18 الوحش
من وصلت اني وبابا ...
حسيت بشعور غريب الانتماء وانو صدق اني بنت هاي الگاع حته الهوه اختلف ...صح اني انولدت وعشت بالسويد
بس دائما جانت الوحده رفيقه اليه...رغم صديقات واصداقاء
عندي كلش هوايه لان طبعي اجتماعيه...
دائما الي يشوفني اول مره..يعتقد انو اني مغروره..
ما اعرف شنو السبب ...
وبنضرتي الخاصه ...ماكو شي يخلي الانسان يغتر مهما كان واصل لدرجه من الجمال او العلم ...او حتى المال...
اول منزلنا لگينا سياره وحرس منتضرينه ...اتفاجئت
اعرف انو عائله بابا كلش غنيه بس متوقعت لهاي الدرجه
ولي عرفته من بابا انو ابن عمي..اله مركز مهم بالدوله
لذلك الحرس شي اساسي عدهم...
وصلنا لبيت جدو ...واتفاجئت ابيت اقل ما يسمى قلعه ..
محاوط بالبساتين من كل جهه مساحته اتوقع ..اقل شي الفين متر ...
بناء عمراني عجيب كانو من التراث ...صدق اتفاجئت مجنت متوقعه انو اكو بالعراق هيج اشكال وتطوو
...
دخلنه بابا من اول مدخلنه البصره وهو مثل الي مضيع شي ثمين ولگا..
اول مره اشوفه هيج
فرحان...
باسني من راسي وگلي...بابا ديم فوتي جوه لبيبيتج...شويه ولحگج..
طبعا اترددت شون حدخل وحدي وعلي ناس اول مره اشوفهم...
كتله:بابا لعد انته وين حتروح...شون حدخل وحدي ومحد يعرفتي جوه...
بابا وعينه على البيت ويحجي بفخر:بس حدخلين راح يعرفوج...لتقلقين باباتي...
حروح للديوان وانشا الله اللحگج اني وجدج...
راح بابا واني اتوجهت للباب الجبيره الي هيه الرئيسيه للبيت...
شفت شاب كلش ضخم جان لابس لبس عربي...وواضح من شكله معصب ...
طلع من الباب جان مستعجل ومنتهلي..
عاف الباب مفتوحه..
دخلت وتعرفت على بيبي وغزل الي اعتبرتها صدق مثل اختي ..
وماما ام جبل..ناس كلش طيبه ..
بعد ما اتعرفت على جدو وعمامي وولد عمي والبنات..
صعدت انام لان كلش تعبت ...
محسيت على نفسي من التعب...
مگعدت الا الساعه 12 ...
نزلت لگيت الكل نايم ...سويتلي ساندوح سريع
وطلعت بلحديقه اخابر امجد ابن خالو لان داگ عليه يمكن 30 مكالمه من اني نايمه...يعرف اليوم وصولنه واكيد هسه قلق...
طلعت دكيت عليه...
جاوب بعد ثاني دكه...
امجد:هلو بديم الگاطعه...وين جنتي بعد وكت لو مخليتها الباجر يله داكه
ديم:وسم اكلتني بكشوري جنت نايمه والله..
امجد:السمج العوبه، مو دكيت عليج الف مره وانتي ماكو...
ديم: لجذب هنه 30مره شبساع صارو الف،شكد تحمه يا اخي
امجد:والله مو صوجج صوجي اني المطي الضال بالي على غبيه مثلج، وفوكاها هيه المانه علي..
ديم واني متت ضحك:والله اول مره بحياتك تكول شغله صح ونتفق بيها...
امجد باستغراب:ادري اني حجيي درر..بس شنو هو
ديم واني عيوني دمعت من الضحك:انو انته مطي..
واني بعد ما كدرت الزم روحي ..
امجد واحسه راح يخنگني لو گدامه:والله صدق مطي، لان داگ علي خبله مثلج وعايف الصاكات ينتضروني ...
