#بارت 32
# عشك الجبل
بقلم:-حور حيدر
ضرغام:رحت منا الدنيا طالعه من عيني شلون منتبهت للاثر وحته لو منتبه هذه طبيعي ولازم تتقبل اكو مره الها حق بيه غيرها .. ...رحت مقرر لعمي احدد موعد العرس...
اسوق وفكري وياها ردت اسوي حادث كم مره ...لان ممنتبه رغم كل الصار والكالته كاره روحي لان مديت ايدي عليها ...
والله لو بيدي لاخذها واروح لجزيره مابيها غيرنا
وهناك اسوي بيها الاريده...واطلع حركه قلبي
مال لسنين كلها...
ضربت الستيرن قوي واني اصيح...
ربي ليش من صباحيه الله اني من دون البشر هيج...
عود جنت جايها ومتلهف الشوفتها...
هاي تاليي...
اوووف سهله ليلى الضاهر اتساهلت وياج هواي ...
اشوفج منو ضرغام ...
وصلت للمعمل ...
نزلت من السياره لاكاني فارس يحجي ويه العمال بره
شافني عافهم واجه ...
حاولت اجر نفس وابين نفسي طبيعي...
كال...هلوو بابن العم ونسيبي وهو يضحك
كلت بقلبي هنيالك على قلبك البارد ..لا حب ولا طيحان حظ...
كتله واني مالي خلك احجي ويه احد...هله ابو الفوارس ..اكلك عمي موجود فوك
كال باستغراب..اي موجود خير صاير شي
كتله ..لا مصاير الا الخير..بس رايده بشغله مستعجله
...
يله اشوفك بعدين ...
عفته ورحت لمكتب عمي...
دكيت الباب ودخلت..كلت السلام عليكم عمي
اول مشافني كام ...
هله بضرغام..تعال اتفضل
المن داك الباب المكان مكانك...
وره ما كعدت...
كتله عمي اريد اطلب منك طلب ...ويا ريت متردني
باوعلي مستغرب...
افه عليك يبن اخوي ...كول والتريده
يجرالك ...
كتله ...ما تقصر عمي..بس الي رايده منك
اريد زواجي من ليلى يصير هذه الاسبوع...
اتفاجئ من طلبي...كال
ادلل ابني ..بس مو تشوف نفسك مستعجل
مصارلكم يومين من عقدتو ابني ..
وتعرف ليلى عدها جامعه...وتعرف
هيه شارطه تكمل دراسه ...
فليش ما تنتضر شويه ومنها ترتب امورك..
كتله باصرار واني اعرف بعمي ميريدلي طلب ...لا عمي كل شي جاهز
البيت مجهز وينتضر العروسه ...
وبلنسبه لدراستها ..تجي يمي وتكمل
ما عندي اشكال...
عمي كال...مدام هيج تامربس خل ناخذ راي العروسه
اووف من العروسه ...واني اشال حالي وبهذل احوالي يعمي غير عروستك ...
طلعت من عمي ..بعد ما اتفقت وياه
ارتاحيت شوي لان حتصير دوم الي ..جنبي بحضني
مثل ما جنت اتمنه ...
بس احس بقلبي مخنوك ...
جنت ااتمنه تكون برغبه منها.. اريد احسها متلهفا لوجودها بحضني اكثر مني...
...
صعدت السياره مالي خلك اروح لمكان ...
رحت للمكتب..ذبيت روحي علشغل
محسيت على روحي الا الساعه 9 بلليل ...
على اتصال ليلى ...اتفاجئت من اتصالها
حسيت قلبي فرفح من شاف اسمها...
معقوله حست بغلطها وخابرت تراضيني ..
حاولت اقسي قلبي وما رد عليها...
متنتهي الرنه..لكيت ايدي اجاوب
...كلت بجمود
نعم..شرايده
اجاني صوتها تبجي وتصرخ ...
انته الي شرايد مني ...كتلك ما ريدك
عوفني ..موو ميت عليها
كتلها وحاول اسيطر على اعصابي لام واضح انها منهاره...ليلى بلا خبال ولتزيدين بلحجي
كالت بصوت ناصي وصوت بجيها مرد قلبي...
