بين العقل والطريق
للكاتب غزوان علي
البارت التاسع :
اخر شى اتوقعه اطلعين هيج مااعرف شنو اكولج لو شنو الي اسوي بيج حتى الذبح قليل عليج
ود.. ارجف من الخوف واحجي اول مره اشوف خالد هيج فهمني شصار وليش هيج تعيط اني مسويت شى والله
خالد .. شتريدين تسوين بعد وحده زباله ناقصه تربيه شنو ذنب اهلج هيج تجازيهم
ود.. انصدمت بكلامه ودموعي مباشره نزلت
انت ليش هيج تحجي مااسمحلك الزم حدودك
خالد .. الزم حدودي وانتي ليش ملزمتي نفسج ليش محترمتي شيبة ابوج واخوتج وبالذات غيث مفكرتي بيه متعرفين بيه شكد يحبج هسه اني اروح اكوله يكتلج اكيد وكمت اعيط فقدت ولزمت رگبتها بقوه
ود.. لزمني من رگبتي بقوه وخنكني اريد اتنفس ماكو
اخنك بيها واحس دااخنك نفسي اليوم اكتشفت اني مو معجب بود اني احبها واحس خانت حبي رغم ماكو شى بينا وصارت زركه جوه ايدي وتحاول تدفعني متكدر انتبهت راح تموت كوه تتنفس وخرت ايدي
ود.. كحيت واريد اتنفس ماكو وكمت ابجي واعيط ولك حرام عليك شسويت اني تخبلت وهيج تتهمني وفوكاها تريد تموتني احجي وابجي بقوه
خالد .. شفت حبيب الگلب وحجالي كولشي
ود.. ياحبيب ماعندي حبيب
خالد .. انجبي وفوكاها تنكر اكيد تعرفي المعيد هشام سعد الي بقسم المحاسبه
ود.. اصلاً هذا بالذات مااطيقه وشكد حاول ويايه منطيته مجال
خالد .. شنو قابل يكذب
ود.. مسحت دموعي وحجيت بقوه بله كولي شكال هشام
خالد .. كال انتي صاحبته ووو
ود.. ووو شنو كمل
خالد .. وعلاقتج بيه محرمه وتمارسين حتى المحرمات ويااه
ود.. ينجب وينكص لسانه اني اشرف منه ومن اكبر واحد واذا انت صدكت حجي هذا النذل اني مستحيل اصدك يعني فهمني انت اي واحد يكول هاي صاحبتي تصدكه حكمت عليه وانت تعرف كلش زين شنو اخلاقي وشنو تربيتي وتعرف اني مااسوي الغلط ً والحرام لو على گص رگبتي
خالد .. وشنو غايته من هذا الحجي
اني لازم اكول لأخوتج وهمه يتصرفون وياج
ود.. واجهني بيه اذا عنده دليل واحد على كلامه شتريد سوي سوي راضيه
خالد .. مااكدر اتصرف بهيج موضوع بدون ماارجع لأخوج لازم هو يحلها
ود.. اني مغلطانه وداكولك واجهني بيه ليش تكبر الموضوع احتمال مواني احتمال يتشاقى
خالد .. عيطت عليها هوهذا موضوع مال شقه عبالج زوج وتمثلين عليه احتمال انتي تتفقين وياه ومن اواجهه يكول موقصدي ود
لهاي الدرجه شايفني ممتربايه
خالد .. هي ضاعت شو حتى الشريفة هاي الايام متنعرف
ود.. اسمع خالد اني احترمك اي احسبلك حساب واحتمال اقدر موقفك اي لكن مال ادافع عنه وتصدك كلامه وانت اكثر واحد تعرف اني شنو لهنا وبس وهذا هشام حار شسوه حتى يجذب انتباهي بالاول طلب اكثر من مره علاقه ورفضت وبعدين طلبني مرتين للزواج وهم رفضت
خالد .. وليش رفضتي
