكرم:(بغاا اعصبو)وفين ولديك شتك جاي طويل و خاشي راسك مع هارون.
قيس:هاا
عدنان: حيدو من ولد خويا انا باه و زهرة مو سيد غير طلب إدها فالخطبة رسمية إجيب و لديه ياك اولدي.
العربي:يالله نقراو الفاتحة و نزوجهم حتى هوما.
قيس:(باس راسو) الله اعطينا براكتك اسي الفقيه بسم الله.
قراو الفاتحة و زادو زغاريت و باركو البعض و توبة مزال مصمرا بلاصتها حتى فيقتها ربيعة.
ربيعة : ونتي في عاار الله فين سرحتي .
توبة:
😦هاا اشنو واقع.
هنية: تزوجتي مبروك عليك.
زهرة: لولولولولولولوي الفرحة فرحتين .
ملاك: ههههه زرب عليك ودارها .
توبة:بابا انا انا ....بغات ترفض و لسانها تحبس
عدنان: مالك ابنتي.
قيس:(بشوفات شيطانية)
😈غير الفرحة هذيك اعمي راك عارف البنات كيحشمو.
توبة:
😷
😷
ربيعة: ايه كيحشمو وسكتو الهضرة هيا الخرة مطلع.
هارون:(رجع كلس حدا مرتو وهمس ليها)باقي تزغرتي اللسانك نقطعو.
هنية:(من صدمة طلعت راسها فيه)هاا
😲
هارون:
😉...غمزها ورجع إضحك وقشب مع الباقي مخليها واحلا بين ضحكتو زينا لأول مرا تشوفها و تعملو جديد.
مووودة طويلة جماعة ضحك و تقشاب جبولهم الغذا تغداو من أوراها جا وقت الوداع سلات زيارة قُلوب تقبطت و عنين دمعت .
جرت بنتها القنت توصي و تعاود وتبوس وتزاوك
هنية:(عنقتها) واخا اما واخا رجلي و عائلتو على راسي و عيني.
ربيعة:راني مفرشك برضااا و مغضياك برضااا بلاتي ....(مسحت دموعها وجبدت زيف بيض مجموعين فيه دبالج نقرة من شكلهم باينين عندهم تاريخ) هاكي هذو هنية: دبالج جدة الله ارحمها.
ربيعة:(ضحكت وسط دموعها) احيانا عليك اشيطانتي مزال تعقلي عليهم.
هنية:وكيفاش نساهم ياك كنتي ديما خزناهم للعب بيهم.
ربيعة:(لبستهم ليها) خزناهم النهار الكبير نهار لنشوفك فيه عروسة وربي محرمني منو هاهوا جا و هاهوما فيديك ..باست جبهتها و زات خشياها بين ضلوعها على الله تكمد الوجع لفصدرها.
مراقبهم من بعيد معرف ازيد عندهم و لا حتى اسالو شاف حتى عياا و زاد بنتو و بغاا اشبع منها .
العربي:وطلقيها لينا نتي سكنتيها.
ربيعة: (بعدت بزز) هنا يالله زيد.
هنية: باا ...باست ادو و راسو مكفاها و ضمها الصدرو و شحال من بوسة حط على رسها و جبينها رضا عليها وزاد مخليها .
هارون ادور ادور وقلب بعينيه تكول خايفها تهرب تسلم مع نسابو وزاد سبق قبل ميخرج رما عليها زيف باش دخلت.
هارون:غطي وجهك....وزاد خارج
هنية:
😲هاا
ملاك و توبة :
😲هاا
فتيحة: هههههههه داتو و داتو والله مخلاتو غطي وجهك كال غطي وجهك.
توبة: والله حتى كالها .
ملاك:لكالها ديروها ههههه...غطاو وجها و خرجوها ليه يالله غيبداو بصلات و سلام بلوكاهم.
هارون: منسمع حتى كلمة طبل ودني تقبتوه تفهمنا.
البنات: تفهمنا
😯
😯
قيس شد توبة قبل ميخرجو كلاها تاني مع الحيط.
توبة:
😤بعد خطبني بلا خباري شكون كاليك انا بغيتك.
قيس:
😈انا بغيتك دونك براكة ماشي مهم بتغيني المهم ديتك مم...وبدا كقرب ناوي مسكين غير إشم شعرها.
