الإبتعادْ لا يعنِي الإسْتِغناء أبدًا
قد يكون تأديبا لِنفس تعِبت من شِدة الإقتراب 💔
__________________________________
صباا كان معاها كشاف صغير بتنور بيه طلعت من الباب الخلفي للڤيلا وشافت اتنين من الحراس واقفين
صباا اخدت نفس وخرجت
صباا للحراس: لو سمحتوا النور قطع ومش عارفين من اي ممكن تدخلوا تشوفو في اي
الحارس ١ : ااه طبعاا تحت امرك
دخلوا الحارسين وبيحاولوا يشوفو العطل منين
ف الوقت ده صباا استغلت انهم مشغولين ف النور وخرجت تجري
فضلت تجرري تجرري وهي بتنهج وكل شويه تقف تاخد نفسها وتكمل لحد ما وصلت محطه قطر ركبت اول قطر كان ماشي وهي بتاخد نفسهاا ومش مصدقه انها هربت
ف الڤيلا
الحارس١ : انا مش فاهم اي المشكله كل السلوك مظبوطه اومال النور قاطع ليه
الحارس ٢ : طب ما تيجي نشوف سكينه الكهرباا يمكن فيها حاجه
الحارس ١: فعلا يلاا
راحوا ولقوا سكينه الكهرباا نازله رفعوا السكينه والنور اجاا
ح١ : اي ده السكينه كانت نازله
ح٢: تفتكر حد منزلها
ح١: اكيد اومال هتنزل لوحدها...هي فين مدام صباا
ح٢ : واقفه مستنيانا ع الباب
راحوا ملقوش صباا ولقوا الباب مفتوح
ح١ بخووف : الباا...ب مفتوح تفتكر تكون هربت يا نهار اسوود ده لو ادم بيه عرف هيموتنا
ح٢ : امشي بسرعه ندوور عليهااا بلغ باقي الحرس اكيد مبعدتش كتير
__________________________________
ف القطر
كان القطر شبه فاضي مكنش في غير ست كبيره وكام شخص
صباا كانت قاعده سرحانه بس لاحظت نظرات الست الكبيره ليها
صباا مفهمتش هي بتبصلها ليه فإتجاهلتها
الست قربت ع صباا وطبطبت ع كتفها
الست : مالك يا بنتي اي اللي جرالك وليه نازله بهدوم البيت كده
صباا بصت ع هدومها وافتكرت انها نازله بهدوم البيت ومغيرتش هدومها
صباا بإحرااج : اا..صل مللحققتتش اغير
الست : ولا يهمك يا بنتي انتي شكل حكايتك حكايه
( وطلعت من كيسه معاها عباايه سوده )
خودي يا بنتي العبايه دي البسيها تسترك من عيون الشباب
صباا بإمتنان : شكراا ياا طنط مش عارفه اقولك اي
الست : متقوليش حاجه انتي زي بنتي قوليلي انتي راحه فين ولمين
صباا بتنهيده : رااحه مطرح ما القطر رايح والله ما عارفه هنزل منه اروح فين
الست بطيبه : يا حبيبتي....طب اي رأيك تيجي تقعدي معايا لحد ما تشوفي حل لمشكلتك انا عايشه لوحدي
صباا : لا يا طنط مش عايزه اتعبك معايا انا هتصرف
الست : تعب اي بس قولتلك انتي زي بنتي ولو بنتي كانت ف الموقف ده كانت هتحتاج حد يساعدها
صباا بشكر : انا مش عارفه اقولك اي والله شكررااا
الست : لا شكر ع واجب ارتاحي انتي شكلك تعبان ولما نوصل هصحيكي انا اسمي امينه يا بنتي
صباا بإبتسامه: مااشي يا طنط امينه
حطت صباا دماغها ع الكرسي وهي بتفكر يا تري هتبقاا ايامهاا عامله ازااي لحد مانامت
__________________________________
عند ادم
ادم كان قااعد ف اوضته قلقان بيكلم صباا وتليفونها مقفوول
فجأه موبايله رن ووكان الحارس
ادم رد : في اي
الحارس : ايوه يا ادم بيه.....صباا هانم......