ود.. لان هو واحد سافل وشفت حقارته لان رفض شوه سمعتي الله اعلم بالكليه شكايل عني
شوف اني لو اريد اسوي شى اكبر واحد ميمنعني وخاصه اهلي منطيني كل الحريه بس الي يمنعي خوفي من الله واكف بعيوني بابا واخوتي ومو اني بنت ابو زيد الي تنزل راس ابوها واخوتها
لهذا الي سواه هشام راح يدفع ثمنه وحتى الي انت سويته وتسرعك واتهامك الي راح ادفعك ثمنه رجاءاً رجعني للبيت تأخرت
ولتخاف اني راح اكول لأهلي لان عندي ثقه بروحي ممسويه شى غلط
خالد .. معرفت شاگول وخاصه اني اشوفها شون عدها ثقه بنفسها بأن ممسويه شى غلط وتدخل بعيوني وبقيت بشك وبحيره ومنو الي كلامه صح ودعيت من الله يكون كلام ود صح
وحركت السياره وساد الهدوء الطريق كله بس انداريت شوي عليها شفت دموعها تنزل بهدوء ورغم شكد اني متأذي من الموضوع بس احس دموعها تنزل جمر عليه
واول موصلنا للبيت نزلت ركض وركعت باب السياره وتبجي نزلت وراها
ود.. دخلت منهاره وابجي وجان غتو بالمطبخ على الكرسي وبصفه زيد وشهد ويضحكون واول مدخلت تخبلو من شافوا وضعي
غيث .. شبيج وده بيج شى
زيد.. احجي ود احد تعرضلج
شمرت نفسي بحضن شهد
شهد .. يمعوده احجي وكعتي گلبنا ودخل خالد بحكم الصداقه الي تربط عائلتنا بأهله عادي يدخل بس يدك الباب
غيث .. احجي نشفتي دمي
خالد .. ماكو شى ليضل بالك متوتره شويه
ود.. لا احجي الحق مو ردت تبلغهم ليش رجعت برأيك كول السبب الرئيسي
خالد .. تفاجأت بفعلتها وضليت ساكت
ود.. حجيت كولشي لغيث وزيد ومااشوف غير زيد يعيط ويصير نار وركض يروح يجيب سلاحه
خالد .. شجاك زيد كول ياالله ونزل اسلاحك
زيد.. اليوم هذا الي اسمه هشام ماابقي يشتم الهوا كله ولا اختي وعرضي اليوم ادوسه وادوس عرضه اني اله
غيث .. خابر ولد عمي خلي يرحون وياك اااخ لوما اعاقتي جان عرفت شأسوي بهذا الي اسمه هشام
خالد .. يمعودين اوكفوا احتمال الولد يقصد غير. وحده واني فهمته غلط
غيث .. احد كلك احنا اغبياء
زيد.. لزمت ايد ود بقوه احجي عندج شى ويااه
ود.. ابجي واحجي هو اني لو عندي شى ويااه اجي اكولكم يعني انتم هم صدكتوه لهذا السافل
غيث .. شون انصدكه تخبلتي بس لازم انربيه شون يندك بيج وبسمعتج .. كروب قصص غزوان علي
خالد .. بهيج حاله راح تفضحوها بالزايد موكولشي بالاعصاب والعركه والسلاح اكو شى اسمه عقل
ود.. وانت بقيت عقل وخاصه سمعت اله بدون مترده ولا تجاوبه ولا حتى تفكر ادافع عني
خالد .. قدري موقفي وهو يأشر ويكول ذيج صاحبتي واكيد ميعرف اكو معرفه بينا يعني مستحيل اتوقع يكذب عليه شنوو مصلحته
ود.. كاااافي اسكت اني اشرف من الكل وبشر ملامسح اصبع مني انجرحت منه لان مصدكه للولد رغم كل هذا الكلام
وطلع خالد وزيد واجه ابن عمي اسمه زياد والثاني عمار
