27
كمش اديه وعيونه بعيوني...
كال بخشونه بصوته اارجولي ونبرته الحنونه...
وج والكفل زينب...ما وحده گدرت بحياتي كلها
وهو يخلي ايدي على صدره مكان گلبه..
تهز هذه ...جان حجر بصدري مو گلب
شفت هواي وعاشرت هواي...بس جانو بنضري
حاجه رجل لا اكثر ولا اقل...
حته ما اعتبرهم نزوه...لان مكدرت وحده اتاثر بيه
او اتحرگ كلبي...
جان عقلي هو المسيطر علي..
وجانو كلما يحجولي علعشك والحب..
اضحك واگول بكل ثقه ..مو اني لتهزني مره
بس بليله الشفج ..لاول مره ادرس عندي گلب
ولاول مره افقد السيطره على نفسي...
من كلتي انتي بت عمي...
حسيتج ملكي ...وها هيه
حاولت اعاند گلبي ..وما اخضع اله
بس الضاهر ...النجر وگع ومحد سمه عليه
قاطعني ...صوت التلفون
واديها بعدها بيدي...
باوعت للرقم...
كتلها واني اكوم... هذه ابو المطعم صديقي
اكيد جهز الاكل ...
اكعدي واخذي راحتج..
ثواني واجي..
ابتسمت وهزت راسها...
ديم...يحجي وكلبي احسه ينبض ويه كل حرف يطلع من شفايفه..
ما ريد اكره روحي اكثر...واتعلق بي
ما ريد امل جديد..
كل ما اريد ابعد...الگه روحي متعلگه بي اكثر واكثر...
كل ما اتذكر الماضي...
اكره روحي على غبائي ...واكره الحب
سنين يله رممت جروحي...ما ريد
انطعن من جديد...
هل مره اموت والله ...
محسيت غير دموعي على خدي ..
وشبح الذكريات ايطاردني...
حسيت صوته وراي مسحت دموعي بسرعه...
وهو يگول بحماس...
وهذه اطيب سمج لاميرتي...
اباوعله شايل بيده ..صينيه جبيره..
نزلها وكام يعدل الاكل..
اضحك على نفسي...اذا اكدر اتركه
جبل مو رجل عادي ممكن يمر بحياتي مرور الكرام
...
ماكو هروب من حبه ...
اجه كعد بصفي...
اباوع للاكل شكله يشهي ...سمجه مسكوفه جبيره
كلش ويمها تمن احمر..وانواع المقلات الشرقيه
...
كتله...شدعوه هاي كلش جبيره
قابل شكد حناكل ...
گال بثقه وبأمر وهو يرفع اكمام قميصه...
حناكلها كلها او بلاحرى حتاكليها كلها..
هاي كلها فيتامينات ...شوفي وجهج
مصوفر وهو يلزم وجهي من حنجي...
وشوفي جسمج ...جنج كرسوع ما بيج لحمه
تلزمين منها...
فتحت عيوني بصدمه وزعل واني مبرطمه واني ااشر على روحي...
اني كرسوع مو...روح ما ريد اكل زعلت منك
جرني من خصري وكعدني بحضنه ...
شهكت وصحت بخجل...
جببل ...سدتسوي عيب الناس منا
گال بنبرته الرجوليه وهو يبتسم بطرف شفته...
اي كرسوع ...شوفي واني اتلمس خصرها
ونوب معترضه...
عصر ليمون علسمج...
وشال قطعه بايده قربها من شفايفي ...
يله بنوتي ...كولي ااه
من الفشله مدري وين اودي وجهي واني كاعده بحضنه...
كتله بترجي...والله اكولها كلها بس خلي اكوم
..حباب
كال بعناد...دكلي هاي وعود افكر بين ما اكل
فتحت حلكي ...اكلت من بين اصابيعه طعمها عجيب
مدري هيه طيبه لو لين جبل لموكلني بيده ..
صار طعمه عسل...
يباوع لشفايفي واني اكل ارتبكت فوق احراجي ..
كال وهو يرفع حواجبه بثقه...
شون الطعم ...
كتله واني احاول اكوم من حضنه..
عجيب..يله حباب خلي اكوم
كال وهو يفتح اديه من خصري..
كومي هسه وتعاي بصفي كعدي ...
واذا ما اكلتيها كلها ...راح اكعدج بحضني
ووكلجياها كلها بيدي...
كعدت بصفه واني احاول اعدل تنورتي...
بلش ياكل بشهيه ...شكله يجنن
حاولت ما اباوعله...اخذت شوكه
احاول اوحر الشوك من السمجه...واكلها بلشوكه
سحبها من ايدي ...
وكال... السمج حلاته تاكلي بايدج هيج
قطع قطعه ...بده يوخر الشوك بايده ويخلي كدامي
ابتسمي لشكله ...
اخذت باصابيعي من الفصصهم ..وبلشت اكل
ممتعوده اكل بيدي...
كتله ...طعمها عجيب سويلي بعد حباب
كال...بعد شتريد حضره الاميره ..
جبل كام يوكلها بيده ويفصصلها ...هسه تدرين
لو تحجين لاهلي على حالتي هاي...يگلج
اكيد انجنيتي...
تدرين وياج ...جاي اكتشف شغلات بيه
بحياتي ممتخيل اسويها...
ESTÀS LLEGINT
عشك الجبل
Chick-lit#ْعشِڴ_الُجْبّلُ🔞🔞🔞 #الجزء_الٲول يهمس بحده وغضب ولكن بنبره خلت روحهه تموع بمكانها متعرف شنو الي صار بيهه وهي ضهرهه لازق بصدره وتحس بتقلص عضلات من يتنفس ، وهو يمرر انفه علي ركبتهه... وج ما عاشت ولا كانت الي ترفض الشيخ جبل، وهو يمرر اصابيعه عخصرهه،...