عووفني ...انته مو رايدها
شكوو جاي لباابا وكايله ..علعرس
ضرغام..شبيج ليلى شنو شكو كايله
ها هيه عقدك عليج ...بعد عليمن ماجلين
واحنه كل يوميه عركه ...
خليج ابيتي والي يعجبج سوي ...
ليلى احس دا ذب نفسي للنار كلما يجيبون طاري العرس...
زواج ما ازوج ...لا والله هسه احرك نفسي
ضرغام اسمعها راح اجن والله شبيها هاي اتخبلت...
وج ليلو شبيج اتخبلتي ...
شنو ما تردين العرس ..شبيج شجرالج
ليلى ودموعي تجري...شبيه يعني
الصبح كاتلني علمود الست نسرين ...وجاي هسه تحدد مووعد العرس ...كتلك زوجه ما صير الك..
تخابر ابويه وتنهي كل شي بينه...
اعصابي تلفت عطت بيها ولو كدامي انهيها والله...لج
لتخبليني كاافي ...
لزكتي بنعال ..كتلك مرتي ومجبور عليها
وج واني كل كم شهر لو اتقربلها لو لا ...
شتردين بعد ..كاافي الخاطر الله
موتيني...
والصبح تعرفين كلش زين ما ماد ايدي عليج
لين دستي ابطني وجاوزتي...
ليلى...ايي اني اجاوز وما احترم وحارمتك من مرتك حبيبتك عوفني ...
ومره الك ما صير ...ما ريدك
عقل ما ضل براسي منها...
تصيرين وغصبن عليج ..
كالت ..والله العظيم اذا ما اجلت موعد الزواج والله
اكتل روحي ..وما صير الك
قبل ما احجي سدته بوجهي...
تمنيتها كدامي ...احس قلبي صارر بركان من القهر
محسيت غير واني اصيح واكسر بالمكتب ...
ليش ...حبيتها
ليش..
عمري مشفت الراحه وياها ...
وهسه متريدني وج والله اكتلج بيدي
اذا مصرتي الي والله ...
هديت شويه والمكتب انكلب كلاب...
دك التليفون ...ادور عليه وسط الهوسه
كوه لكيته...طلع عمي
اباوع ..لو معمي ولا شايف بتك
وحابها ما جان هذه حالي
اخذت نفس وجاوبته...
هلا عمي..
بعد ما سلم ...
كال..ابني بخصوص موضوع العرس
كتله واني كوه لازم اعصابي اوف لو كلك عمي على فعايل بتك ...بس كلبي الاغبر الما طيح حظي غيره...
يتخبل ولا اشوف اخد اماذيها..
اي عمي بشر ...
كال ..كلت اليلى وتعرف بنيه وعدها امور اجهزها
فاقترحت العروس ابني لو تاجلون العرس شويه ...
بس هاا اني انطيتك كلمه...اذا مرايد لتجبر نفسك ..
تعال الخميس كبع واخذ ...
كتله واني نفسي اجي هسه اخذها والله بس اعرفها خبله وخاف تسوي بروحها شي ...خليها ليما احضى بيها اعرف شلون اربيها...
لا عمي ..حقها ومثل متريد خلي بعد شهر ترتب امورها
وما رايد منها شي تجيني بعباتها ...وها هيه
نهيت المكالمه من عمي ...واحس روحس شاطت
ضليت ادك عليها ماكوو مجاوب ..
واخير شي غلقته...
كسرت الجهاز ركعته بالحايط .. من حركت قلبي
وج ليش هيج تسوين ...
كمت اللوب بس اريد اشوفها ...
ثاني يوم رحت لبيت عمي من الصبح بحجه عندي
شغل ويه فارس...
وما جت ولا سلمت ...
احجي ويه فارس وعيوني ادورها بلبيت
اخير شي استسلمت ...وسئلت ازل عليها
كالت طالعه ويه امها...
يعني ااني الليل كله منايمه واتصل بيها وحضرتها
مكضيتها طلعات بدون اذني...
اسبوع كامل البيت مداخله عكد ادخل ابدل
واطلع حته نومه انام بلمكتب ...
الدنيا طالعه من عيني ...
اروح الصبح الها قبل متروح للجامعه...