وراحوا على بيت الولد وغتو صاير نار وكل شويه يضرب شى ويكسره لان يحس روحه عاجز
خالد .. وصلنا للكليه دورت على هشام ولكيته وصحته للبارك مال الكليه وزيد ولد عمه لزموه ووعياط ويردون يضربوه واني احاول اهدي الوضع بس ميفيد واكو طلاب جانت تسمع وتشوف تهجم زيد ولد عمه على هشام وصياح وعياط وديضربوه وكام يحجي ًً
هشام .. اني مقصدت اختكم بالعكس اختكم اشرف من الشرف
خالد .. لتكذب هشام انت ذكرتها هي بالذات
متوهم خالد ذكرت البنت الي وراها
خالد .. ماكو اصلاً بنيه جانت واكفه وراها واكدت اكثر واشرت على ود وانت كلت ذيج صاحبتي
هشام .. شفتوا كلت ذيج صاحبتي مو ود صاحبتي واصلاً انت منطيتني مجال افهمك ركضت وصحت وراك وعفتني ورحت تجيب اخوه ود
خالد .. لزمته من ياخته وضربته واكوله انت جذاب قصدتها هي وعلت اصواتنا والضرب صار بينا اول مره افقداعصابي اني بطبعي هادئ بس صرت نار من كذب وطلعني كذاب وكل مااتذكر دموع ود اتخبل واكثر الطلاب طلعت على عياطنا وزيد ضرب هشام على راسه بالسلاح بطرفه وكاام ينزف وكع بالكاع والامن ادخلو ورادوا يأذون زيد بس من عرفوا مركزه خافوا منه
ود.. بقيت ابجي وتهدي بيه شهد وغيث ميباوع بوجهي شبسرعه حكم عليه صح هو كولشي محجه ويايه بس دااشوف عيونه بيها اتهام
مر اليوم وكبرت الشغله وادخل والدي وخاصه هشام اشتكى على زيد وصار بيها مركز وتحقيق واهل هشام ناس واصله وعدهم معارف بالدوله
اني منهاره لا اكل ولا نوم وامي بس تقرا على راسي
ام زيد.. بنتي لتبجين احنا كلنا نعرفج زين ونعرف تربيتنا مستحيل تسوين شى غلط
ود.. لعد ليش غتو ميباوع بوجهي
ام زيد.. ياامي غير موهينه عليه يطعنون بشرف اخته وكدام صديقة والله اعلم كدام منو بعد حاجي وفوكاها اخوج ميكدر يكوم ويأدب هذا الي حجه عليج ويحس روحه عاجز قدري موقفه بنتي وكافي بجي عيونج انتهت
موج .. اليوم كله غيث ماكو اول مره يسويها حتى رساله منه ماكو جنت محتاجه وجوده يمي وخاصه بعد مشكله البارحه دزيتله رساله
طمني عليك اليوم شًّـوماكو
غيث .. وصلتني رساله من موج بس من كثر متعبان وضايج مجاوبتها
موج .. وينه وليش هيج يتصرف يجوز زعل لان مجاوبته البارحه بليل موبيدي جان وضعي كلش تعبان
بقيت اليوم كله قلقه وقررت اخابر ود وافهم منها اتصلت وجاوبتني تبجي
شبيج صاير شى متت خوف احجي
ود.. وحجيت كولشي لموج
موج .. لا ياربي شون مصيبه وتالي هسه زيد حبسوه
ود.. لا بس اكو ناس باجر يجون من اهل هشام حتى يحلون القضيه والموقف شفتي الي صارلي تمنيت اعيش يوم حلوو من عمري واحس بقربه تالي انتهى بمآسات وفوكاها صًدك بذاك ومصدك بيه متعرفين الموضوع كله بكفه وحجي خالد وشكه بأخلاقي بكفه ثانيه
مجروحه حيل منه لدرجه حتى تندمت على حبه وكرهته
