مثل ماوعدتكم بارت صغيرون بدون تعديل مليان عبوات 😂😂
.........
بليلة العاشر مجلسهم استمر لين الفجر
بليلتها بارده تگص گص
كبل لايتم المجلس انا طلعت ماتحملت
كنت اهوجس بالي مشغول بالمزيونه الخذت عگلي وگلبي
وبوالدي وامي والي سمعته من.جراح
يعني كل ذيج السنين والدي يحاول يتواصل وي امي واهي الرافضه
واتا طول عمري اشوفها مظلومه لاهي اول حرمه تجووز عليها رجالها ولاهي اخر وحده
كيف تهمله كل هالسنين وليه تمثل دور البريه اعلينه
واحنا الي نلوموو طول اعمارنا مايوم رخص فيها وگال اهي السبب
امي مو بجديد عليها الزواج والتعدد فيه
ابوها ماخذ ثنين واخوها ماخذ ثلاث واثنين من اخوتها ماخذين اثنين واهي الي تخطب لهم
ليه الي ماترضا الرحها ترضاه للغير وليه تحمل ابويه منيتنه وملامتنه ليه ماكالت انا ماعاد لي نفس فيه
وجالسه اربيكم وبس
كل الي صار خلاني اشعر بذنب اتجاه ابوي اني مالي فيهم هم بينهم يرضون يزعلون
الي غاثني انا حتى بنظراتي كنت باعاتب ابوي
ولليوم الي طلع فيه انا كنت بلوموو
رديت للدار وانا احس البرد جمد اطرافي
شفت نار مشعوله بره وداير ميدورها صبيان صغار
وگفت اتدفا گريب البابنا النار اسمع صوت من بيت الساده صوت حرمه كبيره تحدي بس بطور جنوبي ماهو حدينه صوت احن وطور اكثر حزن
كمل عليه وزادني تفكير بوالدي ووضعوو
البيت فارغ مافي احد
وين راحوو وش صاير
خابرت سجاد
..انت وين لساع في المجلس
..ايه تبغاني؟
..لا وش لي فيك ع كيفك بغيت اسألك الجده امي
البنات امي ام.سجاد الكل مختفين البيت خالي
..اجل أقنعتهم امي وراحوو يحييوون الليلة عند العلويه جاتهم الغصر واعزمتهم
..هاا ..تعرفها امك ؟
..ايه تعرفهم من زمان تنام والا اجيك أنتكلم
..لا منين بياجي النوم تعال ابي اهرج واذب حمولي يمك
..وانا شيال اتدلل
رحتلوو شفتوو جالس
..شفيك
..ابووي وين ؟
..والله مدري ..انشد جراح
..وهذا وين.اهوو
..مسافر بره الديره بكرا بياجي
..هذي عادته من اول والا هذي اول مره يبعد بدون مايكول
..لا من تضيگ فيه الواسعه يساويها ويرجع هادي ولا كن شي صار
..اذا بيرتاح الحمدلله
..ليه مهتم ؟
..وليه مااهتم
..مدري بس احسك هالنره تحاتي زياده الي يشوفك واهوو يمك بيكول مايطيگ شوفتوو
..تبا تزودها علي انت .وليه ماطيگ شوفتوو الا كنت زعلان وطلع ماهوو سبب بالي احسوو
..ايه انت اعرف
..عوفك من هاذ گلي ليه الساده مايعطون
..ياويلاه وانت لطشت يخوي وشلك بالساده ؟
..جاوب كد السؤال واتا اخوك
..مابيعطون الا من.نسبهم يرجع اصلوو للامام علي عليه السلام
..ايه ؟
..ايه يخوي لاتفكر زياده
..وليه كل هاذ كلنا ولد ادم ..يخووك كنها سرگت گلبي هالعلويه والله اني تهت بعيونها
..والله انت الي ناوي اتيه واتيهنا معك
..والله لخذها حليلتن لي (زوجه الي )
..انت انهبلت بالله انت انهبلت تركت خلك الله وبنات حوا وهالاوادم ماخفگ كلبك الا البنت الساده
....ليه محسسني كني كفرت ..رايدها حليله ع سنة الله ورسولوو
..ونعم بالله ..تتعب يخوك وتاليك هم وغم اسالني عنهم
..مابسأل اصبر عليها واظل اناظرها من ابعيد لين تمر فترة من الزمن يعرفوني واعرفم واتكدم وبعدا اخذها لوو حاوطوها بسوور
مرام..