ديم:اوي عيني يا معذب قلوب العذارى...صدك ولك حبيبتك بعدك وياها
امجد باستغراب:عن اي وحده تحجين،حددي بالضبط
ديم: يمه منك اذا انته عشره عشره...وك اثبتلك على وحده بدل متلعب ابنات الناس..
امجد:تره مجابر وحده وانته اكثر وحده تعرفين...
عاجبهن اللعب خلي نلعب شعدنه..يبنتي عيشي حياتج الدنيا مو مثاليه مثل ما انتي تتوقعين...
ديم: ادري مو مثاليه بس مو معناها انو الي يضحك عليه ويخوني..اعامله بلمثل هلشكل حصير مثله..
امجد:كافي مليت عوفي هل حجي،شوكت حتجين مشتاقلج ومشتاق الايامنه الحلوه بلسويد...
ديم خلت ايدها علي وجها من الضحك:لتذكرني بالخبالات الجنه نسويها...
تذكر اخير شي خطيه الرجال شسوينه بي.
امجد وصوت ضحكته طرشت اذني:كل ما يجيب النه اكل،نكله هذه مو طلبنه، لو الاكل بارد..
خطيه اخير ذب ذب المريوله وستقال...
ديم:والله وقتها متت ضحك عليه ...
امجد: حمستيني حته نلعب لعب من تجين..شوكت دگولي
ديم واني احس بحركه ورايه عبالي بزونه مهتم:يمكن الخميس اجي ..حته ابقه اسبوع ابغداد وسافر مناك...
لان تعرف عندي شغل كومه واجيت اهنا بحجه عمل ...
لانو اتعاقدنه ويه مستشفى هنا بلبصره..
حته اسوي كم عمليه مستعصيه لبين ما اسافر...
امجد:موتيني كله شغل شغل،درتاحي شويه قابل الشغل حيطير...
اني ردت احجي محسيت غير ايد ضخمه قاسيه كمشتني قوي،
والثانيه خله مسدس على راسي ...
من الخوف حته مكدرت اقاوم ..الصدمه شلت جسمي
كلش اخاف من الاسلحه ...
همس بصوت حاد خالي من المشاعر يرعب...
اشش صوت وافرغ المسدس براسك ..عاار ولا حسس
دموعي كامت تنزل بدون صوت ارد اعيط ما اگدر...
بالبدايه عبالي حرامي بس من حجه...
عرفت عباله اني الحرامي..
گلبني وصار فوگي اخذ الفون من ايدي...
واسمع صوت امجد يصيح عليه...
بقه مخلي التليفون على وجهي ...ومدري شيحجي بهمس
انفاسه الحاره علي وجهي،كامشني قوي
متت رعب ...كتله بين دموعي ..
ووخر حباب..والله ممسويه شي،اني ديم بنت مازن
صرت ارجف وهو ديتقرب من وجهي...غمضت عيوني
بقوه ...اتمنيت كابوس ويخلص ...
صار يتقرب مني اكثر...وهو جسمه كلش ضخم واني ناعمه يعني ماكو مقارنه ..مالي امل بلمقاومه..
اتهسترت...
دفعته من صدره احس اختنگت...
كمت ابجي واصيح..واني اشوف المسدس اتخيل اي لحضه حيطلق عليه...
وخر حباب شبيك حصيح بابا عليك..وخر المسدس حموت...
صدق وخره ...بس جسمه علي جسمي
احس حموت كلش يرعب وثگيل..ادفع بي ميفيد...
اشو هذه دحس وجه بركبتي..
كمت ارجف ما ادري،شسوي احس بلمسه لحيته علي بشرتي
وشفايفه يمررهم علي رگبتي...
وهمس بصوت واحد ميهمه شي وبنفس،البنره الحاده..
صيحي، ميهمني محد يكدو يخلصج من ايدي..