موج .. الي يحب ميكره وانتي هسه بوضع حرج ولازم تهدين حتى تفكرين صح
وغيث شكال
اوووف ياغيث موتني ميباوع بوجهي وصاير نار ويحس روحه مابيه خير لان مكدر يدخل بسبب وضعه الصحي
بالي كله يمه وهسه قلقت اكثر
ود.. لتركي وحده صح انتي هم تعبانه بس هو هسه محتاجج موج اخويه واعرفه من عيونه اعرفه
والله دزيتله رساله ومجاوب
ود.. دزي مره وثانيه وثالثه لحد ميجاوب تره هو كولش تعبان
موج .. راح اتصل بيه وابقى اتصل لحد ميجاوب
اتصلت مره واثنين وثالث مره جاوب
الووو
موج .. الوو ياغالي شونك
غيث .. ااااااااه ياموج تعباان كولش
موج .. اعرف حقك الي كاعد تمر بيه دوامه
غيث .. تعبان كولش ومابيدي شى اسوي
اني عرفت الموضوع من ود اكيد انت ممصدك كلام ذاك الولد
غيث .. شبيج موج شون اصدك هاي غير اختي واعرف اخلاقها ومستحيل تسوي شى غلط احنا مربيها صح ومستحيل تتجرأ تسوي شى حرام احنا مربيها صح ومو اخت غيث الي تخلي واحد يلمسها بلحرام
موج .. مااعرف ليش كلامه وعصبيته حسسني بنقص بيه وكأن الكلام موجه اليه وحسيت بأهانه لان يكول متسوي حرام وتذكرت الحرام الي بينا وانقهرت
غيث .. موج حبيبي شبيج سكتي
موج .. اني الي اسوي الحرام معناه اني ممتربايه
غيث .. انتي ليش تخربطين بالكلام موقصدي حبيبي انت تاج على راسي موج ولومااعرف اخلاقج واحبج مجان تمسكت بيج واريدج بالحلال بس داحجي على ود ليش تتحسسين من كلامي لوما احسج روحي مااحجي الي بداخلي كله الج
موج .. مصار شى غيث سد الموضوع
غيث .. موج فدوه مالي حيل المشاكل كافي الي صار البارحه اخذ نص حيلي وفوكاها محاسبتجً على قله احترامج اليه
موج .. اني ممحترمتك بالعكس الك كل الاحترام قلبي
غيث .. مال اتصل ومتجاوبين مااقبلها منج افتهمتي لومهما كان ظرفج تجاوبين هاي اول واخر مره احذرج احبج واتنفسج شى والاحترام شى ثاني لازم نحترم بعض
موج .. اسفه وحقك
غيث .. تعالي انطيني بوسه
ابتسمت شون اجي
غمضي وتخيليني يمج وتقربت شوي شوي ولزمت وجهج بهدوء وبستج اااااااه ياطعمج يموتني
موج .. اووف منك انت بياحال
غيث .. حبج هو الي يقويني متعرفين شنو تأثيرج عليه
موج .. اروح اني يمكن اكرم اجه
غيث .. شعجب اليوم من وكت
موج .. مااعرف يله قلبي باي
غيث .. باي حبيبتي
أكرم .. وينج مو داصيح عليج
موج .. موجوده ًوين اروح
أكرم .. حضريلي الحمام عندي طلعه
موج .. مًـُاُشي وطول اليوم افكر بكلام غيث اني بعد مستحيل اخلي يلمسني لازم اتصرف بعقلانيه صح احبه بس لازم ماانسى نفسي
ود.. ثاني يوم اجوي اهل هشام ومجموعه من اهلي واخوتي وخالد والدنيا نگلبت ناس تحلف وناس تكول واني محد فكر بنفسيتي شنو الي راح يصير بيه وخاصه صديقتي اتصلت بيه وكالت موضوع هشام كبر وهواي طلاب تحجي بيه دكيت ولطمت اني سنين محافظه على سمعتي هيج تضيع