الكاها رايحه ..الحقيره
مغيره موعد جيه الخط
الى ان طفح الكيل...
خابرت عمي كتله عازميني بره الديره ...
واريد اخذ ليلى وياي ...
معارض عمي
وكال حقك ابني مرتك هسه ابلغها تحضر نفسها
..
كتله بسرعه قبل ليكللها لان اعرفها راسها يابس ومراح ترضه....لتكللها عمي
ارد اسويها مفاجئه الها اني الصبح اخذها قبل لتروح ..
اخذت موعد جيه الخط...
واخيرا راح احضه بيج اذا ...ربيتج من جديد ما يطلع
اسمي ضرغام ...
على قهر الاسبوع اتهجولت من وراها ..
....
جبل:
قررت ما روح للمزرعه ..حته ما شوفها واضعف
كلش ضجت منها ...
بقيت اشتغل حته مجبتها خابرت فهد ياخذها وياه..
موو هذه لتريده ...
ضليت الوكت كله اكل بروحى واني اتخيلها تضحك هسه ويه فهد ..
ضليت افتر بالمكتب رايح جاي ...واريد اطلعا من راسي
ماكوو...الا ان خابرني حمزه الي مخلي يراقب عايض
جاوبته...ها حمزه خير
حمزه..سيدي عايض طلع من شقته من نص ساعه
وهسه بطريقه للمزرعه ...
استغربت عايض شودا وشعرفه احنه بالمزرعه..
كتله بامر...ابقه مراقبه ولتخلي يغيب عن عينك لحضه..
جاي اني بلطريق...
اخذت السويج ونزلت بسرعه ..
حركت طاير للمزرعه ...اعرفه ميروح مكان اذا ما سوه
مصيبه بي...
وصلت للمزرعه لكيت حمزه اباب المزرعه...
نزلت وكتله ..
صار شكد من وصل
حمزه...هسه سيدي صار خمس دقايق
كتله واني اتجه للباب...تمام ابقه مكانك واذا طلع
الحكه...ولتخلي يغيب لحضه عن عينك..
دخلت بسرعه ...
باوعت من بعيد الديوان هوسه بيت خالي وخالاتي
وكلها...يضحكون مبين محد دره بجيته
اني ارد ادخل جوه...
واسمعه يكول...ولو يا حلو
التفتت واشوف عايض جسمه مغطي على احد
دا يحاجي...
اتجهت اله ...واني اريد ارزله لان حذرته من قبل
ميعتب المنطقه...
صرت ورا سمعته كال..
عايض ..بس معرفت الحلو منين
ااني لمحت ديم عقل ما ضل براسي ...
يعمي جان يتغزل بيها ..
جريته كبل من ياخته..
كتله واني اجره لبره المزرعه ما ريد احد يحس
...
ااني اعرفك..
ديم اول مشافتتي شهكت متفاجئه...
كالت بخوف..وهي تمشي وراي
جبل ..عوفه شبيك مسوه شي
ااني دمي فاير صارله ساعه يتغزل بيها وهاي جايتني
ادافع عليه..
عطت بيها وقهر الدنيا كله بيه...
طبي جوه لا والله انهيج هناا..اامشي وياني وياج
االكاج معتبه باب المزرعه
...
عفتها وجريته وراي وهو يصيح
وساعه يضحك ...عرفته شارب
طلعنه المزرعه ...
وكفته كبالي ضربته بوكس واني اعيط بي..لك خسيس شوكت اتوب...مو فضحتنه
وجاي هسه تتحارش بعرضك
ابت عمك يا عار...
كام يضحك وحلكه كله دم وكال...
يعني هاي الصاكه بت عمي ...اي يااب
مبين راسم عليها مو ابن العم
ما حس غير نمت فوكه ...
ووجها صار كله دم ...اجه حمزه
كام يدفع بيه ويوخرني ..
كال..سيدي راح يموت جوه ايدك..
فقدت دفعته...ورجعت اضربه
شويه يله كمت عنه ...
وجها مورم وكله دم ...
كتله حمزه...اخذ هذه الجلب وذبه بلتوقيف
خلي يتربه شويه ...ويصير رجال
ويتعلم يدافع على عرضه..
.........