انفاسه على رگبتي مدري شسوت بيه، خوف رعب شعور ما اگدر اوصفه...يربي شطلعني شراح يخلصني من ادين
هذه الوحش...
خله شفايفه علي شفايفي من دون ميطخهم...
اول مره بحياتي احد يتجرء وياي ..صح جنت عايشه بره وكل شي شايفه ...بس جنت مخليه خط احمر محد يگدر يجاوزه وياي...
بس هذه بلحضه اتخطه كل الخطوط بدون اذن...
وگعتي بادين الجبل..ومحد راح يخلصج مني..
لهنا وفقدت حته لو يقتلني ..منو هو حته يلمسني هيج...
صرت اصرخ وادفع بي..
وخرر حقيرر..عوفني
اشو هذه كام مني فوگاي وسحبني بكل قوه احد اديه انخلعت...
عصر فكي احس اصابيعه دخلت بوجهي...أذاني كلش
كمت اون بوجع...واحاول اتخلص من اديه بس بدون فايده ليكول حديد مينزاح...
قرب وجهي اكثر اله صرت لازگه بصدره كلش ..وحسيت بايده غرست بخصري ...
قبض علي خصري قوي...موتني وجع.
همس واحس انفاسه نار من العصبيه ..
باعي لج ...اذا عله صوتج لا لسانج طول اكصه بديه...
مو جبل الي تجي وحده مثلج تعلي صوتهه عليه ..انهيج والله
راح ارحمج هاي المره عيونج شفعتلج ،ولان جديده ومتعرفيني منو ...اني الشيخ جبل ابن عمج
فهمتي ...
گلي هيج واني عيوني تجري...أذاني كلش
رجع صرخ فهمتي ..واحسه وحش وراح ياكلني..
هزيت راسي بخوف..
عافني وصرت اتلمس وجهي لان گمت ما حس بي...
بس بعده متملك خصري....
عاط بيه احس اذاني حينطرشون اليوم من هذه الوحش..
بس يصيح ...
وح شمطلعج بنص الليل ...وهاي شلابسه خرب اهلج..
اديه اذتني عاصر خصري حيل ...حاولت اوخره...
لهنا وكافي ..ومنو هو حته يتحكم بيه...شكيت انو هو من ولد عمي..بس ما اله حق يتحكم بيه...
باوعتله بقوه وهو مينشاف منه غير بس عيونه التجدح نار من التعصيب....
اولا وخر اديك مني...وملك شغله بيه
بعدين انته باي حق تلمسني..واني حته معرفك منو
البس الاريده واطلع وكت الاريده..
احجي واني كل خوف ..لان عيونه متبشر بخير...
كمشني من زندي بقوه عصره...وعاط وهو مفول وعيونه حمر
وج سكتي لا اكفر بيج هسه ..بت الكلب
لسانج اطول منج...باعي انتي هنا بت عمي حالج من حال البنات تلبسين ...مو عبالج لبس الاجانب يمشي عدنا ..واكسر رجلج اذا عتبت باب البيت بدون علمي ...
اتاكد هو ابن عمي...كلش اذاني ويه كل كلمه يعصر ايدي اقوه...
كمت اضرب بصدره واحاول أفلت اديه من قبضته...واني احجي بعصبيه...
انته خبل..وخر عوفني محد يتحكم بيه لا انته ولا عشره مثلك...
لتخليني اخذ جنطتي وارجع هسه ...واشوفك منو المتطلع
مو ديم الي يتحكم بيهها واحد همجي مثلك...
محسيت غير راجدي فار وجههي...
ردت اوكع لوما هو لتزمني من اديه...
كمت ما حس بخدي..احس بس حراره
صدق انقهرت وعصبت منه..اول مره بحياتي احد يجرء ويضربني ...
