البارت 2
فى اليوم التالى
فى الصباح
فى غرفة سليم
كان سليم نائم بهدوء ولكن فجأة انفتح الباب بقوة فأنتفض من على الفراش بفزع فوجد صديقه ايمن يقف عند الباب و يضحك بقوة
ايمن بضحك:شكلك مسخرة مش قادر
سليم بعصبية:انت بتستهبل يا ايمن انا قطعت الخلف يا اخى
ايمن برخامة:احسن
وقف سليم بضيق و عصبية و توجه إلى حمام غرفته و اغلق الباب خلفه بقوة فدخل ايمن الغرفة و جلس على الفراش ينتظر صديقه و لكنه وجد كراس للرسم على الكمودينو الذى بجانب الفراش فأمسكه و وجد رسمة لطفلة يحتضنها طفل فدقق فى ملامحهم فعرف انهم سليم و كارمن فأبتسم و قلب الصفحة فوجد صورة لشابة بالغة و لكن ملامحها غير مكتملة و يوجد كلام اسفل الصورة و هو "معرفش شكلك دلوقتى بقا عامل ازاى بس بحاول ارسمك بقلبى و خيالى،وحشتينى اوى يا كارمن ارجعى بقا 💔"
زفر ايمن بضيق و وضع الكراس مكانه ثم استمع لصوت تدفق المياه فعرف ان سليم يستحم فخرج من الغرفة و توجه إلى الصالون بالاسفل
دخل ايمن الصالون بحذر و اقترب ببطئ من نرمين الجالسة على الأريكة و وضع يده على عيناها
نرمين بخضة:مين !!
ايمن بصوت طخين:احنا العصابة
عرفته نرمين من نبرة صوته فأنحت بسرعة و جلبت الشبشب
نرمين و هى تلقى عليه الشبشب:خضتنى يا ابن العبيطة
ايمن بتألم:ايه يا نونا قلبتى على چون سينا ليه كدة "لاعب مصارعة"
نرمين:اترزع
ايمن بخوف مصتنع:حاضر
جلس ايمن و وضع قدميه الاثنين على المنضدة التى أمامه فأغتاظت نرمين كثيرا و أزاحت قدمه بعنف
نرمين بغيظ:انت فاكر نفسك فى بيت الخلفوك و بعدين الترابيزة دى اغلى منك يا حيوان
ايمن بمرح:ايه يا نرمين مش طيقانى ليه
نرمين و هى تصفعه على جبهته:نرمين حاف كدة
ايمن بغلاسة:لا نرمين بالجبنة
نرمين بصراخ:اطلع برة
سليم وهو يدخل الصالون:سيب امى فى حالها يا زفت
ايمن بضيق:محدش طايقنى ليه كدة
نرمين بحنان وهى تضمه:احنا بنهزر يا حبيبى متزعلش
سليم بعبوس طفولى:وانا مليش من الحب ده
ضحكت نرمين و فتحت زراعها الاخر فأتى سليم و احتضنها بقوة
ظلو هكذا لمدة 3 دقائق و لكن قطع هذه اللحظة ايمن
ايمن:انا جعاااان
نرمين بغيظ:صبرنى يا رب
ابعدتهم نرمين عنها بمزاح و ذهبت إلى المطبخ لتطلب من الخدم جلب الطعام و وضعه على السفرة
ايمن بتساؤل:هتروح الشركة ولا الجامعة
سليم:لا كدة خلاص مش هروح الجامعة بقا غير على بداية الدراسة ما امبارح كان اخر امتحانات فهروح معاك الشركة
ايمن:اشطا
سليم بقرف:فى واحد يبقا ماسك اكبر شركة فى الشرق الاوسط يقول اشطا
ايمن ببرود:اه انا
بثق سليم عليه و قال:معفن
ثم سمعوا صوت نرمين يناديهم للسفرة لكى يفطرو
جلست نرمين على الكرسى الرئيسى و جلس على يسارها سليم و على يمينها ايمن
نرمين:سمو الله قبل ما تفطرو
ايمن و سليم:حاضر
بدأو فى تناول الفطور بهدوء و لكن قاطعته نرمين
نرمين بتساؤل:العيال مبيجوش ليه
ايمن:البنات عشان كانو بيمتحنو ثانوية عامة و اخر امتحان ليهم النهاردة و الولاد كان بيمتحنو و اخر امتحان ليهم كان امبارح
(البنات فى ثانوية عامة و الولاد فى أولى جامعة)
نرمين بتذكر:اه صحيح ده انا نسيت ان عندهم امتحانات (ثم أكملت بخبث)يا ترى كارمن عملت ايه
شرق سليم عندما سمع اسمها و ظل يكح كثيرا حتى أعطته امه كوب ماء
سليم بتوتر:يلا يا ايمن
ايمن:يلا
ودع كل من سليم و ايمن نرمين و غادروا ذاهبين الى الشركـــــة
.......................................................