توبة:
😨بابا انا انا هوا
قيس: باباك مكاين لا باباك لا جدك درتيها بيا مرا وحدة.
عدنان:(كان وراهم) احم احم
😈
قيس ركبيه بردو بعد مصمر و توبة من الحشمة هربت دار اواجهو.
قيس: انا انا غير كنت كنسولها واش موافقة.
عدنان: مم تسولها خطبتيها و قرينا الفاتحة عاد غتسولها اخير مرا القاك معاها حتى تزوجها وديها الدارك نتا حور واش مفهوم.
قيس: م م مفهوم....زاد عدنان كيضحك على هذ الهبيل لوالد خوه.
قيس: انا انا كنت غير بغيت نشم .
أكرم:(ميت عليه بضحك حيت شاف ديكور) ههههههههه وااااع بغا يشم وشمها فداركم و حمد الله مشافك خوها اما موحال إبقاا نيف باش تشم ..وهرب
قيس:
😡واخا على مك هربتي بفف زهري ديما إهودي.
ورجعو الدار من بعد نهار كولشي فيه ضاحك جوج خطبات و عقد راها كتر من فرحة العيد فدار عائلة الادريسي قيس مصبر فطريق صونا المو لي مالفرحة سخفت شوية وقتلها المسخوط جاب ليها بنت عمو لعمرها طيح على البال تولي عروست ولدها شبعو باه سبان وباركلو وبارك الخوه و مرتو ...وعلهم بزيارة قريباا إنشاء الله.
🌚
🌚في المساااااء
جايا كتجري فالكولوار الوجهاا بيت مها و تيلي فيدها وشكون من غيرها توبة.
توبة:(حلت الباب كتبهج) هاكي هاكي راني دوزت الخط.
زهرة:(شدات تيلي) ممم مزال مجاوبو شووو هاهوما....
الووو بونسواغ وي معاك مدام الادريسي بغيت نحجز عندكم طبلة الجوج ناس وي وي دبا واش كاينين ممم مزيان مهم الحجز بسميت هارون الادريسي و مدامتو منوصيك اوكي شكرا .،،،
توبة:(باست راسها)معلمة هههههه وها اول خرجة العرسان .
زهرة:باش تعرفي مك عقل يالله سيري كلميلي خوك على الله ميقصح راسو تاني.
توبة: دبا اكون عندك....مشات تعيط الخوها.
~~~~~~~~~
كتغني العيطة لا الشعبي مهم ديسك فشكل عيات تقلب على فتيحة غاابرة أرا نشوف جردة معا الخرجة كتجي على سيدااا شادا جماعة مع عماااار حبيب القلب
هنية:
😮وشوفليك فتيحة حتى هيا بخبيزتها ههههه غ الله اسمعنا خبار عرسكم حتى نتوما....ونساحبت بهدوء تشوف شغل الرسها .
جروها رجليها الصالون لفيه تلفازة زعمة تفرج واخا مكتعرف تشعلها تحاول بمجرد مدخلات فبلاصتها تصمرات وفمها حلات الحرارة وصلت مائة و فشك
بشوية عليها رجعات سادا عنيها من المنضر رومانسي لكان ابطالو ملاك و أكرم .
هنية:
🙈استغفر الله استغفر الله اش هذا شي مجمع و شي خدام قلت الحياا هذي .......هوووووب طاحت على نصها.
هنية: ااخخخ امي ضهري تقسم واش حتى الحيوط كيتحركو ...طلعت رسها جمدت
هارون:
😕فين عينيك؟
هنية: (على نيتها) هاهوما
👀
👀
هارون:وعلاش سداهم ؟(مد ادو إوقفها) بفف وقفي وقفي.
هنية:(كتشوف فيه و فيدو الممدودة مطات اديها) ش شكرا.
وهاااا اول لمسة ليهم اللحم تشوكااا و شعر الرأس وقف اش هذ الاحساس الغريب تاني تاهو فعينين بعض غافلين على توبة لحالة فمها فيهم بغات تنساحب بهدوء ساعة مكفشها طيحو ديكور صغير خرب الالحظة.
توبة:
😫س سمحوليا مقصتش نقطعكم.
هارون: (طلق ادها و بعد) احم ماشي مشكيل اش كاين.
توبة: ماما بغاتك.
هارون: أوكي .....وزاد إشوف مو
هنية:
😮
😮شدها ياختي شدها
توبة:(طارت عليها) هههه و صباح نور اجي اجي نكملو على طريق ماما.