عيونه صارن نار ..گام يعيط
شوفيي منو التطلع بالله يا ساق*** ،الضاهر عمي معرف يربيج ...ربيتج علي ايدي
حسيت بشي ينزل من شفتي ...اتلمستها شفتها گامت تنزف...
من جاب بابا صدگ كرهته واني بحياتي ما كارها احد...
كتله واني ارفع اصبعي بوجها ..
لتجيب طاري بابا على لسانك ...عبالك انته رجال، انته مو رجال الي يستقوه على مره ..هذه مو رجال
عصر ايدي حيل الخبل...وصار مثل الوحش يهزني بقوه گلت اكيد حموت اليوم باديه...
رجال غصبن علخلفج...تردين اشوفج الرجوله شون تصير
الا اخليج ...تتمنين ما جابتج امج للدنيا
مشه بسرعه وهو يجرني وراه..كمت ما حس راسي
كام يدور...
اسمع صوت غزل..اخير شي اذكره قبل ما اوگع بادين الوحش وكل شي صار اظلم ...
حسيت بشي بارد على وجهي..
وملمس ادين دافيه تتلمس وجهي...
كمت اون من الوجع جسمي كله يون عليه...
عبالي جنت احلم...
حسيت بانفاس دافيه على وجهي..
وهمس بنبرته الحاده لاكن بهدؤء...
..ام اللسان اني الج ...تربيتج على اي
عرفت انو كل الي صار حقيقه...
سمعت صوت غزل ارتاحيت يعني اني مو وحدي ويه هذه الوحش...سمعته يكللها..
..الي صار محد يدري بي
وگليلها اذا تطلع مفرعه لو بهذه اللبس اكص رجلهه ...
خاف متعرف منو جبل ...هسه عرفت
جبل مو بسيطه ...راح اعرفك منو ديم
بعد ما طلع اتنفست براحه..
اجت غزل تركض وهي تتلمس وجهي وتحجي بخوف..
وج هاي شبي وجهج...
وشمسويه وخليتي جبل هيج يصيح عليج..
كتلها واني دا اكعد اشرب مي..
انطيني مجال خلي اخذ نفس ..هذه الوحش
گطع النفس عني...
حجيتلها كل شي ...
اشو هاي دكت على خدها...
دهر صابج ...وانتي ما عرفتي تغلطين الا علي جبل..
وج زين ما ذبحج ...وج هذه الشيخ اله هيبته واحترامه
واحنه الكل وحته جدي بكل عضمته...
عنده جبل شي خاص...محد يتجرء يگله لا
گتلها واني بداخلي خفت بس ما ابين..
شيخ على نفسه وعليكم...مو عليه اني محداله سلطه عليه
ضيفه ازوركم كم يوم واروح مو من حقه يضربني..
والله لو ما خاطر بابا وما ريد ترجع مشاكله ويه جدو..
لهجمت البيت فوق راسه..
غزل:ام البلاوي گعدي، لا اتفضحينه اذا خلاج الجبل برأسه
ما تنامين الليل وعلي..
ديم: وعليش خبصتينه بي..
غزل:ديم صح انتي اختي بس جبل رجائا لتقللين من قيمته ...صح هو يبين قاسي،بس وربي ماكو اطيب من گلبه..
ديم بستها لان مهما كان اخوها ومترضه عليه:اسفه حبيبتي..
بس معصبه كلش اعذريني..
غزل: دنجبي عوبه انتي اووختي الجديده...عدنا مصالح مشتركه ما ازعل منج..
ديم:صدق ام المصالح المشتركه..وين جنتي بنص الليل
واني اجيت لغرفتج من گعدت ملگيتج..
واني اغمز الها..
وجها صار احمر ..
انجبي، جنت ويه جاسر..
ديم: هلو ياب،ومنو جاسر عيني
غزل:رجلي والله ...
ديم: تعاي مدام ما عدنه شي احجيلي قصتج انتي وجاسر...
وبدت غزل تحجلي قصه عشگها...
متوقعت اكو هنا مثل هيج حب...