هشام .. حلاً للنزاع والمشاكل اني يشرفني اطلب ايد كريمتكم ود
خالد .. هنا اني انصعقت والكل تفاجأ
ابو زيد.. وعلى اي اساس ازوجك بنتي قابل غلطت وتصلح غلطك بنتي اشرف من الشرف
هشام .. عمي لو مااعرف شنو بنتك وشكد شريفة مااخطبها واخليها تحمل اسمي لو مومشاكل لو موو فصول مع احترامي لكل اهلنا الي كاعدين بس فعلاً صار غلط بالموضوع وكبر لكن ماانكر كريمتكم منتهى الاخلاق والشرف واذا اريد ارتبط ماالكه احسن منها وياريت توافقون اكون ممنون ونكون اهل ونطوي هاي الصفحه
زيد.. يعني هذا اعتذار اعتبره
هشام .. ابو حسن اني مغلطت صار سوء تفاهم واكدر اكد على هذا الشى ولو العتب على صديق عمري الي وكعني بهاي المصيبه بس اني الي دااشوفه كبر الموضوع واخذ سمعته بين طلاب الكليه ومااحب ست ود تتأذه بسببي وارجع واكول كريمتكم منتهى الاخلاق وفعلاً تستاهل اتقدم الها
غيث .. انطينا مهله نفكر وانردلك طبعا. بعد اذن الوالد
ابو زيد.. صح كلامك ابني انطينا مهله
هشام .. اني الي عليه سحبت القضيه وماكو اي شكوى ضد ابوحسن واليوم اجيت اهدي النفوس واتقدم بشكل رسمي واتمنى توافقون
خالد ..
متحملت وطلعت حتى بدون مااسمع باقي الكلام واني احس بتهوري واستعجالي خسرت ود اول مره احس بروحي شكد احبها ومااريدها تضيع مني بس شون واني الي ورطتها
غيث .. تعاي وده اكعدي يمي
ود.. نعم
غيث .. اولاً ليش بس تبجين صار ٣ ايام جره وحده مسكتي مكافي
ود.. ابجي لان احسكم مصدكين كلامه
غيث .. مستحيل انصدك والدليل لا بابا ولازيد ولااني فتحنا الموضوع وياج بعد لان احنا نثق بيج بس اكو شى لازم تعرفيه
هشام تقدملج ويريد يتزوجج شتكولين
ود.. مستحيل مااوافق واحد شهر بيه ولعب بسمعتي لعب وتريد اوافق
غيث .. موكال خالد متوهم وقصده غير وحده
شوف غتو كلام خالد صح مجان اكو بنت ورايه اصلاً اني والبنات واكفين بصف الاشجار وماكو احد لا ولد ولا بنت واقرب مجموعه كاعد يمنا اقل شى تبعد ١٠ امتار يعني اكيد يقصدني واني اعرف بيه هو متقصد لان تقدملي اكثر من مره ورفضته
غيث .. ليش مكلتي متقدم سابقاً
مكنت متوقعه يسوي هيج بيه فدوه غتو مااريد اتزوجه
غيث .. الله كريم خلي نشوف ابوج واخوج الجبير شيكول
اكدر ادخل
تعالي شهوده
شهد .. غتوو شًّــوو ماكو متسأل على جهال اخوك وخاصه ياسمين
غيث .. تعرفين بوضعي ومااكدر اشيلهم
متكدر تشيلهم لو اخذتك منا
منو الي اخذني
ست الحسن موج خانم
غيث .. شنو هاي النبره اول مره اسمعها
شهد .. مكلت شى بس مااحب تسيطر عليك وتركبك وتتحكم بيك
غيث .. تلاحظين روحج شكد صايره تمسلتين بالكلام شجاج تخبلتي
شهد .. شبيك تعصبت سبيت العنب الحامض مكافي ادافع عنها وهي مذنبه
بشنًو مذنبه