فى انجلترا
فى غرفة كارمن
تململت كارمن فى فراشها بسبب أشعة الشمس التى تداعب وجهها بنعومة ففتحت عيناها ببطئ لتظهر لنا امواج البحر فى عيناها الزرقاء الصافية البريئة الطفولية و لكن فجأة وجدت نفسها تلقى على الارض بقوة
كارمن بألم:اااه ضهرى مبقتش نافعة خلاص
ثم ألقت نظرة على الفراش فوجدت صديقتها حبيبة تنام و اخذت كل الفراش بقدميها و يداها
كارمن بصراخ:حبيبااااااااااااااة
انتفضت حبيبة من على الفراش ثم نظرت إلى كارمن بنعاس
حبيبة بنعاس:فى ايه يا حلوفة
كارمن بغضب طفولى:انتى معندكيش بيت تتخمدى فيه ولا جاية تقرفينى انا
حبيبة بغباء وهى تهرش فى رأسها:انتى ايه النيمك على الارض
كارمن بغيظ:فى واحدة متخلفة و جاموسة كانت نايمة جمبى زقتنى تعرفيها
حبيبة بنعاس وهى تضع الغطاء على وجهها:دى اكيد انا يعنى هو فى غيرى بيعبرك و يجيلك و ينام جمبك
كارمن و هى تسحب الغطاء من عليها:طب كويس انك عارفة نفسك و يلا قومى هنتأخر على الامتحان الله يحرقك
حبيبة بنعاس ولامبالاة:بكرة بكرة
كارمن وهى تضربها:بكرة ايه يا هبلة هو الامتحان بمزاج امك مثلا
حبيبة وهى تضربها على قفاها:لاحظى أن لسانك طويل
كارمن ببرود:بص مين البيتكلم 😒😂
حبيبة بإحراج مزيف:للدرجادى سمعتى وحشة
كارمن بضحك وهى تسحبها من يدها:ااه جدااا
وقفت حبيبة و قامت بأخراج كارمن من الغرفة و استعدت لكى تبدل ملابسها
كارمن من الخارج:البيت بيت ابونا و ييجى الغرب يطردونا
حبيبة من الداخل بسخرية:اوووه بيئة اوووى يا كوكى
اغتاظت كارمن و لكنها ذهبت إلى غرفة الضيوف و ابدلت ملابسها بها ثم خرجت و نزلت السلم و توجهت إلى السفرة
كارمن وهى تقبل وجنتى والدها:صباح الخير يا بابى
نظر لها والدها ببرود و لم يرد عليها فحزنت كارمن كثيرا و جلست بجانب صديقتها التى نزلت قبلها
لاحظت منال نظرت الحزن فى أعين ابنتها فحاولت التخفيف عنها
منال بمرح:يلا يا كوكى انتى و البت بيبو خلصو بسرعة عشان تروحو تخلصو اخر امتحان بقا و ترجعُلنا عشان نخرج
مدحت ببرود:مفيش خروج
منال بغضب:ليه ان شاء الله
مدحت:عشان حاخد كل الفلوس المعاكى عشان فلوسى خلصت و الشركة مش عايزة تسلفنى
منال للبنات بأبتسامة:يلا يا بنات الbus مستنيكو برة
فهمت كل من حبيبة و كارمن أن منال لا تريدهم أن يسمعوا ما سوف يقال فأخذوا حقائبهم و خرجو بهدوء
مدحت ببرود:هاتى فلوس
منال بغضب:انت مجنون يا مدحت ولما تاخد كل الفلوس اللى معايا انا اصرف على كارمن منين
مدحت بهدوء:اتصرفى
منال بحدة و غضب:لا مش هتصرف انا خلاص قرفت من العيشة معاك كل شوية تاخد فلوس و تصرفها على القرف الانت بتشربه و الاومار الانت بتلعبه الفلوس اللى معايا دى بتاعت كارمن البنت ملهاش ذنب أن ابوها مش راجل مش عارف يصرف على البيت
وقف مدحت بغضب و صفعها ثم قربها له من شعرها
مدحت بغضب:انا راجل غصب عنك انتى فاهمة و اخلصى هاتى فلوس
منال ببكاء:معيش فلوس
نظر مدحت على عنقها فوجد عقد من الذهب فقطعه من رقبتها و القاها بعنف على الارض ثم خرج من المنزل ببرود و تركها تبكى بقهر و ضعف و تناجى ربها
.......................................................