وجرت هنية وراها لمزال مفاقت من صدمة وهذي تالت مرة قرب منها اليوم.
~~~~~~~~~~~~~~
✊
✊
✊دق دق دق
زهرة: احم دخول
هارون: (حل الباب ) سلام كتلي توبة بغيتيني .
زهرة:(جاتو فاص) انا حجزت فمطعم ليك نتا و هنية سيرو تعشاو فيه حشومة اليوم درتو العقد على الاقل اول خرجة ليكم دوزوها بجوج ومنها تقربو من بعض اش باليك؟مم
هارون: (باس راسها) واخا
زهرة:(صدمها وافق دغيا)
😮هاا واش صافي زعمة زعمة بهاذ البساطة.
هارون: وفين الموشكيل عادي احم (وقف ) انا غنتسناها التحت .....وخرج مخلي مو طااايرة فرحة من ولدها لبدا كيتقبل عروستو.
عند توبة و هنية لجابو فتيحة ودخلو البيت اوجدو العروسة الاول خرجة .
توبة:(هازا كسوةطويلة) اش باليك فهاذي
فتيحة:مممم لا لا خصها شي حاجة تبان سامبل و كلاص ومتنسايش مستورة.
هنية غير كتشوف فيهم اش عندها متكول تفرج و تسكت.
توبة :هوووبا القيتها غتلبسي هذي كانت جابتها ليك ماما اش باليك افتيحة.
فتيحة: هذي زوينة غتجي معاها يالله وقفي خلاص
بكسوة طويلة فنواغ بالدين كولها كتبري من الفوق و مزيراا على صدر جات حتى البوط و طلقت مع صميطة رقيقة مزينا اطلالتها وزيف وبوشيط فلون ذهبي ...وصالنا الرجلين حلفت للبست طالو واخا الكسوة طويلة وكتجرجر كالت تهزها و تالبس صباط حسن مرتاحة فيه.
فتيحة:(شادا راسها) الله اهديك لبسي طالو واش غتبقاي هكا جاراها.
هنية: واااالو شتي داك سلوم والله للبستو ياتعطوني صباط يابناقص من شي خروج.
توبة: اووف صافي صافي خطرك و حتى المكياج مديريهش حشومة .
هنية:ونتوما لحفرتو عيني بداك شي ولينا حتى فمشيط رموش لاش اختي انا زينا بلا بيه.
توبة: ههههه هذيك مسكارة و هذاك بينو .
فتيحة : وعلاش هيا خلاتو راها غسلات وجها واخا جاها زوين.
هنية: (جامعاا جلايلها)حلو هذ الباب نخرج هذا مغيبقا عشااا .
توبة:
😍واخا واخا زيدي جيتي زوينة.
فتيحة:
😍واااو روعة .
تحل الباب ودخلات منو زهرة و ملاك مبهورين بزين
ملاك:
😍شوووو هاا الجمال
زهرة:
😍حيدو من عروستي زيدي زيدي الله احجبك
نزلوها و نزلو معاها كان كيتسناها فكامل اناقتو وسيم بدورو تواتاو طواااال شوفة وحل الباب دخل بلا ميشعرع ولو حركتو رومنسية .
زاد بيها مخلي العجاجة وراه مخلي زهرة و بناتها كيكحو من دخان شاكمة .
طول طريق وصمت سيد الموقف و صلو قدام المطعم ليكان قمت الاناقة و الروقي ...استيقبال مبهيج.
غاديان هوا سابقها بشوية وهيا وراه هازا جلايلها ....رفقهم ناديل الطبلة لجات على برا حدا لبسين كانت مجهزة بطريقة زوين المطعم معمرش بزاف وطبالي فيه مباعدين يعني راحة تامة .
جر ناديل الكورسي الهنية لكلاسات و تبعها هارون حط ليهم الموني اختارو وزاد مخليهم .
هنية:(كتقلب فالموني)
😕شهادشي
هارون:(حيدو ليها) غير حطيه انا غنختار.
هنية:اه واخا
هارون:تاكلي سوشي ......راها غير بنت جبل احنيني.
هنية:(معرفتوش )
😊اه بغيتو مهم اي هاجا نسدو بيها جوع.