خليني ساكته مااريد احجي وتنجرح
غيث .. اذا ماعندج حجي اطلعي بره اريد احجي ويه وده براحتي
شهد .. شفت شون غيرتك اوف يانسوان تلعبن لعب
غيث .. كافي واطلعي بره
ود.. هاي شبيها ميته من موج مجانت هيج جانت كولش تحبها
غيث .. عوفج منها هاي خبله
زيد.. ود حجه اخوج وياج وكلج اكيد على هشام
اي وكتله مااريد
موبكيفج حجيت ويه ابوج الجمعه جايين يقرون الفاتحه
ود.. ههههههه اكيدتتشاقى
زيد.. هذا موضوع واحد يتشاقى بيه كتلج اتفقنا اني وابوج وانطينا خبر للولد حظري نفسج
غيث .. احد كلكم اني رجل كرسي بالبيت محد اخذ رأي
زيد.. ليش هو هذا موضوع ينوخذ رأي بيه اختك تصخمت سمعتها بالكليه وماكو غير يخطبها حتى انلم الموضوع اصلاً اني كيفت لان خطبها اقلها نسد حلوك العالم
غيث .. بس هي مسوت شى غلط
زيد.. سوت او ماسوت صارت بعد والافضل تنخطب اله وينسد الموضوع
غيث .. والله مااعرف شأكولك
ود.. اني مسويت شى غلط هو سافل وطعن بشرفي ومكان متأدبوه راح تنطوه جائزه اختكم يعني من كل عقلكم مستحيل اوافق لواموت
زيد.. توافقين ورجلج فوك راسج وحسج مااسمعه هي هاي الحريه هاي نتيجتها لو ملتزمه بلبسج وحجاب مجان صار هذا وضعج
ود.. ليش هي بلبس والحجاب ليش ماكو محجبات يتعرضون للحرشه والمضايقه
وشعلي الحجاب بالاخلاق والتربيه هواي محجبات ميملكن ذره اخلاق وفاسدات ومتخذات الحجاب غطاء لأعمالهن واكو سافرات منتهى الادب والتربيه ويخافن الله بكل مجموعه اكو الزين واكو الشين ليش تذب الصوج بيه وانت تعرف شكد اني بريئه
زيد.. انتهى الموضوع ود كافي سمعتج صارت على كل لسان عدا بالمنطقه الله اعلم شراح يحجون اذا طلع الموضوع
يعني لان ابنيه تجنون عليه وانتم تعرفون كلش زين اني بريئه وهو ولد طعن واذاني متحاسبوه والله حرام عليكم
زيد.. شون محاسبناه واني خليت دمه بطوله وردت اكتله لوما الولد لزموني بس الوضع فلت من ايدينا ولازم انلمه
ود.. وحتى تلموه تنطون اختكم اله
غيث .. على كيفج راح تموتين من البجي
ود.. لوما حرام حتى اموت روحي
زيد.. انت هشام خوش قسمه معيد بالكليه وشاب مرتب وامكانيته زينه واهله من الناس المعروفين والهم سمعتهم الطيبه
ود.. وشنو الفايده وهو سافل هاي موج مو متزوجه ابن حجي ثابت وهو الرجال من خيره الناس بس ابنه اسقطهم شنو الي حصلته من اهله .. بيج قصص غزوان علي
زيد.. مالج علاقه بموج هاي مصيبتها وحد
غيث .. عوفو حبيبتي كافي الضيم الي هي بيه
ود.. وانتم راح تسون نسخه ثانيه منها
عفتهم وطلعت وبقيت ابجي ولزمني بابا وهم نفس الكلام الموضوع منتهي صار الليل متحملت كميه الظلم الي انظلمته واتندمت لان بلغتهم وساعه وحده بليل واني ابجي ومنهاره اتصلت بخالد
