اء
طاح ضلام و سي هارون يالله شرف داخل عاقد غوبشتو كاما العادة جااا مع وقت العشاا كولشي مجموع على طبلة ...تقدم و لقا سلام سلم على باه
زين المسرار شافتو وتزنكت وزهرة رادا معها البال وباش تكملها نوضتها من كرسيها وجلستها حداه حلفت عليها من اليوم تما بلاصتها .
سي سيد غير كينفخ وتفش معندو ميدير صبر و خاطر مو مبغا إخصر .
أكرم:(حابس ضحكة ) مبروك عليك اصحبي و اخيران درتي عقلك.
هارون:(بنضرات نار رمقو وجاوب كارز على سنانو )الله إبارك فيك.
قيس:(تفكر فاش دعا معاه)ههههه دعوت الخير اصاحبي دعي معنا حتى حنى .
أكرم:ههههههه وحتى انا دعي معايا.
ملاك:(همست) باغي تعود ولا شنو
أكرم:لالا احبيبتي غير ضاحكين.
عدنان كول مرا تنغزو زهرة باش إدوي حتي عصبتو .
عدنان:صافي صافي هاني.
زهرة:يالله طلقنا من صباح و نتا ساكت.
عدنان: احم احم ولدي هارون بعد غذا غنطلبو إيد هنية رسميا من ولديها.
هارون:(كان كيكول وحلات ليه) كح كح كح شنو بعد غذا.
هنية:(مدات ليه باش إشرب) هاك بسم الله عليك....شد من عندها الكأس نزل عليه ضربة وحدة.
توبة:
😍واو قريب.
زهرة: وي قريب إنشاء الله بعد غذا الخطبة و العقد
هارون:(وقف) كيفاش العقد بهاد سورعة.
ملاك : ههه احسن حاجة درتو ...(خنز فيها)احم هوما ليكالو .
عدنان: مدام كولشي موافق علاش نأجلوه.
هارون: ولكين مزال متفهمنا انا و هنية ياك اهنية..(من تحت سنانو ) كولي شيحاجة.
هنية:
😮هاا لدروها انا معاهم.
زهرة: ههه الرضا البنتي مورا العشا دويو و تافقو على لبغيتو .
عدنان : وي هذا حل حنى غنتسناو جوابكم .
قيس: ههههه عراسية قريبة و اخيران ..(.هز كأس فيه الماا ) بصحتكم .
الجميع من غير هارون : بصحتك هههه
هارون:(وقف بغا إهرب) بصحتكم .
هنية:(حتى هيا وقفت ) بصحتكم.
هارون:
😡فين غاديا
هنية:
😳خالتي كتلي نمشي معاك نهضرو.
هارون: صبر ياربي صبر...زاد وخلاها
زهرة: تبعيه تبعيه....مشات تبعاه
توبة: ههههههه ياخوفي إضربها شفتي وجهو كيولا.
زهرة: ههههه خليه سرو غير زيار
ملاك: معلمة ماما منخافش عليك هههههه قادا بكمتك.
عدنان: احم شركونا معاكم .
زهرة: جماعت العيالات حشومة تسمعها.
~~~~~~~~~~~~
مشات وراه القاتو طار سمعت غير باب المكتب لتسد هذ المكتب مكتحملو حيت لدخلو كيسمعها غير المنقي بحال اخير مرا ...تبتت راسها ودقت سمعت دخل و دخلات.
كان كالس على المكتب اوما ليها بيدو تكلس تقدمت و كلست على الكورسي هوا فوق راسها عالي عليها .
هارون: (حاول اتهدن) علاش وفقتي.
هنية:هاا
هارون:علاش وفقتي على زواجنا.
هنية: حيت نتا وفقتي .
هارون: واش غتزوجي بواحد مكتبغيه مكيبغيك وزواج مبزز من الفوق .
هنية: انا على قبل خالتي مسكينة عزت عليا ملي ولا غزرين إجيها حشومة نطيحو بكلمتها.
هارون:(وقف الحوار معاها بلا فايدا من احسن اكول شروطو وهني الوقت)أول حاجة باش تولي مرت هارون سميتك تبدل.
هنية: (عنيها خرجو هذا هبيل و لا مالو وقفت مقندشة) شنهوا (كتحك ودنيها) عودها نسمع.
هارون:(اديه فجيابو) من اليوم سميتك هناااء سمعتي هناااء (كيطلعها و نزلها) ممم و شكلك نشوفو حلو من بعد.
هنية:(ضحكة من الفقصة): هههههه هكاوا زيد اوااا دبا داك الحولي لدبح باا العربي امشي خلا و سمع اسي هنية هيا هنية و شلل بيها فمك.
هارون:
😠نقصي صوتك وهضري مقاد و شرطي تاني مكاين لا عرس لا شهر عسال .
هنية:( جلست تستوعب ) واش تاني ههه زيد.
هارون: واخير شرط ممنوع سمعتي ممنوع دخلي فحياتي كل واحد حور فحياتو زواجنا على الوراق صافي واش مفهوم.