هارون:اوكي....عيط النادل و عطاا طلب ديالو دقيقة صمت وهودوء شوية كيوقف عليهم شخص بكومبلي كحل و ببيو فالعنق هاز
🎻
🎻
هنية( شافتو فرحة )ياحليلي مول الكمنجة
هارون:
😕كمنجة ؟
هنية:هانتا تصنت تصنت واحد المرا جابوه فعرس بنت القايد و تفيشطنا.
هارون: (مستغرب) هذااا؟
هنية: ايه هذااا وا هنتا كوليه كوليه ابدا والله حتى اعجبك.
هارون عطاا اشارة الموسيقي ابدا و كيشوف فهنية بحالاش سادة عنيها و طالقة ودنيها بمجرد مبدا العزف خصرت صيفتها اش هذا.
هنية:(شافت فيه) تا اش كدير .
الموسيقي:(مفهمهاش) هاا
هارون: مالك حبستيه عزفو زوين.
هنية: منين منين جاه زين الله اهديك انا كنتسنا فجدبة و لا العيطة وسيد طالقلي عزا ليهود غ عطيه غرامتو وصيفطو.
هارونذ:(حابس ضحكة)احم اوكي غير تهدني (شاف فالموسيقي) امكلك تمشي ......
هنية:(كضرب برجليها) واش مكاين ميتكال.
هارون:(غير حاضيها بعينيه) ممم جاك جوع؟
هنية: الموت ياخويا الموت.
هارون:
😒خوك بففف ها العشااا جااا خوك.
تحط العشاا لكان عبارة على جوج طباسل فيهم سوشي و سوبيرة صغير فوق بوطة كتبقا شاعلة باش صوب ديال الشعرية صينية لوسطها تبقا سخونة و منساوش العواد .
هنية:(هزتو بديها كتشوف فيه) اش هذا
هارون: سوشي ياك كلتي بغيتيه اوا كولي معجبك.
هنية:
😒لالا زوين ...اش هدشي ياربي واقيلا بولفاف ديالهم بلاتي نديرو فالعواد ونشويه فالبوطة نيت حاطينو خضر باش إتكال سخون يا بسم الله
شمرت على اديها دير خدمتها هزت العود و بدات كتخشي فيه سوشي و مع الروز دكشي كيتفرتت سلات القطيب و شدتو فيدها عند بالها مطورة.
هنية:احم احم
هارون:(مخصر صيفتو كان كيكول و هز راسو) اش دكشي شنو درتي.
هنية:(كتشير السوبيرة)هز هز هدي تنشوي القطيب بولفاف ديالهم كولو شحمة .
هارون:(شد راسو ) اشمن بالفاف واش تسطيتي اري هنا.
هنية:
😮وبلاتي غنشويه.
هارون: طلقي هنا ماشي هكا ياربي صبر ....عيط الناديل ابدليهم طبسيلها و جيب سباكيتي زعمة فكها .
هنية: وااا جوع فينو هذ العشااا حاطيلن لينا بولفاف خضر .
هارون: بلاتي دبا اجي هذاك ماشي بولفاف سوشي ها عشاك جااا .
حط قدامها نادل هذ المرا سباكيتي بصوص طومط وعريشات قزبور ديكور.
هارون:كولي ها العشا.
هنية:(مخصرة صيفتها) شهادشي تاني
هارون:(عطاها الفرشيط) ها باش كتكال كوليها.
خدتها و خشاتها فين ما كتجي تهز إدها كيتهز داكشي طويييييل و تعاود تحطو عياتها .
هنية:(قندشة جوع هلاكها) تا واش كطنز عليها فينو هذ العشاا.
هارون: را قدامك كوليه.
هنية:(دفعتو) كولو نتا نيت ها بولفاف مشحم و دبا هذ العجب معرفناه مصارن حولي و لا سلوكة ديال ضوو اسي جيب ليا نتعشاا و خلينا من الهبال را القنديشة طلعت و جوع كيعمي العينين وباش مكملينا حطين فية ربيع خضر معاز حناا...
هارون:(حاول ميتعصب و يخدم عقلو عادي راها اول مرا ليها)واخا واخا انا غنطاب عشااا حسن صافي
هنية : وهيا دبا طلقنا.
عاااود عيط الناديل و بدل البلا لتالت مرا هذ المرا جاب ليها البايا روز مع فواكه البحر غير تحط قبل ميمشي نادل حبسو.
هارون: بلاتي خليك.