بيوم العاشر نسوان هواي كلش نسوان المنطقه كلها
شاده راسي بشالي لامه شعري الي حبوبتي تجبرني احله باللطم
من تشتد اللطمه وتنذكر عمتنه زينب ومصايبها سلام.الله عليها اثناء اللطم تاخذ قراصتي حبوبه يظل الشعر محلول والطم ومو بس اني رمله ونبراس وباقي البنات حته بنات الجيران
من كملت القصيده وصار لازم نوزع مي ع النسوان
شكلت ثوبي رفعته شويه ولفيت شعري بشالي ظل مفتوح على طوله بس اطرافه ملمومه
شبخت النسوان اوزع
الي تعرفني تبوسني والي تسالني والي تحجي وياي
شفت ام سجاد ست زمن معلمتي بالابتدائيه شكد احبها محبوبه وجميله بشكل وشبابها يتجدد اي واحد يشوفها يحس بأطمئنان من خلال السكينه الي بعيونها عبرت اسلم عليها واسألها عن اشواق تفاجأت من شفتها موجوده بوستها وكتلها
...مشتاقتلج هواي خلصتي قرايه بعدج مابقه شي للامتحان
..يابعد عمري اني اكثر والله باقيلي شويه
..الله كريم ..شعجب اجيتي
..كلنه اجينه اعرفك على جدتي وامي ام ركاد وخواتي عذاري وهند
سلمت عليهم وكملت توزيع كتلها اكمل وارجعلج
رجعت كعدت يمها وكالت الله عليچ اقري بصوتچ
يوميه اكلهم صوتچ حلوو واسولف بيج
قريت
جينه ننشد كربلا جينه ننشد كربلا
جينه ننشد كربلا
مضيعينها بيها زينب كالو ميسرينها
يسروها ولاالها واحد فزع
شال حادي اضعونها بليل وگطع
جينه ننشد وين ابو فاضل وگع
وحال ملچ الموت بينه وبينها
كملت الاخر القصيده صاحتني حبوبتها باستني براسي وكالت
يازين حسك
انتبهت الأشواق مسويه تسجيل
گتلها ديري بالچ يطلع تره اخوتي يذبحوني والله
ضحكت وگالت لا والله ابد شبيه اطلعه بس تعرفيني دوم احب اسمع صوتج
صاحتني امي محتاجتني بالمطبخ
صبينه الجاي اني ورمله اتذكرت شكل حبوبتها
مشيله ولابسه عصابه بس مخليه فوك راسها مثل العكال بي الوان
مشايفته ابد اكو نسوان تتعكل شنوو
عكال جوزي وباطرافه الوان
سمعت صوت مصطفى
من درت عليه شفته فاهي وعيونه كلها الرمله الي هيه الثانيه ارتبكت من سمعت صوته وظلت اتعيد الشكر ع الاستكاين الي مشكرتهن
صحت بيها رمله مخليلهن تردين يصعد سكرهن الليله
ارتبكت اكثر كامت وكعدت تعدل بشالها واطراف ثوبها
وهذا اخوي بعده عيونه عليها وايده علي حافة الباب مخليها
خفت يجي احد وابالهم متواعدين وهيه امها كوه يلله خلتها تجي تحيي ليلة العاشر
وحته اني لو ماعمي ياسر جاي وخليته هوه يحاي كميل ويكله الخاطري خليها وي البنات ومنو يبقى يمها ابوك ينام شمدري بيها من تبقى وحدها كوه قنعه وع اساس وحده بدون طلب مني واني حفيت ع ما قبل يتوسطلي سيادة الضابط وبشروط عده
حاجيت مصطفى
..ها صفاوي رايد شي ..عبالك جان بعالم وصحيته
رد عليه وضيگ عيونه وعاقد حواجبه
..ايه شسمه نسيت ..عمي برير واحمد يكول حسبولنه العدد حته نوزع السحور
..يا شحسب وحده اثنين الغرف والصاله كلها مقبطه
احنحن بعد ماحس صوته اختفه يريد يعلي