فى مصر
فى مدرسة البنات
كانت منة و روان يجلسون فى حديقة المدرسة الخلفية و يتابعون مريم وهى تتحدث فى الهاتف مع شاب تعرفت عليه عبر"الفيس بوك"
مريم بصوت رقيق:طب باى بقا يا لولى عشان حطلع لجنة الامتحان
ثم أغلقت الهاتف و هى تمسك رقبتها و تدلكها و تزفر بضيق
مريم متمتمة:عيل خنيق
روان وهى تقلد مريم:طب باى بقا يا لولى عشان حطلع لجنة الامتحان (ثم أكملت بسخرية)كان يسمعك وانتى بتجعرى امبارح
مريم بلامبالاة:يا ستى فكك ده عيل فكسان اصلا
منة بتحذير:لو حسن عرف الموضوع ده مش حيعديهالك
مريم بخوف:محدش يقوله ونبى ده ايده معلمة على دراعى لحد دلوقتى(ثم أكملت بخبث)و بعدين هو مش قال إن انا أخته يلبس بقا
ضحكت روان و منة عليها و تذكروا ما حدث منذ شهر
فلاش باك
كانت مريم جالسة فى غرفتها تحادث شخص ما على "الواتساب" و لكن فجأة دخلت عليها والدتها
والدتها:بتعملى ايه
مريم بتلقائية:بكلم واحد معايا فى الدرس
والدتها:طب غيرى و انزلى عشان العيال تحت مستنيينك
مريم:حاضر
ابدلت مريم ملابسها و نزلت لهم ثم سلمت عليهم جميعا و جلست بجانب حسن على الأريكة
مريم بمرح:ايه يا سونا عامل ايه
حسن بهدوء:تمام
مريم بتساؤل:مالك
حسن بغضب يحاول إخفائه:ممكن تفتحى الباسورد بتاع تليفونك و تقومى تجبيلى كوباية عصير
مريم بأستغراب:حاضر
فتحت مريم باسورد التليفون و ذهبت إلى المطبخ تُعد العصير لزملائها بينما فتح حسن الواتساب الخاص بها و قرأ الشات الخاص بها هى و الولد الذى معها بالدرس فرأى أنه يبعت لها رسائل غرامية
فأستشاط غضبا من هذا الذى يتجرأ على النظر لملكية حسن سعيد فأغلق هاتفها و ألقاه على المنضدة التى أمامه بقليل من العنف
اتت مريم وهى تحمل الصينية التى يوجد بها اكواب العصير
منة بمرح:عقبال ما نشرب شربات فرحك يا اوختشى
حسن بهمس حاد:ده فى احلامكو
نظر الجميع له بأستغراب و تساؤل فلم يتحمل و امسك مريم من ذراعها و خرج بها إلى حديقة المنزل
مريم بتألم:اااه يا حسن كتفى حيتخلع
حسن بغضب:مين عمر ده
مريم:واحد معايا فى الدرس بس انت تعرفه منين
حسن بحدة:ملكيش دعوة اعرفه منين و بعدين يبعتلك بحبك بتاع ايه يعنى
مريم بغضب متناسية آلام ذراعها الذى ازرق:انت بتفتش فى تليفونى كمان
حسن بغضب:براحتى و الولا ده ابعدى عنه احسنلك و لو مبعدتيش حقتله قدامك ده طبعا غير العلقة الحتخديها
ادمعت اعين مريم و قوست شفتيها للاسفل مثل الاطفال ثم اجهشت فى البكاء
مريم ببكاء طفولى:انت شرير انت عايز تموت عمر صاحبى
كان حسن ينظر لها بحنو لكن عندما نطقت اسم عمر تحولت نظراته الى غضب
حسن بغضب يغلفه البرود:اظن سمعتى انا قولت ايه
مريم ببكاء:انت بتعمل كدة ليه
قربها حسن إليه حتى أصبحوا لا يفصل بينهم الا انشات صغيرة
حسن ببرود و سخرية:خايف على اختى
ثم تركها و رحل فبكت مريم لكنها تماسكت و دخلت الى الڤيلة
انتهاء الفلاش باك
صعدو إلى لجنة الامتحان وهم يضحكون
.......................................................