خالد .. الليل كله مداانام والقهر الي بقلبي مدااتحمله واحس اني السبب خسرت ود. وجان يدك التلفون ساعه وحده مكتوب ود گلبي نبض بقوه وجاوبت واسمعها تشهك بالبجي وتحجي
ود.. كله من وراك ليش هيج سويت لوما استعجالك ومفتهمت الموضوع وكتلك وتوسلت بيك نواجهه ونفتهم مجان هسه اني مجبوره اتزوج هشام
خالد .. راح تتزوجي
ود.. موبكيفي غصب كله من وراك شدعيلك الله يوجع كلبك مثل موجعت گلبي ومتشوف الراحه بيوم خطيتي برگبتك وسديت التلفون بوجهه حتى بدون مااسمع الرد مالته
سدت الخط واتصلت ومتجاوب ردت بس اهديها واعتذر الها اخر شى طفت التلفون وبقيت الليل كله كاعد بس طلع الصبح رحت للكليه على هشام ادور عليه سألت كالو بعده مجاي واني امشي شفت مجتبى سلمت عليه هو صديقنا وجان يهزني بكلامه
مجتبى ..اعرف بيك زعلان الي سواه هشام ميسوي عاقل
خالد .. يعني عرفت كولشي
مجتبى.. والله الخطه مالته الشيطان ميفكر بيها
خالد .. ياخطه
مجتبى ..اني لان احبك واعتبرك مثل اخويه راح احجيلك بس الله شاهد مرضيت على سوايته
خالد .. احجي يمعود
مجتبى ..انت تعرف بهشام وعلاقاته ونزواته يوميه مصادق وحده الحلوه والمحلوه البيضه السمره حتى المتزوجه ياهو تعجبه يصادقها اله اثنين وحده اسمها نور وحاول وياها وفلتت منه اتزوجت وبطلت من الكليه والثانيه ود بس ود تختلف تراهن عليها وحاول بكل الطرق يوكعها ومكدر وصل مرحله تقدم للزواج وعرفت بيه كام يحبها من سألته كال حبيتها ومستعد حتى يتوب من النسوان لخاطرها ورجع تقدملها وهم رفضت لان تعرف سمعته يموت على البنات وحاول يجيبها بكل الطرق كتله اخطبها من اهلها كال شنو الفايده وهي رافضه واكيد مراح يجبروها وبيوم اجه اخوها اخذها غيث وحاولنا نتذكر هذا الولد وين شايفيه اتذكرنا هو صديقك وبدا يفكر يدخلك بالموضوع حتى تساعده بس هو متحمل بيوم من شافها نازله وياك من السياره وضحكتها شاكه حلكها كال بس لا عدها هي ويه خالد لان هي بطبعها هادئه حتى الضحك مالتها بحساب ومن شافها تضحك وياك وفرحانه لعب گلبه اني متوقعت يستغل الموقف هيج واتقصد يطلعك من الكافتريا بحجتي حتى يسمعك هذا الكلام
خالد .. ايا ساقط وزين وشراح يستفاد من كل هذا
مجتبى .. كال من اسوي فضيحه الها غصب عنها توافق تتزوجني واحطها واحط اهلها كدام الامر الواقع
خالد .. هذا مريض وحده متريده على اي اساس يسوي هيج اليوم اموته بأيدي
مجتبى .. رحمه لأبوك لتسوي مشاكل اني كتلك لان حسيتك وكعت بالرجلين والعشيرتين عشيره هشام وعشيره ود لازميك وكل واحد يجرك من صفحه وحق الصداقه اجيت كتلك لتورطني ويه هشام رحمه لأبوك
خالد .. وشون تريد اسكت بعد كل الي سواه مخاف اخوتها يصدكون بحجيه ويكتلوها
مجتبى ... جان محسب لكلشي وبنيته مباشره يخطبها حتى اذا موصلت انت الموضوع لأخوها جان سوه خطه ثانيه يوصله المهم يسوي تشهير وبعدين تنجبر توافق