هنية:مفهوم اسي قارون.
هارون:
😬هارون سيك هارون.
هنية :واخا واش دبا نمشي
هارون: سيري و نتي لغتعلمهم بلي مبغاش العرس و سفار تفقنا.
هنية:صافي تفقنا كولشي باين ......و هكا سلا كلامهم هنية خرجت مرتاحة و فرحانة هههه هارون عند بالو حكمها و بشروطو غدير لا ولدي نقطة ضعفو مو تمشي ليها و اصلان عطاها فرصة من ذهب فاش كليها سبقي و علميهم و ها هيا غتعلمهم.
حطت فتيحة القهوة العائلة لمجموعة فصالون كتسناو جواب هنية و هارون.
زهرة:(رشفت رشفة من طاسها )ممم هذو تعطلو
عدنان: صبري مزال مكاملة حتى نص ساعة باش مشاو.
توبة: ها هيا جات هنية.
زهرة:(بحماس )امدرا ابنتي علاش تفقتو.
هنية:(الحشمة و الوقار منها جاو همست الخالتها) كولشي مزيان.
عدنان:(فهم راسو بلي حشمت تدوي قدامو) احم مهم ابنتي غذا إنشاء الله غيوصلك شيفور الكلينك تشوفي ولديك و منها تفتحيهم فالموضوع.
هنية:(فرحت) واش بصح غذا
عدنان:اكيد غذا مالي تفيقي إديك تشوفيهم يالله تصبحو على خير .....و زاد بحالو إنعس.
توبة:احم احم وهذوك....عنيها على قيس و أكرم لمنشورين على الفوطوي.
ملاك:أكرم نود شوف زيد إمكن فاق.
أكرم:نو ناعس غير خليه و بداو فجماعة بغينا نتصنتو.
قيس: وي بصح حتى حنى بغينا نسمعو.
زهرة:نوض اولدي نتا و ياه را جماعت العيالات مفيها ميتسمع.
توبة:ههههههه وخوصوصان ديال دبا غير الله احفظ .
هنية:انا لساني مبري مني لجات نكولها ديرو بحسابها.
قيس:(حشم وقف)احم اصلا انا كنت غدي نعس ياك أكرم.
أكرم:(وقف) اه بصح نمشي نطل على زيد يالله تصبحو على خير .
ملاك:ههههه سركم غير الوجه الحمر
توبة: ههههههه صافي مشيتو
هنية غير كدور فعينها وتوجد كلمها لتكولو ....مشاو رجال و ضارو بيها زهرة و بناتها .
زهرة:يالله ابنتي واش غتحشمي مني حتى انا .
هنية: لا اخالتي راك بحال مي.
ملاك:إوا وشنو كلتو .
توبة:واش تقرب منك(خنزرو فيها) احم بغيت نكول ياك مغوت عليك زعمة.
زهرة:(وقفت) إغوت عليها مزيان تبارك الله دبا نمشي ليه.
هنية: لا اخالتي مغوتش عليا غير الحشمة و صافي مسكين الله إعمرها دار .
زهرة:(رتاحت) إوا واش مزال ياك مكليك والو على العرس .
هنية:
😈بالعمى اخالتي بالعكس غير حشم منكوم.
توبة:
😮هارون حشم.
زهرة:سكتي خليها تكمل.
هنية:
😳كالي نبرزو انا و ياه و ندير الحنة و حلمو إشوفنا عرسان.
ملاك و توبة :
😮هااارون.
زهرة:
😡وسكتو خليها تكمل
😀اياه ابنتي واش متاكدا.
هنية: إيه هارون بحال لسمعتيها بودنيك منو اخالتي وكالي يقلب الميريكان كاملة و يجيبلي العمارية و حتى شيخات غ بقايلي على خاطرك.
زهرة: ياسعدي يافرحي حتى ولدي كيعرف شيخات.
توبة و ملاك:(شافو فبعضياتهم)
😮شيخات.
هنية:(رمات سؤلها)واش اخالتي حتى نتوما عندكم مولاي عقوب.
زهرة:
😕مولاي عقوب فنيويورك لا ابنتي.
هنية:(بزعل طفولي)
😔وعلاش هوا كالي غنديك تسراي فيه.
توبة:ههههههه الرومنسية العورة عند خويا.
ملاك:هههههههه نو حبيبتي امكان قصد شهر العسل في بلاصة زوينة غير مفهمتيش.
هنية:معرفش اش سماها مهم هوا كاليا غنسريك فين ما بغيتي.
ملاك:(قربت وعنقتها) مبرووووك عليكم شهر العسل على حسابي هديا ليكم.
هنية:
😳ربي اخليك الوستي العزيزة.
زهرة: وانا متساليني غير دقة المراكشية و نكافة و العمارية عرس تاريخي الاجمل عروسة اجي احبيبتي اجي.
هنية:(عنقتها) الله اخليك لينا و خلاص وربي اطول فعمرك.