فى انجلترا
انتهت كارمن و حبيبة من الامتحان وهم فرحين للغاية لأنهم انتهو من الامتحانات
كارمن بفرحة:الامتحان كان حلو اوى
حبيبة:اه كان سهل
فجأة و هم يتحدثون وقف أمامهم شاب ما معهم فى المدرسة يدعى "مايكل"
مايكل:هاى يا بنات
حبيبة و كارمن:هاى
مايكل:كارمن عايزك ثوانى
ذهبت معه كارمن على مضض
كارمن بضيق:نعم
مايكل بحب:كارمن انا بحبك ارجوكى اسمعينى للآخر انا بحبك من زمان جدا بس كنت مكسوف اقولك بس شجعت نفسى و جيت قولتلك اهو
كانت كارمن تتابعه بصمت
كارمن بهدوء:انا مقدرة مشاعرك دى بس انا عايزة اوضحلك حاجة انا مسلمة وانت مش مسلم و عندنا فى الدين حرام اتجوز واحد مش مسلم زيى
مايكل بتوتر:آآ بـ..بس آ انا مش حتجوزك
كارمن بعدم فهم:مش فاهمة قصدك
ابتلع مايكل ريقه بصعوبة ثم نظر للاسفل بتوتر و قليل من الخجل
مايكل بإحراج:انا قصدى آآ يعنى نـ..ن..ننام مع بعض
ما إن انهى جملته حتى سقطت على وجهه صفعة قوية
كارمن بحدة:انت إنسان سافل و مش متربى ازاى تفكر انى ممكن اعمل حاجة تغضب ربنا انا اه لبسى قصير و ضيق لكن موصلتش لأنى ازنى مع واحد حقير
خرجت كارمن من بوابة المدرسة و اتبعتها حبيبة
حبيبة وهى تحاول أن تلحقها:يا بت استنى شوية ايه مركبة عجل فى رجلك
وقفت كارمن تحاول التقاط أنفاسها بحدة
كارمن بغضب:حرق دمى البعيد
حبيبة وهى تلهث:قطعتى نفسى
كارمن بهدوء:يلا نروح
حبيبة:لا يختى انا هروح بيتنا عشان ماما بقالها كتير بتقولى كفاية نوم عند كوكى بقا و كدة
صافحتها كارمن و غادرت
.......................................................
فى المساء
فى ملهى ليلى
كان يجلس مدحت على طاولة "الاومار" مع صديق له عمره 52 و بجانبه فتاة ليل ترتدى فستان قصير يظهر اكثر مما يخفى و بيده كأس نبيذ
صديق مدحت بضحكة سمجة:ايه يا مدحت حتلعب على ايه مش انت معكش فلوس
مدحت بضيق:اخر خمسين دولار معايا حلعب عليهم
صديق مدحت بمكر:لا طبعا العب على حاجة اكبر
مدحت بغيظ:ما انتو خسرتونى كل فلوسى حلعب على ايه
صديق مدحت بخبث و شهوانية:بنتك كارمن
لمعت أعين مدحت وهو يتخيل كم الأموال التى سيجنيها من وراء كارمن فـقال
مدحت بخبث:ماشى حلعب على بنتى بس الحيكسب حيتجوزها و يدفع كتير طبعا
صديقه بخبث:لو انا كسبت حكتب عليها بكرة
مدحت ببرود:تمام
دمتم سالمين 💜
نزلت البارت 2 اهو بس بجد زعلانة لأن مفيش تفاعل 😒💔مش هنزل تانى غير لما الاقى تفاعل يعنى بتاع 300 او 400 لايك مثلا انتو اللى بتخلونى اتأخر لأنكو مش بتتفاعلو 😒💔💔