..يمعوده حصيله تقريبيه انطيني قابل انشم ادينه شكد انتن بسرعه يمعوده مستعجلين
..خليني اصيحلك امي
..بللت شفتي اوگفي باوعتلها اريد اخزن اكثر من صوره وذكري ابالي الها
يلله روحي
رحت صحت امي لكيته طالع بره بالممر الي يدخل للمطبخ
افتهمت ميريد احد يعرف شافها خاف يحاصروها اكثر
انطته العدد وراح
باوعت الرمله اتصب الجاي ودموعها تجري الي يشوفها يكول ع القصائد الي تسمعهن
بس اني حسيت بيها
مابيدي شي لاعليها ولا عليه شسوي اخواني ماعدهم حظ بالحب جربوه بس ابمراره يارب لاتخلي حظي مثل حظهم
شويه وبدوو توزيع السحوور
هوه وجبة اكل قبل الفجر نوزعها
وبعد الاذان نمسك الحد اذان الضهر يلله نفطر
هذي عادتنه يوم العاشر
خلصنه الليله
وراحن النسوان ظلن جناين عمامي ونسوانهم
نظفن ويانه وعزلن وراحن
كون كلشي يخلص قبل الصبح
حبوبه عادتها يوم العاشر لاتنفتح نار علي جدر ولاينشعل تنور للخبز ولانعجن اصلا لاينغسل ثوب ولاتنكنس كاع
هذا يوم.حزن نخلصه صلاة وزياره
ومن الليل لو الفجر انظف وانجهز كلشي
كملنه الصبح كلش
واجوو الولد اخواني
كميل راح المرتضى يشوفه
نصى عليه باسه براسه وجف ايده وغطاه
حبوبه كالتله ابقى نام يمه
كلها لا بغرفتي اريح
اني وهيثم نمنه ابيت حبوبه
وامي واخواني راحوو
ثاني يوم العصر كلش اجانه كميل ورحنه
بيومها تعبانه ومكسره جوو كئيب والسما حمره
هدوء الشارع لان المحلات كلها تعزل الاسواق احترام اليوم استشهاد الامام
وصلت للبيت ذبيت نفسي ع القرايه
وره ايام.بدت الامتحانات
داومت احنه نروح مشي ماكو عدنه خطوط منطقه امينه والمدارس قريبه
مرت عليه اشواق ومشينه
باوعت شفت الولد الي صار هذا ثالث لقاء وياه
بس ياريت مايحرجني احس گلبي دكاته زادن واني اشووف عيونه ماشالهن مني دنكت ومشيت واني احچي بصوت ناصي شگد ميستحي هذا وقليل ذوق
حاجتني اشواق
..منهو هذا
..هذا ابو شعر العالي الي ورانه
..ركاد ولج هذا اخوي شبي وياچ
ركاد..
بعد ماردن امي والجده والبنات اليوم.كلوو يهرجن بالعلويه وليلة.العاشر عندهم خليت الهتفون ابا اوهمهن اني مو معهن ومابسمعهن لحتا يهرجن ومايتحرجن اعرف انهن مايذكرن بنات والا النسا ونحن جالسين
گلبي الطاري جدتها يطرب اجل وش يصير لون جابوو طاريها وعلومها
يالبييه ال اعيوون الي اسحرتني
جالسن افكر فيها سمعت الجده تكول عليها صووت ماهوو مسمووع وحسن ماشاءالله حولها وحواليها
جاوبتها شووك
..اي يجده سجلت صوتها وحفظتوو لحتا تسمعينوو وكت ماتردين
نادتها امها
..ولچ مرام وصتچ ماتريده يطلع اهلها متشددين مو تسولفين للبنات ويطلبنه منج
..لا شلون اكيد مااكول
..فز كلبي وانا اباها تشغله ودي اخذ الفون من كفها وانطيه تشغيل واسمع صوتها الي ماخذ عكلهن
وانت ياركاد عگلك ماخوذ كبل الصوت وخافگ (قلبك) لها سلمتا
شغلتو للجده وانا اسمعت وياويل اهلي والگبيله
يتبع..