توبة:بعدو بعدو حتى انا نعنقها (عنقتها) وانا الهدياا ديالي نفرش البيت الاول فنكوش غيجي.
هنية:اويلي كوني تحشمي خالتي معانا.
توبة: ههههه ومالي كالت شيحاجة عيب ماما سمعيني شي تزغريتا.
زهرة: لولولولولولولولولولولولولوي لولولولولولوي (كتنهج ) نزيد و لا باركة.
ملاك: الله اعطيك صحة زيدينا مزال .
بزغاريت الالة زهرة تهزت دار كاملة فتيحة جات تجري و حتى ليزا كيباركو الهنية لتقنت دور الحشمة ...من الفضول رجع قيس و أكرم فرحو معاهم و باركو ليها تجمعو على ضحك و نشاط .
زهرة: فين هارون
توبة: هههههه را إمكن حشمان.
قيس:هههههههه هارون و الحشمة .
أكرم:ههههههههه حدث يدخول تاريخ .
وصل وقت نعاس قيس و أكرم خرجو الجردة زهرة مشات تعلم عدنان ...ملاك ولدها فاق اما توبة و هنية عند فتيحة فالكوزينة.
كان كالس فكورسيه مقابل مع شرجم كيفكر فحريرتو حتى كيسمع صوت زغاريت ستغرب هدشي كامل غير علمتهم مكاين العرس و مو معرضات موالو عند بالو غير تسمعها تجي تحيح عليه ساعة وقع العكس تنهد ووقف دبا فاش عرفو قرارو غير إخرج نيت مفيه ليدخل فشي نيقاش عارف راسو غيخرج منو خاسر.
الوجهة صالون مالقا حد وايلي فين مشااو هذو واقيلة جردة ...خرج الجردة كيقلب براسو حتى كيشوف قيس و أكرم حدا لبسين مشا حداهم.
قيس: مرحبا مرحبا بالعريس.
أكرم: هههه طلقتك الحشمة
هارون:
😠بلا ضحك باسل راواصلا العضم (تنهد )فين الوليدة.
قيس:مشات تنعس رهنية دارت خدمتك وصلات لينا تفاقكم.
هارون:مم مزيان نيت مفيا مسمع موحاضرات.
أكرم:(سولو حابس ضحكة) علاش حتى نتا كتعرف شيخات.
قيس: ههههههههه و الواعر نساريك فمولاي عقوب .
هارون:
😕شمن شيخات وشمن عقوب ولا زمر.
أكرم:وايلي اصاحبي را عودات لينا ملاك كولشي.
قيس: هههههههه وفين غالقا انا دقة المراكشية الخالتي
هارون:(وقف) بلاتي بلاتي نتوما علاش كدويو.
أكرم و قيس:
😮على عرسك
هارون: شمن عرس واش نتوما مراض.
قيس: واقيلا نتا لبديتي كتخرف.
أكرم: داكشي لبالي فيه مالك اصاحبي عرسك نتا و هنية ياك هدشي علاش تفقتو.
هارون:
😤حنى تفقنا على العرس واش هدشي كالتو الوليدة.
أكرم : وي هدشي لسمعنا
تجنن و دخان خرج من ودنيه مبنتلو غير طبلة صغيرة لفوقها كيسان العصير ..هزها بضربة وحدة من رجلو جابها وسط لبسين.
هارون:
😬ااااع كدير غير لفراسها ماشي هدشي علاش تفقنا .
قيس و أكرم تخلعو حيت كيبان معصب نيييت .
قيس:تهدن اصاحبي مالك.
أكرم: كالم لاش هذ العصبية كاملة.
شكون سمع سيد طار زعمة اتفاهم معاها قمة الغضب شعندو ميدير دبا و علم الله اشنو كالت تاني ندم علاش صيفطها تعلمهم بوحدها كون تشجع وزاد متصمرليهش هذ القالب لصعيب إنساه.
كيف العادة جرات عليهم فتيحة من الكوزينة قلبو راسها بعووومااار مشات تنعس و زادو موها فطريقهم البيت و بضبط حدا دروج بان هارون تور هايج غير شافتو هنية طارت تخبات فدوش لكان محلول حداها تبعها بجرا ساعة كانت مزهارة طرقت الباب وتوبة تخبات تحت الدروج تفرج من بعيد ليخلطها.
هارون:(كيدق)
😤حلي الباب
هنية:(لسقة مع الباب كترض نفس) وسير تنعس.
هارون:
😬علاش مكلتيش ايهم علاش تفقنا علاش درتي لفراسك.
هنية: وكيفي كيف بنات ناس اسي و مالي منفرح براسي العرس عرسي و انا حورا فيه ياك هكا كالتي هم.
هارون:(حاول اكتم غضبو) حالي الباب نتفهمو
هنية: مكاين بو موفهامة فهاذ ليل راني بنت الاصل و المفصل لمزال معقدنا مبينتنا هضرة سير تنعس.
هارون:(جنون الكحلة فوق راسو)
😬
tafaa3olll