خالد .. والله ورب الكعبه مااخلي يلمس شعره منها اني اله
وطلعت ركض لبيت ابو زيد دكيت الباب طلعت شهد
هاا صباح الخير شو اليوم من وكت صاير شى
خالد .. غيث كاعد
شهد .. اي طب موجود بالغرفه
دخلت وسلمت وكعدت كباله غيث اني طالب ايد اختك ود اريدها تصير زوجتي
غيث .. هااا لا اكيد تخبلت
لا عاقل واذا تحبني وتعتبرني اخوك اترجاك وافق واقنع اهلك
غيث .. انصدمت بطلب خالد اكل راسي وصاح زيد وساعه يحجي ويااه احنا كولش نحبه لخالد لان نعرفه خلوق وابن ناس وفعلاً يستاهل ود
وحجينا ويه الوالد والوالده وهذا كله خالد ويانا متركنا هههههههه تكول عباس المستعجل والصراحه الكل گيف لان نحبه ونعتبره اخونا بقت ست ود متعرف
غيث ..تعالي دوده عدنا موضوع ويااج
ود.. هم رجعت لدوده كعدت خير احجوا
زيد.. عندي موضوعين الاول موضوع هشام انتهى مراح تتزوجي
ود.. طفرت من مكاني صدوك وبقيت ابوس بيهم لأخوتي وبابا وماما ويضحكون والفرحه مسايعتني واخيراً خلصت منه
والموضوع الثاني هم خطوبتج الجمعه
ود.. كعدت شنووووووو
ياخطوبه كاعد تلعبون عليه
زيد.. حسني اسلوبج ونصي صوتج لتنسين ابوج واحنا كاعدين .. كروب قصص غزوان علي
ود.. شون انصي صوتي وانتم كل شويه تأذوني بموضوع والمن انخطب اذا هشام ماكو
زيد.. خطبج خالد واحنا وافقنا
ود.. ليش حرام عليكم تلعبون بيه اني بشر مو لعبه كل شويه واحد شامرني
ابو زيد.. سمعي بنتي بعد يومين قرايه الفاتحه والمهر وراها بإسبوعين الزواج وكلام وصوت مااسمع افتهمتي
ود.. سكتت ومشاعر غريبه بداخلي كره وحب بنفس الوقت حزن وفرح مشاعر مضطربه وطول اليومين بس ساكته ومااكل
موج .. ولج انخطبتي من حب عمرج وضايجه ومتريديه انتي بابا بيج انفصام بالشخصيه
ود.. محد راح يفهمني مردت هيج اتزوج هو خطبني لان كسرت خاطره ودعيت عليه ويحس بتأنيب ضمير ومستحيل اتزوجه بهاي الطريقة
موج .. لتحللين المواضيع بكيفج وتوكلي على الله ولج لو منج جان هسه ادك واركص
ود.. وجرت حصره قويه اااااااه ياموج الهم الي بگلبي محد يحس بيه خلي اروح انام اكيد هسه غتو يتصل بيج ويلكااه مشغول ويرزلج
موج .. حتى رزالته حلووه هههههه
ود.. ههههههه مخابيل والله
وثاني يوم صارت الكعده
ابو زيد.. باباتي شهد صيحي ود خلي تجي حتى يتم عقد السيد بسرعه
شهد .. حاظر عمووو
وركضت ادور على ود. لكيتها كاعده هادئه صح محضره نفسها فستان حلوو ونازك بس عادي ماكو اي فرحه بعيونها
ود.. كعدوني وره الباب سألني السيد وبعد الكلام هل قبلتي بخالد زوجاً لك
ود.. سكتت
رجع السيد عادها مره ثانيه
شهد .. ولج احجي
ام زيد .. ماما شبيج جاوبي
السيد قولي نعم
ود ... لا ارفض الزواج
يتبع .....