ناديل : اوكي مسيو.
هارون: دوقيه واش عجبك.
هنية:(شدات المعلقة وداقت)
😋وهذا زين ( شافت فناديل) ابي شديرين فيه.
ناديل:هاا
هارون: امكاليك تمشي ونتي كوليه و سكتي ...
كولها محني على طبسيلو هنية عجبها و طاحت فيه عمية اما هارون بالمهل و حاضيها شوية كيسمع صوت من وراه عيط بسميتو .
.....:مستر هارون
هارون:(هز راسو وبتاسم ابتيسما صفرا) هااي مستر جوني .
هنية غير كتشوف فيهم كان راجل زعر إكون قد هارون مع مرتو ولا صحبتو مسلوتة ملابسة والو تسلمت المسلوتة مع هارون بالوجه و جوني بغا اقرب الهنية وقفتو.
هنية : حداك تم اسي لباس من بعيد(شافت فهارون) شرحليه شرحليه وجعت تكمل مكلاتها
هارون:(عجبو تصروفها) موحافظة مكتسلمش.
جوني: اووو ماشي موشكيل واش نقدرو نجلسو معاكم
هارون:(حشم اجري عليهم ) وي مرحباا تفضلو .
هنية:(غمزتو ) اش كال شتهم ريحو.
هارون: احم غيجلسو معانا.
هنية:
😒اخليه بلاخلا على قلات طبالي لاش مزحمنا.. .
دخلو فحديث بينتهم و هنية مفاهمة والو غير كتصنت و تاكول والمسلوتة ضحكتها عاجيبة دور دور وضرب هارون فكتفو .
هنية:
😠كوليها تجمع مكافشها راني مرتك زعمة (دارت شافت فيها) صفرة الكمارة خلينا هانيا راني غنسرطك.
سوزي:(مفهماش وشفت فهارون افهمها) شنو كالت ؟
هارون:غير رحبت بيك (همس الهنية) ماشي وقت صداع دبا تبتي.
هنية: ومالي تنتبت راني من صباح و انا سكتا ونتوما شادين فييا ناميما.
هارون: استغفر الله كندوي على الخدمة سوو تبتي .
جوني غير حاضيهم شدو الفضول إعرف شكون هذي لمعا هارون.
جوني: معرفتيناش على انيسة ليمعاك.
هنية:(كتجبدو من ادو )شكاليك تا را سير اشوف فيا ؟
هارون:(نتر ادو بشوية باش ميعيقو)رصاااي غير سولني شكون نتي .
هنية:(دارت شفت فيهم) اه انا موتو موتو تزوجنا وحق مولانا .
جوني وسوزي:
😮هاا
هارون:(من تحت سنانو) مفهموكش تبتي احم هذي مرتي هناء.
جوني: اووو مبروك عليك زواج
سوزي: وي مبروك واخا ماشي دوقك شنو طرا
هنية غير سمعت هناء قندشة و حطت الكأس بزعفة حتى تخوا نصو على هارون.
هنية :
😡هنية سميتي هنية واااا هنية فهمتي .
هارون :(كيحاول ابرد) احم عفوا دبا نجي (همس الهنية) من بعد و نتفاهمو غير بلاتي.
نساحب هارون وخلا هنية واسطهم غير مغوبشة و ليزاد عصبها سوزي و رجلها غير كوشوشو بينتهم شوية وقفات سوزي تجاوب على تيليفونها بعدت وهنية غير حاضياها من اللور كيفاش كتمشا و فخاضها عريانين.
هنية:اخليك بالخلا حيديها كع نتي تفو الكنس (دارت عند جوني ) شتي نتا مراجل موالو تخلي مرتك تعرا فين نفس و فين العراض وعلاش انا ندوي معاك كع.
كيشرب من كأسو وحاضيها شوية زعم وكحز كرسيه حداها ...سيدا رجعت تكمل عشاها زغبو الله و حط إدو على إديها .
هنية:(كتشوف فيدو المحطوطا جرت إديها والو حكمها) وهيااا و سي تا طلق و نعل شيطان الله اهديك.
جوني:نتي زوينة بزاف نقدرو نولو اصديقاء.
هنية: وتا طلق الله اهديك و هياا .
سيد والو ساهي فعينيها زاد زعم وحط ادو على خدها مصمرها بلاصتها اش هذ قلات الحياء ومرت الراجل من الفوق .