ادم بخووف : مالها صباا جرالها اي انننطق
الحارس : هربت يا بيه مش لاقينها دورناا ف كل حته ملهاش اثر
ادم حس ان الدنياا اسودت مش مصدق اللي بيسمعه معقول سابته معقول مشت ومش هيشوفها تاني معقول اتخلت عنه
فااق ادم من شروده وملامحه اتبدلت من الخووف للغضب وعنيه اسوودت بالكرره
ادم بجمود : انا نازل القاهره دلوقتي بكره الصبح لو مكنتش عندي اعتبروا نفسكوا ميتين
الحارس : اعتبرها رجعت يا باشاا
قفل ادم وفضل باصص قدامه بجموود وفجأه بدأ يكسر كل حاجه قداامه وهو بيقول : لييييييه لييييييه ياا صباااا ليييه ده انا كنت هغير كل حاجه عشاانك لييه عملتي كدده انا كنت هنسااا انتقااامي عشااانك ليييه
وقف مكاانه بعد ما كسر كل حاجه و اتصل بحد وقاله : عايز طيااره خااصه فوراا ناازل القااهره دلوقتي
وشد الچاكت بتاعه من ع الكرسي ونزل
_____________________________________
صباا نزلت مع امينه وصلت معاها بيتها
كان بيت بسيط ع قد حاله بس عجب صباا جداا
امينه : معلش بقاا يا بنتي البيت ع قد حاله
صباا : اي اللي بتقوليه ده بسس ده حلوو جداا كفايه انك استضفتيني عندك وانتي متعرفنيش
امينه : الناس الحلوه بتبان يا بنتي ادخلي الاوضه اللي ع اليمين دي وارتاحي دي كانت اوضه بنتي قبل ما تتجوز
صباا : حااضر يا طنط تصبحي ع خير
امينه : وانتي من اهله يا حبيبتي
دخلت صباا الاوضه ونامت ع السرير وهي بتفكر ف ادم بتفتكر قربه منها وريحته بتفتكر لمسته وكل حاجه فيه تفاصيل وشه اللي حفظتهاا
ضحكته كل حاجه فيه
صباا بدموع: معقول وحشني من اول يووم اااه يا ادم لو تعرف بحبك اد اي
ونامت صباا وهي بتفكر ف ادم وبتفكر ف حياتها الجايه
___________________________________
عند ادم
ادم وصل الڤيلا ودخل والحراس ورااه
ادم دخل المكتب وبص للحراس: قولولي بقاا اي اللي حصل
الحارس : ________________
ادم بعصبيه : يعني حتت عيله زي دي تتضحك عليكوا بالشكل ده هو انا مشغل عياال معايا
تقبوا وتغطسوا وتبقاا قداامي بدل والله احسب ربناا مخلقكووش
الحارس بخوف : احنا بعتناا رجالتنا ف كل حته وبيفتشوا ف كل مكان ف البلد وجبناا حرااسه زيااده تدور معاهم و بكره الصبح هتبقاا قداامك يا باشاا
ادم : انا مبحبش استني كتير وانتوا عارفين نتيجه انتظاري
الحارس : تحت امرك يا باشا
وخرجوا الحراس وادم فضل رايح جااي ف المكتب بيفكر فيهاا
___________________________________
تاني يووم الصبح
ادم واقف قداام شبااك المكتب وبيشرب سجااير وعنيه كلها كره وغضب
الباب خبط والحارس دخل
ادم وهو باصص من الشباك : هاااا
الحارس : لقيناها يا باشا.....قاعده مع ست كبيره اسمها امينه السيد ف بيتها والجيران شافوها وهي راجعه معاها امبارح بليل الست دي عايشه لوحدها جوزها مات من سنتين عندها بنت واحده ومتجوزه ومسافره مع جوزها براا البلد ودلوقتي ورجالتنا ف طريقهم راحوا يجيبوها نص ساعه بالكتير وتبقاا قداامك
ادم شاورله بإيده يخرج وفضل بااصص مش الشباك
ادم وهو بيخرج دخان سيجارته : هتندمي يا صباا هندمك ع اليوم اللي شوفتيني فيه
__________________________________
عند صباا
صباا صحيت من النوم وطلعت من الاوضه شافت امينه بتحضر الفطاار
صباا : ليه عملتيه لوحدك كنتي صحتيني اساعدك
امينه : ودي تيجي بررضو انتي ضيفتي واكرام الضيف واجب
صباا : ربناا يخليكي ويقدرني واردلك جميلك ده
اميينه : جميل اي بس اقعدي وقوليلي حكايتك اي واي اللي مزعلك كده
صباا : هحكيلك.......
بعد شويه...
امينه عيطت وحضنتها : يااااه كل ده شيلاه ف قلبك كل ده مستحملاه لوحدك يا بنتي صحيح انك جببل مفيش واحده تقبل ع نفسها اللي انتي قبلتيه
صباا : مكنش عندي حل تاني وبعديين.......
قاطعهم صوت الباب بيخبط
صباا : خليكي انتي انا هفتح
صباا فتحت واتفاجئت ب٣ حراس لابسين بدل ونضارات سوده وفهمت ان ادم عرف مكانها
الحارس : ادم باشا بيقول لحضرتك انك اتأخرتي عليه وهو منتظرك ف الڤيلا من امبارح ......لو سمحتي اتفضلي معانا
صباا بصتله بصدمه : ______________
ونكمل بكره
توقعاتكم
متنسوش الڤوت والكومنت
شهد_محمد❤