ضلينه للصبح گاعدين نسولف...
نزلنه جوه ساعدنه ماما علفطور...
شفته وسويت نفسي ما عرفه...
هاي بدايتها سيد جبل..وانته البديت
----------
جبل:-
طلعت الصبح مرجعت لليل حاولت اشغل نفسي بكل شي
حته ما فكر بيها...
لازم انساها وما خليها تشغل تفكيري...
خابرت جاسر...
هلو ابن العم ..
جاسر:-هله ببو اسد، شلونك
جبل واني كاتم ضحكتي:من الله بخير،بس انته وينك غايب صار اسبوع مشايفك
صاير مثل العتاوي متنشاف ...تكمز هنا وهنا
جاسر كام يكح وادري بي افتهم: والله مشغول، تعرف اجتنه
وجبه ادويه جديده...والشغل صاير فوق راسي
جبل بجديه:جاسر شعندك،يم عماره عايض
جاسر بحقد:شغله بيناتنه جبل،لتشيل هم
جبل:ما اتوقعت منك تضم عليه،تره اخوك انه اعين وعاون
بس گلي النذل شمسوي وياك ودواه عندي...
تره سالفه الگاع متمشي علي..
جاسر:لتخلي ابالك ابو اسد..من ييجي وكتها اني اكلك..
جبل:جاسر ما ريدك توصل يم عايض عندك شي گلي اول..
جاسر:تأمر ابو اسد..عد عيناك
جبل:ميامر عليك يغالي..والخميس غداكم عدنه انته والعايله مو تنسه..
جاسر:لا شلون حته اجي اسلم على عمي عيب..لحد هسه مجايه..
جبل:شعجب يا اخي ..معقوله ممسلم عليه مشايفه مبايسه..
لك هذه العم قطعه من الگلب..
جاسر وهو يضحك:ضل صنف ضل هو شراح يموتني غيرك انته واختك...
نهيت المكالمه...اباوع للساعه 6pm ما ريد ارجع واشوفها..
قررت ما ارجع للبيت ...
خابرت البيت كتلهم عندي شغل اليوم ما اجي...
رجعت خابرت دعاء
...
اول مردت..كتلها بأمر..
حضري نفسج جايج هسه...
سديته قبل ما اسمع ردها.. مراح يفيدني اليوم غيرها..
تتحملني باسوء حالاتي...
صعدت سيارتي بدون حرس رحت وحدي...
اول موصلت ...انطيت السويج للحرس..
فتحت الباب..
اجتني تركض لابسه قميص نوم اسود..
دعاء زوجتي بلسر ابنيه كلش حلوه ...بيضه ليكول حليب والعيون زرگ والجسم مرسوم الي احبه..والشعر اشكر اخت احد المساجين..جانت تجي تزور اخوها ..
وشويه شويه بدت تكثر زياراتها وتحاول تتقرب مني..الى ان اجتني مره صارحتني بحبها...
كتلها بابا هاي سوالف المزعطه متمشي عدي..
ضلت مصره وكل ساع جايه...
اخير شي اجتني تتوسل بيه..
جبل فدوه لقلبك...اتزوجني بلسر قابله..
كتلها..ولويش ترضيها على نفسج اتزوجج بالسر وانتي حلوه
واكو غيري يكدر يتزوجج زواج طبيعي ويعيشج احسن عيشه...
حبك هو الخلاني مثل المخبله...رضيت اكون نزوه بحياتك
بس كون اصير وياك..
اتزوجتها قبل 3اشهر..
شكد ما اعصب او أتذيها متحجي شي ...تحاول تهديني وتحتويني...
شبكتني قوي...حبيبي اشتاقيتلك طولت عليه هل مره...
#⁽ يَٰـُـٰٓتَٰـُـٰٓبَٰـُـٰٓـــــــــــــ؏ ՞ ⁾ ⁞ ⁽💗₎